Раководството на Манчестер Јунајтед ја разгледува можноста за отказ на тренерот на тимот Ерик тен Хаг.

Според „Ла Газета дело спорт“, одлуката дали Холанѓанецот ќе ја задржи својата позиција ќе зависи од резултатите на следните два натпревара, со Порто во 2. коло од Лига Европа и Астон Вила во 7. коло од Премиер. лига. Ако резултатите се неуспешни, Тен Хаг може да бидат отпуштен.

Како веројатна замена е именуван поранешниот тренер на Јувентус и Милан, Масимилијано Алегри. Раководството на Манчестер јунајтед се надева дека семејните околности нема да ја надминат желбата на тренерот да работи во нивниот клуб.

Последната работа на 57-годишниот Италијанец беше Јувентус, од каде беше отпуштен во мај 2024 година.

По 6. кола Манчестер јунајтед е на 13. место во англиското фудбалско првенство со седум бодови.

The post Алегри главен кандидат да го замени Тен Хаг во Манчестер јунајтед appeared first on Република.

Тренерот на Јувентус, Масимилијано Алегри зборуваше за настапот на клубовите од Серија А во европските натпреварувања.

- Мора да бидеме оптимисти. Серија А можеби е инфериорна во однос на другите лиги, но Рома, Интер и Фиорентина минатата сезона стигнаа до европското финале. Оваа сезона веќе имаме, може да се каже, еден и пол тим во полуфиналето на Лига Европа, плус Фиорентина во Конференциската лига. И тоа е добро“ изјави Алегри.

Италија ќе има најмалку еден претставник во полуфиналето на Лигата на Европа, бидејќи во четвртфиналето играат Милан и Рома.

Италијанската Серија А заедно со англиската Премиер лига, шпанската Ла Лига, германската Бундеслига и француската Лига 1 се најдобрите пет европски фудбалски лиги

The post Aлегри смета дека Серија А не е за „фрлање“ appeared first on Република.

Тренерот на Јувентус, Масимилијано Алегри го сподели своето мислење за ситуацијата околу играчот од средниот ред Пол Погба.

Пред два дена се дозна дека францускиот фудбалер повторно имал позитивен допинг тест за тестостерон.

Погба и јас сме многу блиски, го познавам уште кога беше млад. Штета е што фудбалот губи посебен играч. Ова е тежок момент за Пол, можеме само да му посакаме се најдобро, вели Алегри за „Фудбол Италиа“.

Погба се соочува со долгогодишна забрана. Претходно беше објавено дека Јувентус би можел да го раскине договорот со играчот од средниот ред.

https://republika.mk/sport/fudbal/se-soochuva-so-kazna-da-ja-zavrshi-karierata-pogba-povtorno-padna-na-doping-testot/

The post Алегри за позитивниот допинг тест на Погба: Фудбалот губи посебен играч appeared first on Република.

Тренерот на Јувентус, Масимилијано Алегри зборуваше за целите на „Старата дама“ во новата сезона.

- Треба да се стремиме да се вратиме во Лигата на шампионите – тоа е нашата цел. Играњето во најелитното фудбалско натпреварување е многу важно за нас и за приходите на клубот. Имаме многу млади играчи кои се покажаа добро минатата сезона, но можеме да очекуваме тие да направат уште еден чекор. Сега треба да останеме фокусирани за најдобар почеток во Серија А, изјави Алегри за „La Gazzetta dello Sport“.

Во мај оваа година на Јувентус му беа одземени 10 бода во италијанското првенство. Тимот заврши на седмото место во поредокот на крајот од сезоната.

Јувентус прв пат по 12 години нема да игра во Лигата на шампионите на УЕФА

The post Јувентус сака следната година да се врати во Лигата на шампионите appeared first on Република.

Тренерот на Јувентус, Масимилијано Алегри го сподели своето мислење за неговата иднина во клубот.

- Не преговарам за раскинување на договорот со Јувентус. На располагање сум за клубот, сега се подготвува трансфер план за летото, изјави Алегри.

Јувентус ја заврши сезоната на седмото место во Серија А со 62 бода. На „Старата дама“ и беа одземени 10 бода поради финансиска малверзација.

Последен пат тимот падна под 4. позиција во сезоната 2010/11, а оттогаш девет пати по ред го освојуваше италијанското првенство.

The post Алегри останува во Јувентус и покрај лошата сезона appeared first on Република.

Тренерот на Јувентус, Масимилијано Алегри смета дека нерешените 1:1 со Интер во првиот натпревар од полуфиналето на Купот на Италија се реален резултат.

Јувентус поведе во 83.минута преку Квадрадо, изедначи Ромелу Лукаку од пенал во 90+5. минута. Прославувајќи, го голот тој покажа гест со кој ги повика навивачите на противникот да бидат тивки. После тоа настана конфликт меѓу екипите, по што Белгиецот доби втор жолт картон на овој натпревар.

По последниот судиски свиреж играчите повторно почнаа да се расправаат. Судијата Давиде Маса им покажа црвени картони на дефанзивецот на Јувентус, Хуан Квадрадо и на голманот на Интер, Самир Хандановиќ.

- Не знам што се случи таму, бидејќи отидов во просторијата под трибината по последниот судиски свиреж. Малку хаос на крајот. Знаевме дека ќе биде тешко. Интер имаше тежок период, но останаа присебни. Натпреварот заврши како што заврши. Беше малку досадно но  нерешениот резултат е фер резултат. Знаеме дека реваншот ќе биде решавачки, но гол на 20 секунди пред крајот на натпреварот можеше да се избегне, изјави Масимилијано Алегри.

Другата полуфинална двојка е Кремонезе – Фиорентина.

The post Јуве и Интер одиграа 1-1 во Купот appeared first on Република.

– Навивачите на Јувентус го повикуваат клубот да го отпушти тренерот Масимилијано Алегри по синоќешниот пораз со 3:4 од Бенфика во Лигата на шампионите.

Како што објави „Кориере дело спорт“ навивачите на Јувентус го кренаа хаштагот #AllegriOut на врвот на социјалните мрежи.

Бенфика освои 11 бода и си обезбеди пласман во нокаут фазата од Лигата на шампионите.

Јувентус е на третото место со три бода и ги загуби шансите за осминафинале.

Јувентус ќе го пропушти плејофот во Лигата на шампионите за прв пат по 2014 година.

The post Навивачите на Јуве се незадоволни од Алегри, бараат оставка appeared first on Република.

Тренерот на Јувентус, Алегри не мисли дека може да добие отказ, откако во јавноста се повеќе се шпекулира за негово разрешување по синоќешниот пораз од Бенфика во 2. коло од Лигата на шампионите.

– Не чувствувам дека мојата работа е загрозена овде. Ваквите моменти во фудбалот се нормални. Треба да работиме напорно и да ја смениме ситуацијата. Покрај тоа, имаме многу важни играчи повредени, изјави Алегри за „Гол“.

Јувентус има два пораза по две кола во Х-групата во Лигата на шампионите и се наоѓа на последното место без ниту еден освоен бод.

Во следното коло „бјанконерите“ ќе играат со Макаби на 5 октомври

The post Дали Алегри е пред отказ? appeared first on Република.

Тренерот на Јувентус, Масимилијано Алегри е задоволен од изданието на неговите фудбалери на натпреварот со ПСЖ и покрај поразот со 2:1.

– Имавме добар натпревар, но ја пропуштивме нашата шанса. Беше неопходно да ја зачуваме присебноста до крај. Требаше да се создадат повеќе шанси преку левата страна. Ја пропуштивме нашата шанса. Знаеме дека треба да се подобриме и работиме на тоа. Некои од нашите играчи наскоро треба да се вратат по закрепнувањето од повреди, што е добро за тимот. Понекогаш се однесувавме ризично, бидејќи против нас играа најбрзите напаѓачи на планетата. Во вториот дел се браневме подобро, треба да продолжиме во истиот дух. И во второто полувреме одиграме храбро, изјави Алегри за „Канале 5“.

Во второто коло, Јувентус на 14 септември ќе ја пречека Бенфика

The post Алегри за мечот со ПСЖ: Ја пропуштивме нашата шанса appeared first on Република.

ренерот на Јувентус, Масимилијано Алегри, откако ја совлада Фиорентина и се пласираше во финалето на Купот на Италија, е уверен дека ќе остане во тимот уште три години.

– Пласманот во финалето против Интер беше целта на сезоната. Беа тешки неколку дена по ремито со Болоња, кога не успеавме да ги претвориме во гол нашите шанси. Требаше порано да го постигнеме вториот гол. Не можев да барам повеќе од овие момци, бидејќи истите играчи играат речиси цело време во последните четири месеци. Дали ќе ме гледате како менаџер на Јувентус следната сезона? Во текот на следните три! Веќе е кажано дека Јувентус секогаш треба да цели кон победи. Најмногу сум разочаран од поразот на средбата со Интер, бидејќи токму овој резултат ја реши судбината на лигата, изјави Алегри за „Фудбал Италија“.

Финалето на Купот на Италија ќе се одржи на стадионот Олимпико во Рим на 11 мај. Јувентус ќе игра против Интер. Ова ќе биде 21. финале на Купот на Италија за Јувентус и седмо во последните осум сезони

The post Алегри е убеден дека уште долго ќе остане во Јувентус appeared first on Република.

Тренерот на Јувентус, Масимилијано Алегри, по синоќешното реми со Виљареал (1:1) во првиот натпревар од осминафиналето на Лигата на шампионите, истакна дека верува во својот тим.

https://www.youtube.com/watch?v=OL1ru7OtUbU

– Нашиот пресинг во вториот дел малку недостасуваше и Виљареал не натера да платиме за тоа. Иронијата е што го пропуштивме моментот кога се чинеше дека удобно ја контролираме играта. Потоа имавме тешкотии кога се изморивме. Примениот гол беше едноставно неверојатен во смисла што ни Виљареал не можеше да поверува каков подарок му подаривме. Ништо не е решено, но имам доверба во мојот тим, бидејќи голем број важни играчи ќе се вратат во нашиот систем. Фудбалерите на Виљареал се искусни и технички. Секако, сакавме да победиме со 3:0, но не е лесно тоа да се направи овде, верувајте, потенцира Алегри.

Реваншот ќе се одржи во Торино на 16 март

The post Јуве тргна па застана, Алегри сепак задоволен appeared first on Република.

Тренерот на Јувентус, Масимилијано Алегри ги искажа своите впечатоци од натпреварот од Серија А со Аталанта (1:1), на кој неговите избраници се спасија од пораз со гол во судиското надополнување.

– Би било разочарување да се загуби со толку добра игра. Направивме грешки при претворање на шансите и со последното додавање. Непосредно пред паузата доживеавме три минути ужас, кога лесно ја загубивме топката, а Де Лигт двапати ги блокираше ударите по контранападите на противникот. Во вториот дел одигравме подобро, но парадоксот е што кога требаше да постигнеме гол, направивме непрецизно додавање. По таков контранапад, Малиновски заработи слободен удар и постигна погодок ремек-дело. Аталанта е многу агресивен тим, па моравме брзо да ја движиме топката. Натпреварот испадна многу спектакуларен, можевме да загубиме, но успеавме да земеме важен бод. Сакавме да победиме, но знаевме дека Аталанта е силна, па среќни сме што ја продолживме нашата серија без пораз, рече Алегри.

Јувентус е на 4. место на табелата во Серија А со 46 бода, девет помалку од лидерот Милан. Аталанта е петта со 44 бода

The post Алегри: Натпреварот испадна многу спектакуларен, можевме да загубиме, но успеавме да земеме важен бод appeared first on Република.