Убавицата со хрватски корени Аниша Иса Калебиќ се омажи за еден од најпосакуваните ергени, брунејскиот принц Абдула Матина.

Веридбата се одржала во ноември минатата година, а раскошната церемонија на венчавката почнала на 7 јануари и ќе трае девет дена.

Аниша се повлече од социјалните мрежи откако се вери со принцот, но сега на Инстаграм се појавија нејзините фотографии на кои позира во елегантно свадбено издание, кроено по нарачка, а користена е традиционална брунејска ткаенина.

Инаку неа и принцот наводно ги зближила љубовта кон спортот, а принцот е долгогодишен пријател на братот на Аниша, Даниел Дино Исо Калебиќ.

На венчавката се очекува да има околу 4.000 гости, меѓи кои и гости од Хрватска,а  се шушка дека на свадбата ќе дојдат и принцот Вилијам и Кејт Мидлтон.

The post Венчавка која се слави во злато дури 10 дена: Се жени најпосакуваниот принц со девојка од Балканот appeared first on Република.

Кралското семејство на Данска објави дека четирите внуци на кралицата Маргарета Втора ќе ги загубат титулите како принцови и принцези на 1 јануари 2023 година – и вели дека тоа е во согласност со „другите кралски куќи“.

Овој потег се однесува на вториот син на кралицата, принцот Јоаким. Принцот Николај, принцот Феликс, принцот Хенрик и принцезата Атина од следната година веќе нема да бидат принцови. Наместо тоа, тие ќе ги користат титулите гроф или грофица и од следната година нема да бидат нивни височества, туку нивни екселенции.

Овој потег нема да влијае на децата на најстариот син на Марагрета и престолонаследник, Фредерик, кој има два сина и две ќерки со сопругата, принцезата Мери.

Во соопштението на данската кралска куќа се вели: „Одлуката на кралицата е во согласност со слични прилагодувања што ги направија другите кралски куќи во последниве години. Кралицата сака да создаде рамка за четирите внуци за да можат да ги обликуваат сопствените животи, без да бидат ограничени со посебните размислувања и должности што ги вклучува формалната припадност на данската кралска куќа како институција“.

Сите внуци ги задржуваат своите места во наследството.

The post Данската кралица им ги одзеде титулите „принц“ на четворица внуци appeared first on Република.

Смртта на кралицата Елизабета Втора значи дека синот на војводата и војвотката од Сасекс, Арчи Маунтбатен-Виндзор, сега е принц – титула што неговата мајка, Меган Маркл тврдеше дека му е одбиена поради неговата раса. Слично и помалата нивна ќерка – Лилибет „Лили“ има право да биде принцеза, по крунисувањето на нејзиниот дедо, кралот Чарлс Трети.

Начелата поставени од прадедото на Хари, кралот Џорџ Петти, уште во 1917 година дозволуваат да им се даваат кралски титули на децата на синовите на кралот (т.е. неговите внуци). Додека кралицата беше на власт, децата на Хари беа нејзини правнуци. Сега кога Чарлс го презеде престолот, децата на Хари официјално се внуци на монархот, па ги исполнуваат условите.

Правилото од 1917 година обезбедува кралски титули за децата на кралот и на најстариот син на кралот (што би значело синот на принцот Вилијам – принцот Џорџ), дури и пред смртта на кралицата.

Иако Арчи и Лили сега можат да ги користат кралските титули, прашање е дали ќе ги користат … Гласините велат дека Хари и Меган одлучиле да не му го дадат епитетот Ерл од Дамбартон, на Арчи, кога се родил, бидејќи биле загрижени дека ќе биде малтретиран поради тоа.

Во „Шоуто на Опра Винфри“ лани, Меган рече дека некои луѓе во палатата не се заинтересирани за тоа Арчи да ја добие титулата принц, поради „темната кожа кога се родил“ …

На прашањето дали би сакала Арчи да има кралска титула, Меган одговори: „Ако тоа значеше дека ќе биде безбеден, тогаш – секако“.

По смртта на кралицата, Хари сега е петти во редот за престолот, а Арчи и Лили би биле шести и седма, соодветно. Титулата принц и принцеза може да им се одземе само ако нивниот дедо Чарлс го промени протоколот откако ќе дојде на престолот.

The post Децата на Меган и Хари можат да ги користат титулите принц и принцеза appeared first on Република.

Кабинетот на црногорскиот претседател Мило Ѓукановиќ во вторникот побара внатрешна истрага со која би се утврдило како Стефан Чернетиќ, кој лажно се претставува како принц на Црна Гора и Македонија, присуствувал на прославата на Денот на државноста која се одржа во Цетиње.

На 13 јули Чернетиќ на својата Фејсбук страница објави фотографии од прославата на Денот на државноста, организирана од Ѓукановиќ.

„Чернетиќ не беше на списокот на гости што го состави Кабинетот на претседателот на Црна Гора. Канцеларијата на претседателот не е одговорна за проверка на гостите кои влегуваат на рецепција“, изјавија за БИРН од кабинетот на Ѓукановиќ.

Лажниот принц во септември 2018 година беше во Скопје каде што се сретна со тогашниот премиер Зоран Заев и му додели одликување.

Откако Чернетиќ објави фотографии од средбата во кабинетот на Заев, од владата соопштија дека станува збор за „неофицијална средба од неформален карактер со лицето Стефан Чернетиќ“.

The post Лажниот принц на Црна Гора кој се сретна со Заев под истрага appeared first on Република.

Принцот Луис денес полни четири години. Гордите родители принцот Вилијам и Кејт Мидлтон и оваа година не ја кршат традицијата, па најновите фотографии од славеникот ги преплавија социјалните мрежи.

View this post on Instagram

A post shared by The Royal Family (@theroyalfamily)

Минатата година, принцот Луис ги маѓепса сите со преслатки слики создадени во градината на палатата Кенсингтон, а ги фотографираше никој друг туку мајката Кејт. Оваа година војвотката од Кембриџ се погрижи Луис да го има најдоброто сеќавање од плажата во Нортфолк.

„Ви благодарам на сите за прекрасните честитки за роденденот на Луис“, беше пораката до Вилијам и Кејт, која се појави на нивниот официјален профил на Твитер.

Thank you for all the lovely birthday messages for Prince Louis today! 🎂

📸 The Duchess pic.twitter.com/S5eNuM8bg1

— The Duke and Duchess of Cambridge (@KensingtonRoyal) April 23, 2022

Кејт го фотографираше славеникот на почетокот на април во Норфолк додека уживаше на плажа, а во рацете цело време држеше топче за крикет.

Облечен во сив џемпер со ѕвезди, кошула и сини шорцеви, Луис ги освои сите симпатии. Времето леташе со некоја луда брзина, а момчето како да порасна преку ноќ и се повеќе потсетува на својот татко Вилијам со неговата насмевка и израз на лицето.

View this post on Instagram

A post shared by 𝐓𝐡𝐞 𝐂𝐚𝐦𝐛𝐫𝐢𝐝𝐠𝐞𝐬 𝐍𝐞𝐰𝐬 (@thecambridgesnews)

The post Сладок како шеќер: Принцот Луис наполни 4 години appeared first on Република.

Принцот од Велс повторно е позитивен на коронавирусот и моментално е во самоизолација.

Кралството на неговото височество е многу разочарано што тој нема да може да присуствува на настаните закажани за денеска во Винчестер, соопшти кабинетот на принцот Чарлс.

Да потсетиме, на принцот Чарлс му беше дијагностициран коронавирус во март 2020 година.

При претходната инфекција имал само благи симптоми.

The post Принцот Чарлс повторно позитивен на Ковид-1 appeared first on Република.