Во изборот на идеалната петорка на Европското првенството Б-дивизија во Скопје се најдоа и две имиња од македонската репрезентација.

Покрај најкорисниот кошаркар на шампионатот, Никола Јаничиќ, во изборот на ФИБА се најде и Марко Луканоски.

Покрај македонскиот двоец, во ТОП 5 на Европското првенство во Скопје се најдоа уште и двајца репрезентативци на Австрија, Имран Суљановиќ и Фун Шот, а идеалната петорка се комплетира со Бугаринот Александар Гаваљугов

The post Голем успех: Двајца Македонци во идеалната петорка на ЕП во Скопје appeared first on Република.

Јуниорската кошаркарска репрезентација на Македонија ја совлада Австрија во финалето на Европското првенство „Б“ дивизија со 98-88 и го освои пехарот на натпреварувањето кое во изминатиов период се одржуваше во главниот град на земјава.

Македонците беа подобар противник од Австријците во меч во кој целосно доминиравме од почетокот до крајот.

Нашиот национален тим забележа осум победи на осум средби, а покрај над Австрија во финалето, во нокаут-рундата славеше над Португалија и Бугарија, а претходно во групата ги доби Ирска, Кипар, БиХ, Чешка и Украина.

Најдобар стрелец во финалето беше капитенот Никола Јаничиќ со 30 поени, пред Стефан Стојковиќ со 15 поени.

Кај Австрија. Нико Железник даде 21 поен, а Имран Суљановиќ се истакна со 19 поени.

Македонија во следното издание на Европското јуниорско првенство ќе игра во А-дивизијата

The post Maкедонија има светла кошаркарска иднина appeared first on Република.

Јуниорската кошаркарска репрезентација на Македонија вечерва од 21.30 часот во СЦ „Борис Трајковски“ против Австрија ќе испише уште една страна од македонската кошаркарска историја.

По пет победи во првата фаза, дојдоа и победите против Португалија и Бугарија за пласман во финалето на Евро-шампионатот во дивизија „Б“.

Вечерва на ред е битката за победничкиот пехар, а иако селекторот Горан Андреевски вели дека главната цел е остварена, сепак сака македонската кошаркарска јавност да ја израдува со златните медали.

„Денес влегуваме малку порастоварени, бидејќи главната цел ја остваривме, а тоа е влез во „А“ дивизијата. Но се разбира и кон овој меч ќе влеземе максимално посветено и ќе се обидеме сите да ги израдуваме со злато. Емоциите ги тргнуваме на страна, играме храбро како и секогаш. Одиме на уште една победа, изјави селекторот пред мечот

The post Во 21 и 30 сите навиваме: Македонската кошарка вечерва има можност да испише историја appeared first on Република.

Македонските кошаркари до 18 години ја совладаa Бугарија со 92-68 во полуфиналето на Европското првенство „Б“ дивизија кое се одржува во Скопје.

„Црвено-жолтите“ ќе играа во финалето, а истовремено обезбедија место и во А-дивизијата.

Луканоски имаше „дабл-дабл“ учинок со 20 поени и 16 скокови, исто како и Трајанов со 17 поени и 11 скокови, Јаничиќ даде 17 поени, Марјановиќ 12.

На патот до финалето, покрај Португалија и Бугарија во нокаут-фазата, Македонија славеше и над Ирска, Босна и Херцеговина, Чешка, Кипар и Украина во групната фаза.

https://republika.mk/sport/kosarka/mitskoski-gi-bodreshe-makedonskite-mladi-kosharkari/

Финалето се игра утре вечер, а противник на Македонија ќе биде подобриот од дуелот меѓу Австрија и Полска

The post Убава вест: Македонија ја прегази Бугарија во кошарка appeared first on Република.

Кошаркарската машка репрезентација на Македонија до 18 години го забележа третиот триумф на треитот натпревар на Европското првенство (ЕП) Б-дивизија кое се одржува во Скопје.

Нашите кошаркари ја совладаа Чешка со 94-86 и веќе со една нога сме во четвртфиналето.

Најдобар стрелец во нашата екипа беше капитенот Јаничиќ со 25 поени, пред Стојковиќ кој имаше 20 поени, додека кај Чешка, Цанк имаеше 25 поени.

Во следното коло нашата селекџија игра против Кипар и важи за апсолутен фаворит. Со победа во следниот меч кој е на програмата во вторник од 18:30 часот нашиот национален тим ќе биде сигурен четвртфиналист, па со Украина во последното коло од групната фаза потенцијално ќе разигрува за едно од првите две места на табелата во нашата група.

The post Четвртфиналето на ЕП на дофат: Македонија ја победи и Чешка appeared first on Република.

Младинската кошаркарска селекција на Македонија одигра уште еден контролен натпревар за време на подготовките и стигна до нов триумф, овој пат со 97:62 против комбинирана селекција од САД која настапи под името „Just right“.

Во СРЦ „Кале“ избраниците на селекторот Боро Смилковски имаа проблеми само во првата четвртина во која се „привикнуваа“ на сосема непознатиот противник, но на крајот заминаа на пауза со предност од 24:23.

Следуваше втората, и најдобро одиграна четвртина на нашата селекција „Под 20“ години во која направија серија од 26:8, за висока позитива на полувремето (50:31).

Без особени промени во играта се одвиваа настаните и во второто полувреме. Македонија продолжи да доминира, како одминуваа минутите, така растеше и позитивата за селекцијата. На истекот на третиот период, нашиот младински состав поведе со 71;45.

Не се задоволија со тоа нашите млади кошаркари кои „притисснаа“ и во последните десет минути за уште поубедливи на крајот 97:62.

Капитенот Симиќ реализираше 18.поени, Бојчев и Кечовски имаа по 13, Бошалески и Димитриевски по 12, а Стојаноски даде десет со девет скока.

Двата тима ќе одиграат уште една пријателска средба, која е предвидена за 6.јули (сабота), од 17.часот, исто така во салата на СРЦ „Кале“ во Скопје

The post Верувале или не: Македонија ги победи САД во кошарка appeared first on Република.

Македонскиот кошаркарски репрезентативец, Стојан Ѓуроски беше еден од најдобрите поединци во вчерашната победа над Полска во квалификациите за Европското првенство 2025. Ѓуровски смета дека клучен елемент во триумфот на „црвено-жолтите“ беше енергијата која ја демонстрираа на теренот.

- Влеговме максимално мотивирано во натпреварот. Знаевме од каква значење е за нас. И тоа дефинитивно ни се исплатеше. На нивната игра одговоривме со една многу поголема агресивност. Мислам дека можеби малку и нè потценија. Се одлучивме помалку и да ризикуваме со нивниот шут од далечина, во прв ред на Балцеровски, и тоа на крајот и се исплатеше. Сепак, сметам дека енергијата беше клучен фактор за победата на овој натпревар. На крилјата на оваа победа треба да продолжиме да се надградуваме како тим, изјави Ѓуровски.

Можеби лош момент е победата на Естонија против Литванија. Меѓутоа тоа не значи ништо за нас. Следна на ред ни е репрезентацијата на Литванија, за која лично сметам дека можеме да ја победиме во Скопје. Има уште многу да се игра во овие квалификации,и ќе се потрудиме да победиме на што повеќе натпревари. Ова во Полска беше само првиот, додаде македонскиот кошаркар.

Во убедливите плус 25 (96:71), против Полска, искусниот крилен кошаркар, испорача 17 поени, со висок процент на реализација (3/5 за три, 3/4 за два и 2/3 за еден поен), плус и две освоени топки, два скок аза повеќе од 31 минута помината на теренот.

The post Mакедонските кошаркари се вратија во игра за ЕП appeared first on Република.

Македонската машка кошаркарска репрезентација ја забележа првата победа во вториот натпревар од квалификациската група Х за пласман на Европското првенство 2025, откако вечерва триумфираше на гостински терен над Полска со 96-71 (25-16, 22-22, 22-12,27-21).

До премиерниот триумф во евроквалификациите македонската репрезентација на паркетот во Арената „Арцелор Митал Парк“ во Сосновиец ја предводеа Ненад Димитријевиќ со 32 поени и Итан Хап, кој натпреварот го заврши со 19 поени.

Полска на средина од првата четвртина имаше предност од 14-10, кога македонските кошаркари заиграа агресивно во одбраната, а ефикасно во нападот и со серија од 11-0 го презедоа водството кое во првиот дел достигна највисоки +13 (29-16).

Избраниците на селекторот Александар Јончевски продолжија во ист стил и во третата четвртина која ја решија во своја корист со 22-12 и во последниот период од натпреварот влегоа со предност од +19 поени (69-50).

Домаќинот ја отвори четвртата четвртина со серија од 7-0 и се приближи на 69-57, но Македонците возвратија со десет последователни поени и ги решија сите дилеми околу конечниот исход.

Во вториот вечерашен дуел во групата Х, Естонија ја совлада Литванија на домашен терен со 65-59.

Естонија води на табелата со 4 бодови, пред Македонија и Литванија со по 3, а Полска е последна без бодови во групата од која пласман на Евробаскетот 2025 ќе обезбедат двете првопласирани селекции.

Воведниот февруарски циклус во евроквалификациите избраниците на Јончевски го завршија со победа и пораз, откако во првото коло во петокот во Скопје беа поразени од Естонија со 69-74, а настапот во групата Х ќе го продолжат наесен кога претстојат дуелите против Литванија, на 21 ноември на домашен и на 24 ноември на гостински терен

The post Се случи чудо: Maкедонија ја победи Полска на гости appeared first on Република.

Кошаркарската репрезентација на Македонија вечерва од 19 часот е домаќин на Естонија во во СРЦ „Кале“ во обид да стигне до прва победа за успешно отворање на квалификацискиот циклус за ЕП 2025 година.

Во групата „Х“ друштво ни прават и репрезентациите на Литванија, и еден од ко-домаќините на наредниот Евробаскет, селекцијата на Полска.

Еден од нашите најдобри кошаркари во моментов, Ненад Димитријевиќ пред мечот изјави дека се подготвени за соочување со Естонија.

- Не сакаме да ставаме некој преголeм притисок токму за тој натпревар, затоа што после тоа следуваат уште пет натпревари. Знаеме дека е многу важно да го ‘заштитиме’ домашниот терен. Ќе се обидеме да дојдеме до победа на тој премиерен меч во квалификациите, вели кошаркарот на Уникс Казан.

За притисокот од јавноста за успех на „црвено-жолтите“ вели дека е добар, но дека понекогаш тие очекувања се и нереални.

-Живееме во некои други времиња. Ние сме некоја друга генерација. И мислам дека ние тоа треба да го почувствуваме како поддршка, и навивачите да го направат тоа, за ние да го почувствуваме тоа како поддршка а не како некој притисок, смета тој.

Како увертира на вечерашната средба, синоќа се одигра и првиот меч од групата „Х“. Во Вилнус, Литванија со 83:64 ја совлада Полска, нашиот нареден ривал во овие квалификации

The post Навиваме за нашите кошаркари: Вечерва сите сме Македонија appeared first on Република.

Македонската кошаркарска репрезентација в петок ќе се сретне со Естонија во првото коло од квалификациите за Европското првенство 2025. Членот на Задар, Адем Мекиќ, очекува добар настап на „црвено-жолтите“ и покрај силниот ривал.

- Естонија е силна репрезентација, многу агресивна, која игра брза и атрактивна кошарка. Во последните години играат феноменално. Ние сме домаќини релативно млада екипа која е надополнета со искусни играчи. На нас е да излеземе на терен и да дадеме максимум. Верувам во цела екипа. Се надевам на позитивен резултат. Фаворитската улога ја препуштам на Естонија, но и ние имаме квалитетни играчи. Ќе видиме како ќе биде на терен, изјави Мекиќ.

Натпреварот ќе се игра на 23 февруари во СРЦ „Кале“ во Скопје со почеток во 19 часот.

Во групата Х се и селекциите на Полска и на Литванија. Полска како домаќин на шампионатот автоматски има обезбедено пласман на ЕП, а за останатите две места ќе се борат Македонија, Литванија и Естонија

The post Во петок сите да ги бодриме нашите кошаркари appeared first on Република.

Македонската кошаркарска репрезентација вечерва во Скопје, ги стартува подготовките за натпреварите кои следуваат во февруарскиот ФИБА „прозорец“ за пласман на Евробаскетот во 2025 година.

До првиот натпревар со Естонија, (23 февруари), избраниците на селекторот Јончевски ќе ги одработат планираните активности во СРЦ „Кале“.

Јончевски стави 14 кошаркари на конечната листа на кандидати за средбите со Естонија и Полска (26 февруари):
Војдан Стојановски – МЗТ Скопје Аеродром
Дамјан Стојановски - МЗТ Скопје Аеродром
Бојан Крстевски - МЗТ Скопје Аеродром
Дамјан Робев - МЗТ Скопје Аеродром
Марин Петков - МЗТ Скопје Аеродром
Андреј Магдевски – Пелистер
Андреј Маслинко – Пелистер
Амар Хот – Пелистер
Стојан Ѓуроски – Работнички
Виктор Ефремовски – Работнички
Ненад Димитријевиќ – Уникс Казан, Русија
Адем Мекиќ – Задар, Хрватска
Лејсон Зеќири – Башкими, Косово
Итан Хап – Гран Канарија - Шпанија

Првиот тренинг е закажан за вечер во 18 часот

The post Mакедонските кошаркари се борат за пласман на ЕП appeared first on Република.

Македонската женска кошаркарска репрезентација вечерва загуби од Србија со 103:60 во квалификациски натпревар за Евробаскет 2025.

На натпреварот одигран во СРЦ „Кале“ Србинките во целост ја потврдија фаворитската улога и стигна до втора победа во ноемвриски ФИБА „прозорец“.

Капитенот Анџелика Митрашиновиќ беше најефикасна во македонскиот состав со 23 поени, плус шест асистенции и пет скока.

Следните натпревари во Г-групата во овие квалификации се за неполна година, односно во ноември 2024 година. Македонките ќе се обидат да ја забележат првата победа на 7 ноември против Украина, или три дена подоцна против Португалија

The post Maкедонските кошаркарки поразени со 43 поени разлика од Србија appeared first on Република.

Бугарската кошаркарска репрезентација се повлече од мечот со Македонија затоа што беа премногу слаби и губеа.Во салата „Кале“ се играше турнир за кошаркари до 16 години и пред крајот на мечот бугарскиот селектор реши да ги повлече своите играчи.

Сепак по барање на делегатот тие се вратија на теренот а мечот нормално го загубија со 60-55.

Погледнете

https://www.youtube.com/watch?v=0_mVqRmbyls&t=6573s

The post Бугарски кошаркари се повлекоа од мечот со Македонија затоа што губеа appeared first on Република.

Kошаркарската репрезентација на Македонија е поразена и во третиот натпревар на претквалификацискиот турнир за пласман на ЛОИ 2024 во Париз, кој се игра во Талин, Естонија.

Кошаркарите денеска се поразени од Чешка со 94:82 и го освоија последното, четврто место во групата А, со што заврши олимпискиот сон за кошаркарите. Исто така натпреварите во Талин покажаа дека Македонија е веќе далеку од европската елита.  Во првиот натпревар Македонија загуби од Израел со 86:65, а во вториот Естонија славеше со 83:59.

The post Далеку е Париз и Олимпијадата за македонските кошаркари appeared first on Република.

Селекторот на македонската кошаркарска репрезентација Александар Јончевски го анализираше вчерашниот пораз од Израел (65-86) на стартот од олимпискиот претквалификациски турнир во Талин.

„Отсуството на голем број стандардни репрезентативци доведе во ротација уште во првата четвртина да влезат играчи кои за прв пат го носат дресот. Во понатамошниот дел од натпреварот, шанса добија сите, а се со цел да сочуваме сили за утрешниот натпревар со Естонија, изјави Јончевски за официјалниот сајт на КФСМ.

Македонскиот селектор ги потенцираше и недостатоците во скок – играта.

„Повторно се провлекува скокот, како примарен проблем каде што Израел, само во првото полувреме постигна дури 16 поени од т.н. ’втора шанса‘. Немаме многу време да се навраќаме на овој натпревар. Веќе утре играме со домаќинот кој на денешниот меч со Чешка покажа дека е конкурент за следната фаза. Секако, не сме се откажале. Ќе ја гледаме нашата шанса да покажеме борбена игра која би можела да ни донесе позитивен исход“, рече Јончевски.

Дуелот на македонските кошаркари против домаќинот Естонија е на програмата попладнево од 18 часот.

The post Јончевски: Не се откажуваме appeared first on Република.

Селекторот на македонската кошаркарска репрезентација, Александар Јончвски го одреди списокот на 12 играчи кои ќе настапат во претквалификациите за Олимписките игри 2024. На местото на повредениот Ненад Димитријевиќ во Талин отпатува младиот Андреј Шошкиќ.

- Ненад Димитријевиќ нема да патува со нас на претстојниот турнир. Тој се пожали на болка во тетивата, како што ме информираа од лекарскиот тим, станува збор за истегнување, повредата не е премногу сериозна, но бара мирување во следните денови и доаѓа во најлош момент за нас, изјави Јончевски.

За средбите со Израел, Естонија и Чешка во конкуренција се следните 12 кошаркари: Војдан Стојановски, Ти-Џеј Шортс, Стојан Ѓуроски, Љубомир Младеновски, Дамјан Робев, Андреј Маслинко, Андреј Магдевски, Андреј Шошкиќ, Андреј Андоноски, Теодор Симиќ, Петар Бошалески и Марко Миловановиќ

The post Македонските кошаркари во борба за Олипијада appeared first on Република.

Македонската кошаркарска репрезентација за место на Европското првенство во 2025 година ќе се бори со Литванија, Естонија и Полска во Х-групата од квалификациите кои ќе почнат во февруари, наредната година.

Согласно со „рестрикциите“ на ФИБА, со оглед на тоа дека Полска е еден од ко-домаќините на наредното Европско првенство, и има обезбедено директен пласман на шампионатот, место во завршниот дел ќе има за најдобрите две пласирани репрезентации.

Со денешната ждрепка во Минхен беа формирани и другите седум квалификациски групи:

А-група: Словенија, Украина, Израел, Португалија
Б-група: Италија, Турција, Унгарија, Исланд
Ц-група: Шпанија, Летонија, Белгија, Словачка
Д-група: Германија, Црна Гора, Бугарија, Шведска
Е-група: Франција, Хрватска, Кипар, Босна и Херцеговина
Ф-група: Грција, Чешка, Холандија, Велика Британија
Г-група: Србија, Финска, Грузија, Данска.

The post Македонската кошаркарска репрезентација на квалификациите за Евробаскет 2025 ќе се бори со Литванија, Естонија и Полска appeared first on Република.

Јунакот во победата на македонската кошаркарска репрезентација на синоќешниот дуел со Данска, Ти-Џеј Шортс и се заблагодари на публиката во Гевгелија за големата поддршка.

Новиот натурализиран играч на „црвено-жолтите“ натпреварот го заврши со 33 поени, шест асистенции и пет освоени топки.

– Сакам да им честитам на Данците за отпорот кој го пружија. Им благодарам на сите во публиката кои ни дадоа дополнителен ветер, а ние им се оддолживме со играта. Се чувствувам како дома, како Македонец. Благодарен сум што сум тука, и благодарен сум на поддршката од сите, изјави Шортс.

Македонската репрезентација има максимални четири победи на исто толку средби во претквалификациите за Евробаскет 2025.

The post Mакедонските кошаркари редат победи со „Северна“ на градите appeared first on Република.

Македонската машка кошаркарска репрезентација ја продолжи победничката низа во претквалификациите за пласман на Европското првенство 2025, откако вечерва во Гевгелија ја совлада Норвешка со убедливи 58-36 во рамки на третото коло во групата Д.

Македонските кошаркари одлично влегоа во натпреварот и со цврста игра во одбраната го сведоа противникот на само 16 постигнати поени по првото полувреме во кое предноста на „црвено – жолтите“ изнесуваше +16 (34-18).

Победата на македонскиот тим не беше доведен во прашање во ниту еден момент во продолжението, а кон средина на четвртина предноста достигна највисоки +23 (55-32).

Најефикасни во македонските редови беа Војдан Стојановски и Бојан Крстевски со по 14 поени, а забележителен дебитантски настап имаше и новото засилување Ти – Џеј Шортс.

Во вториот натпревар во групата Д одигран вечерва, Словачка на домашен терен ја совлада Данска со 74-70.

По три одиграни натпревари Македонија е единствена со максимален ефект во групата пред Норвешка (2-1), Словачка (1-2) и Данска (0-3).

Ноемврискиот циклус во претквалификациите за пласман на Евробаскетот 2025 избраниците на селекторот Александар Јончевски ќе го заокружат в недела против Данска во Гевгелија, по што преостануваат два дуели во февруари на гостински терен против Словачка и Норвешка

The post Maкедонските кошаркари убедливо ја победија Норвешка appeared first on Република.

Селекторот на македонската кошаркарска репрезентација, Александар Јончевски смета дека натпреварот со Норвешка е клучен за првото место во претквалификациите за Евробаскет 2025.

– И пред почетокот на претквалификациите во плановите беше освојување на првото место бидејќи единствено води во следната фаза, односно во главните квалификации. Отворивме со две победи и си ја олеснивме работата со оглед на тоа што играме на домашен терен. Играме против Норвешка која, исто така, има две победи и тоа со голема разлика. Верувам дека овој натпревар е одлучувачки, не дека нема шанса за поправен.

Селекторот Јончевски има и свој коментар за ангажирањето на Американецот Ти-Џеј Шортс

– Што се однесува до новиот играч во составот, имаше интерес за натурализација и за други кошаркари. Но се одлучивме за Ти Џеј Шортс кој има одлични квалитети на плејмејкерската позиција, а избравме организатор на играта бидејќи нема да сметаме на Димитријевиќ кого и се надевам дека добро ќе го замени. Во следните 2-3 дена Шортс ќе се обиде да се вклопи во тимот и се надевам дека отсуството на двајцата кошаркари ќе го надополнат останатите, како Војдан Стојановски, Магдевски, Мекиќ, изјави Јончевски пред стартот на мини-подготовките кои ќе се одвиваат во салата „26 Април“ во Гевгелија.

Македонската репрезентација на 10 ноември се среќава со Норвешка, а три дена подоцна, на 13 ноември, во Гевгелија ја пречекува Данска

The post Македонските кошаркари играат со Норвешка appeared first on Република.