Во пресрет на одбележувањето на православниот празник Успение на Пресвета Богородица кај народот познат како Голема Богородица, во манастирот во Матка, кај Скопје во вторник на 27 август ќе се одржи вечерна богослужба и полноќно бдение.

На денот на празникот 28 август, во утринските часови во манастирот ќе се одржи Света божествена литургија со која ќе чиноначалствува Неговото Блаженство, Архиепископот Охридски и Македонски Г.г. Стефан.

Традиционално во дворот на манастирот на празникот по богослужбата ќе се одржи крводарителска акција.

The post Празнични богослужби во манастирот во Матка за Успение на Пресвета Богородица appeared first on Република.

Собранието вчера ги усвои Законите за прогласување на Kањон Матка за споменик на природата, за прогласување на Студенчишко Блато за Парк на природата и за прогласување на Охридско Езеро за споменик на природата.

Кањонот Матка во околината на главниот град е една од најубавите и најпосетуваните туристички атракции во Македонија.

Владата уште лани во февруари донесе одлука за прогласување на Кањонот Матка за заштитено подрачје во трета категорија – споменик на природата.

The post Собранието го усвои законот за прогласување на Kањон Матка за споменик на природата appeared first on Република.

На 07.08.2024 во 18.30 часот во СВР Скопје, Е.С.(31) од Република Турција пријавил дека околу 16.50 часот на кањон Матка, на подрачјето на општина Сарај, по претходна расправија, тој и Ј.М.(31) и А.К.(31), сите од Република Турција, биле физички нападнати од неколку лица.

Се преземаат мерки за расчистување на случајот.

The post Тројца турски туристи биле нападнати од група луѓе на кањонот Матка appeared first on Република.

На една од најатрактивните патеки во Европа – СРЦ МАТКА, на 6ти и 7ми април ќе се одржи 55тото издание на Илинденски кајак слалом ИКАС2024.

Доколку сте љубители на спортот, ова е настан кој не треба да се пропушти.

The post 55. Илинденски кајак слалом викендов на Матка appeared first on Република.

Оваа процедура претставува голем напредок за илјадници Британки кои инаку не би можеле да забременат.

Четириесетгодишна донаторка, која веќе има две деца, несебично ја „подари“ својата матка на помалата сестра која сака да основа семејство со сопругот, но поради здравствената состојба е родена без матка.

Во комплицираната операција за отстранување на матката од донаторот и вградување на нејзината сестра учествуваа два тима и осум хирурзи кои работеа во соседни операциони сали и траеше вкупно повеќе од 17 часа, пишува „Дејли Меил“.

Иако операцијата траела подолго од планираното, таа поминала добро и вградената матка е „целосно функционална“, велат хирурзите кои ја извршиле трансплантацијата.

Операцијата е извршена во болницата Черчил во Оксфорд.

Жената која ја добила матката изјавила дека е „презадоволна“ од тоа како се одвивале работите и дека е „многу, многу возбудена“ поради можноста да стане мајка.

The post Во Велика Британија извршена прва трансплантација на матка appeared first on Република.

Поради уличен дефект на водоводна цевка на патот за с. Арнакија, без бода од 08:30 часот ќе бидат корисниците од селата Матка, Глумово, Шишево и дел од населбата Сарај, соопшти ЈП Водовод и канализација - Скопје.

Водоснабдувањето ќе биде прекинато до отстранување на дефектот.

The post Без вода Матка, Глумово, Шишево и дел од Сарај appeared first on Република.

Двајца туристи од Хонк Конг се изгубиле во кањонот Матка во регонот на манастирот „Свети Никола Шишевски“ по што се пронајдени од тим од полициската станица Сарај преку Единствениот број за итни случаи 112.

Повикот за помош е примен денеска во 18:10 часот преку мобилен телефон без картичка.

На англиски јазик тие го информирале вработениот од Единствениот број за итни случаи дека се изгубени и дека имаат минимално храна и вода.

– Дежурниот оператор на Единствениот број за итни случаи 112 во ЦУК, бил подолго време во комуникација со нив и ги координирал да пронајдат нешто забележливо во нивната околина.

По пронаоѓањето на знак на патека за манастирот „Свети Никола Шишевски“ дежурниот оператор од 112 во ЦУК им посочил да останат до знакот на патеката.

Потоа веднаш координирал со МВР за нивно пронаоѓање и за извлекување на безбедно, соопшти ЦУК. Туристите се пронајдени и безбедно извлечени во 20:15 часот.

The post Двајца туристи од Хонк Конг се изгубиле во кањонот Матка, пронајдени се преку бројот 112 appeared first on Република.

45-годишен турист од Полска денеска е повреден од камења кои се одрониле на патот кон Матка, по што веднаш со возило ма на итната медицинска помош е префрлен на скопските клиники, информира Центарот за управување со кризи (ЦУК).
Секторот за операции и координација на ЦУК спровел акција за згрижување на повредениот турист од Полска и за преземање мерки за безбедност, бидејќи имало опасност од други одрони, а и за расчистување на одронот на местото.

„ЦУК го извести раководителот на ЈП „Улици и Патишта“ на Град Скопје за нивна интервенција за расчистување на теренот. Одговорот беше дека надлежност за тој пат има „Македонија Пат“ и општината Сарај“, велат од ЦУК.

По остварените комуникации, ЦУК добиле одговор од „Македонија пат“ дека според дадените координати, тој пат не е под нивна надлежност, туку под Општина Сарај.

Телефонски контакт е остварен и со комуналниот инспектор на Општина Сарај, на кој му е пренесена информацијата за надлежностите, поточно дека ниту ЈП „Улици и Патишта“, ниту „Македонија Пат“ имаат надлежност за негово расчистување и дека тој пат е под ингеренција на општината. На лице место имало и полицајци, додаваат од ЦУК.

Од нивна страна и од страна на Општина Сарај ќе биде направен записник за утврдување на фактичка состојба.

The post Полски турист повреден на Матка, врз него паднале камења од одрон appeared first on Република.

Министерството за животна средина и просторно планирање, Град Скопје и Општина Сарај по две и пол години се усогласија за управувањето со Матка. На 17 октомври ќе се расправа за Нацрт-законот за Матка, што ќе биде репрогласен за заштитена зона и ќе биде направен план за негово управување.

За жал траеше подолго од тоа што сакавме, но сега имаме позитивно мислење и од Град Скопје и од Сарај. Ќе има план за управување со Матка. Ќе имаме јавна расправа во која зона што ќе биде можно, исто така како што имаме во Националните паркови“, појасни денеска на средба со новинарите министерот за животна средина и просторно планирање Насер Нуредини и упати барање до надлежните институции да најдат решение за дивите градби на Матка.

The post МЖСПП, Град Скопје и Општина Сарај по две и пол години се усогласија за управувањето со Матка appeared first on Република.

Православните христијани утре го одбележуваат празникот Успение на Пресвета Богородица во народот познат како Голема Богородица. Во манастирот Успение на Пресвета Богородица во Матка, крај Скопје, одбележувањето на празникот почнува денеска попладне, со вечерна богослужба (17:30), а на полноќ ќе започне сеноќно бдеење.

На денот на празникот утре, Светата Божествена литургија ќе започне во 8,30 часот, а со неа ќе чиноначалствува поглаварот на Македонската православна црква – Охридска Архиепископија, архиепископот охридски и македонски г.г Стефан.

Возљубени во Христа, Ве покануваме на Богослужбите во чест на успението на пресвета Богородица. Ќе ни биде драго заедно со вас, да и укажеме почит и благодарност на нашата мајка и заштитничка пресвета Богородица, која вистински не закрилува нас сите и заеднички достојно да го прославиме нејзиното успение“, е пораката што ја упати сестринството од манастирот.

И оваа година во дворот на манастирот, традиционално, ќе се одржи крводарителска акција.

Сестринството упатува апел до граѓаните и верниците, кои за време на празничните денови во голем број доаѓаат во манастирот, да ги почитуваат препораките за заштита од ковид -19, да се одржува физичко растојание од 1,5 метар или задолжително да се носи маска, да се врши дезинфекција на рацете при влез и за време на престојот во манастирот.

The post Во манастирот во Матка ноќно бдеење по повод Голема Богородица appeared first on Република.

Во недела на 28 август православните христијани го одбележуваат празникот Успение на Пресвета Богородица во народот познат како Голема Богородица. Во манастирот Успение на Пресвета Богородица во Матка, крај Скопје, одбележувањето на празникот започнува во сабота попладне, а во недела во утринските часови ќе се одржи литургија со која ќе чиноначалствува неговото блаженство архиепископот на МПЦ-ОА г.г. Стефан.

Во предвечерието на празникот, во сабота на 27 август во 17:30 часот ќе се одржи вечерна богослужба, а на полноќ ќе започне сеноќното бдение.

На денот на празникот на 28 август, Светата Божествена литургија ќе започне во 8 и 30 часот, а со неа ќе чиноначалствува поглаварот на Македонската православна црква – Охридска Архиепископија, архиепископот Охридски и Македонски г.г Стефан.

Возљубени во Христа, Ве покануваме на Богослужбите во чест на Успението на Пресвета Богородица.

 

Ќе ни биде драго заедно со Вас, да и укажеме почит и благодарност на нашата Мајка и заштитничка Пресвета Богородица, која вистински не закрилува нас сите и заеднички достојно да го прославиме Нејзиното Успение - е пораката што ја упати сестринството од Манастирот.

И оваа година во дворот на манастирот, традиционално, ќе се одржи крводарителска акција.

Сестринството упатува апел до граѓаните и верниците, кои за време на празничните денови во голем број доаѓаат во манастирот, да ги почитуваат препораките за заштита од Ковид-19: да се одржува физичко растојание од 1.5 метар или задолжително да се носи маска, да се врши дезинфекција на рацете при влез и за време на престојот во манастирот.

The post Манастирот во Матка се подготовува за прослава на Голема Богородица appeared first on Република.

Вчера во доцните попладневни часови па и во првиот мрак (до околу 20 часот) беше реализира успешна координирана спасителна акција на институциите од системот за управување со кризи кај кањонот Матка во содејство на специјалците од МВР, пожарникарите од Скопската бригада и Брзата медицинска помош во координација на Центрот за управување со кризи (ЦУК).

Возрасен маж околу 50-ина години, во доцните попладневни часови, паднал во бесознание од слошување заради срцева здравствена слабост, при самостојно рекреативно пешачење на патеката до манастирот Свети Никола Шишевски што се наоѓа на десната страна од акумулацијата „Матка“.

Први, случајно и пред стемнување, го пронашле граѓани – рекретавци коишто помогнале и реагилале превентивно, го згрижиле и веднаш го известиле Центарот за управување со кризи (преку единствениот број за итни повици броевите 112, а и преку стариот број 195), а истовремено бил запознат со случајот и директорот на ЦУК, Стојанче Ангелов, по што следела координирана спасителна акција.

При координацијата со институциите од Системот за управување со кризи, по наредба на министерот за внатрешни работи, Оливер Спасовски, на терен во спасителна акција многу брзо излегле и дејствувале припадниците од специјалната Единица за брзо распоредување (ЕБР).

На терен, заедно со специјалците, биле и помогнале и припадници на Противпожарната бригада од Скопје, коишто дејствувале зело време заедно со специјалците. Тимот од специјалци од ЕБР од МВР имал и болничар којшто се погрижил загрозениот граѓанин да биде во стабилна и свесна состојба од неговото преземање од местото каде што бил паднат во бесознаие, а бил пронајден и згрижен и чуван од совесните рекреативци, па потоа бил под надзор од болничарот и цело време при неговото извлекување на раце – со носилка, се до местото на предавање на Брза помош кај мостот на Треска после Брана Матка.

Успешната координирана спасителна акција на институциите од системот за управување со кризи кај кањонот Матка до медицинско згрижување на загрозениот граѓанин е завршена вечерва, нешто по 20 часот.

The post Спасувачка акција на Матка: Му се слошило на 50-годишен маж додека се рекреирал appeared first on Република.

Центарот за управување со кризи во попладневните часови реализираше спасувачка акција кај кањонот Матка, во соработка со полицијата, пожарникарите од Скопската бригада и Брзата помош.

Маж на возраст од околу 50-ина години, во доцните попладневни часови, паднал во бессознание од слошување заради срцева здравствена слабост, при самостојно рекреативно пешачење на патеката до манастирот Свети Никола Шишевски што се наоѓа на десната страна од акумулацијата „Матка“. Први, случајно и пред стемнување, го пронашле граѓани – рекретавци коишто помогнале и реагирале превентивно, го згрижиле и веднаш го известиле Центарот за управување со кризи (преку единствениот број за итни повици броевите 112, а и преку стариот број 195), информираат од ЦУК.

Со случајот, истовремено бил запознаен и директорот на ЦУК, Стојанче Ангелов, по што како што информираат од ЦУК била организирана координирана спасителна акција.

При координацијата со институциите од Системот за управување со кризи, по наредба на министерот за внатрешни работи, Оливер Спасовски, на терен во спасителна акција многу брзо излегле и дејствувале припадниците од специјалната Единица за брзо распоредување (ЕБР). На терен, заедно со специјалците, биле и помогнале и припадници на Противпожарната бригада од Скопје, коишто дејствувале зело време заедно со специјалците, велат од ЦУК.

Дел од тимот бил и болничар кој се погрижил за загрозениот граѓанин, одржувајќи го во стабилна и свесна состојба. Од ЦУК додаваат дека успешната координирана спасителна акција на институциите од системот за управување со кризи кај кањонот Матка до медицинско згрижување на загрозениот граѓанин е завршена вечерва, нешто по 20 часот.

The post Спасувачка акција кај кањонот Матка откако рекреативец паднaл во бессознание appeared first on Република.

Стручното мислење на Комисијата за брани за карпата над браната Матка, тешка околу 20 тони, е дека постои опасност од нејзино одронување, затоа се препорачува изработка на проектна програма, како и техничка документација за санација на карпата - порача директорот на ЦУК, Стојанче Ангелов.

Тој им препорачува на планинарите и алпинистите да го избегнуваат тој терен, а можно е да биде донесена и забрана за движење во тој дел.

Комисијата за брани, составена од проф. д-р Љупчо Петковски, проф. д-р Зекирија Идризи, проф. д-р Милорад Јовановски, проф. д-р Рагип Хадри, проф. д-р Сретко Цветковски, проф. д-р Грозде Алексовски и доц. д-р Златко Илиовски, потенцира дека е невозможно да се предвиди кога би се случил тој одрон.

Прогнозата кога би се случил тој одрон е исто така тешка, како да се предвиди земјотрес. Оваа карпа може да остане во ваква состојба уште 100 години, но поголема е веројатноста да падне во следниот период -  изјави директорот на ЦУК.

За решавање на овој проблем, потребно е да се извршат анализи на стабилноста и за траекториите на одронетите блокови.

Еден од проблемите е што овој блок на карпа кој тежи околу 20 тони, лежи врз друг блок. Се поставува прашањето, дали при неговото одронување, односно лизгање, би паднал само тој или заедно со него би паднал и дел од подлогата, што може повеќекратно да ја зголеми тежината и волуменот на карпата. Затоа е потребно да се направат овие анализи, особено анализи на траекториите на откинатите парчиња блокови од карпи - изјави Ангелов.

Тој напомена дека вакви анализи редовно се практикуваат од Катедрата за геотехника на Градежниот факултет, а како пример го поосчи пристапниот пат за браната „Света Петка“.

Токму затоа, во текот на денов ќе одржам работна средба со деканот на Градежниот факултет - соопшти директорот на ЦУК.

Ангелов потенцира дека се потребни анализи на траекториите поради што е потребна сминка на топографија на теренот, се со цел колку е можно приближно да се предвиди во која насока би се движел блокот при евентуално паѓање, како и анализа на јакоста на смолкнување на материјалот.

Заштитата од овој проблем е можна на неколку начини. За да биде соодветна потребно е некое оптимално техничко решение. Варијантата со рушење на блокот со минирање, е ризична од аспект на траекториите на блоковите и може да влијае врз објектите на самата брана. Техничкото решение е тешко да се изведе и во принцип може да се изврши од специјализирани екипи и компании со алпинистички техники, како што се применувани за браната Света Петка како и при санација на одронот Велес-Градско - информира Ангелов, кој додаде дека Комисијата за брани препорачува да се направи проектна програма по која би се работело.

Тој потенцира дека безбедноста на граѓаните за ЦУК е најважна и затоа се разгледува можноста од забрана за движење на местата кои се ризични за пешаци.

Со оглед дека самото место каде што би паднала карпата е непристапно и на него можат да се движат исклучиво планинари или алпинисти, ние упатуваме апел до нив да бидат внимателни на овој потег. Алпинистите немаат влијание на карпата, која е во нестабилна положба. Алпинистичката патека води под самата карпа и тие немаат допир со неа. Ризикот од паѓањето на карпата е за браната, но и за алпинистите кои би се нашле на тоа место - вели Ангелов.

На работниот состанок, покрај изработка на проектна програма, треба да се изработи комплетна техничка документација за санација на оваа карпа.

Една од можностите е карпата да биде зацврстена на самото место со специјални техники, значи да се усидри таму каде што се наоѓа, а втората е нејзино контролирано рушење -  вели директорот на ЦУК.

Ангелов потсети дека на 20 јануари добиле известување од ЕВН за опасноста од карпата на висина од 100 метри, која се наоѓа над самиот ѕид на браната Матка и оттогаш ЦУК ги презема сите мерки за да се реши проблемот.

The post Карпа од 20 тона е закана за браната Матка, а Стојанче Ангелов допрва најавува изработка проектна програма и техничка документација appeared first on Република.

Граѓаните да не се движат под карпата на десниот брег од речното (езерското) корито на Матка. Зоната е ризична и ќе биде обележана, но ќе се ограничи и движењето, соопшти Ценарот за управување со кризи (ЦУК).

Ова е и еден од заклучоците донесени на денешниот работен состанок на ЦУК што се одржа под раководство на директорот Стојанче Ангелов, со претставници на институции, експерти и научни работници од државата, како и со претставници на дел од субјектите на Системот за управување со кризи.

На состанокот беше констатирано дека состојбата со карпата на Матка на долг рок е неодржлива. Карпата има гранична стабилност поради што е потребно преземање мерки и активности за превенција и намалување на опасноста. Можно е евентуално паѓање (одрон на карпата) или излевање и ударен бран од водата.

ЦУК соопшти дека официјално ќе иницира изготвување проектна програма на дејствување.

-На работниот состанок беа донесени заклучоци за обврските што е потребно да се преземат за превенција. Тоа се заклучоци во насока на генерални чекори синхронизирани од повеќе институции во државата, а поттикнати и глобално координирани од ЦУК: прво – проектна програма за дејствување; второ – изработка на техничка документација, проект за санација на проблемот и на крајот, како трето – јавна набавка за избор на изведувач на работите за санација на опасната карпа. Во насока за превенција ќе бидат донесени мерки од надлежните за ограничување на движењето во зоната на опасност што не би го попречило работењето на фирмите  во околината и движењето на туристите надвор од зоната на ризик, информира ЦУК.

Покрај тимот на ЦУК, на состанокот присуствуваа претставници од Државен инспекторат за животна средина, Градежниот факултет, Градежниот институт, Геолошкиот завод, Институтот за земјотресно инженерство и инженерска сеизмологија, Дирекцијата за заштита и спасување, Министерството за внатрешни работи, како и претставник од Комисијата за води и брани при Министерството за животна средина и просторно планирање. мч/лв/

2022-01-26 16:46:31, од Мирјана Чакарова

The post ЦУК: Ризична зона на Матка, граѓаните да не се движат под карпата на десниот брег appeared first on Република.