Одредени косовски медиуми напаѓачите кои синоќа пукаа во косовската полиција ги поврзаа со манастирот Бањска, каде во моментов се блокирани 50 верници од Нови Сад, јави дописникот на МИА од Белград.

Никакви напаѓачи нема, ниту имало. Вчера во манастирот со својот свештеник пристигна група од околу 50 верници од Нови Сад. Се уште се таму, се е блокирано па не можат да го напуштат манастирот, исплашени се. Нив ги разбудиле утрово околу 2 часот силни детонации, имало многу пукање од околните ридови, се се тресело, кажа извор од манастирот на КоССев.

Се огласи и Рашко-призренската епархија на СПЦ која најостро го осуди последниот напад што се случи утринава кај селото Бањска, наведувајќи група вооружени, маскирани лица со оклопно возило упаднале во самиот манастир.

Станува збор за сериозен инцидент кој може да има големи последици и затоа е многу важно да се направи се за зачувување на мирот и редот. Епархијата изразува искрено сочувство до членовите на семејството на починатиот полицаец и искрено се надева дека двајцата ранетите ќе закрепнат што е можно поскоро, се наведува во соопштението.

Во него се додава дека од Епархијата се многу загрижени бидејќи според последните информации заради безбедност, братијата од манастирот и верниците се заклучале во конаците на манастрот и се слушаат пукотници.

Група вооружени, маскирани лица со оклопно возило упаднале во самиот манастир, при што ја пробиле заклучената капија на манастирот. Во моментов, како што беше соопштено, во манастирот има група на верници од Нови Сад, со свештеник, игуменот Данило и братијата од манастирот, се наведува во соопштението.

„Заради безбедност, браќата од манастирот и верниците се затворија во конакот, а заклучен е и храмот на манастирот. Вооружени маскирани лица се движат низ дворот и повремено се слушаат истрели“, се додава во соопштението.

The post Рашко-Призренска епархија на СПЦ: Група вооружени лица со оклопно возило упаднале во манастирот во Бањска, има пукотници appeared first on Република.

Мировната мисија на НАТО во Косово, КФОР, ги потврди информациите објавени во косовските медиуми дека синоќа имало пукотници во близина на нејзина патрола кај Зубин Поток во северно Косово, каде што локалните Срби имаат поставено барикади на патиштата кои водат кон граничните премини со Србија, јави дописникот на МИА од Приштина.

Во соопштение до медиумите, КФОР наведува дека станува збор за патрола со војници од Летонија и дека во иннцидентот немало повредени.

Во моментов можам да кажам дека пред неколку часа патрола на КФОР, која што била на задача во околината на Зубин Поток, слушнала и видела неколку пукотници во своја близина. Нема повредени и нема материјална штета. Сега ги проверуваме фактите и накнадно ќе објавиме дополнителни информации, се вели во соопштението.

Со ова КФОР го демантира лидерот на најголемата партија на косовските Срби, Српска Листа, Горан Ракиќ, кој за белградската телевизија Пинк изјави дека се работи за дезинформација и дека кај Зубин Поток немало никакви пукотници.

Сакам да ги негирам извештаите во приштинските медиуми дека имало напад врз единица на КФОР. Нашите информации од терен велат дека немало никаков напад. Ситуацијата е мирна, изјави Ракиќ.

Косовските Срби на 10 декември поставија барикадите на патиштата кои водат кон границата со Србија, во знак на протест поради апсењето на поранешниот припадник на косовската полиција, Дејан Пантиќ, кој се сомничи дека организирал напади со експлозивни направи и огнено оружје врз општинските изборни комисии и врз полициски патроли во тој дел од Косово.

Во четири општини во северно Косово, населени со мнозинско српско население, на 18 декември требаше да се одржат вонредни локални избори, откако досегашните градоначалници и членови на советите поднесоа оставки на функциите поради намерите на владата на Албин Курти да изрекува казни за тие што не ги смениле нелегалните српски со косовски регистерски таблички.

По притисок од западните сојузници, пред сé на САД, првин на почетокот на ноември Курти се откажа од намерата за казнување на сопствениците на српски регистерски таблички, а подоцна, на 9 декември и претседателката на Косово, Вјоса Османи објави дека се одлагаат вонредните избори за 23 април идната година

The post Пукотници во близина на патрола на КФОР во северно Косово appeared first on Република.

Две лица се ранети во пукотница која се случила попладнево околу 17 часот по локално време во трговски центар во шведскиот град Малме, по што интервенирала полицијата.

Од трговскиот центар излегоа расплакани луѓе и рекоа дека слушнале истрели“, изјавил еден од очевидците, објави весникот од Малме „Сидсвенскан“.

Сведоци откриваат дека се слушнале околу 20 истрели пред да избегаат од трговскиот центар.

Полицијата вечерва потврди дека едно лице е уапсено во врска со вооружениот инцидент, а според информациите на шведската телевизија СВТ, станува збор за 15-годишно лице.

The post Двајца повредени откако 15-годишник почнал да пука во трговски центар во Малме appeared first on Република.

Провокатори со фантомки упаднаа на народниот протест пред Собранието. Тргнаа од кај Жена парк, по што ја рушија полициската ограда. Пукотници од димни бомби и петарди се слушаат пред зградата, а мирната толпа се повлече.

Провокациите не наидоа на поддршка од граѓаните, кои продолжуваат мирно да протестираат, да скандираат, да пеат „Едно име имаме“ и да бараат оставка.

Насилници, срамота, и што сега, што направивте?, коментираат граѓаните.

Групата која ја премина оградата почна да фрла со делови од калдрмата по зградата, по што скршија и прозори од Парламентот.

Дека деновиве има личности кои се обидуваат да ги обезвреднат сè попосетените протести против владата и политиките кон Бугарија веќе предупредија и неколку политичари. Вчера за ова предупреди потрептседателот на ВМРО-ДПМНЕ Александар Николоски, а за да фрлат сенка врз народниот протест, и СДСМ и ДУИ со соопштенија „ги осудија насилствата“. Денеска премиерот Димитар Ковачевски рече дека „ќе се случуваат неевропски потези на протестите“, за што и е забележливо и големо полициско присуство околу Собранието и целиот скопски центар.

The post Пукотници и дим пред Собрание, провокатори ја турнаа оградата и создаваат гужва и немири appeared first on Република.

Вчера во 03.22 часот 63-годишна скопјанка пријавила дека на подрачјето на Ѓорче Петров било испукано од огнено оружје кон влезната врата од стан во зграда, сопственост на М.А., а во кој живеело семејството на пријавителката, пренесува МВР.

Повредени лица нема, а увид извршила увидна екипа од СВР Скопје.

Се работи на расчистување на случајот.

The post Во 3 часот наутро ги пробудиле истрели – се пукало во дом во Ѓорче Петров appeared first on Република.

Младо момче е во тешка состојба по вчерашните пукотници во Земун. Како што пренесува српски „Телеграф“, во престрелката околу 22 часот тешко повреден е 25-годишниот Урош Кецмановиќ.

После пукотниците, тој бил ставен во автомобилот, од страна на неговите пријатели, еден од нив водач на навивачката група на Партизан, и го напуштиле местото.

Кога полицијата ги запрела, со Брза помош ранетиот бил пренесен во болница, каде лекарите се борат за неговиот живот.

Српскио портал пренесува дека има прострелна рана на ногата и во гениталиите, а засега сите одбиваат соработка со полицијата.

The post Момче застрелано во пенисот во инцидент во Земун appeared first on Република.