Тим астрофизичари од Германија откриле атоми на кислород на сончевата страна на атмосферата на Венера.
Во тој проект, чии резултати се објавени во Nature Communications, групата ги проучувала податоците собрани од телескопот SOFIA (Stratospheric Observatory for Infrared Astronomy) за да се дознае повеќе за елементите и молекулите во атмосферата на Венера, пишува Phys. org.

Научниците долго време веруваа дека атомската форма на кислород постои и на сончевата и на темната страна на Венера. Додека во атмосферата на планетата се измерени високи концентрации на јаглерод моноксид и јаглерод диоксид, откривањето докази за постоење на елементарен кислород беше многу потешко бидејќи има тенденција да се врзува за други елементи.

Претходните истражувања покажале постоење на атоми на кислород на темната страна на Венера, но досега тоа не било забележано на страната која секогаш е свртена кон Сонцето.

Овој пат, тимот на научници се концентрирале на 17 точки од атмосферата скриени во куп податоци од телескопот. Откриле атоми на кислород во сите 17 точки.

Научниците веруваат дека кислородот се создава кога сончевото зрачење ги разложува молекулите на јаглерод моноксид и јаглерод диоксид. Тие веруваат дека потоа одат на темната страна поради силните ветрови во атмосферата на Венера. Таму тие веројатно се комбинираат во молекули на кислород и реагираат со други елементи.

The post На Венера откриени атоми на кислород, но не ист каков што дишеме appeared first on Република.

Приближно 21 процент од воздухот на нашата планета е кислород, додека остатокот од атмосферата е претежно исполнет со азот, но на Венера, соседната планета на Земјата, приказната е сосема поинаква.

Во токсичната атмосфера на Венера доминира јаглерод диоксид со учество од 96,5 проценти, а помали количини се однесуваат на азот и гасови во трагови. Речиси нема кислород. Всушност, бидејќи Венера ужива многу помалку научно внимание од другите планети како Марс, директното откривање на кислород е отежнато.

Користејќи го инструментот за стратосферска опсерваторија SOFIA - авион Боинг 747SP претворен да носи инфрацрвен телескоп како дел од заеднички проект меѓу американската вселенска агенција НАСА и нејзиниот германски колега DLR - научниците открија атомски кислород во тенок слој од атмосферата на Венера помеѓу две други.

Тие истакнаа дека овој атомски кислород, составен од еден атом на кислород, се разликува од молекуларниот кислород, кој се состои од два атоми на кислород и кој го дишеме.

За прв пат, истражувачите директно открија кислород на сончевата страна на Венера, каде што всушност се произведува во атмосферата, а го открија и на далечната страна свртена кон Сонцето, каде што претходно беше откриен со телескоп на Хаваи.

- Атмосферата на Венера е многу густа. Составот е исто така многу различен од Земјата - вели физичарот од DLR Хајнц-Вилхелм Хуеберс, главен автор на студијата објавена во списанието Nature Communications.

The post Научниците открија кислород во токсичната атмосфера на Венера appeared first on Република.

Анализата на снимки стари 30 години покажало дека Венера е геолошки жива планета.

Научниците веќе половина век се обидуваат да најдат знаци на вулкански ерупции на Венера, но нејзината густа атмосфера ги спречува набљудувањата од Земјата.

Во новото истражување, научниците успеале да најдат докази за вулканска ерупција на снимката од одамна завршена вселенска мисија. Тие виделе вулкан на Венера што го менува обликот и се шири и нешто наликува на лава во кратерот.

Изненадување по макотрпен труд

Авторите на трудот објавен во списанието „Science“  во своето резиме објаснуваат дека мисијата на НАСА „Magellan“ од 1990 до 1992 година ја снимила површината на планетата користејќи радар од орбитата на Венера. Кога ги истражувале снимките на „Magellan“ од вулкански области, тие идентификувале вулкански отвор со површина од околу 2,2 км2, кој го променил обликот во осум месеци помеѓу двете радарски снимки. Покрај тоа, тие забележале можни текови на вулканска лава во внатрешноста на кратерот.

Сепак, нема дефинитивни потврди за неговото излевање, бидејќи постои можност евидентираните формации да постоеле и претходно. Супстанцата што го пополнува отворот може да биде паѓање на карпи предизвикано од лизгање на земјиштето. Исто така, можно е формациите налик на поток да биле веќе присутни на сликите во февруари, но не можеле да се видат поради аголот на кадарот.

Мисијата „Magellan“ беше првата што ја сними целата површина на Венера пред леталото намерно да биде испратено во топлата, токсична атмосфера на планетата во 1994 година за да го собере конечниот сет на податоци.

Овие резултати ги толкуваме како потврда дека на Венера има постојана вулканска активност. Се обложувам дека имало ерупција на езеро од лава“, коментира еден од двајцата коавтори на новото истражување, Роберт Херик, планетарен научник од Универзитетот во Алјаска Фербенкс.

Херик и неговиот колега Скот Хенсли забележале вулкански отвор на огромниот вулкан Маат Монс.

Навистина не очекував успех, но по околу 200 часа рачно споредување слики од различни орбити на Magellan, видов две слики од истиот регион направени со разлика од осум месеци, кои покажуваат индикативни геолошки промени предизвикани од ерупцијата“, вели Херик за „Си-Ен-Ен“.

Тој ги снимил промените на сликите во регионот Атла, огромна планинска област каде што се наоѓаат двата најголеми вулкани на Венера, наречени Оза Монс и Маат Монс. Херик обаснува дека и двата се слични на најголемите вулкани на Земјата, но бидејќи имаат помали падини, тие се пораширени.

Резултатите ја изненадија научната заедница. Научниците и претходно имаа индиректна потврда за вулканска активност на Венера, но очекуваа дека ќе ја пронајдат дури на почетокот на 2030-тите, кога две вселенски летала со врвни радарски системи кои продираат во облак – „VERITAS“ на НАСА и „European EnVision“ – ќе стигнат до Венера.

Тоа ќе помогне да се разбере разликата помеѓу Земјата и Венера

Ова откритие има големо значење за научната заедница бидејќи може да помогне да се објасни како две планети со сличен состав и големина – Венера и Земјата – тргнале по различни патеки во нивната еволуција.

Научниците веруваат дека Венера имала и океани на својата површина во далечното минато кои исчезнале поради некоја необјаснета катаклизма. Еден од можните виновници за ваквиот развој на настаните би можеле да бидат климатските промени предизвикани од огромните вулкански ерупции.

Ако сакате да го разберете единствениот друг свет со големина на Земјата до кој некогаш ќе дојдеме, каде било во универзумот, Венера е единствениот избор што го имате“, за „Scientific American“ вели Пол Бирн, планетарен научник од Универзитетот Вашингтон во Сент Луис, кој не бил вклучен во новото истражување.

https://www.youtube.com/watch?v=coLjspGXMXI&embeds_euri=https%3A%2F%2Fstrana.mk%2F&source_ve_path=MjM4NTE&feature=emb_title

The post На снимки стари 30 години откриена важна мистерија на Венера што ги интригира научниците appeared first on Република.

Венера, планетата на љубовта, се движи низ знакот Овен и ќе придвижи некои работи напред. Сè што досега било бавно, слабо или неизвесно ќе добие појасна форма, особено кога станува збор за љубов, врски и пари. Овој период ќе трае до до 16 март, но важен датум ќе биде 2 март кога ќе Венера се сретне со Хирон и Јупитер.

Астролозите советуваат да ги излечете љубовните рани преку нови искуства.

Не враќајте се кон минатото. Напротив, продолжете да чекорите напред! Оваа Венера сака да ги реши прашањата и дилемите на јасен, директен и искрен начин. Прашајте се што сакате. Сакале или не, понекогаш искрата на привлечноста и љубовта брзо согорува. Кога станува збор за заведувањето, доаѓаат до израз храброста, одлучноста и самодовербата. Не е важно што било, ниту што ќе биде, важно е само она што се случува сега и овде. Оваа Венера ве повикува на акција, ризик и авантура. На тој начин ги поместувате границите, подготвени сте да преземете чекори од кои бегавте. Нејзиното мото е: никогаш нема да знаете додека не се обидете!

The post Венера влезе во Овен, најбитен датум е 2 март appeared first on Република.

Како што најавуваат астролозите, Венера, планетата на страста, љубовта кон убавината и сето она што не облагородува и не прави среќни, влегува во знакот на својот пад.

Едноставно повеќе ќе ги анализираме сопствените емотивни односи и ќе имаме потреба да ја гледаме ситуацијата од повеќе агли.

Нема да можеме да простиме некои работи што не нè радуваат. Венера ќе биде активна и ќе сака слобода, да се покаже во нејзино светло, каде природно сака да флертува и шармира. Оваа желба ќе биде засилена со нејзиниот тригон со Уран од Бик.

Внимавајте, Марс во Близнаци ќе биде проблем! Затоа, мора да избегнуваме изневерување и флертување. Ова може да биде клучно за некои емотивни врски. Да бидеме внимателни! Нашите емотивни партнери знаат да бидат премногу аналитички и да го следат секој наш погрешен чекор!

Тие ќе бараат од нас не само да бидеме шармантни и убави, туку и интелигентни. Значи, го пресметуваме секој изговорен збор, повеќе од порано. Одржувајте ги ветувањата и бидете хумани.

Оваа Венера тоа го бара од нас. Меркур само ќе го засили сето горенаведено. Се грижиме повеќе за другите, не само за себе. Време е да ја покажеме нашата благородност и да не се ставаме себеси на прво место. Многумина ќе ги насочат своите интереси кон работата и ќе се обидат добро да се забавуваат во својата работна средина. Многумина ќе се заљубат и во некој кој е поврзан со нивната работа.

Нагласуваат дека во овој период мора да покажеме поголем интерес кога е во прашање здравјето и да ги решаваме проблемите доколку ги има.

Девицата, Бикот, Јарецот и Рибите можат да очекуваат добри моменти и придобивки од овој транзит на Венера.

1. Девица

Можноста за реализација на бизнис план. На емотивно поле добар период. Можност да запознаете интересна личност на деловен состанок или личност тесно поврзана со вашето секојдневие. Убави моменти кога се во прашање емоциите.

2. Бик

Решавање на проблеми кога се во прашање финансиите. Ќе бидете задоволни од работата и кариерата. Можност за нови идеи или решавање на нешто што ви тежело.

3. Јарец

Ќе се чувствувате добро. Време е да земете здив. Задоволни сте и исполнети со емоции. Стабилност на многу полиња.

4. Риба

Оваа Венера ќе разбуди некои емоции. Можност за влегување во убава врска. И секој што планира да живее заедно или да го прошири семејството, ова е добар период.

ХОРОСКОП

The post Венера во Девица од 5 до 29 септември: Овие 4 хороскопски знаци ќе почувствуваат најголемо влијание appeared first on Република.

Мај ќе биде одбележан со љубов и семејни турбуленции како резултат на влијанието на планетите. Венера, планетата на љубовта, од 2 до 28 мај ќе биде во знакот Овен. Ова ќе доведе до посебна атмосфера која ќе биде идеална за страсни врски кои можат да прераснат и во агресија. Венера ја поттикнува нашата потреба за љубов и блискост, а Овенот ја истакнува борбеноста, па желбата да се добие сè одеднаш ќе доведе до драматични ситуации. Ситуацијата ќе биде дополнително „влошена“ со ретроградниот Меркур и затемнувањето на Сонцето. Во продолжение прочитајте го месечниот љубовен хороскоп за мај.

Месечен љубовен хороскоп за мај: Средби со поранешни партнери, но и нови страсти!

Овен
Овој месец можете да очекувате сè, од возбудлива романса до раскинување, а можно е и обнова на старата врска. Во секој случај, досега научените лекции ќе ви бидат од голема корист. Освен тоа, можни се нови интересни познанства, но не избрзувајте со заклучоците. Нека работите течат по својот тек.

Бик
Подгответе се за тешкотии и неволји во поглед на љубовниот живот. Затемнувањето на Сонцето како и ретроградниот Меркур ќе ве „преплават“ со емоции. Ќе ве привлекуваат страсни и емотивни личности, но внимавајте бидејќи постои можност да наидете на некого кој нема да има добри намери.

Близнаци
Првата половина на мај ќе биде релативно мирна, можеби малку здодевна во поглед на април. Љубовните врски можат да започнат неочекувано брзо, но и брзо да завршат. Ако веќе сте во врска, тогаш со малку напор можете да ја подобрите комуникацијата и да ги решите несогласувањата. Кон крајот на месецот можна е средба со некој од поранешните партнери или добивање вести за нив преку заеднички пријатели.

Рак
Мај е најважниот месец за вас оваа година бидејќи постојат големи шанси за судбоносна средба или искажување љубов кон некој кој досега не сте го сметале за потенцијален партнер. Доколку сте во врска, обидете се да го слушнете партнерот и решавајте ги проблемите преку дијалог. Настаните кои ќе се случат овој месец ќе означат важна фаза во животот.

Лав
Мај е идеално време да започнете нова врска или да формирате семејство. Имате голем удел во тоа како ќе се одвиваат односите, па затоа дајте сè од себе. Од друга страна, за да го одржите мирот во семејството, неопходно е да воспоставите рамнотежа помеѓу работата и слободното време, меѓу општествениот и семејниот живот. Во средината на мај ќе се случат работи кои ќе влијаат на вашата иднина.

Девица
Дури и во најтешката ситуација знаете како да бидете среќни. Многу работи се случуваат во вашата врска со долгогодишниот партнер. Ако долго време сонувавте да основате семејство, сега имате можност да ви се оствари желбата. Во овој период добро би било да ги решите и финансиските, како и имотно-станбените прашања.

Вага
Мај е време на длабока промена во поглед на љубовниот живот. Конечно ќе сфатите што е она што го посакувате. Од друга страна, ќе почнете да го забележувате вниманието што ви го посветуваат претставниците на спротивниот пол, што можеби не сте го виделе досега или не сте го сфатиле сериозно.

Скорпија
Љубовта се тестира во тешките ситуации. Постојат големи шанси дека ќе бидете разочарани од партнерот како резултат на неоснована љубомора. Од друга страна, можно е да остварите средба со некој од поранешните партнери. Отворено разговарајте за сето она што се случило, за вашите чувства, за причините за раскинување. Тоа ќе ви донесе олеснување, а можеби ќе откриете и дека љубовта сè уште не исчезнала.

Стрелец
Во првата половина од месецот љубовниот живот ќе ви биде интензивен и драматичен, но во втората половина ќе почне фазата на заситеност – ќе почнете да забележувате недостатоци кај партнерот и ќе сакате да искусите нешто ново и поинакво. Постои голема шанса дека ќе ве привлече некој харизматичен странец, па лесно ќе се впуштите во авантура. До крајот на месецот некој засекогаш ќе го напушти вашиот живот.

Јарец
Личните односи ќе бидат испреплетени со деловните, а тоа ќе предизвика проблеми. Ќе станете дел од некакви љубовни интриги на работа. Дури и ако се обидете да се држите настрана од тоа, сепак, самото опкружување ќе ве вовлече во таква ситуација. Грижете се за вашата репутација и не ризикувајте без причина.

Водолија
Во текот на мај ќе наидете на многу пречки кои ќе го оневозможат вашето зближување со саканата личност или потенцијалниот партнер. Пред крајот на месецот постои можност да се смирите со поранешната љубов или да ја доведете моменталната врска на повисоко ниво. Доколку патувате, ве очекува интересна средба која ќе продолжи како врска на далечина.

Риби
Можете да направите големи промени во вашиот живот само доколку се одлучите за драстични потези, од типот да се преселите во друг град или друга земја. Можеби е и време да ја прекинете токсичната врска и да започнете од почеток. Мај ќе биде добар период за ослободување од старото и нефункционалното, но и идеално време за менување на средината.

The post Мај е љубовен месец, Венера ја поттикнува нашата потреба за љубов и блискост appeared first on Република.

Венера и Марс ќе се спојат во редок планетарен настан бидејќи се среќаваат трипати и ќе бидат заедно два и пол месеци. Ова е ретко зошто се спојуваат секои 18 месеци по 10 дена. Се сретнаа првпат на 7 јули 2021, па следната средба е на 16 фебруари, па на 7 март.

Како што се доближиваат планетите една до друга ќе се зголеми желбата за спојување. Посетувајте јавни места, не знаете кога ќе сретнете некој. Средбата многу лесно може да се одржи околу 16 февруари, кога започнување на врска ќе биде идеално.

Најпрво ќе се почувствува хемијата, погледите нема да можат да се сокријат…

Конјункција на две лични планети Марс и Венера е свечен чин. Се случува фузија на богот на војната Марс и божицата на љубовта и убавината Венера. Интересна енергија на две планети кои како антитеза една на друга се спојуваат на начин кој ќе предизвика нов почеток. Ќе се иницира голем нов циклус за сите нас во областа на љубовта, врските, креативноста, како и наоѓање на вистински пријатели, тимот и сродните души. Ова ќе се одвива во неделите и месеците што доаѓаат.

Астролошкиот настан најемотивно ќе влијае врз Јарците кои ќе чувствуваат дека средбата е запишана во ѕвездите, Биковите ќе кулминираат и нема да можат да ги задржат емоциите, Раковите ќе бидат мета на многу симпатии. Лавовите ќе зрачат со харизма и сексапил и многу лесно ќе им оди комуникација. Вагите ќе можат да ги официјализираат своите врски, додека Рибите ќе бидат ќе флертуваат на сите страни. На Скорпиите и Девиците љубовта ќе им дојде преку интернет или заеднички пријател. Стрелците ќе сонуваат за идеален партнер, но да внимаваат да не идеализираат некого, додека Близнаците ќе запознаат некој преку работа. Љубовната средба на Водолијата може да дојде преку одредена прослава, а на Овенот ќе му дојде љубовна средба кога најмалку очекува.

Во грчка митологија Арес(Марс) има афера со божицата Афордита (Венера) додека таа е венчана за богот Хефест. Тие се тајни љубовници и симболиката на конекцијата Марс-Венера е сексуална, затоа очекувајте вашето либидо да биде зголемено.

The post Венера и Марс утре се спојуваат во редок планетарен настан: Идеално е започнување на врска appeared first on Република.