Врховниот суд соопшти дека е оформен предмет и ќе се постапува по поднесеното барање за вонредно преиспитување на правосилна пресуда за предметот „Плацеви на Водно“ од осудениот поранешен премиер Никола Груевски.

На ден 10.07.2023 година до Врховниот суддоставено е Барање за вонредно преиспитување на правосилна пресуда од осудениот Никола Груевски преку неговиот бранител Димитар Дангов, адвокат од Скопје, по предметот познат во јавноста како „Плацеви на Водно“. По поднесеното барање оформен е предмет под КВП-КОК2-16/23 и е распореден кај судија-известител за понатамошно постапување, се неведува во соопштението од Врховниот суд.

Груевски за „Плацеви на Водно“ првостепено беше осуден на седум години затвор, а Апелација годинава ја преиначи пресудата и му ја зголеми казната на девет години затвор.

The post Врховен го прифати барањето на Груевски за преиспитување на пресудата за „Плацеви на Водно“ appeared first on Република.

Уставниот суд, утре на седница ќе одлучува за донесување конечна одлука по предметот во кој е оспорена Одлука за Детален урбанистички план донесена од Советот на општина Центар од 2014-та година, а се однесува на Градска четврт Ј 07, која ги опфаќа Капиштец, Завод за медицинска рехабилитација, Старо Водно, Долно Водно, Мало Курило и Цвеќара.

На седницата која се одржа на 16 ноември 2022 година Уставниот суд поведе постапка и во меѓувреме го запре извршувањето на поединечни акти или дејствија што се преземаат врз основа на оспорената Одлука, односно воведе таканаречена „времена мерка“.

Уставниот суд поведе постапка за Одлуката со која е донесен ДУП-от, изрази сомнеж во уставноста и законитоста на постапката, односно донесувањето на Одлука со 11 гласа „за”.

The post Уставeниот утре ќе одлучува за ДУП во Центар, кој ги опфаќа и парцелите на Водно appeared first on Република.

Поранешниот премиер, Никола Груевски, со порака на социјалните мрежи ја коментира пресудата за случајот „Плацеви на Водно“.

Коментарот го пренесуцваме во целост.

„Македонија живее време на политички мотивирани судења против политички неистомисленици на власта, полошо од периодот на 1949 година. Исто како и тогаш: во име на народот. Една модерна инквизиција во која жртвата пред судењето да почне е веќе осудена и неформално е договорена и висината на казната помеѓу спрегата власт-обвинителство-судство. Само политиката има сила да го смени тоа, бидејќи таа го создава.

Време во кое судиите за да не си направат личен проблем за себе, во ваквите процеси не судат по закон и со реални докази, туку прифаќаат изјави на уценети сведоци од обвинителството и власта кои се темелат на претпоставки, па така и ги именуваат (самите тие сведоци не кријат дека кажуваат претпоставки) и како тежок преседан се прифаќаат како неспорни докази лажни искази на обвинети на кои во истиот и/или во други предмети кои ги води истиот обвинител им се заканува сериозна казна, па за да се спасат од прогонот подготвени се на се. Тие лица исказите и одбраната ја менуваат од час во час, особено одкако ќе ги стават во притвор кој во Македонија е инструмент за тортура и изнуда на лажни изјави и лажни признанија.

ПРЕТПОСТАВКИТЕ именувани како претпоставки од самите уценети сведоци, судиите подоцна ги именуваат со зборот „ФАКТИ“. ЧУВСТВАТА на некој уценет сведок за една или друга работа, за кој самиот сведок вели дека му биле чувство и ништо повеќе, судиите ги именуваат со зборот „ДОКАЗ“, независно што самиот сведок ги именува како чувства.

Пресудите и висината на казните се одредени уште пред да почне судењето. Се другото е „театар“ за јавност, односно време на пропаганда кога и јавноста треба да се убеди, што завршува со долг политички говор и некаква психолошка анализа на судијата, бидејќи за правна нема реални аргументи.

Аудио снимки се прифаќаат како доказ кога им одговара на обвинителството и судот, односно на власта за да осудат некој што им е таргет, но ако истите треба да докажат дека таргетираното лице нема вина, тогаш истите не се дозволува да се изведат како докази.

Обвинителството и судот можно е да те прогласат дека си земал голема количина пари од некаде, без било каков доказ, матерјален доказ или изјава на сведок, односно без апсолутно ништо што наведува или уште помалку го докажува тоа, и без никаков срам да ја почнат реченицата со зборовите односно фразата: „се докажа дека…“ па се продолжува со куп испревртени тези креирани да си го покријат сопствениот срам пред јавноста.

Ако си политички ставен на острел може да те обвинат и што не си пријавил имот кој не е и никогаш не бил твој и истиот уште и да го запленат заради политичко пропагандни цели, а вистинските негови сопственици да си молчат и уште да се среќни што „извлекле жива глава“, во смисла што незаслужено во една политичка хајка не добиле долгогодишна затворска казна иако често и тие немаат некоја објективна вина за такво нешто да им се случи. Во една таква атмосфера се е можно.

Во Македонија во ова време во политички мотивираните процеси не суди судот, туку политиката. Потоа подготвени чекаат сервилните и контролирани медиуми, т.н. аналитичари и т.н. експерти да ја дораспарчат жртвата која нема никаква реална вина и да одслугуваат на политиката.

Власта преку правосудниот систем прави што сака, кому сака нешто запленува и во колкава сака вредност независно од се, кому сака не запленува, зависно од близината со неа.

Нема критична маса меѓу стручната елита која е спремна да постави логични прашања колку и да гледа беззаконие и апсурдни процеси.

Но, ништо не е вечно…

„IL BUON TEMPO VERRA“:
Percy Bysshe Shelley
(Ќе дојде добро време).“

https://republika.mk/vesti/crna-hronika/presudi-za-placevi-na-vodno-sedum-godini-zatvor-za-gruevski-edna-za-kamchev-godina-i-tri-meseci-za-mijalkov/

The post Груевски: Македонија живее време на политички мотивирани судења против политички неистомисленици на власта appeared first on Република.

Денеска се изречени пресудите за случајот „Плацеви на Водно“. Поранешниот премиер Никола Груевски доби затворска казна во траење од 5 плус 3 години односно единствена казна затвор од 7 години затвор и парична казна од 3.500 евра години затвор.

Сашо Мијалков е осуден е на година и три месеци затвор. Му се пресметува и времето поминато во притвор.

За помагање се виновни и преостанатите обвинети: Ристо Новачевски, Ненад Јосифовиќ и Јордан Камчев, кој е осуден на една година затвор. Му се пресметува времето поминато во притвор и нему.Новачевски е осуден на условна казна затвор

The post Пресуди за „Плацеви на Водно“: Седум години затвор за Груевски, една за Камчев, година и три месеци за Мијалков appeared first on Република.

Ова е веројатно последна моја објава околу политичкиот прогон во предметот “Плацеви Водно”. На едно место едно резиме на сите факти, лаги, нелогичности, игри, местенки...Наменет е за оние кои ги интересира и ја следат темата, прилагодено колку што е можно на јазик разбирлив за секого. Судиите знаат да судат според докази, а не по претпоставки, но ако имаат дозвола од власта или ако се охрабрат да и се спротивстават.

1.Од законско процедурален и формален аспект предметот незаконски и со лага на обвинитеството беше прифатен да се суди од т.н.судија на претходна постапка кој одлучува дали се исполнети законските претпоставки за некој предмет воопшто да се прифати да се суди.

Според законот за да еден предмет влезе во судска расправа треба осомничениот пред да се обвини да биде повикан на распит и да даде исказ. Ако тоа не е можно од било која причина, се запира постпаката, додека не стане можно. Обвинителството, правдајки се на наводна наводна техничка грешка во дописот до судот, а всушност суштинска повреда во која тврдат дека сум дал изјава, го измами судот дека е извршен распид и така предметот влезе во судење. Значи од старт криво насадено дрво.

На почетокот на судењето тоа му беше предочено на судијата, но тој одговорил дека по тоа прашање ќе се произнесе кога ќе ја изрече пресудата.

Предметите со вакво прекршување секогаш паѓаат пред Судот за човекови права во Стразбург, но поминуваат години за тоа, па кога е во прашање политички прогон, власта е задоволна бидејки го постигнала моменталниот планиран ефект.
Согласно македонските закони, судиите се обврзани да ја следат праксата на судот во Стразбург и прекршокот во тој дел, е основ за разрешување од судија сега или во иднина. Јавноста ќе види дали судот во овој предмет ќе гја следи праксата во Стразбург или очекувањата на власта под чии производ е овој конструиран предмет.

2.Политичката пресметка на власта со мене и со повеќе други неистомисленици се одвива преку обвинителството и судот. Имаат и силна медиумска подршка. Како и подршка на некои квази експерти и т.н. аналитичари. Единствено што немаат се аргументи и докази.

Обвинението е дека сум земал партиски пари и со нив прикриено на име на други лица и фирми сум купил имот. Преставници на партијата во судот потврдија дека немаат констатирано никаков кусок на пари и во ниту еден ревизорски извештај не се појавило вакво нешто, така што партијата кажа дека нема оштетно побарување.

Обвинителството исто така не посочи доказ дека сум земал, како сум земал и кога сум земал партиски пари за купување на имот. Само онака кажаа дека сум земал. Ништо повеќе од тоа, а се работи за над 1,3 милиони евра. Значи никаков доказ за потекло на наводните пари со кои наводно сум купувал имот, што е лага.

Тој имот за кои невешто направиле конструкција е едно земјиште од околу 11 илјади метри квадратни, уште едно од околу 2.700 метри квадратни и два стана едниот околу 65мкв а вториот околу 45мкв, кои ги користам и за кои имам валиден договор за закуп.

На крајот на постапаката, кога сватија дека предметот е целосно без елементарни докази, празен и јавноста им се потсмева, па дури и нивните подржувачи, во последне момент набрзина направија нова спогодба со едедн од обвинетите, кој и официјано е најбогатиот човек во Македонија (Јордан Камчев). Тој до тој момент им беше таргет за политички прогон исто како и јас и го малтретираа цели 8-9 месеци во притвор за да го прикажат како криминалец и виновен, делумно од одмаздолљубие за објавените снимки од предметот Рекет и делумно да го направат соработник. Тој од почетокот на постапката до пред самиот крај тврдеше дека немал никаква врска со мене, ниту јас со земјиштето, што е точно. Тоа го слушнавем и од audio снимкитеод два телефонски разговори водени во фебруари 2021 година кога предметот е во фаза на истрага и кои се појавија на Youtubeканалот The true above all.

Така, со новиот договор, обвинителството го смени обвинението, едно лице од опкружувањето на Камчев го ослободи (неговата мајка), за него побара најминимална казна исто како и за луѓето околу него затоа што ја прифатија уцената да му помогнат на обвинителството и прстот да го вперат кон мене. Во договорот направен во обвинитеството информациите говороат дека влеени се и други пазарења околу предметот Империја каде исто така Камчев беше таргет на обвинителството.
По направениот нов договор, измислија уште еден нов сведок, зет од сестра на Камчев, кој кажа декаимал фирма со три стана кои незнаел како се нашле на неговата фирма и не ги чуствувал за свои и дека други луѓе му рекле дека требало да бидат наменети за мене. Сепак, чесно кажа и дека јас и тој иако сме се познавале и среќавале никогаш не сме разговарале на таа тема, ниту сум побарал нешто од него на таа тема. Единствениот кој му го потврди ова е неговиот шура и обвинет во предметот Ј.Камчев кој практично во обид да се спаси себе и неговите луѓе, ја направи спогодбата со обвинителството со која направија нова конструкција, различна од првичната. Другиот обвинет кој наводно му кажал дека тие станови се за мене, категорично го негеришае тоа во судот. Така одприлика изгледа овој предмет во кој ниту еден сведок директно не ме прозива мене дека било што разговарал со мене за сиот овој имот, дека сум давал или земал пари, дека сум барал било какви услуги од ваков тип и слично. Идејата на овој договор во последен момент е и покрај промената на изјавата ма Ј.Камчев насочена против мене, истиот да жртвува три негови и на неговиот зет стана на Водно, како што Александар Ивановски својата слобода одлучи да ја купи со два помали стана и едно земјиште од 2.700мкв. Се заедно тоа да се заплени и да се прикаже како запленет мој имот, поточно како имот кој требало да ми прпадне, а со цел од истото владејачката партија да прави политичка пропаганда.

Основна работа во било која судска постапка за обвинение како ова, каде ме теретат за перење пари и против правно збогатување, е да има обрт на пари, плаќања од мене и на мене. Кога со матерјални докази би докажале дека сум внел пари а во случјот и би земал назад, бидејки едното земјиште за кое ме теретат е продадено, но и кога би го нашле изворот на тие пари, тогаш предметот е со докази. Кога би нашле докази дека наводниот скриен имот е мој и на мое име, исто така би имале докажан случај. Кога би нашле барем еден сведок кој би ме посочил директно мене дека сум побарал да ми купи нешто на негово име со од мене дадени пари и тоа би било нешто иако не доволно за прогласување виновен. Такви се законите во целиот свет и во Македонија. Но, ништо од ова нема. Комплетно ништо. Нула.

Обвинителството побара меѓународна правна помош од Кипар, за движењето на парите за купувањето на земјиштет од околу 11.000. Одговорот пристигна и обвинителството согласно законот го сподели со судот и одбранта. Во документот стои дека никакви пари во кеш (готовина) не се уплаќани на фирмата-мајка сопственик на земјиштето. Приходите на фирмата се од нејзиното редовно работење и непостои ниту физичко лице, ниту фирма од Македонија, ниту било какво правно или физичко лице кое на било кој начин е поврзано со мене а кое уплатило средства на оваа фирма-мајка сопственик на земјиштето со име Сирах Лимитид.

Значи таа фирма си формирала фирма во Макеоднија, фирма ќерка, и префрлила пари и со тие пари се купило тоа земјиште. За директор го назначиле Ристо Новачевски кој дал изјава во обвинителството дека немам никаква врска со ова земјиште и дека за директор е поставен по препорака на негов пријател од Македонски телекомуникации, за подоцна кога ќе го стават и подржат некое време во притвор, под притиоск и уцена мене да ме посочи дека јас сум го препорачал, а во последната изјава на крајот на судењето уште и да додаде дека јас сум сакал да правам градена фирма.

Да потсетам дека во правната теорија и пракса, исказите на обвинетите не се земаат за докази бидејки се цени дека може и да се лажни заради себе спасување, така што изјаваите на Ј.Камчев, Р.Новачевски и другите обвинети во нормално судство не би биле никаков доказ, но сепак им требаа заради замајување на јавното мислење.

Во таква ситуација, обвинителството немаше ниту еден матерјален доказ и ниту еден сведок кој директно ме посочува мене во смисла дека сум побарал нешто од него/неа во правец на купување и продавање имот, уплата или давање и исплата или земање на пари, барање да ми прикрие мој имот и слично. Се се сведува на рекла-казала на 2-3 сведока кои кажуваат дека некој друг ме посочил мене дека ќе сум бил сопственик на имотот, ама иако ме знаеле и се среќавале со мене, јас никогаш ништо не сум побарал од нив, ниту сме разговарале за тоа. На тој начин, всушност овие сведоци на обвинителството станаа сведоци во моја полза, нормално ако имаме судство кое суди по докази.

Така е и со помалото земјиште од 2700 метри квадратни, за кое и самиот сведок Александар Ивановски кажа дека по наводна сугестија на Сашо Мијалков го купил од свои пари и дека цело време си е на негово име и јас не сум имал никаков допир со тоа земјиште, ниту право на сопственост. Истиот сведок буквално истото го тврди и за станот од околу 65мкв, купен со негови пари и во негова сопственост и тогаш и денес, а за станот од 45 мкв не ме посочува ниту мене, ниту некое конкретно лице поврзано со мене дека му дало некакви пари нему или на неговта секретарка Татјана Стојановска на чие име и на име на нејзина фирма ги купил двата стана. Истата кажа дека само претпоставувала дека земјиштето од 2,700 квадраттти и тие два стана се мои, бидејки така и кажал нејзиниот шеф, кој патем речено е под уцена во предметот Империја и под уцена од извршената контрола во неговите фирми непосредно пред да биде повикан да биде сведок во овие случаи. Впрочем и самиот Камчев во објавениот телефонски разговор на јутјуб посочува под каков притиоск освен самиот тој, бил и Александар Ивановски и други сведоци за кого раскажува о прва рака бидејки се сретнал со него и разговарал.
Ќе пропуштев уште нешто. Обвинетиот Ристо Новачевски, соработник на обвинителството одкако беше притворен и одкако беа направени контроли на неговите фирми, веројатно со намера на обвинителството предметот да го направат по шаренолик, кажал дека сум му рекол да купи и купил на аукција некоја мала земја вон градот Крушево за околу 650 евра, или околу 40.000 денари, за која кажал дека ја купил со негови пари и си останала негова, и ниту сум имал ниту имам допирна точка со тоа.

Накратко кажано, обвинителството не понуди ниту еден матерјален доказ за купување, продавање или сопственост на мој имот, ниту предложи еден сведок кој директно ме посочи мене дека јас сум побарал од него да ми изврши било што во врска со овој имот. Се се сведе на претпоставки, филмувани индиции и ниту еден доказ на кој може да се заснова пресуда.

3. Најважните поенти на сведоците:
1.Александар Ивановски цело време зборуваше за претпоставки и логики и како тоа цело време претпоставувал дека купувал имот за мене, пред се затоа што становите биле во близина каде живеам. За земјиштето од 2.700 мкв, како и за двата стана кои ги купил со негови пари, никогаш не добил пари од мене за тоа и денес истите се во негова сопственост, како и она земјиште од 11.000 метри квадратни, кажа дека сме се сретнале неколку пати но никогаш ниту јас, ниту тој не отворил тема за ова, ниту било што сум побарал од него поврзано со купување и прикривање имот. Ако веќе зборуваме за логика, логично би било кога веќе сме се гледале да ги проверел претпоставките или јас да прашам нешто околу тоа или да се заблагодарам и слично. Наспроти ова, тој точно и прецизно раскажува како јас се однесувам кога сакам да купам стан. Имено раскажува дека по моето заминување од Македонија сум му се јавил на телфон и сум го прашал дали има стан за продавање бидејки моето семејство сака да го замени живеалиштето со друго, а тој ми одговорил дека нема.
2.Сведокот Серјожа Марков кажа дека единствен што кај него се појавил за земјиштето бил Александар Ивановски и дека јас никогаш не сум побарал од него било каква услуга. На коментарот дека истиот му рекол дека земјиштето е за мене, самиот искоментира дека тоа е дел од менталитетот на многу бизнисмени во земјата но и на целиот Балкан, да се фалат со повисоки авторитети и кога немаат никаква врска со нив.
3.Сведокот Менка Макаровска исто така го посочи како единствен Александар Ивановски дека имал полномошно за офшор фирмата и воопшто не ме спомна мене.
4.Сведокот Бранкица Ивановска исто така не ме спомна никаде и кажа дека не го пишувало моето име никаде во документите што ги преведувала.
5.Сведокот Миле Јанакиески под голем притисок од обвинителството раскажа дека сум имал стил на микроменаџирање, дека сум ги знаел сите проблеми и проекти и дека сум се интересирал за сите да одат напред и да се гради. За да се спаси од притвор кој му висеше над глава кажа дека во рамките на разговор за сите точки на комитетот за градежна експанзија и развој сум дал согласност за урбанизација на земјиштето од 11 илјади мкв и дека истото сум го направил и во комбето при теренските посети. Ова веднаш се демантораше со цврст и непобитен доказ, одкако судот од владата по официјален пат ги доби сите записници од тој комитет од кој се виде дека на ниту една негова седница не сум присуствувал, и седниците ги водел Миле Јанакиески како потпретседател на комитетот. Се установи и декатоа земјиште воопшто не било на дневен ред на ниту една седница и сето ова го потврди вештак. Истот така сведокот Соња Липиткова кажа дека како тогашен заменика министер за екологија присуствувала на сите до една седници на комитетот и дека јас ниту еднаш не сум бил присутен, ниту пак се зборувало за било кое од двете земјишта на Водно. Сведоците Коце Трајановски, тогашен градоначалник на Скопје, Гордана Клинчарова тогашен секретар на градот и Дејан Митровски-Урко тогашен шеф на моето обезбедување, потврдија дека заедно со другите биле присутни во комбето при теренската посета на неколку скопски општини и дека не само што не станало збор за тие земјишта, туку и немало воопшто посета на Водно со комбето. Така што, притисокот на Миле Јанакиески од страна на обвинителството се покажа залуден.
6.Сведокот Александар Јанакиески, тогаш одговорно лице во општината Центар за урбанистички планови а потоа и во градот Скопје, кажа дека никогаш не сум му побарал никаква лична услуга, ниту пак сум барал било што за посочените земјишта. Спомна дека Алек Ивановски се повикувал на моето име, дека имал некој разговор и со Миле јанакиески околу викенд населбата во Крушево, но и додаде дека честа пракса било на разни бизнисмени и функционери да се повикуваат на мое име за да си завршат некоја работа и за да им обрне повеќе внимание.
7. Сведокот Гордана Јанкуловска, која обавуваше функција генерален секретар на партијата објаснувајки како се одвивало финасирањето на партијата кажа дека никогаш не сум и побарал пари од партиската каса, дека тоа било под нејзина ингеренција и контрола. Исто така кажа дека во многу ретки случаи кога заради приватни причини била осутна од работа и неможела да дојде на закажаната средба, се случило донатори да остават помали износи на средства кај мене или кај секретарката кои веднаш и биле предавани по нејзиното доаѓање. Таа исто така кажа дека немало ниту еден случај кога некој донатор ја известил дека оставил средства кај мене или кај било кој, која таа не ги добила како одговорна за финасирањето на партијата. При сведочењето на гордана во отсуство на сериозни аргументи, обвинителката главна тема наметна дали имало или не сеф во мојата канцеларија, како да е тоа некаков доказ.
8.Сведокот Влатко Чинговски кажа дека тој редовно како човек со партиски теренски одговорности доставувал писма и пакети до генералниот секретар и се сомневал оти така му било логично дека во некои од нив можеби имало пари. Но, самиот кажа дека пари никогаш не видел во тие пратки. Од друга страна, оној на кој му ги доставувал, генералниот секретар Кирил Божиновски кажа дека никогаш немало пари во тие пратки и дека тој не ги отварал лично, туку вработените во неговиот кабинет, кои понатаму постпаувале по барањата и поплаките од тие писма и пратки.
9.Сведокот Мартин Протогер кој исто така е под притисок на истиот обвинител во друг предмет кажа две работи од кои едата беше побиена со документи а втората сам си ја поби.
Тој кажа дека по сила на функција претседателот на партијата има клуч и шифра од сефот на генералниот секретар, што лесно се поби одкако судот ги доби сатутот и актот за организација на партијата со мислење на судкси вештак каде се гледа дека такво нешто не постои. Втората работа е што кажа дека уште пред периодот кога предметното земјиште од 11 илјади мкв се продало јас сум имал здравствени проблеми со кашлање и лекарите ми препорачувале да живееам некаде на повисоко каде воздухот е многу почист и дека сум му зборел дека сакам да побарам земјиште во Сопиште, што е точно. Потоа за да ги задоволи апетитите на неговите сатрпи од обвинителството измисли дека во некоја прилика сум му кажал дека сум купил некоја земја од 10 илјади мкв кај куќата на Ристо Гуштеров. Земјата за која ме теретат нема врска и не е во непосредна близнина на таа куќа така што тоа му беше првото самопобивање, а второто беше кога го продожи исказот и самиот кажа дека непосредно по тој настан повторно сум продолжил да му говорам дека заради проблемите со кашлањето морам да најадам некоја локација во Сопиште и дека повремено тоа сум го повторувал до самиот крај на нашата соработка, со што тој сватил дека не сум купил никакво земјиште претходно а потврдата дошла кога тогашната опозицја ме нападнала за земјиште на Водно а јас сум му кажал да демантираат затоа што тоа не е точно.
10. Сведокот Нинослав Стојановски кажа дека бил благајник и претседател на МК ,,Два бреста,, и дека членството собирале пари, обично по 200 денари, за ситни трошоци како купување сокови, поправка на кров на штабот, и слично и дека никогаш не ми предале пари мене, дури и дека никогаш не се запознал со мене.
11. Сведокот Ленче Папазова била сметководител на фирмата и кажа дека никогаш не сум побарал од неа да ми заврши некои лични услуги и дека нејзе и се јавил Ристо Новачевски за да ја ангажива за д го води сметководството на таа фирма. Кажа дека претпоставува дека се јавил по некоја препорака, но незнае чија.
12. Сведокот Бисерка Јовкова Ќаева, даде контрадикторан изјава во која сама себе се негираше. Најпрвин таа кажа дека станот за кој ме теретат бил нејзин и кога решиле да го продадат кажала на многумина дека го продала, но подоцна во изјавата кажала дека мене никогаш не ме сретнала до тој момент на продажба на станот, што значи дека не ми го понудила мене. Потоа под очигледен притиоск кажа дека стнот го купиле некои мои адвокати кои незнаеше да ги наведе по име, а од договорот за купопродажба се гледа дека станот го купила фирма сопственост на секретарката на Александар Ивановски-татјана Стојановска за што платила данок, и пооа редовно плаќала данок и на крај по 7-8 години склучила договор за изнајмување со мене на тој стан. Конечно, на прашање дали е сигурна дека тоа биле адвокати или луѓе на Груевски, кажа дека не е сигурно но претпоставува. Повторно претпоставки на исплашени луѓе.
13. Сведокот Илија Гечев, бизнисмен од Кавадарци беше еклатантен пример за обид за манипулација на обвинителството со судот, за среќа не успешен. Имено, сведокот раскажа дека министерот за транспорт во тоа време Миле Јанакиески му понудил некое земјиште дека се продава кое според описот е во близина на едно од земјиштата за кои ме теретат. За среќа се разјасни, дека тоа земјиште кое му било понудено да го купи не било ни 11 илјади, ни 2,700 метри квадратни туку 1.200мкв и било сопственост на бизнисменот Дејан Панделевски. Гечев потврди дека никогаш во нашите меѓусебни средби не сум му спомнал било што за земјиште на Водно.
14. Сведокот Татајана Стојановска најправин раскажа дека нејзиниот шеф Александар Ивановски ја викнал и ја замолил да на нејзино име купи еден па уште еден помал стан и едно земјиште и и кажал дека тие се за мене наменети. Но, потоа на прашања кажа дека таа нема ниту доказ ниту со сигурностзнае дека тоа навистина било така, бидејки има само еден извор, а тоа е нејзиниот шеф Александар Ивановски, кој наводно така и кажал. А и самиот Александар Ивановски во судот кажа дека и тој претпоставувал дека е така, оти друг така му кажал, а другиот негираше во судот и оти имало логика бидејки становите биле во близина каде живеам.
Кај сведокот Татјана Стојановска се откри дека не ја кажува вистината кога беше прашана дали има добино некое писмо од мене, што таа го негираше, за подоцна ДХЛ потврди како во фебруари 2021 година и врачил писмо испратено од мене, кое јас го објавив јавно и во кое барам да ми ја достави сметката за плаќање на киријата бидејки во меѓувреме истече периодот во кој согласно договорот заради направената инвестиција нетребаше да плаќам кирија. Подоцна пратив уште едно слично писмо, во кое покрај истото ја понудив и опцијата за прекин на договорот и тоа го сокри и не одговори на повиците да каже дали примила писмо од мене, но и тоа ДХЛ го потврди а судот се увери заедно со наод на бешто лице, со издавање потврда дека го примила одкако претходно неколку пати одбила да го прими. Тоа во секој независен суд ја намалува кредибилноста на сведокот кога двапати ќе се фати во лага. Таа како лична секретарка на Александар Ивановски кажа и дека незнаела дали во време кога се купувале становите нејзиниот шеф бил пред бракоразводна постапка што ја дава смислата на тоа зошто купувал имот на туѓо име. Сепак кажа дека никогаш не примила пари од мене и никогаш не сме се сретнале или разговарале по телефон. Факт е и тоа дека десетина години сопствениците на двата стана си плаќале данок на имот.
15.Сведокот Сузана Николовска кажа дека неколку пати донирала пониски суми за партијата по регуларен пат и дека никогаш не се сретнала со мене а ме знаела само од телевизија.
16.Сведокот Драги Огњановски, припадник и кандидат за пратеник на партијата Обединети за Македонија кажа дека пред изборите во 2006 година донирал приближно пет илјади евра на партијата, дека ги доставил кај секретарот Гордана Јанкуловска, дека за тоа имал документ кој никогаш него приложи. Тој кажа дека никогаш мене не ми дал пари и не ме запознал.
17. Вештото лице Кире Костов во детали го разглоби она што на почетокот го напишав а поврзано со анализата на мтерјалот добиен во Јавното Обвинителство од меѓународна правна помош, каде се гледа дека ниту јас, ниту мој близок или било кое поврзано лице со мене, ниту било кој од Македонија уплатил средства на фирмата Сирах Лимитид, ниту пак во фирмата се уплаќани пари во готовина (кеш).Вештакот го објасни движењето на парите од банка во банка, уплатите и исплатите, но ни трага ни глас од моја или на мој близок вмешаност во истите. Ова е и најсилниот матерјален доказ, после кој во било која земја предметот би бил затворен односно обвинението отфрлено. Од вештачењето се гледа дека оваа фирма префрлила слободни средства од своето редовно работење на фирмата ќерка во Македонија Сирах Инжињеринг која со тие пари го купила земјиштето. За какво перење пари и за какво збогатување мое да стане збор после овој доказ? Ова беше и главниот аргумент на Јордан Камчев во тој дел од процесот кога ја говореше вистината и пред да отиде и да направи спогодба со обвинителството, која спогодба според сите сознанија не е само за овој предмет туку и за други каде тој би се теретел.
18. Вештото лице Дивна Станчева од катастерски аспект објасни дека во однос на земјиштата кои се предмет на ова обвинение и во однос на некаква пренамена која се случила, се било законски и согласно процедурите.
19. Сведокот Кирил Божиновски, генерален секретар на партијата недвосмислено кажа дека никогаш како претседател на партијата не сум му побарал и не ми дал пари во готовина, ниту пак примил некои пари од мене. Тој појасни дека сефовите во неговата канцеларија воопшто не ги користел. Ниту пак некогаш сум му кажал дека сум купил некаков плац или стан.
20. Сведокот Коце Трајановски, некогашен градоначалник потврди дека никогаш не сум му ургирал јас или мој близок околу промена на урбанистички план, ниту пак сум побарал од него било каква лична услуга поврзана со плацеви, станови и други работи. Исто така кажа дека никогаш не сум му кажал дека сум купил плац или стан и доколку навистина имало потреба од некаква ургенција во градот, сведокот кажа дека сме биле доволно блиски да тоа го направам директно со него.
21. Сведокот Александар Бичиклиски кажал дека бил советник во град Скопје и дека пред и за време на гласањето на Генералниот урбанистички план никој не му блијаел како да гласа, но и дека никој не покренал иницијатива против тој ГУП.
22. Сведокот Емил Димитриев, во својство на порнешен генерален секретар на партијата кажал дека никогаш додека бил секретар не сум побарал ниту ми дал партиски пари, ниту пак чул такво нешто од неговите претходници. Никогаш не се ургирало преку него за промена на ДУП или ГУП.
23. Сведокот Борче Георгиевски во својство на советник во градот Скопје кажал дека гласал за ГУПот без никаков притисок од било кого.
24. Сведокот Ирена Мишева во својство на претседател на Советот на г.Скопје кажала дека никогаш, па ниту за усвојување на ГУПот и се немам јавено за ургенција или било какво барање.
25.Сведокот Лазо Малијански кажал дека според геодетскиот елаборат во физичка делба не е можно да се прикриваат податоци и дека се запазила целокупнаѕта законска постапка и неможе да стане збор за некакво фиктивно пренесување на реален дел од земјиштето.
26.Сведокот Ѓорѓија Сајковски во својство на актуелен генерален секретар на партијата изјавил дека партијаат има своја жиро сметка, има ангажирано сметководствено биро и дека прават завршни сметки. Напоменал дека во партијата се вршеле и редовни ревизоркси контроли и според извештаите нема никакви недостатоци во работењето. Нагласил дека не се чуствуваат оштетени, ниту имаат информација дека се оштетени и изјавил дека не предјавува никакво оштетно побарување од инволвираните во овој предмет.
27. Сведокот Наташа Несторовска изјавила и објаснила во детали дека се било во ред со плаќањата во банката при купородажбите на земјата и дека е запазена целата процедура односно се работело согласно законите во државата.
28. Сведокот Софија Куновска која во 2012 година била советник и координатор на советничката група на СДСМ во градот изјавила дека тогаш имало расправа за ГУПот и потоа регуларно бил изгласан, и дека ГУПот се однесува за поголем дел на градот а не само за една општина.
29. Сведокот Ивона Талевска, како тогашен новинар раскажала дека од лично искуство и сведоштво преку примери била запознаена дека јас и јордан камчев во тој период не сме биле во добри односи, дури и во лоши односи, што јасно укажува дека не било можно да тој за мене прикрива некаков имот.
30. Сведокот Дејан Митровски – Урко во својство на мој поранешен шеф на обезбедувањето навел дека бил присутен во комбето, како и секогаш во било кое превозно средство во кое сум бил јас, при теренската посета и дека комбето воопшто не се придвижило кон Водно, ниту пак сум издал инструкција за некое земјиште на Водно. Тој навел дека имав здравствени проблеми и потешкотии со дишењето заради што често сме оделе на пешачење на повисоко, но дека никогаш ниту видел, ниту чул дека сум купил некакво земјиште на Водно, ниту пак станови. Навел и точно од кој стан секој ден сум излегувал, односно од оној каде цело време живеев, бидејки природата на неговата работа беше да ме следи од моментот на напуштање на домот. Истиот навел дека во повеќе наврати сум зборувал, се до крајот на нашата заедничка работа во 2014 година, дека заради советите на лекарите, сум сакал да купам земјиште во Сопиште дека не сум го реализирал тоа.
31.Сведокот Сергеј Самсоненко изјавил дека земјиштето е во негова сопственост, што го докажал и со документи.
32.Сведокот Владимир Стаиќ истото го потврдил за друг дел од истото земјиште.
33. Сведокот Соња Липиткова, во својство на заменик министер за екологија и член на комитетот за градежна експанзија изјавила дека присуствувала на сите до една седници на тој комитет, и дека иако формално јас бев претседател на комитето, никогаш не сум го водел и секогаш го водел Миле Јанакиески како подпретседател, така што и не сум можел да остварувам некакво влисјание на тој комитет. Истата изјавила дека никогаш не сум и се јавил да ургирам за било што, ниту било кој друг се јавил во мое име да ургира кај неа. Напоменала дека никогаш никој не и се јавил да ургира за земјиште на Водно.
34. Сведокот Гордана Клинчарова во својство на поранешен секретар на г.Скопје изјавила дека иако долго се познаваме, уште од 1999 година, никогаш никој, а најмалку јас сум и се јавил за било каква ургенција во градот Скопје за плацеви или станови. Истата потврдила дека била присутна на теренското работење и движење со комбе на поголем број лица, и дека истото не се придвижило кон Водно и не сатанал озбор за плацеви на Водно.
35.Сведокот Кицо Петрески во својство на поранешен мој телохранител од 2006 до 2017 година, изјавил дека во неколку наврати низ годините сум се интересирал кај него за климатските услови за живеење во повисоките делови на Сопиште каде што тој има викендица и сум му кажал дека по совет на лекарите а заради кашлање кое беше заради загадениот воздух во Скопје, треба да најдам и купам некој плац во Сопиште на кој би изградил куќа за живеење. Сме разговарале за тоа која е надморската висина таму, како се цените и колку е чист воздухот. Изјавил и дека во еден од тие разговорири некаде во 2018 година сум изразил желба да го разгледам тоа место и дека отидов и поминав неколку часа разгледувајки ги земјиштата таму, дека ми се допаднало но дека не сум купил плац таму, што е точно, а главна причина беше фокусираноста на политичкиот прогон и секојдневното присуство во судот. Ова со Сопиште е само уште еден показател дека не сум имал плац на водно, штом толку долго и толку често сум размислувал и разговарал со повеќе мои блиски соработници за купување плац за живеење во Сопиште. Најмалку пет мои поранешни соработници во овие сведочења го потврдија тоа.

Сите овие 35 сведоци сведочеа до моментот додека Јордан камчев не направи три средби со обвинителкаат Лиле без присуство на неговите адвокати, каде договорил соработка со ветување привилегии во овој и во други предмети против него, поточно во овој предмет да добие најниска можна казна, а не го знам договорот за другите предмети, но наскоро и тоа ќе се дознае. Така, оддеднаш Камчев го предложи неговит зет од сестра за сведок, го смени целокупниот наратив и суштина на дотогашната одбрана, вештачења, изјави на сведоци, и оддеднаш синхронизирано со зетот мето Стојчески започна друга приказна, во која тврди дека кога ристо новачевски му се јавил да го купи земјиштето му кажал дека е мое, а тој од страв да не му се одмаздам го купил, и ми чувал три стана како компензација на име на фирмата на неговиот зет Мето Стојчевски.

36.Зетот на Камчев, Мето Стојчевски како дополнително предложен сведок кажа дека јас никогаш од него не сум побарал било каква услуга за змејиште или станови и дека иако сме се познавале и повремено сме се среќавале, никогаш не сме разговарале ниту за наводни мои земјишта, ниту за наводни три стана кои тој наводно ми ги чувал. Наместо тоа наведе дека трето лице му го кажало тоа, а тоа трето лице, го негираше истото во судот. Мето Стојчески не знаеше да иодговори и како и со кој пари ги купил становите. Очигледно, спасувајки го неговиот шура, беше во непријатна ситуација и оттука целата конфузност која произлезе од овој во последен момент направен договор за спасување на Камчев и мое теретење. Со обзир на нивните роднински врски и со обзир дека Камчев е обвинет, исто како и Ристо новачевски секој нормален суд во развиена земја во светот ова не би го земал во обзир бидејки во судската теорија и пракса стои дека исказот на обвинетите (а со тоа и нивни роднини) не може да се земе како сведочње бидеки обвинетите може и да лажат за да се спасат.

Македонското судство е пред нов испит и предизвик. Тој не би постоел ако власта ги остави судиите да судат според доказите или ако се охрабрат да и се спротистават, бидејки тие знаат што се докази а што не. Дали ќе ги остави, или дали ќе се охрабрат да се спротистават ќе видиме утре.

The post Судиите знаат да судат според докази, а не по претпоставки, но ако имаат дозвола од власта appeared first on Република.

Судот на Никола Груевски да му изрече највисока казна, а за обвинетиот Сашо Мијалков казната да биде повисока од предвидената, побара јавната обвинителка Лиле Стефанова на денешните завршни зборови за предметот „Плацеви на Водно“.

Таа побара и конфискација на неговите станови вклучително и трите стана во Панорама, сопственост на фирмата „СС инвестмент”. За Стефанова, исклучително важен бил исказот на обвинетиот Ристо Новачевски, па за него предложи условна казна. За обвинетите Ненад Јосифовиќ и Јордан Камчев таа побара минимални казни, а го информира судот дека го повлекува обвинението за Ратка Камчева.

„Никола Груевски како премиер ја користел својата функција противправно за да се стекне со имот. Сашо Мијалков во својот исказ негираше дека ги презел дејствата кои му се ставаат на товар. При претрес на неговото возило беа пронајдени договори склучени со фирмата „СС инвестемент” за становите во Панорама“, рече обвинителката Стефанова.

По ова со реакција на Фејсбук излезе и Никола Груевски. Тој смета декане било тешко да се претпостави дека обвинителката Лиле Стефанова во завршните зборови денес ќе побара од судот максимална казна за него, а минимална за Јордан Камчев и условна за Ристо Новачевски.

„Таа денес во завршните зборови за се што не обезбеди доказ, а не обезбеди доказ за ништо, коментираше со вокабулар “докажавме…”. Изјавите во судот на обвинетите во теоријата и праксата на правото не се сметаат за доказ бидејќи обвинетите може и да лажат за да се спасат, но тоа е единствениот начин како обвинителството ќе се обиде да се спасува од пораз во овој конструиран предмет, како дел од политичкиот прогон кон мене. Предмет во кој обвинителството не обезбеди ниту елементарен матерјален доказ, ниту вербален доказ кој директно од сведоците ме посочува мене дека навистина сум купил и криел земјишта и станови, ниту влез и излез на мои пари или на лица поврзани со мене, ниту пак можеше да обезбеди бидејќи тоа не се случило“, пишува Груевски.

The post Стефанова побара максимална казна за Груевски, тој смета дека oбвинителката не обезбедила ниту еден доказ appeared first on Република.

Два аудиофајла објавени под наслот „Вистината пред се“, а во кои се зборува за „плацовите на Водно“ беа објавени попладнево на Јутјуб. Најверојатно се работи за снимени разговори меѓу бизнисменот Орце Камчев и поранешниот премиер Никола Груевски. Се споменуваат Ристе, Мартин, Тинекс, Алек...
Разговорите наводно се водели пред една година, односно во периодот јануари - февруари 2021.

The post Објавени аудиобомби за вистината за „плацевите на Водно“ appeared first on Република.

Поранешниот премиер Никола Груевски излезе со реакција по денешното рочиште во случајот „Плацеви на Водно“ во кој и тој е еден од обвинетите. На денешното рочиште, еден од сведоците, Мето Стојчевски, кој е зет за сестра на Орце Камчев, кој исто така е обвинет тврдеше дека Груевски имал три стана во комплексот „Панорама“.

Груевски во објавата на Фејсбук посочува дека тој нема против Камчев не станови во вредност од 1,3 милиони евра, туку и 5 милиони евра да им даде, ако сака и болницата и банката нека им ги даде за да си ја купи слободата, но да  не го меша мене таму каде знае дека немал ништо и да не им ги потврдува лажните конструкции со кои власта која врши политички прогон против него по секоја цена сака да го прогласи виновен, за нешто со што вели дека никаква допирна точка.

Тоа е мојот краток коментар од денешното судење.Оние кои ги интересира суштината и содржината на оваа конструкција низ призмата на денешните искази и сведочења во судот може да прочитаат подолу.

Груевски тврди дека веќе се наѕира конструкцијата која Јордан (Орце) Камчев и обвинителката Лиле Стефанова во последните 2-3 недели ја направиле со следните цели.

Целата објава на Груевски прочитајте ја во продолжение.

1.Обвинетиот бизнисмен Јордан Камчев без никаков основ и доказ набедувајќи ме мене да помине со блага казна но без ново одење во затвор по овој предмет; Слично да помине и неговата мајка Ратка Камчева, неговиот вработен извесен - Нено Јосифовиќ, како и Ристо Новачевски, според зборовите на Камчев дадени во обвинителството - негов долгогодишен пријател и бизнис партнер кој според Камчев со години секојдневно одел во неговата болница и им продавал лекови како трговец со лекови. (Ристо Новачевски беше мој венчален кум во мојот прв брак од 2001 до 2005 година, но очигледно дека потоа одкако заради мојата презафатеност се оддалечивме, се продлабочило неговото пријателство и бизнис релации со Јордан Камчев).

Ова со цел, освен што би ме осудиле, власта да може да каже дека “бројчаникот почнал да врти” а тие почнале да ги враќаат “парите на граѓаните” кои всушност се пари на Орце Камчев со кои пари сака да се извлечи од овој прогон, односно да ја купи својата слобода (ако се само тие пари со кои ќе си купува слобода од прогонот).

Зетот на Камчев го посочил Сашо Мијалков дека токму тој му рекол дека тие станови биле за мене, а Сашо Мијалков во судницата денес посочи дека никогаш и за никого, вклучително ни за мене не посредувал или правел активности со кои ќе прикрива туѓ, односно во овој случај мој имот.

The post Груевски: Kaмчев ако сака нека даде и пет милиони евра и болницата и банката за да си ја купи слободата, но нека не ме меша мене таму каде знае дека сум немал ништо appeared first on Република.

Поранешниот директор на УБК, Сашо Мијалков, денеска во Кривичниот суд ја даде својата одбрана како обвинет во случајот “Плацевите на Водно”.

Тој рече дека одговорно тврди дека не е виновен, дека не прикривал имот на Никола Груевски и дека во целата постапка се чувствувал како њабљудувач, бидејќи за него не видел ниту еден материјален или вербален доказ.

На почетокот кажа дека ќе дава одбрана, но апелираше судијата Илија Трпков најголема доверба да поклони на фактичката состојба, а не толку на неговата и на изјавите на останатите обвинети, за кој тој рече дека имало невистини.

На прашање на неговиот адвокат, сепак кажа дека никому не дал ни упатство, ни совет, ни средства за да се исперат пари. Тој рече, ни според досегашната фактичка состојба, никаде нема доказ дека тоа тој го сторил.

Никогаш од мене и не побарал некој да му помогнам да прикрие незаконски имот. Тоа само Александар Ивановски (Алек Теранова) го тврди, а нигде не видовме доказ за тоа, негираше Мијалков.

На следно прашање, дали отстапил офшор компанија за да се поминат паричните средства на Груевски кои се од кривично дело, одговори:

Не сум знаел за нелегални пари. Не сум имал допирна точка до партиската каса. Никој не спомнал дека недостасуваат толку многу пари. Толкав износ да снема, а никој да не забележи? Не ми е верно мене тоа, кажа Мијалков.

За офшор компанијата сувишно е да зборам. Си кажаа тука кој ја отворил, чија била, кај ја однел… мене никој не ме спомна. Да имав јас врска, тука ќе имаше докази дека имам поврзаност со офшор компанијата, додаде Мијалков.

The post Мијалков сведочи во „Плацеви на Водно“: Груевски не побарал од мене да му прикривам имот appeared first on Република.

Поранешниот премиер, Никола Груевски, на социјалните мрежи реагира и ги посочва нелогичностите што се очигледни во сведочењата во случајот „Плацеви на Водно“.

Реакцијата на Груевски ја пренесуваме интегрално:

Полека излегува на површина невистината и нелогичноста во последната изјава на Јордан (Орце) Камчев дадена пред неколку дена судот, кога за 180 степени ја смени својата позиција во еден ден во предметот „Плацеви Водно“, одкако во претходните денови имал три лични и без придружба на адвокати средби со обвинителката Лиле Стефанова.

 

Од информациите кои дојдоа до мене Јордан Камчев ја промени позицијата во овој предмет кој беше (и правно гледано сеуште е) загубен предмет за обвинителството, со цел и со договор да му биде попуштено, односно помогнато во друг предмет каде неговите позиции се многу лоши во однос на доказите кои ги има обвинителството.

 

Популарно меѓу народот се вели дека се има „испазарено“. Тоа подразбиран дека најверојатно се договорил во овој предмет да каже невистина која му е потребна на обвинителството и власта во кој јас сум главниот таргет, за во друг предмет обвинителите „да не видат“ некои негови законски престапи.

 

Од она што ново го кажа пред четири дена една работа е клучна промена во однос на претходните изјави кои ги дал, а тоа е дека во 2015 година Ристо Новачевски му се јавил на Камчев со понуда да му продаде земјиште и притоа според новата верзија на Камчев, Новачевски наводно му кажал дека тоа земјиште е мое, па Камчев одлучил да го купи за да не си имал проблем со мене како премиер.

 

Освен што е нелогично што за таква скапа инвестиција тој воопшто и не проверил со мене, дали навистина изјавата на Ристо Новачевски е точна во однос на тоа чие е земјиштето, сосема очигледно дека Камчев не ја говори вистината е и фактот што мојата функција Премиер заврши 4-5 месеци подоцна во јануари 2016 година, потоа во декември 2017 година се повлеков и од функцијата претседател на ВМРО-ДПМНЕ, во ноември 2018 година под налетот на политичкиот прогон заминав во Унгарија каде побарав и добив политички азил заради констатиран политички прогон, а од јуни 2019 година веќе не сум ни член на македонскиот парламент, со што немам никаква политичка функција и политичка моќ.

 

Јордан Камчев прв пат дал исказ како осомничен во обвинителството за предметот „Плацеви Водно“ дури една година и девет месеци подоцна, односно во фебруари 2021 година.

 

Дадената изјава во фебруари 2021 година е во време кога јас немам апсолутно никаква политичка функција и никаква политичка моќ па Камчев немал апсолутно никаква пречка да ја каже вистината пред обвинителството и судот доколку тоа била вистината.

 

Тоа е време кога веќе Ристо Новачевски е излезен од тримесечниот притвор каде под уцена и притисок целосно ја променил изјава од првичната изјава пред притворот, кои изјави Камчев го имал на увид пред да ја даде неговата изјава.

 

Во таа изјава како што кажав Ристо Новачевски под притисокот во самиот притвор ја менува претходно дадената изјава и наместо лицето кое претходно го посочил дека му понудило да биде управник ме посочува мене.

 

Камчев освен изјавата во обвинителството речиси 20-30 рочишта во судот ја бранеше вистината, издржа 7-8 месеци притвор, време во кое доаѓаа поранешни евро комесари да бараат да се запре политичкиот прогон кон него, илјадници негови вработени, угледни лекари и пријатели му изразува јавна подршка секојдневно преку социјалните мрежи, шест адвокати го положија својот авторитет и во судот и во јавноста, за одеднаш после три средби „пазарење“ со обвинителката целосно да ги промени своите позиции и да ги понижи и сите оние кои веруваа во неговата невиност и истрајноста во борбата за докажување на правдата.

 

Го потврдувам она што и самиот Камчев го кажа повеќе пати дека јас со Јордан Камчев никогаш додека обавував јавни функции не сум бил близок. Како познат бизнисмен до крајот на мојот мандат во власта секако сум остварил неколку контакти со него, но секогаш тоа било поврзано со службените обврски и активности и никогаш за приватни цели.

 

Еве делови од она што го кажал Камчев во обвинителството (тези кои ги повторуваше и докажуваше во судот, вклучително и со сведоци и матерјални докази се до пред четири дена), а целата изјава е подолу на фотографии за оние кои сакаат целосно да ја прочитаат. Овие тези, одговори и одбрана ги повторуваше и бранеше повеќе од една година се до пред четири дена. Нивното нагло менување и ставањето во крајно непријатна ситуација на целата негова околина која се трудеше да му помогне не е случајна.

 

- „Најпрво сакам да изјавам дека за тоа што ме сомничи Обвинителството како помагач за сокривање на сопственост на имот имам целосна документација како е воден процесот на купување, зошто е купено, колку корист од купопродажбата имале УЈП, Општината Центар и Градот Скопје. ЛИЦЕТО РИСТО НОВАЧЕВСКИ како што прочитав во исказот кој ми беше предочен ДАВА КОМПЛЕТНО ЛАЖНА И НЕТОЧНА ИЗЈАВА, а впрочем за истото доколу се проверат книгите во средното училиште Моша Пијаде Скопје и од Економскиот факултет, ќе се види дека јас и тој се познаваме повеќе од 30 години, од средно училиште и во бизнисот… …Исто така Ристо Новачевски беше еден од најголемите дистрибутери на фармацевтски производи во Македонија и имаше соработка и со нашата болница. Често се јавуваше да му купуваме лекови преку неговата фармацевтска куќа….“

 

- „Исто така добро е познато на сите членови на тогашната влада на ВМРО-ДПМНЕ дека не му бев омилениот бизнисмен и лик на тогашниот премиер Никола Груевски…“

 

- „…Откако компанијата Орка Холдинг како сопственик на Аџибадем Систина одлучи да инвестира во локациски одличната локација за изградба на дом за постари лица со медицинска грижа нарачавме физибилити студија и пробавме да разговараме со општина Центар за потребната инфраструктура затоа што овие плацеви немаат никаква инфраструктура. Со тогашниот градоначалник не наидовме на разбирање….тргнавме во продажба на купеното земјиште“

 

- „Не гледам како јас и мојата мајка Ратка сме сакале да прикриеме било каква сопственост и НАЈОДГОВОРНО УШТЕ ЕДНАШ ТВРДАМ ДЕКА СО ЛИЦЕТО НИКОЛА ГРУЕВСКИ НИКОГАШ НЕ СУМ ПРЕГОВАРАЛ НИТУ СУМ СЕ СРЕТНАЛ, НИТУ ТЕЛЕФОНСКИ, НИТУ ФИЗИЧКИ ВО ВРСКА СО ИНВЕСТИЦИЈАТА НА ОРКА ХОЛДИНГ….“

 

- „Јас како што нагласив погоре, се познавав со Ристо Новачевски и за оваа купопродажба на мене ми се јави Ристо Новачевски. Не можам да се сетам дали Ристо бил кај мене во фирма или првичниот контакт бил телефонски бидејќи ние секојдневно соработувавме со Ристо…Ристо ја има понудено компанијата на продажба во која мислам дека имал сопствен интерес, а јас како што кажав погоре, тргнувајки од бизнис идеите што ги имав прифатив да ја купам фирмата…
Покрај тоа што го прашав Ристо за историјата на земјиштето, јас ги задолжив моите адвокати да проверат како е купено земјиштето, при што тие ми ја потврдија постапката дека земјиштето е купено од приватни лица и нема врска со државата….“

 

Ако ова не било вистината, зошто Јордан Камчев го говори во 2021 година (а и до пред 4 дена), во време кога немам никаква политичка функција или моќ?

 

Кога со брутални уцени, притисоци и незаконски методи се изнудуваат или менуваат изјави заради политички цели и политички прогон на лица кои биле и се неистомисленици со власта, тоа не може да биде демократија а осумте осто доверба во судството кај народот се логична последица.

The post Груевски: Полека излегува на површина невистината и нелогичноста во последната изјава на Камчев, кој за 180 степени го смени својот став appeared first on Република.

Комедија и трагедија во исто време, коментира поранешниот премиер, Никола Груевски, за сведочењата во случајот „Плацеви на Водно“.

Коментарот го пренесуваме во целост:

Ристо Новачевски: Три изјави за една иста работа, сите три целосно различни.

 

Орце Камчев: Ем ја платил земјата колку што чини, ем во иста вредност станови чувал за мене на сигурно место: кај зет му!

 

Како повеќе ги притиска обвинителката односно власта преку неа, така менуваат изјави.

 

Кога во судот даваат изјави обвинети и обвинуваат други лица, тоа само по себе во нормални држави не се зема за доказ бидејќи правните експерти и теоретичари велат дека правната наука утврдила дека обвинетиот може и да лаже за да се спаси себе. Но, што од правото во Македонија во ова време се спроведува како што треба, па сега да сме сигурни дека и овде ќе се примени.

 

Еве што кажал Ристо Новачевски кога прв пат дал изјава во обвинителството за купувањето и продавањето на земјиштето (подолу фотографиите од неговата изјава со покриени лични податоци на Ристо Новачевски и името на лицето кое му понудило да стане управник на фирма на некои странски инвеститори бидејќи лицето е во меѓувреме починало и несакам да се вознемирува неговата фамилија):

 

„Во врска со кривичната пријава можам да кажам дека преку (име и презиме на сега веќе починатото лице), пред околу две и пол три години ми понуди работа, и дали сум заинтересиран да работам за странска компанија како управител, која што е заинтересирана за инвестиции во Македонија. Јас се согласив бидејќи ми беше интересна работата, а (името на починатото лице) беше комуникацијата со странската компанија и тој ги пренесуваше задолженијата. Преку него дојде и до тоа компанијата да ги купи локациите а парцелите беа откупени од физички лица. Во меѓувреме компанијата се впушти во инвестирање во Македонија и (името на починатото лице) ме информираше дека во иднина друштвото ќе биде продадено на компанијата „Кара“ што подоцна и се случи. Во меѓувреме (името и презимето на починатото лице) почина, јас бев сменет од управител и немам никаква комуникација со ова Друштво. Исто така сакам да истакнам дека лицето Никола Груевски нема никаква врска со оваа компанија ниту пак со локациите.

 

На прашање на ЈО кое е лицето (името и презимето на починатото лице), осомничениот изјави:

 

(Името и и презимето на починатото лице) е мој личен пријател кој работеше во “Македонски комуникации” и неговото својство колку што јас знам е дека тој се познаваше со компанијата и преку него всушност тие во Македонија сакаат да започнат инвестиции“.

 

Тоа е првата изјава на Ристо Новачевски.

 

Втората изјава ја дал во време додека е во притвор, веќе под жесток притисок од самиот притвор но и од влезот на сите инспекции во неговите фирми каде немало кој да потпишува па набргу ќе отишле во стечај, и таа изјава е различна од првата.

 

Таму наместо лицето кое го наведува во оваа изјава ме прикажува мене како лице кое сум го прашал дали сакал да биде управител на странска компанија која сака да инвестира во Македонија, што истиот го прифатил, па во изјавата продолжува и додава дека подоцна низ контактите се посомневал дека можеби компанијата била моја, бидејќи сум знаел премногу детали.

 

Трета изјава е дадена вчера во судот, и таа е различна и од првата и од втората. Очигледно обвинителите во меѓувреме увиделе дека се пред губење на предметот и отцениле дека втората изјава не им е доволно силна па побарале од него да ја смени.

 

Таму, во третата изјава вели дека јас сум го повикал и сум му кажал дека сакам да отворам моја градежна фирма и сум му понудил да биде управител и тој прифатил.

 

И сега судот треба да верува на обвинета личност која во три наврати дава три целосно различни изјави? Во Македонија се е можно, но да почекаме да видиме.

 

Вториот лик кој вчера за 180 степени ги смени сите негови изјави дадени досега е Јордан Орце Камчев. Тој вчера одеднаш почна да тврди дека Ристо Новачевски во 2015 година му се јавил во мое име и му кажал дека јас сакам да му продадам земјиште па тој (нормално без да провери) несакал да си има проблеми и го купил земјиштето. Додал и дека чувал на име на зет му од сестра си три стана за мене како компензација за земјиштето, а самото обвинителство пред неколку месеци изведе доказ, како и самиот Камчев дека земјиштето го платил со пари преку банкарска трансакција и во полн износ.

 

Дури и да се земе за вистина оваа изјава, која секако не е вистина, каде е тука перењето пари ако не сум примил ни пари ни станови. Нели според него чекале становите да ги примам кај член на неговата фамилија, ама не сум ги примил. Обвинителството ниту докажа дека сум платил, ниту дека сум продал, ниту дека сум примил пари или некаква компензација, ниту изборот на тие измислени пари, ниту ќе докаже, бидејќи тоа не се случило.

 

Од информациите кои дојдоа до мене Камчев на 10. Март 2022 година бил лично сам и без адвокат кај обвинителката Лиле Стефанова, кога веројатно почнал развојот на една “нова љубов” и еден “нов филм”. На една лага со која незнам како Орце Камчев ќе живее понатаму, па уште сака да ги вовлече во лагите и неговата сестра и зет за да сведочат лажно, местејќи друг човек со измислена приказна во кабинетот на обвинителот. Иста таква средба според информациите се одржала и на ден пред вчерашното судење и на денот на судењето, утрото, бидејќи судењето беше закажано во 12:00 часот.

 

Со обзир дека овој предмет кој немаше основ ни да започне, беше пред паѓање, бидејќи нема никакви ниту матерјални ниту било какви докази за да било кој судија може да не осуди (ниту пак може да има докази бидејќи дејствијата за кој не товарат се невистина), се чини дека можно е спогодбата помеѓу обвинителката да е за друг предмет за кој се води постапка за Јордан Камчев и каде можеби неговите позиции не се така добри како во овој предмет. „Па ајде ти помогни ми во овој предмет, а јас ќе ти помогнам во другиот“. Така функционира ова обвинителство и особено овој обвинител. Дали ќе биде тоа така ќе видиме, но едно знам дека Камчев погреши што одлучи од чесна одбрана да премине во нечесна и валкана битка за доаѓање до целта.
Времето ќе покаже дали сум во право.

 

Другите детали во вчерашната објава на мојот фб.

The post Груевски: Комедија и трагедија во исто време, три изјави за една иста работа, сите три целосно различни appeared first on Република.

По денешното рочиште за случајот Плацеви на Водно, на кое сведочеа обвинетите без Сашо Мијалков, поранешниот премиер Никола Груевски преку фејсбук статус порачува дека му останува да верува дека порано или подоцна и во оваа голема хајка на власта против него, во која не се бираат средства, ќе победи вистината.

Го пренесуваме во целост фејсбук статусот на Груевски:

Правосудниот систем во Македонија го достигнува највисокиот степен на брутален и невиден политички прогон. Со пресудите и со обвинетите се тргува како на пазар. Се тргува и се продаваат луѓе и човечки судбини заради политички цели.

Или подобра метафора е дека сведоците и обвинетите се принудуваат со пиштол на чело да потпишат или дадат изјава која и е потребна на власта и обвинителството за да ги остварат своите валкани и подмолни зацртани цели. Или поинаку метафорично кажано со веќе вбризган отров и против отров на масата пред нив кој би им го дале доколку потпишат или изјават нешто што обвинителството посакува.
Ова не е правда. За правда треба докази а не изнудени лажни изјави со брутални методи кои немаат врска со демократија, кој немаат врска со фер постапка и кој имаат врска само со желба и порив за уништување.

Ова е перфидна игра која е полоша и од војна бидејќи во војната сепак има некои правила.

Ова не е правда. Преблаго е ако кажам дека ова не е фер, бидејќи станува збор за нешто многу полошо и пострашно. Ова го нема ни во Африка.
Ваквиот начин на добивање на пресудите очигледно стана пракса во Македонија, бидејќи поинаку и неможат да ги добијат. Сега сите оние кои немаат доволно силен интегритет и лична доблест, одкако видоа што се случи во Титаник бараат спас во тоа. Од друга страна ова е единствен спас за обвинителството да излезе како некаков победник во оваа валкана игра. Но, тоа ќе биде привремена победа. Тоа ќе биде пирова победа.
Во последните денови обвинителката Лиле Стефанова која во последните 7-8 години се занимава речиси без исклучок со конструирани случаи против лица од ВМРО-ДПМНЕ, по истата методологија како во Титаник, нудејќи милост на други обвинети со пресуди кои нема да ги однесат во затвор, очигледно викајќи ги еден по еден обвинетите направила нечесна спогодба како на пазар со повеќето обвинети, со која доколку ги сменат досегашните изјави и целата вина ја префрлат на мене, ќе им даде ослободителна пресуда или блага казна со која не би оделе во незаслужен затвор.

Доколку го добие тоа што треба обвинетите да и испорачаат, ќе прати порака на судот за видот и висината на казната, овој ќе ја преточи во пресуда, и нема да следи жалба бидејки обвинителот е задоволен, обвинетите се задоволни, сите се задоволни. Освен правдата, правичноста и вистината, употребени во обид за мое уништување и осудување со долгогодишна казна затвор.

Луѓе кои цела година и половина се под тортура, по притвори, под закана, итн, и ги издржаа тие премрежија и предизвици, се бранеа со сите сили, докажувајќи ја вистината, докажувајќи дека обвинението кон нив и кон сите е лажно, невистинито и конструирано, кои ги издржаа сите тие репресии, на крајот кога веќе обвинителството беше пред пораз со овој лажен и конструиран случај, соочени со моќта и безкурпулозната бруталност на власта преку обвинителството, подклекнаа и одлучија да “продаваат” други луѓе за да се спасат. Не се тоа “предавања”, бидејќи предавање претпоставува дека нешто се случило па некој кажал за тоа, туку тоа е прифаќање на нечесната понуда за “продавање”, со цел тргување за сопствен спас, со што прифаќаат срамно да се спасуваат.

Конструирањето на политички мотивирани случаи со обезбедување лажни докази во првите случаи на обвинителството пред 7-8 години, преку копии од аудио матерјали чии оргинал никогаш не се презентираше и што е спротивно на закон, а кои беа модифицирани, кратени и селективно објавувани и употребувани во судските случаи, а подоцна и со изјави од уценети сведоци или обвинети на кои им поставуваат услов дека единствен начин да не ги уништат и стават во долгогодишен затвор е давање лажна изјава со која мене би ме обвиниле и осудиле.
Прогон во незамисливи димензии, кој еден ден ќе влезат во учебници за партиско контролирани и раководени обвинителства кои вршат политички прогон со најбрутални методи.

Денес во судот прв изјава даде обвинетиот во случајот “Плацеви Водно” Ристо Новачевски кого во 2020 година го ставија во притвор со цел да изнудат изјава каква што сакаат, која од тогаш па до денес ја промениле со цел да биде уште полоша за мене.

Шпекулациите на медиумите уште кога Ристо Новачевски излезе од притвор без посебни мерки, беа дека е уценет и договорен да служи како инструмент на обвинителството со цел да се спаси со ослободителна, условна или некоја друга ниска или симболична казна, независно дали тоа ќе се случи на првостепениот суд или на повисоките судови се покажаа точни, освен во делот дека тој ќе биде сведок како што очекуваа.

Но обвинителството за да го држи под цврста контрола до последен момент, наместо сведок го направи обвинет и буквално му диктира што да каже во денешната изјава.

Во обвинителството беа свесни дека во случајот “Плацеви Водно” имаат загубен предмет и на Ристо Н. гледаат како на последна шанса да се вратат некако во игра, иако било кој од стручните лица ако ги прашате ќе кажат дека тежината на исказот на обвинет кога говори против некој друг за себе да се ослободи е никаква, бидејќи се смета дека обвинетиот може да лаже за да си помогне себеси за разлика од сведокот, (освен сведоци кои се исто така обвинети и уценети во друг случај и се под закана во случајот на истиот обвинител во други предмети).
Ристо Новачевски денес кажал дека сум го повикал и сум му кажал дека сакам да правам градежна фирма и да се бавам со градежништво, па сум му предложил тој да биде управител.

Ристо Н. срамно лаже. Тоа не е вистина. Никогаш не сум помислил да правам градежна фирма а уште помалку Ристо да е управител. Никогаш преку никаква и ничија фирма или лице не сум купил земјиште или станови. Преку овој лажен исказ сакаат да кажат дека кога бев премиер, кога работев по 15 часа на ден да ја при движам земјата напред, и кога Македонија под мое водство како премиер редеше успеси на секое поле, економијата растеше со највисоки стапки во Европа и имавме успешни реформи на секое поле, јас сум сакал да станам градежник. Тоа е бесрамно лага.

Ристо Н. денес во изјавата се надминал себеси и од изјавата која ја дал кога бил во притвор во 2020 година. Тогаш таму потпишал исказ дека сум го викнал и сум му понудил да биде управител на фирма на некои странски инвеститори. Тоа е неговата изјава во есента 2020 година. Тогаш не вели дека јас сум сакал да правам градежна фирма туку дека странски инвеститор бара управител и дека тој прифатил.
Ова е всушност трета негова изјава на оваа тема и сите три се различни.

Во првата изјава во обвинителството уште во август 2015 година тој кажал дека одреден бизнисмен кој за жал денес не е веќе жив го викнал на средба и му го понудил местото управител во фирма на странски инвеститор кој сака да вложува во земја и градба на куќи. На прашање на обвинителот дали Никола Груевски има некаква врска со тоа, Ристо Новачевски одговорил дека Никола Груевски нема ништо со оваа компанија, ниту пак со локациите.

За ова, како и за втората изјава постојат записници потпишани од него и секако од обвинителот.
Пет години подоцна во 2020 година во втората изјава дадена додека е во притвор и под закана, наместо конкретно споменатиот бизнисмен, како лице кое му понудило да биде управител на странска фирма во сопственост на странски инвеститори, спротивно на претходната негова изјава лажно ме посочува мене, дека јас сум му го кажал тоа.

Во меѓувреме во овие година и половина соочена со губење на предметот на обвинителката и дошла на памет уште поконкретна формулација за да ме обвинат мене, па денес во оваа трета верзија во судот се објаснува дека јас не сум му рекол дека е тоа за некој странки инвеститор туку дека е моја фирма и дека јас сакам да се бавам со градежништво со таа фирма.

Во меѓувреме заборавија дека на почетокот со месеци, речиси една и пол година ме обвинуваа дека сум сакал да градам куќа во која би живеел.
Одкако фотографиите кои ги лиферуваше обвинителството во јавноста со некаква луксузна куќа, се испостави дека се извадени од некој австралиски магазин за убави куќи во Австралија, сега приказната ја променија и тврдат дека сум сакал да имам градежен бизнис на тоа земјиште, што значи да градам и продавам куќи. Практично во самиот финиш го менуваат обвинението.
Не разбирам како не им е срам вака лажејќи сами себе да се побиваат, односно да си ги менуваат претходните лаги со нови на начин што и мали деца не го прават тоа во нивните игри.

Тоа е срамно лажење, а уште посрамно е со какви средства обвинителството се обидува да издејствува како што тие ова го нарекуваат со зборот “Победа”, кога разговараат со околината за овој и другите случаи од политичкиот прогон.
Каква победа е таа со лаги, интриги, изнудени изјави, давање милост во ист или друг предмет против обвинетире, местења на судски случаи и уцени на луѓе да дават лажни изјави во судот за да одбегнат долгогодишен затвор? Тоа не победа. Тоа е зло!
Се фалат со докази од меѓународна правна помош од Кипар, а не кажуваат дека ниту сум уплатил таму пари, ниту во готовина ниту жирално преку банка, ниту мој близок уплатил, ниту било кој од Македонија.

Едно време тврдеа дека со готовина од партијата прибрана од чланарини и донации сум го купил земјиштето. Од доказите и вештачењата кои сами ги нарачаа излезе дека формата која го купила земјиштето немала примено никаква готовина или популарно наречено “кеш” од никаде.
Нивните “победи” се со играње со човечки судбини, со ставање и држење луѓе во притвор додека не им прифатат да дадат изјава каква што сакаат, со уцени и лажни конструкции.

Еден експерт во правото кој го познава случајот неодамна ми рече: “Ристо Н. е “измислен обвинет” за да се принуди да дава изјава против тебе. Тој нема прекршено закон, но ставен во притвор и уценет, со влезени инспекции во неговите фирми со цел да ги уништат, доаѓа до заклучок дека и без прекршување закон може да биде осуден во оваа држава, освен ако не даде изјава со која тој нема да биде осуден на ефективен затвор но со лажно сведочење ќе помогне тоа да бидам јас.

Ристо Новачевски е крајно контрадикторен во целата изјава. Тој вели дека сум му кажал дека тој треба да биде управител, а Алек (Александар Ивановски) ќе ја завршел работата. А самиот Алек во изјавата кажа дека тој речиси не се познавал со мене. Дека никогаш јас не сум побарал да ми купи земја или стан, ниту било кога сме ја разговарале таа тема.

Немањето логика се гледа во тоа што ако Алек ми бил близок за тој да ја “брка работата” зошто Ристо а не Алек би го ставил за управител во ситуација кога навистина би го правел тоа.

Подоцна изјава дал и Орце Камчев. Тој во сите негови изјави досега како во обвинителството така и во судот тврдеше дека Ристо Новачевски му го понудил земјиштето да го купи и нему му се допаднало за градба на рехабилитациони центри и затоа го купил.
Издржа во неговата борба за докажување на вистината цели осум месеци притвор со тешки репресии и кога излезе од притворот низ неговите прашања кон сведоцие пак го тврдеше истото и куп сведоци донесе да кажат каков рехабилитационен центар сакал да гради и колку му било значајно тоа и дека не увидел никаква поврзаност на фирмата која го продава земјиштето со мене. Дури докажуваше и дека воопшто не сме биле блиски, што е точно.

Денеска во очигледно во последните денови координиран договор и тој кажал дека Ристо Новачевски му го понудил земјиштето да му го продаде и дека му рекол дека било мое, а тој го купил плашејќи се од одмазда од мене ако не го купил. Значи било кој што се знае со мене ако му понудил на Орце нешто да купи тој ќе купил без да провери дали е тоа така. Такво нешто Камчев никогаш не би направил, но во лагите се е можно.

И Орце Камчев “се испазарил” и “преку ноќ” ја сменил изјавата и погазил се што збореше до сега, изјава за која цела јавност ја убедуваше дека е вистина и жестоко ја напаѓаше обвинителката речиси на секое рочиште дека прави лажна конструкција. Уште и додал дека земјиштето го платил или трампал со некакви три апартмани во некоја зграда со име “Панорама” или слично на тоа, нешто што никогаш не се случило, ниту пак имам или некогаш сум имал такви апартмани во вкупна големина од 750 мкв кои чекале за примопредавање, со што сам се негира дека ми дал некаква компензација.

На прашање дали сум ги превзел тие станови, кажал дека не сум ги превзел и дека ми ги чувал Мето Стојчевски, кој е зет од сестра на Орце Камчев. Какви лаги!!! Неверојатно!!! Не можам да поверувам!!!

Ниту поседувам такви станови, ниту сум ги договорил со некој, ниту некој ми ветил или ми чува станови некаде, каде незнам ни каде точно е тоа, ниту со некого сум договарал такво нешто.

Па вака секој што има станови може да каже еве овие станови кои не ми се продадени ги чувам за Груевски. Еден ден да му ги дадам и да ги превземе.
Каква лудост!

Ја посочил неговата сестра Тина Камчева, дека наводно преку неа сум му праќал пораки што да правел и како да постапувал. Ако сум сакал да му кажам нешто, зошто тоа би го правел преку сестра му. Па тој во тоа време би долетал да се сретне со мене ско сум сакал да го викнам на средба, како што би долетал кај било кој премиер да го повика. Зошто би одел преку сестри, браќа, зетовци и слично ако ми требало услуга од Орце Камчев?

Со Тина Камчева и со Мето Стојчевски се познавам и неколку пати семејно сум се сретнал, но никогаш ниту сум праќал пораки на Орце за некакво земјиште и станови, ниту нешто што наликува на тоа. Претпоставувам дека сега и нив ќе ги викаат за сведоци да го спасуваат со лажно сведочење нивниот брат и шура. Јас незнам како сите овие луѓе мирно ќе спијат после серо ова, како ќе се справуваат со грижа на совест местејќи ме мене за да се извлечат, како ќе живеат со тоа.

И конечно, Орце Камчев година и пол зборува друга приказна. Јас немам никаква политичка моќ и се прашувам од која одмазда и од кого до вчера кажуваше сосема обратно од тоа што денес го кажа.

И извесен Нено Јосифовиќ близок на Орце Камчев кој лично никогаш не сум го сретнал во неговата изјава кажал дека Алек Теранова му рекол дека фирмата му треба за Никола Груевски, а самиот Алек кажа дека никогаш не сум зборел со него на таа тема.

Оваа игра е смислена неодамна и е набрзина обмислена, па така многу од денешните изјави се контрадикторни на доказите на обвинителството.
Невидена игра, како во холивудски филм. Но во тие филмови секогаш победува правдата и вистината. За сега ми останува да верувам дека порано или подоцна и во оваа голема хајка на власта против мене, во која не се бираат средства, ќе победи вистината.

The post Груевски: Ми останува да верувам дека и во оваа голема хајка на власта против мене правдата ќе победи appeared first on Република.

Во последните месеци случајно или не повеќемина политичари, аналитичари и новинари во Македонија по прашањето на спорот за идентитетот, историјата и македонското малцинство кој го отвори Бугарија, а кој што процес во овој период не е пред очите на јавноста, настапуваат со теза која во најмала рака може да се нарече чудна.
Бранат нешто што не е нападнато. Кажуваат дека би подржале нов договор или анекс договор со Бугарија, па дури и промена на уставот доколку Бугарија прифати и даде (писмена) гаранција дека ќе задржиме нешто што Бугарија всушност воопшто не го бара, па дури и напротив, нејзините највисоки претставници кои се занимаваат со македонското прашање јавно говорат дека тоа не го спорат. Тоа е тезата дека за Македонија било најзначајно да се зачува името на јазикот, поточно дека нашиот јазик е македонски и дека ние сме Македонци и имаме македонска историја.
Но, Бугарија одамна се согласува со тоа. Тие во изјавите велат дека не се спротивставуваат на фактот дека ние сме Македонци, дека македонската нација е реалност, па дури и дека говориме македонски јазик (во официјалните документи бараат да стои “согласно уставот”, но во усните интервјуа често и тоа го изоставуваат) - пишува поранешниот премиер Никола Груевски во својот последен фејсбук статус во кој посочува три актуелни теми.

Во првата тема која се однесува на спорот со Бугарија тој додава:

Она што тие го бараат е поврзано со историјата на создавањето на нацијата и јазикот а не со тоа како денес ги именуваме, со историјата каде за пресвртна точка го земаат 2.август 1944 година кога е одржано првото заседание на АСНОМ и кога се донесени првите документи на кои се темели државноста на Македонија.
Според тоа, да бидам попрецизен, нивните барања се да прифатиме дека до тој момент, до тој датум Македонците се чувствувале и се пишувале, односно се декларирале како Бугари, јазикот кој го говореле бил бугарски јазик, или дијалект на бугарскиот јазик и историјата на овој народ кој живеел на просторот на денешната независна држава Македонија (дел од нив сеуште се живи), до тој момент била бугарска историја. Ништо од тоа не било така, но тоа се нивните барања.
Во изјавите на нивните највисоки државни претставници, во последните години јасно говорат во многу наврати дека само ова го бараат и јасно објаснуваат дека прифаќаат дека реалноста денес е дека ние се чувствуваме Македонци и дека јазикот го нарекуваме македонски. Во последно време го отворија и прашањето за заштита на бугарското малцинство во Македонија нагласувајќи ја потребата за промена на уставот и впишување на Бугарите помеѓу другите етнички заедници или делови од народи, а истовремено отфрлаат не само можност за признавање на македонското малцинство во Бугарија, туку и политичка партија не дозволуваат да се регистрира во која би доминирале оние кои нели не постојат.
Јасно е дека ни треба деблокирање на нашиот пат кон ЕУ, нормализација на односите со соседна Бугарија и јасно е дека ако има договор ќе треба да се постигне некаков компромис.
Но, не е во ред во нашите придобивки од тој компромис да вбројуваме нешто што не е барање на другата страна и за кое Бугарија не спори.
Не е во ред да создаваме лажна слика на лажни односно непостоечки придобивки и непостоечки успех.
Да не ја потценуваме интелигенцијата на македонскиот народ. Македонија е негова држава, на народот а не на мал број политичари и тој народ треба да знае што се прифаќа и што се добива од тоа и да се согласува со тоа.
Треба реално и искрено да се постават и објаснат работите без трикови и измами од страна на било кој.

Пендаровски да не води партиски битки од позиција на претседател на држава

Втората тема за која пишува Груевски во својот фејсбук статус се однесува на изјавата на Стево Пендаровски каде тој е споменат, а поврзана со Љубомир Фрчковски и неговата пресуда за кривично дело клевета.

Стево Пендаровски деновиве објаснувајќи го својот потег за испраќање на Љ.Фрчковски за амбасадор во Мисијата во ООН, изјави дека Фрчковски бил “осуден за кривично дело во време на режимот на Груевски”, и додаде “…а ние знаеме како беше тогаш”.
Без да навлегувам во исправноста на неговата одлука за испраќање на Фрчковски за амбасадор, само ќе ја потсетам јавноста дека Фрчковски беше тужен од моја страна во време кога бев премиер за јавно изречена клевета, бидејќи напиша колумна во весникот “Дневник” во која подробно, јасно и недвосмислено тврдеше дека јас кога бев министер во владата на Љубчо Георгиевски сум потпишал некакви два анекси на договорот со Окта, со што се причинила некаква голема финансиска штета за земјата. На судењето од него беше побарано да го поткрепи истото со некаков доказ кој тој ниту го имаше, ниту би можел да го има, бидејќи такво нешто не се случило. Па така неговата одбрана се сведе на индиректно признание, тврдејќи дека со клеветата против мене која тогаш сѐ уште беше кривично дело со можност дури и за казна затвор (подоцна можноста за затворска казна за клевета ја отстранивме од Законот), тој сакал само да испровоцира јавна дебата на темата и со тоа да се проверело и утврдено дали навистина има такви анекси - пишува Груевски.

Тој вели дека откако Фрчковски индиректно признал дека не постоеле такви анекси за кои ја лажел јавноста, судијата му доделил парична казна која директно на на Груевски отишла на сметката на Домот за деца без родителска грижа во Скопје. На првата моја посета на експремиерот на Домот за деца вработените му ја покажале кујната и другите работи кои ги набавиле од тие средства.

Тоа беше време кога судството секако имаше слабости, какви што имало и претходно и секогаш, но ни приближно не беше како денес, кога е ставено во функција на партијата на власт, која 5 години врши брутален политички прогон, со огромен број политички затвореници, пратеници и други лица од поранешната власт по притвори, огромен број луѓе кои неправедно со години се малтретираат по судови со конструирани обвиненија, па некои од нив до толку измалтретирани и скршени, како и под силно и повеќе годишно интензивно влијание од врбувано и исто така обвинето лице од обвинителството, за да ја скратат агонијата, почнаа да се спогодуваат и да признаваат вина која всушност не постои и ја немаат. Тоа беше време неспоредливо со денешното во кое на повеќе луѓе кои извршувале некакви политички функции во минатото повеќе држави долгогодишни членки на ЕУ како Унгарија, Шведска и Грција им издадоа политички азил заради констатиран од страна на нивните државни и судски институции политички прогон во Македонија, меѓу кои и на мене како политички прогонуван поранешен премиер на Република Македонија. Така што, Стево Пендаровски наместо од позиција на претседател да води партиски битки и да го штити СДСМ и неговите партиски мотивирани одлуки, нека се сврти прво околу себе да си види на каква држава и влада тој е денес претседател, да види каков режим денес постои и како неговата партија преку судот и обвинителството ги прогонува неистомислениците слично, а понекогаш и побрутално од времето на 1949 година - стои во статусот на Груевски.

Писмото кое Обвинителството забрани Стојановска да го предаде во Суд

Третата тема се однесува на случајот Плацеви на Водно, или како што пишува експремиерот на Македонија „за ново фаќање на дело на измамите на обвинителството во еден од случаите кои ги водат против него“.

За оние кои ја следат и ги интересира темата, а во истиот од погоре контекст, после десетици и стотици презентирани ситуации на политички прогон на власта преку правосудниот систем кој го контролира и кој е инструмент во нејзините раце за прогон на нестомислениците ќе се навратам на уште еден детаљ, а кој е поврзан со конструираниот судски случај наречен „Плацеви Водно”.

Имено, неодамна на 21.јануари 2022 година, во фб статус повторно презентирав доказ со кој т.н. сведоци на партиското обвинителството кои се ангажирани под сериозна уцена и притисок во овој предмет, во кој нема ниту еден материјален доказ, а нивните изјави се контрадикторни со кои се покажа како функционира власта. Сведокот на обвинителството Тања Стојановска со која не се познавам, секретарка на Александар Ивановски исто така уценет сведок со кого едвај два или трипати во животот сум се сретнал на службен состанок и една случајна средба во присуство на поголем број други луѓе, откако под притисок во сведочењето кажа дека не добила никакво писмо од мене, презентирав јавно доказ од ДХЛ дека примила едно писмо кое очигледно под притисок на Обвинителството го сокрила. Подоцна повторно и испратив писмо по ДХЛ кое според објавата на ДХЛ одбила да го прими, а на 21. јануари 2022 година го презентирав и тоа во фб објава. Но потоа, ДХЛ согласно нивните интерни процедури преку е маил ме контактираше и побара упатство како да постапат со непримената пратка и дали да ми ја вратат или да ја уништит. Јас побарав претходно да направат нов обид за достава, па така по неколку обиди Тања Стојановска го прими писмото.

Но, истото писмо повторно по сугестија на Обвинителството не е приложено до нив, а со тоа и до судот, иако ДХЛ веднаш објави дека пратката е примена, за што подолу презентирам доказ од нивната електронска објава која може и да се провери дека конечно доставата е реализирана -посочува во својот статус Груевски.

Бидејќи до денес никаде не ја слушнал дека писмото е доставено до судот, ја објавува содржината.

За потсетување на оние кои следат, но подзаборавиле, Тања Стојановска е сопственик на два помали стана кои ги имам изнајмено а за кои таа тврди дека нејзиниот шеф Александар Ивановски и рекол дека ги купил за мене, а самиот тој во изјавата во судот кажа дека тој мислел дека ги купува за мене, дека јас никогаш такво нешто не сум побарал од него, туку дека така му рекло трето лице, кое пак во судот негираше дека имало такво нешто. Додатно истиот кажа дека едниот стан го купил со негови пари и никогаш никој не му дал пари, со што станот, исто како и земјиштето од околу 2700 мкв се и денес негови, а за вториот стан од 40-тина метри квадратни кажа дека од некаде дошле пари ама не наведува ни од каде, ни од кого, ни како, ни никаков елементарен детал, за да може тоа судот да го провери, а одбраната да го побие. Сепак на прашања на адвокати истото лице во судот одговори дека јас никогаш ниту сум побарал да ми купи стан ниту сум му дал пари за стан. Во една таква ситуација судот е под притисок да донесе осудителна пресуда и да ги запленува двата помали стана на Александар Ивановски кои со потпишан договор за закуп ги изнајмив, а кои се водат на име на Тања Стојановска - негова секретарка, без ниту еден материјален или било каков доказ прикажувајќи ги како мои станови. При проверките на уплатите на фирмата што го купила земјиштето утврдено е дека во таа фирма не се внесува и пари во готовина и дека не сам јас или лице поврзано со мене не уплатиле таму пари, туку и никој од Македонија не уплатил пари на фирмата која го купила земјиштето. Сопственичката на еден од становите кој го продала под притисок кажа дека го продала станот на некои луѓе на Груевски (неименувани), за подоцна во истата изјава да каже дека всушност не знае дали тоа биле мои луѓе ниту пак се сеќава кои биле тие луѓе и додава дека мене лично никогаш не ми го понудила станот ниту до неговата продажба воопшто ме имала сретнато и уште попрецизно дека воопшто ме немала запознаено до тој момент - коментира Груевски.

—————————————————————————
17.01.2022 година
За г-ѓа Татјана Стојановска,
На 1ви февруари 2021 години преку ДХЛ Ви испратив писмо, кое според евиденцијата од ДХЛ сте го примиле на 8ми февруари. Товарен број на испратената пратка е 2369843593.

Во писмото, како што знаете (бидејки според евиденцијата на ДХЛ сте го примиле ова писмо), Ве потсетив дека со вас имам потпишано два договора за закуп на два стана на улица ***************** во Скопје и тоа становите под број ** кој се води на име на фирма во Ваша сопственост и каде Вие сте управител (ДГИ ИТК Инжињеринг груп) и број ** кој се води на Ваше лично име, првиот со површина од 67 мкв а вториот со површина од 46мкв. Исто така во тоа писмо Ве потсетив дека едниот договор е потпишан на 03.Септември 2018 година а вториот на 14.Септември 2018 година, и двата договори се потпишани за закуп во период од пет години и постои клаузула со која поради вложените инвестиции во двата стана, висината на инвестицијата се одбива од месечната кирија во период предвиден со тој договор.

Со обзир дека веќе беше истекол периодот во кој се одбиваше месечната закупнина на закупените станови од вложените средства во инвестицијата во двата стана, согласно тој договор требаше да продолжам со редовно месечно плаќање на закупнината, согласно двата договори. Заради таа цел, во тоа писмо Ве замолив да ме известите на кои банкарски сметки да Ви бидат плаќани месечните закупнини. Со обзир на моето отсуство од дравата, Ве замолив известувањето да го испратите на мојата лична е маил адреса ***************** . Како алтернатива посочив дека известувањето можете да го пратите писмено или лично на мојата сопруга Боркица Груевска на адреса *****************Скопје, 1000, или на нејзината е маил адреса ***************** .

За жал во изминатите месеци не доставивте такво известување заради што бев оневозможен редовно да ја плаќам закупнината на двата стана согласно утврдените услови во договорот потпишан од моја и од Ваша страна.

Од овие причини, со ова писмо уште еднаш Ве молам на истите горе споменати адреси, а примарно на мојата лична е маил адреса посочена погоре, да ја доставите информацијата за Вашата банкарска сметка, со цел исполнување на моите договорни обврски.

Од медиумите дознав дека во Вашето сведочење во судот наводно имате изјавено дека овие два станови, како и едно земјиште на Водно со површина околу 2.700 метри квадрарни, иако на име на Вашата фирма, односно на Ваше име, не биле Ваши и дека лицето Александар Ивановски побарало да тој ги купи на Ваше име, односно на име на од Вас регистрирана фирма, со негови пари, и дека тогаш наводно Ве информирал дека биле наменети за мене, односно дека во иднина јас сум требало да станам нивен сопственик.

Доколку не е точно дека вака сте изјавиле, Ве молам да не го земете во вид тоа што подолу ќе го наведам, а се однесува на тоа што прочитав дека сте изјавиле.

Но ако така сте изјавиле, а и со оглед дека не сретнав од Ваша страна деманд на напишаното за вашата изјава, Ве информирам дека јас никогаш со никого, вклучувајки го и лицето Александар Ивановски не сум разговарал за такво нешто. Не е точно и преставува лага и невистина тоа кое наводно сте го изнеле во судот а Ви го кажал како информација лицето Александар Ивановски.

Не навлегувам во Вашите меѓусебни односи, ниту пак во неговите мотиви по кои се водел за да Ви каже такво нешто, инаку како што дознав тој е Ваш работодавач и во време кога становите и земјиштето се купени од Вас и Вашата фирма, каде Вие сте управител, не го ни познавав лицето Александар Ивановски, а ниту Вас Ве познавав. Но, со оглед дека помеѓу нас, за едниот стан Вие, а за другиот стан Вашата фирма како закуподавачи и јас како закупувач, е склучен меѓусебен договор за закуп, како што Ви е познато јас сум должен, но и Вие имате обврска да ми овозможите да вршам исплата на закупнина за да се остваруваат не само обврските, но и правата од закупот.

Со обзир дека Вие не ме известивте за бараните податоци во моето прво писмо до Вас од 01 фебруари 2021 година, примено од ваша страна на 08 фебруари 2021 година, со ова мое второ обраќање до Вас, по втор пат барам да ме известите за Вашата и банкарската сметка на Вашата фирма, за да ги исполнам стасаните и следни мои обврски по закупот.

Во спротивно, доколку во рок од 15 дена не ме известите на погоре наведените адреси, ќе сметам дека немате воља за понатамошно продолжување на договорот за закуп и Ве замолувам да ми овозможите разумен отказен рок за предавање на двата стана во Ваш посед.
Во ваков случај молам писмено да ме известите на истите горни адреси, кога и на кое лице да биде извршено примопредавање на становите, испразнети од луѓе и ствари со сите припадоци извршени според договорот за закуп.
Со почит,
Никола Груевски

The post Груевски: Македонија е држава на народот, а не на мал број политичари appeared first on Република.

Рускиот бизнисмен Сергеј Самсоненко денеска во Кривичниот суд се појави како сведок на одбраната на Орце Камчев за предметот „Плацевите на Водно”. Самсоненко сведочеше дека плацот на Водно, кој според обвинението е во сопственост на екс-премиерот Никола Груевски, е всушност негов и дека не му е јасно зошто не може да го користи, односно таму да си изгради куќа.

„Лајф кеар центар” е моја фирма, која е купена на име на жената, по моја наредба, значи на мојата фамилија е. Во сопственост нема ништо, освен плац од 10.000 квадрати, отприлика, купен во 2019 година. Барав голем плац за да изградам куќа за мојата фамилија. Не можев да најдам бидејќи барав над 5.000 квадрати. Орце Камчев ми го предложи овој плац како една од варијантите. Јас разгледував и го одбрав. Договорот беше да го исплатам за три години и го исплатив и пред време. Платив 110 милиони денари, рече Самсоненко, кој додаде дека со тие пари безгрижно би живеел 10 до 15 години.

Тој рече не му е јасно зошто има блокада на неговиот плац.

Нема уште пат до плацот, кој треба да го направи општината, што ми смета. Има блокада, а не ми е јасно зошто. Од тоа трпам штета, и го замолувам судот да ми објасни зошто. Кога го купив, проверив, се беше чисто. Сега пак не можам ни да градам, ни да го продадам. Да го разгледате тоа мое барање, побара бизнисменот Самсоненко.

The post Самсоненко сведочеше за плацот на Водно: Го купив од Камчев за 110 милиони денари, да ми објасни судот зошто не можам да градам appeared first on Република.

На 18 март 2022 година, жителите на „Питу Гули“, улицата која се наоѓа веднаш под озлогласените „Плацеви на Водно“ - во моментов предмет на судски процес, поднесоа барање за поништување на Одобрението за градење издадено на Маркеза ДООЕЛ од страна на претходниот градоначалник на Општина Центар, Саша Богдановиќ.

Нивното соопштение, во кое се сумирани аргументите кои ги содржи барањето за поништување на горенаведеното Одобрение, ви го пренесуваме во целост:

Пресек на главни откритија

•  Одобрениe за градба е дадено за еден спрат повеќе од дозволеното, замаскирано во „галерија”.
•  Парцелата на која е дадено одобрение за изградба нема пристап до јавен пат, што значи дека не е изведена и не е можно по легален пат да се изведе никаква инфраструктура. Единствен начин за да се добие пристап е да се изгради нова улица на ридот која не е во Програма за уредување на градежно земјиште за 2022 година.
•  Според проектната документација не се работи за објект со намена А0 -домување со посебен режим или подетално „луксузно домување на едно семејство” туку за многу поголем објект од можни категории А3-заедничко домување (дом за стари лица) или А4-времено домување (мотел, преноќувалиште) па дури и за хотел (Б5).

Ова е видно од бројките кои се предвидени во проектната документација:

• 20 паркинг места на две нивоа,
•  лифт со големина за 6 лица,
• 20 посебни собни единици,
• 30 купатилски умивалници,
• 30 огледала и етажерки над и под секој умивалник,
• 30 моноблок шолји,
• 30 батерии за умивалниците,
• 21 туш батерии за топла и ладна вода,
• 26 ЕК вентили за машини за алишта и садови,
• 13 ЕК вентили за кујнска батерија,
• 13 бојлери

Според проектот за архитектура во објектот се предвидени 10 спални соби и 7 купатила, а според проектната документација се предвидени 20 спални соби и 30 купатила. Општината не направила проблем за ова несовпаѓање според кое јасно се гледа дека објектот нема да биде семејна куќа туку ќе биде или мотел, преноќувалиште, дом или хотел.

На 18 март 2022 година, жителите на Питу Гули, улицата која се наоѓа веднаш под озлогласените „Плацеви на Водно“ - во моментов предмет на судски процес, поднесоа барање за поништување на Одобрението за градење издадено на Маркеза ДООЕЛ од страна на претходниот градоначалник на Општина Центар, Саша Богдановиќ (решение УП1 бр. 27-341/2020 од 07.04.2021 година).

Во прилог, ќе ги најдете сумирани аргументите кои ги содржи барањето за поништување на горенаведеното Одобрение.

Одобрението е издадено спротивно на Деталниот урбанистички план за овој дел. Согласно со Извод од план за градежна парцела бр 10.75 - тука, дозволената максимална катност е П + 1 + Пк. Планираната градба во основниот проект врз основа на кој е издадено одобрението за градење - предвидува еден спрат повеќе од дозволеното - кое Инвеститорот се обидел да го замаскира со поимот „галерија“, инаку термин кој е непостоечки во Законот за градење. Спратот додаден како „галерија“ има функционална висина (2,65 м), додадена над висината од 3,35 м на приземјето. Општината направила превид и така приземјето станало спрат со висина од 6 м. Со наводната „галерија“, Општината на Инвеститорот му дозволила да добие уште еден спрат од градбата, што е спротивно на параметрите утврдени со ДУП-от.

Општината доделила Одобрение за градба, без да овозможи пристап до истата, што е спротивно на член 94 од Законот за градежно земјиште. Во фактичката состојба не постои пристап до самата парцела. Во моментов, ДУП-от предвидува „Улица 5“ како пристап до парцелата, но таа во реалноста не постои, а не постоела ниту во моментот на извадање на Одобрението во прашање. Општината ја нема предвидено изведбата на оваа улица во својата Програма за уредување на градежно земјиште за 2022 година.

Дополнително на горенаведеното, не е јасно како на Инвеститорот ќе му се овозможи поставување на водоводна, фекална и атмосферска канализација и друга инсталација со приклучоци до градежната парцела. Според Решението за хидротехнички услови дадено во постапката за издавање на Одобрение на ул. Питу Гули постои само водоводна мрежа, а треба да се изведе фекална и атмосферска мрежа. Нејасно е каде се предвидува да се приклучи објектот на Инвеститорот на фекална и атмосферска канализација, знаејќи дека водовод нема примено дека на ул. Питу Гули постои фекална и атмосферска канализација.

Согласно постоечката хидротехничка инфраструктура, кога Инвеститорот би започнал со градба, за да користи градежна вода би му била потребна изведба од 22 м водоводна мрежа, која не е јасно ниту кога, ниту на кој начин има намера да ја изведе - со оглед на тоа дека за да ја изведе треба да направи ископ на постоечката улица, а за тоа му е потребно посебно одобрение од Општината.

Најинтересно во проектната документација е дека произлегува дека одобрението е издадено за градба која СУШТИНСКИ има друга намена од таа за која е издадено одобрението, а која намена Инвеститорот се обидел да ја скрие. Проектната документација покажува објект или за заедничко домување (А3) или за времено домување (А4), па дури можеби и за хотел (Б5). Во секој случај не покажува објект со намена А0-домување со посебен режим. Ова се гледа од предвиденото во проектната документација, како на пример: 20 паркинг места на две нивоа, лифт со големина за 6 лица, 20 посебни собни единици, 30 купатилски умивалници, 30 огледала и етажерки над и под секој умивалник, 30 моноблок шолји, 30 батерии за умивалниците, 21 туш батерии за топла и ладна вода, 26 ЕК вентили за машини за алишта и садови, 13 ЕК вентили за кујнска батерија, 13 бојлери.

Општината не увидела дека постои целосно несовпаѓање на овие бројки со проектот за архитектура каде не е јасно на пример, каде ќе биде сместена оваа санитарија бидејќи истиот предвидел 10 спални (од кои манипулативно 8 ги нарекол детски) и предвидел 7 купатила (тоалети). Истото важи и за проектот за електрика кој не се совпаѓа со архитектонскиот.

Дополнително, со Одобрението за градење на Инвеститорот му се одобрува објект од втора категорија, со намена А0 - домување со посебен режим, која намена на градба, со влегување во сила на Правилникот за урбанистичко планирање, согласно член 77 од истиот, повеќе не постои.

За крај, во Основниот проект приложен во докуменатацијата врз основа на кој е издадено Одобрението за градење содржи дополнителни бројни пропусти, недостатоци и грешки, во однос на пропишаните висини за спратовите, приодот за возилата и како тие ќе влегуваат во двоспратниот подземен паркинг, проектот кој е на ниво на идеен проект не ги отсликува сите проекти и сите фази, на ниту едно место во проектот не се внесени подни коти - ниту на пресеците ниту на основите, не се ставени скалите во изглед, а дадено е одобрение за фаза 1 - каде се очекува да се изградат скали до приземје, проектот за статика не
соодветстува со проектот архитектура.

Овие бројни пропусти се причини заради кои вообичаено стручните служби би вратиле проект.

Во моментов постојат нерешени прашања со соседните парцели кои дополнително ги отежнуваат прашањата околу ова Одобрение. Општината периодов, повеќекратно ги вознемири жителите на улицата, вршејќи притисок врз нив, веројатно со цел да надокнади за своите пропусти при доделувањето на ова Одобрение.

Инвеститорот бара начин како да си обезбеди пристап за да отпочне со градење преку поднесување на пријави до општината за непосредните соседи се со цел да си отвори пристап преку 50 години уредувани површини кои се единствена патека до ридот по кој треба да помине тешката механизација.

Општината веќе постапува согласно неговите барања и неколку пати на терен одат инспектори за да пронајдат пропуст во имотните листови на непосредните соседи.

Соседите кои живеат таму повеќе од 50 години се изложени на постојани притисоци и трошоци за изработка на елаборати за да ја докажат точноста на оградувањето на нивните парцели надевајќи се дека општината нема да пронајде слабост која инвестиротот би ја искористил за да добие пристап.

Забелешка и контекст:

На неколкуте одржани средби со граѓаните од Водно во општината, градоначалникот Герасимовски покажа голем интерес за да помогне да се реши овој проблем со урбанизација на ридот на спорните парцели. Тој изјави дека доколку успеат да се најдат правни механизми дека ќе направи сé за да се поништи првото и постоечкото одобрение за градба на ридот и да се спречат идните одобренија за градба.

Изјави на Герасимовски за 360° :

Зошто се дозволувале дозволи искрено? Не само за оваа, туку и за други дозволи за згради кои што се одобрувале во тој дел од Центар.

Бидејќи Водно е белите дробови на градот, лизгаво е земјиштето и јас барам правни механизми како тоа целосно да се сопре. Во делот на дозволи за градба, понатаму во тој дел бараме начини како да истото се стопира и да самата општина нема правни последици и финансиски последици. Истото сум горе- долу сигурен дека ќе го реализираме. Значи, бараме начини како да ги стопираме сите градби. И тоа да биде правно издржано и да нема последици врз општината. Јас се согласувам со жителите, затоа дополнително ќе направиме средба на која ќе поразговараме што понатаму и како ќе течат сите работи. Се наоѓаме во ситуација каде оставени ни се тешки предмети кои треба да ги решаваме. Спремен сум се што можеме да спасиме во делот на јавен интерес и јавно добро и да стопираме некоја градба да го реализираме тоа. Но, тоа да не биде голема последица врз општинскиот буџет и врз граѓаните.

За случајот досега пишуваа повеќе медиуми - особено откако во декември 2021 година соседите на улицата беа разбудени од незаконската сеча на дрвја.

Бројните стручни мислења и проценки на градежници и архитекти, тврдат дека помала е штетата за Општината кога би ја оспорила својата одлука за издавање на ова одобрение, отколку да ја изгради Пристапна улица бр. 5 предвидена во ДУП. Секој од експертите кои го посетија теренот утврдија дека стрмноста на теренот од 70% и недостатокот на инфраструктурни решенија можат да бидат фатални за жителите. Крајот на слепата улица Питу Гули 2 е ширинка која веќе 60 години е единствен паркинг простор за резидентите, што била и нејзината единствена намена.

Експертите од Шумарскиот факултет изготвија елаборат во кој оваа шума во која се наоѓа парцелата со добиено одобрение (и која ќе им отвори пат на останатите) е засадена како дел од големата акција за пошумување која започнала во далечната 1928 година. Целта на пошумувањето била биолошка стабилизација на почвата и заштита од ерозија и поплави. Уште поважен е фактот дека оваа шума, како и целата планина Водно, е првото законски прогласено ерозивно подрачје во државата. Сите климатски сценарија, продолжува елаборатот, укажуваат дека во иднина ќе има сè почести и поинтензивни поројни врнежи, кои дополнително го оправдуваат стравот од свлечишта, ерозии и поплави. Инвеститорот веќе успеа да заработи казна за недозволено сечење на дел од шумата.

Во непосредна близина се наоѓа и Претседателската резиденција. На целиот рид движењето е ограничено токму поради безбедносни причини, па се провлекува прашањето - како е дозволена измената во овој дел на Водно, без да се земат предвид овие МНОГУБРОЈНИ аргументи?

The post Граѓаните на „Питу Гули“ во шок, што се крие зад издаденото Одобрение за градба? appeared first on Република.

Сведоците Емил Димитриев, Ирена Мишева, Борче Георгиевски и Лазо Малијански, предложени од одбраната во случајот „Плацови на Водно“ беа сослушани денеска во Основниот Кривичен суд – Скопје.

Поранешниот претседател на Владата на Република Македонија, Емил Димитриев, рече дека не забележал нерегуларности во економското работење на ВМРО-ДПМНЕ во периодот кога извршувал функција генерален секретар на партијата.

Во тој период кога ја извршував функцијата генерален секретар немам забележано никакви нерегуларности во однос на работењето на политичката партија. Не можам да кажам дека имало забелешки кои би имале некоја правна последица - посочи тој.

Тој се согласи со прашањето дека Никола Груевски никогаш не побарал од него да земе пари на рака од некоја донација, или дека има слушнато од некое трето лице истото да го побара. Исто како и за прашањето во врска со тоа дали Груевски интервенирал преку него, како генерален секретар, и преку други, за некаква интервенција во Генералниот урбанистички план на Скопје.

Сведокот Борче Георгиевски, поранешен советник на Град Скопје, рече дека расправата на Град Скопје при носење на ГУП-от е процедура која апсолутно се води според деловникот.

Процедура која апсолутно се води спрема деловникот, преку комисиите, во една нормална демократска дискусија, меѓутоа, колку што можам да се сетам дека немаше апсолутно, дури мислам дека имаше голем број на гласови кои што се донесоа на тој совет во однос на прифаќање на ГУП-от, посочи тој, при што дополни дека немал никаков притисок при изгласување на истиот.

Ирена Мишева, своевремено претседател на Совет на Град Скопје, сподели дека подготовка на ГУП-от е започната некаде 2005-2006 година.

Тогаш се случи нова територијална поделба на РМ, и согласно тоа, ГУП-от требаше да претрпи одредени измени, постапката е започната во 2005-2006 година, бидејќи се работи за многу обемен документ во кој се вклучени многу институции, трае многу долго и овој ГУП финишираше со неговото донесување во 2012 година и согласно законот се донесе во две фази, прво нацрт фазата, потоа одлуката за ГУП на Град Скопје - појасни таа.

На прашање како течела расправата на Советот на Град Скопје при донесувањето на ГУП-от, таа сподели дека советот броел 45 членови.

Од она што се сеќавам и пред малку и напоменав, Советот на Град Скопје брои 45 членови, јас точно можам да ви кажам во мандатите, кои, колку, имало советници на ВМРО-ДПМНЕ. Она што можам да го кажам дека тој совет беше многу шаренолик совет од многу политички партии - рече таа.

Мишева, исто така, се согласи дека никогаш не ѝ била дадена наредба како да гласа при носење на тој ГУП, дали лично или преку некое трето лице.

Никогаш, ама баш никогаш, Никола Груевски ми се нема јавено ниту за едно прашање, за една тематика, под целосна граѓанска, кривична, материјална одговорност отфрлам какво било толкување дека некој ми се јавил, особено господинот Никола Груевски- рече таа.

На Прашање од претседателот на Советот, дали кога го гледале и кога работеле на ГУП-ит не ги интересирале и не знаеле кои се сопственици на одредени парцели на Град Скопје, таа истакна дека како советници, немаат увид во ДУП-овите, туку тие се во надлежност на матичните општини.

На денешното рочиште сведочеше и сведокот Лазо Малијански, геодетски инженер кој го образложи неговиот ангажман за изработка на геодетски елаборат за конкретната парцела за која рече дека смета дека се запазени сите законски постапки, а за понатамошното како е тој искористен, нема податоци.

Јас го разгледав овој геодетски елаборат. Истиот е изготвен согласно позитивните законски прописи, барател за геодетскиот елаборат била фирмата „Life Care“ и се однесувало за барање за физичка делба во реален дел на земјиште. Најчесто физичка делба во реални делби се бара кога се има потреба да се склучуваат договори за купопродажба или за поклони. Наназад, за такви физички делби во реални делови служеле тапиите, потоа скици од претходна постапка кои служеле за договарање. А откако е воведена геодетската пракса служат геодетите - посочи тој.

За да може да се изработи геодетски елаборат за физичка делба, како што рече, има предуслови, а тоа се, земјиштето да не е земјоделско, или ако е земјоделско да е поголемо од 20 илјади километри квадратни. Друг услов е земјиштето да е градежно и со намена за индивидуално, стабилно живеење.

Во овој случај, исто така, не е побарано да се изврши поделба на градежна парцела бидејќи градежна парцела и не може да се дели, односно, градежната парцела може да се дели само со измени на ДУП или со нов ДУП - рече Малијански.

Дел од предложените сведоци на одбраната не беа присутни на денешната расправа со што нивното сослушување се одложи за следното насрочено рочиште на 23 февруари.

The post Сведоци во „Плацови на Водно“: Груевски никогаш не побарал да земат пари на рака од некоја донација appeared first on Република.

Поранешниот генерален секретар на Владата, Кирил Божиновски, во својство на сведок во случајот „Плацеви на Водно“, денеска изјави дека до обвинетиот Никола Груевски, никогаш не доставил пари, ниту пак било такво нешто побарано од него. Божиновски одговарајќи на прашање на адвокатите посочи дека никогаш Груевски не му рекол дека купил некакво земјиште на Водно, ниту пак за станови. Со експремиерот се гледал повремено заради службените обврски но вакви разговори немал.

Од страна на бранителот на Груевски, поставен по службена должност, сведокот Божиновски беше прашан и за тоа дали има сеф во неговата канцеларија во Владата.

– Во Владата немаше сеф. Во канцеларијата во новата зграда на ВМРО-ДПМНЕ многу ретко сум влегол, може да се бројат на прсти. Состаноците во главно ги одржувавме во Владата. Не можам да се сетам дали имало сефови во старата зграда на ВМРО-ДПМНЕ. Во мојата канцеларија имаше две сефа, од кои едниот нефункционален, рече сведокот Божиновски.

Двата сефа биле наседени од претходното раководство на партијата, за вториот немал шифра но никогаш не го користел. Тој нагласи дека пари во готовина не чувале во партијата, ниту во сефови, ниту пак надвор од нив. Не потврди ни дека Груевски имал сеф во неговата канцеларија.

На прашањето поврзано околу изјавата на Владимир Чинговски дадена во судот минатиот месец, Кирил Божиновски појасни дека во времето кога во август 2011 година тој станал генерален секретар на ВМРО-ДПМНЕ, истовремено Чинговски бил разрешен од член на ИК на партијата и немал никакви партиски задолжувања, па оттука тој никогаш не му носел никакви коверти или документи на Кирил Божиновски во својство на генрален секретар на партијата, ниту пак постоел таков разговор меѓу нив двајцата за каков говореше Чинговски неодамна. Со Чинговски имале комуникација во однос на работата и но никогаш од него не добил финансиски средства. Како генерален секретар на владата од Чинговски често добивал службени дописи и пратки адресирани до Владата, но секогаш тие ги примале и проследувале задолжените лица во кабинетот на генералниот секретар. Исклучок биле согласно закон класифицираните достави кои.Божиновски ги доставувал до соодветните служби до владата за прибирање класифицирани информации. Со ова и со одговорот на директното прашање на судијата, тој во целост ја негираше изјавата на Чинговски дека му доставувал писма и коверти од чија содржина Божиновски во два наврати искажал незадоволство од содржината.

На прашање на адвокат Кирил Божиновски потврди дека во тој период додека бил генерален секретар, ревизорските извештаи на партијата не утврдиле неправилности во финасиското работење.

Пред Кирил Божиновски, на денешното рочиште за „Плацови на Водно“, како сведок на одбраната се појави и градежен инженер – вештак, која кажа дека пренамената на спорните парцели од земјоделско во градежно земјиште, заедно со други, се случила по автоматизам кога бил прифатен и изгласан Деталниот урбанистички план (ДУП) од Општина Центар.

Следното рочиште за овој предмет е закажено за 28 јануари. Случајот го води судијата Илија Трпков, а застапник на обвинението е обвинителката Лиле Стефанова.ч

The post Поранешниот генсек на владата и на ВМРО-ДПМНЕ, Божиновски: На Груевски ниту сум му дал, ниту ми дал пари! За земјишта и станови никогаш не разговарал appeared first on Република.

Уште еднаш фатени “живи” како местат судски случај како дел од политичкиот прогон на власта. Тоа што во Македонија се прави од обвинителството и судството кои сè уште продолжуваат да работат по инструкциите дадени од власта на Заев и од него лично, го нема ни во Африка.
Кратко, јасно и со доказ еве ги фактите, пишува на Фејсбук поранешниот македонски премиер Никола Груевски.

Во т.н. предмет “Плацеви Водно” како сведок на обвинителството се појави Тања Стојановска, која раскажа дека по барање на нејзиниот шеф Александар Ивановски во јавноста познат по прекарoт “Алек Теранова” купила два помали стана кои години подоцна јас ги изнајмив и идејата на обвинителството е преку изнудени изјави на гореспоменатиот уценет бизнисмен и неговата секретарка да докажуваат дека становите биле мои, иако немаат никаков материјален доказ (ниту е можно да имаат), а и самиот Ивановски во неговата изјава во судот кажува дека никогаш за оваа тема не разговарал со мене туку дека трето лице му рекло да ги купи становите за мене (иако самиот А. Ивановски кажал во судот дека не ме познавал лично тогаш), а пак тоа трето лице во судот го негира истото.
Алексансар Ивановски становите ги купил на име на неговата секретарка Татјана Стојановска која, исто така, беше сведок и кажа дека се што знае за ова е што и раскажал нејзиниот шеф и според тоа на крајот сепак призна дека само претпоставува дека становите се мои.
Но под притисок на власта преку обвинителството, а на прашање во судот истата сокри дека има примено писмо по ДХЛ од мене во својство на закупопримач на тие станови, чија содржина ја објавив на фб на 10 декември 2021 година, кое писмо преку ДХЛ е пратено од мене на 01.02.2021 година, а примено е на 08.01.2021 година. Ако сака судот, обвинителството и адвокатот назначен од судот по службена должност веднаш може да го проверат истото во ДХЛ во Скопје и ќе се види дека сведокот не ја говорел вистината и преќутел битен факт.
Неодамна, во понеделникот на 17.01.2022 година, во истото својство испратив ново писмо исто така по ДХЛ на истата личност, сопственичка на становите и сведок на обвинителството Тања Стојновска.
Веројатно поучена од обвинителството кое работи по инструкција на власта, истата вчера во 15:13 часот одбила да ја прими пратката со образложение дека содржината не била нарачана од неа. Така има објавено ДХЛ.
Значи ОДБИЛА да прими писмо испратено од мене со кого има потпишан договор за закуп на два стана (46м.кв. и 67м.кв).
Во ред. Делумно разбирам. Обвинителството и стои над глава, а особено на нејзиниот работодавач и шеф, па ги следи нивните инструкции, бидејќи ова е политички мотивиран случај каде обвинителството има задача по секоја цена да ме гони и да бидам осуден.
Доколку сакаат не само да се запознаат со содржината на писмото туку и да се уверат, а особено судот, како постапил сведокот, дали треба да му се верува на таков сведок, односно под каков притисок се наоѓа, обвинителството, судот и адвокатот назначен по службена должност можат веднаш уште денес, додека пратката е сè уште таму, да ги превземат сите законски чекори и привремено со судски налог да го запленат писмото кое од вчера 20.01.2022 год. е вратено во ДХЛ Македонија.
Ако некој не верува дека сведоците на обвинителството се притиснати да кријат докази кои на обвинителството не му одговараат, слободно нека напишат на интернет “DHL Macedonia”, потоа нека кликнат на “Tracking”, и нека го впишат tracking code: 5177084065. Сè ќе им излезе и сè ќе им стане јасно.
За оние кои не им се прави ова, подолу фотографија од истото.
Исто така и фотографија од потврдата од DHL Hungary издадена во моментот кога ја испратив пратката со писмото, каде се гледа “tracking code” на која потврда од разбирливи причини ги покрив адресите, телефоните и е-mail адресата, пишува Груевски на Фејсбук.

The post Груевски: Уште еднаш фатени „живи” како местат судски случај како дел од политичкиот прогон на власта appeared first on Република.