Скопје денеска одбележува осум години од невремето што предизвика поплави во кои загинаа 22 лица. Попладнето на 6 август 2016, скопскиот регион беше погоден од обилни врнежи од дожд и силен ветер. Загинатите во невремето беа во реоните на селата Сингелиќ, Стајковци, Смилковци и Арачиново.

Во текот на 24 часа на 6 август 2016 во Скопје наврнале 92,9 литри на метар квадратен, а во текот на првите два часа од почетокот на невремето имало повеќе од 800 громови.

Невремето и поројот од вода предизвика пад на дрвја, а домовите останаа без електрична енергија. Околу илјада граѓани беа евакуирани во текот на ноќта на 6 август.

Граѓаните од целата држава координирани од Црвениот крст, Кризниот штаб и надлежните институции во наредните денови се солидаризираа за собирање на најнеопходната помош за настраданите. 8 август 2016 беше прогласен за Ден на жалост во Република Македонија.

Управата за хидрометеоролошки работи во извештаите по невремето информираше дека на Зајчев рид – главната метеоролошка станица во Скопје, бил забележан рекорден интензитет за петчасовни врнежи од 84,5 милиметри.

Да не се заборави, но никогаш да не се повтори!

The post Да не се повтори: 8 години од поплавите во Скопје во кои загинаа 22 лица appeared first on Република.

Расчистено е двојното убиство во Стајковци, кога маж ги усмрти братот и снаата. Осомничениот Љ.К.(66) од скопско Стајковци беше изведен пред судија на претходна постапка кој му определил мерка притвор во траење од 30 дена.

Полицијата против осомничениот поднесе кривична пријава поради постоење основи на сомнение за сторено кривично дело „убиство“ по член 123 од Кривичниот законик.

-Тој се сомничи дека на 14.05.2024 во домот во с.Стајковци со метален предмет ги нападнал неговиот брат В.К.(64) и неговата снаа С.К.(57), кои од здобиените повреди починале на местото, информира МВР.

Од Обвинителството соопштија дека тој со умисла ги лишил од живот својот брат и снаата.

-Осомничениот прво ја нападнал снаата, удирајќи ја повеќе пати со метална шипка по главата, а потоа го пресретнал и братот на кого исто така со шипката му нанел смртоносни повреди, соопштија од Обвинителството.

По настанот осомничениот беше хоспитализиран. Бидејќи со подобрување на неговата здравствена состојба постои опасност тој да се даде во бегство, јавниот обвинител оцени дека мерката притвор е неопходна за непречено водење на истрагата, па до судијата на претходна постапка достави предлог за определување таква мерка.

The post 30 дена притвор за осомничениот за двојното убиство во Стајковци appeared first on Република.

Јавен обвинител од Основното јавно обвинителство Скопје до Основниот кривичен суд Скопје достави предлог за определување мерка притвор за лице осомничено дека сторило кривични дела „Убиство“ според член 123 став 2 точка 2 од Кривичниот законик.

Како што информира Јавното обвинителство, против лицето е поведена истражна постапка откако на 14 мај 2024 година, при вршење семејно насилство, во семејниот дом во Стајковци, тој со умисла ги лиши од живот својот брат и снаата.

Како што се наведува, осомничениот прво ја нападнал снаата, удирајќи ја повеќе пати со метална шипка по главата, а потоа го пресретнал и братот на кого исто така со шипката му нанел смртоносни повреди.

По настанот осомничениот беше хоспитализиран. Бидејќи со подобрување на неговата здравствена состојба постои опасност тој да се даде во бегство, јавниот обвинител оцени дека мерката притвор е неопходна за непречено водење на истрагата, па до судијата на претходна постапка достави предлог за определување таква мерка, се вели во соопштението од Јавното обвинителство.

The post Со метална шипка до смрт ги претепал снаата и братот: Притвор за двојно убиство во Стајковци appeared first on Република.

Денеска во 12.30 во СВР Скопје било пријавено дека во с.Стајковци, скопско, на тераса и на скали во домот со повреди на главата биле пронајдени С.К.(57) и нејзиниот сопруг В.К.(64).

Лекар од Итна медицинска помош на местото констатирал смрт кај С.К., додека В.К. со повреди бил пренесен во Комплексот клиники „Мајка Тереза“ каде што во 14.00 часот починал.

Полициски службеници од Полициската станица Гази Баба и Единицата за интервентна полиција при СВР Скопје со убодни рани го пронашле и Љ.К.(67), брат на В.К., кој имал здравствени проблеми и за кој постои сомнение дека е сторител на убиството. Тој, исто така, е пренесен во медицинска установа за укажување помош. Се преземаат мерки за целосно расчистување на случајот.

The post МВР со детали за двојното убиство во Стајковци: Едното лице починало во болница, осомничениот имал здравствени проблеми appeared first on Република.

Попладнево во пукање во скопско Стајковци убиени се две лица, објави Фокус.
Според неофицијални информации повозрасен маж ги убил братот и снаата, по што самиот се избодел. Во моментов е хоспитализиран во болницата „Свети Наум Охридски“.

The post Убиени две лица во Стајковци appeared first on Република.

The post Мисајловски: Вашата поддршка ни е мотив да чекориме храбро, и заеднички да си ја вратиме Македонија назад appeared first on Република.

На локалниот пат с.Брњарци-с.Стајковци вчера се судриле три возила, а со едно од нив управувал малолетник. Повредени се 13 лица, од кои четворица се со потешки повреди.

На 07.05.2023 во 13:40 часот во СВР Скопје било пријавено дека на локалниот пат с.Брњарци–с.Стајковци, скопско, се случила сообраќајна несреќа помеѓу патничко моторно возило „ауди” со скопски регистарски ознаки, управувано од малолетник од Скопје, патничко моторно возило „нисан” со скопски регистарски ознаки, управувано од И.Б.(35) од с.Страчинци, скопско и патничко моторно возило „ауди” со скопски регистарски ознаки, управувано од А.М.(30) од с.Никиштане, скопско, соопштија од МВР.

Во сообраќајката со тешки телесни повреди се здобиле возачот И.Б. и сопатниците од неговото возило Љ.Б.(25), С.Б.(62) и З.Б.(37), сите од с.Страчинци. Полесни повреди имаат возачот А.М. и осум сопатници од сите три возила, констатирани во Комплексот клиники „Мајка Тереза” и Градската општа болница „Св.Наум Охридски”

The post Повредени 13 лица во сообраќајна несреќа кај Стајковци appeared first on Република.

На почетокот да ја поздравам посетата од страна на претседателот на ВМРО-ДПМНЕ, Христијан Мицкоски на општина гази Баба и да се заблагодарам за поддршката која ни ја дава со цел за забрзана реализација на проектите кои што ни се ветени пред граѓаните. Денес имаме можност да присуствуваме на два капитални проекти. Во моментот се наоѓаме во Стајковци на свечено отварање на новата спортска сала во основното училиште „Кирил и Методиј“, инвестиција целосно обезбедена од буџетот на општина Гази Баба која чини 20 милиони денари. Искрено сум среќен што после 50 години, населеното место Стајковци и учениците од Стајковци и од околината добиваат спортска сала во која што ќе можат да ги реализираат часовите по физичко и здравствено образование. Салата е опремена со најсоодветна опрема и спортски реквизити и тука учениците ќе можат да партицираат повеќе видови на спорт, мал фудбал, кошарка, одбојка, ракомет, гимнастика и боречки вештини, ова денеска преку изјава за медиумите го истакна градоначалникот на општината Гази Баба, Бобан Стефковски.

Тој додава дека посебна чест е за мене што на моја иницијатива салата ќе го носи името на Бобан Ивановиќ, македонски херој кој животот го загуби бранејќи ја Македонија во акцијата во Диво Насеље. Со оваа одлука споменот за Бобан Ивановиќ ќе биде вечен и никогаш нема да се заборави.

Исто така во текот на денешниот ден свечено пуштивме во употреба и отворен спортски комплекс во чии содржини има фудбалско игралиште со подлога од вештачка трева, ново кошаркарско игралиште и детско катче и жителите од околина од сите возрасти и од сите генерации ќе можат да спортуваат, да се дружат и да се рекреираат.Општина Гази Баба на почетокот на оваа година започна со голема градежна офанзива, така ќе продолжиме во иднина со цел реализација на сите проекти што се од нашата изборна програма и навистина да им направиме подобри услови за живот на нашите сограѓани во општина Гази Баба, вели Стефковски.

The post Стефковски: Стајковци добива нова спортска сала во вредност од 20 милиони денари appeared first on Република.

Градоначалникот на општина Гази Баба, Бобан Стефковски денес 24.08.2022 година направи увид во градежните работи за изградба на новиот спортски комплекс во Стајковци кој ќе го носи името на Иван Илиев, дете кое загина во поплавите кои ја зафатија општина Гази Баба во 2016та година.

За увидот во градежните работи, градоначалникот Стефковски информираше на својата официјална страна на фејсбук на која напиша:

Стајковци добива спортски комплекс “Иван Илиев” со игралиште за мал фудбал на подлога од вештачка трева и ново кошаркарско игралиште на кое ќе се вградуваат елементи и за тенис и одбојка.

Денес направив увид на градежните активности за изградба на спортскиот комплекс кој се гради во населеното место Стајковци.

Со изградбата на овој спортски комплекс младите од Стајковци добиваат најсовремен терен за мал фудбал, ново кошаркарско игралиште на кое ќе може да се вградуваат елементи за тенис и одбојка. Ова ќе биде простор на кој младите ќе можат да спортуваат и рекреираат.

Ќе предложам до Советот на општина Гази Баба да донесе Одлука со која овој спортски комплекс ќе го носи името на Иван Илиев, дете кое загина во поплавите кои ја зафатија општина Гази Баба во 2016 година. Со ова споменот за Иван Илиев ќе биде вечен, напиша Стефковски.

The post Стајковци добива нов современ спортски комплекс, ќе го носи името на детето кое загина во поплавите appeared first on Република.

На денешен ден 6ти Август во 2016та година општина Гази Баба беше зафатена од голема поплава која нанесе материјални штети и однесе 22 човечки животи.

Градоначалникот на општина Гази Баба Бобан Стефковски на својата официјална страна на фејсбук по повод годишнината од поплавите напиша:

Денес навршуваат шест години од катастрофалната поплава која ја зафати општина Гази Баба.

22 наши сограѓани ги загубија своите животи и болката по нив ќе трае засекогаш.

Материјалната штета беше огромна. Домовите на жителите од Стајковци, Сингелиќ и околните населени места беа целосно уништени. Големата количина на вода за миг однесе се.

Кога навидум се беше разрушено се роди новата надеж. Многу општини и градови од Македонија, многу држави од светот ја покажаа својата солидарност и хуманост кон нашата општината.

Како градоначалник и денес изразувам благодарност до сите оние кои на било каков начин дадоа придонес во справувањето со последиците од поплавата.

Почитувани граѓани,
Жртвите од поплавата како и солидарноста и хуманоста на илјадници луѓе кои помогнаа во справување со последиците од поплавата не смееме никогаш да ги заборавиме.
Гази Баба се сеќава!
Никогаш да не се повтори!
Никогаш да не се заборави! – напиша Стефковски

The post Гази Баба се сеќава: Денес се навршуваат 6 години од поплавите appeared first on Република.

Денес 24.05.2022 година по повод празникот Св. Кирил и Методиј кој е патрон на населеното место Стајковци се оддржа настан за положување свежо цвеже и оддавање почит пред споменикот на Бобан Ивановиќ кој како припадник на специјалните единици на МВР загина во вооружената пресметка во Диво Насеље.

На настанот свое обраќање имаше градоначалникот на општина Гази Баба Бобан Стефковски кој истакна:

Бобан Ивановиќ и Горан Стојменовиќ се двајцата херои кои беа наши сограѓани, а загинаа во Диво Насеље.

Како градоначалник на општина Гази Баба нема да дозволам нивниот лик и дело да се заборави.

За таа цел ќе доставам предлог до училишниот одбор на општинското основно училиште Кирил и Методиј во Стајковци во кој ќе предложам училишната сала која е во изградба да го носи името на Бобан Ивановиќ.

Со оваа одлука неговото име и дело никогаш повеќе нема да бидат заборавени – истакна Стефковски.

На настанот покрај свежо цвеќе положија: делегација на општина Гази Баба предводена од градоначалникот Бобан Стефковски, делегација на Советот на општина Гази Баба предводена од претседателот Дијана Илиевска, делегација на пратеничката група на ВМРО-ДПМНЕ во состав на пратениците Жаклина Пешевска и Зоран Коцевски, делегација на семејството на Бобан Ивановиќ, делегација на Месната заедница Стајковци и други делегации.

The post Училишната сала во Стајковци ќе го носи името на херојот Бобан Ивановиќ appeared first on Република.

Градоначалникот на општина Гази Баба Бобан Стефковски заедно со преставници од УСАИД го отворија првиот младински клуб во рамки на Месната заедница во Стајковци.

Денес во просториите на Месната заедница Стајковци го отворивме првиот младински клуб. Овој проект го реализиравме во соработка со УСАИД и е во рамки на проектот за меѓуетничка интеграција на младите во образованието.

Иницијативата за отворање на ваков младински клуб дојде од страна на училишните парламенти на општинските основни училишта „Кирил и Методиј“, „Дане Крапчев“ и „25 Мај“. На денешната средба во разговор со учениците ги слушнав нивните идеи и предлози со цел создавање на поквалитетно образование на најмладите. Инвестициите во создавањето на квалитетно образование и восипитание на нашите дечиња ќе продолжат и во иднина преку реализација на голем број на проекти, напиша Стефковски.

The post Отворен првиот младински клуб во Стајковци appeared first on Република.

Ноќва околу 03.00 часот во СВР Скопје било пријавено дека во с.Стајковци, скопско, А.Н.(19) од с.Брест, скопско и негов малолетен другар биле физички нападнати од три лица, кои, според пријавата, употребиле остар предмет.

Полициски службеници излегле на местото и го затекнале А.Н. со повреда од остар предмет и уште двајца малолетници од с.Арачиново. Со нив, во присуство на родителите, во Полициска станица Гази Баба бил извршен разговор и тие изјавиле дека лажно пријавиле напад од други лица, а всушност малолетниот другар му ја нанел повредата на А.Н. од невнимание.

Се преземаат мерки за расчистување на случајот.

The post Албански тинејџери во полиција лажно пријавиле дека ги нападнала банда, всушност „по грешка“ бил повреден од другар appeared first on Република.