Извршниот комитет на ВМРО-ДПМНЕ одржа седница, а во овие моменти привршува и седницата на Централниот комитет на ВМРО-ДПМНЕ каде се усвоени пратеничките листи на ВМРО-ДПМНЕ и Коалицијата за наредните парламентарни избори, објави потпретседателот на ВМРО-ДПМНЕ, Тимчо Муцунски.

Тој посочи дека ова се победнички листи и се надеваат на мнозинската поддршка од граѓаните на Република Македонија.

Овие избори се всушност одлука за тоа каква Македонија сакаме. Нивната, таа на власта, затворена, омаловажена, криминализирана, или онаа Македонија каква народот ја сака, и за каква се бориме. Македонија со надеж, иднина и сигурност. Македонија која ќе биде повторно на народот, институциите ќе бидат функционални, системот ќе биде нормализиран. Народот бара и очекува одговорност, бара и очекува принципи и враќање на вредностите во политиката. Ова се победнички пратенички листи, а при нивното составување се водеше сметка за гласот на народот, нивните барања и потреби, истакна Муцунски.

Носителите на овие победнички листи се:

Во првата изборна единица е лидерот на ВМРО-ДПМНЕ Христијан Мицкоски каде очекуваме огромна поддршка и огромна победа.

Втората изборна е мојот колега и пријател Владо Мисајловски.

Третата изборна единица е Драган Ковачки.

Четвртата изборна единица е потпретседателот Александар Николоски.

Петата изборна единица генералниот секретар на ВМРО-ДПМНЕ Ѓорѓија Сајкоски.

И шестата изборна единица каде очекуваме исто така убедлива доминација во однос на СДС е Дафина Стојановска.

ИЕ 1
1. Христијан Мицкоски
2. Гордана Кочовска Димитриевска
3. Коалиција
4. Синиша Стојановски
5. Бети Стаменковска
6. Тони Јаревски
7. Иван Живковски
8. Љупчо Пренџов
9. Марија Митева
10. Иванка Василевска
11. Коалиција
12. Велика Стојкова Серафимовска
13. Сергеј Попов
14. Јане Мицески
15. Бисера Златеска
16. Катерина Димитровска
17. Игор Никовски
18. Мартин Стојановски
19. Александра Николовска
20. Тодор Коневски

ИЕ 2
1. Владо Мисајловски
2. Жаклина Пешевска
3. Коалиција
4. Бобан Николовски
5. Бојан Стојановски
6. Каролина Насковска
7. Зоран Коцевски
8. Бране Петрушевски
9. Дијана Илиевска
10. Емилија Ангелова
11. Коалиција
12. Ерџан Демири
13. Весна Додевска
14. Зоран Бајовски
15. Ивица Димковски
16. Дени Милевски
17. Габи Калкова
18. Никола Стојковски
19. Мартина Ристовска
20. Валентина Петровска

ИЕ 3
1. Драган Ковачки
2. Никола Мицевски
3. Рашела Мизрахи
4. Игор Здравковски
5. Коалиција
6. Благица Ласовска
7. Миле Лефков
8. Даниела Христова
9. Марија Петрушевска
10. Душко Иванов
11. Александар Јамалов
12. Драгана Бојковска
13. Емил Спасовски
14. Драгана Арсова
15. Столе Кракутовски
16. Љупчо Спиров
17. Гордана Барбашка
18. Јорданчо Костадинов
19. Мартин Ефремовски
20. Анкица Анакиева

ИЕ 4
1. Александар Николоски
2. Антонијо Милошоски
3. Ели Панова
4. Дејан Проданоски
5. Зоран Јованчев
6. Ангелинка Петкова
7. Петар Ристески
8. Златко Пенков
9. Моника Ристеска
10. Јулија Тушева
11. Жан Дрвошанов
12. Петар Марков
13. Билјана Кузмановска
14. Весна Ѓорѓиева
15. Мито Андонов
16. Јадранка Поцкова
17. Наталија Димитриева
18. Гоце Дединец
19. Сашо Граороски
20. Никола Златески

ИЕ5
1. Ѓорѓија Сајкоски
2.Олга Лозановска
3.Сашо Донев
4. Пеце Милевски
5. Јован Јаулески
6. Лидија Петковска
7. Мевмед Џафери
8.Кире Божиновски
9. Силвана Ангелевска
10. Грација Бакрачевска
11. Лазе Јакимовски
12. Ѓорѓи Влајкиновски
13. Благица Крстеска
14. Никола Дранговски
15. Леон Мерсовски
16. Менче Марковска Андреева
17. Билјана Стефановска
18. Жанета Петреска
19. Мартин Иваноски
20. Ѓорѓи Шопоски

ИЕ 6
1. Дафина Стојаноска
2. Александар Велјановски
3. Валентина Марчевска
4. Коалиција
5. Верица Апостоловска
6. Ванчо Милевски
7. Алишериф Синани
8. Анета Ќироска
9. Анита Бошкоска Јованоска
10. Мишо Маринковски
11. Бране Стојчевски
12. Верица Тофиловска
13. Ивана Савеска
14. Даниела Апостоловска
15. Деан Трпески
16. Марина Петровска
17. Горан Зафировски
18. Тања Сибиновска
19. Лилјана Спиревска
20. Александра Спироска

Ова се луѓе со кредибилитет. Искусни и енергични. Луѓе кои и требаат на Македонија, луѓе кои ќе се борат за решенија, за решавање на проблемите. Имаме тешка задача пред нас да ја кренеме Македонија и да ја вратиме надежта. Само заедно ќе успееме, подвлече Муцунски.

The post Муцунски: Централниот комитет на ВМРО-ДПМНЕ ги усвои победничките листи за парламентарните избори, луѓе со кредибилитет и искуство кои ќе ја вратат надежта во Македонија appeared first on Република.

Претседателот на СДСМ Димитар Ковачевски денеска изјави дека пратеничките листи на коалицијата што ја предводат се креирани и одобрени од највисоките раководства на партијата, како и од страна на органите на партиите кои се дел од коалицијата. Ковачевски рече дека вчера е потпишан коалициски договор со, како што кажа, сите стожерни партии со кои СДСМ соработува, посочувајќи дека се разговара и со некои други организации со кои би потпишале меморандуми за соработка на изборите.

Пратеничките листи се креирани. Тие се одобрени на конгресот на СДСМ. Знам дека и најголемиот дел од коалициските партнери веќе ги одобрија на своите партиски тела. Има уште некои организации со коишто разговараме за потпишување на меморандуми за соработка или за декларации и кои се базираат исклучиво на вредности, а тоа е интеграција на Cеверна Македонија во Европската унија, зацврстување на улогата на Cеверна Македонија како значаен член во НАТО и секако унапредување на владеењето на правото и борбата против корупцијата и унапредување на економскиот развој, рече Ковачевски.

Тоа, рече тој, се основите врз основа на кои се разговара за соработка.

Ковачевски тврди дека немало несогласувања за пратеничките листи во СДСМ, туку дека тие биле едногласно потврдени на највисоките тела на партијата, како и дека добиле 99, 98 отсто поддршка на Конгресот на партијата.

Сето тоа потврдува дека не постои никакво незадоволство. Имаше извештај во медиумите, кој беше креиран во еден центар бидејќи ако погледнете во кои медиуми беа лиферувани тогаш ви станува јасно дека се од еден цантер. Беа веднаш демантирани од страна на тие мои партиски другари кои беа споменати, рече Ковачевски. Сите, додаде, работиме заедно за победа на изборите.

The post Ковачевски: Пратеничките листи на СДСМ добија 99, 98 отсто поддршка на Конгресот на партијата appeared first on Република.

Од Левица ги објавија имињата на носителите на изборните листи за претстојните парламентарни избори.

Левица има вистинските носители на пратеничките листи во шестте изборни единици, кои се воедно и единствените, од севкупниот избор, кои немаат нанесено штета врз државата“, се вели во соопштението на партијата.

Носител во ИЕ 1: Проф. д-р Димитар Апасиев, претседател на Левица, пратеник во Собранието на Република Македонија, доктор на правни науки, професор на Правниот факултет при Државниот универзитет „Гоце Делчев“ - Штип.

Носител во ИЕ 2: Амар Мециновиќ, портпарол на Левица, член на Президиумот на Партијата и член на Советот на Град Скопје, активист за социјална правда и зачувување на животната средина.

Носител во ИЕ 3: Борислав Крмов, пратеник во Собранието на Република Македонија, член на Президиум на Левица и долгогодишен борец за социјална правда.

Носител во ИЕ 4: Сашко Јанчев, магистер по кривично право, член на ЦК и советник на Левица во Општина Гевгелија. Повеќегодишен борец за заштита на животната средина со фокус на југот на државата и борбата за Кожув да е национален парк.

Носител во ИЕ 5: Јована Мојсоска, дипломиран криминолог по финансиски криминал, генерален секретар на Левица и долгогодишен борец за социјална правда и заштита на животната средина и животните.

Носител во ИЕ 6: Игор Димески, раководител на Сектор за енергетика и советник на Левица во Општина Центар.

Еднаш засекогаш ќе се спротивставиме на политичките елити кои управуваат со нашите животи и ќе ја вратиме политичката моќ во рацете на работничката класа!

 

Нашите носители и идни пратеници во Собранието на Република Македонија ќе бидат гласот на народот во Собранието, како што докажаа и нашите досегашни пратеници.

 

Од нас сите зависи силата со која ќе се спротивставиме и судбината која сами ќе ја создадеме. Никогаш повеќе да не владеат над нас криминалот, корупцијата и профитот“, велат од Левица.

The post Левица: Ги имаме вистинските носители на пратеничките листи во шесте изборни единици appeared first on Република.

Не стивнуваат бранувањата меѓу членови и симпатизери на СДСМ по Централниот и Извршниот одбор, како Конгресот на партијата, на кои беа официјално составени и објавени пратенички листи по изборни единици за претстојните парламентарни избори.

Уште пред официјалното презентирање на пратеничките листи имаше многу реакции поради тоа што голем број познати лица на СДСМ, кои изминатите години беа експонирани, не најдоа место на листите или се на недобитни позиции.

https://republika.mk/vesti/makedonija/ofitsijalno-objaveni-nositelite-na-pratenichkite-listi-na-sdsm/

Една од тие коишто јавно го изразија незадоволството од одлуките на претседателот на партијата, Димитар Ковачевски, е активистката на СДСМ од Велес, Марија Талевска Деловска. Таа во одговор на објавата на Ковачевски дека СДСМ на овие избори ќе понуделе луѓе кои ќе ги застапуваат интересите на граѓаните, остро реагира зашто тогаш не е предложен Ненад Коциќ, кој, како што истакнува Талевска Деловска, ќе придонел повеќе за народот.

Пу бе ве плукам! Вие намерно им ја давате победата на вмровците изгледа. Пу! Требаше да го оставите Коциќ, има повеќе заслуги од тамошните пратеници. Сите продолжија, а Коциќ го сменија, тој што најмногу се залагаше за народот... А, ако изгубите со невиден пораз, Димитар Ковачевски оставка да си дадеш. Сега Мартин Костовски и Даниела ги продолжуваат, а Коциќ го бркаат“, е дел од нејзината реакција на социјалните мрежи.

Реакции стигнаа и од коалициските партнери на СДСМ. Така, коментар за објавените пртенички листи стигна од поранешниот претседател на млади на ДОМ и член на Извршниоѕ комитет на партијата, Бојан Петровски.

Лош лидер мора да сноси одговорност за лоши одлуки“, кратко порача Петровски.

Претходно, уште за време на Централниот и Извршниот одбор, бурна реакција имало и од портпаролот на партијата и пратеник во сегашниот состав од редовите на СДСM, Дарко Каевски. Како што објави ТВ 24, Каевски, револтиран од својата позиција на предложената листа побарал неговото име да биде избришано. Неофицијално, Ковачевски го прифатил барањето на незадоволниот портпарол на СДСМ Каевски и на неговото место број 7 во ИЕ1 ќе биде Горан Трајковски, сегашен директор на пазарниот инспекторат.

https://republika.mk/vesti/makedonija/tv-24-kaevski-pobaral-da-bide-trgnat-od-listata-poradi-nezadolvolstvo-od-pozitsijata/

За наводно несогласување со одлуките на Ковачевски, Клан ТВ објави дека Каевски и Оливер Спасовски, демонстративно ја нашуштиле седницата на којашто се разговарало за пратеничките листи на СДСМ за изборите на 8 мај. Каевски подоцна излезе со демант на таквата информација.

The post Изборните листи на Ковачевски предизвикаа лавина незадоволство и реакции на незадоволни членови на СДСМ и коалицијата appeared first on Република.

Очекувам изборна кампања во која ќе зборуваме за она што се случуваше, но и за иднината. Дали кампањата ќе биде фер, не зависи само од нас, изјави потпретседателот на  ВМРО-ДПМНЕ Александар Николоски при денешниот престој во Прилеп кога присуствуваше на отчетот што го дава градоначалникот од оваа партија.

-Најмалку зависи од нас дали изборната кампања ќе биде фер зашто сме опозиција, но убеден сум дека ќе имаме огромна поддршка од народот, рече Николоски.

За случувањата во Алијанса за Албанците, Николоски рече дека има голема разединетост во власта, и како што истакна, според него, време е ДУИ да оди во опозиција.

-Власта со години се обидуваше да направи раздор во ВМРО-ДПМНЕ, тоа не успеа. Но, наместо еден обединет фронт каков што беше најавуван, европски или не знам каков, сега ќе имаме, очигледно, најразединет возможен фронт на власта. Време е ДУИ да оди во опозиција и се создава силен отпор кон ДУИ во политичките партии на Албанците во Македонија, изјави Николоски.

На новинарско прашање дали ВМРО-ДПМНЕ разговарала за идно коалицирање со албанските партии, Николоски изјави дека размислувале, но се уште не разговарале.

За пратенички листи и изборни единици, Николоски рече дека за листите ќе се знае кон крајот на март и почетокот на април, а за носителите веројатно нешто порано.

The post Николоски: За пратеничките листи на ВМРО-ДПМНЕ ќе се знае на крајот на март, а за носителите веројатно нешто порано appeared first on Република.