Детското ликовно студио „Свети Кирил и Методиј” Битола ги објави резултатите од 42. издание на светскиот детски ликовен конкурс „Битола” на кој според организаторите оваа година учество имаа над 800 приватни и државни школи од 80 земји кои формираа фонд од над 50.000 детски ликовни цртежи од скоро 45.000 млади ликовни уметници од цел свет.

Според Детското ликовно студио „Свети Кирил и Методиј” Битола оваа година со Наградата “Покана за учество на светската детска ликовна колонија Мал Битолски Монмартр” се здобија следните земји – делегации:

– Албанија – “National Cultural Children Center” – Тирана

– Босна и Херцеговина – SSH “Ivan Goran Kovachich” – Кисељак

– Бугарија – Foundation “Bulgarian Memory” – Софија

– Кина – “Simply Art” – Хонг Конг

– Хрватска – OS “Antun Nemchich Gostovinski” – Копривница

– Чешка – ZUSH “Terezie Brzkove” – Плзен

– Франција – “EFIS” Ecole Française Internationale de Skopje – Скопје

– Грција – “Studio 83” – Florina

– Индија – “Hobby Centre For Art” – Ахмедабад

– Индија – “Mudra School Of Fine Arts” – Вадодара

– Израел – “Shirley’s Fine Art School” – Лапид

– Јапонија – City Of Chigasaki – Канагава

– Малезија – “Yeow Chye Art Studio” – Аир Итам

– Црна Гора – JU Srednja Likovna Shkola “Petar Lubarda” – Цетиње

– Македонија – Детско ликовно студио “Свети Кирил и Методиј” – Битола

– Полска – Mlodziezowy Dom Kultury “Creatio”- Рубник

– Португалија – Atelier de São Bento & Atelier de Almada – Лисабон

– Романија – Seminarul Teologic Ortodox “Veniamin Costachi” – Неамт

– Русија – School 1955 ( 1188 ) – Москва

– Србија – Likovni Atelje “Artino” – Белград

– Словачка – ZUSH “Spishska Bela” – Спишка Бела

– Турција – “Veysel Acar Atolyesi” – Трабзон

– Турција – “Cetin Sen Bilim Sanat Merkezi” – Кајсери

– Украина – “Lutsk Art School” – Луцк

Од Детското ликовно студио „Свети Кирил и Методиј” Битола информираат дека тоа се 24 делегации од 22 држави во светот од кои до рокот 20 март 2О24 година своето учество го потврдиле 20 школи кои најавуваат најголем Мал Битолски Монмартр досега со над 15О учесници.

Организаторите ги објавија и наградите за школи и професори и тоа:

1. „Професор Светлана Вешиќ – Ралевиќ“ награда за извонреден педагошки пристап во работата со млади визуелни уметници и талентирани студенти за периодот 2O23 / 2O24:

Госпоѓица Џина Мартинс – Уметничко студио: “Atelier de São Bento & Atelier de Almada” – Лисабон – Португалија

2. „Професор Коста Хаџи-Антоновски“ награда за глобална промоција на организираната форма на оценување и грижа за уметничкиот талент кај младите ликовни уметници и талентирани студенти за 2О23 / 2О24:

Г-ѓа Алдона Качмарчик – Колучка – “Mlodziezowy Dom Kultury – Art Studio Creatio”  – Рубник – Полска

3. Награда „Бисер на уметноста“ за особен напредок на студент – поединец во неговиот развој и уметнички опус во периодот 2O23 / 2O24:

Јали Алперт – „Shirley’s Fine Art School“ – Лапид – Израел

4. Голема награда „Чувар на наследството на Коста“ доделена за исклучителен придонес во развојот на мисијата на основачот на организираната форма на оценување и грижа за уметничкиот талент кај младите уметници и талентирани студенти во 2O23 / 2O24:

Г-дин Хенри Лау Хо Чеонг „Simply Art “ – Хонг Конг – Кина

5. Голема награда „Професор доктор Богомил Карлаварис“ за животно дело и најдобар професионален пристап кон едукација и негување на уметнички талент кај младите уметници и талентирани студенти за 2O23 / 2O24:

Г-дин Вејсел Аџар – “Veysel Acar Atolyesi” – Трабзон – Турција

6. Гран-при за 2О24 – најголемата награда за најдобро училиште и најдобра колекција за светската детска ликовна изложба на конкурсот „Битола“ во своето 42-то издание:

“Yeow Chye Art Studio” – г-дин Ченг Јео Чу – Аир Итам – Пенанг – Малезија

Детското ликовно студио “Свети Кирил и Методиј” Битола соопштува дека наградите “златна четка” за колекција – “златна палета” за најдобро индивидуално остварување како и Дипломите за учество но и Специјалните колекции поради огромниот број пристигнати детски цртежи ќе бидат поединечно објавени на 20 април 2О24 година додека Програмата и составот на Меѓународната жири комисија ќе бидат соопштени на 15 мај 2О24 година.

The post 22 држави и над 150 гости на светската детска ликовна колонија Мал Битолски Монмартр appeared first on Република.

По допрен глас, МВР го извести ОЈО за случајот за „Мал битолски Монмартр“ културна установа која во неколку наврати изминатиот период носеше деца во посета во Бугарија и на средба со бугарски политичари, меѓу кои и претседателот Румен Радев.

Полицијата го известила Основното јавно обвинителство, а реагираше и првата детска амбасада во светот Меѓаши со констатација за злоупотреба на децата за политички цели.

За жал, наместо децата да се третираат сериозно, тука се користат како инструмент за политички цели, со изговор за развивање добрососедски односи. Го повикуваме Основното јавно обвинителство (ОЈО) да преземе соодветни мерки особено поради инволвирање на децата од Македонија во политички кампањи во друга земја и неколкукратно прекршување на правата на децата согласно Конвенцијата за правата на детето и Член 12 став 4 од Законот за заштита на деца: ‘Се забранува злоупотреба на децата поради политичко или верско организирање и дејствување’“, порачуваат од „Меѓаши“.

Настанот се случи пред неколку месеци во организација на фондацијата Бугарска Меморија на бугарскиот тајкун Милен Врабевски кој ги финансира и клубовите  „Ванчо Михајлов“ и „Цар Борис Трети“  во Македонија. Во рамките на проектот од  „Од двете страни на границата“ Врабески го плати  5 дневниот престој  на 10 деца  од детското ликовно студио „Св Кирил и Методиј“ од Битола. За раководството нема ништо спорно во овој проект, за кој велат гради културни мостови меѓу двата народа, а децата во Бугарија  допатуваа  со согласност на родителите.

Децата не мешаат политика, што прави Врабевски со своите пари во своето слободно време апсолутно не ме интересира. Ние не бевме со клубот од Битола, туку со Македонско бугарското здружение за пријателство, вели Славчо Неделковски, член на УО на ДЛС Св Кирил и Методиј-Битола.

Младите ликовни уметници од Битола заедно со нивните врсници од Бугарија, во органзиација на фондацијата на Врабески,  учествуваа во камп  за филантропија,  во детска ликовна изложба,  а го посетија и дворецот Врана во Софија. Се   сретнаа со поранешниот бугарски цар Симеон Саксобурготски, а јавноста ја разбрануваа фотографиите  од посетата на децата на гробот на Цар Борис Трети, соработник на фашистите. Но, од Монмартр велат дека венец положија од фондацијата, а тие   само се сликаа.

Да и при самата прошетка низ дворецот Врана од  претседателот на фондацијата  на Цар Симеон ни беше кажано дека за време на Втората светска  војна тие беа на страната на окупаторот нацистичка Германија и  тоа  е факт од кој ни самите Бугари не бегаат. И не разбирам зошто од таа фотографија некој се возбудува кога имаме посочни фотографии од нашите политичари, рече Неделковски.

Од Детското ликовно студио  велат дека  се во тешка состојба  откако  МОН  го откажа нивното финансирање, па опстојуваат со донации.

Ние ќе  тужиме зашто овие деца седум месеци се оставени на милост и немилост, на донации од Врабевски, Панче од Франција, Шели од Израел. Ние сакаме овие деца да работат, а овој објект треба да се загрее, додава Неделковски од 33 сек ние ќе тужиме до крај

Претходно, Врабески на ФБ страницата на фондацијата Бугарска меморија се пофали дека на гости во Софија беа ученици од Битола кои се поддржувачи на културниот центар  Ванчо Михајлов, а објавија и  фотографии од  раководството на Техничкото училиште, кое потоа се правдаше дека во Софија отишле само во потрага по Еразмус партнери. Фондацијата пак веднаш потоа ги повлече нивните фотогарфиите од фб и веб страницата.

The post „Мал битолски Монмартр“ ги носеле децата на средби со бугарски политичари, МВР го извести ОЈО за случајот appeared first on Република.

Во Битола пристигнаа над 120 млади ликовни уметници и ликовни педагози од Кина, Индија, Романија, Полска, Словачка, Турција, Бугарија, Србија, кои заедно со своите врсници и колеги од Македонија ќе учествуваат на 42. издание на ликовната колонија „Мал битолски Монмартр".

Свеченото отворање е закажано за вечер од 19 часот пред платото на Детско ликовно студио „Св. Кирил и Методиј“, во старата битолска чаршија каде ќе се одбележат 55 години од основањето на студиото, ќе биде отворена 41. Меѓународна ликовна изложба и ќе биде доделена наградата Гран при што им припадна на младите ликовни творци од Хонг Конг, Кина.

Според програмата, учесниците освен во Битола ќе престојуваат и сликаат во Охрид и манастирот Свети Јован Бигорски, а ќе приредат и две посебни ликовни изложби кои ќе бидат поставени во конзулатите на Република Грција и Република Бугарија во Битола.

The post Ново издание на меѓународната детска ликовна колонија „Мал битолски Монмартр“ appeared first on Република.

Ликовниот педагог Теондолинда Паскуал од Португалија е избрана за претседателка на жирито за годинешната 42. меѓународна детска ликовна колонија „Мал битолски Монмартр“, која почнува утревечер во Битола.

Ликовниот педагог Паскуал, заедно со Всеволод Романков од Русија и Марија Дима од Романија, до 30 мај, секојдневно ќе ги оценуваат ликовните творби на учесниците на колонијата и ќе доделуваат „Награда на денот“, информираа организаторите на „Мал битолски Монмартр“.

Најновото издание на детската ликовна колонија „Мал битолски Монмартр“ свечено ќе биде отворено утревечер со врачување на наградата Гран при која годинава им припадна на младите членови на детското студио „Simply Art“ од Хонг Конг, Кина.

На публиката ќе им биде презентирана 41. Меѓународна детска ликовна изложба „Битола 2023“ со дела од светскиот детски ликовен конкурс на кој со одлука на меѓународна жири комисија посебни награди – златна палета ќе добијат ученичките Леа Стерјев, Ана Полизовска, Сара Наумовска, Марија Јанкуловска и Сирма Спиркоска, а диплома ќе им биде доделена на Никола Тасевски, Јана Талевска, Фросина Полизовска и Томисла Атанасовски, дите членови на детското ликовно студио „Св. Кирил и Методиј“-Битола, организатор и домаќин на детскаката ликовна колонија „Мал битолски Монмартр“.

The post Теондолинда Паскуал од Португалија претседателка на жирито на „Мал битолски Монмартр“ appeared first on Република.

Meѓународна жири комисија на Детско ликовно студио „Свети Кирил и Методиј"-Битола одчучи највисокото признание за годинешниот „Мал Битолски Монмартр“, наградата гран при да ја додели на ученици од ликовното студио ,,Simply Art”  од Хонг Конг.

На светскиот детски ликовен пристигнаа над 65О пратки од приватни и државни училишта од цел свет, односно од 71 држава со фонд од 44.ООО детски ликовни цртежи.

Meѓународната жири комисија одлучи почесната награда „Професор Коста Хаџи-Антоновски" која се доделува за значаен придонес кон светската промоција на детското сликарство и кон промоција на младите ликовни уметници и таленти да се додели на градот Чигасаки Канагава одЈапонија, почесната награда „Проф. Светлана Вешиќ-Ралевиќ" која се доделува за прв пат а се однесува за најдобар педагошки пристап на светско ниво во работата со младите ликовни уметници и таленти ќе ја добие ликовниот педагог Вејсел Аџар од Трабзон, Турција, а почесната награда за животно дело за 2О23 година „Проф. Д-р. Богомил Карлаварис" која се однесува за целокупниот работен век на ликовен педагог при работата со млади ликовни уметници и таленти се доделува на ликовниот педагог Киран Кансара од Вадодара, Индија.

Светската детска ликовна колонија „Мал Битолски Монмартр" ќе се одржи во Битола во периодот од 23 до 30 мај.

The post Наградата гран при на „Мал Битолски Монмартр“ за „Simply Art” од Хонг Конг appeared first on Република.

Детско ликовно студио „Свети Кирил и Методиј" Битола по целосниот преглед на резултатите и финансиите од Годишната програма на Министерството за култура, со кои поддршката кон 41-вото издание на Светската детска ликовна изложба и конкурс „Битола" и 42-то издание на Светската детска ликовна колонија „Мал Битолски Монмартр" најавува можност за првпат во 55 годишното постоење на организацијата оваа година да не ги реализира проектите, велат во нивното соопштение.

По прекинот на 30 годишната поддршка без писмено образложение од страна на Министерството за образование и наука оваа година Министерството за култура само за проект за УНЕСКО за кој минатата година добија високи награди - им додели нула денари.

Веќе не е јасно кои се параметрите врз кои решаваат фамозните комисии. Ако за проект минатата година имавме 94 поени од 100 како е можно за истиот за 2023 година надограден со огромни награди да имаме нула денари? Со оглед на финансиската состојба и над 150 ученици кои бесплатно се едуцираат при Детско ликовно студио „Свети Кирил и Методиј" Битола и очекуваните над 600 пратки од исто толку приватни и државни школи од 60 земји од цел свет кои ќе генерираат фонд од над 40.000 детски ликовни цртежи Управниот одбор е пред тешка одлука. Воедно имавме ветувања дека нашиот статус ќе биде вратен и одлуката на Министерството за образование и наука [ позитивна или негативна ] ќе ја имаме и во нормална пишана форма. Ни претседателот на Владата ни претседателот на  4 месеци не можат да генерираат таков документ а организацијата е без поддршка веќе 9 месеци откако министерот излажа дека не е извршен прекин на истата, велат од детското ликовно студио „Свети Кирил и Методиј“.

Додаваат дека на 10 март закажан е состанок и со сите 15 членови на Меѓународниот Управен Одбор за 42-то издание на „Мал Битолски Монмартр" на кој со оглед на навредливите финансиски средства се отвора можноста колонијата оваа година да се откаже за прв пат од своето постоење.

Општествено одговорните компании - наши соработници и Општина Битола како и Влада [ министерства и институции ] примија над 250 писма за поддршка при реализацијата и тоа ќе е битен дотолку повеќе пресуден сегмент за конечната одлука. Во моментот несериозно е да говорима за реализација на овие огромни манифестации од интернационален квалитет на кои им се доделени мизерни средства. За активности на проектот Светска детска изложба и конкурс „Битола" кој трае од 20-ти септември до 25-ти мај или 9 месеци и подготовките за Светската детска ликовна колонија „Мал Битолски Монмартр" која се подготвува од март и реализира до крај на мај во основа ова се цифри кои се граничат со здравиот разум. Ја разбравме „пораката" па соодветно на неа и ќе реагираме. Очигледно националните интереси во културата веќе одамна се изместени од здравиот разум на логиката а тесно политичките се приоритет, се вели во нивното соопштение.

The post Веќе не е јасно кои се параметрите врз кои решаваат фамозните комисии, велат по добиените 0 денари од Детско ликовно студио „Свети Кирил и Методиј” appeared first on Република.

Членови на Детското ликовно студио „Св. Кирил и Методиј“ Битола денеска сликаа пред зградата на Министерството за образование и наука (МОН) бидејќи, како што велат, немаат решение од страна на ресорниот министер Јетон Шаќири за прекинот на финансиските средства од страна на МОН.

– Осми ден немаме решение од министерот Јетон Шаќири за негативната изјава на државниот секретар Неда Трпеска дека по 30 години МОН без никакво објаснување ни ги прекинува финансиските средства, истакна претседателот на Управниот одбор на  Детското ликовно студио „Св. Кирил и Методиј“ Битола, Славчо Неделковски.

Информираше дека средствата се исплаќале по три параметри, плата за еден вработен – технички секретар, електрична енергија којашто, како што рече, е есенцијална бидејќи ја имаат најголемата зграда во старата битолска чаршија доделена со одлука на Владата во 98-ма година и за телефонски сметки.

– Прашањето е како може во 2022 година, сума којашто изнесува колку еден чиновник во оваа огромна зграда не може државата повеќе да обезбеди и притоа нема објаснување. Неофицијално при еден разговор со министерот тоа се некои измени во законот што спречуваат државата т.е. министерството да финансира здружение на граѓани, а биле донесени 2009-2015 година, истакна Неделковски.

Дополни дека месечните трошоци во зимскиот период им изнесуваат 60 илјади денари, а во летниот 40 илјади денари, како и дека „од 2015 година некој на министерот му подметнува, како што рече државниот секретар и системи, лажно да потпишува финансии за нивното друштво“.

Бидејќи се на ранг на Програма 20, односно на ранг на основно училиште, Неделковски рече дека бараат објаснување зошто се прекинати средствата по 30 години и оти нивниот став како и на родителите и на децата е дека треба да се назад каде што биле. Затоа, наведе, сме собрани пред зградата на МОН бидејќи веќе осми ден чекаме решение од министерството и бараме да се прекине молкот.

На прашањето зошто ја одбиле понудената рака од Министерството за култура одговори дека Детското ликовно студио „Св. Кирил е Методиј“ е во функција веќе 55 години и оти понудената рака, како што потенцираше, е крадење на брендот, т.е. предавање на брендот на Центарот за култура, национална установа во Битола, што значи ќе станеше под државна капа и оти тие никогаш нема да имаат авторски права, и дека како студио тие одлучиле дека тоа не е решение.

На прашањето кога последен пат МОН ги финансирале нив, Неделковски истакна дека финансиски средства од МОН добиле последен пат во јуни на трезорска сметка и оттогаш немаат средства и се блокирани. Додаде дека од јули блокирани се и од УЈП и оти не можат ниту со сопствени средства да исплаќаат сметки и долгови, поради тоа што, како што рече, по блокирањето на МОН не можат да го повлечат она што им го дава општина Битола како поддршка до крајот на годината.

Тој најави дека освен пред зградата на МОН, членовите на Детското ликовно студио „Св. Кирил и Методиј“ Битола денеска ќе сликаат и на улица „Македонија“ во центарот на градот.

The post Mлади уметници сликаа пред МОН за поддршка на „Монмартр“ appeared first on Република.

Група ученици од Детското ликовно студио „Свети Кирил и Методиј“ од Битола, кои се дел од ликовната група „Мал Битолски Монмартр“ утре во периодот од 10 до 13 часот ќе сликаат пред Министерството за образование и наука во знак на протест бидејќи по 30 години им е прекината финансиската поддршка.

Претседател на управниот одбор на Студиото, Славчо Неделковски, вели дека со ваквиот вид протест сакаат да апелираат за враќање на статусот на Детско ликовно студио “Свети Кирил и Методиј” Битола кое по 30 години нема да има поддршка од страна на Министерството за образование и наука на Македонија, со што 55 годишната организација ќе мора да биде затворена а светскиот детски ликовен бренд “Мал Битолски Монмартр” по 41 година прекинат.

На годишно ниво ние акумулираме 500 пратки од исто толку школи од 55 држави од цел свет кои содржат 25.000 детски цртежи – реализираме детска ликовна колонија која е светски бренд – реализираме учество на над 20 светски детски конкурси и 10 светски детски ликовни колонии од Хонг Конг [Кина] до Португалија од кои шест се наш бренд и бесплатно едуцираме 80 млади ликовни таленти, објаснува Неделковски.

Управниот одбор исто така одлучил и членовите во сабота да сликаат на централната пешачка зона во Битола на Широк Сокак за собирање донации за работен материјал и почеток на распишување на Конкурсот за 41. Светска детска ликовна изложба „Битола 2023”.

The post Учениците на „Мал битолски Монмартр“ ќе сликаат пред МОН во знак на протест appeared first on Република.

Управниот одбор на Детското ликовно студио „Свети Кирил и Методиј" Битола под чија капа е „Мал битолски Монмартр“ ја отфрли понудата на Министерството за култура да го преземе фунцкионирањето на светскиот бренд, а со предлогот велат дека се чувстуваат понижени. Не сакаат политичко обојување на проблемот со кој се соочува Детско ликовно студио и преку социјалните мрежи соопштуваат дека Управниот одбор донел одлука со која се прифаќа финансиската поддршка за плата и трошоци до крајот на годината која им беше понудена од страна на Општина Битола.

Министерката за култура, Бисера Костадиновска Стојчевска, вчера објави дека министерството за култура го презема функционирањето на „Мал Битолски Монмартр“. Преходно, на социјалните медиуми беше објавен апел за спас на „Мал битолски Монмартр“, по одлуката на министерството за образование по 40 години да ги стопира финансиските средствата за Детското ликовно студио, а со тоа и култниот светски бренд „Мал Битолски Монмартр“.

Управниот одбор на Детско ликовно студио „Свети Кирил и Методиј" Битола донесе едногласна Одлука со која децидно ја одбива понудата на Министерката за култура Бисера Костадиновска Стојчевска која ја смета за несериозна и навредлива. Управниот одбор смета дека е несериозно светскиот бренд да стане дел од Центарот за култура Битола како национална установа, а Детското ликовно студио „Свети Кирил и Методиј" Битола да продолжи со аплицирање кон проекти. Тоа е крадење на мала врата на трудот и вредностите кои Детско ликовно студио „Свети Кирил и Методиј" Битола ги стекнало низ 41 година. Тоа е срамен предлог, а не решение на кое треба да помисли министер кој доаѓа од Битола. Ние со предлогот се чуствувамe понижени, велат од Детското ликовно студио.

https://republika.mk/vesti/kultura/ministerstvoto-za-kultura-go-prezema-funkcioniranjeto-na-mal-bitolski-monmartr/

Во нашата установа право да обојуваат имаат само децата, сè друго е политичко профитерство за ефтини партиски поени!, велат од УО.

Министерството за образование и наука 3О години даваше поддршка на Детско ликовно студио во форма на три параметри: една плата за технички секретар , електрична енергија и телефонски трошоци, по што вчера реши да ја прекине поддршката. Министерот Јетон Шаќири синоќа нè повика на состанок во Скопје, но бидејќи немаше конкретна понуда, го одбивме присуството, велат од УО.

Оттаму додават дека делегирале работно тело кое итно ќе оствари средба со Градоначалникот на Општината и Советот на Општина Битола.

Во меѓувреме, ќе бидат отворени просториите на Детско ликовно студио „Свети Кирил и Методиј" Битола за финансиска и логистичка поддршка од граѓаните, потоа општествено одговорни компании и претставници на Дипломатско конзуларните претставништва на странски земји во Македонија од 9:3O до 17 часот секој ден и редовно ќе се одржуват бесплатни часови по ликовна едукација на засега пријавени 5О ученици за учебната 2О22/2О23 година со почеток од 1О септември 2O22 година.

Од Детското ликовно студио „Свети Кирил и Методиј“ додаваат дека преку средби и  активности ќе ги информираат партнерите од цел свет, УНЕСКО  и ОН како и организации за нега и заштита на детското сликарство за обидот за затворање на Детско ликовно студио „Свети Кирил и Методиј" Битола и згаснување на „Малиот битолски Монмартр".

УО на Детското ликовно студио најавува прес конференција за в петок, 26 август 2О22 со почеток во 11 часот.

The post Мал битолски Монмартр ја отфрли понудата на Министерството за култура: Срамен предлог со кој се чуствувамe понижени appeared first on Република.

По објавата на „Апелот за спас на Малиот Битолски Монмартр“ на социјалните мрежи, во кој се вели дека Министерството за образование и наука ги укинува средствата наменети за оваа институција, Општина Битола и Советот на општината информираат дека застануват зад делото на Коста Хаџиантоновски, творецот на најголемата и најзначајна детска ликовна колонија кај нас и во светот, која 41 година е македонски бренд во светот.

Од тамошната локална самоуправа посочуваат дека со ребалансот на буџетот, до крајот на оваа година, ќе бидат одвоени средства за исплата на плата на едно лице (технички секретар) и трошоците за струја, со што ќе продолжи функционалноста на оваа институција.

Детското ликовно студио „Свети Кирил и Методиј”, 41. година е организатор на најстарата светска детска ликовна колонија „Мал Битолски Монмартр“.

The post Коњановски: Општина Битола ќе ги исплати трошоците за „Мал битолски Монмартр“ до крајот на оваа година appeared first on Република.

По објавата на „Апелот за спас на Малиот Битолски Монмартр“ на социјалните мрежи, во кој се вели дека Министерството за образование и наука ги укинува средствата наменети за оваа институција, општина Битола и Советот на општината, застануват зад делото на Коста Хаџиантоновски, творецот на најголемата и најзначајна детска ликовна колонија кај нас и во светот, која 41 година е македонски бренд во светот.

Како што информираат од локалната власт, со ребалансот на буџетот, до крајот на оваа година, ќе бидат одвоени средства за исплата на плата на едно лице (технички секретар) и трошоците за струја, со што ќе продолжи функционалноста на оваа институција.

Детското ликовно студио „Свети Кирил и Методиј“, веќе 41 година е организатор на најстарата светска детска ликовна колонија „Мал Битолски Монмартр“. Во изминатите децении, илјадници детски цртежи од оваа колонија создадени од рацете на малите ликовни уметници, ги красат ѕидовите на престижни институции во државата, а секој мај, Битола е исполнета со џагорот на децата – ликовни уметници од целиот свет - информираат од општина Битола.

The post Општина Битола ќе ги исплати трошоците на Малиот битолски Монмартр до крајот на оваа година appeared first on Република.

Минисерката за култура, Бисера Костадиновска Стојчевска, порачува дека министерството за култура го презема функционирањето на „Мал Битолски Монмартр“.

Ваквата реакција на Костадиновска Стојчевска следува откако на социјалните медиуми беше објавен апел за спас на „Мал Битолски Монмартр“, по одлуката на министерството за образование дека по 40 години, ги стопира финансиските средствата за Детско ликовно студио „Свети Кирил и Методиј“ Битола, а со тоа и култниот светски бренд „Мал Битолски Монмартр“.

https://republika.mk/vesti/kultura/mon-reshi-po-40-godini-da-go-unishti-mal-bitolski-monmartr/

И понатаму ќе течат нивните активности така што учениците од 5 до 20 годишна возраст кои бесплатно ликовно ќе продолжат да се едуцирааат и го развиваат својот талент во нашите простории, но и низ детските ликовни колонии од Хонг Конг па до Португалија. Изминатите шест месеци нивните ученици зедоа учество на 1О светски детски ликовни конкурси и пет светски детски ликовни колонии кои освоиле над 85 награди - напиша Костадиновска Стојчевска на Фејсбук.

The post Министерството за култура го презема функционирањето на „Мал Битолски Монмартр“ appeared first on Република.

Министерството за образование и наука на Македонија по 4О години го затвора Детско ликовно студио „Свети Кирил и Методиј“ Битола, а со тоа култниот светски бренд „Мал битолски Монмартр“ веќе ќе го нема, алармираат Елена Хаџи-Антоновска, Ангела Каранфилова и Славчо Неделковски кои преку социјалните мрежи испратија апел за спас.

Од таму објаснуваат дека откако Управниот Одбор на Детско ликовно студио „Свети Кирил и Методи„ Битола на О5.О5. оваа година донесе Одлука за целосна реорганизација на активностите на Детско ликовно студио „Свети Кирил и Методиј" Битола кое 41 година е организатор на култната и најстарата, по Гинисова книга на рекорди и најголема, светска детска ликовна колонија од Министерството за образование и наука на Македонија со информации дека веќе нема да ја имаат нивната поддршка.

Иако 3О години министерството обезбедуваше само една плата за едно лице, технички секретар, и електрична енергија сега по „ничија грешка“ се констатира незаконитост во таа активност и веднаш се прекинуваат сите форми на финансирање. Цинична сума од 6О.ООО денари месечно која нас не одржуваше во живот, а годишно 8О деца ги правеше ликовни уметници и амбасадори на својата земја низ светот. Ученици од 5 до 2О годишна возраст кои бесплатно ликовно се едуцираа и го развиваа својот талент во нашите простории но и низ детските ликовни колонии од Хонг Конг, па до Португалија, се вели во реакцијата.

Потенцираат дека само изминатите шест месеци нивни ученици на 1О светски детски ликовни конкурси и 5 светски детски ликовни колонии освоија над 85 награди.

И така нив денес ќе им соопшиме дека нема настава од септември и ќе им речеме: „Браво и збогум!"

Со ова сме доведени во ситуација во која апелираме сите здраворазумни граѓани и општествено одговорни компании во Македонија да ни помогнат со гест на поддршка и финансиска помош за да опстои единствениот светски детски бренд од Македонија - „Мал битолски Монмартр“, велат од Детското ликовно студио „Свети Кирил и Методиј" Битола.

Додаваат дека од утре ќе преземат и конкретни активности со комуникација со своите долгогодишни партнери од цел свет - УНЕСКО - Амбасадите на странските земји во Македонија и Генералните конзулати во Битола како и органите на власт, како што велат било тоа да е локална или државна a кои имаат уши а не „граматички грешки“.

Ние нема да дозволиме нечии „граматички грешки" да доведат до бришење на скоро полувековната историја на Детско ликовно студио „Свети Кирил и Методиј" Битола а од вас бараме само поддршка во форма во која сте во можност да ја обезбедите.  Ние нема да дозволиме ликот и делото на светски реномираниот ликовен педагог Коста Хаџи-Антоновски кој ја постави Македонија на светската мапа да замре поради вашите хирови, велат оттаму.

The post МОН реши по 40 години да го уништи „Мал битолски Монмартр“ appeared first on Република.

Овогодишните резултати за јубилејното 40-то издание на Меѓународниот ликовен конкурс за изложбата “Битола 2022” се секако и најава и основ за одржување на 41-вото издание на “Малиот Битолски Монмартр” кој по пауза поради Пандемијата, оваа 2022 година повторно ќе е со посета на детските ликовни амбасадори од цел свет кои низ Битола традиционално ќе творат во периодот од 23-ти до 30-ти мај 2022 година, најавуваат организаторите.

На Меѓународниот ликовен конкурс за изложбата “Битола 2022” кој беше распишан на 10 септември 2021 година а траеше до 20 февруари 2022 година пристигнаа пратки од 450 училишта со над 22.500 цртежи од 40 земји од Европа до Азија.

Стручното жири од вкупниот број пристигнати творби на конкурсот од 20.000 млади ликовни уметници за 40-тата јубилејна Меѓународна изложба на детски ликовни творби “Битола 2022” избра 777 дела а истата ќе биде отворена на 23.05.2022 година во просториите на Националната детска ликовна галерија “Монмартр” и ќе трае се до крајот на тековната година.

Меѓународното стручно жири ги донесе и следните Одлуки:

1.Добитник на наградата “Гран – при 2022” – “Atolye Veysel Acar” – Trabzon – Turkey 2. Почесна награда “Коста Хаџи-Антоновски” за долгогодишно учество – соработка и придонес – Irina Kruchinina – Children’s Art Studio “Rostok” – OB – Russia 3. Награда “Проф. Д-р. Богомил Карлаварис” за животно дело – Svetlana Veshich Ralevich – Likovni Atelje “Artino” – Belgrade – Serbia
4. Награда Специјална колекција за училиште:

– Szent Imre Katolikus Alt. Iskola – Kecskemet – Hungary

– Seminarul Teologic Ortodox “Veniamin Costache” – Manastirea Neamt – Romania

– OS “Danila Lokarja” – Ajdovshchina – Slovenia

5. Награда – Учество на “Малиот Битолски Монмартр 2022” за 25 екипи во периодот од 23ти до 30ти мај 2022 година во Битола [ 2 учесници и 1 ликовен педагог ]:

– “Simply Art” – Hong Kong – China

– School 1955 (1188) – Moscow – Russia

– “Atolye Veysel Acar” – Trabzon – Turkey

– Shirley’s Fine Art School – Lapid – Israel

– Likovni Atelje “Artino” – Belgrade – Serbia

– Rokytskyi Children’s Art School – Volodomir-Volynsky – Ukraine

– Yeow Chye Art Studio – Ayer Itam – Malaysia

– Asociatia Culturala “Arte. Ro” – Piatra Neamt – Romania

– Mlodziezowy Dom Kultury – Rybnik – Poland

– Zush Ladislava Mednyanszkeho – Spishska Bela – Slovakia

– H.R.H. Princess Sirindhorn Art Centre – Wangsaphung – Thailand

– Detskaya Shkola Iskusstv im. R.V.Serdyuka – Kerch – Crimea

– Workshop “Emart” – Subotica – Serbia

– Children’s Art School “Kolorit” – Pleven – Bulgaria

– Children’s Art Studio “Rostok” – OB – Russia

– Zakladna Umelecka Shkola Hlohovec – Hlohovec – Slovakia

– JU Srednja Likovna Shkola “Petar Lubarda” – Cetinje – Montenegro

– SSH “Ivan Goran Kovachich” – Kiseljak – Bosnia and Hercegovina

– Cetin Sen Bilim Sanat Markezi – Kayseri – Turkey

– National Cultural Children Center – Tirana – Albania

– Shorin Junior High school – Chigasaki – Japan

– Art’s School “Arteya” – Targovishte – Bulgaria

– “Master and I” – Torzhok – Russia

– Shkola za Primjenjenu Umjetnost u Rijeci – Rijeka – Croatia

– Children’s Art Studio “St. Ciryl and Methodi” – Bitola – North Macedonia

6. Награда за најдобра колекција – “Златна четка”: Меѓународното стручно жири додели 23 награди во оваа категорија за најдобра испратена колекција за конкурсот “Битола 2022”.

7. Награда за најдобри поединци – “Златна палета”: Меѓународното стручно жири додели 133 награди во оваа категорија наменета за поединечни остварувања на светската изложба “Битола 2022”.

8. Признанија за поединечни остварувања – “Диплома”: Меѓународното стручно жири додели 245 награди во оваа категорија наменета за поединечни остварувања на светската изложба “Битола 2022”.

9. Меѓународното стручно жири во 8 категории за 40-тата јубилејна Меѓународна изложба на детски ликовни творби “Битола 2022” додели вкупно 432 награди.

The post „Мал Битолски Монмартр“ ги соопшти наградите од јубилејното 40. издание appeared first on Република.