Ќе се зголемат платите и на медицинскиот персонал, откри министерката за финансии, Гордана Димитриеска Кочоска.

Таа не кажа колку ќе изнесува покачувањето, но најави дека ќе го има. По зголемување на платите во образованието, вели дека мора да се покачат и платите на вработените во здравството, не но на докторите, чии плати изминатиот период бележеле пораст

Очекуваме сега и во здравството да видиме, особено за медицинско-техничкиот персонал. Докторите ги исклучувам овде бидејќи тие во минатото имаа повеќе покачување. Не велам дека можеби нема да бидат опфатени, но фокусот ни е повеќе на техничките служби, медицинските сестри, вели министерката.

Ако се полни буџетот со ваква динамика, како во изминативе 100 дена, ќе има и за покачување на платите во другите сектори, вели Кочоска.

Најголема наплата има токму во Царината. Директорот вели дека натрфиле во сите области.

The post Ќе се зголемат платите на медицинскиот персонал, покачување се очекува и во други сектори appeared first on Република.

Околу 70 членови на медицинскиот персонал, од кои преку 20 лекари ќе добијат решенија на неопределено време. Досега тие беа ангажирани со договор на дело.

Според директорката на прилепската градска болница „Борка Талески“, Кети Смилеска тоа е големо подобрување на здравствените услуги во Болницата.

Според планот на Министерстрвото за здравство и на Владата, Општата Болница со проширена дејност од Прилеп планира вработување на неопределено време на 70-тина од досега работно ангажираниот персонал со договор на дело. Меѓу нив се повеќе од 20 лекари. Тоа квалитетно ќе ги подобри здравствените услуги, вели Смилеска.

Годинава, болницата ќе има повеќе зафати за подобрување на здравствените услуги.

За потребите на очното одделение ќе се набави нова офталмолошка опрема за извршување на современата ФАКО метода. Во тек е постапка за набавка на најсовремена опрема за болничката лабараторија со што ќе се забрзат и ќе се олеснат анализите на сите земени примероци. Ќе има комплетно реновирање на котларницата со што ќе се осовремени и ќе се унапреди процесот на затополување на болничките одделенија. За брзо очекуваме набавка на ново современо возило за Службата за итна медицинска помош, објаснува Смилеска.

Во изминатата 2023 година комплетно, за првпат, е реновирано Инфективното одделение, опремен е нов кабинет за ендокринологија, набавени се 6 нови пациент монитори - „Proview 12“ од германскиот производител „Medical Econet“ за потребите на Службата за анестезија, а во ортопедското одделение по подолго време е имплантирана тотална протеза на колено на пациент.

Прилепската болница е надлежна за здравствените услуги на околу 100 000 жители во Регионот.

The post Прилепската болница ќе вработи 70 членови од медицинскиот персонал меѓу кои има 20 лекари кои со години работеле со договор на дело appeared first on Република.

Педесет и петгодишен жител на Пробиштип агресивно се однесувал кон здравствените работници во Клиничка болница-Штип, а физички нападнал и полицаец. Надлежните од СВР-Штип информираат дека настанот се случил синоќа.

Полициски службеници од Полициската станица Штип го лишиле од слобода 55 годишниот З.К. од Пробиштип бидејќи околу 23.00 часот во Клиничка болница Штип агресивно се однесувал кон медицинскиот персонал и физички нападнал полициски службеник кој преземал службени дејствија. З.К. бил задржан во Полициска станица, вели во соопштението на СВР-Штип.

По целосно документирање на случајот против 55 годишниот З.К ќе биде поднесена соодветна кривична пријава.

The post Медицински персонал и полицаец нападнати во штипска Клиничка болница appeared first on Република.

Речиси 4.900 здравствени работници во Израел се ставени во карантин. Во изолација се 690 лекари и 1282 медицински сестри. За споредба, до вчера во карантин беа околу 3.800 здравствени работници. Меѓу нив имаше 542 лекари и 1.000 медицински сестри.

Недостигот од критичен медицински персонал е една од причините за одлуката на израелското министерство за здравство да им дозволи на заразените со варијантата Омикрон наместо за десет дена да излезат од изолација после една седмица, под услов да немале никакви симптоми во претходните три дена.

Во последните 24 часа во земјата се регистрирани 43.815 нови случаи на корона вирус“. Во израелските болници има 781 заболен од Ковид-19, од кои 255 се во тешка состојба, а 63 се на апарати за механичко дишење.

Во моментов има околу 223.000 активни случаи на корона вирус во земјата, но експертите проценуваат дека реалната бројка е многу поголема.

The post Околу 4.900 здравствени работници во Израел се во карантин, земјата се соочува со сериозен недостиг на медицински персонал appeared first on Република.