Околу стотина меѓународни музеи денеска во заедничко соопштение изразија длабока загриженост од постапките на климатските и екоактивистите, насочени кон оштетување на уметнички дела.

Активистите одговорни за тие напади во голема мера ја потценуваат чувствителноста на овие незаменливи дела, се вели во заедничката изјава на големите меѓународни музеи како „Прадо“ во Мадрид, „Лувр“ во Париз, „Гугенхајм“ во Њујорк итн. Тие се „длабоко шокирани од несовесното загрозување на тие дела во низата напади на активистите“ што имаат цел со тоа да го привлечат вниманието на јавноста кон глобалното затоплување.

Последниве недели, активисти за климата оштетија слика на Гоја во Мадрид, познатата графика „Кембелова супа“ на Енди Ворхол, изложена во Австралија, „Сончогледите“ на Ван Гог во Лондон, како и дело на Клод Моне во Потсдам, Германија.

Музеите се места каде што се воспоставува дијалог меѓу луѓето од различни делови на светот и затоа тие придонесуваат за општествена размена, велат 92-та потписници.

Сликите, за среќа, останаа неоштетени, но настанот со „Сончогледи“ предизвика мали оштетувања на рамката.

The post Светските музеи се загрижени по нападите на климатските активисти appeared first on Република.

Оштетени, искршени и откорнати клупи, расфрлени во зеленилото во парк Македонија, е сликата која утрово нашите екипи ја затекнаа во паркот, велат од ЈП „Паркови и зеленило“ - Скопје од каде остро го осудуваат овој вандализам.

За жал вакви глетки на уништена парковска опрема се сè почеста појава во градот.
Упатуваме осуда кон ваквото вандалско уништување на поставената урбана опрема низ зеленилото и апелираме истата да се чува како општо јавно добро за сите посетители, велат од претпријатието.

Осуда пристигна и од Град Скопје.

The post Откорнати и искршени клупите во паркот Македонија appeared first on Република.

Дваесетина возила со македонски регистарски таблички биле оштетени (искршени стакла, дупнати гуми, удрена каросерија...) во текот на изминативе два дена во Калитеа и Афитос, на првиот крак на полуостроивот Халкидики, Грција.

Оваа информација заедно со фотографиите е објавена и на фејсбук групата „Грција во живо“.

Ова е срамен чин на најобични будали, врз основа на кој цел еден народ ќе биде окарактеризиран како таков, коментираат на фејсбук групата.

Ако некој од вас е меѓу нив, веднаш појдете во полиција во Касандра, многумина веќе пријавиле и инсистирајте да ги погледнат камерите на целиот пат бидејќи тоа не се случило на едно место, туку на неколку локации, напиша еден од членовите на групата.

The post По Калитеа, оштетени македонски возила и во Афитос appeared first on Република.

Едно лице е приведено и со него се разговара за оштетените автомобили во катната гаража зад ТЦ „Буњаковец“. Командирот на ПС Центар, Игор Стаменковски ме информираше дека оштетени се 18 автомобили и истите имаат искршени прозорци и шофершајни.
Оваа случка ги вознемири Центарци и мене како градоначалник. Затоа праќам апел, граѓаните со повик до МВР на бројот 192 да ги пријавуваат сите сомнителни дејства во околината на нивните домови и живеалишта. Од институциите очекувам откривање на сторителите и нивно казнување воедно благодарам за нивната брза реакција, напиша на Фејсбук, градоначалникот на општина Центар, Горан Герасимовки.

The post Едно лице е приведено на разговор за оштетените автомобили во катната гаража зад ТЦ „Буњаковец“ appeared first on Република.

По немилиот настан кој утринава се случи во монтажната катна гаража зад ТЦ „Буњаковец“, градоначалникот на Општина Центар, Горан Герасимовски, разговараше со Игор Стаменковски, командир на ПСОН Центар.

„Сликите од утринава со искршени прозорци и шофершајбни во катната гаража кај трговскиот центар ‘Буњаковец’ навистина ги вознемири центарци. Разговарав и со командирот на ПСОН Центар, кој ме информираше дека оштетени се вкупно 18 возила и веќе има приведено едно лице, кое во моментов се наоѓа во полициска станица“, изјави градоначалникот Герасимовски.

Изминатиот период, Герасимовски заедно со општинските служби и припадници на Министерството за внатрешни работи оствари неколку средби со граѓани во повеќе центарски населби, на кои се разговараше и за воведување на тн. маалски позорникари, со цел зачувување на мирот и зголемување на степенот на безбедност во сите маала.

Градоначалникот Герасимовски и Општина Центар апелираат до граѓаните, доколку забележат сомнителни дејства во околината на нивните домови и живеалишта, истите да ги пријават до МВР со повик на бројот 192.

The post Герасимовски: МВР изврши увид во катната гаража кај ТЦ „Буњаковец“ – оштетени се вкупно 18 возила и приведено 1 лице appeared first on Република.