Јавното претпријатие за државни патишта преку Програмата за одржување и заштита на државните патишта склучена со ЈП за одржување на магистралните и регионалните патишта инвестира во обнова и рехабилитација на повеќе патни правци во државава.

Во согласност со Програмата започнати се градежните активности на регионалниот патен правец Р1206 на делницата Тетово-Мала Речица-Пирок.

Рехабилитацијата ја вршат екипите на ЈП за одржување на магистралните и регионалните патишта. Издвоената вредност за рехабилитација е 40.000.000 денари, информираат од претпријатието.

The post Започна рехабилитација на патниот правец на потегот Тетово-Мала Речица-Пирок appeared first on Република.

Сообраќајот на државните патишта се одвива тековно во зимски услови, по влажни коловози. Врнежи од снег со послаб интензитет се бележат на Попова Шапка, но во моментов не преставуваат пречка за одвивање на сообраќајот, информираат од ЈП Македонијапат.

Сите патни правци во државата се проодни, а на одредени патни правци кои поминуват низ клисури и усеци можна е појава на поситни одрони.

ЈП Македонијапат апелира на внимателно управување со возилата, почитување на поставената сообраќајна сигнализација,како и прилагодување на брзината спрема условите на патот.

The post Внимателно по патиштата, има снег appeared first on Република.

Од рано утрината се чистат сите патишта во селата во Поткожувјето и сите патишта се проодни. За ова попладнево информираше Гоце Ангеловски, директор во кавадаречкото Јавно претпријатие „Комуналец".

-Ќе се чисти со два камиона и во попладневните часови, ќе се интервенира со сол и ризла во планинските села, додека низ градот исто така во попладневните часеви ќе се фрла сол, поради ниските температури што се очекуваат вечерва и во наредните денови. ЈП „Комуналец" е спремно да се справи со снегот и ниските температури. Дежурните служби во соработка со Општина Кавадарци се во постојана комуникација како со останите институции од градот, така и со самото население, околу тоа каде има потреба од интервенции, појасни Ангеловски за МИА.

Тој додаде дека ќе има интервенција со сол на патните правци кон селата Страгово, Крњево, Бохула, Чемерско, Бошава, Конопиште, Михајлово, Мрежичко, Рожден, Мајден, Бојанчиште, Куманичево, Драгожел, Гарниково, како и кон сите низински села, секаде каде што ќе има потреба.

Од кабинетот на градоначалникот Митко Јанчев, исто така, известија дека зимската служба на ЈП „Комуналец" Кавадарци од рано утринава е на терен, работи на расчистување на патот кон Михајлово со ризла и посолување, поради обилните врнежи од снег.

- Исто така се чистат и патните правци до сите села, како и патните правци во градското подрачје, соопштија од кабинетот на Јанчев.

The post Расчистени и проодни патиштата во селата во Поткожувје, Кавадаречко appeared first on Република.

Амандмани од опозицијата за обезбедување финансии од новиот државн буџет за изградба и обнова на локални патишта, обиколници и автопати, беа во фокусот на попладневната дебата во собраниската Комисија за финансирање и буџет во рамки на амандманската расправа за Предлог буџетот за 2024 година.

Опозициските пратеници посочија дека има многу патишта кои, како што истакнаа, се небезбедни, и порачаа дека се потребни итни реконструкции.

Пратеникот од ВМРО-ДПМНЕ Мирче Аџиоски оцени дека власта во изминатиот период немала реализација на капитални инвестиции.

-Имате слаба релаизација на капиталните инвестиции, а од друга страна три години по ред буџетскиот дефицит за оваа година го правдате исто како и претходната година дека имате златно правило во кое капиталните расходи ви биле повисоки од буџетскиот дефицит за при првиот ребаланс да видиме кратење на овие капитални инвестиции, рече Аџиоски.

Додаде дека задолжувањето се зголемувало постојано и растело, истакнувајќи дека иако државава е презадолжена донесени се нови закони за задолжување.

Пратениците на ВМРО-ДПМНЕ, исто така предложија амандман кој се однесуваше на патниот правец Битола – Демир Хисар –Кичево, обвинувајќи дека е небезбеден.

Пратеничката на СДСМ Марија Кочовска, реагираше дека на тој патен правец изминатиот период имало реализација.

– За разлика од предлагачите кои имаа 10 години да направат нешто за овој пат, сега има рализација. Имаме рехабилитација на патниот правец и во 2020 има реализација во должина од 12 километри, дополнително во следниот период се очекуваат активности на останатиот дел од патниот правец, посочи Кочовска.

Во реплика пратеникот од ВМРО-ДПМНЕ Антонијо Милошоски оцени дека патот се наоѓа во „очајна состојба“.

-Реалноста на терен го демантира ова, кој не верува може денес или утре да се упати од Битола во правец на Кичево и ќе се увери дека патот е во очајна состојба. Жално е што за овој патен правец Владата не сака да оддели четири милиони евра за да биде реконструиран кога Владата веќе плати 200 милиони евра на Бехтел и Енка за 0 километри автопат, рече Милошоски.

Од опозицијата помеѓу другото беше предложен и амандман за распределба на средства во висина од 200 милиони денари за започнување на изградба на експресен пат од Струмица до границата со Бугарија.

-Низ оваа делница, се движат многу тешки возила и голем број превозни средства во некои моменти и над 13 илјади возила во еден ден, истакна пратеникот од ВМРО-ДПМНЕ Дајанчо Ефтимов.

Претниците од СДСМ посочија дека изминатиот период имало реалзизација на многу локални проекти преку кои се вложувало и во патната инфраструктура во населените места.

Амандманската расправа во Комисијата за финансирање и буџет продолжува со работа утре.

The post Амандманска расправа за буџетот за 2024: Опозицијата бара финансии за обнова на патишта appeared first on Република.

Сообраќајот на државните патишта се одвива непречено, по претежно суви коловози.

Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post Претежно суви коловози на патиштата appeared first on Република.

Сообраќајот на државните патишта се одвива непречено, по суви коловози.Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Почнувајќи од 08.4.2023 година, патниот правец Охрид – Ресен, преку националниот парк Галичица е отворен за сообраќај за возила со дозволена носивост до 3.5 тони.

РАБОТИ НА ПАТ:

ДТГ Жикол Доол извести дека од ден 10.5.2023 г. поради вршење на градежни активности на делницата Струмица – Дабиље, е поставен времен режим на сообраќај.

Од ден 08.5.2023 г. започнаа градежни активности на објект: Поставување на заштитна звучна ограда на автопатот А2, делница Скопје -Тетово, од страна на фирмата изведувач ДГПТУ Битем Дооел Скопје согласно склучениот договор помеѓу договорниот орган Јавно претпријатие за државни патишта и фирмата изведувач ДГПТУ Битем Дооел Скопје. На трасата на која се изведуваат градежните работи има времен режим на сообраќај.

Од ден 26.4.2023 г. започнаа градежни активности на Државен пат А1, во насока од Демир Капија кон Неготино, за што ќе се изврши промена на режимот на сообраќај со целосно затворање на автопатот на клучката Демир Капија, а сообраќајот е пренасочен на Регионалниот пат Р1102.

The post Еве на кои патишта треба да внимавате appeared first on Република.

Согласно Програмата за финансирање патна инфраструктура за проектот Коридор 8 и Коридор 10д за 2023 година, донесена на седница на Владата на Република Македонија одржана на 23 март годинава, како и по нејзиното објавување во Службен весник, извршен е првиот трансфер на сметката на Јавното претпријатие за државни патишта (ЈПДП) наменет за реализацијата на овој најголем инфраструктурен проект во историјата на државата. Исплатени се средства кон ЈПДП во висина од 7.254.000.000 денари или 117.000.000 евра.

Спред законските обврски од посебниот закон и потпишаниот Договор со изведувачот Конзорциумот Бехтел – Енка, како и согласно владината Програма, овие средства се наменети за мобилизација, екипирање со механизација, воспоставување кампови, лабораторија и други работи од страна на изведувачот на работите пред да се започне со градежни активности на трасите:

Делница 1 – автопат Тетово – Гостивар, со очекувана должина од околу 17,5 километри.
Делница 2 – автопат Гостивар – Букојчани, со очекувана должина од околу 30,3 километри.
Делница 3 – автопат Требениште – Струга – Ќафасан, со очекувана должина од околу 17,5 километри.
Делница 4 – автопат Прилеп – Битола, со очекувана должина од околу 39,3 километри.
Во следниот период, ќе се реализираат и подготвителните работи како што се снимањето на локации, подготовката на урбанистичките проекти, на основните проекти, чија цел е да започнат и постапките за експропријација и проектирање.

Како период за завршување на работите за сите четири делници е предвиден месец декември 2027 година. Односно, градежните работи на сите овие патни правци треба да завршат за период од 57 месеци.

Коридорите 8 и 10-д се најголемиот стратешки инфраструктурен проект од национален интерес за државата.

Во последните 32 години, во државата се изградени и пуштени во употреба 186 километри автопати или по 5,8 километри автопат годишно. Со овој Договор се предвидува да се изградат околу 110 километри автопатишта во следните 4,7 години или по 23 километри автопат годишно. Со нивната изградбата се отвораат нови 8.000 работни места, а проценката е дека ќе имаме раст на БДП за 2 % годишно во наредните 5 години.

Со изградбата на овие автопати, конечно, се завршува мрежата на патните европски коридори – 8 и 10-д низ Република Македонија.

Заради габаритот на целокупниот проект поврзан со изградбата на Коридорот 8 и Коридорот 10-д, но и во интерес на јавноста, ЈПДП за целото ова време беше максимално транспарентно и го стави на увид на јавноста секој сегмент од спроведување на законските обврски, протоколи и сите други неопходни процедури. Поддршката од пошироката јавност за овој историски проект е од исклучителна важност. Затоа, ЈПДП и понатаму детално, навремено и транспарентно ќе ја информира јавноста за сите фази и детали околу изградбата на најзначајниот инфраструктурен проект во нашата земја.

The post ЈПДП: Реализираме историски инфраструктурен проект, ја поврзуваме државата со регионот и Европа appeared first on Република.

The post Костовски: Задоволните лица на граѓаните се нашиот најголем мотив appeared first on Република.

Овие незавршени 5км кај Петровец исто така се дел од лагата на Ковачевски за 1.300км патишта, вели пратеникот Антонио Милошоски споделувајќи ја веста дека две години стои недореконструирана трасата од автопатот „Пријателство“ на излезот од Скопје.

Неодамна премиерот Димитар Ковачевски сподели видео со кое се пофали дека изградиле 1.300км нови патишта во последните 5 години.

https://republika.mk/vesti/ekonomija/kovachevski-veli-deka-izgradile-1-300-km-novi-patishta/

The post Овие незавршени 5км кај Петровец исто така се дел од лагата на Ковачевски за 1.300км патишта appeared first on Република.

Изградивме 1.300км нови патишта во последните 5 години, објави денеска премиерот Димитар Ковачевски.

Градиме квалитетна инфраструктура која на долг рок ќе придонесе кон нашиот економски развој и ќе овозможи подобар живот за сите.

Градиме патишта кон нашата европска иднина.
Нема недостижна цел!, порача тој.

Изградивме 1300км нови патишта во последните 5 години. Градиме квалитетна инфраструктура која на долг рок ќе придонесе кон нашиот економски развој и ќе овозможи подобар живот за сите.

Градиме патишта кон нашата европска иднина.
Нема недостижна цел! pic.twitter.com/NVsMEmFWHY

— Dimitar Kovachevski (@DKovachevski) January 22, 2023

The post Koвачевски вели дека изградиле 1.300 км нови патишта appeared first on Република.

Сообраќајот на државните патишта се одвива непречено по наместа влажни коловози.

Намалена видливост поради појава на магла до 50м. има на патните правци Битола – Прилеп, Охрид – Струга, Охрид – Ресен, Штип – Радовиш, Штип – Неготино и Тетово – Скопје, од 50 – 100м. на патните правци Кочани – Виница, Скопје – Куманово и клучка Хиподром – обиколница Скопје, од 100 – 150м. на патните правци Велес – Скопје, Скопје – Велес, Градско – Неготино и М.Брод – Кичево и до 100м. на планинскиот превој Плетвар.

Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и за излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post Возете внимателно, има густа магла по патиштата appeared first on Република.

Слаб снег провејува на Попова Шапка, а појава на магла има на Плетвар што ја намалува видливоста на 20 до 30 метри, информира АМСМ.

Сообраќајот на државните патишта се одвива непречено, по претежно суви коловози. Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

The post Еве каде паѓа снег: Внимавајте на овие патни правци има и густа магла и ништо не се гледа! appeared first on Република.

Потпишан е договор помеѓу Министерството за финансии и Светска банка со кој се обезбедуваат 37 милиони евра за Проектот за поврзување на локални патишта со кој ќе се реконструираат, надградат и рехабилитираат севкупно 450 километри локални патишта, во сите општини во државава.

Проектот денеска го потпишаа министерот за финансии Фатмир Бесими и директорот на Канцеларијата на Светска банка за Република Македонија и Косово, Масимилијано Паолучи, во присуство на министерот за транспорт и врски, Благој Бочварски. Вкупната вредност на Проектот изнесува 70 милиони евра.

Единиците на локалната самоуправа се властите кои се најблиску до граѓаните, кои играат значајна улога во уредувањето на секојдневното живеење преку јавните услуги кои ги обезбедуваат. Оттаму, инвестициите во општинската инфраструктура, значи инвестиција во подобрувањето на животот на граѓаните, но и во поттикнување на економскиот развој преку развојот на нивните микроекономии. Понатаму, во време кога светската економија се соочува со крупни предизвици и кога во сите економии економскиот раст успорува, од исклучително значење е спроведувањето на инвестициската агенда за поттикнување на економската активност во овие исклучително сложени услови. Инвестицијата во патишта е секогаш квалитетна инвестиција - потенцирал министерот Бесими.

Како што соопштија од Министерството за финансии, тој додал дека неделава е усвоен и Законот за финансирање на ЕЛС, каде се поставени реформите за унапредување на фискалната децентрализација.

Проектот, информирал министерот за транспорт Бочварски, се реализира согласно предвидената динамика. Досега, навел, се склучени договори за градежни работи на локални патишта во 46 општини.

Влезени сме во една поодмината фаза во реализација на овој проект и слободно можам да кажам дека бележиме добри резултати. Успеавме да ја подигнеме мобилноста и квалитетот на живеење на локално ниво во оние општини каде веќе се реализира овој проект. Би сакал да потенцирам дека до сега Министерството за транспорт и врски преку Единицата за имплементација на проекти распиша 4 јавни повици во кој се опфатени 46 општини со вкупно 94 улици и со вкупна инвестиција од преку 17 милион евра - подвлекол Бочварски.

Директорот на Канцеларијата на СБ, Паолучи, потенцирал дека нашата држава значително напредува во подобрувањето на националната патна инфраструктура и поврзаност, иако, сè уште постојат предизвиците што произлегуваат од реформите за управување и надградба на локалната патна мрежа, со цел развивање постабилен транспортен сектор низ земјата.

Преку Проектот за поврзување на локалните патишта, Светска банка дава поддршка за зајакнување на капацитетите на државата во управувањето со локалните патишта и подобрување на пристапот до работни места, услуги и пазари. Целта на Проектот е рехабилитација и надградба на локални патишта во должина од околу 450 километри – создавање подобри и побезбедни транспортни услови во 80 општини коишто се вклучени во Проектот. Меѓу корисниците на овој проект се и рурални општини со високо ниво на сиромаштија и оние што се бават со земјоделие, како и урбани општини и области со население со различна социо-економски позадина. Ова дополнително финансирање ќе ги надополни средствата од првичниот заем за Проектот за поврзување на локалните патишта – одобрен од Светска банка на 19 декември 2019 година – алоцирани како одговор на пандемијата на КОВИД -19 - посочил Паолучи.

Во моментот со средства од Светска банка се реализираат проекти во вредност од над половина милијарда евра во земјава во инфраструктура, образование и земјоделство.

The post Потпишан договор со Светска банка за 37 милиони евра инвестиции во локални патишта appeared first on Република.

Во време на најголема економска и енергетска криза по Втората светска војна, Владата на СДСМ со навремени мерки вредни 400 милиони евра успешно го амортизираше ценовниот шок, изјави на денешната прес-конференција на Мартин Костовски, пратеник на СДСМ.

Тој додаде дека капиталните инвестиции во инфраструктурата помагаат да се одржи економската стабилност, да се обезбеди повисока продуктивност и вработувања, но и да се намалат производните и транспортните трошоци за компаниите и граѓаните.

“Од 2017 година па досега, изградени или реконструирани се над 1.000 километри патишта во вкупна вредност од над една милијарда евра.Во периодов се инвестираат 135 милиони евра во изградба на експресни патишта низ целата држава.
Во тек е изградбата на експресниот пат Ранковце – Крива Паланка, со должина од 25 километри и вкупна вредност од 62,5 милиони евра. Веќе над 75% од оваа патна делница е завершена. Започната е обнова и на магистралниот пат Куманово – Страцин, вредна 12 милиони евrа и втората делница, која е веќе во завршна фаза и се очекува во скоро време да заверши”, избави Костовски.

Костовски наведе дека се гради низ целата држава, се инвестира во унапредување на патната инфраструктура која е важна за подобро поврзување и побезбеден сообраќај.

Во тек е втората фаза од изградбата на делницата Крупиште – Кочани, дел од експресниот пат Штип – Кочани а продолжуваат и активностите на автопатот кон Охрид.

Веќе е завршена е изградбата на експресниот пат Штип – Крупиште, како и патот од Штип до Радовиш, целосно е реконструирана делницата Пробиштип – Крупиште и Кочани – Пониква.

Планирани и во реализација се реконструкции на делници ширум државата, како патот Битола-Демир Хисар, Крушево-Демир Хисар, Другово-Демир Хисар, Кривогаштани–Крушево и Велес – Градско.

И во време на глобална економска криза реализираме капитални проекти во интерес на граѓаните и севкупниот напредок на државата, изјави Костовски.

The post Костовски: Во време на криза СДСМ инвестира во патната инфраструктура appeared first on Република.

На патниот правец А2 Свети Николе – Миладиновци на 10 километри пред Миладиновци, поради свлечиште и голем одрон, сообраќајот е пренасочен само на една коловозна лента во должина од 150 метри.

ОД АМСМ информираат дека на самото место е поставена соодветна сообраќајна сигнализација, а на учесниците во сообраќајот им препорачуваат внимателно возење.

Сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е умерен.

На граничните премини, од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Од 15.11.2021 година започна законската обврска за задолжително поседување на зимска опрема во возилата, без оглед на моменталната временска состојба. Оваа обврска ќе трае до 15.03.2022 година.

The post Сообраќајот се одвива непречено, по суви коловози appeared first on Република.