Машката сениорска репрезентација на Македонија ги доби ривалите во групата за Светското првенство 2025, на кое ко-организатори ќе бидат Данска, Норвешка и Хрватска.

Македонија ќе игра во групата Д што ќе се игра во Вараждин, па за очекување е избраниците на Кире Лазаров да имаат солидна поддршка од трибините.

Ривали на „црвено-жолтите“ ќе бидат репрезентациите на Унгарија, Холандија и дебитантот Гвинеја, а во главната фаза пласман обезбедуваат најдобрите три од секоја група.

Од прв и втор шешир добивме доста квалитетни репрезентации. Секако дека можеше да добиеме уште поквалитетни противници, но треба да бидеме задоволни пред се со фактот дека ќе играме во Хрватска/Вараждин и ќе имаме огромна поддршка од нашите верни навивачи. Сите имаме добри спомени од Вараждин и се надевам дека повторно ќе биде така. Имаме доста време да се подготвиме квалитетно за Светското Првенство, истакна селекторот Кире Лазаров.

The post Лазаров: Добивме квалитетни противници, но можеше да добиеме уште поквалитетни appeared first on Република.

Ракометната репрезентација на Македонија доби група во која може да се надигрува. На Светското првенство (СП) во 2025 година, нашиот национален тим ќе се соочи со Унгарија, Холандија и Гвинеја.

Познат е и распоредот по ждрепката, како и датумот на натпреварите во Вараждин. Нашиот национален тим ќе отвори против Унгарија на 15 јануари, додека два дена подоцна, на 17 јануари, ќе следи натпревар со Холандија. Крајот на првата групна фаза е со Гвинеја на 19 јануари.

Саатниците на натпреварите допрва ќе бидат утврдени од ИХФ. Три од четирите репрезентации одат во наредната рунда, додека четвртопласираната ќе игра на Президент Купот.

The post Македонија на СП стартува со Унгарија appeared first on Република.

Машката сениорска репрезентација на Македонија ги доби ривалите во групата за Светското првенство 2025, на кое ко-организатори ќе бидат Данска, Норвешка и Хрватска.

Македонија ќе игра во групата Д што ќе се игра во Вараждин, па за очекување е избраниците на Кире Лазаров да имаат солидна поддршка од трибините.

Ривали на „црвено-жолтите“ ќе бидат репрезентациите на Унгарија, Холандија и дебитантот Гвинеја, а во главната фаза пласман обезбедуваат најдобрите три од секоја група.

Сениорите со пласманот на Мундијалот 2025 го продолжија континуитетот на големата сцена, па така Македонија следната година ќе го има деветтото учество на Светските првенства.

Нашата репрезентација најдобриот пласман на Мундијалите го има остварено во Катар (2015) кога во конкуренција на 24 репрезентации заврши на 9. позиција.

Мундијалот 2025 ќе се игра во пет градови – Осло, Хернинг, Загреб, Пореч и Вараждин од 14 јануари до 2 февруари.

Актуелен бранител на титулата ќе биде репрезентацијата на Данска, која во финалето на СП 2023 славеше против Франција со 34:29.

The post Македонските ракометари ќе играат во Вараждин – среќна ждрепка за СП appeared first on Република.

Почитувани ракометни пријатели,

Ракометната Федерација на Македонија упатува голема благодарност до сите кои безрезервно дадоа поддршка на машката македонска сениорска репрезентација во спортскиот центар „Борис Трајковски“, за победата против селекцијата на Фарски Острови, дополнително благодарност и до сите останати кои го следеа натпреварот и ги бодреа нашите ракометари пред малите екрани.

Во рамките на своите програмски определби, Ракометната федерација на Македонија како приоритет број 1 ги има промоцијата и унапредувањето на македонскиот ракометен спорт во меѓународни рамки. Во текот на репрезентативните квалификациски циклуси/баражи и утврдени натпреварувачки системи од EHF/IHF во машка и вo женска конкуренција за сите возрасни категории, националните селекции обезбедија учество на следните завршни турнири на континентално и нa мундијално ниво:

1.ЖЕНСКА СЕНИОРСКА PAКOMETHA РЕПРЕЗЕНТАЦИЈА
Women’ѕ EHF EURO 2024 (AUT/HUN/SUI)
28.11.2024 - 15.12.2024

2. MAШKA СЕНИОРСКА РАКОМЕТНА РЕПРЕЗЕНТАЦИЈА
IHF Men’s World Championship 2025 (CRO/DEN/NOR)
14.01.2025 - 02.02.2025

З. ЖЕНСКА МЛАДИНСКА РАКОМЕТНА РЕПРЕЗЕНТАЦИIА
IHF WOMEN’S JUNIOR WORLD CHAMPIONSHIP 2024 (MKD)
19.06.2024 - 30.06.2024

4. MAШKA МЛАДИНСКА РАКОМЕТНА РЕПРЕЗЕНТАЦИЈА
Men’ѕ 20 EHF EURO 2024 (SLO)
10.07.2024 - 21.07.2024

5. MAШKA КАДЕТСКА РАКОМЕТНА РЕПРЕЗЕНТАЦИЈА
Men’ѕ 18 EHF EURO 2024 (MNЕ)
07.08.2024 - 18.08.2024

Честитки до сите ракометари и ранометарки, и до членовите на стручните штабови на сите македонски ранометни селекции!

Bиe сте наша гордост!!!

Со почит,
Ракометна Федерација на Македонија

The post Благодарност до македонската ракометна јавност appeared first on Република.

Селекторот на машката сениорска репрезентација, Кирил Лазаров го објави списокот на повикани ракометари за собир во рамки на претстојната ЕХФ машка недела (11.03 – 17.03) и подготвителни натпревари со репрезентацијата на Романија.

Собирот е закажан на 11.март, понеделник со почеток во 16.00 часот во Хотел Александар Палас во Скопје.

Повикани ракометари:

Голмани
1. МАРТИН ТОМОВСКИ РК ВАРДАР 1961
2. МАРКО КИЗИЌ РК ЕУРОФАРМ ПЕЛИСТЕР
3. ИВАН ГАЛЕВСКИ РК АЛКАЛОИД РАКОМЕТ

Леви крила
4. ПЕТАР АТАНАСИЈЕВИЌ РК ЕУРОФАРМ ПЕЛИСТЕР
5. ЦВЕТАН КУЗМАНОСКИ РК ЕУРОФАРМ ПЕЛИСТЕР

Десни крила
6. НЕНАД КОСТЕСКИ РК ЕУРОФАРМ ПЕЛИСТЕР
7. НИКОЛА СТОИЛЕВСКИ ГРК ОХРИД

Десни бекови
8. ТОМИСЛАВ ЈАГУРИНОСКИ РК ВАРДАР 1961
9. МАРТИН СЕРАФИМОВ РК АЛКАЛОИД РАКОМЕТ

Средни бекови:
10. МАРКО МИТЕВ РК АЛКАЛОИД РАКОМЕТ
11. ИВАН ЏОНОВ РК АЛКАЛОИД РАКОМЕТ
12. ИГОР ЃОРГИЕВ РК АЛКАЛОИД РАКОМЕТ
13. НИКОЛАС НАЈДЕНОВСКИ LUGI HF (SWE)

Леви бекови
14. ФИЛИП ТАЛЕСКИ Sport Lisboa e Benfica (POR)
15. ФИЛИП КУЗМАНОВСКИ РК ЕУРОФАРМ ПЕЛИСТЕР
16. ПАВЛЕ АТАНАСИЈЕВИЌ РК ЕУРОФАРМ ПЕЛИСТЕР

Пивоти
17. ЖАРКО ПЕШЕВСКИ РК ЕУРОФАМ ПЕЛИСТЕР
18. МИЛАН ЛАЗАРЕВСКИ РК ВАРДАР 1961
19. МАРКО СТОЈКОВИЌ РК АЛКАЛОИД РАКОМЕТ
20. ВАЛЕНТИН КАРАСМАНАКИС РК АЛКАЛОИД РАКОМЕТ

Дефанзивец
21. ЕДВИН ОМЕРАГИЌ РК АЛКАЛОИД РАКОМЕТ.

The post Лазаров го објави списокот за дуелите со Романија appeared first on Република.

Машката ракометна репрезентација ќе има интересни предизвици периодов. Сениорите во рамките на ЕХФ неделата (11-17 март) ќе одиграат два пријателски натпревари против Романија.

Двата меча ќе се одржат на 15 и 16 март во градот Браила и ова ќе биде одличен тест за нашите момчиња пред бараж-дуелот за пласман на Светското првенство, каде Македонија ќе се соочи со незгодната селекција на Фарските Острови.

Избраниците на селекторот Кирил Лазаров успеаја со еден триумф над Швајцарија да го комплетираат настапот на Европското првенство во Германија, каде Фарските Острови се прикажаа во одлично светло и им „откинаа“ бодови на неколку фаворизирани селекции.

The post Македонија договори два меча со Романија во текот на ЕХФ неделата appeared first on Република.

Репрезентацијата на Македонија претрпе и втор пораз на Европското првенство, овојпат од домаќинот Германија (34-25). Пресметката во „Мерцедес-Бенз Арената“ мина во знакот на фаворитот, нашиот национален тим имаше свои минути, меѓутоа не можеше да му парира на бундес-тимот воден од 15.000 навивачи на трибините во Берлин.

На средбата со новинарите во микс-зоната, своја анализа даде Кирил Лазаров. Предводникот на националнито тим смета дека тимот направил премногу технички грешки и имавме премногу подарени топки, директно во рацете на противникот.

Селекторот ги посочи техничките грешки како главен проблем на денешниот меч поради што и одбраната повторно изгледаше лошо.

„Искрено не можам да бидам задоволен од играта, иако имавме добри моменти. Повторно имавме над 15 технички грешки против Германија. Ние зборуваме дека одбраната е лоша, но повторно имавме лесно продадени топки. Германците се цврсти, силни и домаќини се. Ние се обидовме да бидеме добри и дадовме отпор, но не беше доволно. Лошо го почнавме мечот, а потоа се обидовме да воспоставиме рамнотежа, но тие знаеја да ги искористат нашите грешки и да го решат победникот. Мислам дека во овој момент Германците се класа подобри од нас, а тоа го видовме на теренот. Треба да се работи многу, мислам дека не е реално да посакуваме дека во овој момент ќе ја победиме Франција или Германија“, кажа Лазаров.

Лазаров кажа дека во одредени моменти одбраната била подобра во однос на мечот со Франција.

„Во одредени моменти играта во одбрана беше подобра од Франција, но многу топки загубивме во контри. Мислам дека имавме проблеми во нападот и се обидувавме со игра седум на шест, зашто немаме друго решение во моментов. Понекогаш делува добро, понекогаш не делува, но немавме друг избор“, посочи селекторот.

Македонија последниот меч во групната фаза го игра против Швајцарија, а Лазаров кажа дека ќе дадат сè од себе да ја победат.

„Ќе бидеме конкурентни и ќе дадеме сè од себе за да ги победиме Швајцарците. Имаме еден ден за да се одмориме, па ќе се обидеме да ги исчистиме главите и да го дадеме максимумот на теренот“, кажа Лазаров.

The post Лазаров: Не сум задоволен од играта против Германија! appeared first on Република.

Селекторот Кире Лазаров ги одреди 18-те ракометари кои ќе бидат дел од репрезентативниот табор на претстојното Европско првенство во ракомет во Германија.

Од сите оние ракометари кои беа дел од подготовките пред ЕП, од списотко отпадна само ракометарот на Пелистер, Цветан Кузмановски, па тој нема да патува во Германија.

Првиот натпревар Македонија ќе го игра на фудбалски стадион, каде се очекува голема маса на фанови, а капацитетот може да биде и преку 50.000.

Првиот меч се игра во Дизелдорф на 10 јануари, а веќе следниот ден репрезентацијата ќе патува за Берлин. Отвараме против Франција, која е фаворит во нашата група, се разбира и со домаќинот Германија, против кои играме четири дена подоцна, а ќе затвориме против Швајцарија на 16-ти.

Ова се 18-та кои ќе патуваат во Германија: Никола Митревски, Марко Кизиќ, Никола Маркоски, Мартин Томовски, Милан Лазаревски, Жарко Пешевски, Едвин Омерагиќ, Ненад Костески, Никола Костески, Филип Талески, Петар Атанасијевиќ, Томислав Јагуриновски, Филип Кузмановски, Давид Савревски, Иван Џонов, Мартин Велковски, Игор Ѓорѓиев и Марко Митев.

Нашиот национален тим низ изминатиов период се подготвуваше, одигра и три пријателски средби (Црна Гора, Грција (2)) на кои оствари три победи, поточно селекторот Кире Лазаров имаше доволно време за да се одлучи со кои играчи ќе отпатува на континенталниот собор.

The post Лазаров го одреди списокот на патниците за ЕП во Германија appeared first on Република.

Македонските ракометари ја победија Грција со гол разлика (23-22) во вториот контролен натпревар кој се одигра во Солун. По нерешениот резултат од првиот меч, во вториот натпревар повторно имаше игра на нерви, во која победи македонската борбеност.

Македонија и Грција во јануари ќе одиграат уште две пријателски средби, но тие се закажани во Скопје.

The post Македонија ја совлада Грција во вториот пријателски меч appeared first on Република.

Македонија влезе во групата на пеколот за европскиот шампионат што од 10 јануари до 28 јануари ќе се одржи во Германија.

Домаќинот Германија, Франција и Швајцарија се ривалите со кои избраниците на Лазаров ќе се сретнат во рамките од групата А во Берлин, од каде само најдобрите две селекции ќе се пласираат во следната фаза.

Веќе е познат и распоредот, па така Македонија уште на првиот натпреварувачки ден, на 10 јануари ќе се сретне со големиот фаворит Франција.

Според распоредот на официјалната страница на ЕХФ, нашите ракометари на 13 јануари ќе се сретнат со Швајцарија, а во последното коло ќе ги очекува дуел со домаќинот Германија, меч закажан за 15 јануари.

The post Македонија игра прво со Франција, домаќинот ривал на третиот меч appeared first on Република.

Машката репрезентација на Македонија влезе во групата на смртта во групната фаза на Европското првенство 2024 во Германија. Македонските ракометари се најдоа во групата А и ќе играат против домаќинот Германија, Франција и против Швајцарија.

Избраниците на Кире Лазаров  ќе играат во Берлин, а натпреварите од континеналниот собир ќе се играат од 10 до 28 јануари.

Првите две селекции по групната фаза ќе обезбедат место во главната рунда, каде ќе играат по шест селекции во две групи.

Македонија на ЕП 2024 се пласираше како второпласирана во квалификациите во група со Португалија, Турција и Луксембург, а квалитативниот статус направи да ја чекаме денешната ждрепка од третиот шешир.

група А (Диселдорф/Берлин): Франција, Германија, Македонија, Швајцарија
група Б (Манхајм): Хрватска, Шпанија, Австрија, Романија
група Ц (Минхен): Исланд, Унгарија, Србија, Црна Гора
група Д (Берлин): Норвешка, Словенија, Полска, Фарски Острови
група Е (Манхајм): Шведска, Холандија, Босна и Херцеговина, Грузија
група Ф (Минхен): Данска, Португалија, Чешка, Грција

The post Македонија во влезе во пеколната група на ЕП во ракомет appeared first on Република.

Македонската машка ракометна репрезентација во недела ќе ја пречека Турција во натпревар од квалификациите за Европското првенство, а од денеска на навивачите им се достапни и билетите за овој дуел.

Цената е повеќе од популарна и секој кој сака да присуствува на оваа важна средба во СЦ „Борис Трајковски“ треба да издвои само 100 денари, објавија од Ракометната федерација на Македонија.

Билетите можат да се купат преку веб страницата mktickets.mk, како и во продажната мрежа на „МК Тикетс“ низ цела Македонија.

Натпреварот во недела започнува од 18 часот и со победа над Турција нашата репрезентација ќе обезбеди пласман на ЕП во машка конкуренција.

The post Пуштени во продажба билетите за ракометниот меч Македонија-Турција appeared first on Република.

Mакедонската ракометна репрезентација забележа многу важна победа вечерва на гостувањето кај Луксембург со 28:23. Ова беше претпоследниот натпревар за „црвено-жолтите“ во квалификациите за Европското првенство 2024.

Домаќините им пружија силен отпор на нашите репрезентативци, во првото полувреме на неколку наврати имаа и два гола предност, но Македонците со серија од 3:0 во финишот на првиот дел заминаа на пауза со водство 14:12.

До средината на второто полувреме се играше рамноправно, а потоа македонските ракометари стигнаа до највисоките +7 (25:18) во 49. минута. До крајот со рутинирана игра го приведоа натпреварот до крајот.

Најефикасен во победничкиот состав беше Филип Талески со осум голови.

Избраниците на селекторот Кирил Лазаров во текот на целиот натпревар од трибините имаа поддршка од стотина наши иселеници.

Со оваа победа Македонија речиси да го обезбеди пласманот на Еуро 2024. За потврда ќе треба да не загуби со повеќе од осум голови разлика во последното коло, против Турција во Скопје. Турците денес загубија на домашен терен од лидерот во Групата-1, Португалија со 35:37.

Португалците со максимални пет победи и 10 бода сигурни се на првото место. Македонците со шест бодови се втори, Турција е трета со четири, Луксембург е последен без ниту еден бод.

The post Избраниците на Лазаров го совладаа Луксембург appeared first on Република.

Македонската ракометна репрезентација со водство од два гола разлика (12-14) замина на пауза по првото полувреме против Луксембург во меч од претпоследното квалификациско коло за пласман на ЕП 2024 година. Победа на националниот тим ќе значи отворена врата кон континенталното натпреварување.

Кај нас, Кизиќ запиша три одбрани, Митревски две. Талески има четири гола, Пешевски три, додека Кузмановски два.

The post Македонија води против Луксембург, по 30 минути игра appeared first on Република.

Македонија со 40-25 го совлада Мароко и ја забележа втората победа на Светското првенство, па в среда против Јужна Кореја во последниот мундијалски меч ќе се бори за 27. позиција. Уште на стартот се забележа нашиот квалитет, кога по пет минути игра веќе водевме со 7-2. На полувремето водевме со 18-12.

Во второто полувреме почнавме уште подобро, направивме серија од 6-0, не примивме гол девет минути. Ја зголемувавме предноста за на крајот да славиме со убедливи 15 гола разлика, 40-25.

Кузмановски со осум голови беше нашиот најдобар ракометар, Атанасијевиќ постигна седум, Костески и Серафимов дадоа по шест погодоци. На голот одличен беше Томовски со 13 одбрани.

Во групата од Президент Купот завршивме на второто место, зад Тунис. Во среда од 18 часот ќе играме против Јужна Кореја, меч за 27. место.

The post Македонија подобра од Мароко, со Кореја ќе игра за 27 место appeared first on Република.

Македонската ракометна репрезентација ќе се сретне со Тунис во второто коло од Групата-2 во Президент купот на Светското првенство во Полска/Шведска.

Со евентуална победа избраниците на селекоторот Кирил Лазаров многу веројатно ќе го обезбедат првото место во групата и ќе играат за пласман на 25. место.

Двете селекции во првото коло забележаа победи.

Натпреварот во Плоцк почнува во 18 часот, додека Алжир и Мароко кои се без освоен бод ќе играат од 15:30 часот.

На распоредот се и шест натпревари од Главната групна фаза:
Бахреин – Египет (15:30 часот)
Србија – Аргентина (15:30)
Хрватска – Белгија (18:00)
Катар – Норвешка (18:00)
Холандија – Германија (20:30)
САД – Данска (20:30).

The post Тунис втор противник на македонските ракометари во Президент купот appeared first on Република.

Македонската машка ракометна репрезентација денеска во Краков, градот домаќин на групата Ф, го почнува настапот на 28. Светско првенство, кое заедно го организираат Полска и Шведска.

Македонските ракометари вчера одржаа тренинг во Таурон Арена, каде вечерва од 20:30 часот против Норвешка го играат воведниот натпревар во групната фаза, на својот осми настап на мундијалските турнири, а шести во серија. 

За дуелот против фаворитот во групата Ф, според најавите, избраниците на селекторот Кирил Лазаров ќе имаат голема поддршка од македонските навивачи на трибините на Таурон Арена со капацитет од 15.000 седишта.

Во претходните пет дуели, македонската репрезентација има една победа и едно реми против Норвешка. 

Претходно во рамки на истата група ќе играат Аргентина и Холандија од 18 часот. Во истиот термин македонската репрезентација в недела ќе игра против Холандија, а два дена подоцна против Аргентина.

The post Вечерва сите сме Македонија appeared first on Република.

Актуелните македонски ракометни репрезентативци и ветераните вечерва во СЦ „Борис Трајковски“ одиграа ревијалниот натпревар со хуманитарен карактер. Сите приходи од билетите за овој ракометно-музички спектакл „Сите ѕвезди“ ќе бидат донирани за СОС Детско село.

Победија актуелните репрезентативци со 25:21.

Пред полните трибини (околу 6.000 гледачи) продефилираа поранешните репрезентативци Кирил Лазаров, Филип Миркуловски, Стојанче Стоилов, Наумче Мојсовски, Борко Ристовски и другите великани кои го носеа „црвено-жолтиот“ дрес изминатата деценија.

Дваесет и двајцата поранешни репрезентативци од РФМ добија врамен дрес.

За најкорисен играч на натпреварот (МВП) е прогласен Ванчо Димовски.

Организаторот на настанот, Ракометната федерација на Македонија, уште еднаш ја покажа својата хуманитарна димензија со поддршката на најранливите, децата и младите без родителска грижа.

Настанот беше збогатен со музичките ѕвезди, Александар Митевски, Драган Спасов Дац, Кики Мукаетов, Меморија, Некст Тајм, а шоуто го водеше Сашко Коцев.

Македонската репрезентација утре заминува за Пореч да ги продолжи подготовките за претстојниот Мундијал во Полска и Шведска

The post Во „Борис Трајковски“ се собраа сите звезди,и ракометни и музички appeared first on Република.

Актуелната репрезентација на Македонија е победник на ракометниот спектакл со Ветераните, со 25-21.

Момците кои ќе не претставуваат на Светското првенство во Полска и во Шведска овој месец, покажаа дека иднината останува на нив, но традицијата и наследството кои ги оставија нивните противници секогаш ќе биде белег на нашиот репрезентативен ракомет.

The post Иднината им останува на младите, Македонија ги совлада ветераните!  appeared first on Република.

Ракометарите на македонската репрезентација донесоа нова спортска радост со победата над Чешка и пласманот на Светското првенство во 2023 година. По завршување на мечот, во соблекуваната на Македонија, беше испратена добро познатата порака: „За кого? За Македонија“, во еден глас викаа ракометарите. Дефинитивно тие се едни од најголемите амбасадори на Македонија

Видеото можете да го видите на следниот линк

The post Ракометарите со порака: За кого? За МАКЕДОНИЈА! appeared first on Република.