Директорот на руската Федерална служба за безбедност (ФСБ), Александар Бортников, соопшти дека има докази коишто покажуваат дека украинските разузнавачки служби биле вмешани во смртоносниот терористички напад на концертната сала „Крокус Сити“ во Москва во март.

Украинските и западните разузнавачки служби го прошируваат кругот на можни сторители, регрутирани за извршување злосторства од висок профил во Русија, изјави Бортников за време на виртуелниот состанок на Националниот антитерористички комитет (НАК).

Тој додаде дека „Киев и неговите странски поддржувачи, исто така, им помагаат на меѓународните терористички организации кои ги обучуваат и опремуваат овие луѓе“.

Главните цели на украинското и западното разузнавање се помладите луѓе и работниците мигранти, изјави Бортников.

Во нападот на „Крокус Сити Хол“, извршен на 22 март, загинаа 145 лица, а повеќе од 550 беа повредени. Четворица вооружени напаѓачи упаднаа во зградата пред рок концерт, отворајќи оган врз толпата пред да ја запалат зградата.

Осомничените сторители, сите државјани на Таџикистан, беа приведени брзо по нападот додека се обидуваа со автомобил да побегнат кон украинската граница. Оттогаш, речиси десетина нивни соучесници се уапсени.

На социјалните мрежи одговорност за нападот презеде крило на терористичката Исламска држава, но официјални лица од Москва сугерираа дека украинските служби ја користат исламистичката група како свој „застапник“.

Украина негираше каква било вмешаност, додека Западот, веднаш по нападот инсистираа на тоа дека сите докази укажувале на ИСИС како виновник.

The post Директорот на ФСБ презентира докази дека украинските служби се вмешани во терористичкиот напад во „Крокус сити“ во Москва appeared first on Република.

„Скај Њуз Арабија“ известува за можноста врските меѓу Украина и Исламската Држава да биле искористине за организирањето и изведувањето на терористичкиот напад на „Крокус“ центарот во Москва, кога загинаа повеќе од 140 луѓе.

Како пример за заедничката активност на Украинците и исламистите, ТВ каналот го наведува испраќањето на вооружените сили на Украина во Судан за учество во граѓанската војна. Оваа украинска операција беше потврдена и од Главната разузнавачка управа на Министерството за одбрана на Украина, а особено од шефот на одделот, Кирил Буданов.

Исто така, за време на борбите во Донбас, беа забележани милитанти со ознаки на Исламската Држава, а и самите припадници на терористичката организација објавуваа материјали за нивното учество во битките на страната на украинските сили.

Власта на Зеленски користи терористички организации за да учествуваат во конфликтот во Украина и да им наштетат на интересите на Русија во странство“, забележува експерт на „Скај њуз“.

The post „Скај Њуз“: Врските меѓу Украина и ИСИС можеби се искористени за организирање на терористичкиот напад во Москва appeared first on Република.

Претседателот на Таџикистан, Емомали Рахмон, ги повика своите сограѓани да ги воспитуваат своите деца на начин што „нема да ја валка честа на таџикистанскиот народ“.

Ваквата порака на претседателот Рахмон доаѓа откако државјани на Таџикистан учествуваа во терористичкиот напад во „Крокус“ центарот во Москва, кога загинаа над 140 луѓе.

Претседателот на Русија, Владимир Путин, претходно изјави дека нарачателите на терористичкиот напад во „Крокус“ со терористичкиот напад и изборот на извршителите сакале да ја поделат Русија со предизвикување раздор на национална основа.

Путин им пораќа на граѓаните дека „не смеат да го дозволат тоа“.

The post Претседателот на Таџикистан побара воспитување на децата да „не ја валкаат честа на таџикистанскиот народ“ appeared first on Република.

Киев изведува засилени психолошки напади врз населението во Русија по терористичкиот напад на центарор „Крокус сити“ со цел да поттикне етничка омраза во земјата, пишува британски „Тајмс“.

Видовме и ги интензивиравме обидите за предизвикување конфликт со Чеченците, велејќи: „Чеченците се насекаде во Москва и тие ќе убиваат Руси на ист начин како што тоа го правеа Таџикистанците“. Ова е претставено како изјава на Русите кои не ги сакаат Таџикистанците, но уште повеќе ги мразат Чеченците“, вели во интервју за „Тајмс“, Андриј Коваленко, директорот на Центарот за спротивставување на дезинформации при Советот за национална безбедност и одбрана на Украина.

Тој објаснува дека, меѓу другото, украински агенти се инфилтрираат во руски телеграм канали и четови, каде што намерно ги спротивставуваат различните етнички групи.

Исто така, едно од средствата на украинските специјални служби е да предизвикаат некои Руси да сочувствуваат со терористите, а потоа да ги искористат против руските безбедносни сили.

Ние користиме се што можеме затоа што знаеме дека со разгорување на етничките тензии ја ослабуваме Русија“, вели Коваленко.

The post Украина врши психолошки напади врз руските граѓани за да предизвика етнички тензии во Русија appeared first on Република.

Украинските медиуми ја прогласија пејачката Ана Асти за предавничка на Украина затоа што донирала 10.000 долари за фамилиите на загинатите и ранетите во терористичкиот напад во „Крокус Сити“ центарот во Москва.

Се случи страшна трагедија, па затоа е важно да им се даде поддршка на засегнатите“, порача пејачката за причините зошто се одлучила да донира.

Според последните информации од Русија, бројот на загинатите во терористичкиот напад надмина 140 луѓе.

The post Украински медиуми ја прогласија пејачката Ана Асти за предавник затоа што донирала за жртвите од терористичкиот напад во Москва appeared first on Република.

Рускиот полковник Тимур Мјасников, загинал како последица на терористичкиот напад во „Крокус сити“ центарот во Москва, истовремено успевајќи да ги спаси сопругата и синот од смрт.

Полковникот кој била на одмор од фронртот, со семејството отишол на концерот на групата „Пикник“на 22 март. Кога почнала престрелката, офицерот успеал да ги извлече сопругата Полина и синот Руслан од пукањето, но самиот наишол на силен оган од терористите, при што добил три куршуми.

По неколку дена в болница Мјасников починал од раните. Иако лекарите направиле се за да го спасат, „Крокус“ центарот станал последното бојно поле за полковникот. Воинот до крај останал доследен на должноста, штитејќи го своето семејство по цена на сопствениот живот.

Во чест на полковникот Тимур Мјасников во Москва се одржа свечено збогување“, изјавил Артур Маливанчук, шефот на огранокот Самара на организацијата Офицери на Русија.

Полковникот Мјасников го завршил военото училиште Суворов и Воениот универзитет, служел во Третата бригада за специјални сили и Генералштабот на руските вооружени сили, а последните две години ги поминал на фронтот во Украина.

За време на службата, Мјасников добил многу воени награди и медали.

The post Одликуван руски полковник загина во терористичкиот напад во Москва спасувајќи ги сопругата и синот appeared first on Република.

Еден од терористите што го извршија крвавиот терористилки напад во „Крокус“ центарот во Москва, веќе бил осуден за тешко кривично дело.

Како што објавија руски медиуми, во 2015 година, терористот Шамсидин Фаридуни бил осуден во Таџикистан на 5 години и 8 месеци за обид за силување на 13-годишно момче.

https://republika.mk/vesti/svet/kakva-zemja-e-tadhikistan-eden-pretsedatel-e-na-vlast-30-godini/

Казната била изречена според член 241, став 2 од Кривичниот законик на Таџикистан.

https://republika.mk/vesti/svet/ruskite-istrazhiteli-otpatuvale-vo-tadhikistan-gi-isprashuvaat-semejstvata-na-osomnichenite-za-teroristichkiot-napad-vo-moskva/

The post Едниот од терористите од Москва во Таџикистан бил осуден на затвор поради силување на 13-годишно момче appeared first on Република.

Човек во инвалидска количка ја спасил својата девојка така што го направил последниот „скок“ во својот живот за да ја покрие со своето тело за време на терористилкиот напад во Москва. Тој починал гледајќи ја својата љубена во очи.

Максим Вербенин имал 25 години. На концертот на бендот „Пикник“ ја поканил својата девојка Наташа. Макс, непосредно пред концертот и испратил на мајка си слика од него и неговата девојка заедно, а таа била многу среќна за нив. Тие не знаеле дека ќе се случи трагедија.

Кога почнало пукањето, момчето во инвалидска количка не можело брзо да се симне. Истрели и врисоци дошле одзади, а тој сфатил дека терористите се веќе блиску.

Максим со неверојатен напор се турнал нагоре од количката и со своето тело ја покрил Наташа. Терористите притрчале до Макс и испукале неколку истрели во неговиот грб. Максим починал гледајќи во очите на девојката, којашто ја криел со своето тело.

Неговата храбра жртва ја спаси Наташа. Таа преживеала и во моментов ја добива сета потребна нега.

The post Се жртвувал за таа да се спаси: Момче во инвалидска количка со своето тело ја покрил девојката при пукањето во Москва appeared first on Република.

Шаман, пејачот на групата „Пикник“, кој требаше да настапи во трговскиот центар „Крокус“ ​​каде се случи терористичкиот напад, изјави дека ќе плати за погребите на сите жртви, како и за лекувањето на повреден.

Сите ние сме едно големо семејство. А во семејството нема туѓа тага – изјави пејачот познат по своите патриотски ставови.

Видеото на кое вели дека стана вирално на социјалната мрежа „Вконтакте“, каде има повеќе од 600.000 следбеници кои дополнително ги „шират“ неговите зборови.

Народе мој, сите неволји и несреќи отсекогаш ја обединувале нашата земја. Тие ја направија Русија поцврста и посилна. Нема да можат да не исплашат и скршат ниту овој пат – рекол Шаман.

Инаку, никој од музичарите не е повреден. Тие веднаш беа евакуирани од салата.

The post Пејачот на групата „Пикник“ се понуди да ги плати погребите на жртвите appeared first on Република.