Како што дигиталната технологија станува сѐ по присутна во животите на младите, европските земји сѐ повеќе се загрижени од прекумерната употреба на мобилни телефони, социјални медиуми и други форми на дигитална комуникација, додека некои гледаат да ја забранат или ограничат употребата на мобилните телефони во училиштата.

Неодамнешни истражувања укажаа на алармантната врска помеѓу прекумерното време поминато пред екранот и негативните последици по менталното здравје и способноста за учење кај децата и младите. На пример, едно истражување на Организација за економска соработка и развој (ОЕЦД) препорачува ограничена и одговорна употреба на мобилните телефони во училиштата.

Во јули, откако го доби вториот мандат како претседателка на Европската Комисија, Урсула фон дер Лајен вети дека ќе се справи со зависноста од социјалните мрежи и онлајн-насилството, повикувајќи се на распространетата загриженост од негативното влијание врз менталното здравје и благосостојбата.

- Сè повеќе гледаме извештаи за она што некои го нарекуваат криза на менталното здравје, рече фон дер Лајен. - Ќе го спроведеме првото европско истражување за влијанието на социјалните медиуми врз благосостојбата на младите. Им го должиме тоа, додаде таа.

Во врска со онлајн-насилството, фон дер Лајен изјави: „Ме боли срцето кога читам како младите луѓе се повредуваат себеси или си ги одземаат животите поради онлајн насилство“. Tаа вети дека ќе се „справи со чумата на онлајн насилство“ и дека „ќе преземе мерки против зависниот дизајн на некои платформи“.

Чување на електронски уреди надвор од видик

Иако Европската Унија станува сè повеќе свесна за негативните влијанија на социјалните медиуми и користењето на телефонските уреди од страна на младите, не постојат правила на ниво на ЕУ за решавање на овие проблеми во сите 27 земји-членки на блокот. Напротив, правилата се разликуваат од земја на земја.

Некои европски земји размислуваат или веќе имаат воведено забрани за користење на мобилните телефони во училиштата или рестрикции за нивно користење за време на траењето на часовите. Тие вклучуваат: Белгија, Франција, Холандија, Италија, Шпанија и Грција.

Другите земји, како што се Словенија, Хрватска и кандидатот за членство во ЕУ, Босна и Херцеговина разгледуваат опции за справување со загриженоста, но сè уште немаат воведено забрани на национално ниво. Наместо тоа, училиштата ги преземаат работите во свои раце.

Холандија: Училиштата во Холандија целосно ги забранија мобилните телефони уште во првата недела од септември. Телефоните во средните училишта беа забранети уште на почетокот на годината, мерка стапи во сила и за основните училишта на почетокот на новата учебна година.

Телефоните може да се користат во училниците само ако се неопходни за содржината на наставата, на пример, кога се изучуваат социјални вештини или ако им се потребни на учениците поради медицински причини или за лицата со посебни потреби.

Франција: Во 180 средни училишта, кои ги посетуваат француските деца на возраст од 11 до 15 години, се тестира шема за забрана на употребата на мобилните телефони за времетраење на целиот училиштен ден. Процесот на т.н. „дигитална пауза“, која опфаќа повеќе од 50.000 ученици, се спроведува пред евентуалниот план за спроведување на ниво на целата земја од 2025 година.

Моментно, средношколците во Франција мора да ги исклучат телефоните. Експериментот оди понатаму, барајќи од децата да ги предадат своите телефони кога ќе пристигнат на училиште. Ова е идеја на претседателот Емануел Макрон со цел децата да поминуваат помалку време пред екраните, практика која, како што стравува Владата, го попречува нивниот развој.

Извештајот за користењето на мобилните уреди од страна на младите пред Макрон во април го презентираше експертска комисија која предлага да не се користат телефони до 11-годишна возраст, на децата на возраст од 11 до 13 години да им се даде телефон без интернет, а на оние до 15 година мобилен со ограничен пристап до интернет . Таквиот уред, наречен „Телефонот“ моментно се развива во Франција од страна на една мајка, нејзиниот син и партнер.

Белгија: Во Белгија, мобилните телефони ќе бидат забранети во училниците на стотици училишта во кој наставата се изведува на француски јазик во Брисел и Валонија почнувајќи уште од оваа учебна година. Овој план беше најавен од новата Влада на франкофонската заедница во текот на летото.

Од друга страна холандофонскиот регион Фландрија не постои општа забрана за користење на мобилните телефони во училиштата, но некои од нив одлучија самите да воведат забрани.

Грција: Во Грција, за време на часовите учениците треба да ги чуваат своите мобилни телефони во ранците. Министерот за образование Кирјакос Пјеракакис појасни дека поседувањето или користењето на телефоните е забрането дури и на одморите и секое непочитување на правилото ќе резултира со суспензија од еден ден.

Претходната недела, премиерот Кирјакос Мицотакис не се спротивстави на можноста учениците да мора да почнат да ги заклучуваат телефоните и да можат да ги користат по завршување на наставата.

Италија: Десничарската Влада на премиерката Џорџа Мелони во јули усвои одлука за забрана на користењето на мобилните телефони во училниците со почетокот на новата школска година. Оваа мерка беше воведена од министерот за образование Џузепе Валдитара од десничарската националистичка партија Лига, која има за цел да ја забрани употребата на мобилните телефони во училиштата, дури и за наставни цели. Таблетите и компјутерите сè уште можат да се користат во согласност со наставниците.

Шпанија: Во неколку региони во Шпанија веќе стапија во сила забраните и рестрикциите за користење на мобилните телефони во училиштата, како што се општините во Мадрид, Галиција, Кастиља - Ла Манча, Андалузија и Екстремадура.

Во јануари, Државниот училиштен совет на Шпанија – највисокото советодавно тело на Владата во областа на образование – едногласно одобри забрана за употребата на мобилните телефони во основните училишта и ограничувања на нивното користење во средните.

Како резултат на тоа, и други региони почнаа да ги спроведуваат мерките. Во Арагон, Валенсија, Балеарските Острови, Навара и Андалузија наставниците имаат право да ги конфискуваат или исклучат мобилните телефони до крајот на школскиот ден.

Шведска: Шведската агенција за јавно здравје (ФХМ) неодамна објави препораки за тоа колку време децата треба да поминуваат со мобилни уреди. Така, децата помали од две години треба да се држат подалеку од дигиталните уреди и телевизорите, а пристапот, исто така, треба да им биде ограничен и на повозрасните лица.

Новите препораки се базирани на истражување и колку време децата треба да поминуваат со различни работи за да се чувствуваат добро. Според податоците, тинејџерите на возраст помеѓу 13 и 16 години во Шведска генерално поминуваат 6,5 часа онлајн. Министерот за социјална работа и јавно здравје, Јакоб Фосмед, се надева дека технолошките компании ќе дејствуваат со цел да се намали ризикот од децата кои „заглавуваат“ онлајн.

Словенија: Во Словенија, основните и средните училишта сами одлучуваат како ќе ја ограничат употребата на мобилните уреди. Внатрешните правила варираат од училиште до училиште, а неколку веќе целосно ги имаат забрането телефоните. Според експертите, првиот чекор кон намалување на користењето на мобилните уреди би било да се утврдат национални насоки.

Според овогодишното истражување на Safe.si, национална организација за подигање на свеста за безбедно користење на интернет, во земјата во пораст е онлајн насилството меѓу младите. Дури 65 проценти од девојчињата и 55 проценти од момчињата во Словенија на возраст на основно образование доживеале некаков вид на насилство преку интернет. Кај средношколците, 63 проценти од ученичките и 54 проценти од учениците доживеале некаков вид на насилство преку интернет.

Хрватска: Во Хрватска, не постојат единствени правила и Министерството за образование сè уште не донело одлука во врска со ова прашање. Сепак, некои училишта веќе решија да им забранат на учениците да ги користат мобилните телефони во текот на целиот школски ден, вклучувајќи ги и одморите помеѓу часовите.

Одлуката е спроведена во неколку хрватски градови: Загреб, Сплит, Риека, Осиек, Задар. Едно училиште во Сплит, пак, им забрана на учениците да носат мобилни телефони во училиштето, тврдејќи дека забраната за користење не е доволна.

Босна и Херцеговина: За да се поттикне поголема социјализација меѓу учениците и да се спречи малолетничкиот криминал, неколку училишта во Босна и Херцеговина забранија внесување мобилни телефони во училниците. Сепак, и покрај парламентарната иницијатива за проширување на оваа пракса, таа сè уште не е имплементирана во повеќето образовни институции низ целата земја.

Според една студија на УНИЦЕФ и Агенцијата за регулатива на комуникациите во Босна и Херцеговина, секое второ дете во Босна и Херцеговина под 11 години има профил на некоја платформа за социјални медиуми. Повеќе од 50 проценти од децата доживеале нешто непријатно на интернет, а над 85 проценти од нив не разговарале со никого за тоа.

Извор: ЕНР Брисел

The post Европските училишта ја ограничуваат употребата на мобилни телефони поради здравствени причини appeared first on Република.

Користењето на мобилни телефони не го зголемува ризикот од развој на рак, покажува најобемното истражување на оваа тема нарачано од Светската здравствена организација.

Ги анализиравме и сумиравме сите научни докази од опсервациски студии на луѓе на оваа тема од целиот свет“, рече коавторот Ден Баакен од германската Федерална канцеларија за заштита од зрачење (БфС), еден од институтите вклучени во истражувањето.

„Можеме со голема сигурност да кажеме дека ништо не превидивме“, рече Баакен. Тие анализирале дури 5.000 студии на тема поврзаност помеѓу мобилните телефони и ракот објавени во изминатите децении.

Во нивната финална анализа, ги вклучиле сите видови на рак, но особено се фокусирале на оние кои влијаат на централниот нервен систем, вклучувајќи ги и туморите на мозокот.

Тие откриле дека употребата на мобилни телефони не доведува до зголемен ризик од рак, вклучувајќи тумори на мозок, тумори на хипофиза, тумори на плунковни жлезди или леукемија.

Според истражувачите, изложеноста на радиофреквентно зрачење од базните станици или антени за емитување, исто така, не го зголемува ризикот од развој на рак.

Анализата објавена во списанието Енвајормент интернешнл вклучувала студии до крајот на 2022 година, што значи дека истражувањето за новата 5Г технологија за мобилни мрежи не е вклучено.

„Сепак, вклучивме студии со контакт со радарски извори, а радарот има слична фреквенција како 5Г“, рече Баакен.

The post СЗО: Не се зголемува ризикот од рак преку употреба на мобилни телефони appeared first on Република.

Над 1,3 милиони ученици во Грција денеска се враќаат во училишните клупи, а новата учебна година започнува со десет промени, меѓу кои и забрана за користење на мобилните телефони за време на наставата.

Над 1,3 милиони ученици во Грција денеска се враќаат во училишните клупи, а новата учебна година започнува со десет промени, меѓу кои и забрана за користење на мобилните телефони за време на наставата, додека за прекршување на мерката, но и за снимање или сликање предвидени се казни, јави дописничката на МИА од Атина.

Првото училишно ѕвонче наместо денеска ќе заѕвони утре во училиштата во северниот дел на Грција, откако поради невремето „Атена“ што ја зафати земјата беше одлучено да се пролонгира за еден ден почетокот на наставата.

Учебната година во Грција носи и новини, а меѓу другото, годинава има дополнителни вработувања на 10.000 просветни работници, се воведуваат автономни класови во оддалечени и малку населени места, а први се малите острови Гавдос и Арки, се проширува програмата со интерактивните табли; се воведува специјална апликација e-Parents за информирање на родителите и старателите за оценките на учениците, а за оние кои ќе полагаат државна матура, ќе постојат попладневни бесплатни дополнители часови за подготовка.

Новините, што имаат за цел да го подобрат наставниот процес и училишниот живот, беа презентирани пред две седмици на средбата на грчкиот премиер со раководството на Министерството за образование, религија и спорт, додека пак Мицотакис преку видео што синоќа го објави на Тик Ток говори за „Десетте промени што ќе ги видиш годинава на училиште пред да излезе новата GTA 6“.

-Училниците се менуваат и наставата веќе ќе биде со речиси 40.000 дигитални интерактивни табли, кои ќе бидат поставени до крајот на 2024 година за учениците од петто одделение до оние во средните училишта. Веќе осум од десет училишта имаат такви интерактивни табли. За родителите: преку дигиталната апликација e-Parents може да следат оценки и отсуства. Извинете, деца!, вели грчкиот премиер во видеото.

Во продолжение се осврнува на новиот начин на работа на училиштата со построги правила, објаснувајќи дека ако еден ученик предизвика штета, санацијата ќе биде на товар на родителите, додека пак за употребата на мобилниот телефон посочува дека за време на наставата „мобилниот треба да биде во ранец“.

Од Министерството за образование, религија и спорт пред две седмици информираа дека Грција им се приклучува на европските земји кои се стремат кон забрана за користење на мобилни телефони во училиштата, објаснувајќи дека Португалија и Шпанија целосно ја применуваат, во Франција и Финска се применува со одредени промена, додека Кипар и Шведска се блиску до нејзино усвојување.

За непочитување на забраната, предвидено е ученикот да биде избркан од сите часови во текот на денот, во случај да ги снима или фотографира наставниците или соученици, без нивна согласност, казната е тридневна суспензија, додека ако е со согласност ќе биде суспендиран од еден до три дена.

The post Почнува учебната година во Грција – мобилниот телефон забранет за време на наставата appeared first on Република.

Над 1,3 милиони ученици во Грција денеска се враќаат во училишните клупи, а новата учебна година започнува со десет промени, меѓу кои и забрана за користење на мобилните телефони за време на наставата, додека за прекршување на мерката, но и за снимање или сликање предвидени се казни, јави дописничката на МИА од Атина.

Првото училишно ѕвонче наместо денеска ќе заѕвони утре во училиштата во северниот дел на Грција, откако поради невремето „Атена“ што ја зафати земјата беше одлучено да се пролонгира за еден ден почетокот на наставата.

Учебната година во Грција носи и новини, а меѓу другото, годинава има дополнителни вработувања на 10.000 просветни работници, се воведуваат автономни класови во оддалечени и малку населени места, а први се малите острови Гавдос и Арки, се проширува програмата со интерактивните табли; се воведува специјална апликација e-Parents за информирање на родителите и старателите за оценките на учениците, а за оние кои ќе полагаат државна матура, ќе постојат попладневни бесплатни дополнители часови за подготовка.

Новините, што имаат за цел да го подобрат наставниот процес и училишниот живот, беа презентирани пред две седмици на средбата на грчкиот премиер со раководството на Министерството за образование, религија и спорт, додека пак Мицотакис преку видео што синоќа го објави на Тик Ток говори за „Десетте промени што ќе ги видиш годинава на училиште пред да излезе новата GTA 6“.

-Училниците се менуваат и наставата веќе ќе биде со речиси 40.000 дигитални интерактивни табли, кои ќе бидат поставени до крајот на 2024 година за учениците од петто одделение до оние во средните училишта. Веќе осум од десет училишта имаат такви интерактивни табли. За родителите: преку дигиталната апликација e-Parents може да следат оценки и отсуства. Извинете, деца!, вели грчкиот премиер во видеото.

Во продолжение се осврнува на новиот начин на работа на училиштата со построги правила, објаснувајќи дека ако еден ученик предизвика штета, санацијата ќе биде на товар на родителите, додека пак за употребата на мобилниот телефон посочува дека за време на наставата „мобилниот треба да биде во ранец“.

Од Министерството за образование, религија и спорт пред две седмици информираа дека Грција им се приклучува на европските земји кои се стремат кон забрана за користење на мобилни телефони во училиштата, објаснувајќи дека Португалија и Шпанија целосно ја применуваат, во Франција и Финска се применува со одредени промена, додека Кипар и Шведска се блиску до нејзино усвојување.

За непочитување на забраната, предвидено е ученикот да биде избркан од сите часови во текот на денот, во случај да ги снима или фотографира наставниците или соученици, без нивна согласност, казната е тридневна суспензија, додека ако е со согласност ќе биде суспендиран од еден до три дена

The post Tреба ли ова кај нас? Мобилните телефони забранети во училиштата во Грција appeared first on Република.

Ирската лекарска организација (ИМО) ја повика владата да ја забрани употребата на паметни телефони за деца под 16 години и употребата на мобилни телефони во сите основни и средни училишта.

Лекарите повикаа употребата на телефони и социјални мрежи да се третира како итен случај на јавното здравје, пишуваат ирските медиуми.

- Нашите млади луѓе се изложени на токсична мешавина од исклучително штетна содржина и платформи за социјални медиуми. Од витално значење е владата да спроведе забрана за користење паметни телефони кај децата и адолесцентите. Уредите и содржините на социјалните мрежи имаат деструктивен ефект врз младите луѓе, соопшти ИМО, пренесува Ајриш Тајмс.

ИМО ги поздрави повиците на министерот за здравство Стивен Донели минатиот викенд да се забрани употребата на паметни телефони од страна на помлади од 16 години и неодамнешниот предлог на министерката за образование Норма Фоли да се забранат паметните телефони во сите основни и средни училишта.

- Истражувањата покажуваат исклучително деструктивен ефект врз децата и адолесцентите особено од користењето паметни телефони, а како општество мора итно да се справиме со кризата која има страшни последици по нивното ментално и физичко здравје, рече претседателот на ИМО, д-р Метју Садлиер.

Садлиер додаде дека секој индикатор за ментално здравје и психолошка благосостојба кај тинејџерите и младите станал понегативен од 2012 година, кога употребата на социјалните мрежи стана широко распространета.

Според него, не е доцна да се воведе оваа забрана, наведувајќи го успехот на земјата во значително намалување на употребата на тутун по големата кампања за јавно здравје. Тој изјави дека содржината на социјалните мрежи и употребата на мобилни телефони доведува до анксиозност, депресија, осаменост и склоност кон самоубиство.

Тој додаде дека државната поддршка е важна за да им се помогне на родителите да им забранат на своите деца да користат паметни телефони.

- Не е доволно да се бара од родителите сами да ја преземат оваа одговорност; Владата може и мора да интервенира за да ги изедначи условите за сите млади луѓе, вели докторот.

Студијата „Растење во Ирска“ покажа дека 40 отсто од децата поседуваат мобилен телефон до деветгодишна возраст. Училиштата во Ирска се разликуваат меѓу рестриктивни пристапи и доброволни иницијативи за справување со загриженоста за користењето телефон во основните и средните училишта.

The post Ирските лекари бараат од државата да им забрани на децата под 16 години да користат мобилни телефони appeared first on Република.

Кражбата на мобилни телефони e голем проблем, пa затоа „Гугл“ најави нови функции против насилно одземање уреди и за заштита на корисниците на „Андроид“ оперативните мобилни системи.

Некои од новите функции доаѓаат уште оваа година преку ажурирањата на „Андроид 10“ и подоцнежните системи, а дел ќе се добијат во склоп со „Андроид 15“. Со новостите, како заштитата од фабрички ресетирања, на крадците ќе им биде потешко да го ресетираат украдениот уред за да го продадат. Ако крадецот насилно ресетира украден уред, нема да може да го ресетира без да ги знае неговите спецификации. Тоа практично ги сведува можностите за препродажба - скоро на нула.

Кога станува збор за извлекување вредни податоци, „Гугл“ подготвува нова опција, исто така - за „Андроид 15“, која овозможува создавање личен простор во мобилниот телефон каде што може да се сокрие ПИН-кодот - за заклучување апликации со чувствителни податоци.

Некои подобрувања за заштитата на идентитетот ќе пристигнат на некои уреди уште годинава.

„Тефт детекшн лок“ користи ВИ за да го препознае наглото одземање на паметниот телефон од раката на корисникот и бегањето потоа... При такви движења, екранот на украдениот телефон сам се заклучува. Ако крадецот подолго време се обидува да го исклучи паметниот телефон - со премногу неуспешни обиди за идентификација, функцијата „Офлајн девајс лок“ автоматски ќе го заклучи екранот за да ги заштити податоците.

Ако мобилниот телефон е украден, сопственикот ќе може да го заклучи и само користејќи го својот број преку друг телефон. Сите овие новости ќе пристигнат подоцна оваа година на сите досегашни уреди со „Андроид 10“ и подоцнежни оперативни системи.

https://www.youtube.com/watch?v=fCOtJl7SVwE&embeds_referring_euri=https%3A%2F%2Fmia.mk%2F&source_ve_path=MjM4NTE&feature=emb_title

The post За да се оневозможи крадењето телефони: Новости на „Гугл“ за „Андроид“ appeared first on Република.

Граѓаните на Естонија во иднина ќе можат да гласаат на избори преку мобилен телефон, откако Парламентот во Талин го одобри законот предложен од Владата.

Според предлог-законот, електронското гласање нема да биде можно само на компјутери, туку и преку специјални апликации за заеднички оперативни системи на мобилни уреди.

Техничките услови ги утврдува избирачкиот одбор пред секои избори.

Измената на законот треба да стапи на сила во октомври, па опцијата за гласање со мобилен телефон се уште нема да може да се користи на изборите за Европскиот парламент во јуни.

Според естонскиот министер за економија и ИТ, Тиит Риисал, новиот закон има за цел да ја земе предвид промената во однесувањето на граѓаните.

„Значителен дел од секојдневните дигитални активности на луѓето се префрли од компјутери на паметни уреди, а е-Естонија мора да биде достапна за сите на овие нови и широко распространети платформи“, рече министерот.

Во 2005 година, Естонија беше првата земја во Европа што овозможи онлајн гласање на политички избори.

Во балтичката држава, која сака да се нарекува себеси е-Естонија, на парламентарните избори во март 2023 година повеќе од половина од сите гласови беа дигитално дадени.

Граѓаните на таа балтичка држава, исто така, можат да прават речиси сè онлајн во секојдневниот живот.

Естонија се смета за пионер на дигитализацијата и електронската управа во Европа.

The post Естонија ќе дозволи гласање на изборите со мобилни телефони appeared first on Република.

Министерот за внатрешни работи, Панче Тошковски, во емисијата „Заспиј ако можеш“ на Алфа телевизија, го коментираше случајот кога на автопатот Петровец - Скопје беше сопрено комбе натоварено со 1.200 кг скапи телефони и тоа откако веќе ја поминало Царината која евидентирала дека истото превезува друга стока, а не телефони.

Тошковски изјави дека откривањето на оваа пратка телефони е само дел од зголемениот тренд на акции и постапки во последниве околу два месеца, во кои се откриени незаконски дејствија од службени лица, полициски службеници.

Факт е дека во последните педесетина дена, бројот на оперативни операциии коишто дале резултат е видлив за јавноста. Факт е дека во последниве педесетина дена, Внатрешна контрола извади поголем број на постапки, во кои, дали постапувајќи по наредба на јавен обвинител, дали постапувајќи со известување, има процес на кривичен прогон на сторители полициски службеници.

 

Факт е дека пред некој ден - минатата недела, имаше интересна акција спроведена од СВР Скопје, во делот на борба против трговија со дрога, при што беше откриена поголема пратка на одредена техничка роба - мобилни телефони. Станува збор за пратка од огроемен број на мобилни телефони, вредни огромна сума, којашто, според инфромациите што ги имам, не соодветствува со документацијата што треба да ја има Царината. Притоа, причинета е огромна штета по буџетот на Македонија“, вели Тошковски.

Министерот информира дека веќе има отоврено постапка за овој случај и дека Процесот го води Обвинителството. Тој коментира дека досега нема ниту еден уапсен, но дека се надева оти во брзо ќе видиме и приведување на некој осомничен.

Факт е дека огромен пропуст е сторен од страна на царинските служби. Дали било со умисла, дали бил од небрежност - тоа ќе покаже истрагата. Таму си постапува јавен обвинител, Министерството и сите други надлежни органи постапуваат по негова координација и се надевам дека во многу брзо време, за оние коишто го терале овој процес - подолг временски период, според информациите што ги имам, ќе се преземат соодветни мерки. А, притоа, буџетот на Македонија нема да биде оштетуван ни во иднина“, вели Тошковски.

Тој додава дека првичните информации покажуваат дека сумата со која е оштетен Буџетот е позамашна, како и дека бројот на откриени телефони што се споменува, од информациите што ги добива, е преголем за потребите на Македонија.

Од таа причина, Тошковски упатува јавно прашање која била целта на влезот на толква количина на мобилни телефони во државата и дали тие потоа стануваат дел од поголем шверц.

Поставувам јавно прашање, дали Македонија е ризница за шверц на ваква роба, имајќи предвид дека северната граница е таква каква што е, односно имајќи предвид дека границата е тотално необезбедена. Поставувам прашање дали тоа е истиот човек е оној што обезбедува безбедна траса од аеродром до, еве да речеме Приштина. Јас не можам да тврдам ништо, само поставувам јавно прашање“, коментира Тошковски.

На крајот тој најави дека очекува оти во наредниот период ќе има нови моменти во целиот случај.

Овој случај ќе се развива во иднина. Се постапува по наредба од јавен обвинител и мислам дека овој случај ќе води до доста интересни прекршувања на закони, интересни бројки и интересни оштетувања на буџетот“, вели Тошковски

The post Тошковски за запленетите 1,2 тона мобилни телефони: Очекувам наскоро да има апсење, случајот ќе води до интересни прекршувања на законите appeared first on Република.

Англиски министри потврдија дека планираат да ја забранат употребата на мобилни телефони во училиштата. Објавија упатства за директорите, пренесува „Гардијан“. Упатствата им дозволуваат на училиштата различни начини да ја спроведат забраната, вклучувајќи учениците да ги остават мобилните телефони дома, да ги чуваат во шкафчиња или да ги остават исклучени.

Според податоците на Офком, 97 отсто од 12-годишниците имаат паметен телефон. Паметните телефони го одвлекуваат вниманието на учениците, а поради нивната распространетост, децата кои ги немаат може да бидат малтретирани, што врши притисок врз родителите, пишува „Гардијан“.

Во интервјуа каде што зборува за планот, Џилијан Киган, министерот за образование, рече дека министерството за образование се консултирало со наставниците и верува дека насоките ќе доведат до целосна забрана за телефоните и ќе испратат јасна порака за доследност.

„Училиштата се таму каде што децата учат, а мобилните телефони само го одвлекуваат вниманието. На наставниците им даваме алатка за подобрување на однесувањето на учениците, што ќе ја олесни наставата“.

Упатството не е законско решение, но им нуди на училиштата различни начини за спроведување на забраната, почнувајќи од наредба да се остават сите телефони дома, до предавање при пристигнување или чување во недостапни шкафчиња или дозволување на учениците да ги чуваат под услов тие да не се користат.

The post Англија планира да ги забрани мобилните телефони во училиштата appeared first on Република.

Во ОУ „Св. Кирил и Методиј“ во Кочани е донесена одлука да им се забрани на учениците да ги користат мобилните телефони додека престојуваат во училишниот објект, а изготвен е и Кодекс на облекување.

Употребата на мобилните телефони се забранува во целост, односно за време на часовите, но и на малите и големите одмори, а ќе може да се користат откако ќе заврши наставата. Доколку учениците имаат потреба да контактираат со родителите за време на часовите, тоа ќе може да го направат преку одделенскиот раководител, стручната служба или директорот.

Забраната за мобилните телефони е заради подобрување на дигиталната безбедност и заштита од разни видови онлајн злоупотреба. Доколку ученик го користи мобилниот телефон за време на наставата, истиот ќе му биде одземен и предаден кај службите, а ќе биде вратен кај родителот на крајот од учебната година. Во Кодексот на облекување е наведено дека не е дозволено носење здолништа и кратки панталони, маици без ракави, спортски хеланки, искинати фармерки, високи потпетици и слично. Исто така, издадовме брошура против т.н булинг, односно врсничкото насилство меѓу учениците и клучната улога што ја имаат родителите во неговото спречување, истакна Силвана Серафимова, педагог во ОУ „Св. Кирил и Методиј“.

Кодексот на облекување треба да помогне во одржувањето на дисциплината и редот во училишната средина, како и за избегнување на проблеми поврзани со начинот на облекување. Секој ученик кој нема да ги почитува одредбите ќе биде отстранет од час и вратен во својот дом за да се облече соодветно, а ќе добие неоправдан изостанок за часот од кој што ќе биде отстранет.

Правилникот за користење мобилни телефони и Кодексот на облекување се поддржани и усвоени од Советот на родители, Наставничкиот совет и Училишниот одбор. Одлуките веќе се применуваат и се однесуваат на сите ученици од прво до деветто одделение.

The post Нема користење мобилни ни на мал или голем одмор, реши ОУ „Св. Кирил и Методиј“ – Кочани appeared first on Република.

Мобилните телефони ќе бидат забранети во училиштата во Нов Зеланд, изјави премиерот Кристофер Луксон, додека неговата нова влада се обидува да го промени падот на писменоста во земјата.

Ние сакаме нашите деца да учат, а нашите наставници да подучуваат. Овој потег ќе го запре нарушувачкото однесување и ќе им помогне на учениците подобро да се фокусираат, рече Луксон.

Училиштата во Нов Зеланд некогаш можеа да се пофалат со забележителни резултати на писменост, но нивото на читање и пишување падна во последниве години до тој степен што некои истражувачи стравуваат дека има сериозна криза во училиштата.

Истражувачите од новозеландската добротворна организација „Едукејшн Хаб“ предупредија на криза со писменоста во 2022 година, кога открија дека повеќе од една третина од 15-годишниците едвај знаат да читаат и пишуваат.

Јасно е дека мора да се направи нешто за да се реши загрижувачки ниската стапка на писменост во Нов Зеланд, предупредија истражувачите.

Премиерот Луксон рече дека телефоните во училиштата ќе бидат забранети во првите 100 дена на функцијата, усвојувајќи политика која веќе е тестирана со различни резултати во САД, Велика Британија и Франција.

The post Мобилните телефони ќе бидат забранети во училиштата во Нов Зеланд appeared first on Република.

Целосниот прекин на вториот по големина австралиски оператор за мобилни телефони „Optus“ ги парализираше телефонските и интернет конекции на повеќе од десет милиони луѓе во средата.

Од раните утрински часови корисниците ширум земјата не можат да телефонираат ниту да пристапат на интернет, јавуваат австралиските медиуми. Според извештајот на телевизијата 9News, ова е најголемиот прекин на телекомуникациите во историјата на земјата. Во соопштението објавено од компанијата напладне по локално време, се вели дека најверојатно ќе бидат потребни часови за да се врати мрежата.

Ова е многу невообичаена појава и штом ќе разбереме што точно се случило, ќе ги споделиме деталите“, изјави извршната директорка на „Optus“, Кели Баер Розмарин за радио станицата 2GB во Сиднеј.

Не е јасно што го предизвикало падот на системот, но властите ја отфрлија можноста за сајбер напад. Интернетот, мобилните услуги и врските со некои владини оддели биле прекинати, вклучително и телефонските врски со болниците и службите за итни случаи.

На својата веб-страница, „Optus“ ги советуваше клиентите кои треба да се јават во службата за итни случаи да најдат член на семејството или сосед на друга мрежа што може да им помогне.

Прекинот на услугата предизвика хаос во мрежите на јавниот транспорт во некои градови и дефект на мобилните системи за плаќање. Од „Optus“ подоцна во средата соопштиле дека услугите се обновени, пренесува Reuters.

„Optus“ е вториот најголем телекомуникациски провајдер во Австралија по „Telstra“. Компанијата се најде на насловните страници минатата година кога хакери ги украдоа чувствителните податоци на милиони Австралијци во нападот на системот на „Optus“.

The post Австралијците останаа без мобилни телефони и интернет appeared first on Република.

Уреди кои вклучуваат и мобилни телефони ќе се забранат во училниците за да не се наруши текот на учењето, објавија холандските власти.

„Би-би-си“ пренесува дека новото правило ќе се воведе во училиштата и ќе започне со почетокот на следната учебна година.

Правилото за забранета употреба на мобилни и слични уреди ќе има исклучоци за ученици со посебни медицински потреби или со инвалидитет, а тоа нема да важи и за часовите за дигитални вештини.

Иако забраната не е законски официјализирана, холандското министерство за образование истакна дека во иднина, тоа може да се промени.

Иако мобилните телефони станаа неизоставен дел од нашите животи, тие не припаѓаат во училниците. Учениците треба да се концентрирани и да ја имаат секоја шанса добро да учат. Има научни докази дека телефоните ги деконцентрираат“, изјавил министерот за образование Роберт Дијкграф.

Разни студии покажуваат дека ограничената употреба на мобилните телефони е поврзана со подобрена концентрација.

Забраната опфаќа и уреди како таблети и паметни часовници.

Според министерството за образование, секое училиште индивидуално ќе може да ги договори новите правила во консултации со наставниците, родителите и учениците.

На крајот на следната учебна година, холандското министерство ќе го процени влијанието на новото правило и ќе одлучи дали таа ќе биде законски воведена.

The post Холандија ги забрани мобилните телефони за време на училишните часови appeared first on Република.

Психологот за деца од Санкт Петербург, Екатерина Мурашова и нејзините колеги во 2013 година спровеле интересен експеримент. Таа побарала од 68 тинејџери на возраст од 12 до 18 години да се откажат од сите свои електронски уреди, односно да ги исклучат мобилните телефони, компјутерите, телевизорите, таблетите и конзолите за игри, во траење од осум часа и за тоа време да не комуницираат со никого.

Она што им било дозволено во тие осум часа е - да пишуваат, цртаат, читаат, пеат, шетаат и да се занимаваат со слични активности. Авторката на експериментот сакала да докаже дека современите тинејџери не можат да се преокупираат со такви работи и дека се целосно несвесни за својата состојба.

Според правилата на експериментот на децата им било советувано да го прекинат експериментот доколку почувствуваат прекумерна вознемиреност, непријатност или напнатост и да го забележат времето и причината за прекинот.

Резултатите биле шокантни, а треба да се земе предвид и дека експериментот е спроведен пред десет години, кога технологијата беше далеку помалку распространета отколку денес.

Од 68 испитаници, само тројца го завршиле експериментот - едно девојче и две момчиња. Тинејџерка осум часа ги запишувала своите чувства во дневник. Едно од момчињата правело макета на едрилица, со пауза за ручек и шетање на кучето. Вториот прво ги сортирал и преуредувал своите колекции, а потоа се занимавал со пресадување цвеќиња. Ниту еден од нив немал негативни емоции за време на експериментот и не забележал појава на „чудни“ мисли.

Тројца учесници во експериментот изјавиле дека „имале самоубиствени мисли“, а петмина доживеале напади на паника. Кај 27 тинејџери се забележани симптоми како гадење, потење, вртоглавица, бранови на жештина или болки во стомакот. Речиси секој од нив пријавил чувство на страв и вознемиреност.

Интересот и возбудата за новонастанатата состојба и за соочувањето со себеси стивнаа кај речиси сите учесници на почетокот на вториот или до третиот час. Десет тинејџери кои го прекинале експериментот се чувствувале вознемирени по три или повеќе часа осаменост.

Што правеле тинејџерите за време на експериментот?

Јаделе;

Читале или се обидувале да читаат;

Пишувале домашни задачи или учеле;

Гледале низ прозорецот или се шетале низ станот;

Излегле во продавница или кафуле, без да комуницираат со други, освен со продавачите;

Наоѓале загатки и ределе „Лего“ коцки;

Цртале;

Си играле со куче или мачка;

Се капеле;

Си ја средувале собата или станот;

Се занимавале со физичка вежба;

Ги запишувале своите чувства и мисли;

Свиреле на пијано, гитара или флејта;

Пишувале поезија или проза;

Едно момче патувало низ градот пет часа, менувајќи автобуси и тролејбуси;

Едно момче отишло во забавен парк, но по три часа почнало да повраќа;

Едно момче шетало низ градот;

Едно момче отишло во зоолошката градина;

Една девојка отишла во музејот.

Што правеле по експериментот?

Речиси секој учесник се обидел да заспие во одреден миг, но никој не успеал поради мислите што им се вртеле низ главата. По завршувањето на експериментот, 14 тинејџери веднаш пристапиле до социјалните мрежи, 20 контактирале со своите пријатели, тројца со родителите, а петмина отишле да посетат свои другари. Останатите ги вклучиле телевизорите или почнале да играат видеоигри. Покрај тоа, речиси сите веднаш си пуштиле музика или ставиле слушалки на ушите.

Сите стравови и симптоми исчезнале веднаш по завршувањето на експериментот. Интересно е што 63 тинејџери го препознале експериментот како корисен и интересен за самоспознавање. Шест учесници сами го повториле експериментот и тврдат дека успеале по неколку обиди.

Кога тинејџерите анализирале што им се случило за време на експериментот, 51 лице користеле изрази како „зависност“, „доза“, „повлекување“, „излегува дека не можам да живеам без...“, „Постојано ми треба...“

Сите тие рекоа дека биле страшно изненадени од мислите што им се случиле за време на експериментот, но не можеле да се справат со нив поради влошување на општата состојба.

The post Eксперимент: Децата не знаат што да прават со себе кога ќе им ги одземат мобилните телефони appeared first on Република.

Според адвокатот Јанаки Митровски состојбата во македонските затвори е ужасна и оти малку се работи на рехабилитација на самите затвореници.

Во Шведска затворот е како хотел од четири звезди. Сметам дека во затворите во Македонија телефони треба да се дозволуваат за комуникација со семејството. Можеби не интернет. Тоа ќе придонесе за дисциплина на затворениците-вели Митровски за „Република“

The post Затворениците треба да имаат мобилни телефони, смета адвокатот Митровски appeared first on Република.

За време на зимскиот распуст активностите на отворено се намалуваат, па родителите, најчесто за да си олеснат себеси, им дозволуваат на децата да минуваат повеќе време „пред екраните“. Тоа, сепак, не е најдобрата опција за малечките, велат стручњаците.

Конзумирањето медиумски содржини може да им наштети на децата при развивање емпатија, бидејќи ги отуѓува од социјалните интеракции и така тие го губат интересот за потребите на другите.

Но, има начини да се намали употребата на мобилни телефони и таблети кај детето. Пред сѐ, возрасниот мора да биде пример со тоа што самиот ќе ја намали нивната употреба. Детето прво учи од своите родители и се однесува според она што го гледа кај другите.

Поставете ограничување на користењето на уредот. На детето тоа нема да му се допадне на почетокот, но сите се навикнуваат. Тоа е еден од најдобрите совети за оттргнување од екранот.

Следна „неодоливата понуда“ со други занимливи и забавни содржини, на пр. друштвени игри за целото семејство. На овој начин, освен што помалку ќе се користат уредите, децата ќе научат и нови вештини додека играат.

Корисно е да се има место каде што ќе може, едноставно – да се остави мобилниот телефон, па и возрасните и децата ќе може да се посветат на пополезни и покорисни активности.

Важно е, секако, детето да остане зафатено со она што го правите. Дозволете му, на пр., да готви едноставни оброци или да учествува во чистењето на плакарот, а тоа да биде забавно. На овој начин и детето ќе се чувствува подобро, а и ќе стекне добри навики коишто подоцна во животот ќе му бидат од корист.

The post Како детето да се оттргне од паметните уреди во зимскиот распуст? appeared first on Република.

Владата на италијанската премиерка Џорџа Мелони објави писмо потпишано од министерот за образование Џузепе Валдитара со кое се забранува употреба на мобилни телефони за време на часовите.

Во текстот се наведува дека употребата на мобилни телефони претставува „елемент на одвраќање“ и чин на „непочитување кон наставниците“.

Главниот приоритет наведен во писмото е враќање на авторитетот на наставниците.

Исто така се наведува дека употребата на мобилни телефони и други електронски уреди сепак ќе биде дозволена доколку е за едукативни цели.

The post За да се врати авторитетот на наставниците, Италија ги забрани мобилните телефони на часовите appeared first on Република.

Марјан Спасовски, директор на Управата за извршување на санкции на денешната прес-конференција по големата акција во затворот во Идризово, рече дека не се правел селективен претрес, туку се влегувало во оние ќелии за кои обвинителот издал наредба. Тој додаде дека ќе се бараат оставки, ако се утврди одговорност за внесувањето на мобилни телефони, пари, дрога во ќелиите.

Од 6 до 9 часот наутро се вршеше претрес во затворот во Идризово. Ако се утврди одговорност, било чија одговорност ќе се бараат оставки. Уште постојат индиции дека има мобилни телефони, ние редовно вршиме претреси. Направен е неселективен претрес, но не може во една акција да бидат опфатени сите ќелии. Затворот во Идризово е избран бидејќи најголемиот дел, односно 50 отсто од затворската популација е таму. Во тек е обезбедување на докази и претресот не беше селективен, а асистенцијата од ЕБР беше во делот каде има одделенија со висок безбедносен ризик. МВР влегува со наредба од обвинител. Претресот беше наменет за осудените лица, а не кај затворските чувари. Лицата кај кои се правеше претрес се осудени за секаков вид на кривични дела и не се работи само за едно кривично дело - изјави Спасовски.

При претрес на 25 ќелии во затворот „Идризово" полицијата пронајде поголема сума на парични средства од законски дозволените кои осудените лица можат да ги поседуваат во различни валути и апоени, педесетина мобилни телефони, компјутерска галантерија, 37 ножеви и повеќе други остри предмети, дрога во прашкаста, течна состојба и таблетки, како и други предмети за кои постои сомнение дека се поврзани со кривични дела.

The post Сигурно има уште мобилни телефони кај осудениците во „Идризово“, не може сè да се најде во еден ден, вели Спасовски appeared first on Република.

Бројот на активни претплатници во мобилна телефонија  во четвртиот квартал лани изнесувал 1.941.352. Од нив резиденцијални припејд претплатници се 780.098, а постпејд 912.660, додека деловни постпејд  се 248.595, покажуваа најновите податоци на Агенцијата за електронски комуникации (АЕК).

Пристап до интернет со широк и тесен опсег преку мобилна  мрежа во четвртиот квартал лани имале 1.416.911 претплатници.

Најголем удел во вкупниот број претплатници има Македонски телеком со 48, 2 проценти, по што следи А1 Македонија со 48,04, па Лајкамојал со 2,53 проценти, Роби со 1,21 процент и Грин мобиле со 0,02 проценти. Најголем удел од приход и, пак, има А1 Македонија со 49,37 проценти, пред Македонски телеком со 47,55 проценти.

Според извештајот на АЕК, во последниот квартал лани се реализирани вкупно 1.485.329.432 минути сообраќај.  Остварени се 4.400.712 минути сообраќај  од претплатници на домашен оператор кои роамирале надвор од државата.

Вкупниот број на фиксни линии (сите технологии) во последниот квартал лани изнесува  425.646, а остварени се 30.860.048 минути сообраќај. Најголем удел во бројот на претплатници има Македонски телеком со 52,62 проценти, по што следи А1 Македонија со 40,85 проценти, па Роби со 4,38 и Неотел со 2, 14 проценти.лв/мд/

The post Во мобилната телефонија 1.941.352 претплатници, 425.646 фиксни линии appeared first on Република.

Олимпискиот комитет на САД ги повика членовите на својата делегација на Игрите во 2022 година да не ги носат своите лични мобилни уреди во Пекинг и наместо тоа да користат евтини „телефони за еднократна употреба“ кои можат да се користат за контакт со семејството и да се фрлат кога ќе се вратат дома.

Според „Wall Street Journal“, во Кина, гаџетите може тајно да се хакираат со помош на апликацијата My2022 – од сите гости на Олимпијадата се бара да ја инсталираат за цели против КОВИД.

Во исто време, следењето, прислушувањето и кражбата на идентитет наводно може да продолжат и по завршувањето на Игрите.

The post Aмериканските спортисти нема да носат мобилни во Пекинг за да не ги прислушкуваат appeared first on Република.