Според Договорот од Преспа Македонија има обврска за промена на книжните и кованите пари, но крајниот рок зависи од отворањето на ЕУ поглавјето – економска и монетарна унија.

Како што за ТВ Канал 5 појаснува вицегувернерката Емилија Нацевска, со оглед на фактот дека Македонија се уште го нема отворено тоа поглавје во моментов не може да се прецизира и крајниот рок за целосна замена на парите.

Законска обврска согласно Преспанскиот договор има да и за замена на парите, со тоа што крајниот рок е пред истекот на 5 години од отворањето на релевантното поглавје со ЕУ по ова прашање во рамки на преговарчкиот процес, со оглед на тоа дека ова поглавје се уште не е отворено и крајниот рок не е познат не можеме сега да го прецизираме крајниот рок за целосна замена на парите - изјави Нацевска.

Промената на парите ќе се врши постепено бидејќи станува збор за долг и скап процес, за што е потребно и навремено планирање на залихите, вели Нацевска и додева дека Народната банка замената на парите ја започнала уште во 2020 година со изданијата на парите од оние апоени каде имало потреба за надополнување на залихите.

Граѓаните ќе може да вршат замена на парите и по истекот на овој рок непречено и временски неограничено кај централната банка и од тие причини нема потреба од било каква загриженост - изјави Нацевска, вицегувернерка во НБРМ.

Извор: Канал 5

The post Бевме лабави и за пасошите, па еве што нè снајде: Македонија има обврска да ги смени и денарите на кои ја нема „Cеверна“ appeared first on Република.

Министерството за внатрешни работи ги известува граѓаните дека пунктот за промена на лични документи без закажување во Полициската станица „Пролет” во Скопје ќе работи и на 18.11.2023 (сабота) и 19.11.2023 (недела) од 08 до 16 часот.

Граѓаните кои сакаат да направат промена на личните документи во овој пункт, тоа можат да го направат без претходно закажување.

The post Пунктот за промена на лични документи без закажување во ПС „Пролет” ќе работи и сабота и недела appeared first on Република.

Претседателот на Руската Федерација, Владимир Путин потпиша закон со кој се забранува промена на полот, што сега може да се прави само од медицински причини, објавено е на порталот за правни информации.

Медицинските интервенции, вклучително и употребата на лекови кои го менуваат полот, се забранети.

Ова не вклучува процедури за третман на „вродени аномалии (деформитети), генетски и ендокрини заболувања поврзани со формирање на генитални органи кај деца“, пропишани од лекарската комисија.

Матичните служби ќе направат промени во нивната евиденција само доколку има лекарско мислење дека интервенцијата е неопходна од здравствени причини.

Ако еден од брачните другари го промени полот, бракот се поништува. Дополнително, ќе биде забрането посвојување деца по промена на полот.

Нормите на законот не важат за оние кои го промениле полот пред неговото влегување во сила.

Како што изјави заменик-министерот за здравство Јевгенија Котова при расправата за предлог-законот во Комисијата за социјална политика на Советот на Федерацијата, документот не ги нарушува уставните права на граѓаните.

Според неа, во периодот од 2018 до 2022 година, матичната служба извршила околу две илјади измени во исправите на граѓаните по промената на полот.

The post Путин потпиша: Нема промена на полот appeared first on Република.

Светот слушна за Марко Митановски во 2009 година, кога постигна голем успех на конкурсот за млади дизајнери „Ones to Watch show“, организиран од „Вог“ во рамките на Лондонската модна недела.

Дизајнерот го започнал процесот на промена на полот во октомври 2011 година и ја информираше јавноста дека оттогаш се вика Миа.

Процесот на промена на полот траела неколку години, па потоа го претстави своето новото лице, новото име и најави нова колекција.

Миа е многу активна на социјалните мрежи, а нејзините следбеници можеа да ја видат и во костим за капење.

Секогаш е негувана, со долги нокти и коса, што денес никој не би помислил дека Миа некогаш била Марко.

The post Моден дизајнер го смени полот и се соблече во костум за капење: Марко грми на плажа appeared first on Република.

ВМРО-ДПМНЕ има јасен став, дека промена на Уставот под бугарски диктат нема да прифати, и не знаеме дали Ковачевски има проблеми со слухот или халуцинации.

Ковачевски само зборува на празно, без да ги решава суштински проблеми на луѓето.

Македонија тоне во корупција, владата на чело со Ковачевски е корумпирана, што го кажува и Стејт департментот, а тој како расипана грамофонска плоча се фатил за уставни измени.

Луѓе како Ковачевски, кој е на чело на Владата која има изразита владина корупција е се само Европеец не.

Декларативните заложби на Ковачевски за ЕУ се празни флоскули.

Народот не и верува на власт и не ги одобрува нивните политики.

Ниту сопствените пратеници од СДС не му веруваат на Ковачевски. И тој како и Груби треба да каже дали пратеници од СДС, поточно 3 од првата и втората изборна единица кажале дека ако се овие уставни измени на маса нема да ги гласаат, и дали 6 пратеници од внатрешноста им рекле дека уставните измени се најлошото нешто што може оваа влада да го направи.

Исто така треба да го праша Груби, дали еден пратеник од ДУИ барал пари за да гласа за уставни измени.

Ковачевски да се сврти околу себе, да излезе од халуцинациите или да го поправи слухот, тогаш веруваме, ако не станува збор за други проблеми, ќе ја согледа реалноста.

The post ВМРО ДПМНЕ до Ковачевски: Промена на Уставот нема да прифатиме appeared first on Република.

ВМРО-ДПМНЕ нема да дозволи промена на Уставот и бара час поскоро да се формира техничка Влада и да се одржат предвремени парламентрани избори, порача лидерот на партијата Христијан Мицкоски во обраќањето на 31. годишна конференција на Унијата на млади сили на ВМРО-ДПМНЕ насловена „Енергија, надеж, иднина“.

Мицкоски ги обвини партиите од власта СДСМ и ДУИ и нивните лидери Димитар Ковачевски и Али Ахмети дека ја злоупотребуваат европската иднина за да си „обезбедат дополнителни привилегии, да останат што е можно повеќе на функциите и да ја пљачкаат Македонија, сакаат да зборуваат за промените во Уставот и вклучување на мал минимален дел на наши сограѓани коишто за себе велат дека се дел од бугарскиот народ во Преамбулата“.

Јасно и гласно сме кажале, јасно и гласно сме повториле – нема хотел пратеници како што тоа го кажа пред некој ден Пендаровски, коишто биле убедувани во еден хотел недалеку од овде. Сега имаме пратеници коишто цврсто стојат на својот став, и тие нема да дозволат промена на Уставот. И да ја затвориме таа тема. И ајде од утре да зборуваме за темата за која јас сакам да зборувам, а тоа е час поскоро формирање техничка Влада и најдоцна до пролет да одиме на предвремени парламентарни избори. Не треба да се плашите, ако народот ви верува во ова што го работите, ако народот ви верува, тогаш нема зошто да се плашите. Охрабрете се, излезете на предвремени парламентарни избори, па народот нека каже кој треба да ја води Македонија и чија политика ќе ја победи другата политика, истакна Мицкоски.

Тој рече дека живееме во огромна криза, земјава е рекордер по инфлација и по индексот на мизерија, луѓето не можат да ги платат сметките, цените по продавниците растат, а големи проблеми имаат и бизнисмените.

Осврнувајќи се на изјавата на премиерот Димитар Ковачевски дека следната година ќе биде подобра, лидерот на ВМРО-ДПМНЕ кажа дека таа реченица ја слуша веќе пет години, а секоја година е само полоша од претходната.

Македонија, наведе лидерот на ВМРО-ДПМНЕ, е уморна од состаноци на политичари во вратоврски на коишто не се носат одлуки туку само се парадира, додека зад завесите се продолжува со истите погубни политики кои земјава ја тонат уште подлабоко и со уште поголема брзина.

Единствената лидерска средба на Македонија која ѝ е потребна и за која со задоволство ќе придонесам е лидерска средба на која би седнале сите општествени чинители и би разговарале за платформа за Македонија и нејзиното стратешко позиционирање во однос на отворени прашања. Ни треба средба на која ќе седнат сите општествени авторитети, академици, професори, претставници на универзитети, новинари, писатели, младински лидери, на која ќе се разговара за платформа, за позиции и прашања за стратешкото позиционирање на Македонија наспроти сите предизвици, во однос на европската иднина, во однос на бугарското прашање, во однос на националниот консензус за значајните прашања што го немаме, за економскиот стандард и живот. Една платформа што ќе ги обедини сите, а целта ќе биде една и заедничка Македонија, во која има промени, пристоен живот и иднина, рече Мицкоски.

Тој на годишната конференција на УМС упати и порака до младите да бидат храбри и да не се откажуваат.

Кога ќе сакаат да наведнете глава, вие кренете ја гордо високо. Кога ќе сакаат да молчите, вие зборувајте гласно, кога тие ќе притискаат – вие бидете храбри. Кога тие ќе сакаат да се откажете, вие бидете уште порешителни. Затоа што има борби во животот што вредат нешто, но има и борба што е повредна од сè друго. Се работи за Македонија, за нашата иднина, за заедничката надеж, рече Мицкоски во обраќањето на годишната конференција на УМС на ВМРО-ДПМНЕ.

The post Мицкоски: Нема промена на Уставот, да се формира техничка влада и да се распишат предвремени избори appeared first on Република.

Кога сме заљубени, често правиме работи што инаку никогаш не би ги направиле, на пример се менуваме себеси.

Партнерот понекогаш бара од нас да го промениме нашето однесување или начин на живот, а ние се согласуваме со тоа, не сфаќајќи дека притоа се губиме себеси.

Сепак, да се зачувате себеси е многу поважно отколку да направите се за да ја одржите врската, особено ако мажот се осмели да побара одредени работи.

Менувањето нешто е повеќе од прифатливо, но, од друга страна, никогаш не треба да се согласувате да смените некои работи на себе.

Ова се некои од нив.

Диета

Никогаш не одржувајте диета заради маж. Треба да донесете одлука за здрава исхрана или за вежбање исклучиво само заради себе, а не за да импресионирате некој маж.

Дружба со пријателите

Ако вашиот дечко ви забрани да се дружите со други мажи, дури и ако се работи за пријатели од детството, тогаш со право можете да го оставите. Ако вашиот маж не верува во машко-женски пријателства, тоа кажува многу за неговиот однос со другите жени.

Жртвување на кариерата

Не треба да избирате помеѓу љубов и кариера. Ако му пречат вашите деловни обврски, преиспитајте ја вашата врска. Човек кој ве сака мора да ве поддржува во работата што ја работите, како и во сите други интереси во животот.

Промена на стилот

Ако сака стокмени и нашминкани жени, а тоа не е вашиот стил, повремено можете да го расположите во такво издание. Сепак, не треба целосно да го менувате вашиот стил поради маж, но ни вие не треба да го присилувате него на такво нешто.

The post Мажите кои бараат да се промените себеси не се за вас: Четири знаци кои укажуваат дека не сте на вистинскиот пат appeared first on Република.

Секоја промена на изборниот систем мора да биде со консензус. Никому нема да му служи ако оди по принципот на надгласување или условување. Тоа е ултиматум. Собранието не смее да работи под ултиматум, мора да има консензус, изјави вечерва претседателот на Собранието Талат Џафери во дебатната емисија „Објектив“ на МРТВ1.

Не е проблемот во изборниот систем. Зошто не излегуваат сами политичките партии и да се мери секој колку поддршка има. Не е проблемот во шесте изборни единици, проблемот е во поддршката. Една коалиција, друга, трета и на крај за една година се распаѓаат скоро сите коалиции, рече Џафери.

Според него, треба да се води дебата за бројот на изборни единици за да се слушнат аргументите и потоа, како што рече, да може да се има евентуално консензус.

Консензусот не значи сите да добиваат се, консензусот е сите да попуштат малку, да отстапат по нешто, инаку се друго е ултиматум или диктат, рече Џафери.

За изборот на уставните судии, Џафери рече дека тоа е надлежност на Комисијата за прашања на изборите и именувањата која треба да свика седница. Заклучокот од седницата потоа оди на пленарна седница каде се отвара дебата, а за да се избере еден кандидат за уставен судија, тој мора да има поддршка од минимум 61 пратеник.

Во однос на Деловникот за работа на Собранието, Џафери смета дека издржано е да има опција за одржување на онлајн седници, но само во исклучителни случаи како што беше оној со пандемијата. Она што треба да се промени е и тоа што сега не е пропишано колку реплики може да имаат пратениците на собраниските комисии. Тоа, вели Џафери, е инструмент којшто сега се злоупотребува.

The post Џафери: Секоја промена на изборниот систем мора да биде со консензус appeared first on Република.

Од утре започнува пролетта на северната хемисфера на планетата.

Следниот викенд, пак, ноќта во 2 часот меѓу 26-ти и 27-ми март почнува летното сметање на времето.

Стрелките на часовникот треба да се поместат за еден час нанапред, односно времето во 2 часот, ќе се смета како да е 3 часот.

The post Утре доаѓа пролетта, а наскоро и летното сметање на времето: Еве кога ќе се менуваат стрелките на часовникот appeared first on Република.