Тренерот на Реал Мадрид, Карло Анчелоти, ја доби наградата Тренер на годината за време на церемонијата на доделувањето на „Златната топка“ за 2024 година.

Популарниот Дон Карло заедно со другите припасници на мадрискиот клуб ја бојкотираат церемонијата, бидејќи дознале дека Винисиус Жуниор нема да биде добитник на „Златната топка“.

Анчелоти лани освои три титули - Лигата на шампионите, Ла Лига и Кралскиот куп.

Наградата за Тренер на годината во иднина ќе го носи името „Јохан Кројф“ по легендарниот Холанѓанец, еден од најдобрите европски фудбалери на сите времиња, подоцна многу успешен како тренер на Барселона.

За познатиот фудбалер и тренер зборуваа поранешниот бугарски ас Христо Стоичков (добитник на Златната топка во 1994 година додека играше за Барса на Кројф) и Жорди Кројф, поранешен фудбалер и син на Јохан Кројф.

The post Карло Анчелоти прогласен за тренер на годината appeared first on Република.

Тимот на Реал Мадрид беше прогласен за „Клуб на годината“. Наградата за „Кралскиот клуб“ е донесена за време на церемонијата за доделување на „Златната топка“ за 2024 година.

„Кралевите“ сосема заслужено го добија признанието бидејќи освоија Лигата на шампионите и Ла лига.

Тимот од главниот град на Шпанија го откажа пристигнувањето на церемонијата. Според медиумите, причината за ова е сознанието дека Винисијус Жуниор нема да ја добие „Златната топка“.

The post Реал Мадрид е клуб на годината appeared first on Република.

Сведоци сме на вистинска фудбалска манија околу првиот судир на Килијан Мбапе како играч на Реал Мадрид против Барселона.

Речиси 1,1 милион луѓе се обидуваат онлајн да обезбедат билет за многу очекуваниот настан. Ова е уште еден доказ за огромниот интерес за француската суперѕвезда, кој продолжува да ги возбудува фудбалските фанови ширум светот.

Натпреварот ветува дека ќе биде епски, а Мбапе, еден од најдобрите напаѓачи во светот, првпат ќе се соочи со Барселона откако е дел од „Кралскиот клуб“. Иако билетите брзо се распродаваат, интересот за натпреварот продолжува да расте, при што платформите за онлајн продажба на билети забележуваат рекордна активност.

Навивачите со нетрпение очекуваат да видат како ќе помине Мбапе против нивните големи ривали, а натпреварот дефинитвно ќе биде еден од најголемите спортски настани во годината.

The post 1,1 милиони фанови онлајн чекаат билет за првиот настап на Мбапе во „Ел Класико“ против Барселона appeared first on Република.

Неверојатната кариера на Лука Модриќ ќе го доведе до уште еден голем подвиг во неговиот следен натпревар со Реал Мадрид - без разлика дали тоа е на 19 октомври против Селта, на 22-ри против Борусија Дортмунд во Лигата на шампионите или следната сабота на „Ел Класико“.

Кога следниот пат ќе се појави на натпревар за „кралскиот клуб“, Модриќ ќе стане најстариот играч во историјата на 15-кратниот шампион на Европа. Хрватот во овој показател ќе го надмине Ференц Пушкаш, една од легендите на „белиот балет“.

Во мај 1966 година, Пушкаш одигра четврт-финален натпревар од Копа дел Реј (тогаш Копа генералисимо) на гостувањето кај Бетис на возраст од 39 години и 37 дена. Модриќ ќе има 39 години и 40 дена кога ќе излезе на теренот против Селта во 10. коло од Ла Лига.

Во април оваа година, Модриќ веќе стана најстариот играч на Реал Мадрид на европските турнири, кога влезе во игра место Џад Белингем на првиот натпревар против Баерн Минхен. Тогаш повторно го подобри постигнувањето на Пушкаш од 1965 година.

The post Модриќ ќе го надмине легендарниот Пушкаш, ќе стане највозрасниот играч во историјата на Реал Мадрид appeared first on Република.

Францускиот фудбалер Килијан Мбапе е избран за играч на месецот на Реал Мадрид во септемвриското гласање на навивачите на „Кралскиот клуб“.

Многу сум среќен, сакам да им се заблагодарам на сите навивачи на Реал Мадрид, задоволство е што сум избран за играч на месецот. Најважно е што во текот на овој месец (септември) победивме на многу натпревари и се надевам дека ќе продолжиме така. Имаме три многу важни натпревари следната недела и сакаме да ги победиме сите три. Тимот и јас сме подготвени и се надевам дека ќе го дадеме најдоброто за цел Мадрид“, во кратко видео објавено на веб-страницата на Реал Мадрид изјави францускиот напаѓач кој во септември постигна шест голови на пет натпревари за својот клуб.

Реал Мадрид в сабота игра на гости против Селта Виго во шпанското првенство, а потоа ја пречекува Борусија Дортмунд во Лигата на шампиони во вторник пред Ел Класико со Барселона на Сантијаго Бернабеу на 27 октомври.

The post Мбапе избран за фудбалер на месецот на Реал Мадрид appeared first on Република.

Дефанзивецот на Реал Мадрид, Дани Карвахал, ги скина предните вкрстени лигаменти на десното колено на натпреварот од 9. коло од шпанското фудбалско првенство.

„Кралевите“ го совладаа Виљареал со 2:0, но победата остана засенета од повредата на капитенот Карвахал, кој ќе отсуствува до крајот на сезоната.

Сериозна повреда на вкрстените лигаменти. Јас сум пред операција и веќе со нетрпение очекувам да почнам со закрепнувањето и да се вратам како „ѕвер“. Ви благодарам на сите за вашите пораки со поддршка, се чувствувам многу сакан, напиша Карвахал на социјалните мрежи, откако се дозна за сериозноста на повредата.

 

View this post on Instagram

 

A post shared by Daniel Carvajal (@dani.carvajal.2)

Триесет и двегодишниот Шпанец се судри со противнички играч за време на судиското надополнување и заврши на тревата. Теренот го напушти на носилка.

The post Голем пех за Реал Мадрид: Карвахал ги скина предните вкрстени лигаменти appeared first on Република.

Шпанскиот фудбалер Даниел Карвахал смета дека е можен штрајк на фудбалерите поради многуте натпревари.

- Блиску сме до штрајк. 70-80 натпревари по сезона е веќе премногу. Ако луѓето сакаат да го гледаат најдобриот фудбал, треба да се одмориме. За нас фудбалерите, штрајкот е сосема можен. Мислењата на играчите не се земаат предвид. Треба да го кренеме гласот, изјави дефанзивецот на Реал Мадрид и Шпанија.

Претходно, и фудбалерот од средниот ред на Манчестер сити и Шпанија, Родри призна дека играчите ќе штрајкуваат поради густиот календар.

Изминатите години на пренатрупаниот натпреварувачки календар се жалеа тренери екипи од најсилните лиги во Европа

The post Фудбалерите на Реал најавуваат штрајк поради преголемиот број натпревари appeared first on Република.

Шпанскиот фудбалски првак Реал Мадрид ги зголеми цените на билетите на рекордно ниво откако минатиот месец ја донесе француската ѕвезда Килијан Мбапе.

Новата сезона во Ла Лига стартуваше вчеравечер, а Реал својот прв натпревар на домашен терен ќе го игра за две недели против Ваљадолид. Цената на билетите за премиерниот дуел на „Сантијаго Бернабеу“ се движи од 95 и 210 евра.

Ваљадолид летово се врати од втората лига, а за натпревар против повратник во прволигашката конкуренција на „Сантијаго Бернабеу“ навивачите на Реал минатата сезона требаше да издвојат најмалку 55 евра.

Годишниот билет за најевтиниот сектор е 650 евра

Мбапе ова лето дојде во Реал без обесштетување, но финансиските детали околу платата на францускиот фудбалер не беа обелоденети.

Реал минатата сезона оствари приход од 1,07 милијарди евра, што е за 27 отсто повеќе од претходната сезон

The post Сакаш да го гледаш Мбапе во живо-ќе платиш поскап билет appeared first on Република.

Тренерот на Реал Мадрид, Карло Анчелоти им порача на своите фудбалери да почнаат да се фокусираат на претстојниот Суперкуп.

„Кралевите“ кои се на турнеја во САД, ноќеска во Шарлот го победија Челзи со 2:1 во пријателскиот натпревар.

- Ми се допадна темпото на играта, игравме добро офанзивно. Имаме чувство дека тимот работи добро. Оние кои ја започнаа претсезоната на 15 јули изгледаат добро. Утре ќе се вратат оние кои не беа таму, а на 9 август сите ќе ги започнеме подготовките за натпреварот со Аталанта. Време е да размислуваме за Суперкупот, изјави Анчелоти за „Marca“.

Реал Мадрид и Аталанта ќе играат во Суперкупот на УЕФА на 14 август. Натпреварот ќе се одигра во Варшава.

Шпанскиот клуб Суперкупот на УЕФА го има освоено пет пати

The post Одморот заврши, Реал Мадрид се подготува за Супер купот appeared first on Република.

Лука Модриќ и во следната сезона ќе го носи дресот на Реал Мадрид, откако денеска и официјално го обнови договорот со „кралскиот клуб“, каде што настапува уште од 2012 година.

Добитникот на „Златната топка“ од 2018 година одигра вкупно 534 натпревари за гигантот од Мадрид, постигнувајќи 39 голови и остварувајќи 86 асистенции.

Меѓу неговите поистакнати трофеи се шестте победи во Лигата на шампионите (рекорден што го дели со Дани Карвахал) и четири титули во Ла Лига.

The post Лука Модриќ официјално го продолжи договорот со Реал Мадрид appeared first on Република.

Напаѓачот на Реал Мадрид, Килијан Мбапе за прв пат беше фотографиран со дрес на својот нов клуб.

На фотографијата 25-годишниот Французин позира со претседателот на Мадрид, Флорентино Перез. Тој држи  персонализиран дрес на Реал Мадрид со број 9, кој ќе го носи во тимот.

Во текот на денот 25-годишниот Французин беше на лекарски преглед во Реал Мадрид. Подоцна ќе биде претставен како играч на Реал на стадионот „Сантијаго Бернабеу“.

Реал Мадрид на 3 јуни го објави трансферот на Килијан Мбапе. Французинот потпиша договор со клубот до летото 2029 година. Претходно фудбалерот настапуваше за ПСЖ и Монако.

The post Мбапе во Реал ќе ја носии деветката appeared first on Република.

Фудбалерот од средниот ред Лука Модриќ ќе стане нов капитен на Реал по заминувањето на дефанзивецот Начо Фернандез, објави новинарот Мигел Анхел Дијаз на социјалната мрежа Икс.

Според Дијаз, десниот бек Даниел Карвахал ќе стане заменик капитен на мадридскиот тим.

Претходно беше објавено дека Начо би можел да ја продолжи кариерата во клубови од МЛС или Саудиска Арабија. Ал-Наср и Ал-Кадисија сакаат да го ангажираат фудбалерот.

Модриќ наскоро може да го продолжи договорот со Реал Мадрид.

The post Модриќ ќе стане капитен на Реал по заминувањето на Начо appeared first on Република.

Тренерот на европскиот фудбалски шампион, Реал Мадрид, Карло Анчелоти изјави дека неговите зборови во врска со евентуалното неучество на Светското клупско првенство биле погрешно интерпретирани, а истовремено, „Кралскиот клуб“ објави соопштение во кое наведе дека неговото учество на турнирот никогаш не било доведено во прашање.

Откако Меѓународната фудбалска федерација (ФИФА) значително го намали наградниот фонд за клубовите кои ќе учествуваат на Светското клупско првенство, кое треба да се одржи на крајот од следната сезона во САД, Анчелоти во интервју за италијанскиот дневен весник „Ил Џорнале“, објавено по повод неговиот 65 роденден. рече:

ФИФА може да заборави на тоа, клубовите и играчите нема да учествуваат на тој турнир. Еден натпревар на Реал Мадрид вреди 20 милиони, а ФИФА ни ја нуди таа сума за цело натпреварување. Нашиот одговор е негативен. Како и ние, така и другите клубови ќе ја одбијат поканата“.

Сепак, подоцна во текот на денот Анчелоти изјави:

Ништо не може да биде понеточно од тоа што би ја одбил можноста да настапам на турнир кој го сметам за одлична можност да ја продолжам борбата за големи трофеи со Реал Мадрид“.

Во официјалното соопштение Реал Мадрид објави:

Како што е планирано, нашиот клуб со гордост и ентузијазам ќе учествува на ова официјално натпреварување за да ги исполни соништата на милиони наши навивачи ширум светот со нов трофеј“.

Следното Светско клупско првенство за прв пат ќе биде во нов формат со учество на 32 екипи, од кои 12 европски со најдобар коефициент.

The post Анчелоти ја повлече својата изјава, Реал Мадрид сепак, ќе настапи на Светското клупско првенство appeared first on Република.

Реал Мадрид нема да учествува на Светското клупско првенство под покровителство на ФИФА кое следното лето ќе се одржи во САД, тврди тренерот на овој клуб Карло Анчелоти.

Италијанскиот стручњак смета дека идејата за ова натпреварување под овие услови не е добра и затоа не сака да биде дел од тој проект кој веќе привлече големо внимание.

„ФИФА може да заборави на фактот дека Реал Мадрид ќе учествува во тоа натпреварување. Секој натпревар на овој клуб вреди околу 20 милиони евра, а ФИФА планира да ни даде толку пари за целото натпреварување. Тоа не доаѓа предвид". рече Анчелоти и додаде: „Покрај тоа, мислам дека Реал Мадрид не е единствениот клуб кој има ваков став. Има уште неколку клубови кои не сакаат да играат во ова натпреварување под условите создадени од ФИФА“.

Голем број фудбалери се со критичка нота кон Светското првенство за клубови, на кое ќе има 32 ученици, кои сметаат дека новите седум натпревари во текот на летото можат да им направат сериозен проблем на играчите и дека ФИФА не размислува за фудбалерите. туку само за профитот.

Доколку Реал би се согласил да го игра ова натпреварување и под услов да стигне до финалето на сите натпреварувања во кои учествува, Мадрид би одиграл 72 натпревари во сезоната, што според експертите е навистина премногу

The post И онака има премногу натпревари: Реал нема да учестува на Светското клупско првенство appeared first on Република.

Реал Мадрид официјално објави дека големата ѕвезда на Пари Сен Жермен и Франција, Килијан Мбапе ќе биде фудбалер на 15-кратниот европски првак. 25-годишниот фудбалер пристигнува на слободен трансфер откако не сакаше да го продолжи договорот со парижаните, кој истекува на крајот на месецот.

Според информациите, француската фудбалска суперѕвезда првично ќе го носи дресот со број 9 во својата прва сезона, а подоцна ќе го добие неговиот омилен број 10, кој моментално го носи легендата Лука Модриќ.

Мбапе влезе во големиот фудбал со Монако пред да се пресели во ПСЖ на позајмица во 2017 година со задолжителна откупна клаузула за тогаш рекордна сума од 180 милиони евра, која беше платена следната година.

Мбапе освои шест титули со ПСЖ и четири Купа на Франција, два пати Лига купот, три пати францускиот Суперкуп, а има и едно загубено финале во Лигата на шампионите. Со „петлите“ стана светски шампион во 2018 година во Русија, а четири години подоцна стигна до финалето на Светското првенство во Катар, освојувајќи ја Лигата на нации во 2021 година. Моментално Мбапе е капитен на Франција и досега во репрезентацијата има 77 натпревари и 46 голови.

Мбапе е избран за француски фудбалер на годината (три пати), како и за играч на годината во Лига 1 (пет пати). Во последните шест години тој постојано беше стрелец број 1 во француското елитно првенство.

The post Ќе носи деветка дури не замине Модриќ appeared first on Република.

Екипата на Реал Мадрид дојде до својот 15-ти трофеј од Лигата на шампионите, откако на „Вембли“ во Лондон ја совлада Борусија Дортмунд со 2-0. „Кралевите“ долго се мачеа, противникот беше далеку поопасен на тревникот и сериозно го загрозуваше голот на Куртоа.

Во првото полувреме токму белгискиот голман, но и стативата го спасија Реал Мадрид, но во вториот дел комплетно различна слика во Лондон. „Кралевите“ жестоко напаѓаа, а Кобел ја држеше Борусија во игра. Корнерите на Тони Крос беа најголема опасност, а токму после еден корнер на германецот, Дани Карвахал погоди за водство од 1-0 во 74-тата минута.

Само девет минути подоцна, голема грешка на одбраната на Борусија Дортмунд. Подарок на Белингам, кој проигрува до Винисиус, а овој без поголеми проблеми го совлада голманот на Борусија откако излезе очи во очи со него.

https://www.youtube.com/watch?v=URE7kQz4Flg

До крајот на мечот, Фулкруг во 87-мата минута успеа да погоди за намалување на водството на Реал, но асистентот судија веднаш реагираше и сигнализираше офсајд, а исправноста на неговата одлука ја потврди и ВАР системот.

قول لريال

🎥- تابع الحساب الأساسي : @AZiiHD

#UCLfinal | #APorLa15 pic.twitter.com/7mZ0gmR5SD

— تغطيه MM (@feca19ea9f) June 1, 2024

За тренерот на Реал Мадрид, Карло Анчелоти, ова е петти трофеј во Лигата на шампионите, трет со „кралевите“, додека два освои со екипата на Милан.

Извор: Спортманија

The post Реал Мадрид ја освои Лигата на шампионите appeared first on Република.

Реал Мадрид му дава поддршка на шпанскиот тенисер Рафаел Надал по неговата елиминација во првото коло на Ролан Гарос 2024 година.

-Ти секогаш остануваш одличен пример за нас на и надвор од теренот, драг Рафаел. Ние сме многу горди на една таква голема легенда и секогаш ќе бидеме со тебе во сите искушенија. Само напред, Рафа! – порача Реал Мадрид во порака на социјалната мрежа Х.

Триесет и седумгодишниот Надал загуби од Германецот Александар Зверев во првото коло на Отвореното првенство на Франција - 3:6, 6:7 (5:7), 3:6.

По поразот, Шпанецот изјави дека овој меч може да му биде последен на Грен слемот во Париз

The post Надал го заврши настапот на Ролан Гарос, поддршка му даде и Реал appeared first on Република.

Напаѓачот Килијан Мбапе се согласил на значително намалување на платата при неговото преселување од ПСЖ во Реал Мадрид, тврди Скај Спортс. Се очекува 25-годишниот Французин да потпише петгодишен договор со Шпанците за плата од 15 милиони евра по оданочување. Играчот ќе добие и 150 милиони евра како бонус за потпишување.

Според Скај Спортс, платата на Мбапе во ПСЖ во сезоната 2023/24 изнесувала 75 милиони евра годишно. Фудбалерот доби и 30 милиони евра од парижаните во вид на бонус за потпис.

Мбапе најави дека ќе го напушти ПСЖ како слободен играч на крајот од сезоната 2023/24. Најверојатно, напаѓачот кариерата ќе ја продолжи во Реал Мадрид. На 16 мај беше објавено дека се очекува „белиот балет“ официјално да го објави договорот со играчот пред почетокот на ЕП 2024 година

The post Мбапе во Реал ќе зема по 15 милиони евра по сезона appeared first on Република.

Навивачите на Реал Мадрид скандираа за Килијан Мбапе и Винисиус за време на денешната парада.

По повод прославата на 36. шпанска титула оваа недела, говор одржа Флорентино Перез. Претседателот на Реал Мадрид праша кој играч треба да го доведе за следната сезона. Како одговор, младите навивачи веднаш рекоа: „Мбапе! Ова го насмеа Перез.

Навивачите активно го поддржаа и крилото Винисиус Жуниор, кој постигна 21 гол и девет асистенции на 36 натпревари оваа сезона.

Додека Бразилецот го држеше својот говор за време на церемонијата, присутните го поздравија скандирајќи: „Златната топка за Винисиус“.

Реал ја обезбеди шампионската титула во Ла Лига и избори финале во Лигата на шампионите каде ќе се соочи со Борусија Дортмунд

The post Вака Мадрид ги пречека шампионите appeared first on Република.

Реал Мадрид ќе го добие шампионскиот пехар во Ла Лига по дуелот на домашен терен против Алавес во рамки на 36 коло, пренесува денеска шпанскиот весник Марка.

Раководството на Реал претходно побара титулата да не му биде врачена на следниот натпревар, на 11 мај против Гранада на гостински терен. Тогаш се појави информација дека на Реал ќе му биде врачен трофејот во клупската база зад затворени врати.

Сепак, шпанската фудбалска Федерација (РФЕФ) по трет пат ја смени одлуката и „пресече“ церемонијата на доделување на титулата да се одржи на 14 мај по средбата со Алавес.

Реал сезонава предвреме ја обезбеди шампионската титула во Ла Лига, а избраниците на тренерот Карло Анчелоти вечерва во Мадрид го пречекуваат минхенски Баерн во реваншот од полуфиналето во Лигата на шампиони

The post „Кралевите“ ќе бидат крунисани во сабота appeared first on Република.