Продолжуваме со изградба на нови спортски и детски игралишта, уште многу нови локации до крајот на годината!
Завршија финалните активности со кои уште едно заборавено кошаркарско игралиште во Општина Аеродром официјално се пушта во употреба.

На овој спортски терен што се наоѓа во близина на кулите зад ТЦ „Капитол“ беше поставена нова подлога, беа поправени таблите и конструкциите за кошевите, а околниот простор беше уреден со две нови клупи.

Со вчерашниот ребаланс на буџетот, Општината создаде услови за продолжување на интензивната работа во однос на забавната и спортската инфраструктура.

Во наредниот период ќе се изградат нови детски и спортски игралишта, а ќе се реконструираат и веќе постојните во Реонски центар, Острово, Мичурин, населба Лисиче, како и на улицата „Тодор Чангов“, во непосредна близина на „Три бисери“, Ново Лисиче и во Стар Аеродром на улицата „23 Октомври“.

The post Реонски, Острово, Мичурин, Ново Лисиче и Стар Аеродром се на ред да добијат нови игралишта appeared first on Република.

The post Мицкоски: Со градоначалникот Дарко Костовски отворивме спортски комплекс, игралиште кое има европски лик appeared first on Република.

Во селото Љубанци во Општина Бутел од денеска е отворен нов спортски комплекс. Како што истакна градоначалникот на Бутел Дарко Костовски, станува збор за целосно комплетирано и оформено спортско игралиште со трибини и нова ограда.

Ова игралиште, како што рече градоначалникот, е направено со донација на градежната компанија „Жикол“, во вредност од три милиони денари. 

Костовски најави дека и населеното место Бутел 2 ќе добие сличен ваков спортски терен, а во текот на септември и Радишани, односно долната зона или по старо село Радишани, исто така ќе добие спортски комплекс.

Работиме и на многу други работи, за многу кусо, за некој ден почнуваме со нова градинка на територија на Бутел и многу други проекти, рече Костовски на отворањето на спортскиот комплекс.

Тој за вечер, на овој спортски комплекс, најави голем меморијален турнир, на кој се пријавиле околу 50-тина екипи.

Општина Бутел се јавува како генерален покровител на овој турнир и тој турнир е со традиција од околу 50-тина години, неколку години за жал не се одржуваше, но еве сега се одржува и навистина ги поканувам граѓаните на цела територија на градот Скопје да доаѓаат и да уживаат во овој убав настан на ова убаво игралиште, рече Костовски.

И лидерот на ВМРО-ДПМНЕ Христијан Мицкоски, кој заедно со градоначалникот Костовски присуствуваше на денешното отворање на комплексот, рече дека очекува во следниот период ова игралиште да го користат децата и да прераснат во врвни спортисти кои ќе ја промовираат нашата држава надвор. Затоа што, како што рече, нема поголем промотор за една држава од спортистот.

Навистина делува сето ова прекрасно, благодарност до компанијата „Жикол“ која во најголем дел го донираше ова спортско игралиште овде во Љубанци да има ваков изглед и се надевам дека и останатиот дел од општествено одговорните компании во земјава ќе го следат примерот на оваа компанија, рече Мицкоски.

The post Нов спортски компекс во Љубанци, општина Бутел appeared first on Република.

На мое огромно задоволство денес сме во Ново Село, го пуштаме официјално во употреба еве да кажам спортскиот центар кое што опфаќа детски реквизити, детско спортско игралиште кое што ќе има намена да анимира дечиња кои што живеат, кои што ќе рекреираат и ќе спортуваат овде. Еден прекрасен парк, едно прекрасно катче каде што најразлични генерации ќе можат да го потрошат своето слободно време, изјави денеска градоначалникот на општина Штип Иван Јорданов.

Тој додаде дека ќе се реконструираат сите игралишта во општината со цел да се подобри инфраструктура и да се мотивираат младите да спортуваат.

Станува збор за инвестиција од општина Штип, од парите на граѓаните. Вложивме некаде над два милиони денари. Но нема да застанеме овде, во секоја населба сите спортски игралишта ќе ги реконструираме со специјализирани подлоги како што е ова во Ново Село. Веќе во тек на изработка и изведба се неколку спортски објекти во населбата Баби, населбата Железничка. И ќе продолжиме во текот на годината и во другите населби се со цел да ја подобриме спортската инфраструктура и да ги мотивираме и стимулираме младите да рекреираат и да спортуваат.

https://youtu.be/4n9P6GRYWnI

The post Јорданов: Ново Село доби спортски центар во износ од над два милиони денари, во другите населби во Штип ќе се реконструираат спортските игралишта appeared first on Република.