Македонскиот репрезентативен голман, Столе Димитриевски, ќе игра во полуфиналето на фудбалскиот Куп на Шпанија, откако со својот Рајо Ваљекано ја совлада Мајорка со 1:0.

Димитриевски во осмата минута од судиското надополнување доби жолт картон поради задржување време.

Голот за Рајо го постигна Оскар Трехо од пенал во 44. минута од првото полувреме.

Покрај Рајо Ваљекано, пласман во полуфиналетоизбори и Валенсија, која го совлада Кадиз со 2:1.

Вечерва играат:

Реал Сосиедад - Бетис

Атлетик Билбао - Реал Мадрид.

The post Димитриевски го одведе Рајо Ваљекано во полуфиналето од Купот на Шпанија appeared first on Република.

На голот на Рајо Валјекано вечерва ќе застане македонскиот репрезентативец Столе Димитриевски откако не се остварија трансферите за кои се шпекулираше.
Ниту Барселона, ниту лигата во Саудиска Арабија, Димитриевски останува на голот на тимот од главниот град на Шпанија.

Рајо вечерва ја пречекува Мајорка во натпревар од четвртфиналето во шпанскиот „Копа дел реј“.

⚡ Once del Rayo Vallecano elegido por Andoni Iraola para enfrentarse al @RCD_Mallorca en los cuartos de final de Copa del Rey. #RayoRCDMallorca #VamosRayo pic.twitter.com/wZITRwJsr6

— Rayo Vallecano (@RayoVallecano) February 2, 2022

The post Ништо од трансферите, Димитриевски вечерва ќе настапи за Рајо Валјекано appeared first on Република.

Првиот голман на македонската фудбалска репрезентација, Столе Димитриевски, негира дека добил каква било понуда за трансфер во Барселона.

Информациите за преминувањето на Димитриевски во Барселона се појавија откако тој не беше во составот на Рајо Валјекано за дуелот против Бетис (1:1), што беше протолкувано како знак дека тимот на Столе го чува од каква било повреда пред официјализирањето на трансферот.

Сепак, Димитриевски, во интервју за радиото „Пасион пор ел Рајо“, објаснува дека во моментов не размислува за каков било трансфер и дека е целосно концентриран на настапите за својата екипа. Столе објаснува дека отсуството од теренот било поради мали здравствени проблеми, кои со неколку дена одмор и терапија ќе бидат надминати.

Кога ќе слушнам такви информации за себе ме прави среќен и благодарен затоа што тоа значи дека добро си ја вршам работата, штом некој се интересира за мене. Сепак, концентриран сум на секојдневните обврски и задачи за да му помогнам на мојот тим да продолжи напред. Немам никаква информација за трансфер во Барселона и не сакам ни да знам затоа што може да ми влијае на секојдневната работа. Јас сум сериозен и мирен човек. Денеска се зборува за Барселона, утре можеби за Атлетико Мадрид, но морам да бидам концентриран на Рајо, да тренирам добро, да играм добро... Што треба да се случи ќе се случи. Нормално е дека секој би сакал да напредува и да настапува за еден голем клуб, но во моментов сум концентриран само на Рајо - објаснува Димитриевски.

The post Димитриевски: Немам понуда од Барселона и во моментов не размислувам на такво нешто appeared first on Република.