Израел тврди дека во денешниот воздушен напад во Либан е убиен Али Абед Аксан Наим, заменик командант на ракетните единици на Хезболах, а во исто време го изврши најсмртоносниот напад врз Сирија во последните неколку месеци.

Тел Авив соопшти дека Аксан Наим е одговорен за извршување и планирање ракетни напади врз израелски цивили.

Во најголемата ескалација на конфликтот меѓу Хезболах и Израел од 2006 година, десетина израелски војници и неколку цивили беа убиени во северен Израел, додека речиси 270 борци на Хезболах и 50 цивили, вклучувајќи болничари, цивили и новинари беа убиени во израелските напади во јужен Либан, тврдат локални организации.

Информациите не можат независно да бидат проверени.

The post Израел изврши напади врз Либан и Сирија appeared first on Република.

Министерствата за надворешни работи и национална одбрана на Грција започнале истрага за сообраќајната несреќа што се случи во Либија и животот го загубија петмина членови на грчкиот спасувачки тим, додека пак во истрагата се вклучила и Националната служба за разузнавање (ЕИП), објавија грчките медиуми, јави дописничката на МИА од Атина.

Весникот „То вима“ пишува дека во оваа фаза ЕИП помага на ниво на обезбедување информации, додека пак телевизијата „Скај“ објави дека вклучувањето на службата во истрагата е по барање на надлежните Министерства.

Засега, според официјалните соопштенија од надлежните грчки органи, станува збор за сообраќајна несреќа, а не за нешто друго.

Државната телевизија „ЕРТ“ објави дека експлозијата и големиот пожар што следеле по судирот, веројатно се поради модифицираниот резервоар и големото количество гориво во возилото што удри во автобусот на грчката хуманитарна мисија

-Во ЕИП нагласуваат дека истрагата е сѐ уште во многу рана фаза и уште не може да се исклучи никаква можност, но и дека ваква е сликата засега ја добиваат од нивните „извори“ од земјата, објави ЕРТ.

Грчките медиуми пишуваат дека постојат низа прашања за кои сѐ уште не постојат одговори, околу безбедносните мерки, точните околности под кои се случи сообраќајната несреќа и сл.

Во несреќата во Либија животот го загубија тројца припадници на грчката армија и двајца преведувачи, додека пак најмалку десет лица се повредени.

The post Во истрагата за сообраќајната несреќа во Либија се вклучила и грчката служба за разузнавање appeared first on Република.

Тројца припадници на грчката армија и двајца преведувачи го загубија животот во сообраќајната несреќа во Либија, што се случи од засега непознати причини и под неразјаснети околности, кога возило удрило во автобусот на грчката хуманитарна мисија додека од аеродромот во Бенгази се упатувале кон градот Дарна, јави дописничката на МИА од Атина.

Телата на загинатите со авион на военото воздухопловство се враќаат во Атина, додека пак во сообраќајната несреќа веројатно има и повредени припадници на грчката армија, меѓутоа официјално не постојат информации.

Министерот за одбрана на Грција Никос Дендиас изрази длабока тага за смртта на тројцата припадници на армијата, како и за загубата на животите на двајцата цивили кои беа дел од истата мисија и соопшти дека со негова одлука, прогласена е тридневна жалост во армијата.

Нашите мисли во овој момент се со семејствата на жртвите во несреќата, на кои им изразуваме најискрено сочувство, како и на повредените, на кои им посакуваме брзо закрепнување, рече Дендиас.

За сообраќајната несреќа првичните официјални информации од Генералштабот на националната одбрана на Грција беа дека се полесно повредени неколку припадници на грчката армија кога автобусот со медицински персонал се судрил со возило кое се движело во спротивна насока и истакнаа дека се прават напори грчкиот тим да се врати во Грција, а слично беше и соопштението од Министерството за надворешни работи на Грција дека по сообраќајната несреќа „во координација со Министерството за национална одбрана, ОН и Европската унија, генералниот конзулат на Грција во Бенгази е во состојба на готовност за обезбедување помош за делегацијата и да помогне во враќањето во Грција“.

Кусо подоцна, светските новински агенции, пренесувајќи изјава на министерот за здравство на Либија, објавија дека во сообраќајната несреќа загинале четири лица.

Неколку часа подоцна, околу полноќ од Генералштабот на грчката армија соопштија дека „тројца членови на грчката хуманитарна мисија ги загубија животите, а двајца се водат за исчезнати“.

Грција вчера испрати хуманитарна помош, во Либија, односно медицински и болнички персонал, медицинска и фармацевтска опрема и храна.

The post Загинаа петмина од грчкиот хуманитарен тим кој помагаше во Либија appeared first on Република.

етворица членови на грчкиот спасувачки тим испратен во Либија загинаа во сообраќајна несреќа, пренесоа светските агенции.

Четворицата Грци загинаа веднаш по пристигнувањето во Либија за да учествуваат во операциите за пребарување и спасување во областите погодени од поплавите.

Несреќата се случила кога грчкиот тим составен од вкупно 19 лица бил на пат од Бенгази кон Дерна.

„Во несреќата се повредени 15 лица, од кои седум се во тешка состојба“, изјави министерот за здравство во владата на истокот на Либија, Осман Абделџалил.

Од Министерството за надворешни работи на Грција соопштија дека по сообраќајната несреќа „во координација со Министерството за национална одбрана, ОН и Европската унија, генералниот конзулат на Грција во Бенгази е во состојба на готовност за обезбедување помош за делегацијата и да помогне во враќањето во Грција“.

Како што претходно објави МИА, Грција денеска испрати хуманитарна помош во Либија, односно медицински и болнички персонал, медицинска и фармацевтска опрема и храна

The post Четворица членови на грчкиот спасувачки тим испратен во Либија загинаа во сообраќајна несреќа appeared first on Република.

Неколку припадници на грчката армија, дел од хуманитарната помош што денеска пристигна во Либија, се повредени во сообраќајна несреќа на пат кон градот Дерна, кога автобусот со медицинскиот персонал се судрил со возило кое се движело во спротивна насока, соопштија од Генералштабот на националната одбрана на Грција, јави дописничката на МИА од Атина.

Несреќата се случила под засега неразјаснети околности, со полесни повреди се здобиле неколкумина, кои се пренесени во болници во областа, а во тек е акција за собирање на персоналот во Бенгази и нивно враќање, додека пак авион Ц-130 со медицински персонал е подготвен за полетување од Атина.

Од Министерството за надворешни работи на Грција соопштија дека по сообраќајната несреќа „во координација со Министерството за национална одбрана, ОН и Европската унија, генералниот конзулат на Грција во Бенгази е во состојба на готовност за обезбедување помош за делегацијата и да помогне во враќањето во Грција“.

Како што претходно објави МИА, Грција денеска испрати хуманитарна помош во Либија, односно медицински и болнички персонал, медицинска и фармацевтска опрема и храна.

The post Во сообраќајна несреќа во Либија повредени припадници на грчката армија, дел од испратената хуманитарна помош appeared first on Република.

Повеќе од 3.800 луѓе загинаа во разорните поплави што го зафатија градот Дерна во Либија, соопшти портпаролот на Министерството за внатрешни работи на владата што владее со источниот дел на земјата.

Според портпаролот, поручникот Тарек ал-Хараз, досега во градот се идентификувани 3.840 жртви, од кои 3.190 биле погребани вчера. Меѓу жртвите има најмалку 400 странци, главно Суданци и Египќани.

Најмалку 250 тела се извлечени денеска, а повеќе од 2.400 луѓе се водат како исчезнати во невремето што ја погоди земјата во неделата, додаде портпаролот.

Властите во источниот дел на земјата стравуваат дека конечниот број на жртви од поплавите во Дерна и соседните области по минувањето на бурата Даниел може да биде многу поголем, со оглед на размерите на уништувањето и тешкотиите во обезбедувањето помош за настраданите.

Велика Британија денеска соопшти дека и дава на Либија првична помош од еден милион фунти (1,16 милиони евра). Во изјавата за медиумите, британските дипломати рекоа дека ОН доделиле 10 милиони долари (9,3 милиони евра) од Централниот фонд за одговор при итни случаи, во кој Велика Британија е еден од најголемите придонесувачи.

Обемот на загубите и уништувањето предизвикано од поплавите во Либија „се потресителни“, напиша британскиот премиер Риши Сунак на мрежата Х. „Ние работиме на обезбедување итна помош за либискиот народ, вклучително и првично финансирање за поддршка на меѓународните напори за помош“, нагласи тој

The post Смртниот биланс од поплавите во Либија надмина 3.800 лица appeared first on Република.

Меѓународниот комитет на Црвениот крст и полумесечина (ИФРЦ) соопшти дека најмалку 10.000 луѓе се водат за исчезнати во поплавите во Либија.

Тамер Рамадан, шеф на делегацијата на ИФРЦ во Либија, онлајн учествуваше на неделната прес-конференција на Канцеларијата на ОН во Женева и даде проценка за катастрофата предизвикана од поплавите во Либија, пренесува Анадолија.

Посочувајќи дека многу луѓе се погодени од поплавата во источна Либија, Рамадан потенцираше дека оваа земја итно е потребна помош.

Тој соопшти дека бројот на исчезнати лица во Либија се искачил на 10.000 и дека до овие информации дошле преку независни извори.

Што се однесува на бројот на загинати, Рамадан рече дека станува збор за илјадници, но не даде попрецизна проценка.

The post Бројот на исчезнати лица во поплавите во Либија достигна 10.000 appeared first on Република.

Повеќе од две илјади луѓе загинаа, а околу шест илјади се водат за исчезнати во Дерна, Либија каде што под притисок на поплавите предизвикани од бурата „Даниел“ се урнаа две брани, пишува Си-ен-ен.

-Како резултат на тоа, се урнаа три моста. Водата што тече однесе цели населби, изјави Ахмед Мисамари, портпарол на Либиската национална Армија.

Шефот на либиската служба за вонредни состојби, Осама Али, за Си-Ен-Ен изјави дека по уривањето на браната „целата вода отишла во областа кај Дерна, која е планинско крајбрежно подрачје“.

Тој додаде дека куќите во долините биле однесени од силни струи од кал кои носеле возила и остатоци. Телефонските линии во градот исто така се во прекин, што ги отежнува напорите за спасување, рече Али, а работниците не можеа да влезат во Дерна поради огромното уништување. Али рече дека властите не ги предвиделе размерите на катастрофата.

Шефот на либиската источна влада, поддржана од парламентот, Осама Хамад, ја опиша ситуацијата како „катастрофална и без преседан“

The post Илјадници загинати во Либија откако две брани се урнаа од невремето appeared first on Република.

Телевизијата Ал Арабија објави дека во либискиот град Дерна загинале најмалку 150 луѓе во поплавите предизвикани од бурата Даниел. Надојдената вода оштети домови и улици.

Портпаролот на Либиската национална армија (ЛНА), Ахмад Месмари изјави дека седум војници се водат како исчезнати.

Бурата Даниел ги погоди градовите Бенгази, Сусa, Ал Бајда и Дерн.

Поради надојдената вода прогласена е вонредна состојба, затворени се училиштата, продавниците, а воведен е и полициски час. Затворени се и четирите големи либиски нафтени пристаништа – Рас Лануф, Зуеитина, Брега и Ел Сидр.

Премиерот на привремената влада во Триполи, Абдулхамид Дбеиба вчера изјави дека им наредил на сите државни агенции веднаш да се погрижат за штетите и поплавите во источните градови. ми/

The post Најмалку 150 луѓе загина во невремето во источна Либија appeared first on Република.

Беспилотни летала погодија воздушна база во источна Либија што ја користат платеници на руската паравоена група Вагнер. Нема жртви, изјави воен претставник, пренесуваат француските медиуми.

Во извештаите пренесени од либиските и арапските новински веб-страници се тврди дека нападите биле лансирани од авиони на владата во Либија. Но, владата на национално единство со седиште во главниот град Триполи негираше каква било вмешаност.

The post Нападната воздушната база на Вагнер во Либија appeared first on Република.

Србија повторно е единствената земја-кандидат за членство во ЕУ на Западен Балкан која не се усигласи со новата надворешнополитичка одлука на Советот на ЕУ, овојпат поради ситуацијата во Либија, јави дописникот на МИА од Белград.

Како што соопшти денеска високиот претставник на ЕУ за надворешни работи и безбедност Жозеп Борел, на 10 јули, Советот на ЕУ усвои одлука во врска со ситуацијата во Либија со која, меѓу другото, се забранува пренос на оружје и придружен материјал на пловни објекти под знаме на трети земји кои патуваат до или од Либија.

Сите други земји кандидати за членство во ЕУ од Западен Балкан - Македонија, Црна Гора, Албанија и Босна и Херцеговина се усогласија со новата одлука на Советот на ЕУ. Тие ќе се погрижат нивните национални политики да бидат во согласност со оваа одлука, а ЕУ ја забележува оваа посветеност и ја поздравува, се вели во соопштението.

Србија е единствената земја-кандидат за членство во ЕУ на Западен Балкан која не се усигласи ниту со 18-те одлуки на Советот на ЕУ за рестриктивни мерки поради Украина кои беа усвоени во 2022 и 2023 година, како и седумте одлуки на Советот на ЕУ за рестриктивни мерки поради на ситуацијата во Иран од 2022 и 2023 година.

Србија во април не се усогласи ни со одлуката за рестриктивни мерки поради Сирија, во февруари и март не ги почитуваше одлуките на Советот на ЕУ за рестриктивни мерки поради сериозно кршење на човековите права и злоупотреба, а во февруари со одлуката за рестриктивни мерки поради ситуацијата во Белорусија и нејзиното учество во руската агресија против Украина.

Белград не ги почитуваше одлуките за примена на посебни мерки во борбата против тероризмот од февруари 2023 и јули 2022 година, ни со февруарските одлуки на Советот на ЕУ за рестриктивни мерки поради ситуацијата во Мали.

The post Србија повторно е единствената земја кандидатка која не се усогласи со ЕУ, овојпат за Либија appeared first on Република.

Инспектори на нуклеарна контрола од Обединетите нации открија дека околу два ипол тони природен ураниум исчезнале од наоѓалиште во Либија, кое повеќе не е под контрола на владата на државата, јавија западни медиуми.

При вчерашната инспекција, инспекторите од Меѓународната агенција за атомска енергија (МААЕ) утврдиле дека „10 буриња во кои имало околу два и пол тони природен ураниум во форма на UOC (концентрат на руда од ураниум), кој (Либија) претходно го пријавиле за складирање на таа локација, не се на тоа место“, рече шефот на МААЕ Рафаел Гроси.

Наодот е резултат на инспекцијата првично планирана за минатата година, која „мораше да се одложи поради безбедносната ситуација во регионот“ и конечно беше извршена вчера, се вели во доверливата изјава на шефот на Меѓународната агенција за атомска енергија Рафаел Гроси.

„Губењето на информации за моменталната локација на нуклеарниот материјал може да претставува радиолошки ризик, како и загриженост за нуклеарната безбедност“, се вели во извештајот, додавајќи дека за да се стигне до локацијата потребна е „сложена логистика“.

Во 2003 година, Либија под тогашниот лидер Моамер Гадафи се откажа од својата програма за нуклеарно оружје, која имаше центрифуги што може да збогатуваат ураниум, како и информации за дизајн на нуклеарна бомба, иако постигна мал напредок.

Во Либија нема мир по 2011 година, кога беше соборен Гадафи. Од 2014 година, политичката контрола е поделена меѓу ривалските источни и западни фракции, а последниот голем конфликт заврши во 2020 година.

Привремената влада на Либија, формирана на почетокот на 2021 година преку мировен план поддржан од ОН, требаше да трае само до изборите закажани за декември истата година, кои сè уште не се одржани, а нејзиниот легитимитет сега е исто така оспорен

The post Се случува: Исчезнаа 2,5 тони ураниум од Либија appeared first on Република.

Најмалку 13 цивили загинале во судирите што избија во главниот град на Либија, Триполи, меѓу силите кои поддржуваат две ривалски администрации.

Во политичката пресметка се ранети 95 лица, соопшти Министерството за здравство. Во соопштението се додава дека 64 семејства биле евакуирани од областа околу борбите.

Портпаролот на итната служба, Малек Мерсет, изјави дека бројот на загинати би можел да биде поголем бидејќи службите за итни случаи не можеле да стигнат до многу области поради конфликтот.

Мерсет соопшти дека многу цивили биле ранети во судирите што избувнале во текот на ноќта.

Тој истакнува дека службите за итни случаи сè уште се обидуваат да ги евакуираат ранетите и цивилите заробени во борбите.

Општинскиот совет на Триполи ја обвини владејачката политичка класа за влошувањето на ситуацијата во главниот град и ја повика меѓународната заедница „да ги заштити цивилите во Либија“.

Мисијата на ОН во Либија соопшти дека е „длабоко загрижена“ поради борбите, кои вклучувале „недискриминирачко средно и тешко гранатирање на области населени со цивили“ во Триполи.

Мисијата повика на итен прекин на огнот и сите страни во Либија „да се воздржат од употреба на каква било форма на говор на омраза и поттикнување насилство“.

Во судирите се спротивставиле силите на Револуционерната бригада на Триполи, предводена од Хајтам Таџури, против силите кои се во сојуз со Абдел-Гани ал-Кикли.

The post Ривалски фракции почнаа борби во главниот град на Либија: Најмалку 13 загинати и стотина ранети appeared first on Република.

Советот за безбедност на ОН усвои резолуција за продолжување на мисијата на ОН во Либија за само три месеци. Текстот го состави Велика Британија по неколкудневни спорови меѓу САД и Русија.

Краткиот текст, усвоен едногласно, предвидува мисијата да продолжи до 30 април. Претходната верзија на текстот предвидуваше дека мисијата на ОН ќе биде продолжена до 15 септември.

Либија се обидува да излезе од децениското насилство по рушењето на претседателот Моамер Гадафи во 2011 година, што предизвика хаос во земјата, со борби за моќ и неодредено одложување на претседателските избори првично закажани за 24 декември минатата година.

Во усвоената резолуција не се споменува дека наскоро во таа земја ќе се одржат избори.

Резолуцијата само потсетува дека мисијата за поддршка на ОН во Либија (УНСМИЛ) треба да биде предводена од специјален пратеник кој треба да биде назначен од генералниот секретар на ОН.

The post Обединетите Нации ја продолжуваат мисијата во Либија за само три месеци appeared first on Република.