Украинските сили во текот на ноќта го нападнале руски Белгород. Како што изјави началникот на Белгородската област, Вјачеслав Гладков, во тоа гранатирање се оштетени 12 станбени згради, а искршени се прозорците и на детската клиника.

Претходно руското Министерство за одбрана соопшти дека десет украински ракети „РM-70 Вампир“ биле соборени од противвоздушни системи над Белгородската област.

The post Погодени 12 станбени згради и детска клиника: Украинските сили го гранатирале Белгород appeared first on Република.

Домашна мачка случајно ја спасила својата сопственичка од шрапнели при украинско гранатирање во Шебекино, во руската област Белгород.

Мачорот Ачи, дошол да побара храна од Ана и легнал на нејзината перница, покривајќи ѝ ја главата со својата бушава опашка. Во тој момент почнало гранатирањето, пукнале прозорците во станот, а фрагменти од граната полетале право во собата.

Семејството се разбудило од вревата и го виделе Ачи облеан во крв. Мачорот го примил ударот на шрапнелите врз себе. Да не бил тој, фрагментот ќе ја погодел жената в глава. Ачи бил повреден, но, за среќа, важните органи му останале недопрени.

Мачорот-херој бил однесен на ветеринар, каде што од него бил изваден фрагмент од шрапнелот, ја обработиле раната и го преврзале.

Сега се е во ред со Ачи, тој е во задоволителна состојба - пропишан му е посебен режим на исхрана и редовно менување завои.

The post Домашниот мачор и го спасил животот на својата сопственичка при украинско гранатирање во Белгород appeared first on Република.

Деветгодишно момче ја заштитило својата 9-месечна сестра со своето тело за време на гранатирање од страна на украинските вооружени сили во селото Беловское во рускиот регион Белгород. Како што објавија руски медиуми, двете деца се хоспитализирани.

Двете деца се на одделот за траума. Лекарите состојбата на 9-годишниот Жења и неговата 9-месечна сестра Анџелина ја оценуваат како умерена. Тие сега се на потребните прегледи. За нивен третман повикан е трауматолог и реаниматор од сојузниот центар.

Момчето се здобило со трауматска повреда на мозокот и повреди на стапалото. Деветмесечно девојче е во болница со рани на лицето, раката и затворена повреда на главата. Лекарите нивната здравствена состојба ја оценуваат како умерена“, соопштува гувернерот на Белгород, Вјачеслав Гладков.

Во болница е примен и маж со затворена повреда на главата, кој самиот побарал помош.

Оштетени се 37 приватни домаќинства, два помошни објекти и еден земјоделски објект. Искршени се прозорците на две станбени згради. Според првичните податоци, оштетени се 21 возило.

The post Деветгодишно момче со своето тело ја заштитило својата 9-месечна сестричка при украинско гранатирање во Белгород appeared first on Република.

Официјалниот претставник на генералниот секретар на ОН, Стефан Дужарик, порача дека светската организација ги видела апелите на жителите на рускиот град Белгород против бруталното гранатирање од страна на украинските вооружени сили.

Дужарик изјави дека украинската војска е неселективна, а ракетите обично погодуваат станбени згради.

Видовме извештаи за ракетни напади врз рускиот град Белгород, повторуваме дека нападите врз цивили и инфраструктурата се забранети со меѓународното хуманитарно право“, изјави Дужарик.

Претходно неделава, вооружените сили на Украина повторно да го гранатираат Белгород, при што погодија трговски центар и убија седум лица, меѓу кои едногодишно дете.

https://republika.mk/vesti/svet/ukraina-go-granatirashe-belgorod-ubieni-najmalku-sedum-tsivili-megu-koi-i-majka-i-bebe/

The post ОН бара од Украина да ги запре ракетните напади врз цивилите во Белгород appeared first on Република.

Украинските сили, со проектили од мобилни ракетни фрлачи МЛРС, го нападнале селото Климово во рускиот регион Брјанск.

Според гувернерот на областа, има пет загинати, меѓу кои и едно 10-годишно девојче, кое си играло на игралиште во училишен двор кога детонирале ракетите.

Освен училиштето, неколку административни и станбени згради се оштетени во селото, а прекинато е и снабдувањето со електрична енергија. Службите за итна помош се на терен, а на повредените им е укажана лекарска помош.

Како што информираат руски Телеграм канали, украински формации го гранатирале и селото Троицкоје, област Кореневски, во регионот на Курск.

Фрагменти од неколку гранати оштетили далноводи, но немало повредени цивили.

Локалните жители пријавиле гранатирање и на селото Теткино, но нема извештаи за жртви или материјална штета.

The post 10-годишно девојче загинало во школски двор при украинско гранатирање на руската област Брјанск appeared first on Република.

Во текот на денот, украинските формации ги гранатирале населбите на првата линија на агломерацијата Доњецк, при што масовно користеле и касетна муниција, која е забранета со меѓународните конвенции.

Во Доњецк, каде што денеска се слави денот на градот, квартот Куибишевски бил под огромен оган. Според последните податоци, најмалку три деца и еден човек се повредени со различна сериозност. Оштетени се и станбени згради и најмалку една продавница.

Покрај тоа, Украинците го нападнале и централниот дел од градот, како и областите Никитовски и Горловка, при што двајца цивили биле повредени, меѓу кои и една девојка.

На сите настрадани им е укажана неопходна медицинска помош. Оперативните и итните служби продолжуваат да работат на местото на инцидентот.

The post Украинска „касетна честитка“ за Денот на Доњецк: Градот масивно гранатиран, има повредени цивили appeared first on Република.

Украинските сили со проектили со касетна муниција, забранета со меѓународните конвенции, го нападнале пограничното село Уразово во Белгородската област во Русија. Оштетени се станбени згради, автомобили и територија на земјоделска продавница. Според првичните информации четири лица биле повредени.

Сите повредени се пренесени во локалната болница каде што им е укажана сета неопходна лекарска помош. Оперативните и итните служби продолжуваат да работат во зоната на нападот.

Покрај тој напад, руските системи за противвоздушна одбрана пресретнале украински беспилотно летало во близина на селото Купино во урбаниот округ Шебекински. Немало никакви последици на терен.

Подоцна, гувернерот на Белгородската област, ги дополни информациите за жртвите во селото Уразово.

Вкупно шест лица се повредени, еден маж е во критична состојба, веднаш е опериран. Друга жена е во состојба со умерена тежина. Четири други жртви добија медицинска помош, не беше потребна хоспитализација.

 

Откриена е штета во 16 домаќинства, кај две претпријатија оштетен е покривот и искршени прозорци. Освен тоа, од гранатирање е оштетен и социјален и спортски објект. Службите за итни случаи се на лице место, вели  тој во официјалниот извештај.

The post Украински напад со касетна муниција врз село во Русија: Повредени шест цивили appeared first on Република.

Во украинското гранатирање на селото Чауси во руската област Брјанск, загинале двајца цивили, а други двајца се повредени, соопшти гувернерот Александар Богомаз на својот канал Телеграм.

Вооружените сили на Украина го гранатираа селото Чауси, округот Погарски. За жал, како резултат на гранатирањето, еден човек загина, а двајца селани се повредени. Повредените се префрлени во окружната болница, каде ја добиваат целата неопходна медицинска нега“, напиша Богомаз.

Подоцна, гувернерот објави дека уште еден човек починал од раните.

Според гувернерот, во гранатирањето бил оштетен имотот на земјоделското претпријатие, а оперативните и итните служби се на лице место.

Округот Погарски се наоѓа во југозападниот дел на Брјанската област, во близина на границата со украинскиот регион Чернигов.

Вооружените сили на Украина редовно ја гранатираат областа и другите погранични области и лансираат беспилотни летала со експлозив.

Од 3 февруари годинава во регионот Брјанск на сила е високо, жолто ниво на терористичка закана. На граѓаните им се препорачува да бидат внимателни и да пријават во полиција сомнителни лица, автомобили и напуштени предмети.

The post Тројца цивили загинале во украинско гранатирање на руската област Брјанск appeared first on Република.

По украинскиот напад и ракетирањето на затвор во Доњецката Народна Република (ДНР), во кој загинаа преку 40 заробени украински војници, со став во јавноста се огласи шефот на Народната милиција на ДНР, Едуард Басурин.

Тој истакна дека властите во Киев и раководните лица на украинската армија знаеле дека во затворот во Јеленовка се стационирани украински затвореници.

Украинските сили точно знаеја каде се затворениците. Откако украинските затвореници почнаа да зборуваат за злосторствата кои ги направиле, за тоа какви наредби добивале од Киев, политичкото раководство на Украина реши да нападне и да ги замолчи - објасни Басурин.

https://republika.mk/vesti/svet/ukraincite-istrelale-raketi-od-amerikanski-himars-vrs-ruski-zatvor/

На местото на нападот во затворот во Јеленовка, пронајдени се остатоци од муниција за повеќецевниот ракетен систем Химарс, какви што украинските сили добија од САД.

Според соопштението на Штабот за територијална одбрана на ДНР, бројот на загинатите заробени припадници на националистичкиот баталјон „Азов“ кои се наоѓале во затворот во Јеленовка се искачил на 53.

The post Басурин: Украинците го бомбардираа затворот со заробени украински војници за да не прозборат за злосторствата што ги нареди Киев appeared first on Република.

Украинските сили го гранатирале населеното место Суземка во Брјанската област во Русија, објавија руските канали.

Гувернерот на областа Брјанск, Александар Богомаз, на Телеграм објави дека при украинското гранатирање на цивилната област било рането едно лице и потврди дека снабдувањето со електрична енергија е делумно прекинато.

Украинските сили рано утринава ја гранатираа населбата Суземка. Во нападот беа оштетени неколку згради. Оштетена е локалната електрична мрежа, а снабдувањето со електрична енергија делумно е прекинато - објави Богомаз.

Гувернерот објави и дека „непријателските огнени позиции биле веднаш потиснати“.

На социјалните мрежи се појавија и фотографии од последиците на гранатирањето.

https://twitter.com/Ukrbreakingnews/status/1538749704988655616?ref_src=twsrc%5Etfw%7Ctwcamp%5Etweetembed%7Ctwterm%5E1538749704988655616%7Ctwgr%5E%7Ctwcon%5Es1_&ref_url=https%3A%2F%2Fwww.alo.rs%2Fukrajina%2Fvesti%2F642441%2Fgranatirana-ruska-teritorija-ranjen-civil-pogodena-eletro-mreza-foto%2Fvest

The post Украинците гранатирале на руска територија: Настрадал цивил, погодена и електричната мрежа appeared first on Република.

Амбасадорот на Луганска Народна Република во Русија, Родион Мирошник, реагира дека украинските сили со гранатирање со минофрлачи и тенкови се обидуваат да ја спречат евакуацијата на цивили од фабриката „Азот“ во регионот на Северодонецк, пренесува РИА Новости.

Според Мирошник, поради таквото гранатирање, ниту еден цивил не го напуштил индустрискиот комплекс до 11:30 часот.

Соопштуваме дека до 11:30 часот нема апсолутно никакво движење на оваа територија, никој не истакна бели знамиња. Можам да ви потврдам дека ќе продолжиме да следиме до 20 часот; ситуацијата може да се промени - изјави претставникот на ЛНР, пренесе ТАС С.

https://twitter.com/kpru/status/1537025198968516611?ref_src=twsrc%5Etfw%7Ctwcamp%5Etweetembed%7Ctwterm%5E1537025198968516611%7Ctwgr%5E%7Ctwcon%5Es1_&ref_url=https%3A%2F%2Fwww.alo.rs%2Fukrajina%2Fvesti%2F640698%2Fukrajina-rat-specijalna-operacija%2Fvest

Претходно од ЛНР објавија дека денеска ќе отворат коридор за евакуација на околу 1.200 цивили за кои се смета дека во хемиската фабрика.

The post ЛНР: Украина со гранатирање ја попречува евакуацијата на цивили од „Азот“ appeared first on Република.

Двајца новинари на „Ројтерс“ се повредени при украинско гранатирање кај Северодоњецк, во источна Украина, а нивниот возач е убиен, за „Си-Ен-Ен“ потврдил портпаролот на агенцијата.

Претходно извор од „Ројтерс“ за агенцијата „Тас“ изјавил дека двајца новинари на агенцијата биле повредени кога украинската војска го гранатирала патот и го погодила автомобилот во кој се наоѓале.

Мало парче шрапнел што го погоди Александар во ногата е отстрането и тој може да оди, а раката на Павел е скршена - изјавил изворот, додавајќи дека и двајцата новинари се во болница во градот Рубежноје.

Портпаролот на „Ројтерс“ за „Си-Ен-Ен“ изјавил дека повредените новинари биле во возило обезбедено од проруски сили и дека ги управувало лице задолжено за контакт со проруските сили.

„Ројтерс“ изразува длабоко сочувство до семејството на загинатиот возач - изјавил портпаролот.

Во последните неколку дена Северодоњецк, град во областа Луганск, е место на жестоко гранатирање во борбата меѓу украинските и руските сили за контрола над градот.

The post Двајца новинари на Ројтерс ранети во украинско гранатирање во Северодоњецк, возачот загинал appeared first on Република.