Репрезентацијата на Србија е првиот патник во големото финале од Светското првенство. „Орлите“ во полуфиналната пресметка со Канада беа апсолутно подобар противник и сосема заслужено славеа со резултат 95-86.

Најефикасен во победничкиот табор беше Богдан Богдановиќ со 23 поени, а ист скор имаше и Ар Џеј Берет од Канада. Србија во големото финале го чека подобриот од дуелот меѓу САД и Германија.

Американците се големи фаворити во второто полуфинале и голема е веројатноста дека токму тие ќе бидат противници на феноменалниот српски тим.

The post Србија ја демолира Канада и се пласира во финалето на кошаркарското СП appeared first on Република.

Амане Берисо Шанкуле од Етиопија го освои златниот медал на женскиот маратон претпладнево на Светското првенство во атлетика што се одржува во Будимпешта.

Шанкуле го оствари својот најдобар сезонски резултат – 2 часа 24 минути и 23 секунди.

Нејзината сонародничка Готутом Гебресласе заврши на 2. место со 11 секунди заостанување зад победничката.

На третото место маратонот го заврши Мароканката Фатима Езахра Гардади со време 2:25.17.

Единствената Македонка на ова Светско првенство, Адријана Поп Арсова, не го заврши маратонот.

The post Шанкуле победи на женскиот маратон на СП, Поп Арсова не ја заврши трката appeared first on Република.

Ракометарите на Германија го освоија петтото место на Светското првенство во, откако го добија дербито со Норвешка со 28-24 (16-13).

Средбата која се одигра во „Теле2 Арената“ како увертира за вистинскиот спектакл мина целосно во знакот на Германците, кои имаа целосна контрола врз резултатот.

Најефикасен играч на средбата беше Гулеруд кој даде шест гола, додека кај Германците по пет постигнаа Гола, Хафнер и Витцке.

The post Германија ја совлада Норвешка и го освои петтото место на ракометното СП appeared first on Република.

Данска ја совлада вечерва Шпанија со 26-23 во првото полуфинале на 28. Светско првенство во ракомет и во финалето в недела ќе ја брани титулата освоена на Мундијалот пред две години во Египет.

Данците од самиот почеток остварија предност од четири голови и на полувреме заминаа со водство од 15-10.

Предноста од пет голови ја одржуваа до средината на второто полувреме кога Шпанија се доближи на само гол негатива (19-20).

Сепак, уследи нова серија од 4-0 на данските ракометари со која победникот беше одлучен.

И во Египет пред две години Данска и Шпанија играа во полуфиналето, а Данците тогаш триумфираа со 35-33.

Данска в недела ќе се обиде да ја освои третата светска титула во низа, а противник во финалето ќе биде победникот од дуелот во кој вечерва од 21 часот во Стокхолм ќе играат Шведска и Франција.

Во денешните натпревари за пласман од петтото до осмото место, Германија го победи Египет (35-34), додека Норвешка беше поуспешна од Унгарија (33-25).

The post Данска прв финалист на Светското првенство во ракомет appeared first on Република.

Македонската репрезентација со двајца нови ракометари ќе влезе во вториот натпревар од Светското првенство, против Холандија денеска во 18 часот. Нови имиња се Давид Савревски и Павле Атанасијевиќ, на местото на Костадин Петров и на Томислав Јагуриноски, објави „Спорт1“.

Савревски иако не е ни 24 часа присутен во Краков, сепак веднаш ќе влезе во опрема и ќе истрча со 16-те против Холандија. Тој ќе биде потпора за Мартин Серафимов, кој ќе биде стартниот десен бек на Македонија. Мало изненадување е исфрлањето на Петров. Точно е дека состав со четворица пикери не е секојдневен, но Петров имаше перфектни четири од четири против Норвешка. На негово место влегува нов лев бек, Павле Атанасијевиќ, но многу повеќе поради неговата енергичност и во одбраната, која ќе биде потребна против брзите Холанѓани.

И на овој меч, како и со Норвешка, надвор од тимот е неговиот брат близнак, Петар Атанасијевиќ.

The post Ракометарите Савревски и Павле Атанасијевиќ се двете измени за Македонија за мечот со Холандија appeared first on Република.

Часовите во средно економско училиште во Белград денеска ќе бидат скратени поради историскиот натпревар кој вечерва во 20 часот се игра на Светското фудбалко првенство меѓу Србија и Бразил. Како што пишуваат медиумите во Србија денеска ќе бидат скратени часовите во втората смена и оние во понеделник, на 28 ноември, кога ќе бидат скратени и во првата и во втората смена.

Вака одлучил директорот на училиштето во Беград, Дејан Недиќ, инаку познат судиски аналитичар.

За да го гледаме мечот на раат, ќе ја скратиме наставата во четврток попладне, пишува во известувањето на директорот Недиќ.

Во понеделник Србија го игра вториот меч на Мундијалот, со Камерун, во 11 часот.

Поради тој меч, наставата ќе биде скратена во двете смени.

The post Директор на средно училиште во Белград ги скрати часовите за да може да се гледа вечерашниот дуел Србија – Бразил на СП appeared first on Република.

Не знам дали ќе успееме или не, но одиме да победиме, би сакал да се сретнеме со Хрватите во четвртфиналето, тие имаат фантастична репрезентација, стара, искусна, но мислам дека во овој момент ние сме за нијанса подобри! Какво големо дерби би било тоа, страшен натпревар, изјави во гостувањето на телевизија Прва српскиот претседател Александар Вучиќ, каде на крајот од дискусијата за горливите прашања за Србија се осврна и на Светско првенство, јави дописникот на МИА од Белград.

Ќе навивам за Србија со целото мое срце, како и сите граѓани на Србија, и ги молам само да се борат … Виктор Орбан страсно навива за Србија, како што би и јас и тие да учествуваа, а ние не … Исто така навивав и за Македонија на Европското првенство, изјави српскиот претседател, додавајќи дека за „Србија ќе навиваат и нашите браќа Унгарци, Македонците, Романците, Бугарите …“, кажа Вучиќ во утринската програма на ТВ Прва.

The post Вучиќ во Катар: Ќе навивам со сето срце за Србија, како што навивав за Македонија на ЕП appeared first on Република.

Македонската ракометна репрезентација вечер гостува кај Чешка во првиот меч од пресметката за пласман на Светското првенство 2023.

Селекторот Кирил Лазаров верува дека со максимална ангажираност негова и на неговите избраници може да се дојде до добар резултат пред реваншот во Скопје.

Лазаров кој ќе ја има и улогата на капитен на теренот, смета дека Чешка е посилна од претходниот ривал Романија.

Ако треба да ја споредам Чешка со Романија, можам да кажам дека 15 до 20 отсто се работи за повоиграна репрезентација, иако не треба да се занемари квалитетот на Романците. Нема да не плаши тоа, имаме јасна идеја, можеби ќе ѝ ја препуштиме фаворитската улога, меѓутоа ние сакаме Светското првенство и спремни сме да го дадеме нашиот максимум да дојдеме таму. Мислам дека многу ќе ни значи уште еден настап на Светско првенство со оваа нова генерација. Спремни сме за предизвикот, рече Лазаров.

Натпреварот ќе се игра во Злин со почеток во 20 часот и 15 минути, реваншот е в недела во Скопје (19 часот).

The post Македонските ракометари вечерва го играат првиот од двата натпревара со Чешка во баражот за СП appeared first on Република.

Македонската машка ракометна репрезентација ги одработува мини подготовки за престојниот мундијалски бараж двомеч против Чешка.

Откако во првата рунда од плејофот, нашите ракометари ја минаа Романија, сега последна пречка пред нов настап на СП што ќе се одржи следната година, е селекцијата на Чешка.

Во меѓувреме селекцијата се комплетира, со приклучувањето на интернационалците, па вечерва селекторот и капитен Кирил Лазаров на располагање ќе ги има сите ракометари кои се најдоа на неговиот последен список.

Кои ракометари утре ќе отпатуваат за Злин, Лазаров ќе реши по утрешниот утрински тренинг.

Првиот дуел против Чесите на програмата е во среда (13 април) со почеток од 20:15 часот, додека реваншот ќе се игра во недела (17 април) во СЦ Борис Трајковски од 19:00 часот.

За овој натпревар денеска се пуштени во продажба влезниците и тоа по цена од 100 денари, а УО на РФМ реши, како дополнителен мотив за ракометарите, да има парична награда во износ од 50.000 евра за пласман на Мундијалот во Полска и Шведска 2023.

The post Ракометарите ќе поделат премија од 50 илјади евра ако се пласираат на СП appeared first on Република.

Поразот на Италија од македонската репрезентација во полуфиналето од мундијалскиот бараж, освен италијанската јавност, тешко го поднесе и претседателот на ФИФА Џани Инфантино.

Навистина би заплакал поради тоа што Италија ќе го пропушти Светското првенство, изјави Инфантино во разговор за РАИ Спорт, спроти денешната жрепка во Доха за групната фаза на Мундијалот.

Инфантино, кој е Швајцарец со италијанско потекло, рече дека е „тажно за сите Италијанци што Азурите вторпат по ред нема да учествуваат на Светско првенство.

Но, ситуацијата е таква, само 32 репрезентации можат да се квалификуваат и Светското првенство е на секои четири години. Барем засега …, изјави Инфантино.

Италија не успеа да се квалификува за завршниот турнир во Катар, откако пред своите гледачи во Палермо загуби од Македонија со 1-0. ег/паг/

The post Инфантино: Ми се плаче поради елиминацијата на Италија appeared first on Република.

Ѕвездата на португалската репрезентација, Кристијано Роналдо е убеден во триумф над Македонија во утрешниот финален бараж натпревар за пласман на Мундијалот во Катар. Португалија во финалето се пласира по победата над Турција 3-1 а Македонија славеше во Палермо над Италија со 1-0 со голот на Александар Трајковски во 92. минута.

Утрешниот натпревар за нас е финале и ние сме подготвени. Дали сме фаворити? Не го разбирам ова прашање бидејќи отсекогаш сум сметал дека ние сме фаворити за секој натпревар без разлика дали го играме дома или на гости. Знаеме дека победа нѐ носи на СП во Катар и имаме одговорност да триумфираме – изјави Роналдо.

Фудбалерот на Манчестер јунајтед смета дека Македонија изненади си победата над Италија во полуфиналето од баражот.

Македонците изненадија во баражот, но тие изненадија и на други натпревари во минатото. Сепак, убеден сум дека утре нема да нѐ изненадат, Португалија ќе победи и ќе играме на СП – додаде Роналдо.

The post Роналдо: Португалија ќе игра на СП, Македонија нема да нè изненади appeared first on Република.

Како што продолжуваат воените дејствија во Украина по инвазијата на Русија, така од ден на ден се зголемуваат мерките и исклучувањата на руските спортисти од сите светски спортски асоцијации.

Секако дека во преден план е баражот за пласман на СП во Катар, а познато е дека Русија во полуфиналето требаше да игра со Полска во Москва.

Прво Фудбалската федерација на Полска објави дека нема намера патува во Русија, потоа дека и нема намера било каде да игра со таа земја. Следуваше и реакција на ФИФА и УЕФА, имено двете објавија дека ја исклучуваат Русија од баражот за пласман на СП, но за тоа кој ќе патува на Мундијалот не беше детализирано.

На се ова доаѓа пораката до ФИФА упатена од страна Владимир Путин, претседателот на Русија, во која, како што објавуваат медиумите во неговата земја, покрај другото стои…

Ако Русија не игра за СП во Катар, односно ако Русија не игра во баражот за пласман на Светското првенство тогаш нема да се одржи ниту Мундијалот - порачал првиот човек на Русија.

Инаку најново е тоа што, барем така најавуваат од Русија и Полска, дека нивниот бараж меч би можел да се игра во јуни.

The post Ако Русија не игра за СП во Катар, нема да се одржи ниту Мундијалот, порача Путин appeared first on Република.

По суспензијата на Русија, Полска автоматски ќе се квалификува за плејоф финалето од квалификациите за Светското првенство во 2022 година.

Според „Przegląd Sportowy“, повикувајќи се на извор од полскиот фудбалски сојуз, ФИФА нема да бара замена за рускиот тим. Така Полска автоматски стигна до финалето во барашот каде ќе игра со Чешка или Шведска. За ова се уште нема официјална одлука на ФИФА, но се очекува до петок да биде објавена.

ФИФА разгледа неколку опции, но сите тие создадоа многу проблеми. Имаше опција со три меча пресметка меѓу Полска, Шведска и Чешка, но имаше тешкотии со логистиката и распоредот. Словачка или Унгарија би можеле да ја заменат Русија во плејофот. Сепак, секоја од овие екипи веќе има закажани натпревари, а нивното откажување ќе резултира со загуби.

Светското фудбалско првенство 2022 ќе се игра во Катар од 21 ноември до 18 декември

The post По суспензијата на Русија, Полска автоматски ќе се квалификува за плејоф финалето од квалификациите за Светското првенство appeared first on Република.