Половичен успех на македонските екипи вечерва во Конференциската лига на УЕФА.

Шкендија на „Тодор Проески“ во Скопје забележа победа над Арарат од Ерменија со 2:0, резултат постигнат уште во првото полувреме.

Стрелци на головите за тетовци беа Аденис Шала во 21. и Валмир Нафиу во 45. минута.

За разлика од Шкендија, Академија Пандев се наоѓа пред висок пораз на гостувањето во Гдањск кај Лехија. По 45 минути полскиот тим води со 3:0.

На овој меч од 8. минута имаше 30.минутен прекин поради тепачка меѓу себе на домашните навивачи. зс/

2022-07-07 22:07:00, од Зоран Стерјовски

The post Конференциска лига: Шкендија го победи Арарат, Академија Пандев пред висок пораз во Полска appeared first on Република.

Тренерот на Рома, Жозе Мурињо ги сподели емоциите по победата (1:0) синоќа во Тирана против Феенорд во финалето на Конференциската лига на УЕФА.

Ние испишавме историјата. Од самиот почеток верувавме дека можеме да го освоиме овој турнир. Толку многу мисли ми се вртат низ главата во моментов. Се чувствувам како вистински римјанин. Учеството во финалето не е доволно за да се влезе во историјата. Пред натпреварот им кажав на играчите за едно финале во кое бев поразен. Денес победивме, моите фудбалери дадоа сé од себе на теренот, истакна Мурињо.

Победата на Рома ѝ го донесе првиот трофеј од европските купови во историјата на клубот.

Педесет и деветгодишниот Мурињо е единствениот менаџер кој победил на секое големо европско натпреварување.

The post Мурињо по освојувањето на Конференциската лига: Испишавме историја appeared first on Република.

Жозе Мурињо вечева ќе се бори за нов европски трофеј, Рома и Феенорд играат во финалето од Конференциската лига во Тирана.

Мурињо досега нема загубено финале во европските купови, со Порто ја освои Лигата на шампионите и Куп на УЕФА, со Интер Лигата на шампионите, а со Манчестер јунајтед Лига Европа.

Сега ќе има шанса да биде првиот тренер кој ја освоил Конференциската лига, но дали тоа ќе се случи, ќе дознаеме вечер.

„Финале е. До крајот на мечот нема ништо во мојата глава освен тоа. Таков сум. Искуството не помага. Се чувствувам како ова да е мое прво финале. Фокусиран сум. Тоа е начинот на кој се подготвувам за натпреварите“, вели Жозе Мурињо.

„Ова финале е историја. Ние успеавме да стигнеме до тука, но сега мора да дадеме се од себе за да ја завршиме работата и да победиме“.

Со победата над Торино од 3-0, Рома се квалификуваше за Лига Европа. На последните натпревари Рома беше без Мхитарјан кој е еден од клучните во тимот на Мурињо. Ерменецот синоќа имаше полесен тренинг, прв по повредата.

„Мхитарјан првпат тренираше со групата, полесен тренинг. Тоа беше важно за него, а дали ќе игра ќе зависи од него. Тој си го познава телото и ќе ми каже дали ќе може да игра, јас ќе му верувам“.

The post Мурињо пред финалето во Тирана: Се чувствувам како да ми е прво финале appeared first on Република.

Навивачи на Феенорд и Рома се судрија со полицијата во Тирана, каде вечер ќе се одржи финалето на Конференциската лига.

Локалните медиуми јавуваат за неколку акти на насилство што се случиле на најмалку три места низ градот. Службениците за спроведување на законот мораа да употребат солзавец. Има десетина повредени полицајци, додека осум навивачи на Феенорд се уапсени затоа што удриле Албанец со стол додека тој ги провоцирал со јавна поддршка за Рома. Албанскиот жител морал да биде пренесен во болница.

Исто така, околу 200 навивачи на холандскиот тим се судрија со полицијата обидувајќи се да стигнат до местото каде што се наоѓаат навивачите на Рома.

За возврат, навивачите на италијанскиот клуб исто така ги нападнале полицајците со шипки и камења. Оштетен е полицискиот автобус. Според полицијата, уапсени се вкупно 60 навивачи на двата тима.

Финалето на Конференциската лига на УЕФА меѓу Рома и Феенорд ќе се одигра вечер со почеток во 21 часот.

The post Навивачи на Феенорд и Рома предизвикаа инциденти во Тирана пред финалето на Конференциската лига appeared first on Република.