Семејство до Скопје нуди награда од 2.500 евра за тој што ќе го пронајде нивниот папагал Шер, од видот ара, кој се изгубил пред четири дена.

Семејството, како што објави Фокус, чиј идентитет е познат на редакцијата, појаснува дека Шер ја чувале две години, имала картон за препознавање, а последен пат била видена во населба Орман, близу картингот.

Од семејството даваат и упатство, доколку некој ја забележи, како да и пријде без да ја исплаши или повреди.

-Повикајте ја, питома е, нема да ве касне. Пружете и рака, не дланка и покажете и трпение, ќе дојде. Не и приоѓајте со пешкир или ќебе и не ја фаќајте за врат од напред. Ако ви застане на рака внесете ја на затворено. Ако морате да ја фатите со раце тогаш фатете ја позади за вратот без стискање или на грбот-појаснуваат тие, пренесе Фокус.

Првично, кога се изгуби, за Шер семејството нудеше награда од 1.000 евра, но како минува времето, а нивната загриженост растела, па сега тие нудат 2.500 евра за пронаоѓачот и се надеваат дека со помош на добрите луѓе нивниот миленик наскоро ќе биде дома.

Секој кој има информација за Шер, може да се јави на мобилниот број на сопствениците 076 302 321.

Извор: Фокус

The post Семејство од Скопје нуди награда од 2.500 евра за оној што ќе им го пронајде изгубениот домашен миленик appeared first on Република.

Американската пејачка и глумица Шер поднесе барање за правно старателство над нејзиниот син Илајџа Блу Алман поради неговите наводни неодамнешни проблеми со злоупотреба на недозволени супстанции.

Според документите поднесени во Врховниот суд во Лос Анџелес, Шер бара да биде единствениот заштитник на имотот на Илајџа (47), тврдејќи дека тој „суштински не може да управува со своите финансиски средства“. Во документот се наведува и дека иако Илајџа треба да добие средства пред крајот на годината, „итно му е потребен правен старател“ кој ќе го заштити имотот на Илајџа од загуби или штети, бидејќи тој „во мигов не може да управува со својот имот поради сериозни проблеми со менталното здравје и злоупотребата на супстанции“. Во документот, исто така, се наведува дека неговата отуѓена сопруга Маријангела Кинг не е соодветна да биде негова правна старателка бидејќи „нивната бурна врска е обележана со зависност од дрога и ментални здравствени кризи“.

Кинг исто така побара правно старателство над Алман.

Поднесокот на Шер завршува со наводи дека поп-ѕвездата „работела неуморно за да го насочи Илајџа на лекувањето“ за тој да ја добие потребната помош.

Првото рочиште за случајов е закажано за 5 јануари 2024 година, а рочиштето за траен налог е закажано за 6 март.

Шер во октомври првпат проговори за проблемите на Илајџа, во интервју за „Пипл“. Претходно се појавија наводи дека таа најмила четворица мажи за насилно да го отстранат нејзиниот син од хотелска соба во Њујорк во ноември 2022 година.

The post Шер побара правно старателство над нејзиниот син appeared first on Република.

Музичката икона Шер (77) докажа дека и самата е најголемиот критичар. Пејачката откри дека никогаш не била љубител на „својата музика или нејзиниот глас за пеење“.

Не сум обожавателка на Шер, но сакам да го работам тоа што го работам - објаснила таа неодамна, како што пишува Дејли Мејл.

Едноставно никогаш навистина не ми се допадна мојот глас. Да можев да изберам, веројатно би го сменила, но немав избор - додала и објаснила дека бојата на нејзиниот глас е „чудна“.

Таа рече дека „не звучи како маж, но не звучи ниту како жена“. Својот глас го смета за нешто измеѓу.

Имам чуден стил, буквата Р не ја изговарам понекогаш. „Претпоставувам дека некои согласки тешко се пеат, па морам само да ги оставам отворени“, рече Шер, која и покрај нејзината повеќедецениска кариера признава дека не била секогаш задоволна со многу од нејзините популарни плочи.

Направив толку многу албуми, а некои од оние што мислев дека се добри, не беа хитови. Од друга страна, оние за кои не бев баш возбудена, беа – појасни таа.

Шер до крајот на годината ќе издаде нов албум наречен „Christmas“, кој го сними со нејзиното момче Александар Едвардс, кој е 40 години помлад од неа

The post Легендарната Шер призна: „Никогаш не го сакав мојот глас..“ appeared first on Република.

Легендарната пејачка и актерка Шер има нова љубов, 40 години помлад дечко од неа. Имено, таа се појави држејќи се за рака со музичкиот продуцент и поранешното момче на Амбер Роуз, Александар Едвардс во средата додека била на вечера во Западен Холивуд, Калифорнија.

Иако не е толку светски познат, Едвардс е сива еминенција на познатата издавачка куќа „Деф Џем рекордс“ каде работи како уметнички директор. Малку се знаеше за него додека не почна да излегува со популарната манекенка и старлета Амбер Роуз, а нивната љубовна врска беше турбулентна од самиот почеток.

The post Шер си фати дечко 40 години помлад од неа appeared first on Република.

Шер ја понуди својата вила во Малибу за престој на бегалци од Украина.

Во објава на Твитер, американската поп-ѕвезда ги повика луѓето да им помогнат на оние што ги напуштаат своите домови среде инвазија на Русија со тоа што ќе им овозможат безбедно место за престој.

Би сакала да ги спонзорирам украинските семејства во мојот дом. Тие би биле безбедни и згрижени“, твитна Шер.

75-годишната музичка легенда, која поседува хациенда во Малибу, ја користи платформата за да обезбеди поддршка за народот на Украина.

Таа повика: „Мораме да најдеме поопипливи начини да му помогнеме на украинскиот народ!“

The post Шер го нуди својот дом за украински бегалци appeared first on Република.