Втор случај на морбили е регистриран годинава кај 12-годишно дете од селото Долно Коњаре во Општината Петровец. Се работи за инпортиран случај од Србија, оти детето претходно престојувало во Нови Пазар, каде што веќе има појава на позитивни случаи на морбили. Ова денеска го изјави директорката на Институтот за јавно здравје Марија Андоновска, апелирајќи до матичните лекари веднаш штом забележат сомнителен случај на морбили да го препратат во Инфективната клиника или во ИЈЗ за анализи.

„На 3 септември од Инфективната клиника до Институтот за јавно здравје е пратено 12-годишно дете како суспектно на морбили. После направените анализи, констатирано е дека детето е позитивно на морбили. Анализите се направени истиот ден кога е пристигнато детето, како и епидемиолошката анкета“, рече Андоновска.

Во семејството, како што вели таа, освен ова дете има и пет други деца, од кои три се целосно вакцинирани, а две не, меѓу кои и детето што е позитивно на морбили. Како што рече Андоновска, семејството одбива децата да бидат вакцинирани.

Според епидемиолошката анкета, исказите на членовите на семејството, како што вели Андоновска, се дека детето немало многу контакти во населбата Петровец, село Долно Кочаре.

„Изминатите денови откако се вратило од Србија, детето не идело во училиште, ниту тоа, ниту неговото братче кое исто така е невакцинирано. Негираат повеќе контакти, велат дека контактите биле во кругот на семејството“, вели таа.

Андоновска апелира до матичните лекари кога ќе забележат сомнителен случај веднаш да го пратат на Инфективната клиника, па оттаму да го пратат на анализи во Институтот за јавно здравје или, пак веднаш да дојде во ИЈЗ за анализи.

За конкретниот случај, таа вели дека детето прво се јавило на Инфективната клиника, а потоа е препратено во ИЈЗ.

Нивна обврска, според Андоновска, е по констатирање на позитивен случај на морбили да дадат препораки на семејството за изолација, но како што рече, изолација пропишана со закон за морбили нема.

„Останува на добра волја на семејството дали ќе ги почитува препораките или не. Земени се анализи и од медицинскиот персонал што бил во контакт со детето и истите се следат“, рече директорката на ИЈЗ.

Првиот случај на морбили годинава е регистриран во јуни кај жител на село Лабуништа, Струшко.

Минатата година пријавен е еден случај на заболување од мали сипаници. Во период од 2014 до 2023 година регистрирани се вкупно 2 020 заболени. Епидемии на морбили се регистрирани во 2014, 2017 и 2018 и 2019 година. Последната е регистрирана во 2018 година, а одјавена во 2019 година со 1 901 заболени.

Вакцинацијата против морбили се спроведува задолжително со две дози на МРП-вакцина. Првата доза се дава на првата година од возраста на детето, а ревакцината е на шестгодишна возраст.

Според податоците на Институтот за јавно здравје, опфатот со првата доза на МРП-вакцината во 2023 година е 73,4 отсто, а во Скопје е 83,7 отсто. Опфатот со ревакцинација за 2023 година изнесува 87,7 отсто, а во Скопје 85,9 отсто.

 

The post Андоновска со апел до матичните лекари: Сомнителните случаи на морбили да се праќаат во Инфективната клиника или во ИЈЗ appeared first on Република.

Ова е трета седница по ред на советнички прашања како што градоначалничката Арсовска не е присутна. Шест месеци таа не е присутна на советнички прашања, ниту на било која седница на овој Совет на Град Скопје, вели координаторката на советничката група на ВМРО-ДПМНЕ и коалицијата во Советот на Град Скопје, на денешната седница за советнички прашања, на која повторно не е присутна градоначалничката, Данела Арсовска.

Андоновска посочи дека има повеќе од 50-тина прашања од граѓани кои што во овие шест месеци ги собрала од средбите со граѓани, а нема како да и ги постави на градоначалничката, освен на овие седници и на седниците кои што се предвидени за советнички прашања.

„Тоа не се мои лични прашања, тоа се прашања на граѓаните и таа како градоначалник избрана од граѓаните има одговорност и должност да биде присутна тука за да можеме да и ги поставиме истите прашања и граѓаните да добијат одговор. Ако таа не чувствува одговорност од оние што ја избрале, тогаш како истата мисли да формира партија и да ги бара гласовите од истите тие граѓани на кои не им одговара со месеци“, истакна Андоновска.

Додаде дека на овие седници, исто така, се носат одлуки кои имаат финансиски импликации кои се пари на граѓаните, а од друга страна, ниту Советот, ниту граѓаните имаат информации каде завршуваат овие народни средства, а градоначалничката никаде ја нема за да даде одговор.

„На овие седници се носат одлуки, тие одлуки имаат финансиски импликации, тие пари кои што ги предвидуваат одлуките, доколку бидат донесени, треба да се излеат од градската каса. Тоа не се пари ниту мои, ниту на Арсовска, ниту ваши, тоа се пари на граѓаните. За ние да ја донесеме таа одлука, ние мора да дебатираме, мора да ги вкрстиме аргументите и да донесеме најсоодветна и нај правилна одлука. Ние како Совет немаме информации каде завршуваат овие средства, ниту пак можеме да дадеме поддршка, од причина што овие пари не се наши лични туку се пари на граѓаните. Ако истава оваа градоначалничка не го чувствува тоа што јас го зборувам сега како факт, тогаш не знам зошто сеуште седи и ја држи позицијата и го блокира Скопје“, истакна Андоновска.

Андоновска го замоли претседателот на Советот, Трајко Славески да им одговори дали има услови денеска да се одржи оваа седница и да дојде градоначалничката да им одговори на прашањата на граѓаните.

„Доколку тоа не е така, барам седницата да не се затвори, како што не се затворени претходните две, туку да се одреди друг ден за да продолжи оваа седница, т.е., не оваа туку онаа од пред шест месеци што ја имавме, исто така за советнички прашања и да почнеме да ги реализираме седниците за советнички прашања онака како што треба, со присуство на градоначалник, со присуство на директорите и да може граѓаните да добијат одговор за сето она што ги засега“, потенцираше Андоновска.

The post Андоновска: Aрсовска шест месеци не доаѓа на седници за советнички прашања appeared first on Република.

Градоначалничката на Град Скопје, Данела Арсовска, денеска изврши увид на градежните работи на улицата 40, крак на Македонско Косовска Бригада, што се реализира со меѓуопштинска соработка со општината Шуто Оризари, соопштуваат од Град Скопје.

Екипите на ЈП Улици и патишта Скопје по налог на Град Скопје ги почнаа градежните активности, а со реализација на овој проект и веќе завршената улица 38 се подобрува инфраструктурата во општината и се решаваат долгодишните проблеми во овој дел од градот. Градот Скопје во подготовка е да отпочне со градежни работи и на улицата 50, со што се овозможува подобрување на дел од сообраќајниците што се од витално значење за граѓаните на оваа општина. Главната цел на тековните градски градежни активности во Скопје е градот да се развива рамномерно, за нашите сограѓани, со реализација на проекти и во урбаниот и во руралниот дел, велат од Град Скопје.

Во меѓувреме во тек е седница на Советот на Град Скопје, на која се дебатира за ребалансот на буџетот, но Арсовска не се појави да го образложи нејзиниот предлог за ребалансот.

Според советничката од редовите на ВМРО-ДПМНЕ, Марија Андоновска, срамота е што градоначалничката ја нема.

На почетокот на овој мандат се воведе една позитивна практика што ја немало во последните четири години а тоа е Градоначалникот, сите директори да бидат присутни и да дебатираме заеднички за точките бидејќи се од интерес на граѓаните на Скопје, и тоа беше така се до некој момент, за жал ние последните месеци ние гледаме отсуства неоправдани на директорите и секако отсуство на градоначалничката. На денешната седница како прва точка имаме ребаланс на буџетот, повторувам ребаланс на буџет нешто што е од исклучителна значење на Скопјани и истиот е на предлог на градоначалникот на град Скопје. Градоначалникот на Град Скопје во моментот не е во салата, а ние треба да расправаме за овој предлог. Што е поважно од присуството во оваа сала, да дебатираме како за овој ребаланс така и за останатите скоро 30 точки предложени на денешната седница. Што е поважно за градоначалничката што во моментот таа не се наоѓа во оваа сала. Како очекува да дадеме поддршка на нејзините предлози, кога самата не е тука да ги објасни. Затоа барам претседателе да обезбедите присуство на градоначалничката, ценам дека нема ништо поважно како на претходните седници така и на оваа таа треба да биде тука и да дебатира и да ги соочиме фактите и аргументите. Не знам како поинаку ние можеме да дебатираме на совет сами со себе на предлог кој што го дала градоначалничката а таа не е тука да си го објасни сопствениот предлог. Затоа барам пауза и барам да обезбедите присуство на градоначалникот да дојде бидејќи таа денеска треба да е тука да дебатира за она што го предложила, нагласи Андоновска.

The post Наместо на седница за буџетот, Арсовска во Шуто Оризари на асфалтирање улица appeared first on Република.

Ѓоспоѓо Александар,
Секое ваше појавување на говорница е проследено исклучиво со лаги,манипулации и навреди. Ги навредивте возачите на ЈСП, работниците, спортските клубови и кој уште не. Потоа откако луѓето реагираат на искажаните лаги и навреди од твоја страна, одиш се извинуваш и молиш за да ти простат.

Да,така треба, правилно е да побараш прошка за навредите и лагите кога си згрешил, но треба да престанеш тоа да го повторуваш.

Не може излези на говорница изназбори лаги и навреди и оди плачи после кај оние кои си ги налутил. Искрено мене би ми било срам да сум на твое место и да си правам сам приказна како сум исплашен од жена.

Сепак, колку и да ги сечеш видеата и да правиш конструкции, никогаш нема да ја замолчиш ВИСТИНАТА, ниту пак мене која ќе остане доследна во цврстите определби дека Скопје треба да биде убав и модерен град. Ниту пак ќе престанам да ве потсетувам сите вас кој раководите со градот Скопје и кои имате функции, дека треба да се работи, а не да се лаже, манипулира, навредува и одработува!

Џабе правите дефокус од вашата неспособност, тука сме секогаш да ве потсетиме дека треба да се работи за Скопје!

Фејсбук статус на Марија Андоновска, координатор на советничката група на ВМРО-ДПМНЕ во Советот на Град Скопје

The post Андоновска: Ѓоспоѓо Александар, наместо да работите за Скопје ги навредивте сите, возачите на ЈСП, работниците, спортските клубови и кој уште не appeared first on Република.

Марија Андоновска, координатор на советничката група на ВМРО-ДПМНЕ во Советот на Град Скопје на денешната седница на Град Скопје бараше градоначалничката Данела Арсовска и директорката на комуналното претпријатие, Косана Мазнева да бидат присутни на седница за собирањето на отпад, да се дебатира за истото и да се изнајде решение.

.-Јас укажав и апелирав дека тука не е ниту градоначалничката, ниту директорката на комуналното претпријатие. Ние овде нема со кого да дебатираме и тоа е крајно несериозно, ве замолив да интервенираме да ги повикаме уште еднаш да дојдат бидејќи нема нешто што е поважно во моментов освен не дај боже да е загрозена нивната здравствена состојба. Тоа би било само единствено оправдување да не се денеска тука, нема ништо поважно од тоа да се денеска тука и да дебатираме, ни се случуваат проблеми, не само нам, им се случуваат проблеми на граѓаните на Скопје. Денеска е ова, утре ќе биде нешто друго, задутре ќе биде уште пострашно, затоа треба да сме денеска тука, да дебатираме за истите, да најдеме решение бидејќе нема никакво оправдување кога утре ден ќе ни се случи поголема катастрофа од ова што ни се случи пред некој ден, рече Андоновска.Андоновска укажа дека градоначалничката, директорката и оние кои што се надлежни треба да се присутни на седницата бидејќи доста е од дневна политика, ситни политички поени и популизам.-Затоа барам да се обезеди присуство на градоначалничката, директорката и оние кои што се надлежни да дебатираме денеска ние за оваа точка, бидејќи дневна политика, ситни политички поени, популизам овде не ни треба да зборуваме. Ние треба аргуменирано да дебатираме  и да донесеме решенија кои што понатака ќе бидат реализирани и спроведени. Ве молам да обезбедите присуство бидејќи нема ништо поважно денеска од тоа градоначалничката денеска да е присутна во оваа сала, порача Андоновска.

The post Aрсовска не дојде на седницата на која се расправа за хаосот со ѓубрето appeared first on Република.

„Ние одговори еве веќе подолго време не ни добиваме од градоначалничката. Она што е наша обврска како советници, како советничка група на ВМРО-ДПМНЕ е да одговориме на сите оние барања кои што ги имаат граѓаните, да одговориме на нивните прашања. Граѓаните ни ги поставуваат нам прашањата, а ние како советници треба од Градот Скопје, од јавните претпријатија, од градоначалничката, од службите да побараме одговори. За жал ние одговори веќе подолго време немаме. А, транспарентноста кон медиумите, кон советниците и кон граѓаните е под нула во моментов“, истакна Марија Андоновска, советник во Советот на Град Скопје од советничката група на ВМРО-ДПМНЕ во гостување во емисијата „Заспиј ако можеш“ на Алфа телевизија.

Андоновска додаде дека советничката група на ВМРО-ДПМНЕ во неколку наврати јавно ја имаат повикано градоначалничката за да се обрати кон граѓаните и да им одговори на нивните барања. Дури и советничката група на ВМРО-ДПМНЕ исто така има подадено рака на градоначалничката се со цел да се седне на маса и да се разговара за актуелните проблеми кои што се случуваат во градот Скопје.

„Ние сме советничка група која што може да се пофали со најмногу поднесени амандмани, иницијативи, прашања, одлуки, но за жал и оние одлуки кои што се прифатени, или пак се донесени не се реализираат од страна на градоначалничката“, појасни Андоновска.

Таа посочи дека кога некој советник ќе излезе и ќе ја запраша градоначалничката зошто некоја одлука не е реализирана, тогаш наместо одговор советникот од градоначалничката добива напади.

„Кога нема со што да се пофалиш тогаш напаѓаш. Место да излезе градоначалничката и да ни каже да тоа и тоа не е сработено. Таа нема што да ни каже. На граѓаните им е преку глава од случувањата кои што се случуваат во Град Скопје“, нагласи таа.

Андоновска укажа дека цело Скопје е киднапирано од одредена група на луѓе блиски до Арсовска. Сите граѓани кои ќе се побунат против начинот на работата на градоначалничката сите за нејзе се мафијаши. За градоначалничката мафијаши беа и возачите на автобуси, кондуктерите, па сега и вработените во „Комунална хигиена“.

„Ние немаме увид на она што се случува во јавните претпријатија, ниту во Градот Скопје. А, денеска на прес конференција слушнавме како градоначалничката обидувајќи се да ја заштити диекторката на комуналното претпријатие ја втурна во нешто што таа нема да може да излезе. Зошто го велам ова? Од причина што вели дел од луѓево не доаѓале на работа, не биле тука, дури не биле ниту во Македонија, а земале плата. А, директорката е тука веќе 11 месеци и 11 месеци потпишувала плата“, рече таа.

The post Андоновска: Цело Скопје е киднапирано од група на луѓе блиски до Арсовска, а граѓаните страдаат appeared first on Република.

„На ден 16-ти март 2023-та година јавноста беше запознаена со случај каде што се казнува за непрописно паркирање лице со попреченост кој го посетувал градот Скопје од некои другите градови во Република Македонија и се паркирал на местото означено за лице со попреченост, а притоа имал уредно платено надоместок за паркирање. И истото ова лице е казнето. По овој случај кој што стана визибилен, со кој што јавноста се запозна, се јавија уште многу други вакви лица на кои што исто им се случува во блиско минато, кои исто така си имале платено надоместок, но добиле казна“, појасни Марија Андоновска, советник во Советот на Град Скопје од редовите на ВМРО-ДПМНЕ  на денешната седница.

Андоновска додаде тргнувајќи од тоа на 17-ти март поточно следниот ден советничката група на ВМРО-ДПМНЕ и Коалицијата поднесе иницијатива до Градот Скопје, на градоначалникот и сите советнички групи за изменување на програмата за повластено користење на паркинг услуга на јавните паркиралишта и површини наменети за паркирање со кои стопанисува ЈП „Градски паркинг“ – Скопје од страна на лица со попреченост за 2023-та година.

„Со оваа наша иницијатива сакаме да помогнеме, да дадеме сопствен придонес и се надевам дека ќе добиеме поддршка и од останатите советници бидејќи се работи за еден навистина проблем со кој што мачи една поголема категорија на граѓани. Нема да предизвика било какви поголеми финансиски импликации, но за нив е навистина многу важно ова што се случува“, рече Андоновска.

Таа нагласи дека со оваа иницијатива ЈП „Градски паркинг“ се задолжува да обезбеди можност за паркирање на лица со попреченост под исти услови независно од нивното место за живеење и да ја прошири воедно и листата на дијагнози на лица со попреченост кои се сметаат за прифатени при стекнување на правото на повластено користење.

„Како заклучок предлагаме да се задолжи ЈП „Градски паркинг“ – Скопје најдоцна за седум работни дена да изготви и донесе измени на програма за повластено користење на паркинг услуга на јавните паркиралишта и површини наменети за паркирање со кои стопанисува ЈП „Градски паркинг“ – Скопје од страна на лица со попреченост за 2023-та година до Советот на Град Скопје во насока на обезбедување на можност за паркирање на лица со попреченост под исти услови независно од нивното место на живеење и проширување на листата на дијагнози“, укажа Андоновска.

Таа посочи дека истата оваа промена „Градски паркинг“ да ја достави до Советот на Град Скопје за давање на согласност на истата и сето тоа да го направи во рок од седум дена.

„Како град на солидарноста, но и град кој претставува административно економски центар на државата, примарно Град Скопје да обезбеди на лицата со попреченост во сите градови во државата под исти услови да ги користат специјално наменетите места за вакви лица на јавните паркиралишта. Од тие причини бараме сите советници да дадат поддршка за оваа иницијатива која што ја поднесуваме“, побара Андоновска.

„Би сакала да ја искористам приликата да напоменам дека додека ваквите лица неправедно се казнуваат, а од друга страна возилата на Град Скопје се паркираат на места за лица со попреченост. Гледаме дека само неколку дена после овој случај на 16-ти, возила на Град Скопје паркирани на места за лица со попреченост. Дали се казнија овие возила? Зошто овие возила се паркирале на овие места“, запраша Андоновска.

The post Лицата со попреченост од други градови бесплатно ќе можат да се паркираат во Скопје appeared first on Република.

Проблемот со затворената сала „Кочо Рацин“ во Ѓорче Петров ја дигна скопската градоначалничка Данела Арсовска на говорница. Арсовска ретко одговара на советничките прашања, но по се изгледа советничката од ВМРО-ДПМНЕ МАрија Андоновска ѝ го погоди прашањето на Арсовска.

Арсовска, иритирана од настапот на Андоновска дека побитен ѝ бил бизнис- интересот од спортскиот живот во Ѓорче Петров, ѝ рече во свој стил и со „речник на ниво“ дека едноставно лаже.

Се уби од лажење. Прво, срамно е да застанете и да лажете дека на ѓорчепетровци им е одземено нешто. Никому ништо не му е одземено. Таа одлука ја донесовте во овој Совет за да се направи некаков ред. Ред ќе има, ќе нема привилегирани. Престанете со политиканство! Таа одлука ќе се спроведе за сите да имаат подеднакво право, да нема привилегирани, реагираше Арсовска.

Андоновска ја повика Арсовска да им ја врати салата „Кочо Рацин“ на клубовите што „таа им ја одзела“ со образложение дека не била безбедна. Таа не реагираше на изјавата на Арсовска околу лажењето.

Арсовска, пак, појасни дека ќе биде објавен јавен повик преку кој секој ќе може под еднакви услови да аплицира и да си добие термин за вежбање.

The post Арсовска на Андоновска: Се уби од лажење! appeared first on Република.

Како советници сите, а градоначалникот добивме барање од повеќе од десетина спортски клубови од општина Ѓорче Петров каде што бараат да им се врати салата за спортување, ова е преседан, никогаш досега со децении. На некој му текна прв пат да им ја одземе салата, од која причина го правите тоа. Има извадоци од социјалните мрежи каде овие клубови посочуваат лица дека се работи за бизнис интереси, откажете од тоа и вратете им ја салата, изјави советничката од ВМРО-ДПМНЕ, Марија Андоновска, на седницата на Совет на Град Скопје.

Таа посочи дека не е страшно и срамно ако им се врати салата, страшно и срамно е ако не се врати.

Друг пат ќе видиме дали постојат бизнис интереси, сега бараме да им ја вратите или дадете одгвовор дали бизнис интересите се поважни од спортскиот живот во Ѓорче Петров, рече Андоновска.

Андоновска потоа постави прашање до директорот на Музеј на Град Скопје дали добил дозвола за сите реновирања од Агенција за заштита на културно наследство бидејќи информациите говорат спротивно.

Второто прашање за директорот на Музеј на град Скопје, каде во електронскиот систем за јавни набавки гледаме дека склучил договор за реновирање со фирма од Мала Речица. Според нашите информации ова не е единствен случај, прашањето е дали за сите овие реновирања каде постои законски основ да се побара дозвола од Агенција за културно наследство, директорот буквално сите реновирања има побарано дозвола, бидејќи моите информации говорат дека нема добиено за сите дозвола, рече таа.

Андоновска на крај ја праша и градоначалничката дали, кога и каде ќе го врати споменикот од Ќосето или тоа е уште една лага на Арсовска.

The post Андоновска: Дали бизнис интересите на Арсовска се поважни од спортскиот живот во Ѓорче Петров и затоа одземена им е салата на спортските клубови? appeared first on Република.

Овој лекција мене нит ми одржал нит може да ми одржи, лекциите на друго место нека ги држи! Апсолутна лага и дефокус од реалните проблеми е неговото тврдење, за кое доказ се снимките од седницата! Го почитувам јазикот на кој говорат малцинствата во Македонија и секако барам да биде почитувам и мојот мајчин јазик Македонскиот! Пишува во Фејсбук статус Марија Андоновска од ВМРО-ДПМНЕ.

The post Андоновска до Реџепи: Ти ниту си ми држел, а ниту ќе ми држиш лекции, тоа може на друго место да го правиш appeared first on Република.

Моето јавување сега во моментот е буквално од причина што ги слушнавме претставниците од Синдикатот кои што јасно кажаа пред цела македонска јавност и пред скопјани, дека скопјани утре од 4:30 повеќе нема да имаат градски превоз - посочи Марија Андоновска, координатор на советничката група на ВМРО-ДПМНЕ и коалицијата во Советот на Град на денешната седница.

Таа додаде:

Иницијативата што денеска ја поднесе советничката група на ВМРО-ДПМНЕ и коалицијата е токму во оваа насока, граѓаните на Скопје да не останат без градски превоз. Но, бидејќи сега во моментот слушнавме дека тоа ќе се случи утре од 4:30 часот, ние како советничка група на ВМРО-ДПМНЕ и коалицијата сме подготвени во моментот да се откажеме од сите дискусии кои што беа предвидени сега во моментот, да дадеме пауза ако треба од неколку часа и да побараме од градоначалничката одма денеска уште веднаш да ни ја достави одлуката, ќе седиме колку што е потребно и за да ја изгласаме таа одлука уште вечерва да се префрлат средства на вработените во ЈСП и од утре автобусите да можат слободно да се движат и граѓаните на Скопје да имаат превоз.

The post Андоновска: уште вечерва да изгласаме префрлање на средства на ЈСП за вработените и градскиот превоз да продолжи appeared first on Република.

Она кое што е важно за нас како советници, како избраници од народот, всушност и наш приоритет како партија, е исполнување на програмата За модерно Скопје, зад која застанавме ние како партија, зад која застанаа повеќе партии и граѓаните. Луѓето во последните години живеат многу тешко и се соочуваат со голем број проблеми, ја имаат изгубено довербата од премногу лаги и неисполнети ветувања и ние мора да го промениме тоа и да ги вратиме работите на право место - вели Марија Андоновска координатор на советничка група на ВМРО-ДПМНЕ и коалицијата во Советот на Град Скопје, во вклучување во емисијата Стадион на Канал 77.

Андоновска потенцираше дека советничката група на ВМРО-ДПМНЕ ќе даде поддршка на секој проект кој што е дел од програмата За модерно Скопје, но и на проекти кои што не се дел од програмата, но да бидат во интерес на скопјани.

Би сакала на седниците да дебатираме само за проекти, како да го подобриме проектот кој што ќе го дискутираме на седниците, а не да имаме празни омаловажувања, драми, скандали или слично, за тоа ние се залагаме. Јас ве уверувам дека ние понатаму како советничка група ќе го поддржиме буквално секој проект кој што е дел од програмата, но еве и да не биде дел од програмата, но да биде за доброто на скопјани - рече Андоновска.

Андоновска постави три прашања до Данела Арсовска, од кои едно за прочистителната станица зошто се уште не се сменети членовите на комисијата за која таа тврдеше дека имало влијание врз понудувачите и барала нивна промена, дали ќе разреши директорот на ЈСП кој вербално се заканил по живот на советник од коалицијата на ВМРО-ДПМНЕ, укажувајќи дека на тој начин ќе покаже дека не го оправдува насилството.

Имам три прашања кои што ја интересираат македонската јавност, а и мене лично, а тоа е како градоначалничката тврди дека имало влијание врз понудувачите за пречистителната станица и бараше смена на комисијата, а зошто тие и денес не се сменети, туку се истите членови на комисијата. Дали на ваков начин не е доведена опасноста од нереализација на проектот за пречистителната станица, истакна Андоновска.

Понатаму како второ на последните две седници, советниците поднесоа неколку иницијативи за продолжување на автобуските линии и воведување на нови, 2, 47А, 59, 19. Впрочем и во програмата за модерно Скопје на страница 29 со црвено стои стратешки проект, продолжување на постоечките линии и воведување на нови автобуски линии. Како советничка група на дневна основа имаме средби со граѓаните кои што ги изнесуваат своите проблеми, а наша обврска како избраници е да се потрудиме да решиме што повеќе од тие проблеми. Како што споменав тргнувајќи од тоа на советот поднесовме неколку иницијативи за продолжување на постоечките и воведување на нови, но на директорот на ЈСП очигледно не му се допадна тоа што се случи, и се случи еден немил настан каде вербално директорот на ЈСП се закана по живот и нападна советник, што според мене е крајно недозволиво и неприфатливо, и барам одговорност и оставка. Дали градоначалничката не чувствува одговорност за заканите на директорот на ЈСП врз наш колега советник и дали истиот ќе биде како што милува да каже принципиелно разрешен се со цел да се даде до знаење дека насилствата не се оправдани - посочи таа.

Во однос на назначување на нови директори на јавните претпријатија, Андоновска ја праша Арсовска дали чувствува одговорност спрема гласачите, симпатизерите и членовите на ВМРО-ДПМНЕ бидејќи токму ВМРО-ДПМНЕ даде поддршка на нејзината кандидатура, а сега назначува директори од ДУИ, како и дали ќе си поднесе оставка од функцијата за да може повторно да се кандидира за да се види дали граѓаните ги оправдуваат нејзините постапки и начинот на кој што таа делува во моментот.

И за крај, градоначалничката е независен кандидат, но факт е дека повеќе партии и дадоа поддршка, од која најповеќе е ВМРО-ДПМНЕ. ВМРО-ДПМНЕ ги повика своите членови, гласачи и симпатизери да дадат поддршка. Деновите сме сведоци на многу нови назначувања на директори во јавните претпријатија, кои според сликите кои што можевме да ги видиме на социјалните мрежи, новите директори се членови и партиски функционери на ДУИ. А од друга страна пак градоначалничката не престанува со нападите и навредите кон ВМРО-ДПМНЕ, баш кон ВМРО-ДПМНЕ која најповеќе придонесе за нејзината победа, а од друга страна назначува партиски функционери од ДУИ за директори. Дали градоначалничката не чувствува одговорност спрема гласачите на ВМРО-ДПМНЕ и доколку е сигурна во нејзините постапки и делувања, дали е подготвена да си поднесе оставка и повторно да се кандидира за да видиме дали граѓаните ги оправдуваат овие нејзини постапки и начинот на кои што таа делува во моментот - праша Андоновска.

The post Андоновска: Се што е во интерес на скопјани, ние како советничка група ќе го поддржиме, Арсовска да си поднесе оставка appeared first on Република.

Марија Андоновска, советник од ВМРО-ДПМНЕ во Град Скопје на денешната седница на Град Скопје потенцираше дека од градоначалничката Данела Арсовска не добиле ниту еден одговор на поставените советнички прашања.

-За жал не добивме ниту еден одговор на поставените советнички прашања, тие советнички прашање не ги прашуваме за нас лично, тие советнички прашање ги поставуваме за оние кај што чукавме по врати, сега тие доаѓаат прашуваат и ние мора да им одговориме. Што да им одговорам, дека сте имале попаметна работа, сте менувале во канцеларијата на генералниот секретар ролетни, тоа да им го кажам па не сте имале време да одговорите, тие работи ви се поважни, камери сте ределе, врати сте ставале нови, ама не сте имале да одговорите. Ве молам претседателе да ги добиеме одговорите на нашите советнички прашања бидејќи ние сме должни да им одговориме на граѓаните, рече Андоновска.

Таа во текот на своето обраќање ја честиташе новата коалиција помеѓу градоначалничката Арсовска и ДУИ и воедно укажа дека ако ова се случило пред изборите граѓаните немало да и ја дадат поддршката на Арсовска. Андовска исто така побара од Арсовска ако тоа е исправно да си даде оставка и да излезе на избори со овие коалициони партнери.

-Воедно сакам да ја честитам еве вака јавно новата коалиција помеѓу градоначалничката и ДУИ, сигурна сум дека ако ова се случеше пред изборите, граѓаните немаше да дадат поддршка. Ако вие сметате дека ова е исправно, повелете тука дајте си оставка и излезете на избори со овие коалициони партнери, кажа советничката.

Андоновска потсети дека ВМРО-ДПМНЕ ја поддржи програмата „За модерно Скопје“ но на денешната седница има 16 точки, а нема ниту една точка од таа програма на дневниот ред.

-Ние ја поддржавме програмата „За модерно Скопје, денеска на оваа седница со 16 точки нема ниту една точка од таа програма за која што ја поддржаа и граѓаните и ВМРО-ДПМНЕ и Коалицијата, за жал, додаде Андоновска.

The post Андоновска до Арсовска: Честито коалиција со ДУИ, но чесно ќе беше ова да го направевте пред изборите appeared first on Република.

Марија Андоновска, советник во Советот на Град Скопје на денешната седница ја поздрави одлуката за дополнување на ценовникот на Градски паркинг, нагласувајќи дека со оваа одлука на сите крводарители и специјализанти ќе им се овозможи бесплатен паркинг во Клиничкиот центар.

Се работи за одлука за дополнување на ценовникот на Градски паркинг. Зошто е оваа точка толку важна? Затоа што се однесува на две групи, а тоа се крводарителите, а тоа се специјализантите. Се однесува за регулирање на плаќање на паркингот на Клиничкиот центар. Четири години крводарителите бараа да бидат ослободени да плаќаат паркинг на Клиничкиот центар, бидејќи во еден период претходно истите тие крводарители беа ослободени, па потоа имаше одредени промени. Не е во ред на најхуманите луѓе оние кои што спасуваат животи да им го укиниме право за бесплатен паркинг на Клиничкиот центар. Така што за поздравување е тоа што повторно крводарителите нема да плаќаат и ќе имаат бесплатен паркинг, истакна Андоновска.

Втората работа е дека со оваа одлука специјализаните кои што се на Клиничкиот центар, сите специјализанти а знаеме какви години помина, две и пол години во пандемија каде што тие истите специјализанти држеа цели смени во Ковид одделенијата заедно со сите останати. А тие специјализанти мораа да си платат паркинг. Што значи тоа? Тоа значи дека ако дошле навечер да држат смена и го паркираат своето возило таму. Утре дента треба да платат 2000 денари паркинг, а тие вечерта неуморно работеле и тоа без никаков надоместок. Од тие причини со оваа одлука им овозможуваме на специјализантите кои што се таму рамо до рамо со докторите и целиот медицински паркинг, да имаа можност да си платат месечен билет како што тоа го прават сите вработени во тој Клинички центар, рече таа.

Андоновска ги повика и советниците од СДСМ да ја поддржат одлуката и да ја исправат неправдата која што е направена од претходната локална власт.

Така што ја поздравувам уште еднаш оваа одлука од советничката група на ВМРО-ДПМНЕ и коалицијата, барам и од другите советници да го стори истото. Да ја исправиме неправдата која што беше направена, порача Андоновска.

The post Андоновска: Овозможуваме бесплатен паркинг за крводарителите и специјализантите на Клинички центар appeared first on Република.

Од самиот почеток на оваа пандемија, уште пред да го имаме првиот случај централната комисија на ВМРО-ДПМНЕ излезе со свои мерки, излезе со свои препораки и апелираше до власта, до министерот за здравство и до комисијата секако дел од тие мерки да бидат разгледувани. Пред се апелиравме на составот на комисијата препорачувавме истата таа комисија да се растерети од политиката, да се департизира, да се стават професионалци, елоквентни луѓе, експерти кои што навистина ќе допринесат со своето знаење, со својот кредибилитет во насока на успешна борба кон пандемијата“, истакна Марија Андоновска, член на ИК на ВМРО-ДПМНЕ во емисијата на телевизија 24.

Андоновска додаде дека за жал комисијата на ВМРО-ДПМНЕ од страна на власта не беше послушана.

Сепак ќе оставиме на време да видиме дали и во кој правец ќе делува оваа комисија. Не можеме да речеме дека овие луѓе кои што се сега условно кажано нови немале можности досега да делуваат. Тие и да се нови, тие треба веднаш да почнат да делуваат, ние немаме време за чекање. Тие можеби се нови во комисијата, но пандемијата не е нова. Мерките и чекорите кои што треба да се преземат исто така не се нови. Освен што ВМРО-ДПМНЕ и централната комисија препорача департизација условно кажано на оваа комисија препорача и низа нови конкретни мерки, кои што за жал морам да констатирам дека истите не беа земени во предвид“, појасни Андоновска.

Андоновска се осврна зошто во Македонија е мал процентот на вакцинирани граѓани.

Според мене мал процент на вакцинирани луѓе има заради тоа што ако се сеќавате ние бевме едни од последи во регионот што добивме вакцини. Практично цела година ние се молевме за некакви донации, одевме во соседството итн. Поради таа неажурност на власт да набави со време вакцини изостана кај нас кампањата за едукација. Јас не се сеќавам дека ние имавме во тој период кога требаше да имаме кампања за вакцинација, кога требаше да ја придобиеме довербата кај граѓаните и да ги мотивираме или стимулираме истите да се вакцинираат. Ние тоа не го правевме. Зошто? Зошто власта немаше обезбедено вакцини“, рече Андоновска.

Андоновска додаде дека тој процес не може сега да се врати назад.

Сега има вакцини, но кај народот се создаде недоверба кон власта. Власта не спроведе никаква кампања за едукација, ниту им обезбеди на граѓаните нешто со кое што би ги мотивирала или стимулирал. Мислите дека сертифкатите се тоа што ги мотивира или стимулира граѓаниет? И тие се беспредметни. Зошто се беспредметни? Повторно се враќаме дека немаме функционален здравствен систем. Знаете дека има лажни сертификати? Јавна тајна е. Кој ги овозможил тие лажни сертификати? Власта овозможила да постојат лажни сертификати. Зошто власта кога знае дека има лажни сертификати, не ги спречи. Кој е одоговорен во моментот за процесите кои што се случуваат? Па, власта е одговорно“, нагласи Андоновска.

The post Власта не спроведе никаква едукација, ниту им обезбеди навреме вакцини, вели Андоновска appeared first on Република.

Компанијата за снабдување со топлинска енергија на домовите на граѓаните во градот Скопје, БЕГ е под концесија на владата, па оттука и одговорноста да го регулира проблемот со затоплувањето на домовите на скопјани е на владата, вели Марија Андоновска, советничка во општинскиот Совет на Град Скопје од редовите на ВМРО-ДПМНЕ.

Таа ова го истакна при нејзино гостување во емисијата „Клик плус“ на телевизија Тв21, а прашана за проблемите коишто компанијата ги имаше на почетокот на јануари месец, кога во најстудените зимски денови, скопјани ги остави со ладни радијатори.

Андоновска додаде дека земјите од регионот уште во септември минатата година преземаа ефективни мерки против енергетската криза, која впрочем почна уште во месец август, за да не им се случи ова што нам ни се случи поради непреземањето мерки од македонската владата.

БЕГ е под концесија на владата, што значи дека одговорноста да го регулира сето е на владата. Сите земји во регионот, па и пошироко, кризата започна некаде август месец, а и земјите од поширокиот регион веќе во септември имаа преземено ефективни мерки кои што беа во оваа насока, да не дозволат да се случи она што денеска нас ни се случува. За жал владата не презема мерки, до ден денеска. Така да погрешна е констатацијата дека градот не се грижи за своите граѓани. Јас би рекла и повторно ќе повторам, концесијата на БЕГ ја имаше владата и таа е единствена која што е и одговорна за ова и требаше да го направи тоа многу порано - изјави Андоновска.

Таа додаде дека градот Скопје, за своите граѓани се грижи во рамките на своите можности и надлежности.

Андоновска додаде дека минатата локална власт во Градот Скопје, на чело со поранешниот градоначалник Петре Шилегов, го презадолжила градот, така што долгот изнесува 160 милиони евра, а од друга страна, потрошила четири градски буџети во вредност од 380 милиони евра.

Градот Скопје се грижи онолку колку што може, во рамките на неговите можности. Но, имаме 380 милиони евра, тоа се четири буџети кои што ги потроши Шилегов и претходната власт на Социјалдемократскиот сојуз, што раководеше до пред три месеци со градот Скопје. Остави долг од 160 милиони евра - истакна Андоновска.

Таа додаде дека уште пред актуелното раководство на Градот Скопје, на чело со градоначалничката Данела Арсовска да го преземе управувањето со градот граѓаните беа свесни дека градот не функционира како што треба и дека работите не се движат во добра насока, но кога влегоа во градот, работите беа уште покатастрофални од очекувањата со огромни долгови.

Кога се уште не бевме влезени во градот Скопје, кога таа власт беше под ингеренции на СДСМ, на сите ни беше јасно и нас како политичка партија ВМРО-ДПМНЕ, но и на граѓаните дека нешто не е во ред со функционирањето и дека нештата не одат во добра насока. Но, кога влеговме, кога ја преземавме власта, нештата беа многу покатастрофални од оние што можевме да претпоставиме. Огромни долгови, 160 милиони евра долг - додаде Андоновска.

The post Андоновска: БЕГ е под концесија на владата, што значи одговорноста е кај нив, а Шилегов остави долг од 160 милиони евра appeared first on Република.

Има ли крај на лудилото кое секој ден ни го „сервира" СДС!?

Доктори  работат како библиотекари!?

Библиотека Браќа Миладиновци, раководена од кадар на СДС, бара од Советот на град Скопје да назначи докторка по медицина во управниот одбор на библиотеката.

Во време кога во сите болници низ Македонија недостасува медицински кадар и нема кој да се грижи за пациентите, СДС  ангажира доктори да работат како библиотекари и истите наместо да ги прераспредели да работат на клиниките, тие ги предлагаат за управен одбор во библиотеката во која работат!?

Тоа е таа неспособност на власта поради која имаме над 8000 починати само од Ковид и неколку пати повеќе изгубени животи, поради целосно нефункционален здравствен систем!

Затоа треба да си заминат што побрзо и секако да сносат одговорност за цел овој хаос кој го создадоа!

The post Андоновска: СДСМ ангажира доктори да работат како библиотекари, наместо да работат во клиники appeared first on Република.