Еден од лидерите на Балканскиот нарко картел, литванскиот државјанин Вирџинијус Лабутис, за кого беше распишана црвена потерница, е уапсен на меѓународниот аеродром Ел Дорадо во Богота, јави црногорскиот портал Вијести.

Човекот идентификуван како одговорен за организирање пратки на кокаин од Латинска Америка до пристаништата во Ротердам во Холандија и Антверпен во Белгија, бил приведен во акција на Националната полиција на Колумбија, американската Агенција за борба против дрога (ДЕА) и агенти на Интерпол.

Тој се бара во повеќе од 195 земји во светот „за злосторства поврзани со трговија со дрога“ и е поврзан со опасниот балкански картел, изјави полковникот Гонзало Кордоба од колумбискиот Интерпол.

Според официјалните податоци, Лабутис е еден од водачите на ќелијата на балканскиот картел, основана во Јужна Америка.

Според информациите до кои дојде Вијести од извор од службата за безбедност, Лабутис бил задолжен за набавка на кокаин и организирање на пратки со наркотици скриени во контејнери со овошје, особено банани.

Дрогата што ја испраќал најмногу до пристаништата во Ротердам и Антверпен ја дистрибуирал во други европски и азиски земји.

Во последните неколку месеци во Јужна Америка беа уапсени некои од клучните луѓе на балканскиот картел. Пред да биде лишен од слобода Лабутис, на крајот на септември, Даџиберт Торес Росаријо, клучен играч во операциите за дрога на картелот, беше уапсен на меѓународниот аеродром Ел Дорадо во Богота. Тој со години беше главната врска за многу пратки кокаин испратени од Балканскиот картел од пристанишните терминали во Гвајакил до Пиринејскиот Полуостров. Шпанските власти го бараа Торес поради сомневање дека тој бил главниот контакт за испраќање на повеќе од 2,5 тони кокаин, кој бил испорачан од еквадорските пристаништа во контејнери со овошје до пристаништата во Шпанија помеѓу 2020 и 2022 година. Еден месец пред тоа, Адмир Тутај, по потекло од Албанија, исто така важна алка во нарко картелот од Балканот, беше уапсен на аеродромот Ернесто Кортисоз во Баранкила. Апсењето на Лабутис, додека тој најверојатно се подготвувал да испрати уште едно големо количество кокаин од Еквадор во Европа, им нанел многу значаен удар на криминалците од тој клан, изјави соговорник на Вијести од странска безбедносна служба.

Тој објасни дека Лабутис има разгранета мрежа на соработници во Латинска Америка, меѓу кои има и неколку Црногорци и државјани на земјите од поранешна Југославија.

Истиот соговорник рече дека истражните тимови успеале да откријат дека членовите на таа организација, за да избегнат гонење, комуницирале за криминални активности преку шифрирани апликации.

Лабутис пристигна во Колумбија од Доминиканската Република и имаше резервирано два лета - едниот до градот Меделин во Антиокија, а другиот до Гвајакил во Еквадор. Веруваме дека тоа биле базите од кои требало да обезбеди барем уште една пратка кокаин. Ова го покажуваат разузнавачките податоци, кои исто така велат дека кланот од Балканот во Колумбија одржува врски со дисидентските групи на поранешните герилци на Револуционерните вооружени сили на Колумбија (ФАРК) и други криминални групи поврзани со трговија со дрога. Кога станува збор за Лабутис, тој ќе биде депортиран во родната земја, која исто така го бара за шверц на дрога, вели соговорникот за Вијести.

Полковник Гонзало Кордоба, началник на колумбиската национална централна канцеларија на Интерпол, изјави дека операцијата во која е уапсен Лабутис била координирана меѓу доминиканските и колумбиските власти, Интерпол, американската ДЕА и колумбиската полиција за борба против наркотици.

Оваа акција ја ослабува криминалната структура на балканскиот картел на кој му припаѓа Лабутис, изјави Кордоба.

На почетокот на новиот милениум, балканскиот картел ја зацврсти својата позиција како еден од главните актери во трговијата со кокаин во Европа.

Оваа криминална група, составена главно од криминалци од територијата на поранешна Југославија и албанската мафија, во последната деценија успеала да воспостави контрола над приближно половина од кокаинот што влегувал на стариот континент.

Според разузнавачките податоци, тие имаат директни врски со производители на кокаин во Латинска Америка, а користат стратешки пристаништа во Шпанија, Холандија, Италија и Црна Гора за шверц на оваа дрога во Европа...

Покрај соработката со локални организирани криминални групи од Латинска Америка, балканскиот картел во својот криминален бизнис соработува со Холанѓаните, Швеѓаните, кинеските тријади, Израелците, Италијанците... Речиси со сите. Тоа им овозможило да основаат свои ќелии од двете страни на Атлантикот, изјави за „Вијести“ извор од странската безбедносна служба.

Истиот соговорник објасни дека корените на балканскиот картел датираат неколку децении наназад, а понекогаш се потпирале и на криминалните активности на кланот Америка.

Ја искористија политичката и економската нестабилност во земјите од поранешна Југославија, од која потекнуваат повеќето, и формираа мрежа за шверц на дрога во Европа, со криминални ќелии во Јужна Америка, вели истиот соговорник за црногорски Вијести.

The post Беше задолжен за кокаинот во бананите: Уапсен еден од лидерите на Балканскиот нарко картел appeared first on Република.

Мексиканските власти уапсиле шест членови на нарко-картел поврзани со убиства со мачета на најмалку осум лица во Канкун минатиот месец.

Обвинителите соопштија дека шестмина осомничени убиле пет лица со мачета и фрлиле уште три жртви во плиток гроб, пренесува „Фокс њуз“.

Мексиканската полиција запленила дрога од групата, вклучувајќи марихуана, кокаин и крек, како и две огнени оружја кои исклучиво ги користени војската, два мотоцикли наводно користени за транспорт на осакатените тела и два автомобили, вклучително и еден за кој бил пријавен дека е украден.

Мексиканските власти неодамна открија нарко-група која дрогата ја продавала преку лажна туристичка агенција, а минатата година беа затворени 23 аптеки во одморалиштата на карипскиот брег откако во истражен извештај беше предупредено дека аптеките продаваат лажни опијати на странци.

Надлежните веруваат дека бандата се занимавала и со изнуда, како и дека им помагала мрежа на такси возила и малолетници кои работеле како набљудувачи, јави „Си-би-ес њуз“, додавајќи дека покрај шестмината членови на нарко-бандата, уапсени биле и двајца малолетници.

Извор: МИА

Фото: Полиција на Мексико

The post Уапсени шестмина членови на нарко-картел во Мексико, со мачета убиле најмалку осум луѓе appeared first on Република.

Шест полицајци и агенти на обвинителството се убиени, а 12 други се ранети во координирана серија бомбашки напади покрај патишта во западно Мексико.

Официјалните лица тврдат дека станува збор за заседи поставена од нарко картел.

Гувернерот на државата Халиско, Енрике Алфаро, изјави дека стапицата во градот Тлајомулко била поставена кога анонимен јавувач известил за локацијата на наводните тајни гробишта. На терен веднаш биле испратени сили за да ја лоцираат спорната локација.

Додека полицискиот конвој минувал покрај местото на заседата, седум рачно поставени експлозивни направи, поставени на патот, експлодирале истовремено, пренесуваат британските медиуми.

Осмата направа не експлодирала.

Ова е брутален терористички напад, рече Алфаро на прес-конференција, обвинувајќи неименуван нарко картел.

The post Ги намамиле на измама, па активирале скриени бомби: Убиени шест, а ранети дузина полицајци во Мексико appeared first on Република.

Шест лица, меѓу кои и шестмесечно бебе, неговата мајка-тинејџерка и една постара жена, беа убиени вчера во земјоделска заедница во Централната долина во Северна Калифорнија во, како што рече локалниот шериф, најверојатно испланиран напад на нарко картел.

Масакрот се случил околу 3:30 часот изутрина по локално време во и околу резиденција во градот Гошен во округот Туларе во близина на Висалија, околу 380 километри југоисточно од Сан Франциско. Властите, како што пренесува ДПА, соопштија дека трагаат по двајца осомничени и дека убиствата веројатно се поврзани со налогот за претрес извршен минатата недела во една од домовите што резултираше со едно апсење и запленување пиштоли, марихуана и метамфетамин.

Мислам дека тоа е конкретно поврзано со картелот, изјави шерифот на округот Туларе, Мајк Будро за Лос Анџелес Тајмс.

Властите не ги објавија имињата или возраста на сите жртви, но рекоа дека се чини дека некои се членови на исто семејство.

The post Картел изрешетa семејство, млада мајка и бебе меѓу шестeмина убиени во Калифорнија appeared first on Република.

Един Гачанин - Тито (40), познат како прв човек на нарко картелот Тито и Дино, е уапсен во Дубаи, соопштија Европол и холандската полиција Неговиот прекар е нашироко познат на меѓународните истражители, но неговото име, лик и дело долго време се мистерија. Американската служба за борба против дрогата - ДЕА го сметаше Гачанин за еден од 50-те најголеми дилери на дрога во светот.

Пред ова апсење, криминалната група на Тито доби голем удар во септември кога во голема меѓународна акција, во која беа запленети дури 2,6 тони кокаин и беа уапсени 61 лице, американската ДЕА идентификуваше мистериозен нарко бос, извесен Тито, како главен водач на овој картел.

Според досегашните информации тој живее во Дубаи, но е поврзан со Колумбија, Перу и Боливија, од каде што набавува кокаин. Еден од неговите наводни соработници е Зоран Јакшиќ, лидерот на картелот Америка – објавија странските медиуми по големата акција.

https://republika.mk/vesti/balkan/misteriozniot-tito-e-shef-na-balkanskiot-klan-preku-nego-odi-tretina-od-kokainot-vo-evropa/

Американската ДЕА во 2019 година објави дека мистериозниот Тито е еден од најбараните нарко босови во Перу, но дека ниту ним не им се премногу познати деталите од неговиот живот.

Водачот на нарко мафијата е роден на Балканот, на возраст од четириесетина години, а неговиот карактер се уште е мистерија. Она што се знае е дека сите го викаат Тито. Апсењето на овој нарко бос е еден од приоритетите на ДЕА. Неговата моќ на светско ниво, според досегашните собрани информации од полицијата, ја надминува онаа на Ел Чапо, кој по апсењето во САД беше осуден на доживотен затвор, откри во тоа време, припадник на јужноамериканската специјална полициска единица.

https://republika.mk/vesti/balkan/nepoznati-raboti-za-tito-najgolemiot-mafijash-na-balkanot/

Тој го опиша балканскиот наркобос како „чудовиште кое не штеди пари за испорака на дрога на европскиот пазар“.

Тито пристигна во Перу пред десетина години и успеа да ја развие својата мрежа и свој нарко клан, кој испраќа дрога од Перу во Европа. Колку пари троши за транспорт говори фактот што кокаин со исклучителна чистота се транспортира со прекуокеански бродови, авиони и подморници.

 

Тито до пред десет години беше тренер на професионални боксери во Србија. Преку луѓето со кои соработувал и ги запознал преку спортот, вклучително и луѓе од подземјето, тој успеал да оствари контакти со јужноамериканските дилери на дрога. За кратко време, од купувач и посредник, тој стана главен снабдувач на кокаин произведен во Боливија, Колумбија и Перу на европскиот пазар, соопшти овој полициски специјалец.

Тито е еден од организаторите на „супер кланот“ што беше разбиен викендов.

https://republika.mk/vesti/balkan/padna-balkanskiot-narko-bos-tito-sose-negovite-luksuzni-avtomobili-chasovnici-i-raskoshni-vili/

The post Беше најмистериозен бос од Балканот, но ДЕА му го најде крајот: Тито е поранешен боксер кој го надмина и Ел Чапо appeared first on Република.