Српскиот патријарх Порфириј на Бадник отслужи света литургија во манастирот Грачаница на Косово.

По литургијата, во Домот на културата во Грачаница, патријархот Порфириј им подели стипендии на средношколци и студенти од Косово и Метохија.

Патријархот Порфириј ќе го прослави Божиќ со српското население на Косово и Метохија, во Пеќската патријаршија.

The post Српскиот патријарх Порфириј служеше Бадникова литургија во манастирот Грачаница на Косово appeared first on Република.

Најдобриот тенисер на светот, Новак Ѓоковиќ, приреди крштевка за своите две деца Тара (6) и Стефан (9) во манастирот Острог во Црна Гора. Со тоа, српскиот тенисер ја продолжи тардицијата да ја избира Црна Гора за место каде што ќе ги одбележи најважните моменти од семејниот живот.

Новак се венча со сопругата Јелена во Свети Стефан, а сега ги крсти децата малку посеверно. Крштевањето го изврши српскиот патријарх Порфириј.

 

View this post on Instagram

 

A post shared by Banjaluka.net (@banjaluka_net)

Децата беа облечени во бело за време на церемонијата, а Новак разговараше со патријархот Порфириј пред самата церемонија, пишува Мондо.рс.

Новак многупати има зборувано за тоа колку му значи верата, а последен пат детално зборуваше за тоа кога го освои УС Опен. Тогаш рече дека во најтешките моменти и во животот и во тенисот бара поддршка од Бога.

The post Ѓоковиќ правеше крштевка на децата во манстирот Острог, службата ја држеше патријархот Порфириј appeared first on Република.

Српскиот патријарх Иринеј на денешната литургија со Архиепископот Стефан потсети дека последен пат српски патријарх служел  во храмот Света Софија во Охрид пред точно 100 години,

– Да не се случи веќе толку време да чекаме. Нашите врати се секогаш отворени за вас, а верувам и вашите за нас. Да сослужуваме насекаде во светот, онаму каде што има наш православен народ. Ви благодарам на можноста да служам денеска во овој храм. Македонскиот народ нека биде благословен – рече патријархот.

The post Српскиот патријарх Порфириј: Нека биде благословен македонскиот народ appeared first on Република.

Српската православна црква соопшти дека властите во Приштина му забраниле на патријархот на СПЦ Порфириј да дојде во Пеќската патријаршија во пресрет на Божик, јавува Н1. Српскиот патријарх со чудење ја примил веста дека пред големиот празник Рождество Христово што го празнува целиот христијански свет нема да пристигне во Патријаршијата во Пеќ.

Со оценка дека станува збор за „крајно дискриминаторска одлука“, патријархот ги повика властите во Приштина „да престанат да ги газат човековите права и верските слободи на православните Срби ко

Патријархот Порфирије не се откажува од намерата да служи божествена служба во Пеќската патријаршија и очекува оваа крајно дискриминаторска одлука да биде поништена, соопшти неговиот кабинет.

Патријархот додаде дека „се моли на Бога за мир и добра волја меѓу сите луѓе“ и дека „особено се моли да завладее мир меѓу Србите и Албанците на Косово и Метохија, каде што живеат заедно со векови“.

The post На Порфириј не му дозволуваат да одржи божиќна служба на Косово appeared first on Република.

На црковниот празник Покров на Пресвета Богородица, патријархот на СПЦ Порфириј денска беше устоличен на тронот на пеќките архиепископи и српските патријарси во Пеќката патријаршија, древното седиште на поглаварите на Српската православна црква (СПЦ). На светата литургија солужуваа и преставници од другите помесни православни цркви, меѓу кои и од Македонската православна црква-Охридска архиепископија, јави дописникот на МИА од Белград.

Патријархот Порфириј непосредно по изборот, на почетокот на минатата година, беше устоличен во соборната црква во Белград, кога ги доби правата и должностите што му припаѓаат како поглавар на СПЦ.

Обичај е тој да биде устоличен и во Пеќката патријаршија, древното седиште на поглаварите на СПЦ, но тоа беше одложено, како што соопштија од СПЦ, поради епидемиолошките мерки на Косово.

Денеска, епископот црногорско-приморски Јоаникије му ја предаде на патријархот Порфириј панагијата, а претходно зворничко-тузланскиот епископ Фотије, член на Синодот на СПЦ, ја прочита грамотата за устоличувањето на патријархот Порфириј.

Претходно, со патријархот Порфириј литургија служеа повеќе епископи на СПЦ, како и на други православни цркви, по што е објавен свечениот чин на устоличувањето на Порфириј на тронот на архиепископите пеќки и патријарсите срспки.

Од МПЦ-ОА на литургијата сослужуваше митрополитот преспанско-пелагониски Петар.

Патријархот Порфириј по официјалното устоличување рече дека неговата програма е „мир и само мир, а пред се со првите соседи, мирот како единствена можност за опстанок и на нашите и на нивните деца“.

-Ги повикувам сите верници од ова место да се помолат за сите луѓе, за сите браќа и сестри, сите сонародници и оние со кои живееме, а пред се за нашите браќа Албанци, заедно да градиме мир, како што изградија српските и албанските семејства, кои и во добро и лошо ја чуваа Пеќската патријаршија и Високи ДечанÐ ¸, рече патријархот Порфириј.

Порфириј е 46-ти српски патријарх, а 57-ми поглавар на Српската црква, бидејќи претходно тие биле архиепископи, почнувајќи од првиот архиепископ Свети Сава

The post Патријархот на СПЦ Порфириј устоличен во Пеќката патријаршија, на литургијата сослужуваше и владиката на МПЦ-ОА Петар appeared first on Република.

Црногорскиот премиер Дритан Абазовиќ и српскиот патријарх Порфириј, во Подгорица го потпишаа Темелниот договор со кој се регулира функционирањето на СПЦ во Црна Гора.

На потпишувањето на договорот присуствуваа и црногорскиот министер за правда, Марко Ковач и митрополитот црногорско-приморски на СПЦ, Јоаникије.

https://twitter.com/DritanAbazovic/status/1554752808230027267?cxt=HHwWhoC8gaLcy5MrAAAA

Владата на Црна Гора и Српската православна црква претходно официјално не го објавија доаѓањето на патријархот Порфириj во Подгорица, а точниот датум на потпишување на договорот не беше јавно соопштен.

РТС јави дека за време на потпишувањето на договорот, пред вилата „Горица“ во главниот град на Црна Гора протестирала помала група граѓани, а полицијата ги блокирала приодите до вилата.

Потпишувањето на Темелниот договор подолго време беше одложувано, а прашањето предизвикуваше и политички и општествени несогласувања во Црна Гора.

Црногорскиот претседател Мило Ѓукановиќ пред неколку дена се закани дека ако биде потпишан договорот со СПЦ, ќе ја повлече поддршката што неговата партија ДПС досега и ја даваше на малцинската Влада на премиерот Абазовиќ, што би довело до нејзино паѓање.

The post Црна Гора го потпиша Темелниот договор со СПЦ appeared first on Република.

Во манастирот Рождество на Пресвета Богородица – Калишта денеска во 18.00 часот ќе пристигне делегација на СПЦ предводена од Неговата Светост Српскиот Патријарх г.г. Порфириј, во чија чест ќе биде отслужена и Доксологија (Славословие), информира Дебарско – кичевската епархија.

г.г. Порфириј, ќе го посети Храмот Св. Богородица – Перивлепта, Галеријата на икони како и другите цркви и културно историски споменици во Охрид и Манастирот Св.Наум Охридски, се наведува во соопштението.

The post Српскиот патријарх Порфириј денеска во Охрид appeared first on Република.

Српскиот патријарх Порфириј денеска му врачи акт на поглаварот на Македонската православна црква – Охридска архиепископија, г.г Стефан, со кој се потврдува одлуката на СПЦ, која беше објавена на 24 мај по сослужувањето на заедничка литургија во Соборниот храм во Скопје, со која СПЦ ја одобри и упати благослов за автокефалноста на МПЦ – ОА, ставајќи крај на 55-годишниот спор меѓу двете цркви.

-Денеска по благодата Божја имаме прилика да го овенчаме тоа што веќе постои меѓу нас, а тоа е единството, кое во еден период беше нарушено, но е воспоставено во духот на Црквата, а тоа е Македонската црква – Охридската архиепископоија дека има не само услови потребни да се организира во контекст на автокефална црква и дека тоа е најдобар можен начин и метод за животот на нашите православи браќа и сестри во Македонија. Затоа она што веќе го реализиравме преку служењето на литургија во Скопје, денеска чувствуваме и јавно пред сите да го објавиме документот, кој се нарекува томос, изјави Порфириј по денешната литургија во Белград.

Српскиот патријарх по литургијата во Скопје на 24 мај најави дека Светиот собор на СПЦ му дал должност на Синодот, во соработка со архиепископот Стефан и неговиот Синод, да разработат техничко-организациски детали, по што ќе следи свеченото прогласување на официјалниот акт, што се случи денеска.

На денешната архиерејска литургија во Белград во Соборниот храм на Свети Архангел Михаил служеа српскиот патријарх Порфириј и архиепископот на МПЦ –ОА г.г. Стефан, јави дописникот на МИА од Белград.

Со патријархот Порфириј, освен г.г. Стефан сослужуваа и митрополитите Преспанско-пелагониски Петар, Дебарско-кичевски Тимотеј, Повардарски Агатангел, Европски Пимен, Кумановско-осоговски Григориј, Високопреосветените епископи Зворничко-Тузлански Фотиј, Крушевачкиот Давид, Ремезијанскиот Стефан, Топличкиот Јеротеј, Западноевропскиот епископ Јустин и епископот јегарски архимандрит Нектариј.

Присуствуваат и Високопреосветениот митрополит тетовско-гостиварски г. Јосиф, Преосветениот епископ Хераклејски Климент, Неговото Високопреосвештенство Епископот бачки г. Иринеј, Неговото Високопреосвештенство епископот марчански г. Сава и Неговото Високопреосвештенство, пензионираниот епископ канадски г. Георгиј.

На заседанието на Светиот архиерејски синод на СПЦ во мај беше донесена едногласна одлука за прифаќање на автокефалноста на МПЦ. За таа одлука гласаа сите 42 епископи на СПЦ.

По заедничката литургија на МПЦ и СПЦ во Скопје, патријархот Порфириј ја соопшти одлуката на Соборот, кој „едногласно и еднодушно излезе во пресрет на барањата на Македонската православна црква – Охридска архиепископија“ и ја прифати нејзината автокефалност.

Патријархот потоа рече дека по „заедничкото извршување на техничките и организационите детали ќе бидат информирани сите други православни цркви кои ќе бидат поканети според својот канонски ред и поредок го прифатат автокефалниот статус на МПЦ-ОА “.

Со овој чин на СПЦ се отвори и процесот за стекнување на Томос за автокефалност, кој двете сестрински цркви очекуваат да биде доделен од страна на вселенскиот патријарх Вартоломеј.

Вселенскиот патријарх на 9 мај 2022 година објави одлука за враќање на нашата Црква во канонско единство со останатите православни цркви. Познато е дека вселенскиот патријарх Вартоломеј уште во февруари 2022 година испрати писмо до СПЦ со апел да го реши процесот со МПЦ-ОА.

Г. г. Стефан на заедничка литургија со патријархот Порфириј во Соборниот храм во Скопје обзнани дека Вселенската патријаршија ја прифатила молбата на МПЦ-ОА за сослужение што ќе се одржи во храмот во Фанар на роденденот Црквата, на празникот Педесетница (12 јуни).
Посетата на делегација на МПЦ-ОА во Белград повторно се случува без информирање на јавноста. А од литургијата неме официјален пренос.

The post Патријархот Порфириј му го предаде томосот на архиепископот на МПЦ г.г. Стефан appeared first on Република.

Претседателот Стево Пендаровски оствари телефонски разговор со поглаварот на Српската православна црква, патријархот г. г. Порфириј, по повод донесената одлука од соборот на Српската православна црква за прифаќање на автокефалноста на Македонската православна црква – Охридска архиепископија.

Во разговорот, претседателот Пендаровски, како што соопшти неговиот кабинет, му се заблагодари на патријархот за одлуката, оценувајќи ја како можност за градење нови релации меѓу македонската и српската православна црква и надминување на горчливите теми од минатото.

-Во разговорот, претседателот Пендаровски изрази надеж дека целиот процес на признавање на автокефалноста на Македонската православна црква – Охридска Архепископија ќе заврши со скоро потпишување на Томосот од Вселенскиот Патријарх г.г. Вартоломеј, што ќе придонесе за исполнување на еден од нашите национални интереси и за напредок и помирување во македонското општество. се наведува во соопштението.

https://republika.mk/vesti/balkan/koj-e-srpskiot-patrijarh-porfirije-gi-pomiri-srbite-so-makedoncite-sledni-na-red-se-hrvatite/

The post Пендаровски се слушна со српскиот патријарх и му честиташе на одлуката за автокефалност appeared first on Република.

Попладнево неговото блаженство архиепископот Охридски и Македонски г.г. Стефан го прими српскиот патријарх г.г. Порфириј со свештеничката придружба во неговата резиденција во Скопје. На средбата покрај споменатите архиепископи присуствуваше и високопреосветениот митрополит Дебарско-кичевски г. Тимотеј.

Претходно на аеродромот во Скопје патријархот г.г. Порфириј и свештенството, кое го сочинуваат неговото високопреосвештенство митрополитот црногорски и цриморски Јоаникије и неговото високопреосвештенство епископите сремскиот Василиј, бачкиот Иринеј, зворничко-тузланскиот Фотиј, крушевачкиот Давид, ремезискиот Стефан и Јеротеј, ги пречека митрополитот преспанско-пелагониски г. Петар, неговото високопреосвештенство епископот г. Климент и амбасадорката на Република Србија во Македонија, Невена Јовановиќ.

Утре во Соборниот храм „Свети Климент Охридски“ во Скопје со почеток во 9 часот со заедничката Божествена литургија ќе чиноначалствуваат поглаварите на Македонската православна црква – Охридска Архиепископија г.г. Стефан и на Српската православна црква г.г. Порфириј.

На оваа посета на поглаварот на СПЦ Порфириј ѝ претходеше заедничката архијерејска литургија на помирување што се одржа на 19 мај во соборниот храм „Свети Сава“ во Белград, а со која чиноначалствуваа патријархот Порфириј и архиепископот Охридски и Македонски г.г. Стефан. Со литургијата беше потврдено надминувањето на 55-годишниот раскол меѓу СПЦ и МПЦ-ОА и возобновувањето на канонското и евхаристиското општење.

Претходно денес во Белград заврши редовниот мајски Собор на Српската православна црква, на кој на МПЦ-ОА и беше потврден статусот на најширока можна автономија, односно целосна внатрешна независност, доделен во 1959 година, по што беше одржана заедничка литургија на владици на СПЦ и МПЦ-ОА, со што се воспостави литургиско и канонско општење на двете сестрински цркви.

The post Српскиот патријарх Порфириј пристигна во Скопје, го пречекаа г.г. Стефан и владиците appeared first on Република.

Во посета на Македонската православна црква (МПЦ) – Охридска Архиепископија денеска и утре ќе престојува делегација на Српската православна црква (СПЦ), предводена од неговата светост, српскиот Патријарх г. г. Порфириј.

Утре, со почеток од 9 часот, во Соборниот храм „Св. Климент Охридски“ во Скопје, неговата светост српскиот патријарх г. г. Порфириј и неговото блаженство архиепископот Охридски и Македонски г. г. Стефан, заедно со архијереи од двете сестрински цркви, ќе служат Божествена литургија, најави МПЦ-ОА упатувајќи покана до верниците да земат молитвено учество.

На заедничката архијерејска литургија на помирување што се одржа на 19-ти месецов во соборниот храм „Свети Сава“ во Белград, а со која чиноначалствуваа патријархот Порфириј и архиепископот Охридски и Македонски г.г.Стефан, беше потврдено надминувањето на 55-годишниот раскол меѓу СПЦ и МПЦ-ОА и возобновувањето на канонското и евхаристиското општење.

Вселенската патријаршија на 9-ти месецов ја призна канонската природа на Македонската православна црква – Охридската архиепископија, со што по 55 години му се даде можност на македонското свештенство да има заеднички богослужби со другите православни цркви. Таа одлука не значи томос за автокефалност со кој официјално се регулира меѓународното име и статус на црквата, туку е „израз на татковската љубов и грижа на Вселенската патријаршија“ и најава дека МПЦ повеќе не е во раскол со целиот православен свет и оти македонските свештеници можат да служат со свештениците од другите православни цркви.

Синодот на СПЦ, пак, на 16  месецов соопшти дека го прифаќа статусот на најширока можна автономија на Македонската црква, односно целосна внатрешна независност, која и беше доделена уште во 1959 година. Највисокиот црковен орган на српската црква соопшти дека во дијалогот за иден и евентуален конечен канонски статус, СПЦ ќе се води исклучиво од еклисиолошко-канонските и црковно-пасторалните принципи, стандарди и норми.

Спорот меѓу двете сестрински цркви почна откако на 17 јули 1967 година, Светиот синод на МПЦ во Охрид, го свика Третиот црковно-народен собор и на свечената седница во охридската црква „Св. Климент“ ја прогласи Македонската православна црква за автокефална.лв/мд/

The post Делегација на СПЦ преводена од патријархот Порфириј во посета на МПЦ-ОА appeared first on Република.

Во соборниот храм „Свети Сава“ во Белград денеска српскиот патријарх Порфириј и архиепископот охридски и македонски Стефан ќе служат архиерејска литургија за воспоставување на „литургиско и канонско општење на двете сетрински цркви“, однсно литургија на помирувањето, јави дописникот на МИА од Белград.

Вчера Синодот на МПЦ-ОА ја прифати поканата на СПЦ за одржување литургија на помирување.

– Ја прифативме поканата од српскиот патријарх, односно Соборот на Српската православна црква за да се воспостави евхаристичко единство со сиот православен свет со оваа архиерејска литургија што ќе се отслужи во Соборниот храм посветен на „Свети Сава“, изјави вчера портпаролот на МПЦ, владиката Тимотеј.

Литургијата ќе почне денеска во девет часот, а ќе ја одржат српскиот патријархот Порфириј со владиците од СПЦ и архиепископот охридски и македонски Стефан и тројца митрополити во ранг на најстарите, во придружба на неколку нивни соработници.

Во врска со денешното одржување на заедничката литургија, митрополитот дебарско-кичевски Тимотеј по седницата на Соборот на МПЦ-ОА вчера изјави дека со ова се воспоставува единство не само со СПЦ, туку и со останатите православни цркви, што, според него, е еден чекор до очекуваното конечно постигнувањето на посакуваната цел – автокефалност на МПЦ.

Тој потенцираше дека до крајот на месецов очекуваат сите православни цркви да го прифатат канонското единство со МПЦ-ОА и да биде потпишан томосот од цариградскиот и српскиот патријарх.

– Сето ова што се случува е чекор напред. Ние баравме автокефалност, изјави митрополитот Тимотеј, додавајќи дека дека архиепископот охридски и македонски г.г. Стефан му испратил писмо на вселенскиот патријарх Вартоломеј во кое му се заблагодарува за неговиот чекор и ја потврдува поканата дека на Педесетница ќе патува во Цариград.

Српскиот патријарх Порфириј вчера по средбата на епископите на СПЦ со претседателот на Србија, Александар Вучиќ, зборувајќи за одлуката на Соборот на СПЦ за односите со МПЦ-ОА, изјави дека „со браќата од  Македонија имавме раскол, тие се вратија во единство и тоа го гледаме како чудо“.

– Ние како СПЦ имавме 50 години раскол со браќата од Македонија, со браќата за кои можеме да кажеме дека ни се најблиски. Даде Господ, пред се со молитви, па и со жртвата која ја поднесе архиепископот Јован (Вранишковски) и другите во Охридската архиепископија, со молитвите и на оние кои се членови на Македонската православна црква, да дојдеме до она што е желба и на едните и на другите и да воспоставиме единство. Да се вратат браќата од Македонија во единство со нас, па и со сите други православни цркви, рече српскиот патријарх.

На одржување на денешната литургија на двете цркви и претходеше завчерашната одлука на Соборот на СПЦ во која се наведува дека се „поздравува прифаќањето на општо признатиот канонски статус на најширока можна автономија, односно целосна внатрешна независност на МПЦ, доделен во 1959 година“. Со ова, според српски извори е „решен спорот што датира од 1967 година кога Македонска православна црква се одвои од СПЦ“.

Како што соопштија српските медиуми, со чинот на заедничка литургија ќе се воспостави литургиско и канонско единство на двете цркви, што симболично ќе означи заживување на одлуката на Светиот архиерејски синод на СПЦ, донесена во понеделник на 16 мај.

Српските медиуми нагласуваат дека според „црковните кругови, иако Соборот на СПЦ ја донесе најважната одлука, нејзиното конкретизирање ќе продолжи во директни разговори меѓу Белград и Скопје за многу правни и црковни административни прашања важни за функционирањето на идната автономија на МПЦ и Охридската архиепископија, но дека првиот чекор е направен и сите останати ќе продолжат по одржување на Соборот на СПЦ“.

Со ваквата одлука, МПЦ-ОА повеќе не е „расколничка црква“, но всушност и се признава само статусот на „автономна црква на СПЦ“, без гаранции дека некогаш ќе добие автокефалност, имајќи предвид дека за тоа, според Соборот на СПЦ, ќе биде потребен „општ православен консензус“, предупредуваат експертите во македонските медиуми.

The post Порфириј и г.г. Стефан со заедничка литургија во Белград appeared first on Република.

Српскиот патријарх Порфириј објави инсерти од пречекот на македонската црковна делегација предводена од г.г. Стефан во Белград.

Како што ѕвонат ѕвоната на Светосавскиот храм, така и нашите срца бијат од радост поради овој благословен ден. Добредојдовте, мили браќа! Добредојде брате архиепископе Стефане и владико. Добредојдовте во заедницата на љубов, вие и сиот ваш благољубв народ. Браќа сме и само браќа, напиша Порфириј.

Македонската православна црква – Охридска архиепископија (МПЦ-ОА) ја прифати поканата на Српската православна црква (СПЦ) за одржување на литургија на помирување утре во храмот „Свети Сава“ во Белград.

„Ја прифативме поканата од српскиот патријарх, односно Соборот на Српската православна црква за да се воспостави евхаристичко единство со сиот православен свет, се разбира со оваа архиерејска литургија што ќе се отслужи утре во Соборниот храм посветен на „Свети Сава“, изјави денеска портпаролчот на МПЦ, владиката Тимотеј.

Литургијата ќе почне утре во девет часот, а српскиот патријархот Порфириј, како што наведуваат, српските медиуми, го повикал верниот народ во што е можно поголем број да присуствува на архиерејската литургија.

https://republika.mk/vesti/makedonija/mpc-oa-ja-prifati-pokanata-na-spc-liturgijata-na-pomiruvanje-kje-se-odrzi-vo-hramot-sveti-sava-vo-belgrad/

Литургијата за помирување доаѓа откако Соборот на СПЦ пред два дена соопшти дека за Македонската православна црква го прифаќа статусот на најширока можна автономија односно целосна внатрешна независност, кој ѝ бил доделен уште во 1959 година.

Ставот на српската црква дојде по одлуката од 9 мај на Вселенската патријаршија за признавање на црковната јерархија на Охридската архиепископија предводена од архиепископот Стефан за канонска и валидна во сеправославниот свет. Тогаш во соопштението Вселенската патријаршија наведе и дека се остава на најсветата црква на Србија да ги уреди управните прашања што ги има помеѓу неа и црквата во Македонија, во рамките на светоканонскиот чин и црковното предание.

The post Добредојдовте, мили браќа, порача Порфириј: Со камбани пречекан г.г. Стефан во Белград appeared first on Република.

СПЦ се обидува да живее во духот на мирот со сите православни цркви, иако тука има несогласувања и кавги, но тоа се минливи работи, изјави денеска српскиот патријарх Порфириј во врска со одлуката на Соборот на СПЦ за прогласување на канонско единство со Македонската православна црква – Охридска архиепископија.

– Ние како СПЦ имавме 50 години раскол со браќата од Македонија, со браќата за кои можеме да кажеме дека ни се најблиски. Даде господ, пред се со молитви, па и со жртвата која ја поднесе архиепископот Јован (Вранишковски) и другите во Охридската архиепископија и со молитвите и на оние кои се членови на Македонската православна црква, да дојдеме до она што е желба и на едните и на другите и да воспоставиме единство. Да се вратат браќата од Македонија во единство со нас, па и со сите други православни цркви, изјави патријархот Порфириј по средбата на епископи на СПЦ со претседателот на Србија, Александар Вучиќ.

Како што јави дописникот на МИА од Белград, Порфириј изјави дека овие настани ги доживува како чудо и како интервенција од Бога.

– За тоа сме му благодарни на Бога. Црквата секогаш ќе биде отворена за секаква соработка на се што е добро и е благодет за сите, додаде српскиот патријарх.

The post За српскиот патријарх е чудо што браќата од Македонија се вратија во единство со СПЦ appeared first on Република.

Состојбата на раскол, не е природна и одржлива и затоа од се срце сакаме да се најде решение со братски, стрплив дијалог. Уверен сум дека единствениот правилен пат по кој треба да се оди за да се добие трајно решение на овој проблем, е патот од Скопје до Белград, или од Белград до Скопје, како и да е, изјави српскиот патријарх Порфирије во врска со догогодишниот спор меѓу СПЦ и МПЦ-ОА и настојувањата прашањето да се реши преку Вселенската патријаршија.

Во божиќното интервју за „Политика“, Порфирије оценува дека никој друг од страна не може да има поголемо разбирање за проблемот, како што наведува, „од нас самите кои со векови на овие широки балкански простори заедно се вградувавме во Црквата Христова, без никакви меѓусебни недоразбирања“.

За упатеноста прашањата да се решаваат меѓу Белград и Скопје, според него, „е дефинирано и со томосот со кој цариградскиот патријарх во 1922 година потврдил дека епархиите во денешна  Македонија припаѓаат на Српската патријаршија“.

– Секој разговор што може да создаде минимум можности за воспоставување на нарушеното единство на Црквата е благословен и ме радува, бидејќи тоа е уште една рана што ме боли мене и секој свештеник, епископ на Српската црква, па и многу верници. Секој раскол е рана на телото Христово, на Црквата. Во ова време кога стана пожелно да се оддалечат луѓето едни од други, кога на тоа за жал, му претходеше и дистанцирање меѓу помесните православни цркви, сегашните настојувања на ерархијата кој пребива надвор од единството ги гледам како знак на совест, знак на спознавање дека состојбата на раскол за нив не природна и одржлива. А ние овде во Пеќката патријаршија, српски владици, не само што не се откажуваме, туку со целосна одговорност за верниот народ во Македонија, чија побожност, љубов кон Црквата Христова им е позната на сите, сакаме нарушено единство повторно да се воспостави, вели поглаварот на СПЦ.

Посочува дека Светиот архиерејски синод на СПЦ на последната седница, „имајќи ги предвид различните можности што ги даваат светите канони и принципите на црковната икономија, одлучи повторно да ги повика епископите кои се одвоија од Пеќката патријаршија заедно со братски, стрплив дијалог да се најде благословено решение“. Тој изразува задоволство и од тоа што автономната од СПЦ, ПОА придонесувала „за согледување на начелата и можностите на црковната икономија за решавање на проблемот со расколите во овие епархии“.

– Лично, јас сум убеден дека тие кои ја прекинаа комуникацијата во 1967 година, не го направија тоа сами по свој разум. Но сега имаме можност и целосна слобода по свој разум да направиме се за сите да можеме да пристапуваме до заедничката чаша. Ако навистина тоа е нашата цел, тогаш натписот на етикетата не може да биде почетна премиса за разговори, туку цел што треба да биде плод на молитвата кон Бога, Свети Сава и Светиот крал Милутин, Светите Климент и Наум, Свети Георги Кратовац и сите наши свети предци кои со својата вера, градењето на Телото Христово на земјата и мачеништвото станаа наши животни топоси. Молитвата кон овие светци ќе ни покаже благословени решенија за сите сложени прашања кои се дел од решението, но ние, владиците на Пеќката патријаршија, од се срце сакаме да се реши ова прашање, изјави српскиот патријарех Порфирије, кој според денеска објавеното соопштение од прес-службата на СПЦ е позитивен на коронавирусот и наредните денови ќе ги помине на домашно лекување.

Повик за возобновување на дијалот со МПЦ, пред неколку дена упати и епископот бачки Иринеј, кој е духовен отец и еден од најблиските сoработници на патријархот Порфириј.

Пораките од Белград доаѓаат по неодамнешниот прием на епископот антаниски и игумен на Бигорскиот манастир г. Партениј во придружба на монаси и монахињи кај вселенскиот патријарх Вартоломеј, што од претставници на Фанар беше оценето како голем чекор на Вселенската патријаршија за решавање на црковното прашање и признавање на МПЦ-ОА.

СПЦ е во повеќедецениски спор со МПЦ-ОА, оспорувајќи ја нејзината афтокефалност. Разговорите што повремено се водат не доведоа до позитивен исход, поради што МПЦ-ОА за решавање на својот статус се обрати до Фанар и вселенскиот патријарх Вартоломеј. 

The post Српскиот патријарх за спорот меѓу МПЦ и СПЦ: Oд се срце сакаме да се најде решение со братски, стрплив дијалог appeared first on Република.