Наместо на дневна основа, од следниот понеделник паричните средства за субвенциониран студентски оброк ќе се исплаќаат одеднаш за шест дена во неделата. Ова е предвидено со последните измени на Законот за субвенциониран студентски оброк, направени на барање на студентските организации и здруженија, а во насока на унапредување на решението за користење на оваа системска мерка.

Министерството за образование и наука известува дека почнувајќи од следната седмица, секој студент кој го остварува правото на субвенциониран студентски оброк, на својата трансакциска сметка ќе добива буџет во износ од 840 денари кои ќе бидат наменети за купување оброк, односно намирници за прехрана и ќе може да се искористат од понеделник до сабота.

На овој начин се зголемува практичноста на законското решение кое досега предвидуваше исплата на 140 денари на дневна основа. Нема промена во условите за остварување на правото на субвенциониран студентски оброк. Рокот за пријавување на студентите кои досега не го оствариле ова право или не ги исполнувале критериумите, е од 1 до 5 секој нареден месец преку порталот e-uslugi.mon.gov.mk, соопшти МОН.

Со оглед на тоа што примената на новото законско решение стапува во сила од 1 март, МОН информира дека секој студент корисник на правото, овој петок ќе добие средства за двата преостанати дена од седмицата, односно 280 денари.

МОН ја почитува волјата на студентите и го исполни нивното барање. Тие и понатаму ќе бидат важен партнер на институција во креирањето на политиките и мерките кои ги засегаат младите, се наведува во соопштението на Министерство за образование и наука.

The post МОН: Од понеделник исплата на субвенциониран студентски оброк на неделно ниво appeared first on Република.

Викендов не очекува облачно и посвежо време со врнежи од дожд. Во недела кон крајот на денот во западните делови ќе има врнежи од дожд, а потоа до средината на следната седмица ќе настапи стабилизирање на времето, соопшти УХМР.

Времето утре ќе биде облачно и посвежо со врнежи од дожд, наместа обилни (над 40 l/m2). Врнежите повремено ќе бидат поројни и проследени со грмежи, локално во форма на невреме со силен ветер. Минималната температура ќе биде во интервал од 9 до 15, а максималната ќе достигне од 13 до 19 степени.

Во Скопје облачно со врнежи од дожд, повремено поројни. Ќе дува умерен ветер од јужен правец. Минималната температура ќе се спушти до 14, а максималната ќе достигне до 16 степени.

The post Од понеделник стабилизирање на времето appeared first on Република.

Фестивалот „Букстар“ почнува вo понеделник, 2 октомври и носи исклучително амбициозна програма во која се опфатени гостувања на десет европски автори, четириесеттина македонски учесници од различни генерации, потоа претставници на реномирани издавачки куќи и фестивали од пет држави од регионот и доделување на наградите „Драги“.

Во Скопје следните денови ќе биде собран кремот на европската литература, и тоа: Наџат ел Хачми (Шпанија), Миљенко Јерговиќ (Хрватска / Босна и Херцеговина), Лидија Димковска (Македонија / Словенија), Бранко Росиќ (Србија), Драго Гламузина (Хрватска), Луцие Фаулерова (Чешка), Стефан Хертманс (Белгија), Ања Мугерли (Словенија), Франсис Кирпс (Луксембург) и Софи Хана (Обединетото Кралство).

Во рамки на овој активистички пристап е одбрана и самата добитничка на наградата „Букстар“ Наџат ел Хачми од Шпанија која со години се бори за правата на жените, но и преку другите автори кои отвораат горливи теми во своите родни држави, меѓу кои и Лидија Димковска (Македонија) која ќе го отвори Фестивалот со својот ангажиран говор на тема „Со или без Please“.

Свеченото отворање на Фестивалот е предвидено од 19.30 во киното „Фросина“. Писателката Лидија Димковска ќе го прогласи фестивалот за отворен со свечена реч под наслов „Со или без Please“. По неа, Министерката за култура Бисера Костадиновска Сојчевска ќе ги поздрави странските гости од име на земјата, а свое обраќање ќе има и Дејвид Гир, амбасадорот на Европската Унија во Македонија кој ќе ѝ ја додели наградата „BookStar“ 2023 на Наџат ел Хачми (Шпанија) за романот „Во понеделник ќе нè сакаат“.

Веднаш по свеченоста, со добитничката на наградата на тема „Да се биде (поинаква) жена“ ќе разговараат Ана Јовковска, новинарка и книжевна истражувачка, и Александар Маџаровски, поет, преведувач и јутјубер познат како „Читачот“.

Од 21 часот во киното „Фросина“ Иван Шопов и Александар Маџаровски ќе разговараат со Драго Гламузина (Хрватска) и Бранко Росиќ (Србија) „за што да биде гласна регионалната книжевност?“ Поради својата атипичност регионалната книжевност може да претставува привлечен „пакет“ за остатокот на Европа. После еден подолг период на оддалечување се случува период на период на приближување. Но дали е дојдено време за заеднички настап?

Фестивалот започнува и кампања во соработка со „Пакомак“ за подигнување на свесноста околу селекцијата на отпадот, но и активно учество на публиката во процесот на селекција. Освен што за време на фестивалот ќе бидат поставени специјални диспанзери за прифаќање на стара хартија и хартиена амбалажа, ќе ја наградиме еколошката одговорност на публиката. Со акумулирани најмалку сто поени на апликацијата „Екомак“ за селекција на пластика еко-модерните читатели добиваат книга подарок за време на Фестивалот.

BookStar e и прв книжевен фестивал кој ќе понуди превод на дел од настаните на знаковен јазик на сцената на кино „Фросина“ во МКЦ.

На Фестивалот ќе се работи и на стратегија за пробив на македонската и регионалната литература на големите книжевни пазари во Европа, а за таа цел во Скопје се состанува работна група.

Прва фестивалска програмска активност е доделување на наградите „Драги“ 2023, кое ќе се случи на Филолошкиот факултет „Блаже Конески“ од 14 часот. Во најтесен круг за наградата влегоа преведувачите: Љубица Арсовска, Никола Ѓелинчески, Иван Шопов, Анастасија Ѓурчинова и Златко Панзов. Во оваа пригода ќе се случи и потпишување на меморандум за соработка меѓу издавачката куќа „Антолог“ како организатор на наградата и Филолошкиот факултет како нивен партнер. Како што беше соопштено на овој настан ќе се додели и интернационалната награда „Драги“ за најзначаен превод на македонски автор на странски јазик на превeдувачката Александра Јоаниду за преводот на книгата „Мојот маж“ од Румена Бужаровска на грчки јазик. Најавено е и личното присуство на преведувачката за настанот.

Фестивалот се одржува под слоганот „Please do disturb“ и е поддржан од Министерството за култура, книжевната мрежа Традуки, ЕУ со тебе (Eu with YOU), издавачката куќа „Антолог“, а одделни настани и од Чешкиот книжевен центар, Центарот за фламанска литература, Европската Унија, Културно–информативниот центар на Република Бугарија во Скопје и Амбасадите на Чешка, Шпанија и на Белгија. Фестивалската програма ќе се одвива на повеќе локации во Скопје. Медиумски покровител на настанот е Македонската радио телевизија. Визуелниот идентитет е авторство на Владимир Трајановски. Фестивалското видео го изработи Радмила Ванкоска.

The post Десет европски автори ќе гостуваат на „Букстар“, Фестивалот почнува во понеделник appeared first on Република.

Во понеделник во 18:00 часот ќе се одржи нов протест за случајот „Онкологија“.

Како што посочуваат организаторите, протестот ќе започне пред Владата, а ќе продолжи пред зградата на Министерството за здравство каде, како што наведуваат ќе побараат одговорност за сите инволвирани во скандалот со Клиниката на онкологија, но и за обелоденување на информациите околу истрагата за трагедијата во модуларната болница во Тетово, вклучувајќи ги лицата од МЗ како што се претходните министри кои влијаеле за заташкување на случаевите.

Повторно Ве повикуваме на протест во понеделник пред Влада, заедно во еден глас да го искажеме гневот и револтот против сиот криминал кој со години тлеел на Клиниката за Онкологија, но и во целосниот здравствен и политички систем. Ние бараме задоволување на социјалната правда, и тоа е возможно само ако се понесе одговорност за згаснувањето на животите на луѓето како резултат на корупцијата. Правда за жрвите мора да има!, се наведува во соопштението.

The post Нов протест пред Влада за случајот „Онкологија“ appeared first on Република.

Министерството за труд и социјална политика соопштува дека 28 aвгуст 2023 година (понеделник), Успение на Пресвета Богородица (Голема Богородица) е неработен ден за граѓаните од православна вероисповед во Македонија.

ММТСП на граѓаните од православна вероисповед им го честита празникот Успение на Пресвета Богородица.

The post Понеделник, Успение на Пресвета Богородица – неработен ден за православните верници appeared first on Република.

Времето денеска ќе биде претежно облачно и посвежо со повремени врнежи од дожд, информираше УХМР.

Пообилни врнежи ќе има во источните делови, каде ќе бидат поројни и проследени со грмежи. Ќе дува умерен, а долж Повардарието повремено засилен ветер од северен правец. Во Скопје претежно облачно со повремен дожд, особено претпладне и во ноќните часови. Ќе дува умерен до засилен ветер од северен правец. Во недела времето ќе биде облачно со повремен локален дожд, особено претпладне. Ќе дува умерен, а претпладне на места засилен северен ветер“, наведено е во соопштението.

Од УХМР јавуваат дека од понеделник ќе настапи стабилизација со сончево и значително потопло време.

The post И утре дожд: Летото се враќа во понеделник appeared first on Република.

Сончево со мала до умерена облачност. Ќе дува слаб до умерен ветер од северен правец. Максималната температура ќе биде во интервал од 18 до 25 степени, информираат од УХМР.

Утре ќе се задржи претежно сончево и уште потопло време, попладне со изолирана појава на краткотраен пороен дожд и грмежи.

Во понеделник попладне нестабилно со пороен дожд и грмежи ќе биде на повеќе места, а од вторник следува период на променливо облачно и значително посвежо време со повремени врнежи од дожд кои во вторник, кога ќе преовладува облачно време, ќе бидат пообилни.

The post По сончевниот викенд, времето в понеделник нестабилно со пороен дожд appeared first on Република.

Под влијание на влажна и нестабилна воздушна маса, в понеделник на повеќе места ќе биде нестабилно со пороен дожд, грмежи и засилен југозападен ветер.

Според прогнозата на УХМР, кон крајот на денот и во текот на ноќта ќе почне да дува засилен северен ветер што ќе услови на планините и на некои повисоки места врнежите да преминат во слаб снег.

Во вторник ќе биде ветровито и студено со значително пониски температури. Потоа во следните денови времето ќе биде стабилно со пораст на дневните температури, информираат од УХМР.

The post Во понеделник пороен дожд appeared first on Република.

Собранието в понеделник ќе ја продолжи расправата по 104. седница за Предлогот за избор на членови на Владата. Пратениците продолжија со работа и по 18 часот, а по неколку излагања и реплики претседателот на Собранието Талат Џафери ја прекина седницата. Поради престојните верски празници, тој најави дека Собранието ќе продолжи со работа по оваа седница в понеделник.

Во текот на дебатата пратеникот Борислав Крмов од Левица се осврна на експозето од премиерот Димитар Ковачевски, при што меѓу другото, оцени дека не го разбира оправдувањето зошто се случува ротацијата на Алтернатива со Алијанса за Албаниците во владината коалиција. Според него, не држи наводното образложение дека целта е европска коалиција и тн. окрупнување, тука се работи за класично купување „ден за ден влада“, и како што рече, за целосно заложништво на СДСМ од страна на ДУИ.

Според негои, „ СДСМ дефакто е веќе малцински партнер, бројот на пратениците не е релевантен и најголем дел од министерствата не се во нивни раце. -Над 90 отсто од клучните институции ги држи ДУИ, за СДСМ се само трошките, очигледно единствена мотивација е само да продолжат бизнисите, вели Крмов.

ДУИ, пак, според него, сега има два проблеми, првиот да спречи обединување на албанската опозиција, а вториот е внатрешната фракција. Влезот на АА во Владата, вели е за една година и потоа таа партија ќе биде делигитимирана. -За внатрешната фракција која има три пратеники со влезот на Алијанса, моќта на огнените е намалена и скоро и да немаат моќ и сега може да се посвети ДУИ на внатрешна чистка, рече Крмов.

Арта Биљали Зендели од ДУИ му реплицираше на искажаните ставови за проблемите во партијата.

-ДУИ може да има не два, илјада проблеми, но се додека вие се занимавате со ДУИ рејтингот на партијата само ќе расте. А на крај ќе дојдат избори каде сите ќе го земеме тоа што сме го заслужиле, рече Биљали Зендели.

Со владината реконструкција за министер за правда е предложен Кренар Лога, за  за здравство Фатмир Меџити, за министер за информатичко општество и администрација Азир Алиу и за министер за животна средина и просторно планирање Каја Шукова.

Расправата за изборот на новите министри почна вчера, откако по 10-дневна дебата беа  разрешени  министрите од Алтернатива, за здравство Беким Сали, за информатичко општество и администрација Адмирим Алити и министерот без ресор за дијаспора Џемаил Чупи.

На 104. седница по изборот на министрите треба да се расправа и гласа за разрешување на пет заменици министри и да бидат именувани нови.

The post Собранието ќе продолжи со седницата за избор на министри в понеделник appeared first on Република.

Во следните два дена ќе се задржи претежно сончево време со ниски утрински температури, кои во сабота ќе се спуштат и до -13 степени.

Во недела ќе има зголемување на облачноста и услови за провејување на слаб снег на планините и на повисоките места. Од понеделник времето ќе биде стабилно со пораст на утринските и дневните температури, соопшти УХМР.

The post Од понеделник ќе се стоплиме appeared first on Република.

Од први ноември годинава до први април 2023 година секој прв ден во месецот ќе биде бесплатен влезот во четири музеи и галерии во Охрид, објави Заводот за заштита на спомениците на културата и Музеј - Охрид.

Во интерес на домашната публика и желбата за поголема посетеност на музеите и галериите влезот ќе биде бесплатен секој прв ден во месецот, почнувајќи од 1 (први) ноември 2022 год. заклучно со 1(први) април 2023 год, се вели во објавата на Заводот.

Објекти за посета се: Музеј Куќата на Робевци, Самуилова тврдина, Музеј на вода - Градиште и Галерија на икони.

The post Бесплатен влез во четири музеи и галерии во Охрид секој прв ден во месецот од први ноември до први април 2023 година appeared first on Република.

Податоците за состојбата со Ковид-19 од викенд ќе се објавуваат во понеделник, информираа од Министерството за здравство.

Ова, како што се посочува, е заклучок кој Комисијата за заразни болести го донела на последниот состанок, согласно предлогот на Институтот за јавно здравје – дневното инфо за состојбата со Ковид-19 во текот на викендите да се подготвува и презентира во понеделник.

The post Ковид-статистиката од викенд ќе се објавува во понеделник appeared first on Република.

Министерството за труд и социјална политика, соопштува дека согласно со Законот за празниците на РМ („Службен весник на РМ“ бр.21/98 и 18/07), 18 април 2022 година (понеделник), Велигден, вториот ден на Велигден, според Грегоријанскиот календар е неработен ден за верниците од католичката вероисповед во Република Македонија.

Истовремено, Министерството за труд и социјална политика на верниците од католичка вероисповед им го честита празникот Велигден.

The post Понеделник е неработен ден appeared first on Република.

Преговорите меѓу делегациите на Москва и Киев за запирање на руската офанзива во Украина ќе започнат во понеделник рано утрото, пренесува агенцијата ТАСС повикувајќи се на неименуван извор.

Не станува збор за одложување, средбата ќе се случи утрото, а причината е лoгистиката на украинската делегација, рекол соговорникот на агенцијата.

Претходно во неделата шефот на руската делегација на преговорите, помошникот на рускиот претседател Владимир Меденски, изјави дека е постигнат договор со украинската страна средбата да се одржи во регионот Гомел во Белорусија.

https://republika.mk/vesti/svet/zelenski-nema-da-bide-del-od-delegacijata-vo-pregovorite-so-rusija-tvrdi-ukrainskata-ambasadorka-vo-sad/

Според изворот на ТАСС, руската делегација веќе заминала од Минск кон местото на средбата. Точната локација каде што ќе се сретнат руската и украинската делегација нема да биде откриена, додал.

Претходно во неделата порталот Sputnik Беларусь објави дека разговорите ќе се водат на белоруско-украинската граница на преминот Александровка-Вилча.

The post Преговорите меѓу Москва и Киев во понеделник наутро appeared first on Република.

Утре времето ќе биде сончево со мала до умерена облачност, по одделни котлини ќе има услови за појава на утринска магла.

Во источните делови повремено ќе биде значително облачно, а кон крајот на денот во североисточните ќе има услови за слаб снег. Ќе дува слаб до умерен ветер од северозападен правец. Минималната температура ќе биде во интервал од -10 до -1, а максималната ќе достигне од 4 до 11 степени.

Во Скопје, променливо облачно со сончеви периоди. Ќе дува слаб до умерен ветер од променлив правец. Минималната температура ќе се спушти до -8, а максималната ќе достигне 8 степени.

Под влијание на влажен бран во понеделник во вечерните и ноќните часови во западните делови ќе има врнежи од дожд и снег, кои ќе продолжат и во вторник и ќе се прошират насекаде. Наместа врнежите ќе бидат пообилни. На повеќе места ќе се формира нова снежна покривка, а на планините ќе се зголеми. Локални врнежи од снег ќе има и во среда претпладне.

The post Од понеделник врнежи од дожд и снег appeared first on Република.

Во понеделник ќе се знае повеќе околу новата влада и нејзината програма.

Потпретседателката на СДСМ и директорка на УЈП, Сања Лукаревска во интервју за телевизија Канал 5, рече дека на почетокот на следната недела ќе има седница на Централниот одбор на СДСМ.

Во моментов претседателот и генералниот секретар имаат интензивни разговори со коалиционите партнери кои одат во позитивна насока. Сепак станува збор за одредени стратешки цели кои треба да се реализираат во рамките на новиот владин кабинет. Фокусот ќе биде економијата, подобрување на животниот стандард на граѓаните, ефикасност на институциите, како и европскиот пат на земјата, посочи Лукаревска.

Осврнувајќи се на персоналните решенија заменик претседателката Лукаревска истакна станува збор за проверени кадри кои ќе се вложат во својата работа и ќе испорачаат резултати за граѓаните и државата.

Единствено што можам да потврдам и да кажам за јавноста е тоа дека сите кадри кои ќе бидат вклучени во новиот владин кабинет ќе бидат исправени пред големи предизвици меѓутоа станува збор за проверени кадри, искусни луѓе кои што ќе си ја знаат својата работа и кои ќе носат резултати, ќе реализираат повеќе проекти и ќе се водат според новата владината програма, во интерес на граѓаите, порача Лукаревска.

The post Во понеделник ќе се знае повеќе за составот на новата влада appeared first on Република.

Српскиот тенисер Новак Ѓоковиќ ќе остане во Австралија до понеделник и ќе го чека исходот на жалбата што неговиот адвокатски тим ја поднесе по одлуката на Владата да не му дозволи влез во земјата.

Судот во Викотрија ќе одлучува во понеделник дали најдобриот светски тенисер ќе игра во Мелбурн на Австралија опен, или ќе биде депортиран.

Novak Djokovic legal bid adjourned until Monday, just a week before the first match in the Australian Open. Djokovic will remain in Australia over the weekend @theage https://t.co/JFIM93UKGQ

— Paul Sakkal (@paulsakkal) January 6, 2022

https://republika.mk/sport/ostanati-sportovi/granichnata-policija-na-avstralija-otkri-zoshto-e-odbiena-vizata-na-gjokovikj/

The post Судот во понеделник ќе одлучува дали Ѓоковиќ ќе игра на Австралија Опен, дотогаш останува во притвор appeared first on Република.