Селекторот на италијанската фудбалска репрезентација, Лучијано Спалети, им забрани на своите избраници со себе да носат конзоли за играње кога ќе бидат на собир на националниот тим.

Некои играчи сигурно веруваа дека Спалети лае и не гризе, но не беа во право и сега треба да разјасниме некои работи. Отсега ќе го остават „Плејстејшн“ дома и повеќе нема да го носат со себе. Ќе им смислам мала игра за да им го одвлечам вниманието навечер. Ќе дојдат кај мене и ќе им давам задачи навечер ако не е им е интересен денот. Затоа што во репрезентацијата треба да останете на вистинскиот пат, да се концентрирате и да не се залажувате. Италијанците бараат кул и одговорен тим, цврст и храбар. Луѓето доаѓаат во репрезентацијата за да го освојат Европското првенство, а не да го освојат „Кол оф дјути“, изјави Спалети, за италијанските медиуми.

Репрезентацијата на Италија на Европското првенство 2024 во групната фаза ќе се сретне со Шпанија, Хрватска и Албанија.

Следниот натпревар Италијанците го играат на 22 март. Избраниците на Спалети ќе се сретнат со Венецуела во пријателски натпревар.

The post Спалети им забрани на италијанските репрезентативци да носат „Плејстејшн“ на собир, ако им е здодевно ќе им смислува мали игри appeared first on Република.

На селекторот на италијанската фудбалска репрезентација Лучијано Спалети му беше доделена титулата почесен граѓанин на Неапол.

Шеесет и четиригодишниот фудбалски стручњак го одби ова признание бидејќи го предводеше Наполи до титулата во Серија А во сезоната 2022/23.

Спалети го водеше Наполи од мај 2021 до јуни 2023 година, по што во септември стана селектор на италијанската репрезентација.

Наполи минатата сезона стана шампион на Италија, прв пат по 33 години кога во тимот играше легендарниот Марадона.

The post Не му ја заборавија титулата: Спалети стана почесен граѓанин на Неапол appeared first on Република.

По мечот двајцата селектори ги искажаа своите ставови.Милевски рече е задоволен со ремите иако играта секогаш може да биде подобра.

Мора да сум задоволен, имаше желба за докажување, желба за надигрување. Овој нерешен резултат не е рамен на победа затоа што освои само еден бод, а не три. Во вториот дел одигравме одлично за разлика од првиот дел кога имавме некои аномалии во играта-истакна селекторот.

Лучијално Спалети пак го истакна лошиот терен но и фактот дека Македонија има добри играчи како што е Елмас.

Минавме две години со Елмас, Тој е беспрекорен професионалец и можам да му се извинам што можеби не му дадов доволно простор. Елмас заслужи да игра повеќе во Наполи, но можам да кажам дека напорно работеше, на тренинзите секогаш беше одличен. Му посакувам само успеси во кариерата.

https://republika.mk/sport/fudbal/italija-se-izvadi-vo-skopje-bardi-so-magija-za-donaruma/

The post Спалети: Eлмас е голем играч appeared first on Република.

Италија во Скопје ќе ги одмери силите со Македонија во квалификациски меч за пласман на ЕП 2024. „Аѕурите“ доаѓаат со нов селектор, Лучијано Спалети кој минатата сезона како предводник на Наполи го освои „скудетото“ во Серија А. Сега првпат е на чело на репрезентација.

„Можам да кажам дека сум трогнат, почестен и горд што ја добив оваа улога. Претседателот на ФС ми ги обезбеди најдобрите фудбалери и навистина сум среќен што ги добив сите играчи кои јас ги посакав.Јас сум тренер кој не сака да ги ограничува играчите. Сакам тие да ја покажат својата фантазија на теренот. Утре ќе има моменти кога ние ќе напаѓаме, но ќе има моменти и кога противникот ќе ја има топката и ќе треба да се браниме. Сакам да играме фудбал, убав фудбал, затоа што низ оваа игра треба да предизвикаме и емоции за сите кои нѐ имаат во срцето“, рече Спалети.

За македонскиот национален тим и за играчите…

„Елиф Елмас за нене е како син. Секогаш сметав на него кога беше најпотребно, а тој го даваше најдоброто од себе. Утре ќе има многу чувства кога ќе го прегрнам. И двајцата ќе сакаме да победиме. Тој е многу добар играч, но и оние кои сега ќе му бидат од другата страна се исклучителни играчи“, додаде италијанскиот стратег.

За оној меч во Палермо…

„Многу пати го гледав мечот во Палермо. Можам дури и да го раскажам. И заедно со моите асистенти го гледавме многу пати. Од тој меч успеавме да извлечеме многу работи за да ја градиме стратегијата за утрешниот натпревар“, е коментарот на екс-тренерот на Наполи.

Извор: Спорт

The post Спалети: Елиф ми е како син, утре ќе го прегрнам, ќе имаа многу емоции appeared first on Република.

Поранешниот тренер на Наполи, Лучијано Спалети е главен кандидат за селекторската функција на италијанската репрезентација, пишува Николо Шира.

Според новинарот, раководството на Италијанската фудбалска федерација го смета Спалети за прв фаворит за оваа позиција. Страните можат да потпишат двегодишен договор, но за неговиот трансфер потребно е да се плати ослободителна клаузула на неговиот поранешен клуб Наполи во висина од 3,2 милиони евра. Федерацијата не сака да плати.

Вчера селекторското место на италијанската репрезентација го напушти Роберто Манчини, кој со репрезентацијата го освои Европското првенство во 2020 година

The post Спалети на местото на Манчини на клупата на Италија? appeared first on Република.

Тренерот на Наполи, Лучијано Спалети, е незадоволен од односот кон него од страна на претседателот на клубот, Аурелио Де Лаурентис. Како што пишува „Кориере дела Сера, на Спалети не му се допаднало тоа што Де Лаурентис го известил за едногодишно продолжување на договорот преку заверена е-пошта.

Според весникот, Спалети сакал лично да се сретне со шефот на клубот, при што би се разговарало за идните планови на клубот.

Од весникот забележуваат дека прашањето околу незадоволството не е поврзано само со економската страна (Спалети добива помалку од другите тренери на водечките италијански клубови), туку и со правилата за „пристојност“.

Во случај да дојде до сериозен раскол меѓу тренерот и претседателот, што би довело и до заминување на Спалети, Де Лаурентис би можел да се обиде да ангажира некој од Антонио Конте (екс тренер на Интер и Тотенхем), Винченцо Италијано (Фиорентина) или Роберто Де Зерби (Брајтон).

The post Тренерот на Наполи незадоволен од односот на претседателот и би можело да си замине appeared first on Република.

Тренерот на Наполи, Лучијано Спалети го коментираше ремито со Милан (1:1) во реваншот од четвртфиналето во Лигата на шампионите.

- Честитки до Милан, но и до моите играчи. Имавме брилијантна Лига на шампиони. На овие натпревари им пристапивме малку лабаво и ја плативме цената за нашето недостиг на искуство. Во двата натпревара одигравме подобро, но не ги менаџиравме доволно добро нашите шанси во нивниот шеснаесетник. Некои играчи дојдоа на овој натпревар не во најдобра форма. Можевме да го спречиме нивното водство при 0:0, но се случи, изјави Спалети.

Еипата на Милан се пласираше во полуфиналето, бидејќи на првата средба победи со 1:0.

Следен ривал на Росонерите ќе биде победникот од двојката Интер – Бенфика (2:0 по првиот натпревар)

The post Tренерот на Наполи не се помирува со елиминацијата од Милан во ЛШ appeared first on Република.

 Тренерот на Наполи, Лучијано Спалети е задоволен од изданието на неговите фудбалери во синоќешната победа над Ајнтрахт (3:0) во реваншот од осминафиналето во Лигата на шампионите.

Не беше лесно, но успеавме да постигнеме историска цел со клубот. На почетокот Ајнтрахт добро нападна. Немавме тимска игра бидејќи вршеа голем притисок. Во второто полувреме веќе делувавме како добро координиран механизам, изјави Спалети.

Италијанскиот тим победи и на првиот меч (2:0), па се пласираше во четвртфиналето.

Следниот противник на Наполи за кого настапува македонскиот репрезентативец Елиф Елмас, ќе биде познат по утрешната ждрепка

The post Наполи со Елмас испишува историја appeared first on Република.

Тренерот на Наполи, Лучијано Спалети се осврна на победата над Удинезе (3:2) во 15. коло од италијанскиот шампионат. Тој рече дека поддршката што тимот ја добива од навивачите и службените лица има големо значење.

– Секоја победа се остварува со борба, така беше и со Удинезе. Последните 15 минути од овој натпревар во кои Удинезе постигна два гола помагаат да сфатиме дека ништо што сме постигнале не може да се земе здраво за готово. Мислевме дека е завршен натпреварот и ја тргнавме ногата од педалот за гас. Но, играта никогаш не е завршена затоа што кога играчи како Несторовски ќе влезат од клупата, можат да направат проблеми ако не го продолжите темпото. Сакам да му се заблагодарам на тимот за неверојатната прва полусезона, од играчите до униформираниот персонал. Кога публиката е вклучена на ваков натпревар, тимот се чувствува уште повеќе инспириран да победи, рече Спалети по натпреварот.

Наполи освои 41 бод од можни 45 и е убедлив лидер на табелата во Серија А пред Лацио и Милан кои имаат по 30 бода и натпревар помалку.

The post Tренерот на Елмас се забагодари на поддршката appeared first on Република.

Лучијано Спалети пред популарната водителка Дилета Леота ја претстави својата голема колекција на дресови. Од она што може да се види е сон на секој фудбалски фан.

Во неговата „специјална“ соба се сместени и два дреса од македонски легенди, Горан Пандев и Ѓорѓи Христов како и на Роналдо, Кака, Марадона, Тоти, Руни, Малдини, Виери и многу други.

“Totti per me è stato un giocatore fondamentale. Ho tutte le sue magliette, anche quella che gli portammo a casa quando si infortunò” 

Linea Diletta – Spalletti è su #DAZN pic.twitter.com/4sX0PdlQQZ

— DAZN Italia (@DAZN_IT) August 17, 2022

The post Сон на секој фудбалски фан: Спалети ги покажа дресовите од светските звезди appeared first on Република.

Лучијано Спалети би можел да го напушти Наполи доколку Калиду Кулибали биде продаден.

Како што пренесува „Диарио Спорт“, главниот тренер на „наполитанците“ го известил раководството на клубот дека ќе поднесе оставка доколку дефанзивецот биде продаден.

Претходно беше објавено за интерес на Барселона, ПСЖ и Челзи за Сенегалецот.

Денес се појави информација дека Кулибали се согласил да му биде намалена платата само за да остане во клубот од Неапол.

Договорот на Кулибали со Наполи е до летото 2023 година

The post Спалиети се закани дека ќе си замине од Наполи доколку Кулибали биде продаден appeared first on Република.