Новата самостојна изложба на уметницата Лина Дамјан е поставена во Музејот на Град Скопје. Насловена „Тела“, таа претставува енергично истражување на машките и женските форми низ објективот на Дамјан.

Оваа изложба навлегува во пресекот на телото, идентитетот и културата, замислувајќи го голото тело и како платно во шарениот свет на поп естетиката. Со смели бои преку графички медиум ве поканувам да го преиспитате телото не само како предмет на желба, туку како симбол на индивидуалниот и колективниот идентитет“, вели младата уметница за изложбата.

Делата се работени во поп-арт стилот со цел „да се издигне телото од обична репрезентација до главен учесник во дијалогот за културата, идентитетот и естетиката“.

Машката форма на оваа изложба е прикажана со впечатлив спој на самодоверба и интроспекција. Искористени се живи, заситени бои и графички линии за да ја истакнат мускулестоста и држењето на машкото тело. Машката фигура во нијанси со висок контраст и повторувачки линии, служи и како предмет на восхит и како критика на општествените очекувања, пишува во описот за изложбата.

„Спротивно на тоа, женската форма е прикажана со разиграно, но длабоко чувство на зајакнување. Употребата на живописни палети и референци од поп културата го трансформира женското тело во симбол на сила и самоизразување. Овие слики ја реконструираат женственоста преку објективот на самодоверба и независност, славејќи ја способноста на телото да ја пренесе и моќта. Естетиката на комерцијалните мотиви служи за деконструкција и повторно составување на традиционалните претстави на женската форма“, се додава во описот.

Изложбата е отворена до 3 септември.

The post Отворена изложбата „Тела“ во Музеј на Град Скопје appeared first on Република.

Изложбата „КУЛТУРНИТЕ ИНСТИТУЦИИ ВО СКОПЈЕ ПО ЗЕМЈОТРЕСОТ ВО 1963 ГОДИНА“ е подготвена по повод одбележувањето на 61 година од катастрофалниот земјотрес кој се случил во Скопје на 26 јули 1963 година.
Организатор е Музејот на град Скопје. Автор на изложбата е Зоја Богдановска, кустос советник историчар во Музејот.
Изложбата зборува за земјотресот во Скопје од 26 јули 1963 година, и состојбата на културните институции. Поголемиот дел од скопските музеи претрпеле големи и неповратни штети. Народната и универзитетска библиотека, Народниот театар, и други културни институции, биле толку многу оштетени што немале ни најелементарни услови за работа. Разурнатите згради на издавачките и новинско-издавачките претпријатија, до крајни граници го отежнувале нивното нормално работење. Многу од спомениците на културата, како и тврдината Кале, биле целосно разурнати. Ударот уништил многу значајни историски документи и уникатни експонати. Под урнатините останале значајни артефакти - сведоци на бројни цивилизации кои опстојувале на скопското тло.
Изложбата по повод одбележувањето на овој значаен датум од поновата историја на градот Скопје, е посветена на културата и културните институции, на последиците од земјотресот и на нивното функционирање во постземјотресни услови.
Изложбата ќе се отвори на 26 јули 2024 (петок), во 20:30 часот.
Влезот е слободен.

The post Изложбата „Културните институции во Скопје по земјотресот во 1963 година“ во Музеј на град Скопје appeared first on Република.

Во Музејот на град Скопје, денеска со почеток во 19.30 часот ќе биде отворена изложбата „Низ фотографскиот објектив на Македонида, уметноста на средновековните цркви во Охрид и охридско“.

Истовремено ќе биде промовирана веб-страницата Регистар на средновековни цркви во Охрид и охридско.

Како што посочуваат од Здружението „Македонида“ станува збор за истражувачки проект кој теренски се работел во 2021 година од тимот д-р Панче Велков и м-р Владимир Таневски, а подржан од грант на фондацијата Richard H. Driehousе од Чикаго.

Самиот проект започна да се осмислува и работи во 2020 година. Теренските активности за овој проект се совпаднаа со изработката на книгата „Seven Churches in Ohrid” во која свои текстови напишаа проф. д-р Елизабета Димитрова, Гордана Велков и м-р Ивона Панџак Пинева, додека фотографиите ги изработи д-р Мишко Тутковски. Така што со оваа изложба на фотографии на фрески за кои сметаме дека се меѓу најубавите уметнички дела од средновековното византиско сликарство правиме едно заокружување на презентацијата на охридското културно и религиозно наследство, посочуваат од Здружението.

The post „Низ фотографскиот објектив на Македонида, уметноста на средновековните цркви во Охрид и охридско“ во Музеј на град Скопје appeared first on Република.

Ликовниот уметник Вилсон Нето ја прикажува својата самостојна илзожба – Превретена арехологија – Човекот кој игра помеѓу фактите и архитиповите - во Музејот на Град Скопје. Куратори на изложбата се македонско- францускиот куратор Гордана Велков и бразилско-германскиот куратор Алдонсо Паласио.

Проектот е инспириран од археолошките арте факти од римскиот локалитет Скупи за којшто се грижи Музејот на Град Скопје . Вилсон Нето веќе подолго време се занимава со истражување на арте факти - детски играчки кои датираат од периодот на антиката . Изложбата вклучува 13 платна од голем формат од серијата Коментари од 2023, 32 дела сликани на хартија од серијата – Хомо луденс – како и 7 ликовни претстави на хартија инспирирани од играчките пронајдени на локалитетот Скупи.
Изложбата се отвора во Музејот на Град Скопје во четврток на 16 мај во 19 и 30 часот со подршка на Министерството за култура и Германската Амбасада од Скопје. Иложбата ќе трае до 29 мај 2024 година.
Вилсон Нето е роден во Форталеца, Бразил во 1980 година, каде што и денес живее и работи. Работи со експериментални техники употребувајќи нековенционлани материјали и медијуми, така што делаат на Вилсон Нето се спој на пикторални и визулени елементи од разни материјали и пигменти, комбиннирани со вез и колаж, спој којшто конвергира во една кумултивна повеќеслојна уметничка креација која е во постојана експанзија. Вилсон извонредно добро се снаоѓа во апсорбирањето на околината којашто ја хармонизира со популарната култура како и со референциите на Јулиан Шнабел, Сигмар Полке и Даниел Сениз. Главниот фокус на неговата делување е сепак сликарството коешто функционира како амалгам кој го поврзува субјективниот со објективното и коешто директно го одразува светот и времето во којшто живее и твори авторот.
Гордана Велков е франко-македонски историчар на уметност и куратор. Родена е во Тетово во 1973 година. Дипломирала на катедрата за историја на уметност при факултетот за историја на уметност при Унивезрзитот Свети Кирил и Методиј во Скопје во 1999 година. Четири години работела како кустос и куратор во Музејот на Тетово . Члена е на фондацијата Македонида од 2003 година. Во 2005/6 година била визитинг сколар во Одделот за заштита на историското наследство на Унивезитетот Пенсилванија во Филаделфија . Од 2006 година живее во Скопје и работи како независен куратор.

Алдонсо Паласио е бразилско – германски куратор. Роден во Форталеца, Бразил во 1980 година. Завршил магистерски студии од областа на историја на уметност и маркетинг во уметноста во Париз на познатиот институт за уметности ИЕСА - “Institut d’Etudes Superieurs des Arts – IESA – Paris” . Сега живее и работи во Берлин како независен фри ленс куратор со фокус на латниско американската уметност и нејзината промоција во Бразил и Германија. Особено е ангажиран во помагање на млади уметници, како и во курирање на изложби на бразилски уметници во Германија, Макеоднија и во други Европски земји.

Ликовните дела кои ги презентира Бразилскиот уметник Вилсон Нето на македонската ликовна сцена во својата содржина и во ликовниот стил ја посочуваат разликата помеѓу иконографијата и иконологијата во ликовната уметност. Вилсон Нето се идентификува и се инспирира со Homo Ludens- Човекот што си игра наспроти Човекот што работи како значаен елемент во развој на културата и цивилизацијата според книгата на холандскиот критичар на модерната културна историја Јохан Хуизинга.
Играта кај Вилсон е привремениот свет од најдлабокото минато до денес . Таа е место каде се среќаваат децата , возрасните , страшилата ,добриот,лошиот и уметникот. Содржината и времето во Играта го делат реалното и нереалното, свесното и потсвесното. Магијата која трае додека трае, Играта ги отвара вратите на сефовите на меморијата и струи помеѓу индивидуалната и колективната меморија.
Сцената или медиумот кој постојано го надградува Вилсон Нето во неговата игра во серијата на делата од Comentario е неговиот исклучителен уметнички ликовен номадски порив преку кој ги истражува архетипните форми и ги афирмира давајќи им нова содржина и живот. Вилсон Нето ја гради и прераскажува сопствената културолошка нишка во своите иконографски дела со немирниот дух на патник од новото време или пак како аџија од минатото. Тој ја осмислува функцијата на играта и и дава смисла на играта со активен принцип на веќе старо- новите архетипови, слики и предмети така што неговите ликовни дела добиваат изглед како да се резултат од веќе нова игра со елементи на нереално, кое понатаму пак создава нова приказна -жанр или пак како што вика Аристотел “MITHOI” -нарација. Насобраниот архетипскиот визуелен материјал кој го поседува Вилсон Нето преставува ризница на бескрајна игра на нарации . Колку се поголеми и пошироки, свесни или несвесни, реални или не , тие бараат подлабоки корени не само во археологијата на знаењето туку и во самата археологија која е единствен извор и потврда на фактите и артефактите. Следејќи го овој траг на фактите, Вилсон Нето при првиот престој во Македонија се среќава со археолошки артефакти од римскиот период кои претставуваат фигури на детски играчки пронајдени како гробен инвентар во некрополата на Римскиот град Скупи. Играчките се теракотни реалистични зооморфни фигури во хеленистички стил. Нивната применета функција но и нивната естетика се инспирација за Вилсон во неговото истражување за ликовната игра на иконографски слики да ги постави овие артефакти како икононологија кои го интерпретираат не само симболичното значење на предметот туку и активната релација помеѓу уметноста и играта , естетиката без контекст на историска нарација туку исклучиво како ликовна стилска фигурација. Tака што според германско - американскиот историчар на уметноста Ервин Пановски, iконологијата на овие 7-8 претстави на детски теракотни Гулабици и двете Коњчиња на тркала од Римскиот локалитет Скупи според ликовната стилска претстава во комбинирана техника на слоевита катаракта од различни текстури и дизајни врз главната фигурација претставуваат интердисциплинарен модел помеѓу интерпретацијата на играта во антиката и визуелниот мотив денес. Во претставата на колажите на 40 -те мали цртежи на хартија симпатичните и експресивни фигурални претстави произлегуваат од постмодернистичкиот пристап на интеграцијата помеѓу фактите и архетипите. Во нив Нето асоцира на хибридни и инвентивни претстави како имиџ-слика на новите технологии и новите природни и социјални науки без специјален жанр и без нарација или како Култ на индивидуални факти  ликовна категорија според уметничката Методологија на австрискиот критичар Алоис Ригел. Во оваа насока предноста на градењето на уметноста е во индивидуалниот избор на елементите кој се третираат како уметнички објект и имаат универзално значење а, не на индивидуалниот ликовен пристап или специфичните уметнички медиуми. Изборот на индивидуалниот елементи за уметничко обликување не ги одрекува вредностите на археолошките истражувања, се додека тие ги откриваат  Вишите универзални закони кој ги почитуваат сите уметнички дела без исклучок.
Но да се вратиме на Играта и на Homo Ludens двигателот на ликовниот дискурс на Вилсон Нето и да кажеме дека игра без правила не постои , секоја игра има свои правила. Човекот што игра мора да ги почитува нормите и законите што важат додека трае играта, тие се безусловни и не подлежат на сомнеж и скептицизам . Се додека трае Играта живее и имагинацијата, која ги гради и издигнува столбовите на времето и човештвото. Штом ќе се прекршат правилата , светот на играта се урива, тогаш играта завршува. “ Судискиот свиреж става крај на маѓепсаноста и веднаш го воспоставува обичниот свет - го цитира Јохан Хузинга францускиот писател Пол Валери. Јас само би додала за крај дека токму свирежот го воспоставува редот и правилата кои важат во Обичниот свет, пишува Горданa Велков

 

Превртена археологија – “ Homo ludens “ : меѓу фактите и архетиповите
Алдонсо Паласио

Играта е постара од културата. Насловот на изложбата „Хомо Луденс“ (Човекот што си игра) е земен од истоименото дело на Јохан Хуизинга, во коешто се вели дека чинот на играње не е само активност во слободното време, туку интринзична и фундаментална карактеристика на човечкото битие. Интересот на бразилскиот уметник Вилсон Нето за оваа тема се роди за време на луциден сон за ископување антички играчки, којшто следствено го наведе да го продлабочи своето истражување на артефакти од минати цивилизации и нивните архетипови. Резултатот може да се види во колекцијата слики на ткаенини и хартии , која патувајќи низ целиот свет го најде својот пат и до Македонија.
Многу од артефактите што ги истражуваше Вилсон Нето, се наоѓаат ширум светот во колекции на антрополошки и природно-научни музеи. Тие се наликуваат на предмети со моќ, свети амајлии, симболи користени во ритуали, далеку од современото око како во неговата поставка Хомо Луденс (2023). Тука, присуството на играчките не може да се раздвои од ископувањето ниту од личната археологија, од желбата да се реорганизира светот. Вилсон Нето го постигнува тоа со живописна и кумулативна техника на сликање, додавајќи слоеви на површините веќе полни со визуелни информации, како печатени ткаенини, веќе постоечки слики и парчиња тапети. За Музејот на Град Скопје, уметникот креираше репрезентации на едноставни играчки од археолошкото наоѓалиште Скупи, близу главниот град.
Во неговата серија Коментари (2023-24), мноштво слики насликани на матрици од ткаенина имаат свое пребивалиште во недефинираниот простор меѓу сеќавањата и фикцијата, меѓу искуството и мечтите. Работата врз текстилот ја поткрепува приказната дека станува збор за крстосница на симболични значења, комплексни аранжмани кои може да се опишат како пат низ светот. Композицијата на Вилсон Нето има архетипски квалитети кои наоѓаат свој одек во различни култури и контексти. Уметникот не е заинтересиран за евентуално историско документирање, туку напротив, тој се стреми кон поетски пристап кој вклучува естетска и стилска рекапитулација.
Пренесувајќи ги предметните играчки на слика, уметникот го продолжува времето за нивно набљудување, а можеби и отвора врати за коресподенција, врски и констелации кои допрва треба да се откријат. Вилсон Нето е уметник на синхроницитетот; тоа е поим на Јунг, кој сугерира дека навидум случајните настани во реалноста се впрочем регулирани од невидлив ред, којшто заемно ги поврзува сите работи меѓу себе. Наместо да се концентрира исклучиво на логичното и свесно ниво на свеста, уметникот се отвора кон можноста за коинциденции, за неочекуваното, за спонтаноста и зошто па да не и, за радоста на играта при креирањето уметност.

Алдонсо Паласио,
Берлин, април 2024

The post Вилсон Нето ја прикажува својата самостојна илзожба „Превретена арехологија – Човекот кој игра помеѓу фактите и архитиповите“ во Музејот на Град Скопје appeared first on Република.

По успешното претставување пред битолската публика, изложбата „Кимоно Инспирации“ на реномираниот костимограф и режисер, Благој Мицевски, доаѓа во Музеј на Град Скопје. Свеченото отворање ќе се одржи на 10 мај, со почеток во 19:30ч, а изложбата ќе биде достапна за скопската јавност до 14-ти мај.

Изложбата вклучува дизајнирани костими инспирирани од јапонското традиционално кимоно кои се повлечени од депото на Народниот театар од Битола од претстави во кои се играле, но исто така и кимона кои се направени токму за оваа пригода.

Со ова скопско издание на изложбата „Кимоно Инспирации“, организаторите на настанот, ПАГОДА, целат кон збогатување на културната програма на градот со повеќе настани во текот на годината со кои ќе се одбележат 30 години од воспоставување на билатерални односи помеѓу Македонија и Јапонија.

Изложбата „Кимоно Инспирации“ претставува одличен приказ за тоа како јапонската култура директно ја инспирира креативноста кај нашите уметници и творци.

Свеченото отворање на изложбата ќе се одбележи со традиционална презентација на церемонија на чај со Јуко Сакагучи и музички настап на дуетот Стефана Марковиќ и Симе Златков, кои ќе отсвират јапонска музика на флејта.

Изложбата е поддржана од Јапонската Амбасада во Северна Република Македонија, а во организација на ПАГОДА.

ПАГОДА е здружение кое е оформено кон крајот на 2023 од членови на организацискиот тим кој стои зад двата Нихон-џи Фестивали за Јапонска Култура и делува самостојно, залагајќи се за негување значајни пријателства и славење на богатите култури помегу Македонија и источноазиските земји.

Благој Мицевски е костимограф, дизајнер, сценограф, режисер и уметнички директор. Дипломирал дизајн на текстил и облека на Технолошки факултет на Универзитетот во Загреб во 1991 година каде и ја започнува кариерата.

Добитник е на 14 награди за костимографија, а неговата богата кариера ја красат и бројни претстави. Неговата претстава „Без паника“ наградена со Гран При и една меѓу трите претстави во НТ Битола со 100 изведби. Соработувал со врвни режисери и театарски работници во Македонија, Балканот, но и пошироко.

The post Изложбата „Кимоно Инспирации“ на реномираниот костимограф и режисер Благој Мицевски доаѓа во Скопје. appeared first on Република.

The post Изложбата „СКОПЈЕ ’63 – филмска хроника на едно време“ во Музеј на град Скопје во чест на Вељко Булајиќ appeared first on Република.

The post Изложбата „Приказни во тиркиз – Извор на животот” од Ана Митевска во Музеј на Град Скопје appeared first on Република.

Нова колекција на дела на Јана Куновска под името „Сјаење“ утре (петок, 1 декември) од 20 часот ќе биде презентирана во Музејот на Град Скопје.

За изложбата, Еуген Борковски вели дека тоа се две серии кои се разликуваат по нивниот технолошки пристап кон дизајнот. Една група изработена со маслени бои на платно. Втората група се дела со комбинирана технологија, каде мотивите се претставени со цртање со јаглен на картонска основа.

„Некои од нив имаат обоени детали. На прв поглед е јасно дека уметникот се занимава со понови историски времиња, потпирајќи се на општествените и личните впечатоци од околината. Наизменичен процес на цртање и сликање, каде не недостасува комбинаторика. Подредувајќи ги делата, таа ги истражува можностите на материјалите, моќта на формите, но пред сè, репертоарот на впечатоци. Избраните елементи ја цитираат авторката која го изразува своето искуство. Наративноста, присутна преку компонентите на секое дело, ја потврдуваат и насловите. Понекогаш наоѓаме вистински луѓе, а понекогаш препознаваме значајни ликови. На сите дела наоѓаме симболични детали кои го драматизираат дејството. Уметникот ја претставува состојбата на цивилизацијата преку серија портретни дела. Иако некои се стилизирани или генерализирани, дејството го нудат нивните движења, позиции и средината во која уметникот ги сместува“, пишува меѓу другото Борковски.

The post Изложба на Јана Куновска во Музеј на Град Скопје appeared first on Република.

Ликовен уметник, чии дела ја коментираат придавката „северна“ во името на државата и односот на уметникот кон неа, е елиминиран од изложбата на Музеј на град Скопје, објави самиот автор на Фејсбук.

Уметникот Зоран Шекеров, чие дело требаше да биде дел од инсталација, дефинитивно не е дел од програмата на изложбата која се отвара денеска, 28. ноември, со почеток од 19:30 часот.

Шеќеров, кој беше дел од шестемина уметници кои предходно заедно изложувале на Сардинија во Италија, не е наведен во официјалната програма на изложбата „A/R Каљари-Скопје“ која ја организира Музејот на град Скопје. Очигледно, менаџментот на Музејот на град Скопје го цензурира Шеќеров затоа што сакал да објави дело во кое се вели дека „Уметник од Македонија, воопшто не е уметник“

Во подготовката на изложбата на Шекеров му било речено дека не може да му бидат објавени дела со тема „северна“ затоа што тоа било политичка порака. Во официјалната програма на изложбата остануваат петте уметници кои предходно како тим изложувале во Италија.

Запомнете го 28-ми ноември како црн ден за македонската култура и уметност, ден кога се цензурираше уметникот во Македонија. Иако никого лично не повредувам во содржината на моето дело, истото беше забрането со манипулативни оправдувања од типот: ќе ги повредиш колегите во музеј, овака ќе направиш кога ќе се менува политиката, па дури и се впуштија во обид да прават корекција на делото“ – напиша Шекеров на Фејсбук.

The post Музеј на град Скопје цензурира уметник бидејќи неговите дела ја коментираат придавката „северна“ appeared first on Република.

Во Музејот на град Скопје вечер ќе биде отворена изложбата „Загреб“ на фотографот Лука Мједа од Загреб, Хрватска. Авторот ќе се престави со 50 црно бели фотографии во дигитален печат создадени изминативе триесетина години.

Според Музејот, фотографиите како ликовни дела се посветени и се сведоштво за минатото и сегашноста со оставина за иднината.

Мједа, наизглед ни го доловува само градот Загреб. Меѓутоа, авторот на оваа изложба ја открива присутноста на градот преку архитектурата. Човекот и не е важен во оваа изложба, тој се чувствува, претпоставува. Без колоритност во овие фотографии, но со голем визуелен ефект со изборот на светлото и темното, авторот е со интенција да се почувствува релацијата и вклопеноста на класичното и современото, се наведуува во најавата.

Мједа е магистер на Машинскиот факултет и бродоградба во Загреб. По соработката со американските фотографи Мери Елен Марк, Мајкл О'Нил и Џери Уелсман на работилница во Загреб во 1975 година развива силен интерес за фотографија, станува член на Фотоклубот Загреб и ја започнува својата соработка со Јозо Ќетковиќ, мајстор за фотографија. Со повеќе од триесетина самостојни изложби и фото монографии Лука Мједа се наметнува како еден од најплодните Хрватски фотографи.

Лука Мједа денес е посветен на ликовната фотографија.

Изложбата и каталогот се реализирани од Музеј на град Скопје, а финансирани од Град Скопје и Град Загреб во соработка со Хрватскиот фотографски центар.

The post Во Музејот на град Скопје се отвора изложбата „Загреб“ на фотографот Лука Мједа appeared first on Република.

На 14 септември, четврток, во 20 часот, во ЈУ Музеј на град Скопје ќе се отвори изложбата Арт Тура.

Изложбата се реализира во соработка на ЈУ Музеј на град Скопје со Народниот музеј на Србија, со целосна финансиска поддршка на Град Скопје.
Концептот опфаќа презентација на 26 репродукции на дела од уметничките збирки на Народен музеј Србија, кои ќе бидат изложени до 26 септември 2023 година. Тоа се ремек-дела на српското сликарство од периодот на 18 до 20 век, но и дела од колекцијата на странски уметници од периодот на 19 и 20 век. Во оваа ретка прилика, и пошироката публика во Скопје и Македонија ќе има можност да ужива во делата од опусот на Клод Моне, Камиј Писаро, Пол Гоген, Пјер Огист Реноар, Пабло Пикасо, Анри Матис, Едгар Дега, Катарина Ивановић, Пајо Јовановић, Надежда Петровић, Саво Шумановић и др.

The post Делата на Моне, Писаро, Гоген, Реноар, Пикасо, Матис… од 14 септември во Музеј на град Скопје appeared first on Република.

На 12.09, вторник, во, 19:30 часот, во Музејот на Град Скопје за прв пат ќе биде претставена уметничката група Шатакуа Скопје. Истоимениот проект, Chatautauqua - е сплет од аналогна фотографија, видео движења, објекти и музика.

Ќе ни биде задоволство ако присуствувате на мултимедијалниот настан што внимателно го развиваме прекутри години.
Составот на групата Шатакуа Скопје е непосреден, другарски и ненаметлив. Има 4 члена:Филип Куновски, сврзното ткиво на составот Дарко Поповски, што го знаеме како Плутос.Јулијан Мицевски, од екипата на Скопски Грув Андреј Татарчевски, на Татар :) Филип е од Скопје и е во Прага во последите 9 години. Филип е дел од Прашкиот Кауч Колектив чии проекти LUCIDA и Facing Self беа прикажани во Прага во последните години. Во 2020-та заврши на отсекот - Фотографија и Нови Медии на ФАМУ [FAMU] во 2020-та. Дарко е исто така од Скопје, и во последниве 10тина години бил дел од музичките групи Его Диско и Плутос Даутс.
Андреј Татарчевски во Скопјево познат како Татар, дел од повеќе музички проекти меѓу кои Изечоци, A World to Taste и Cycle1.
Јулијан Мицевски, познат по групата Скопски Грув и член на бендот Lincoln Letter, неодамна промовираше втор албум во МКЦ.
Очекувајте високо - квалитетни аналогни принтови во невообичаени формати. Аналогните фотографии се печатени низ сложен процес во Кошице, СлСловачка, едно од ретките места во Европа каде што се развива и принта ваков тип на фотографија. Видето во проектот е поддршка, уште еден столб во изразот на овој колектив. Музиката, како и секогаш, е тука да ја оплемени целата приказна.
Инспирацијата доаѓа од култната „Зен и Уметноста на поправање мотори“ на Роберт М. Пирсиг, кој повикувајќи се на оние Шатакуи од 20тите години на минатиот век, кои патувале низ Америка и имале за цел да поучат и забава, нудејќи широка палета на различни уметнички дисциплини преку кои ја остварувале својата цел.
Затоа, нашата Шатакуа е „Повеќеслоен аудио - визуелен комплет што во основа е аудио сложувалка, попарена со видео фајлови, дообјаснета преку фотографии и пригодни објекти,вели Дарко Поповски

Повелете во МГС на 12.09 во 19:30 часот на отворањето на мултимедијалниот проект кој ќе трае до 24ти овој месец

The post Мултимедијалниот проект „Шатакуа“ од утре во Музеј на град Скопје appeared first on Република.

Бесплатна работилница за фотографија наменета за деца од 8 до 14 години утре среда (30 август) во 18 часот ќе се одржи во Музејот на град Скопје.

На работилницата учесниците ќе можат да дознаат повеќе за тајните на фотографијата и да ги направат своите први фотографии со помош на искусна фотографка.

На оваа работилница децата треба да ги понесат своите мобилни телефони, затоа што со нивна помош ќе учат како се прават суперкул фотографии.

Заинтересираните можат да се пријават на следниот линк https://bit.ly/Halkifotoavantura

Ова е петта од редицата креативни работилници што летово беа организирани. Последната работилница беше посветена на изработката на мозаици, кога децата со помош на природни материјали – лисја, зрна, песок и друго создаваа уметнички дела.

Ова е претпоследната од едукативните работилници што летово беа организирани во рамките на иницијативата „Халки шарено лето“ поддржана од Халкбанк АД Скопје.

The post Бесплатна работилница за фотографија за деца во Музеј на град Скопје appeared first on Република.

Изложбата „СКОПЈЕ - ГРАДОТ ФЕНИКС“ е подготвена по повод 60 години од катастрофалниот земјотрес кој се случил во Скопје на 26 јули 1963 година.

Организатор е Музејот на град Скопје. Автор на изложбата е Зоја Богдановска, кустос советник историчар во Музејот. Изложбата ја раскажува приказната за катастрофалниот земјотрес во Скопје од 26 јули 1963 година. Животот во градот непосредно по земјотресот и сето она што ќе следи во првите месеци по катастрофата, е раскажано на паноата и преку изложените музејски предмети и материјали.

Посебен дел е посветен на меѓународната манифестација „Средба на солидарноста“, еден исклучително значаен настан за градот Скопје во 1960-тите години на 20 век. Застапени се и бројните меѓународни спортски настани одржани во знакот на солидарноста, во периодот по 1963 до 1981 година.

Во соработка со Сеизмолошката Опсерваторија при ПМФ, УКИМ – Скопје, е подготвено сеизмолошко катче, каде посетителите имаат можност да ѕирнат во тајните на сеизмологијата.

Изложбата ќе се отвори на 26 јули 2023 година, во 20 часот.

Ќе биде поставена до крајот на месец август. Влезот е слободен.

The post Изложба „Скопје-градот Феникс“ во Музеј на град Скопје appeared first on Република.

Шест тематски работилници за развој на креативноста кај децата ќе се рeализираат летово во Музејот на Град Скопје.

Концептот се состои од шест работилници на посебни теми при што секоја активност ќе биде прилагодена според возраста за која е наменета. Дел од темите на работилниците се: „Создаваме ритам за танцување“, „Мозаик што раскажува ѕвездени приказни“, „Халки фото авантура“, „Хартијата што зборува“.

„Халки шарено лето“ ќе се реализира во попладневните часови, во текот на летото, почнувајки од следната среда, 28 јуни. Времетраeњето на една работилница е два часа, а децата ќе бидат водени од врвни професионалци во областа. Работилниците се реализираат во соработка со Центарот за визуелна комуникација „Ефектива“.

Летниот распуст е одлична можност, дел од слободното време, децата да го искористат за да направат мозаик, да креираат свои сликовници, да работат сценографија, модерни танци, да се запознаат со тајните на фотографијата и магијата на хартијата. Можеби најважно, да се дружат со своите врсници и да заборават на таблетите и мобилните телефони.

Сите работилници ќе се објавуваат на официјалната Фејсбук страница на Халки детско штедење, каде што родителите ќе можат да ги пријават своите деца за учество, бидејќи бројот на учесници ќе биде ограничен.

The post Kрeативни работилници за деца за време на летниот распуст во Музејот на Град Скопје appeared first on Република.

Заради зголемен интерес изложбата на реномираниот сликар Владимир Георгиевски ќе биде продолжена до 12 февруари, соопштија од Музеј на Град Скопје.

Во Музејот на Град Скопје се поставени над 100 дела од Владимир Георгиевски, еден од најзначајните македонски уметници и столбови на македонската современа уметност. Изложбата се состои од дела на уметникот, кој почина во 2017,  работени во ликовните техники масло на платно, темпера, пастел, туш, молив во боја и акварел. Куратор на изложбата е Емил Алексиев, а беше промовирана и монографија за неговото творештво.

Последната изложба на Георгиевски беше насловена „Страдањата на Дон Кихот“, и се отвори во април 2016 во Музејот на Град Скопје, а во јуни истата година беше поставена и во театарот „Палас“ во Париз. Изложбата беше дел од големото одбележување на 400 години од смртта на најголемиот шпански писател Мигел де Сервантес.

Георгиевски е роден 1942  Скопје. Во 1963 завршил Училиште за примена уметност во Скопје. Истата година ги започнал студиите на Ликовната академија во Белград, каде и дипломирал во 1968 година. Постдипломски студии завршил на истата академија, во класата на професор Младен Србиновиќ. По враќањето од Белград во 1972, го раководел уметничкиот оддел при Младинскиот културен центар (тогашен Дом на млади 25 мај). Меѓу 1980 и 2012 бил професор по цртање, сликање и пластично обликување на Факултетот за архитектура во Скопје. Една деценија во 1990-тите, предавал и естетика на простор, историја на модерна уметност, како и сценографија на Факултетот за драмски уметности во Скопје. Бил професор и на Факултетот за аудио-визуелни уметности во Скопје.

Неговите сценографски и костимографски решенија беа дел од многубројните театарски претстави и неколку домашни играни филмови. Голем број негови дела се наоѓаат во приватни збирки во Македонија и надвор од неа. Има реализирано од 1977 година (1977 Белград; Скопје, Музеј на современата уметност) до 2016 година (2016 Скопје, Музеј на град Скопје) дваесет и пет (25) самостојни изложби во Скопје, Белград, Виена, Истанбул, Рим, Киев, Санкт Петерсбург и Софија.

Добитник е на највисока државна награда за животно остварување во областа на уметноста и културата. Неколкупати е наградуван и за неговата работа во театар.

The post Заради зголемен интерес изложбата на реномираниот сликар Владимир Георгиевски ќе биде продолжена до 12 февруари appeared first on Република.

На последната вечер од изложбата на дела на реномираниот македонски сликар Владимир Георгиевски, во Музејот на Град Скопје, на 1 февруари, во 20 часот, ќе настапи Ана Кондратенко, концерт-мајстор и солистка во оркестарот на македонската филхармонија, како и на оркестарот „Фејмс“ во Скопје.

Уживајте во уште една, последна засега, средба со сликите на Георгиевски, како и во исклучително музичко доживување – велат во поканата од Музејот на градот Скопје.

Владимир Георгиевски (1942 – 2017) е еден од најзначајните современи македонски ликовни уметници. Студирал сликарство на Академијата за ликовни уметности во Белград, каде што завршил и постдипломски студии во класата на професор Младен Србиновиќ, во 1970 година. Покрај активното творење, меѓу 1980 и 2017 работел и како професор по сликарство, пластично обликување, историја на уметност, сценографија и костимографија на Универзитетот „Св. Кирил и Методиј“, како и на интернационалниот универзитет „Еуропа Прима“ во Скопје. Добитник е на највисока државна награда за животно остварување во областа на уметноста и културата во 2013 година, награда за животно дело од „Остен“ во 2014-та и на титулата доктор хонорис кауза во 2017-та од интернационалниот универзитет „Еуропа Прима“ во Скопје. Владимир Георгиевски исто така создал наградувани сценографски и костимографски решенија за голем број театарски претстави и неколку играни филмови во Македонија и во земјите на поранешна Југославија. Самостојни излагања имал во Скопје, Белград, Истанбул, Виена, Рим, Киев, Софија и Санкт Петербург. Како член на Друштвото на ликовните уметници на Македонија учествувал и во многу групни изложби.

The post На последната вечер од изложбата на дела на Владимир Георгиевски, во Музејот на Град Скопје, ќе настапи Ана Кондратенко appeared first on Република.

Во Музејот на град Скопје на 7 декември, среда во 20 часот ќе биде свечено отворена изложба на дела од еден од најзначајните македонски ликовни уметници Владимир Георгиевски (1942-2017). Делата на Георгиевски, работени во ликовните техники масло на платно, темпера, пастел, туш, молив во боја и акварел, ќе бидат поставени во целиот галериски простор на Музејот.

Воедно ќе биде промовирана и монографија за неговото творештво во издание на Музеј на град Скопје. Издавач е  Музеј на град Скопје, автор Емил Алексиев а текстот е на  Емил Алексиев и Никола Пијанманов.

Изложбата се реализира со финансиска поддршка на Град Скопје, во соработка со легатите на уметникот.

Куратор на изложбата е Емил Алексиев.

The post Изложба и промоција на монографија на Владимир Георгиевски во Музеј на Град Скопје appeared first on Република.

Музејот на Град Скопје, на 13 ноември (недела) , со почеток во 13.30 часот организира изложба посветена на 80-годишнината од смртта на народниот херој Цветан Димов.

Изложбата ќе биде поставена во Сули-ан во Старата скопска чаршија.

The post Изложба посветена на 80-годишнината од смртта на народниот херој Цветан Димов appeared first on Република.