За време на посетата на претседателката Гордана Сиљановска Давкова на Србија, таа со домаќинот претседателот Александар Вучиќ ја посети Винаријата Алексиќ во Врање, каде водеше разговари за заедничките можности во лозарството и туризмот,  јави дописникот на МИА од Белград.

Претседателот Вучиќ на неговиот Инсаграм профил напиша дека „со нескриена гордост на претседателката Сиљановска Давкова и ги претставил одличните вина што Србија може да ги понуди. Ручекот во автентичната атмосфера на винаријата Алексиќ, оцени тој, беше можност за неформални разговори и дегустација на врвни вина од оваа визба.

-Со драгиот гостин и домаќините разговарав за заедничките можности во лозарството и туризмот. Убеден сум дека Србија и Македонија можат да понудат многу за секого во тие области, потенцираше меѓу другото Вучиќ на неговиот Инстаграм профил.

The post Вучиќ и ги претставил на Сиљановска Давкова заедничките можности за лозарство и туризам appeared first on Република.

По повод одбележувањето на 2 Август, Илинден – Денот на Републиката, под покровителство на претседатeлката Гордана Сиљановска Давкова, утре – 2 август 2024 година, петок, предвидени се следните активности:

Во Пелинце, со почеток во 10:00 часот, претседателката Сиљановска Давкова ќе положи свежо цвеќе пред Меморијалниот центар на АСНОМ, ќе има обраќање и ќе ја посети спомен собата во Меморијалниот центар. Во рамки на чествувањето ќе настапи ансамблот за народни игри и песни „Танец”.

Во манастирот „Св. Прохор Пчински“, со почеток во 12:00 часот, претседателката Гордана Сиљановска Давкова ќе положи свежо цвеќе пред спомен-плочата на АСНОМ.

Во манастирот „Прохор Пчински“, претседателката Сиљановска Давкова ќе биде пречекана од страна на претседателот на Република Србија, Александар Вучиќ. Двајцата претседатели ќе остварат билатерална средба.

Во состав на државно-црковната делегација која ја предводи претседателката Сиљановска Давкова на чествувањето во манастирот „Св. Прохор Пчински“ се потпретседателката на Собранието, Весна Бендевска, заменик претседателот на Владата и министер за односи меѓу заедниците Иван Стоилковиќ, македонскиот амбасадор во Република Србија, Никола Тупанчески, претставниците од Сојузот на борци, Наум Буревски и Снежана Несторовска и Митрополит Кумановско-осоговски Григориј.

Во Скопје, делегација од Кабинетот на претседателот, ќе положи свежо цвеќе пред споменикот на АСНОМ во паркот „Жена-борец“, пред споменикот на Никола Карев пред Собранието и пред споменикот на Методија Андонов - Ченто на плоштад „Македонија“.

Во Крушево, делегација од Кабинетот на претседателот ќе положи свежо цвеќе на гробот на Никола Карев, пред споменикот на хероите на месноста „Слива“ и на Мечкин Камен.

Во Смилево, делегација од Кабинетот на претседателот ќе положи свежо цвеќе на Могилата на Даме Груев, пред споменикот на смилевските илинденци и на спомен-плочата на партизанскиот одред „Даме Груев“.

The post Претседателката Гордана Сиљановска Давкова на Илинден во Меморијалниот центар на АСНОМ во Пелинце и во манастирот „Св. Прохор Пчински“ appeared first on Република.

The post Телефонски разговор Сиљановска Давкова- Вучиќ: Благодарност за укажаната помош за пожарите и подготвеност заеднички да го посетат Св. Прохор Пчински по повод 80. години од одржувањето на првото заседание на АСНОМ appeared first on Република.

Германскиот канцелар Олаф Шолц в петок ќе отпатува за Србија и ќе разговара со претседателот Александар Вучиќ, најави денеска портпаролот на германската Влада.

Шолц заедно со потпретседателот на Европската комисија Марош Шефчович ќе присуствува на Самитот за стратешки суровини, на кој Србија ќе потпише меморандум за разбирање со Европска Унија за стратешко партнерство за одржливи суровини, синџири за снабдување со батерии и електрични автомобили.

Портпаролот на германската Влада посочи дека „заднината на овој проект е одржливо ископување литиум во Србија“.

Претседателката на српскиот Парламент, Ана Брнабиќ денеска изјави дека ископувањето на литиум државата може да донесе околу 10 милијарди евра дополнителни инвестиции во Србија до 2030 година, а бруто домашниот производ би можел да порасне и до 20 отсто.

The post Шолц в петок патува во Белград appeared first on Република.

Српскиот претседател Александар Вучиќ и се обрати на јавноста од Каиро.

Вучиќ истакна дека имал убав разговор со поглаварот на Коптската православна црква.

„Да научиме нешто повеќе и да стекнеме нови пријатели“.

Претседателот на Србија се осврна на атентатот на поранешниот американски претседател Доналд Трамп.

Тој изјави дека нападот врз Трамп е чист чин на омраза.

The post Вучиќ од Каиро: Нападот врз Трамп е чист чин на омраза appeared first on Република.

Претседателот на Србија, Александар Вучиќ вечерва изјави дека Србите сакаат да го зачуваат Дејтонскиот договор, дека неговото уништување не го сакаат ни Бошњаците, туку нивното раководство како и некои политичари од Запад кои си играат со оган, обвинувајќи ги Србите за тоа, јави дописникот на МИА од Белград.

Вучиќ, коментирајќи ја за ТВ Пинк изјавата на министерот за одбрана на БиХ Зукан Хелез дека Дејтонскиот договор е грешка и дека Вучиќ пукал од снајпер од ридовите на Сараево во 90-тите години, рече дека оваа изјава е многу опасна и праша дали на тоа ќе реагира помошникот државен секретар за надворешни работи на САД, Џејмс О’Брајан, како и амбасадорот на САД во Босна и Херцеговина, Мајкл Марфи.

Тој порача дека ако се покаже и најмал доказ дека пукал од ридовите на Сараево, веднаш ќе престане да биде претседател на Србија.

-Те поканувам, лажго (Хелез), со кинеските дронови од Техноманија, ако не го докажеш тоа, да си поднесеш оставка од позиција која е далеку помалку значајна, рече Вучиќ и додаде дека фотографиите од него со пушка за кои зборуваше Хелез се лажни, како и дека се потпирал на статив од камера.

Вучиќ во гостувањето во Националниот дневник на ТВ Пинк потврди дека Србија во првиот квартал имала 4,7 отсто од БДП и дека е најбрзо растечката економија во Европа.

Тој објасни и дека поради активностите на неколку странски служби во кампањата против ископувањето на литиум, сега пред Србија се Португалија, Франција и Германија.

-Сè можеше да зависи од нас, но бевме наивни, да не речам глупави. Сега ќе ни требаат најмалку четири години за да започне тој проект, а овие земји ќе го направат тоа пред нас, подвлече Вучиќ.

Тој заклучи и дека сакал целиот регион на тоа да расте, како и дека Република Српска има наоѓалишта на литиум и затоа е целата приказна е за конфискација на имот во БиХ.

Српскиот претседател изјави и дека Народната банка на Србија во петокот купила пет тони злато за 350 милиони евра и дека Србија сега има 46,5 тони злато во вредност од 3,3 милијарди евра, за да обезбеди резерви за тешките моменти кои претстојат.

The post Вучиќ: Србите го чуваат Дејтон, раководството во Сараево и некои од Западот сакаат да го урнат appeared first on Република.

Коментарите што по средбата на двајцата претседатели на Србија и Франција, Александар Вучиќ и Емануел Макрон, се појавија во некои медиуми во Србија во однос на насоката на развојот на нуклеарната енергија во земјата, ја третираат ситуацијата и можностите Србија да изгради нуклеарна централа несоодветно, па дури и погрешно на нејзината територија. И тоа е исклучително важно прашање за енергетскиот сектор во земјата, пренесува Политика.

-Врз основа на 45-годишно искуство во реализација на нуклеарни проекти низ светот и управување со нуклеарна компанија, која беше глобален лидер во реализацијата на нуклеарни проекти базирани на технологии на САД, Германија, Русија, Кина и Канада, сметам дека солидна гаранција дека моите оценки може да се сметаат за соодветни. Србија треба да започне активни подготовки за воведување нуклеарни централи во енергетскиот систем на земјата – вели експертот за енергија Ѓурица Танкосиќ.

Според него, не се точни ниту дискусиите дека Србија не е подготвена за изградба на нуклеарни централи. За да започне имплементацијата на проектот за нуклеарна централа, Србија поседува критично ниво на „интелектуален капацитет“. Недостасува нуклеарниот дел од „интелектуалниот капацитет“, но во другите земји кои започнаа со изградба на нуклеарни централи, тој секогаш на почетокот беше дополнет со надворешни експерти. Релативно ограничен број вакви експерти се потребни за подготвителната фаза, пишува порталот „Балкан енерџи“.

The post Србија почнува да се подготвува за изградба на нуклеарни реактори appeared first on Република.

Претседателот на Србија, Александар Вучиќ рече дека утре ќе отпатува за Њујорк, каде со делегацијата ќе се спротивстави на усвојувањето на резолуцијата за Сребреница, која наредната недела е на дневен ред на Генералното собрание на ОН, а амандманите кои Црна Гора ги поднесе на резолуцијата ги нарече „валкана игра“.

„Утре одиме во Њујорк, четири до пет дена ќе поминеме во Њујорк, ќе имам голем број средби, а во четврток сите заедно ќе се бориме“, истакна денеска Вучиќ во телевизиско интервју.

Тој рече дека со него во делегацијата треба да одат само оние кои се „подготвени за борба на секој можен начин“.

Предлагачите на нацрт-резолуцијата за Сребреница ја утврдија конечната верзија на тој документ, за кој ќе расправа Генералното собрание на Обединетите нации (ОН) на 23 мај, а во преамбулата на текстот стои дека „кривична одговорност според меѓународното право за злосторството геноцид е индивидуализирана“.

Иницијатори на предложениот текст беа Германија и Руанда, а амандманите на нацртот беа поднесени од Владата на Црна Гора.

Осврнувајќи се на амандманите што Црна Гора ги достави на резолуцијата за Сребреница, а кои главно беа прифатени, Вучиќ тоа го нарече „валкана игра“.

„Тоа е валкана игра и перфиден трик. Тие намерно оставаат простор за јасен заклучок за морална и политичка одговорност“, рече Вучиќ и додаде дека по враќањето од Њујорк ќе каже со кого за тоа преговарата Црна Гора.

The post Вучиќ ќе отпатува во Њујорк, ќе се спротивстави на усвојувањето на резолуцијата за Сребреница appeared first on Република.

Претседателот Александар Вучиќ денеска пред средбата со српскиот патријарх Порфири и претседателот на Република Српска Милорад Додик изјави дека нашиот народ на Косово и Метохија е изложен на брутален прогон и дека тоа нема лесно да се запре и рече дека ќе никогаш нема да прифати независно Косово, пренесе Телеграф.

„Во секој случај, ние ќе се спротивставиме на нивните незаконски и на сите други акти на насилство, со политички средства и ќе направиме сѐ што можеме за нашиот народ на Косово и Метохија. И секако не морам да ви повторувам дека никогаш нема да прифатиме независно Косово како остварен факт“, истакна Вучиќ.

Тој нагласи дека секојдневно на различни начини не само од срце и душа, туку и физички се обидуваат целосно да ни го одземат КиМ.

The post Вучиќ: Никогаш нема да прифатиме независно Косово appeared first on Република.

Српскиот претседател Александар Вучиќ и лидер на Балканот кој е голем пријател на Македонија, прв ѝ честиташе победа на Гордана Силјановска Давкова.

Ѝ честитам на Гордана Силјановска Давкова за победата на изборите за претседател и упатувам желба успешно да ја извршува одговорната должност што ја презема. Убеден сум дека ќе продолжиме да работиме заедно за зајакнување на врските помеѓу и со цел напредок и благосостојба на нашите народи, како и просперитет на целиот регион, напиша Вучиќ на Твитер.

Честитам @gogamkd на избору за председницу 🇲🇰 са жељом да успешно обавља одговорну дужност коју преузима. Уверен сам да ћемо заједнички наставити да радимо на јачању веза између 🇷🇸 и 🇲🇰 у циљу напретка и добробити наших народа, као и просперитета целог региона.

— Александар Вучић (@predsednikrs) May 8, 2024

The post Александар Вучиќ прв ѝ честиташе победа на Гордана Силјановска Давкова appeared first on Република.

Српскиот претседател Александар Вучиќ пред посетата на кинескиот претседател Си Џинпинг на Белград на 7 и 8 мај изјави дека Кина е најдобриот партнер на Србија во остварувањето на државните цели, јави дописникот на МИА од Белград.

Вучиќ за кинеската CCTV изјави дека Србија е целосно посветена на посетата на Си и верува дека таа ќе донесе корист и ќе биде во интерес и на кинескиот и на српскиот народ.

- Има една важна работа. Договорот за слободна трговија што го потпишавме во Пекинг. Тоа е многу важен договор за нас. Затоа што сега постигнавме вкупна трговска размена од 6,1 милијарди долари меѓу нашите две земји. Верувам дека тоа ќе го удвоиме или ќе биде за три пати повеќе во следните 10 години или дури и повеќе од тоа, рече Вучиќ.

Кога станува збор за односот кон Тајван, Вучиќ истакна дека Србија силно го поддржува принципот на една Кина.

- Кина отсекогаш била на страната на меѓународното јавно право и секогаш не поддржувала, како што ние секогаш ја поддржувавме Кина. Тајван е Кина. И точка, рече претседателот на Србија.

The post Вучиќ: Тајван е Кина и точка appeared first on Република.

Претседателот на Србија, Александар Вучиќ, денеска во Брисел, по повод честитката на рускиот претседател Владимир Путин за победата на изборите, изјави дека ќе му честита на кого сака, бидејќи не е ничиј слуга, и дека прави сѐ во најдобар интерес на Србија.

Вучиќ, како одговор на новинарскиот коментар дека многу луѓе го критикувале што му ја честитал победата на рускиот претседател на изборите во Русија, рече дека тој е претседател на Републиката и дека се однесува во согласност со нормите на меѓународното јавно право, почитувајќи ги другите земји.

Ќе му честитам на кого сакам во најдобар интерес на Република Србија и секогаш заштитувајќи ги интересите на Србија. И тоа е моја работа и ќе продолжам да ја работам, не сум никому слуга, повеќе ја сакам мојата земја отколку што било во светот и јас се однесувам како независен и независен претседател на земја, тие носат одлуки во најдобар интерес за себе и за своите граѓани – рече Вучиќ.

The post Вучиќ по критиките за честитката за Путин: Ќе му честитам кому сакам, не сум ничиј слуга appeared first on Република.

Претседателот на Србија, Александар Вучиќ денеска изјави дека изборите во Белград може да се одржат на 28 април или на 5 мај, кога е Велигден, јави дописникот на МИА од Белград.

- Ако претседателот на српскиот Парламент се избере на 11, 12 или 13 март, не е важно, изборите мора да се одржат до 11 или 12 мај. Значи тие можат да се одржат на 28 април, во законскиот рок помеѓу 45 и 60 дена. Па може да бидат на 28 или на петти. А на петти е Велигден. Сакате да имаме избори на Велигден?, истакна Вучиќ.

Тој коментирајќи ги барањата на опозицијата да не се одржат изборите на 28 април поради празникот, тој кажа дека мора да се почитуваат законските норми и додаде дека опозицијата не дошла на консултации кај претседателот на Републиката да побара нешто.

Тој ги отфрли обвинувањата на опозицијата за изборни манипулации, посочувајќи дека Србија е единствената земја во светот која ја повика ОДИХР на локални избори.

- Ако веруваа дека изборите се украдени, ќе излезеа скокајќи од радост, бидејќи ние сме единствената земја што некогаш го поканила ОДИХР да присуствува на локалните избори. На секое избирачко место ќе има трипати повеќе набљудувачи. Јасно им е дека немаше кражба. И јасно им е дека за да победиш на избори треба да ја добиеш довербата од народот, рече Вучиќ.

Тој додаде дека ќе му честита на секој што ќе победи на изборите, но дека никогаш, како што рече, нема да ги прифати лагите и измамите, кои, според него, се дел од геополитичките игри во кои сакаат да ја уништат Србија.

Тој ги коментираше обвинувањата на одредени медиуми дека жители од Мала Крсна се доселуваат во Белград за да гласаат на претстојните белградски избори и рече дека во последните 72 часа во Белград се преселиле еден до двајца согласно законските услови.

Исто така, тој ги предупреди сите членови на Српската напредна странка (СНС) дека ќе бидат законски санкционирани доколку се обидат да направат каква било измама поврзана со изборите.

Вучиќ истакна и дека е задоволен што се прифатени две препораки на ОДИХР и што е започната нивната имплементација.

- Едната се однесува на јавниот простор, сите партии да имаат право, сите учесници на изборите ќе имаат исто право да го користат секој јавен простор, секоја зграда, секој центар на културата, сите под исти услови. И таа контакт група беше дадена преку Министерството на локалната самоуправа, како и на кој начин тоа да се регулира, изјави српскиот претседател.

The post Вучиќ: Изборите во Белград може да се одржат на 28 април или на 5 мај appeared first on Република.

Претседателот на Србија Александар Вучиќ за државната кинеска глобална телевизиска мрежа ЦГТН изјави дека Тајван е кинеска територија и Пекинг треба да реши што ќе прави со тоа. Тој во интервјуто за ЦГТН на прашањето за Тајван кажа дека за одговор не му требаат повеќе од десет секунди: „Тајван е Кина, а на вас останува што, кога, како ќе направите, точка“, порача Вучиќ.

Пекинг го смета Тајван за своја одметната провинција, додека Тајван се смета за суверена држава. Во интервјуто на англиски јазик Вучиќ истакна дека политиката на Србија е една Кина и дека така ќе биде во иднина.

„Тоа е ваша територија, тоа е ваш народ, вие сте суверена нација, сами носите одлуки. И секогаш ќе имате поддршка од српскиот народ. Тоа е така“, додаде српскиот претседател.

Србија ја има поддршката од Кина во меѓународните организации и институции за непризнавање на Косово како држава. Косово во 2008 еднострано прогласи независност од Србија која Белград не ја признава.

Кина и Тајван имаат посебни влади од завршувањето на граѓанската војна во 1949 година.

https://www.youtube.com/watch?v=A3gryv_ofGI

The post Вучиќ: Тајван е кинеска територија и Пекинг треба да реши што ќе прави со тоа appeared first on Република.

Високиот претставник на Европската унија (ЕУ) за надворешна политика и безбедност, Жозеп Борел, изјави дека одвоените средби што ги имал за време на Минхенската безбедносна конференција со претседателот на Србија, Александар Вучиќ и со премиерот на Косово, Аљбин Курти, во врска со деескалацијата на тензиите меѓу Белград и Приштина, беа неуспешни, објави денеска РТС.

На тој состанок Борел ги претстави четирите главни задачи од геополитичката агенда на ЕУ – поголема и побрза поддршка за Украина, ставање крај на хуманитарната катастрофа во Појасот Газа и спроведување на решението за формирање на две држави, подобрување на односите на ЕУ со „глобалниот југ“ и зајакнување на одбраната и безбедноста на ЕУ.

Борел ја опиша атмосферата на конференцијата во Минхен како посебна бидејќи, како што наведе, сите станале свесни дека Европа е во опасност поради две војни во близина и мноштво потенцијални конфликти низ светот.

Шефот на европската дипломатија потсети и дека на првиот ден од конференцијата учесниците дознале за смртта на рускиот опозициски лидер Алексеј Навални во казнената колонија во Сибир и дека му оддале почит во присуство на неговата сопруга.

The post Борел: Разговорите со Вучиќ и Курти – неуспешни appeared first on Република.

Претседателот на Србија Александар Вучиќ изјави дека на сите во лице им кажал што нема да исполнат од Охридскиот договор, пишува српска „Политика“.

По повод одлуката на Приштина за укинување на динарот на Косово, Вучиќ рече дека луѓето во јужната српска покраина мора да добијат плати и повтори дека Србија не може да исполни дел од договорот во однос на прифаќањето на Косово во меѓународните институции.

„Чекаме покана некој да оди во Брисел, но не знаеме за што да разговараме, бидејќи Курти нема да зборува за Заедницата на српските општини, тој го чува динарот и нема суспензија, има прикриена поддршка на одредени фактори на моќ, а нешто мора да се реши во деновите пред нас, бидејќи Србите на Косово треба да си ги земаат платите“, нагласи претседателот на Србија

Тој рече дека „мораме да ги заштити огништа и земјата во согласност со Уставот на Република Србија“.

Тој напомена дека денеска со претседателот на Европскиот совет, Шарл Мишел разговарал за Србија, агендата за раст, Косово и Бањска.

Јас секогаш ќе бидам на страната на прогонетите Срби. Дали е моја вина? Јас сум крив, знам кој чија вина бара. Немаше насилство, ги избркаа од нивните огништа, но што да правиш. Мислам дека Европа мора да гледа на своите стратешки интереси и да и понуди нешто на Србија“, рече Вучиќ.

The post Вучиќ за Косово: На сите во лице им кажав што нема да исполниме од Охридскиот договор appeared first on Република.

Грчкиот премиер Киријакос Мицотакис изјави дека Грција нема да го признае Косово и дека ставот на Атина по ова прашање останува непроменет.

– Секогаш кога сум во Белград се чувствувам како дома и сакам да ви се заблагодарам за гостопримството. Дојдов со четворица министри и голема бизнис заедница. Сакаме дополнително да ги продлабочиме нашите инвестициски односи. Имавме многу добри билатерални контакти – рече грчкиот премиер.

Тој му се заблагодари на претседателот на Србија, Александар Вучиќ, за неговото гостопримство и му посака среќа на ЕКСПО 2027 година“.

– Ние ве поддржуваме на вашето европско патување. Зборував за проширувањето многу пати во Брисел. Белград треба да ги искористи поволните околности. Има европска иднина за Србија и Западен Балкан. Тоа е нашата стратешка цел – рече Мицотакис.

– Претседателот Вучиќ ме информираше за дијалогот со Приштина. Нашиот став за Косово останува непроменет – заклучи премиерот на Грција.

The post Мицотакис испрати јасна порака од Белград: Грција нема да го признае Косово appeared first on Република.

Претседателот на Србија Александар Вучиќ изјави дека бил сериозен кога изјави дека е бесмислено тој да биде претседател на Србија, а владата да ја сочинуваат луѓе од опозицијата и најави дека доколку победи опозицијата на изборите ќе го признае резултатот и ќе распише претседателски избори, јави дописникот на МИА од Белград.

-Доколку опозицијата победи на изборите во Србија и Белград, ќе честитаме истата вечер и истата вечер ќе го најавам моментот, во јануари, февруари или март, кога ќе поднесам оставка за да имаме доволно време да имаме претседателски избори во мај или септември или кога и да сака опозицијата, изјави претседателот на Србија и член на СНС, Александар Вучиќ на ТВ Пинк.

Јас ќе ги сносам последиците од поразот на изборната листа „Србија не смее да запре“ на СНС, кажа тој и додаде дека е бесмислено да биде претседател кој ќе глуми, не знаејќи што да глуми, ако таа влада е составена од Ѓилас, Лазовиќ, Тепиќ, Милош Јовановиќ, Бошко Обрадовиќ и така натаму. Што тогаш очекувате од мене, изјави Вучиќ.

Како што рече, тогаш би било јасно дека тие (опозицијата) ја добиле довербата од народот, дека народот ги сакал нив и дека тој нема да има проблем со тоа.

-Би се извинил на народот и би рекол, очигледно е дека не сте задоволни од резултатите што ги направивме, и тоа е фер. Велат дека сакаат техничка влада, но нема да се занимаваат со сериозни прашања. Па еве, повелете, ќе имате нови претседателски избори, рече Вучиќ.

Како што оцени неговите зборови им пречеле на многумина бидејќи дел од луѓето во Србија знаеле дека тој е целосно сериозен и дека ќе го направи тоа.

The post Вучиќ: Ако на изборите победи опозицијата, ќе ги признаам резултатите и ќе распишам претседателски избори appeared first on Република.

Српскиот претседател Александар Вучиќ денеска се сретна со генералниот секретар на НАТО Јенс Столтенберг во зградата на Генералниот секретаријат на претседателот на Републиката.

Столтенберг се заблагодарил за гостопримството, велејќи дека Србија е важен регионален партнер.

„Разговаравме и за можноста повторно да започнеме заеднички воени вежби. Со нетрпение очекувам да ја зајакнеме нашата соработка“, навел Столтенберг, пренесе „Блиц.рс“.

Како што рече, со Вучиќ разговарал и за ситуацијата на Косово. Тој додава дека НАТО испратил дополнителни 1.000 војници на Косово.

„Сметам на сите страни да ги намалат тензиите и да се воздржат од ескалирани постапки“, подвлекол генералниот секретар на НАТО.

Додава дека „не помага акумулацијата на сили во близина на административната линија“, и дека го поддржува формирањето на ЗСО.

„Ги повикувам Белград и Приштина на дијалог, тоа е единствениот пат до стабилност“, заклучи Столтенберг.

„Единствено Србите беа загрозени и напаѓани“

Претседателот на Србија навел дека Столтенберг е поврзан со Србија на многу начини, и дека секогаш лично се трудел „да биде фер кон нашата земја“.

„Тоа е важно за нас, а тоа го кажа и Столтенберг, со НАТО и КФОР, со надеж дека ќе ја обезбедиме безбедноста на Србите на Косово што е можно повеќе“, изјави Вучиќ, додавајќи дека едиствено Србите биле загрозени и напаѓани на Косово.

Вучиќ додал дека се знае кои се барањата на Западот.

„Наша работа е каде ќе ја распоредиме војската“, посочи тој.

Столтенберг денеска ќе разговара и со премиерката Ана Брнабиќ.

Тој синоќа пристигна во главниот град на Србија, каде на аеродромот го пречека министерот за одбрана Милош Вучевиќ.

Генералниот секретар на НАТО е во посета на регионот во која ги посети Сараево и Приштина, денеска е во Белград, по што ќе замине за Скопје.

The post Вучиќ на средба со Столтенберг: „Наша работа е каде ќе ја распоредиме војската“ appeared first on Република.

Српскиот претседател Александар Вучиќ изјави денес дека Србија и светот се пред најтешката година во поновата историја, година која носи конфликти и немири, поради што најважна задача на Србија е да го зачува мирот, јави дописникот на МИА од Белград.

На одбележувањето на 182-годишнината од Српската академија на науките и уметностите (САНУ), Вучиќ напомена дека следната година на планетата и претстојат бројни избори, од Тајван и САД, до Русија и Украина и дека стравува дека 2024 година ќе биде потешка за целиот свет и за Србите.

Мислам и за загрозеност за жителите на Косово и Република Српска и воопшто во регионот. Затоа мислам дека е важно секој ден да доаѓаме до заеднички именител како да ја зачуваме нашата слобода, земјата и иднината, рече Вучиќ.

Тој зборуваше за важноста на компромисот, кој ќе обезбеди „државата да не се откаже од својата територија или од својот народ“, нагласувајќи дека е неопходно да се чекаат „поповолни можности во светот за вистината да излезе на виделина“.

Меѓу другото, тој рече дека политичарите се менлива работа и да Српската академија на науките и уметностите, СПЦ и државата Србија се над се.

The post Вучиќ: Пред нас е најтешка година, да се чекаат поповолни можности во светот за вистината да излезе на виделина appeared first on Република.