За два дена Лара, Ирина и Јован ќе ја претстават Македонија на евровизиската сцена во Ереван, Ерменија. Макединската делегација е вистински хит на овогодинешниот Јуниорски Евросонг, а јавноста е воодушевена што на славјето му се приклучи и македонскиот виртуоз Симон Трпчески, кој во eвровизиските кругови е попознат како - таткото на Лара.

Инаку денеска започна и гласањето на публиката за нивниот фаворит. Гласајќи на интернет и вие можете да учествувате во изборот на победник на Јуниорскиот Евросонг 2022, а со тоа и да ги поддржите нашите дечки!

Може да се гласа тука, треба да изберете 3 омилени песни, а најважно е што можете да гласате и за Македонија и тоа - колку што сакате пати. Гласањето започна, а завршува на 11 декември во 15:59 часот, минута пред да почне фестивалот.

The post „Браво за таткото на Лара“: Симон Трпчевски на оро во Ерменија, македонската делегација е хит appeared first on Република.

Песната со која Македонија ќе се претстави на овогодинешната Јуниорска Евровизија, вчера беше промовирана на „Јутјуб“. Воедно, објавен е и видеоспотот за „Животот е пред мене“, која ќе ја изведува ќерката на македонскиот вирутоз Симон Трпчески, Лара, заедно со Ирина и Јован.

Музичкото трио ќе настапи на големата сцена во главниот град на Ерменија, Ереван на 11 декември.

Горд сум што сум дел од македонскиот тим - Лара (мојата ќерка), Јован и Ирина, кои ќе ја претставуваат Македонија на годинашниот детски Евросонг во Ерменија! Одлична инспирација за моите претстојни концерти со прекрасниот оркестар на Минесота! Децата се иднината! Животот е пред нас, тоа е вистинскиот дух! Напред Лара, Јован и Ирина!, порача Симон Трпчески.

https://youtu.be/T4zmKiRC3BI

The post Слушнете ја песната со која Македонија ќе се претстави на Јуниорската Евровизија appeared first on Република.

Се чувствувам гордо и среќно - по официјалното објавување дека ќерка ми Лара е избрана да ја претставува Македонија на Јуниорскиот Евросонг оваа година, порача македонскиот виртуоз Симон Трпчески

Со среќа Лара и Ирина!, порача Трпчески.

 

View this post on Instagram

 

A post shared by Simon Trpčeski (@simontrpceski)

Инаку Јуниорскиот Евросонг годинава ќе се одржи на 11-ти декември во главниот град на Ерменија, Јереван.

The post Трпчески: Се чувствувам гордо што ќерка ми Лара ќе ја претставува Македонија на Јуниорскиот Евросонг appeared first on Република.

„За овој свет“ е пораката испратена преку песна. Ќерката на светски познатиот пијанист, Симон Трпчески, Лара, отпеа преработка на песната на Тоше Проески, која како што вели музичарот, е песна која ни припаѓа на сите.

ЛАРА И ПРИЈАТЕЛИТЕ – „За овој свет“
Моја долгоочекувана желба, откако почна катастрофата на човештвото пред 2 години (корона пандемијата што се’ уште не е стопирана...), со мојата ќерка и колегите од МАКЕДОНИСИМО, во форма на музичка порака од децата и младината – до децата, младината и најважно – возрасните, за мудрост преку која ќе процвета подобар свет!
Уживајте во уште еднаш испеаната „За овој свет“ – песната што ни припаѓа на сите! - објави Трпчески.

Музиката е на Младен Марковиќ, а зад текстот стои името на Весна Малинова. Аранжманот е на Симон Трпчески и Влатко Нушев. Покрај Лара која е солист, учествува Детски хор подготвен од Тоше Митрев, Симон Трпчески и Влатко Нушев, како и Младински хор – од хорот „Про Арс“ и Хорот на Младинскиот културен центар, под раководство на диригентот Сашо Татарчевски.

Елементите од проектот МАКЕДОНИСИМО во аранжманот ги доловија пијанистот Симон Трпчески, виолинистот Владимир Крстев, виолончелистите Паскал Краповски (аудио) и Мартина Јаневска (видео), кларинетистите Хидан Мамудов (аудио) и Александар Ангелов (видео) и на удиралки Влатко Нушев. Режисер на спотот е Владимир Митревски-Ѓуле, Фокус филм, кои се појавуваат и како продукција на истиот, а продуцент е Симон Трпчески.

https://www.youtube.com/watch?v=EVeqs67OO9A&fbclid=IwAR2OTg29VZ8-XBt-CCpjUOZEmB6ggzP6PNemgzlHsZC9twOUA0_EITIP8IU

Песната има и англиска верзија.

https://www.youtube.com/watch?v=tX7ToFCyMF4

The post Ќерката на Симон Трпчески, Лара, испрати музичка порака – „За овој свет“ appeared first on Република.

Здружението за култура и уметност „КултурОп“ соопшти дека ќе ја сподели и македонската и англиската аудио и видео верзија на хит-преработката на песната „За овој свет“.

Музиката и текстот на англиски јазик е на Младен Марковиќ, текстот на македонски јазик е на Весна Малинова, додека, аранжманот на Симон Трпчески и Влатко Нушев.

Песната ја исполнуваат солистката Лара Трпческа и детскиот хор подготвен од Тоше Митрев, Симон Трпчески и Влатко Нушев, како и младинскиот хор – од хорот „Про Арс“ и Хорот на Младинскиот културен центар, под раководство на диригентот Сашо Татарчевски.

The post Аудио и видео верзија на хит-преработката на песната „За овој свет“ appeared first on Република.