Вчера околу 03.30 часот во паркот „Бранители“ на подрачјето на Драчево во Скопје, полициски службеници од Полициската станица Драчево го лишиле од слобода В.Г.(36) од Скопје.

Тој бил затекнат како со остар предмет ги оштетувал иконите на долниот дел од крстот, поставен во паркот.

Лицето било приведено во полициска станица и по целосно документирање на случајот ќе следува соодветна пријава, велат од МВР.

The post Скопјанец фатен на дело како ги оштетува иконите на крстот во Драчево appeared first on Република.

Вандали ја оштетиле иконата на Исус која е поставена на големиот крст во паркот во Драчево. До неа оставен е Куран.

Верниците реагираат бурно и бараат сторителите да бидат пронајдени.

Големиот крст во Драчево беше осветен пролетва, на православниот празник Цветници:

https://republika.mk/vesti/makedonija/od-denes-pogledot-kon-neboto-nema-da-e-ist-na-tsvetnitsi-osveteni-dva-novi-krsta-megu-koi-vtoriot-najgolem-vo-makedonija/

The post Уништена иконата на Исус на крстот во Драчево, до неа оставен Куран appeared first on Република.

Денеска, на големиот верски празник Цветници, во пресрет на Велигден, беа осветени два нови крста во Македонија - во Зрновци и во Драчево.

Крстот во Драчево,  кој е висок 63,5 метри, е втор по големина во државата.

Церемонијата на осветување на крстот ја предводеше поглаварот на МПЦ-ОА г.г. Стефан. На настанот присуствуваат градоначалникот на Кисела Вода Орце Ѓорѓиевски, лидерот на ВМРО-ДПМНЕ, претседателот на Светскиот Македонски Конгрес Тодор Петров, како инвеститор на објектот, и голем број на граѓани.

Од денес погледот кон небото нема да е ист. Од денес, над нас, тука во Драчево стои еден моќен симбол на верата, надежта и љубовта. Крстот е икона на верата, симбол на возвишеноста на човекот пред бескрајната моќ на небото. Во неговите контури е собрано целото значење на христијанството, каде се преплетуваат симболиката на жртвата, спасението и вечната љубов кон Бога. Осветувањето на овој Македонски крст е чин на почитта кон минатото, вера во иднината и мост кој нè спојува сите нас. Тој ќе стои тука, како светилник на нашата заедница, потсетувајќи нè на човековите вредности, на моралот и на нашиот пат кон почит и човекољубие, рече градоначалникот Ѓорѓиевски.

Тој истакна дека силно верува оти Бог нè осветлува и нè води, потсетувајќи нè дека секој наш чекор, секој наш обид да градиме нешто во Негово име, е благословен и благодатен.

И затоа ова е богатството и заветот што го оставаме за следните генерации, нагласи Ѓорѓиевски.

Тој им се заблагодари на Светскиот Македонски Конгрес, на МПЦ-ОА и г.г Стефан и на сите кои дале свој придонес за изградбата на крстот.

Посебно ми е драго што неговото осветување се случува денес, кога го славиме празникот Цветници, во предвечерјето на најголемиот ден за христијаните-Велигден. Празникот кој ја слави победата на животот над смртта и кој на највисок пиедестал ја издигнува верата. Денешниот ден е силен одек за времињата што доаѓаат, за промените што веќе започнаа да се случуваат, за новите историски моменти кои допрва ќе ги испишуваме во историјата на нашата Македонија. Со Божји благослов продолжуваме напред со проекти, со дела кои ќе бидат нашиот потпис и влог во иднината што ја оставаме на следните поколенија, изјави градоначалникот Орце Ѓорѓиевски.

Изградбата на крстот во центарот на Драчево, во „Паркот на бранителите“, почна на 16 април 2022 година.

Неговото осветување денес е најголемата молитва пред Господа за победата на животот над смртта, за спасение на човештвото, на Македонците по род и државјанство, и на државата Македонија, истакна претседателот на СМК Петров.

Крстот во Драчево е дванаесетти во светот, а втор во Македонија. Висок е 63,5 метри, широк четири метри, со распон на краците 34 метри, секој крак по 15 метри. Постаментот е 12,5 метри, на три нивоа, темелната плоча е со дебелина од еден метар. Во Македонскиот Крст во Драчево е вградена челична конструкција од 80 тона, премачкана со алкална жолта боја.

На крстот е изведена светлечка инсталација со енергетска самоодржливост, што ќе претставува вистинска атракција во овој дел од градот Скопје и општината Кисела Вода. Вечерва ќе нè огрее неговата светлина. Крстот претставува симбол на мирот и љубовта наспроти омразата и војната и затоа, радоста е заемна и благодатна за сите граѓани на државата Македонија, за сите Македонци по род и државјанство. За многаја лета Крстот, кој денес се освети, за многаја лета Драчево и општината Кисела Вода, за многаја лета Скопје метрополата и државата Македонија! Нека овој свет крст биде светилник на верата во Бога и на љубовта за татковината Македонија! Нека Господ Бог нè благослови сите нас, нека Господ Бог ја благослови Македонија, рече Петров, кој потоа, како инвеститор на објектот им додели плакети и благодарници на сите кои ја помогнаа изградбата на ова свето здание.

Настанот беше дополнет со музичка програма од музичари: Огнен Здравковски, Миле Кузмановски, Бојана Скендеровски како и мешаниот камерен хор „Свети Климент Охридски“ и дечињата од КУД „Китка“.

Во Зрновци, пак,  на голем црковно-народен собир кај филтер станицата за вода во Зрновци, беше осветен Македонскиот крст на чие поставување се работеше во текот на овој месец.

Чинот на осветувањето го изведе митрополитот брегалнички Иларион во сослужение на свештеници од кочанското архиерејско намесништво, а крстот е поставен по барање на жителите на Зрновци со донација од нивен сограѓанин.

Крстот е изработен од метална решетка, има височина од 18,5 метри, а ширината на краците изнесува 14 метри. Материјалите и поставувањето се донација од семејството на Јоце Гоцев. Јас и Советот на Општината помогнавме со усвојување на соодветна одлука за локацијата, за пробивање на сообраќајниот пристап и партерното уредување на целиот простор, како и за обезбедување електрична енергија и осветлување на крстот. По чинот на осветувањето тој е предаден во владение на МПЦ ОА и нејзината Брегалничка епархија, истакна градоначалникот на Зрновци, Борчо Коцев.

Митрополитот брегалнички Иларион упати благослов до донаторите и сите кои помогнале за поставување на Македонскиот крст, порачувајќи тој да стане радост за сите жители, а неговата околина да прерасне во место за духовно обединување, како доказ дека на овие простори живееле и ќе живеат христијански граѓани кои ќе го чуваат и ќе сведочат за православието.

The post Од денес погледот кон небото нема да е ист: На Цветници осветени два нови крста, меѓу кои вториот најголем во Македонија appeared first on Република.

На верскиот празник Цветници, денеска, во 12 часот, ќе биде осветен крстот во Драчево, поставен од Општина Кисела Вода во соработка со Светскиот Македонски Конгрес.

Осветувањето на крстот ќе го изврши поглаварот на МПЦ-ОА г.г. Стефан.

Пред чинот на осветувањето, ќе настапат пејачите Огнен Здравковски, Миле Кузмановски, Бојана Скендеровски, како и мешаниот камерен хор „Свети Климент Охридски”.

The post Осветување на новиот крст во Драчево appeared first on Република.

The post Оливер се јави – навистина се јави appeared first on Република.

Во Скопје во водите на реката Вардар поглаварот на Македонската православна црква – Охридска архиепископија (МПЦ-ОА) г.г. Стефан го положи осветениот крст.

Годинава, пријавени беа 157 граѓани кои се обидат да го фатат Светиот крст што се положи во реката Вардар.

Најсреќен меѓу нив беше 17-годишниот Ѓорги Николовски.

Сѐ најдобро за сите, Господ е голем. Господ гледа сѐ, сите да имаат единство и да се обедини Македонија и македонскиот народ – изјави среќниот фаќач.

Одбележувањето на празникот Богојавление-Водици почна во 9 часот со архиерејска божествена литургија во храмот „Рождество на Пресвета Богородица“ со која чиноначалствуваше архиепископот на Македонската православна црква – Охридска архиепископија (МПЦ-ОА) г.г. Стефан.

По завршување на литургијата, поглаварот на МПЦ-ОА г.г. Стефан заедно со свештенството во поворка се упати кон мостот „Слобода“.

На чинот на осветување на водите на реката Вардар присуствуваат и премиерот Димитар Ковачевски, министерот за внатрешни работи Оливер Спасовски, градоначалничката Данела Арсовска.

The post Седумнаесетгодишниот Ѓорѓи Николовски го фати осветениот крст во Скопје appeared first on Република.

Ефтим Руменовски е најсреќниот меѓу дваесетмината учесници, кој го фати светиот крст во водите на реката Брегалница во Берово.

Денешното чествување на големиот христијански празник, Богојавление- Водици и чинот на осветување на водите го водеа свештеници од црквата во Берово, а од Буџетот на Општина Берово, за среќниот учесник кој го фати крстот, обезбеден е вредносен ваучер од 10.000 денари.

Прв на среќниот фаќач на крстот му честиташе градоначалникот на Берово, Звонко Пекевски.

Посакав многу среќа и успех на најсреќниот, да го прати здравје, среќа и успех следната година. Честитки за сите, кои земаа учество при положувањето на светиот крст, во водите на Брегалница, рече Пекевски.

Освен од Општината, награди за најсреќниот беа обезбедени и од повеќе приватни компании.

Празникот Водици (Богојавление), народот го празнува како еден од најголемите христијански празници, зашто на тој ден, Исус Христос е крстен од Свети Јован Крстител во реката Јордан. Со тоа, на овој празник му се дава значење на крштевањето како една од повеќето свети тајни на христијанството, истакнаа од беровското свештенство.

The post Ефтим Руменовски прв до светиот крст во Берово appeared first on Република.

Струга се подготвува за големиот христијански празник Богојавление - Водици. Осветувањето на водите и спуштањето на светиот крст во водите на Црн Дрим, в петок, ќе почне во 11 часот на Чаршискиот мост.

Богослужбата во соборниот храм „Свети Ѓорѓи“, од каде и ќе тргне поворката, ќе почне во во 7 часот и 30 минути, а поаѓањето кон Чаршискиот мост во 10 часот и 30 минути. Отец Васко Голабоски, старешина во црквата „Свети Ѓорѓи“ информира дека чинот на осветување на водите ќе го врши миторполитот Дебарско-кичевски и администратор Австралиско-сиднејски, Тимотеј.

Да се почитува редот воспоставен од црквата и надлежните институции. Се да биде во дух на мир, смиреномудрие, взаемна почит и празнична Богојавленска радост, порача отец Голабоски.

Волонтерите на Црвениот крст - Струга и годинава ќе бидат дел од манифестацијата, од каде препорауваат капачите внимателно да пристапат кон капењето во студените води на реката Црн Дрим.

И годинава ќе го покриеме настанот со спасители на вода. Препогачуваме граѓаните да бидат внимателни, да им се даде простор на капачите, безбедно да влезат во студените води, а капачите со добра здравствена состојба без претходно конзумирање алкохол да пристапат кон капењето, аплеира Адуриме Даути секеретар на струшкиот Црвен крст.

Празникот Богојавление Водици масовно се одбележува во Струга. Секоја година голем број верници скокаат по светиот крст во студените води на Црн Дрим, но голем е бројот и на оние што влегуваат во осветените води за здравје. Оној што ќе го фати светиот крст се верува дека ќе има бериќетна година.

The post Осветувањето на водите на реката Црн Дрим во Струга на Водици ќе почне во 11 часот appeared first on Република.

Општина Кисела Вода ја продолжува возобновената традиција за положување на Светиот Крст во осветените води, како дел од прославата на Водици. Настанот ќе се одржи во базенот ,,Расадник”, во петок на 19-ти јануари 2024год. И оваа година, манифестацијата започнува од храмот Св. Ѓорѓија во 10:30 часот, од каде градоначалникот Ѓорѓиевски со Богојавленска литија заедно со верниците и свештенството ќе се упатат кон базенот во Расадник. Осветувањето на водата и положувањето на Светиот Крст ќе се случи во 11:00 часот, а за најсреќниот учесник се обезбедени награди од градоначалникот и од повеќе спонзори.

- Со огромно задоволство сакам да ве информирам дека ја продолжуваме возобновената традиција за положување на Светиот Крст во осветените води, како дел од прославата на Водици. Настанот ќе се одржи во базенот ,,Расадник”, во петок на 19-ти јануари. И оваа година, манифестацијата ја започнуваме од храмот Св. Ѓорѓија во 10:30, од каде со Богојавленска литија заедно со верниците и свештенството ќе се упатиме кон базенот во Расадник. Осветувањето на водата и положувањето на Светиот Крст ќе се случи во 11:00 часот.

За најсреќниот учесник што ќе го извади Богојавленскиот Крст од водите e предвидена парична награда од мене како градоначалник, како и награди обезбедени од спонзори.

Ве поканувам сите да земеме масовно учество на овој преубав настан, на Богојавленската литија и да бидеме дел од продолжувањето на нашата возобновена традиција, сплотени и духот на христијанските вредности да си го прославиме овој убав и голем празник. Традицијата која ја започнавме пред две години продолжува и ќе остане аманет за идните генерации-изјави градоначалникот Орце Ѓорѓиевски.

Заинтересираните треба да се пријават најдоцна до четврток, 18.01.2024, 18 часот, на телефонскиот број: +389 78207687 (Далибор). Истите ќе треба да потпишат изјава дека се во добра здравствена состојба.

The post Заинтересираните за положување на крстот во Кисела Вода може да се пријават до четврток, 18 јануари appeared first on Република.

Во врска со политичката полемика во врска со поставувањето на крстот во кругот на манастирот „Свети Наум“ на Попов Шапка, причините треба да се бараат во одговорот на прашањето кој има корист од ваквиот обид за разгорување на меѓуверски тензии, истакна професорот Александар Спасеновски во гостувањето во „Тема на денот“ во централниот дневник на телевизија Сител.

Најмалку што ни е потребно е разгорување на верска нетрпеливост, а причините може да се најдат кај некои партии кои сакаат да остварат краткотрајна корист, но не треба да се исклучат и други надворешни хибридни влијанија на кои не им одговара стабилна Македонија - вели Спасеновски.

Според професорот Спасеновски, оваа верска симболика на Попова Шапка е непроменета повеќе децении, односно дека е природно да има верски симболи во дворовите на верските објекти и дека треба да се акцентира внимателноста на верските заедници, како и на граѓаните кои не избрзаа со погрешни квалификации.

The post Спасеновски за крстот на Шапка: Природно е да има верски симболи во дворови на верски храмови, политичката корист од разгорувањето на меѓурелигиските тензии прави штета appeared first on Република.

„Однесувањето на владин фукционер како Стојанче Ангелов само уште еднаш потврдува дека поставувањето на крст на Попова Шапка не е во чест на верата туку политичка провокација. Само политички очајници и губитници можат да се обидуваат да печалат поени со предизвикување етнички тензии на верска основа. Ова е на штета на православните верници кои некој сака да ги направи орудие за политичка агенда.

ДУИ седи во влада која го именувала Стојанче Ангелов за директор на Центарот за управување со кризи. ДУИ има директор во Државниот инспекторат за градежништво, кој има непосредна надлежност за рушење. ДУИ има интерес да не се зборува за нивните матни бизниси со Дака во Тетово, за коцкарските криминалии, за корупциските скандали со јавните набавки. На ДУИ му треба крстот за да го отргне фокусот од вистинските прашања.

За жал СДСМ и ВМРО-ДПМНЕ се фатија на нивниот мамец. Ја користиме приликата уште еднаш да апелираме да не си играат со оган. Самовластие нема да толерираме. Закани не не плашат. Ќе постапиме согласно закон“, се вели во соопштението на БЕСА.

Претходно Ангелов преку социјалните мрежи порача:

„Ги предупредувам албанските политички фактори во државата, никако да не ги споменуваат зборовите ‘отстранување’ или ‘уривање’ во иста реченица со крстот на Попова Шапка. Во спротивно, јас како граѓанин, со некои мои пријатели од 2001-та ќе организирам негова одбрана. А вие пробајте да го урнете“, напиша Ангелов на својот фејсбук-профил.

https://republika.mk/vesti/makedonija/stojanche-angelov-ne-go-chepkajte-krstot-na-popova-shapka/

The post БЕСА најави дека „законски“ ќе го урне крстот на Шапка: Крстот не е во чест на верата, туку провокација appeared first on Република.

Стојанче Ангелов реагира дека реакциите за 15 метарскиот крст во дворот на црквата на Попова Шапка не само што се претерани по сите основи туку се и израз на непочит, крајно лицемерие и двојни стандарди од страна на албанските политички фактори во Македонија.

Особено ако се земе во предвид дека живееме во период кога на Попова Шапка врие од бесправно изградени објекти, во период кога на Попова Шапка бесправно е изградена и четирикатна џамија со 20 метарско минаре, во период кога низ државата бесправно се изградија повеќе споменици, кули и „музеи“ на УЧК, некои од нив „украсени“ со карти на Голема Албанија, во период кога при пречек на високи гости од Косово се мавта со знамиња на Голема Албанија и знамиња на соседни држави без притоа да се истакне и македонското знаме, во период кога се заговара пуштање на химната на Албанија во училиштата во Македонија, конкретно во Тетово...

 

Убаво е да се зачува смиреноста, убаво е да не се наседнува на провокации но се поставува прашање што ќе биде следно ако не пружиме агресивен отпор од наша, македонска страна?

 

Затоа, ги предупредувам албанските политички фактори во државата, никако да не ги споменуваат зборовите „отстранување“ или „рушење“ во иста реченица со крстот на Попова Шапка.

 

Во спротивно, јас како граѓанин, со некои мои пријатели од 2001-та ќе организирам негова одбрана.

 

А вие пробајте да го срушите, порачува Ангелов.

The post Стојанче Ангелов: Не го чепкајте крстот на Попова Шапка appeared first on Република.

Градоначалникот на општина Тетово Билал Касами ги повика институциите да реагираат и да го отстранат крстот што беше поставен на Попова Шапка.

Вчера бевме сведоци дека на Попова Шапка се постави еден гигантен крст. Овој непромислен акт ја вознемири јавноста. Свесни за овој момент и имајќи ги во предвид сценаријата кога властите ги искористиле емоциите на граѓаните за да создадат меѓуетнички и меѓурелигиски тензии. Денес сме тука да изјавиме дека Ние – челниците на субјектите на Европскиот Сојуз за Промени, ниту сме биле, ниту ќе бидеме против верските симболи, на било која вероисповед, но нема ниту да дозволиме никој да ги злоупотребува овие симболи за да создава меѓу граѓански конфликти, бидејќи верските симболи, секогаш пренесуваат пораки за мир, а не за конфликти. За волја на вистината, на Попова Шапка веќе има по еден култен објект на муслиманите и православните, а тоа до денес никому не му пречело. Но, со поставувањето на крстот вчера, се создава впечаток дека некој намерно има за цел да создаде инциденти и да створи нови тензии меѓу граѓаните“ изјави Касами.

Тие ги повикаа Комисијата за односи со верските заедници, Македонската православна црква, Охридската Архиепископија, односно Тетовската Митрополија, согласно нивните надлежности „да преземат мерки и самите да го тргнат овој крст, и да не дозволат верата да се трансформира во инструмент на создавање тензии меѓу граѓаните“.

Воедно, додаваат, го повикуваме Државниот инспекторат за градежништво и урбанизам, како орган со директни овластувања во оваа работа, да постапи што е можно побрзо согласно своите должности.

Знаеме дека оваа институција е под раководство на ДУИ и доколку не постапат ќе ги сметаме за тивок партнер со македонските партии, порано со ВМРО-ДПМНЕ сега со СДСМ, и ги повикуваме итно да се приклучат на постапот врз своите законските обврски, бидејќи таквите провокации се непростливи за никого. Сведоци сме од минатото дека ваквото поставување на култни објекти, без одобрение, без план и со наметнување, отсекогаш се сфаќало како провокација и предизвикувало неповолни сцени. Имајќи го во предвид ова искуство, ние сме гледале вакво сценарио во минатото, како една македонска партија глуми лав, една албанска партија глуми орел пред изборите, а кога ке влезат на избори после се претвараат во маче и во врапче, затоа ве повикуваме на мир, љубов и меѓусебно почитување, се обраќаме до Македонската Православна Црква – Охридска Архиепископија, за да не дозволат да станат жртви на националистичките политики. Ги повикуваме ДУИ и сите македонски партнери да престанат да ги злоупотребуваат верските симболи за да добијат дневни политички поени, под итно да излезат во јавноста и да побарат од властите на Македонската Православната Црква да го тргнат крстот, на овој начин ќе се создадат услови да се развие меѓусебното почитување и соживот, велат од Европскиот сојуз на промени.

Тие додаваат дека сакаат верските заедници во нашата земја да се облагородат во духовниот живот на нашите граѓани и да не дозволат да се инструментализираат за политички цели.

The post „Тргнете го крстот сами за да нема тензии“, се закани Касами во име на „Европскиот сојуз“ appeared first on Република.

Претседателот на Kомисијата за односи со верските заедници и религиозни групи Даријан Сотировски преку социјалните мрежи повика на внимателност и воздржаност од сите за ситуацијата околу Попова Шапка.

https://republika.mk/vesti/makedonija/dui-i-opshtina-tetovo-reagiraat-na-postaveniot-krst-na-popova-shapka/

На Попова Шапка со години наназад гради кој каде ќе стигне. Тоа и покрај повиците на многумина стручни лица, но и сопственици на викенд куќи и хотелиери, Општина Тетово не најде за сходно да го разреши преку усвојување на урбанистички планови и соодветно одобрување на изградба, поставување времени објекти, опрема и инсталации, но и соодветна непристрасна и неселективна надзорна и казнена поставеност. За разлика од многубројните објекти, на катови и со оградени дворови на државно земјиште, Крстот е поставен на манастирски имот и прашање е дали било каде во земјава за поставување на крст во двор на манастир некој дал дозвола. Крстот е верско обележје. Што правиме со многуте објекти профани и сакрални изградени на државно земјиште? Ете, на Попова Шапка такви има насекаде. Зошто за ниту еден од нив до сега не заседаваше вонредно Советот“, прашува Сотировски.

The post Сотировски: Крстот е поставен на манастирски имот, што правиме со многуте објекти изградени на државно земјиште? appeared first on Република.

За поставениот 15 метарски крст на имотот на манастирската црква „Свети Наум Охридски Чудотворец“ на Попова Шапка реагираа политички партии и Општина Тетово.

Советничката група на ДУИ одржа прес-конференција и побараа образложение од Општина Тетово за поставувањето на крстот.

Бараме првиот човек на општината да биде на седницата за да ни се даде образложение како е поставен тој крст таму, изјави Лиридон Диша, општински советник на ДУИ за медиумите на албански јазик.

Општина Тетово испрати соопштение до јавноста во кое вели дека општинските инспектори биле на терен за да ја проверат фактичката состојба и да извршат проценка, според која ќе бидат преземени законски мерки за гарантирање на целосно спроведување на правилата и процедурите.

Општина Тетово сака да даде појаснување околу поставениот крст на Попова Шапка. Истиот е поставен без соодветна дозвола. Општина Тетово во овој случај ќе ги почитува сите законски процедури, како што тоа го правеше и досега, велат од Општина Тетово.

Од црковниот одбор при манастирската црква Свети Наум Охридски Чудотворец на Попова Шапка информираат дека крстот е поставен како верско обележје и претставува урбана опрема.

Крстот не е поставен на државен имот. Крстот е поставен на црковно земјиште, како верско обележје и претставува урбана опрема, информира Богосав Божиновски, член на црковниот одбор.

За случајот реагираше и ВМРО-ДПМНЕ.

Општинскиот комитет на ВМРО-ДПМНЕ вечерва ќе одржи итна седница по повод притисоците на институциите предводени од ДУИ и СДСМ насочени кон кршење на Уставот и правото со кое се гарантира слободата на вероисповеста и изразување на верата на Македонците во Тетово. Сметаме дека неовластеното и спротивно на закон присуство на бројни државни институции во црквата Свети Наум Охридски на Попова Шапка е директен притисок насочен кон создавање на тензии помеѓу граѓаните, се вели во соопштението на ОК ВМРО ДПМНЕ Тетово.

Црквата е изградена во 1993 година.

The post ДУИ и Општина Тетово реагираат на поставениот крст на Попова Шапка appeared first on Република.

Телевизијата „М Нет“ објави видео на кое може да се забележи како се води лицитација во црква во штипско Ново Село.

Попот го понуди светиот крст на лицитација, чија крајната цена стигна 95.000 денари.

Парите од продажбата на крстот ќе бидат потрошени за сметките за струја, но и за други дополнителни трошоци, кажа попот.

The post На лицитација за 95.000 денари продаден светиот крст во Ново Село appeared first on Република.

Додека вчера илјадници верници влегоа во ладните води да го фатат светиот крст за кој се верува дека ќе му донесе среќа и благодат на оној кој ќе го фати, во штипско Ново Село крстот се наддаваше на лицитација, а среќниот „фаќач“ за тоа плати 95.000 денари.

Поради ваквиот чин за празникот „Богојавление Водици“ утрово има поделено мислење утрово на социјалните мрежи се води околу лицитацијата која се случила вчера.

Имено на видеото кое се појави на социјалните мрежи се гледа како попот среде црквата во Ново Село во Штип го нуди светиот крст на лицитација.

Крајната цена на крстот достигна 95 илјади денари, а во меѓувреме додека течеше лицитацијата попот тврдеше дека парите им требале за да ги подмират сметките за струја, но не и за нивни лични потреби.

The post Во штипско Ново Село светиот крст купен на лицитација за 95.000 денари, со парите ќе се плателе сметките за струја appeared first on Република.

Во метар на метар 7 минути бараат крст, па се претресуваат еден со друг кој го крие, ова е најинтересната потрага по светиот крст во Македонија, во Кукуречани.

The post Во метар на метар, 7 минути бараат крст, па се претресуваат еден со друг кој го крие: Најинтересната потрага по светиот крст во Кукуречани appeared first on Република.

крстот и пловеше паралелно со празно пластично шише од зејтин pic.twitter.com/df582xG0O2

— Џото (@Giotto_mkd) January 19, 2023

The post Со крстот гратис и празно шише зејтин appeared first on Република.

Општина Ресен и свештенослужители од преспанско-пелагониската епархија, празникот Богојавление-Водици го одбележаа во Отешево, на брегот на Преспанско Езеро.

Во присуство на голем број верници, дел од нив храбри момчиња, најсреќен учесник беше Марио Павловски кој го пронајде и извади светиот крст од осветените води на Преспанско Езеро.

Пригоден подарок на Павловски му врачи градоначалникот на Општина Ресен, Јован Тозиевски.

The post Марио Павловски го извади крстот од Преспанското Езеро appeared first on Република.