Претседателот на Владата на Република Македонија Христијан Мицкоски се обрати од Мечкин Камен, каде што се одржува централната прослава на 121 година од Илинденското востание. Во говорот Мицкоски се осврна на идејата вградена во Крушевската Република, но и на темелите кои почиваат на повикот за единство. Сепак, тој изрази и страв дека токму тие темели денеска се длабоко разнишани.

Многу ќе беше полесно, многу ќе беше поедноставно доколку една генерација го наследи делото и продолжи она што го градела претходната. Не би бил одговорен кон себе и кон сите вас доколку не кажам дека она што го затекнавме како влада не е само запоставена држава и институции туку и ограбена и недомаќински разграбена држава по сите параметри. Не можам да ја одбегнам неодговорноста поради неописивата радост на опозицијата поради пожарите и таа решеност и истовремено неодговорност да се прави политика од колективната несреќа и борбата на сите нас секојдневно да се стават под контрола пожарите. Но и фрапантното е лицемерие за делење на лекции и памет од истите оние кои на владата и оставија летала за гасење на пожар кои не летаат, без екипаж, институции за спасување без опрема и без било каква организираност. Политиката на ниски страсти која ја водат говори само за недостаток на визионерство, конфликтите од внатре кои сакаат да ги пренесат надвор, нивните проблеми да станат проблеми на нацијата и давењето во калта во која сакаат сите да не повлечат. И тоа нешто кое нема да го дозволам. Вистинското прашање и дилема денес е дали тоа единство постои во состојба кога борбата мора да трае, за да имаме победа. А денес имаме сериозни обиди за нарушување на тоа единство. Поединци кои си играат со колективните судбини и го продаваат тоа единство, порача меѓудругото Мицкоски.

Тој повика „да направиме држава каде нема да има граѓани од прв и втор ред“.

Да имаме држава каде секој ќе знае дека е заштитен, а не уплашен ако му се закани некој политичар. Ова не смее да биде држава каде ќе има неправди. Ова не смее да биде држава каде ќе има наредени и потчинети поради политичка припадност. Ова ќе биде земја каде ќе се почитува секој оној што е чесен, искрен и вреден, а ќе се казнува секој оној што е корумпиран. Да ги вратиме вредностите онаму каде е место – тие кои се огрешиле кон законите да одговараат, работниците да бидат со пристојни плати, младите со шанса за иднина, земјоделците да бидат задоволни, лекарите почитувани… Македонија повторно горда и повторно твоја, порача Мицкоски.

The post Нема да дозволам опозицијата да нè повлече во нивното давење во калта, вети Мицкоски од Мечкин Камен appeared first on Република.

За време на одбележувањето на Илинден, 2 Август, претседателката на Македонија Гордана Сиљановска Давкова прво ќе го посети Меморијалниот центар на АСНОМ во Пелинце каде ќе има и свое обраќање, а потоа ќе отпатува и во манастирот Св. Прохор Пчински, каде е предвдиено да се поклони пред спомен плочата на АСНОМ, но и да се сртене со српскиот претседател Александар Вучиќ.

Заедничката посета на Прохор Пчински била договорена за време на завчерашниот телефонски разговор меѓу двајцата претседатели.

Одбележување на 121 година од Илинденското востание ќе има на Мечкин камен, каде владината делегација на 2 Август ќе ја предводи македонскиот премиер Христијан Мицкоски.

Во Скопје, Денот на Републиката ќе се одбележи со манифестација на тврдината Кале, каде обраќање ќе има претседателот на Собранието на Македонија Африм Гаши.

Годинава се одбележуваат 80 години од првото заседание АСНОМ и 121 година од Илинденското востание.

The post За Илинден, Силјановска на Пелинце, Мицкоски во Крушево, Гаши ќе остане во Скопје appeared first on Република.

Фотографијата на Бобан Кошинов на која тринаесетгодишната Андреа Данаиловска го крена на две нозе својот коњ, на чии гради беше македонското знаме, многу брзо се прошири на социјалните мрежи. Кошинков го „фати моментот“ на годинашното празнување на Илинден, на Мечкин Камен. Даниловска беше најмладата учесничка на Илинденскиот марш,

Кошинов е Велешанец, кој со фотографија и видеомонтажа започнав да се занимава пред околу седум години.

На Илинден бев дел од делегацијата на ВМРО-ДПМНЕ во Крушево и на Мечкин Камен. Додека ја чекавме коњаницата да пристигне, можеби тука е најинтересниот момент, сите фотографи и камермани се префрлија од другата страна, а јас останав кај делегациите. Пристигна коњаницата и беше пречекана бурно, во одлична атмосфера. Коњот на Андреа ми го привлече вниманието затоа што на неговите гради беше знамето на Македонија.
Се приближив да фатам подобар агол и тогаш Андреа го исправи на две нозе и направив неколку фотографии, меѓу кои и виралната. Навистина бев среќен и горд што таа фотографија ја виде речиси цела Македонија, вели во интервју за „Колибри“, додаток во дневниот весник „Нова Македонија“ Кошинов.

Целиот разговор може да го прочитате во Нова Македонија

The post Бев среќен и горд што фотографијата молскавично се ширеше и ја виде цела Македонија! appeared first on Република.

На Мечкин Камен делегацијата на власта исвиркана, а делегацијата на ВМРО ДПМНЕ, дочекана со овации

The post На Мечкин Камен делегацијата на власта исвиркана, а делегацијата на ВМРО ДПМНЕ, дочекана со овации appeared first on Република.

Делата се тие кои заслужуваат почит и внимание, а не празните говори и зборови на лица кои со ниедно дело не придонеле кон Македонија и нејзината историја и иднина, велат од ВМРО-ДПМНЕ.

За жал денес тука на Мечкин Камен ќе чуете празни зборови од страна на функционери на оваа власт кои лицемерно чествуваат а под маса распродаваат идеали на илјадници синови и ќерки на Македонија кои своите животи ги положиле за Македонија. Затоа имињата на овие функционери народот нема да ги памети, а вечно ќе се сеќава на храброста и самопрегорот на оние кои ја граделе Македонија и нејзината државност.

Оттука празните флоскули на функционерите на власта не се вредни ниту за внимание ниту за коментар. Делегацијата на ВМРО-ДПМНЕ , предводена од Претседателот Христијан Мицкоски после положувањето на свежо цвеќе На Мечкин Камен и оддавањето почит на хероите , продолжува во селото Ташмаруништа каде што ќе положи свежо цвеќе пред споменикот на двата Илиндени, 1903 и 1944 затоа што и двата датуми се дела на кои треба простум да им се поклониме, стои во партиското соопштение.

The post Аплаузи за ВМРО-ДПМНЕ на Мечкин Камен: Празните флоскули на функционерите на власта не се вредни за внимание appeared first on Република.

Од Мечкин Камен претседателот на ВМРО-ДПМНЕ Христијан Мицкоски од негово лично и од името на партијата на сите граѓани во Македонија им го честиташе овој национален и државен празник, бидејќи, како што порача тој, Илинден за сите нас претставува темел на нашиот идентитет, борба за државност.

Ден за кој што многу наши браќа и сестри во минатото го положиле својот живот, ја дале својата крв за да можеме ние денеска слободно да живееме во независна држава Македонија. И овој ден Илинден претставува водилка како треба да живееме и како треба да ја чуваме нашата држава Македонија во иднина. А само тоа место Мечкин Камен одекнува и денеска, има големо и силно значење и денеска, затоа што во една нерамноправна борба четата на војводата Питу Гули борејќи се со повеќе броен аскер го положи својот живот, даде жртва за слободата која што ние денеска ја живееме. И денеска македонскиот народ, граѓаните во Македонија покажуваат пркост и знаат за што се борат, а се борат за својот идентитет, за својата држава и достоинствена иднина. Тоа е онаа порака која што денеска од мое име од името на ВМРО-ДПМНЕ и коалицијата која што ја предводи ВМРО-ДПМНЕ од ова место од Мечкин Камен ја упатува до сите граѓани во Македонија. Денеска од претставниците на власта ќе слушнете многу изјави, но додека ги зборуваат тие изјави пред медиумите знајте дека под маса договораат дополнително да го распродадат македонскиот супстрат и македонскиот идентитет за ден повеќе во фотелјите и ден повеќе да можат да ја пљачкаат и крадат Македонија. Но, пораката за единство на македонскиот народ е пред и над се, и тоа е порака која што денеска ја упатуваме од овде, од Мечкин Камен, затоа што кога македонскиот народ, кога граѓаните во Македонија се единствени, дури ни таков тип на политичари немаат никаков ефект и ништо не можат да направат. Само единствени ќе дојдеме до посакуваната цел, а тоа е Македонија која што ќе биде просперитетна, Македонија мајка на сите граѓани, развиена, Европска земја, порача Мицкоски.

The post Мицкоски од Мечкин Камен: Илинден е темел на Македонија, тие се бореа за слобода, денешната борба е за достоинство и единство appeared first on Република.

На 2 Август- Денот на Републиката - Илинден, што годинава се чествува под слоганот „120 години Илинден - Огниште на татковината“, премиерот Димитар Ковачевски ќе се обрати на свеченост на тврдината Кале во Скопје, претседателот на Собранието Талат Џафери на Мечкин Камен во Крушево, а претседателот Стево Пендаровски во Меморијалниот центар АСНОМ во Пелинце, информира попладнево владината прес-служба.

Во Крушево, утре, традиционално, во организација на НКС „Десет дена Крушевска Република“ се отвора истоимената манифестација која ги претставува културата, традицијата и историјата на Крушево, пред нашите граѓани, а на отворањето ќе се обрати Ковачевски, најави владината прес-служба.

-Делегации на Владата учествуваат на сите настани опфатени со државната програма за одбележување на државниот празник 2 Август - Денот на Републиката - Илинден. Одбележувањето на Денот на Републиката, Илинден на 2- Август ќе започне со настаните во Скопје, каде на свечена манифестација на тврдината Кале во Скопје ќе се обрати премиерот Ковачевски, а владини делегации ќе положат цвеќе на повеќе локации во градот, соопштуваат од Владата во информацијата за програмата за одбележување на празникот.

Според најавата, на 2 август во 8:30 часот владина делегација во чиј состав се министерот за надворешни работи Бујар Османи, министерот за транспорт и врски Благој Бочварски и заменик министерката за правда, Викторија Аврамовска Мадиќ ќе положат цвеќе на споменикот на АСНОМ во паркот „Жена Борец“ во Скопје, на споменикот на Никола Карев пред Собранието, како и на спомен-обележјето на Методија Андонов-Ченто на Градскиот плоштад.

Свечената манифестација во Скопје, продолжува на тврдината Кале во Скопје, во 9:30 часот, каде по положувањето цвеќе пред споменикот на слободата „Сила, слава и победа", ќе се обрати Ковачевски, по што ќе следи културно уметничка програма. Ковачевски таму ја предводи владината делегација во чиј состав се првиот вицепремиер и министер за политички систем и односи меѓу заедниците, Артан Груби, вицепремиерот за економски прашања и координација на економските ресори Фатмир Битиќи, министерката за одбрана Славјанка Петровска.

Од Владата информираат дека претседателот на Собранието, Талат Џафери, предводејќи државна делегација со државни почести и чествувања ќе го одбележи големиот национален празник Илинден во Крушево.

Во состав на владината делегација на чествувањето на државниот празник 2 Август - Денот на Републиката - Илинден во Крушево се, министерот за земјоделство, шумарство и водостопанство Љупчо Николовски, министерката за труд и социјална политика Јованка Тренчевска, како и министерот за образование и наука, Јетон Шаќири.

Владината делегација ќе се поклони и ќе оддаде почит положувајќи цвеќе на вечното почивалиште на првиот претседател на Крушевската Република, Никола Карев во споменикот „Македониум“ на Гумење и на споменикот на паднатите борци на Слива, кои се симбол на жртвата на востаниците за одбрана на Крушевската Република, со почеток во 9 часот.

Од 10 часот, со присуство на панихидата за загинатите Илинденци во црквата „Св. Никола“, на владината делегација и со положување цвеќе на споменикот на Мечкин Камен продолжува церемонијата во чест на националниот празник, по што на Мечкин Kамен во 11:30 часот, започнува манифестацијата на која ќе се обрати претседателот на Собранието, Џафери.

Во рамки на централниот дел од државната програма за чествување на 2 Август во Крушево ќе биде одржана празнична културно-уметничка програма.

Претседателот на државата Стево Пендаровски во 10:15 часот, по повод одбележувањето на 2 Август, Илинден – Денот на Републиката, на 2 август 2023 година, ќе се обрати пред Меморијалниот центар АСНОМ, во Пелинце.

Во чест на Првото заседание на Антифашистичкото Собрание на Народното ослободување на Македонија – АСНОМ, пред споменикот на АСНОМ, ќе биде положено свежо цвеќе, по што претседателот Пендаровски, ќе се обрати и следува организирана културно-уметничка програма.

На споменикот на АСНОМ во Меморијалниот центар Пелинце, по повод националниот празник Илинден, владината делегација ја сочинуваат министерот за внатрешни работи, Оливер Спасовски, министерката за животна средина и просторно планирање, Каја Шукова, министерот за информатичко општество и администрација, Азир Алиу.

Свечената програма за одбележување на Денот на Републиката и оваа година го опфаќа традиционалното чествување на Илинден во Смилево во организација на Општината Демир Хисар, каде се чествува со положување цвеќе и фолклорна манифестација.

Од 09 часот, владината делегација, во состав на заменик министерот за финансии Филип Николовски и националниот координатор за интеркултурализам, едно општество, развој на културата и меѓуресорска соработка Роберт Алаѓозовски, ќе оддадат почит на могилата Даме Груев, споменикот на смилевските Илинденци и спомен плочата на Смилевскиот партизански одред, по што следува посета на Меморијалниот музеј, положување цвеќе на споменикот на Даме Груев, по што во спомен паркот „Даме Груев“ започнува традиционалната прослава.

The post Чествување на 2 Август: Ковачевски во Скопје, Џафери во Крушево, Пендаровски во Пелинце appeared first on Република.

Од Левица реагираат дека припадници на затворската полиција неовлстено учествувале на обезбедување на припадниците на власта, а некои од нив биле дел и од онвидентите со граѓаните собрани на Мечкин Камен.

Реакцијата на Левица ја пренесуваме во целост.

„Дали Марјан Спасовски ќе побара санкционирање на овие припадници на затворска полиција кои вршат службени дејствија?

Бидејќи Управата за изршување на санкциите, предводена од директорот Марјан Спасовски од Куманово нема информации дека затворска полиција неовластено учествувала на илинденската прослава, Левица денес објавува фотографии од тројца припадници на затворската полиција.

Овие лица, на објавените видеа во медиумите на илиндеската манифестација јасно се гледаат дека даваат насоки на МВР и вршат други недозволени дејствија.

Првото лице е МАРТИН ДИМЕСКИ, вработен во Казнено-поправен дом Прилеп. На објавеното видео во медиумите, јавно се гледа дека Димески е дел од групата која дава насоки на МВР како да постапува во конфликтот со присутните граѓани.

Вториот припадник на затворската полиција е ЕНИС МУРАТ, вработен во затворот Шутка, кој е сликан на Илинден заедно со директорот на оваа казнено-поправна установа, Филип Андонов. Енис Мурат е дел од истата група со Мартин Димески, а на неговиот профил има објавено слики со високи државни функционери, како претседателот Стево Пендаровски и Заменик на Претседателот на Владата за европски прашања, Бојан Маричиќ.

Третиот припадник на затворската полиција е БОБАН КРСТЕСКИ, исто така вработен во затворот Шутка, со која раководи Филип Андонов. Бобан Крстески е дел од истата група на затворска полиција која дава насоки на МВР, со што е јасно дека станува збор за ОРГАНИЗИРАНО и координирано делување,а не поединечно и неорганизирано присуство, како што вчера објави Управата за извршување на санкции.

Според Законот за извршување на сакнциите, затворската полиција не смее да се ангажира да извршува работни задачи надвор од Казнено Поправните Установи низ државата. Директорите на Затвор Прилеп - Александар Дамески и Филип Андонов на Затвор Скопје ги злоупотребиле нивните службени функции и овозможиле затворските полицајци да извршуваат задачи, надвор од нивните овластувања.

Бараме директорот на Управата за извршување на анкциите, Марјан Спасовски од Куманово, веднаш да ги преземе сите мерки за санкционирање на директорите на овие казнено-поправни установи, како и на припадниците на затворската полиција кои неовластено вршеле службени дејствија. Дополнително, директорот Спасовски е одговорен да истражи дали и други директори незаконски организирале затворска полиција да биде ставена во служба на МВР.

Доколку Марјан Спасовски и понатаму продолжи да манипулира со јаноста и се става во заштита на очигледното и брутално кршење на законите, очекуваме министерот за правда Никола Тупанчески да побара негово разрешување.

Изминаа три дена од скандалозните инциденти на Мечкин Камен, каде директно беше инволвирана затворска полиција, а министерот Тупанчески нема никаква реакција во јавноста.

Јавно го прашуваме министерот Тупанчески дали ќе дозволи узурпирање на полицијата и МВР за тесно-партиски интереси на власта и ќе ги штити параполициските структури на СДС кои малтретираат обични граѓани?“

The post Припадници на затворската полиција неовластено давале насоки на полицијата на Мечкин Камен, дали Марјан Спасовски ќе побара санкционирање? appeared first on Република.

Агенцијата за аудио и аудиовизуелни медиумски услуги го осудува попречувањето на новинарската екипа на ТВ Алфа, да го проследи настанот по повод одбележувањето на празникот Илинден на 2 Aавгуст на Мечкин Камен во Крушево.

Потсетуваме дека е особено важно на сите медиуми без исклучок да им се обезбедат еднакви услови и пристап за известување на настани кои се од јавен интерес, а медиумските работници во ниту еден момент не смеат да бидат попречени во вршењето на работните задачи, особено кога се работи за информирање на јавноста за важни општествени случувања, порачуваат од АВМУ.

The post АВМУ со осуда за попречувањето на ТВ Алфа да го проследи настанот на Мечкин Камен appeared first on Република.

Нови снимки простигнаа од вчерашните случувања на Мечкин Камен во Крушево. Од нив може да се види како полицијата на министерот Оливер Спасовски тргна на народот, а премиерот Димитар Ковачевски беше исвиркан, пишува Курир.

На македонските граѓани не им беше дозволено да пристапат на прославата на Илинден и традиционално да прослават, а како што велат и самите, биле избуткани од страна на полицијата.

За оваа партизација на прославата вчера се огласи потпретседателот на ВМРО-ДПМНЕ, Александар Николоски.

-За жал СДСМ не успеа да се надмине себе, донесоа тука исклучиво партиски активисти. Кои што од рано утрото од пет часот ги носат со автобуси со наредба да ја расипат манифестацијата и на сите кои што не се членови на СДСМ вклучително и на бројни членови на ВМРО-ДПМНЕ им е забрането да пристапат тука, за што бевме информирани пред почетокот на оваа манифестација, всушност и на одредени луѓе кои што беа дел од оваа наша делегација им е забрането да пристапат тука, не знам од што се плашат, веројатно се плашат од народот, а гледаат веројатно и сфаќаат дури и со партиски активисти не успеаја да го наполнат Мечкин Камен, затоа што Мечкин Камен може да се наполни само и исклучиво со македонски народ кој што доаѓа со чесна мисла а не под политичка наредба, обелодени вчера Николоски.

-На овој начин уште еднаш покажуваат дека се антидржавна партија и партија кој што нема допир со сопствениот народ и која што бега од народот. Заради ваквото партиско и политичко однесување, ние во овој момент ќе го напуштиме Мечкин Камен и нема да присуствуваме на обраќањето на претседателот на владата, затоа што очигледно, ова е партиска манифестација на СДСМ, а на митинзи на СДСМ немаме намера да учествуваме, истакна тој.

Николоски им одговори на новинарите кои го прашаа што им било објаснето на граѓаните на кои им било забрането да дојдат на прославата.

-Ги немало во протоколарната листа. Јас лично бев да интервенирам кај неколку, го повикав и владиниот протокол, ги немало во протоколарната листа, очигледно само членовите на СДСМ ги има во протоколарната листа и затоа ние сега ќе си заминеме, рече тој.

Прашан за колку граѓани станува збор, Николоски одговори „За илјадници“!

Бидејќи на граѓаните им беше забранет пристап, а опозицијата го напушти настанот, говорот на Ковачевски го слушаа партиските симпатизери на СДСМ.

Денеска реагираа и од ВМРО-ДПМНЕ.

-СДСМ ја партизираше прославата на Илинден на Мечкин Камен, не дозволи народ да присуствува, туку само нивни партиски активисти, велат во партиското соопштение.

Власта го ограничи пристапот до Мечкин Камен на народот кој беше отиден во Крушево да оддаде почит на великаните кои ги се вградиле со своите животи за Македонија.

СДСМ покажа примитивизам од невидени размери и не дозволи илјадници наши сограѓани да присуствуваат на Мечкин Камен, како што тоа го правеле децении наназад.

СДСМ од државната прослава по повод Илинден направи партиска забава, со неколку стотина членови на партијата донесени со голем број автобуси кои полупразни тргнаа од градовите ширум државата.

СДСМ и Ковачевски се исплашија од народот, и му го земаа правото да се потсети на жртвата на предците и достојно да ја одбележи.

Илинден е празник кој е темелот и стожерот на Македонија, тој треба да обединува, а СДСМ прави се за тој овој светол ден за македонската државност посее раздор и омраза.

По доаѓањето на ВМРО-ДПМНЕ на власт, Илинден и манифестацијата на Мечкин Камен ќе бидат отворени за сите граѓани, а празникот повторно ќе ги обединува граѓаните без разлика на партија, народност или религија. Поделбите ќе завршат со заминувањето на СДСМ од власт, се вели во партиското соопштение на партијата.

The post Полицијата на Спасовски против народот, Ковачевски исвиркан: Нови снимки од Мечкин Камен appeared first on Република.

Денеска граѓаните на Македонија, чествувајќи го Илинден, покажаа како се празнува обединето, достоинствено, државнички. Во духот на аманетот на Илинденците, аманетот којшто го продолживме и го пренесуваме на идните поколенија, да ја градиме нашата држава, колоритна во традициите, обединета во различностите – држава на сите што живеат во Република Македонија, објави министерот за внатрешни работи Оливер Спасовски на неговиот фејсбук профил.

https://republika.mk/vesti/makedonija/poglednete-kako-policijata-udira-po-narodot-koj-pee-pesni-za-makedonija-i-go-isvirkuva-kovachevski/

Заблагодарувајќи се на граѓаните, би сакал да упатам посебна благодарност на припадниците на македонската полиција кои се погрижија сите реализирани настани да поминат во најдобар ред. Тие уште еднаш покажаа дека се гарант на стабилноста и на безбедноста, дека се во служба на нашите граѓани. Заеднички продолжуваме напред, уште посилно, кон просперитетна и европска Република Македонија, напиша Спасовски на фејсбук.

https://republika.mk/tvitovi/narodot-so-makedonski-znaminja-e-opkolen-so-policija-vo-civil/

The post Спасовски ги пофали полицајците што ја штитеа власта од народот appeared first on Република.

На социјалните мрежи се појавија неколку видео на кои се гледа однесувањето на полицијата кон народот кој дојде на Мечкин Камен.

На првото видео се гледа како полицијата и обезбедувањето ги туркаат и одалечуваат граѓаните кои му свиреа на премиерот Ковачевски кога поминуваше оттаму.

На другите две видеа се забележува група граѓани кои пееја патриотски песни. Кога тоа полицијата го забележа дојде  до нив и ги оддалечи на пристојна далечина и ги набљудуваше цело време додека траеше свечената церемонија.

The post Погледнете како полицијата удира по народот кој пее песни за Македонија и го исвиркува Ковачевски appeared first on Република.

Партиското обезбедување на СДСМ денеска на Мечкин Камен се судри со македонските граѓани, а потоа вербално ја нападна и полицијата.

Инцидент при обидот на партиското обезбедување на СДС да воспоставува ред и молк на Мечкин Камен. Полицијата не интервенира.#Окупација pic.twitter.com/WXhHbL9Xy4

— p|ps 👌 (@m0rban) August 2, 2022

The post „Бегај бе, стој таму!“: Видео од инцидентот на Мечкин Камен кога партиското обезбедување на СДСМ се судри со народот appeared first on Република.

Потпретседателот на ВМРО-ДПМНЕ Александар Николоски од Мечкин Камен го честиташе големиот македонски празник Илинден.

Ако илинденците освојуваа педа по педа, и во 1903-тата година и во 1944 –тата година макотрпно создаваа држава. Гледаме дека таа држава со забрзано темпо се руши. Илинденска и Асномска Македонија се руши. Се рушат идеалите на сите оние кои што ги дадоа своите животи за независна и обединета Македонија. Се рушат идеалите на генерации кои што сонуваа за македонска држава, со македонски јазик како официјален јазик на истата, со македонска култура, со македонска традиција и историја, со македонски корени кои што датираат векови и векови наназад, рече Николоски пред новинарите.

За жал, додаде, гледаме дека една Влада предводена од СДСМ и од ДУИ ги руши овие темели и ги руши овие корени.

Но, оттука од Крушево сакам да порачам дека Македонија и македонскиот народ се многу посилни. И никакви договори, никакви попуштања нема на ниеден начин да ја променат самобитноста на македонската национална борба. Илинденското востание е македонско, и тоа е јасно и го знаат сите, го знае цел свет. Било, е и ќе остане македонско! Исто така би сакал да се осврнам на уште една тема, гледате ние сме тука, но за жал СДСМ не успеа да се надмине себе, донесоа тука исклучиво партиски активисти. Кои што од рано утрото од пет часот ги носат со автобуси со наредба да ја расипат манифестацијата и на сите кои што не се членови на СДСМ вклучително и на бројни членови на ВМРО-ДПМНЕ им е забрането да пристапат тука, за што бевме информирани пред почетокот на оваа манифестација, всушност и на одредени луѓе кои што беа дел од оваа наша делегација им е забрането да пристапат тука, не знам од што се плашат, веројатно се плашат од народот, а гледаат веројатно и сфаќаат дури и со партиски активисти не успеаја да го наполнат Мечкин Камен, затоа што Мечкин Камен може да се наполни само и исклучиво со македонски народ кој што доаѓа со чесна мисла а не под политичка наредба, порача Николоски.

Потенцираше дека СДСМ на овој начин уште еднаш покажува дека се антидржавна партија и партија која што нема допир со сопствениот народ и која што бега од народот.

Заради ваквото партиско и политичко однесување, порача Николоски, ние во овој момент ќе го напуштиме Мечкин Камен и нема да присуствуваме на обраќањето на претседателот на владата, затоа што очигледно, ова е партиска манифестација на СДСМ, а на митинзи на СДСМ немаме намера да учествуваме.

https://youtu.be/z87K_OxNqMo

The post Власта не го пушти народот што не е за СДСМ да присуствува на Мечкин Камен appeared first on Република.

По повод утрешниот државен празник 2-ри Август – Илинден, претседателот на ВМРО-ДПМНЕ Христијан Мицкоски ќе го посети с. Ташмаруништа (Струга).

Од партијата најавуваат дека Мицкоски ќе присуствува на настан по повод државниот празник Илинден, а ќе одржи и говор.

Делегација на ВМРО-ДПМНЕ предводена од потпретседателот Александар Николоски, во состав од членот на ИК Драган Ковачки и пратеничката Ане Лашкоска, со почеток во 12 часот ќе положи свежо цвеќе на Мечкин Камен, Крушево.

Делегација на ВМРО-ДПМНЕ предводена од потпретседателката Гордана Димитриеска Кочоска, а во состав од пратеникот Бране Петрушевски и претседателот на УМС Сергеј Попов, со почеток во 10 часот ќе положи свежо цвеќе на меморијалниот центар Пелинце.

The post Мицкоски за Илинден во струшко Ташмаруништа, а делегации на партијата ќе положат цвеќе на Мечкин Камен и во Пелинце appeared first on Република.

Членови на СДСМ на социјалните мрежи реагираат дека од нивната партија се приморани да одат во Крушево и да му дадат поддршка на лидерот Димитар Ковачевски. Актуелниот премиер годинава ќе биде на Мечкин Камен на централната прослава. Но, се уште не е прецизирано дали тој ќе одржи говор или пак како претседателот Стево Пендаровски и тој ќе нема да се обрати на народот.

Но, со оглед на расположението кое владее кај граѓаните по Договорот со Бугарија и уцените кои власта ги прифати за да почне преговори, речиси никој од членството на СДСМ не сака да оди во Крушево.

За да не биде Ковачевски сам на Гумеење, СДСМ прави притисок кај своите членови да дојдат во Крушево со обезбеден превоз.

Но, интересот е слаб па затоа им се прави притисок дека ако не се појават партијата нема да им помогне за она што се најмногу заинтересирани, а тоа е вработувањата за нив и за нивните семејства.

Дел од членството пак е револтирано што централата заборавила за нив и дека сега ги бараат за славање и за му го „држат стравот“ на Ковачевски.

Што сме ние компири за ставање во вреќа. Каде ви се ликовите со по три до пет вработени по фамилија?. Каде ви се директорите со дебели газови што јадат шкампи по елитни ресторани додека дел од членството нема пари да си плати кафе?-прашуваат незадоволните членови на СДСМ.

The post Членовите на СДСМ гневни: Нѐ тераат да одиме во Крушево да му дадеме поддршка на Ковачевски appeared first on Република.