Машката ракометна селекција на Македонија беше вторпат поразена, овој пат од Холандија, во натпреварите по групи на Светското првенство кое е во тек во Полска и Шведска. Останува мечот со Аргентина, кој е последна шанса за триумф и пласман во втората фаза на Мундијалот.

По тој повод, Ракометната федерација на Македонија (РФМ) повика на сплотеност во клучниот меч со Аргентина. Исто така им се заблагодари на фановите за огромната поддршка од трибините, а испрати порака и до медумите.

Ракометната репрезентација на Македонија учествува на осмо светско првенство; дванаесетто големо натпреварување во низа. Со седум дебитанти на теренот и еден од најмладите национални тимови на Мундијалот, тешко се носевме со двата противника во групата.
ПОРАЗИТЕ БОЛАТ и навистина ни е жал што до сега не ја израдувавме бројната фаланга во Краков. Уште еднаш, огромна благодарност за нашиот осми играч!

Пред клучниот натпревар на ова првенство, против селекцијата на Аргентина, би сакале да се заблагодариме на македонските медиуми за поддршката и љубезно да замолиме да не се вадат изјавите на играчите од контекст. Тешко е за сите, особено за оние кои се на првите борбени линии, а сензационалистички наслови и поединечни статуси на социјалните мрежи, никому нема да донесат добро. Тимот е сложен; пулсира во духот на единството и одиме со сите сили на трета среќа: СО СРЦЕ ЗА МАКЕДОНИЈА!!“, се вели со соопштението на РФМ.

Македонија загуби од Норвешка и Холандија, а клучниот меч со Аргентина го игра во вторник од 18:00 часот.

The post РФМ: Поразите болат, сите заедно да одиме на трета среќа и победа над Аргентина! appeared first on Република.

Селекторот на македонската ракометна репрезентација, Кирил Лазаров, пред вечерашниот дуел со големиот фаворит Норвешка, рече дека во спортот се случуваат изненадувања и побара поддршка за „црвено-жолтите” без разлика на конечниот резултат.

Во спортот секогаш треба да веруваш во нешто невозможно. Ние сме во ситуација да нема што да изгубиме, а да можеме многу да добиеме од дуелот со Норвешка. Нема да калкулираме и од почетокот ќе тргнеме ако ни се отвори можност да одиграме егал. Во спротивно може да размислуваме некои работи за следните противници. Ова репрезентација направи многу со поминување на квалитетни противници во баражите. Што и да се случи вечерва треба да го задржиме нашиот пат. Имаме седум дебитанти на ова Светско првенство. Подмладената репрезентација заслужува поддршка – истакна Лазаров.

Натпреварот во Краков почнува во 20:30 часот и е во рамките на 1. коло од Ф-групата на Светското ракометно првенство 2023.

Другата двојка за почетната рунда во оваа група е Холандија – Норвешка.

The post Лазаров: Во спортот треба да веруваш во нешто невозможно appeared first on Република.

Во премиерниот натпревар на Светското ракометно првенство репрезентацијата на Франција вечерва во рамки на групата Б во Катовице со 26-24 (14-13) ја совлада Полска, која заедно со Шведска е домаќин на завршниот турнир.

Двете репрезентации се менуваа во водство до средина на првото полувреме кога актуелниот олимписки првак Франција при резултат 8-8 нанижа четири голови во серија и стекна предност од четири голови. Со поддршка од домашната публика Полска успеа да ги консолидира редовите во продолжението и на полувреме да замине со гол негатива.

Кодомаќинот на Светското првенство во вториот дел неколку пати го израмнуваше резултатот, последен пат на десет минути пред крајот (21-21), но Франција повторно влезе во серија и со три последователни голови стекна недостижна предност.

Утре на програмата се натпреварите Чиле – Иран, Јужна Кореја – Унгарија, Саудиска Арабија – Словенија, Зеленортски Острови – Уругвај, сите со почеток од 18 часот, додека од 20:30 часот ќе играат Исланд – Португалија, Шпанија – Црна Гора и Шведска – Бразил.

The post Франција ја совлада Полска на отворањето на СП во ракомет appeared first on Република.