Играчот од средниот ред на Тотенхем, Ив Бисума се извини откако беше фатен како вдишува азотен оксид. Тој може да биде казнет за своите постапки, јавија медиумот од Островот.

Бисума постави клипови на „снапчет“ минатата недела на кои се гледа како користи дрога од наркотик „Ц“, познат и како „рајски гас“.

Репрезентативецот на Мали го призна своето дело и е предмет на истрага од страна на клубот. Сега за него останува да ја чека конечната одлука за да се дознае неговата евентуална казна.

-Сакам да се извинам за овие видеа. Тоа беше огромен недостаток на проценка. Разбирам колку е сериозно ова и ризиците што ги носи по моето здравје. Ја преземам целосната одговорност како фудбалер и пример за останатите, сподели Бисума во изјавата.

Од штабот на „петлите“ велат дека го истражуваат инцидентот и ова ќе се смета за „внатрешно прашање“.

Поседувањето азотен оксид е кривично дело кога има намера незаконски да се вдиши поради психоактивен ефект, но сепак е можно да се користи и во рамки на законот. На пример, за ублажување на болка при породување.

Бисума му се приклучи на Тотенхем во 2022 година и забележа 56 настапи за клубот. Ова вклучува и 26 натпревари како стартер под водство на Анже Постекоглу во сезоната 2023-2024.

The post Го даваат за против болки при породување: Бисума се снимаше како вдишува азотен оксид appeared first on Република.

Фудбалерите на Челзи победија вчера на гостувањето кај Тотенхем со 4:1, во последниот натпревар од 11. коло на Премиер лигата. Челзи ја забележа четвртата победа од почетокот на сезоната и моментално е десетти на табелата со 15 бодови, додека Тотенхем остана на втората позиција со 26 бодови, бод помалку од Манчестер Сити.Забележани се два гола, уште три поништени, пенал и еден црвен картон.

Тотенхем беше подобар на почетокот од мечот и поведе во шестата минута со голот на Дејан Кулушевски. Осум минути подоцна и Сон ја затресе мрежата на гостите, но тој гол беше поништен поради офсајд.

Рахим Стерлинг израмни во 21. минута, но и тој гол беше поништен бидејќи играше со рака, а во 28. минута ВАР му го поништи голот на Мојсес Кајсед.

Челзи, сепак, профитираше од таа акција во 28. минута и целосно го сврте натпреварот во своја полза. Откако голот на Кејсед беше поништен од ВАР, судијата Мајкл Оливер досуди пенал за Челзи за прекршокот над Ромеро кој му претходеше на голот и му покажа директен црвен картон на играчот на Тотенхем.

И седум минути по голот и спорната ситуација во шеснаесетникот, Кол Палмер го изведе пеналот и погоди за 1:1.

Челзи беше поопасен до крајот на првото полувреме, но не успеа веднаш да ја материјализира бројчаната предност на теренот.

Заедно со црвениот картон на Ромеро, Тотенхем во финишот на првото полувреме остана без Мики ван де Вен и Џејмс Медисон поради повреди.

После тоа најмногу се играше на половината на Тотенхем, фудбалерите на Челзи го опседнаа голот на домаќините, но Тотенхем успеа да се брани до 75. минута. Потоа, по брз напад, Стерлинг проигра покрај Николас Џексон, кој немаше потешкотии да го совлада Викари.

Неколку минути подоцна израмни Ерик Диер, но тоа беше уште еден поништен гол поради офсајд. Во самиот финиш на натпреварот Тотенхем со сите сили се обидуваше да израмни, но Сон пропушти голема шанса во судиското надополнување.Многу брзо потоа Џексон стави точка на овој меч со уште два гола во мрежата на Тотенхем, во 94. и 97. минута.

The post Kaков меч во Лондон, кој не го гледаше многу пропушти appeared first on Република.

Хари Кејн, најдобриот фудбалер на Тотенхем, негов капитен и рекордер по бројот на постигнати голови е трансферна цел на речиси сите најголеми клубови во Европа, пред се во ПЛ, но Кејн има договор со својот клуб до јуни 2024 година.

Ова значи дека ако Даниел Леви, првиот човек на клуботдоколку не го продаде во јуни, тоа значи дека следното лето Кејн ќе биде слободен.

Токму затоа од Тотенхем на сите понуди за Кејн одговараат дека цената е 110 милиони евра за евентуален трансфер ова лето. Па кој сака нека повели.

The post Тотенхем го продава Кејн за 110 милиони евра appeared first on Република.

Тренерот на Тотенхем, Антонио Конте проговори за напаѓачот Хари Кејн. Вчера, на натпреварот од 21. коло на Премиер лигата против Фулам (1:0), англискиот напаѓач беше стрелец на победничкиот гол и го повтори рекордот на Џими Гривс, кој играше за клубот од 1961 до 1970 година. . Кејн го постигна својот 266 гол за Тотенхем.

– Зборуваме за играч со фантастични способности, неверојатни вештини. Се разбира, би сакал да помогнам да се направи нешто важно, да освои нешто со Тотенхем. Тој го сака Тотенхем, клубот во неговото срце. Мислам дека треба да бидеме сонувачи. Разговарав со играчите и реков дека овој ден треба да ни биде почетна точка. Ако сакаме да бидеме сонувачи, мора да знаеме дека ФА Купот е тежок турнир. Ако го видам ова единство, ќе имаме резултати, изјави Конте.

Дваесет и деветгодишниот Кејн игра за Тотенхем од 2011 година. Неговиот актуелен договор со Спарс е до 2024 година.

Тотенхем се наоѓа на 5. место во поредокот на шампионатот на Англија, со 36 бодови од 21 натпревар

The post Kонте: Кејн го сака Тотенхем appeared first on Република.

Напаѓачот на Тотенхем, Хари Кејн е подготвен да го продолжи договорот со лондонскиот клуб, пренесува новинарот Дејвид Орнштајн.

Актуелниот договор на играчот со Спарс е до 2024 година.

Според Орнштајн, ситуацијата на Англичанецот будно ја следи Баерн Минхен, кој очекува да го купи играчот со попуст во летото 2023 година.

Самиот Кејн би сакал да продолжи да игра во англискиот шампионат, па затоа е подготвен да ги разгледа условите на Тотенхем.

Оваа сезона Кејн постигна 15 голови во Премиер лигата.

Тој е на второто место на листата на најдобри стрелци во Англискиот шампионат.

The post Кејн останува во Тотенхем appeared first on Република.

Тотенхем се договори со Јувентус за позајмица на играчот од средниот ред Дејан Кулушевски до крајот на сезоната за пет милиони евра.

Купувањето на 21-годишниот шведски репрезентативец со македонско потекло за 35 милиони ќе стане задолжително за лондонскиот клуб доколку се исполнат два услови. Првиот е Англичаните да стигнат до Лигата на шампионите, а вториот е Кулушевски да одигра најмалку половина од натпреварите за Тотенхем.

На 20 натпревари од сезоната во Серија А, Кулушевски има постигнато еден гол и креирано три асистенции.

The post Швеѓанецот со македонско потекло, Кулушевски, од Јувентус преминува во Тотенхем appeared first on Република.

Претставници на премиерлигашот Тотенхем се во преговори со голманот Уго Лорис за продолжување на договорот. Според новинарот Фабрицио Романо, лондонскиот клуб сака да го продолжи договорот со 35-годишниот фудбалер до 2023 година.

Актуелниот договор на Лорис со Тотенхем е до јуни 2022 година. Фудбалерот игра во Англија од 2021 година.

Лорис оваа сезона одигра 20 натпревари во сите натпреварувања и прими 23 гола, додека на осум натпревари не беше совладан.

The post Тотенхем сe обидува да го обнови договорот со голамнот Уго Лорис appeared first on Република.