Зоолошката градина во Скопје соопшти дека повторно ќе биде отворена за посетители од сабота откако во октомври беше потврден случај на птичји грип.

Ве известуваме дека од оваа сабота (09.11.2024) Зоолошка градина на град Скопје повторно ќе биде отворена за посетители со редовно работно време од 09:00-16:00 секој ден. Да уживаме заедно во убавите есенски и сончеви денови, ве очекуваме, стои во објавата на Фејсбук.

ЗОО Скопје беше затворена за посетители откако беше потврден случај на птичји грип. Беше спроведен надзор и хумано убивање на 24 патки, шест гуски, пет кокошки и една чавка. Беа наредени мерки за дезинфекција, испитување на другите птици присутни во Зоолошката градина за присуство на вирусот, зголемување на биосигурносните мерки и други мерки, со цел сузбивање на болеста и спречување на нејзино ширење надвор од Зоолошката градина кај животните и кај луѓето. 

The post ЗОО Скопје во сабота ги отвара вратите за посетители appeared first on Република.

Институтот за јавно здравје денеска извести дека направени се епидемиолошки анкети на сите 16 лица кои се доставени од список на ЗОО, а кај никого не е пронајдне вирусот на птичји грип.

Денеска, согласно протоколите, направено е тестирање за птичји грип во Одделение за вирусологија во ИЈЗ референтна лабараторија, која е меѓународно акредитирана за дијагностика на инфлуенца грип од хумано и анимално потекло, на лице кое во епидемиолошката анкета има наведено дека 1 ден имало симптоми на покачена телесна температура.

Воедно е тестирано на ист начин и второ лице вработено во ЗОО кое не е на доставениот список од 16 луѓе вработени во ЗОО, но на ден 21.10 се пријавило во ИЈЗ со тековни симптоми.

Ве известуваме дека по добиените резултати од спроведените тестирања, двете лица се негативни за птичји грип, информираа од ИЈЗ Скопје.

Инаку, пред два дена, ЗОО СКопје беше затворена и следните 21 ден ќе остане затвореан, по појавата на птичји грип, откако на просторот на зоолошката била најдена угината дива птица, која го имала вирусот на птичји грип.

Агенцијата за храна и ветеринарство влезе во ЗОО Скопје, при што беа убиени триесетина птици кои живееја таму, а зоолошката беше евакуирана од посетители и вработени.

The post Вработените во ЗОО Скопје немаат птичји грип appeared first on Република.

оолошката градина во Скопје на нејзината страница на „Фејсбук“ објави видео на кое може да се види како животни се разладуваат на горештините што ја зафатија државава.

На екстремно топло време и животните бараат разладување. Традиционално како и секое лето подготвивме сладоледи за нашите најмили. Поздрав од Мадагаскар екипата, се наведува во објавата.

The post „Мадагаскар екипата“ во скопската Зоолошка се разладува со сладолед appeared first on Република.

Ново бебе алпака може да се погледне во скопската Зоолошка градина, информираат денеска оттаму, преку социјалната мрежа „Фејсбук“.

Нашата алпака Фелиција стана мама по вторпат. Дина, која се роди во 2021 година, деновиве доби сестричка. За малото бебе се грижи целата фамилија на алпаки, пишува во објавата на социјалната мрежа.

Во Зоолошката градина во Скопје, овој месец се роди и двогрба камила од фамилијата Бактријан.

https://republika.mk/vesti/skopje/se-rodi-dvogrba-kamila-vo-skopskata-zooloshka/

The post По камилата, пролетва се роди и алпака во Скопје ЗОО appeared first on Република.

Убава вест денеска присига од Зоолошката градина во Скопје, каде се роди двогрба камила од фамилијата Бактријан.

Нашето ново бебе. Во фамилијата Бактријан двогрби камили имаме подмладок, оваа преслатка млада дама, која е второ дете на Карло и Мираи. Се роди на 3 април и по краток карантин со мајката, веќе ужива во пролетните сончеви денови, стои во објавата од Зоолошката градина на Фејсбук.

Во Зоолошката градина во Скопје се роди двогрба камила од фамилијата Бактријан.

Нашето ново бебе. Во фамилијата Бактријан двогрби камили имаме подмладок, оваа преслатка млада дама, која е второ дете на Карло и Мираи. Се роди на 03 април и по краток карантин со мајката, веќе ужива во пролетните сончеви денови, стои во објавата од Зоолошката градина на Фејсбук.

The post Се роди двогрба камила во Скопската зоолошка appeared first on Република.

Да скапаат во затвор монструмите! Малце е и тоа за вакви болни умови…, напиша на Фејсбук  активисткатa за заштита на животните и вработена во скопската Зоолошка градина, Тина Мицковска, откако беа објавени официјалните резултати од обдукциските наоди, со кои се покажа дека сортните коњи се отруени со брзоделувачки отров.

https://republika.mk/vesti/skopje/konite-vo-skopskata-zooloshka-se-otrueni-so-brzodeluvachki-otrov/

Ние што сме таму за животните и претрпевме се, нема да не спречат со вакви умоболни и монструозни чинови да продолжиме со борбата… Имам прекрасни колеги, кои животот го дале и оставиле таму… Ветувам дека ќе го/ја/ги фатиме кои се психопатите… Никогаш веќе да не се повтори… Што би рекол колегата Војо и пред Бога и пред судот ќе одговараат… Ете сега и јавноста виде со што се соочуваме…, вели таа.

Мицковска пишува дека за да се отрујат коњите на таков начин, не е возможно посетител или некој обичен вработен да го направи тоа (вработени кои би изгинале попрво за животните).

Ова е мое лично мислење, а имаме бивши вработени со медицински познавања и пристап до отрови, па не би ме чудело ова да е одмазда кон сите нас што ги сакаме животните, на сметка на тие што земале плата, а мразеле животни… Верувам истрагата ќе покаже се и ќе се докаже кој стои зад ова монструозно дело. Треба тие луѓе веќе никогаш да немаат пристап до животни, а богами и до луѓе… Опасни се!, коментира Мицковска.

The post Мицковска: Ова е одмазда, не е возможно посетител или обичен вработен да ги отруе вака коњите appeared first on Република.

Зоолошката градина во Скопје информираше дека според официјалните резултати од обдукциските наоди, сортните коњи се отруени со брзоделувачки отров.

Резултатите се доставени до МВР и Агенцијата за храна и ветеринарство за понатамошно постапување, а поднесена е и кривична пријава и активно се трага по сторителот. Од Зоолошката велат дека ги проверуваат сите снимки од безбедносните камери.

Ваквиот срамен и кукавички чин силно го осудуваме и апелираме до МВР и Обвинителството да постапат што е можно побрзо со цел санкционирање на сторителот – додаваат од Зоолошката.

Коњите кои угинаа во скопската Зоолошка градина се од видот Пржевалскиев коњ, што важи за многу ретка и скапа раса која што потекнува од Монголија.

Коњите биле донесени од Национален парк од Австрија, а до неодамна важеле за изумрен вид во дивината и нивната вредност е голема.

Смртта на животните во полицијата ја пријавил вработен во ЗОО Скопје, кој се сомневал дека биле отруени.

Пред еден месец скопската Зоолошка градина го изгуби кандидатскиот статус за членка на Европската асоцијација на зоолошки градини и аквариуми поради неисполнување на низа обврски зададени од Асоцијацијата.

The post Коњите во скопската Зоолошка се отруени со брзоделувачки отров appeared first on Република.

В сабота 25.02.2023 година од 12 часот во ЗОО Скопје ќе се одржи хуманитарен настан со наслов  „Со љубов од Скопје ЗОО за Турција и Сирија".

Оваа сабота со поддршка од Градот Скопје, во Зоолошка градина Скопје ќе се одржи хуманитарен настан за помош на настраданите семејства во земјотресот во Турција и Сирија. Да ја покажеме солидарноста на дело и заедно да донираме и помогнеме онаму каде што е најпотребно.

Собраните средства ќе бидат префрлени на сметката за донации за настраданите во земјотресот на Црвениот Крст на Град Скопје, отворена за таа намена.

Програмскиот дел ќе го исполнат: Стела и Сани, ЗОО Азбука /ДКЦ Карпош
ќе им обраќње  на спасувачи/волонтери кои помагаа во Турција, ќе даде свое учество и Градскиот мешан хор Вардар а децата ќе ги дружи и забавува Слончето Халки.

Голема благодарност до нашите пријатели и соработници од МКЦ, Вива, Телеком, Халк Банка, Пелистерка, кои го поддржаа овој хуманитарен настан, како и до сите учесници.

Ве очекуваме во  сабота во Скопје ЗОО и уште еднаш да покажеме дека сме  хумани и солидарни!

The post В сабота хуманитарен настан „Со љубов од Скопје ЗОО за Турција и Сирија” appeared first on Република.

Дури три недели по скандалот со закланите животни во Зоолошката градина во Скопје, градоначалничката Данела Арсовска назначи нов директор. Но, според информациите објавени во дел од медиумите, постои отворен сомнеж дали новиот В.Д. директор на Зоолошка, Драган Илиевски е назначен согласно законите, изјави Никола Белимов член на Градска организација на СДСМ.

Прво, затоа што за оваа позиција не бил распишан јавен оглас. Второ, затоа што според написите во медиумите, Илиевски не доаѓал од редовите на вработените. На овој начин се прекршува членот 50 од Законот за јавни установи и членот 34 од Законот за култура.

Ако се случило такво назначување, тоа е спротивно и на членот 30 од Статутот на Зоолошката градина каде што јасно се наведува дека вршител на должност директор се избира од редот на вработените. Данела Арсовска и градската администрација мора да одговорат, дали Илиевски е назначен согласно законите и Статутот на Градината?

Истовремено, од она што е јавно приложено како биографија на Илиевски се гледа дека тој нема никаква поврзаност, ниту пак искуство со слична дејност, па оттаму, прашуваме по кои критериуми е избран токму тој за директор, праша Белимов.

Јавноста мора да добие одговори на овие прашања, имајќи предвид дека Зоолошката градина покрај рекреативна има и едукативна улога особено за нашите најмлади, вели Белимов.

The post СДСМ се сомнева дека новиот в.д. директор на „ЗОО Скопје“ е поставен незаконски appeared first on Република.

овиот в.д директор Драган Илиевски има повеќе од 20 години работно искуство на раководни позиции во приватниот сектор. Дипломиран машински инженер е на Машинскиот факултет при Универзитетот “Св. Кирил и Методиј” во Скопје, а има завршено магистерски студии по Економија.

Илиевски доаѓа на позицијата по разрешувањето на претходниот В.Д Директор Кристијан Стаменов кој беше разрешен откако во зоолошката беа убиени десет коњи чие месо било искористено како храна за лавовите.

The post Mашинскиот инженер Драган Илиевски е нов в.д директор на „ЗОО Скопје“ appeared first on Република.

Полициските службеници вчера во Зоолошката градина во Скопје се соочија со една слика која не доликува на ниту еден граѓанин, а камоли на институција која се занимава со одгледување животни, изјави министерот за внатрешни работи Оливер Спасовски, за вчерашниот настан во Зоолошката градина во Скопје, каде беа заклани 12 коњи и една мазга за да се нахранат дивите животни. Тој очекува случајот да се истражи до крај и да се прати порака дека таквите однесувања нема да се толерираат.

Вчера, Одделот за криминалистичка полиција и Одделот за крим-полиција во Полициска станица Карпош заедно настапија во ЗОО. Имаме поднесено кривична пријава против директорот и уште пет лица кои се вработени во ЗОО. Навистина мислам дека тоа беше една слика којашто не доликува воопшто на ниту еден граѓанин, а не на институција којашто треба да се занимава со одгледување на животни, со една хумана професија. Така што, постапката и пред Обвинителството и пред надлежните органи, треба да се заврши до крај, се со цел да се прати јасна порака дека такви однесувања не смеат да се толерираат во иднина, потенцира Спасовски во изјава за медиумите.

МВР претходно соопшти дека се поднесени кривични пријави против директорот и уште пет вработени лица од Зоолошката градина Скопје.

На 14.07.2022 во 18 часот, полициски службеници од Одделот за криминалистичка полиција при МВР и Одделението за криминалистички работи Карпош лишија од слобода пет лица, и тоа Д.М.(25), А.М.(43), М.Х.(45), В.Г.(46), вработени во Зоолошката градина во Скопје и З.Р.(44), надворешен соработник, соопшти МВР.

При извршена обиколка на Зоолошката градина, по претходно добиени сознанија, тие биле затекнати во помошните простории на Зоолошката градина (кујна за подготвување храна за животните) како подготвуваат храна од коњи (12 коњи и една мазга) кои ги колат на лице место за месото да го употребат како храна за дивите животни во Зоолошката градина.

Лицата се приведени во полициска станица, каде дополнително бил повикан и К.С.(35), директор на Зоолошката градина, со кого бил извршен службен разговор. На лице место излегле и инспектори од Агенцијата за храна и ветерина, кои констатирале неправилности во постапката и го одзеле месото.

The post Спасовски: Убивањето животни нема да се толерира, постапката со ЗОО да заврши до крај appeared first on Република.

После четири години имаме и бебе белоглав мршојадец што особено не радува бидејќи овој вид е загрозен, информираше преку Фејсбук објава на официјалната страница на скопската Зоолошка градина.

Белите мршојадци се најголеми екологисти, тие се чистачи кои се хранат од трупови на мртви животни кои ги наоѓаат со надгледување на отворени простори честопати движејќи се во јата. Воспоставуваат гнездачки колонии на карпи каде не можат да бидат вознемирувани од луѓето.
Женките најчесто се гнездат на карпи и несат по едно јајце. Го лежат двата родитела, а инкубацијата трае 48-53 дена. Младенчето го напушта гнездото на возраст од 3 месеца.

Мило ни е што и во минатато и сега придонесуваме за продолжување на овој вид кој за жал е пред истребување, велат од скопската Зоолошка градина.

The post Во ЗОО Скопје се роди бебе белоглав мршојадец, вид кој е загрозен appeared first on Република.

Зоо Скопје информира дека имаат нови бебиња од видот коати.

Имаме пет мали јужноамерикански коати кои се постојано со својата мајка и затоа се уште не го знаеме полот. По четвртиот месец ќе почнат и самостојно да јадат, а дотогаш ќе бидат во топлата прегратка на мама, информираат од Зоо Скопје.

The post Скопската Зоолошка градина збогатена со уште пет нови коати appeared first on Република.

Изминатиот период убави и радосни вести ни пристигнуваа од Зоолошката градина во Скопје. По повеќе од 20 години се родија мали лавчиња, потоа Зоолошката градина се збогати за уште една лама, лемурите нè израдуваа со нов подмладок, се роди бебе камила, па бебе лама.

Всушност, тука не е крајот на убавите вести.

Имено, скопската Зоолошка градина се повеќе се збогатува, овој пат со две бели волчиња.

The post Во скопската зоолошка градина се родија две бели волчиња appeared first on Република.

Скопската Зоолошка градина се најде меѓу главните вести на престижниот „Гардијан“.

Голема е честа што Скопје ЗОО е меѓу трите главни вести на денот на престижниот „Гардијан“ - велат од скопската Зоолошка градина.

The post Скопската Зоолошка градина меѓу трите главни вести на денот на престижниот „Гардијан“ appeared first on Република.

Од Зоолошка градина Скопје денеска на нивниот фејсбук-профил соопштија дека се родило бебе – двогрба камила.

За првпат имаме бебе од видот двогрба камила (Бактријан) кое се роди пред една недела. 
Малиот Буби одлично напредува, постојано е со неговата мајка Мираи, а со таткото Карлос во надворешното живеалиште ќе бидат заедно за околу една недела. Тогаш и сите посетители ќе имаат можност да го видат ова најубаво бебе, наведоа од Зоолошка градина Скопје.

Во текот на изминатата недела во Зоолошката градина се родија и лама и лемур, а претходно на свет дојдоа и три мали лавчиња.

The post Првата двогрба кабила се роди во Скопје ЗОО appeared first on Република.