Навивачката група „Комити“  со официјален допис до сите медиуми побараа промена на целото раководство од страна на новиот мнозиски сопственик и инвеститор на клубот, Атила Бижен Жалили.

Соопштението на најверната навивачка група на Вардар ви го пренесуваме во целост:

Навивачите на фудбалскиот клуб Вардар, незадоволни од резултатите, организацијата и целосната катастрофална ситуација во која се наоѓа клубот, одлучија да се спротивстават, обединувајќи се во голем „НАРОДЕН ФРОНТ-ЗА ВАРДАР”.

Како што е веќе познато, по финансискиот крах, клубот за време на изминатите две сезони беше целосно управуван од страна на здружението на навивачите, односно народот кој апсолутно даде поддршка на оваа приказна. Благодарение на нашата напорна работа, но и на помошта од страна на неколкуте Општини, Градот Скопје, како и на многуте компании кои ја видоа нашата искрена намера и се приклучија кон оваа борба, клубот успеа да опстои и по две сезони минати во Втората лига, да се врати во елитата.

По завршувањето на минатата сезона, беше постигнат договор помеѓу Здружението „35 години Вардарци”, односно ВД раководството на клубот составено од искрени вардарци и навивачи на овој клуб и новата сопственичка структура, на чело со Атила Бижен Жалили. Верувавме дека ваквиот расплет ќе донесе подобра иднина за клубот, финансиска стабилност и дека ќе се воспостави вистински правец по кој ќе се движи клубот, секако незанемарувајќи ги основните постулати на борбата „за клубот на народот” за која деноноќно, волонтерски се бореа искрените вардарови навивачи. Меѓутоа, неколку месеци подоцна, не само ние, туку и целата македонска јавност сведочи за катастрофалната ситуација, во која од ден на ден се повеќе тоне и клубот и приказната која со многу труд и љубов ја создаваа навивачите и народот.

Причината за катастрофалниот тек на сезоната ја гледаме во лошата кадровска политика, односно во неформалното раководството на клубот, на чело со Миленко Неделковски, кој заедно со својот тим, докажаа дека се во целост неспособни за да водат клуб каков што е големиот Вардар.

Поучени од искуството и минатото во кое во неколку наврати сме биле обвинети за виновници, кои не дозволиле влез на нови сопственички структури, овојпат одлучивме да дадеме време и можност, како што од нас побара и самиот инвеститор, иако уште на самиот почеток го потенциравме нашиот сомнеж во капацитет на предложеното раководство.

Но, за жал, веќе е и повеќе од јасно дека е потребна промена ВЕДНАШ. Оваа агонија мора да заврши час поскоро, а за тоа да се случи, потребна е масовна мобилизација на сите Вардарови навивачи, симпатизери, на целокупната јавност која ја повикуваме да се приклучи кон оваа борба и да застане повторно во одбрана на клубот.

Во среда, на 23.10.2024, на Арената Тодор Проески во Скопје, ќе се одигра осминафиналето од Купот на Македонија, помеѓу екипите на Вардар и ГФК Тиквеш од Кавадарци.

На овој натпревар, од западната трибина јасно и гласно ќе биде искажан ставот на навивачите. Затоа упатуваме апел до сите, да дојдат и да бидат дел од Западната трибина, да бидат дел од НАРОДНИОТ ФРОНТ! Народен фронт за Вардар!

Бараме одговорност, бараме професионализам! Бараме инвеститорот да го разреши постоечкото раководство и да постави вистински професионалци кои Вардар ги заслужува.

Натпреварот ќе биде одигран во 14:00ч а најважно од се е, сите заедно да бидеме обединети на западната трибина. Безразлика дали сте Комити, Вардарци, навивачи или симпатизери, сите заедно рамо до рамо. Западната трибина повторно застанува во одбрана на нашата светост. Тука се брани Вардар, тука се брани приказната за ,,клубот на народот”, тука се брани црвено-црното!

Се гледаме на Запад! За Вардар и Македонија!

Со почит,
Комити Запад“.

The post Комити бараат масовна мобилизација од љубителите на Вардар, како и бркање на цело раководство appeared first on Република.

Навивачите на Вардар, Комити Запад, побараа смена на актуелното раководство на клубот. Тие се незадоволни од резултати на тимот во тековната сезона, како и од состојбата на клубот.

Во продолжение во целост го пренесуваме соопштението на Комити Запад:

Навивачите на фудбалскиот клуб Вардар, незадоволни од резултатите,организацијата и целосната катастрофална ситуација во која се наоѓа клубот, одлучија да се спротивстават, обединувајќи се во голем „НАРОДЕН ФРОНТ-ЗА ВАРДАР”. Како што е веќе познато, по финансискиот крах, клубот за време на изминатите две сезони беше целосно управуван од страна на здружението на навивачите, односно народот кој апсолутно даде поддршка на оваа приказни. Благодарение на нашата напорна работа, но и на помошта од страна на неколкуте Општини, Градот Скопје, како и на многуте компании кои ја видоа нашата искрена намера и се приклучија кон оваа борба, клубот успеа да опстои и по две сезони минати во Втората лига, да се врати во елитата. По завршувањето на минатата сезона, беше постигнат договор помеѓу Здружението ,,35 години Вардарци”, односно ВД раководството на клубот составено од искрени вардарци и навивачи на овој клуб и новата сопственичка структура, на чело со Атилла Бижен Жалили. Верувавме дека ваквиот расплет ќе донесе подобра иднина за клубот, финансиска стабилности дека ќе се воспостави вистински правец по кој ќе се движи клубот, секако незанемарувајќи ги основните постулати на борбата ,,за клубот на народот” за која деноноќно, волонтерски се бореа искрените Вардарови навивачи. Меѓутоа, неколку месеци подоцна, не само ние, туку и целата македонска јавност сведочи за катастрофалната ситуација, во која од ден на ден се повеќе тоне и клубот и приказната која со многу труд и љубов ја создаваа навивачите и народот. Причината за катастрофалниот тек на сезоната ја гледаме во лошата кадровска политика, односно во неформалното раководството на клубот, начело со Миленко Неделковски, кој заедно со својот тим, докажаа дека се во целост неспособни за да водат клуб каков што е големиот Вардар. Поучени од искуството и минатото во кое во неколку наврати сме биле обвинети за виновници, кои не дозволиле влез на нови сопственички структури, овојпат одлучивме да дадеме време и можност, како што од нас побара и самиот инвеститор, иако уште на самиот почеток го потенциравме нашиот сомнеж во капацитет на предложеното раководство. Но, за жал, веќе е и повеќе од јасно дека е потребна промена ВЕДНАШ. Оваа агонија мора да заврши час поскоро, а за тоа да се случи, потребна е масовна мобилизација на сите Вардарови навивачи, симпатизери, на целокупната јавност која ја повикуваме да се приклучи кон оваа борба и да застане повторно во одбрана на клубот.

Во среда, на 23.10.2024, на Арената Тодор Проески во Скопје, ќе се одигра1/8 финалето од Купот на Македонија, помеѓу екипите на Вардар и ГФКТиквеш од Кавадарци. На овој натпревар, од западната трибина јасно и гласно ќе биде искажан ставот на навивачите. Затоа упатуваме апел до сите, да дојдат и да бидат дел од Западната трибина, да бидат дел од НАРОДНИОТ ФРОНТ! Народен фронт за Вардар! Бараме одговорност, бараме професионализам! Бараме инвеститорот да го разреши постоечкото раководство и да постави вистински професионалци кои Вардар ги заслужува. Натпреварот ќе биде одигран во 14:00 ч. а најважно од се е, сите заедно да бидеме обединети на западната трибина. Без разлика дали сте Комити, Вардарци, навивачи или симпатизери, сите заедно рамо до рамо. Западната трибина повторно застанува во одбрана на нашата светост. Тука се брани Вардар, тука се брани приказната за ,,клубот на народот”, тука се брани црвено-црното! – стои во соопштението на Комити Запад.

По десет кола во Првата македонска фудбалска лига Вардар е на претпоследното 11. место со седум освоени бода.

The post Комити: Причината за катастрофалниот тек на сезоната e во лошата кадровска политика, односно на чело со Миленко Неделковски appeared first on Република.

Навивачите на Пелистер, популарните „Чкембари“ направија крајно спортски потег.

Пелистер и Шкупи одиграа 0:0 во 8. коло од првата македонска лига, а во еден момент од натпреварот, домашните навивачи изненадија и го скандираа името на починатиот навивач на Вардар, Никола Саздовски - Саздо.

Со тоа, „Чкембарите“ покажаа дека знаат да изразат почит дури и за припадник на нивниот најголем спортски ривал и чест противник на трибините.

The post Чкембари скандираа име на починат Комита appeared first on Република.

Со третиот пораз на четвртиот меч, Вардар е на делба на последното место со Брера Струмица, а од денеска самостоен лидер е Шкендија, која пак со 2:0 го победи Пелистер.

Убедливиот пораз на Вардар предизвика силен револт кај „Комитите“, , кои отворено го искажаа својот револт кон новото раководство на клубот кое пред два месеци ги презеде црвено-црните.

„Управа оди си… Наш е Вардар и наш ќе остане… Оди си Миленко…“ – беа дел од скандирањата на „Комитите“, јасно алудирајќи на неофицијалниот извршен директор на клубот Миленко Неделковски, кој го презеде раководењето со клубот, иако никогаш не беше официјално претставен.

Неделковски можеше да го слушне ставот на дванаесеттиот играч од клупите на арената „Филип Втори“, чуван од кордон полиција.

The post Тик-так… Комити му одбројуваат на Миленко Неделковски во Вардар appeared first on Република.

Македонија конечно имаше дерби какво што залужува.Вардар и Пелистер, старите ривали под рефлектори на „Градски“ играа убав натпревар пред околу 6000 фанови.

На Запад и Исток Комитите и Чкамбарите како што доликува. Резултатот не е најважен но сепак Вардар во финишот победи.

Погледнете

The post Македонија залужува вакво дерби: Фото галерија од мечот Вардар-Пелистер appeared first on Република.

Навивачката група на Вардар, Комити прогласи општа мобилизација на своите членови, повикани се сите кои сакаат да помогнат во гаснењето на пожарите кои ја зафатија Македонија.

Собирот е во 17 часот кај Шарлота, а половина час подоцна ќе тргнат кон Свети Николе каде ќе помогнат со гаснењето на пожарите кои го зафатија овој регион.

„ТРИБИНАТА-ЗА ТАТКОВИНАТА!
Републиката е повторно во пламен. Ние сме подготвени за борба!
Групата прогласува ОПШТА МОБИЛИЗАЦИЈА на членството и ги повикува сите кои сакаат да помогнат!
Собирот започнува утре во 17:00ч
Локација: Шарлота
Дојдете со автомобили, и носете со себе:
・Чизми, маски за лице и капа
・Долги пантолони (не памучни)
・Шишиња со вода
・Лопати и гребла
・Мокри кебиња за безбедност
НАПОМЕНА: Организиран превоз нема. Затоа дојдете со што е можно повеќе автомобили. Ќе се организираме!
Тие кои не можат да дојдат, нека донираат опрема и се што можат од горе наведеното.
Во 17:30ч. ќе се упатиме сите заедно кон Свети Николе, каде што во моментов пожарот уништува цели животи на луѓе.
Веднаш започнете со организација и мобилизација. Одиме сите заедно – за македонски градови и села!
ПРВИ ДА ТЕ БРАНИМЕ!“, стои во објавата на Комити.

Многу корисно би било овој пример на Комити да го следат и останатите навивачки групи, да се мобилизираат колку што е можно повеќе луѓе во борбата против оганот.

The post Навивачката група „Комити“ прогласи општа мобилизација на своите членови: Повикани се сите кои сакаат да помогнат во гаснењето на пожарите appeared first on Република.

Најтрофејниот македонски фудбалски клуб, Вардар, и официјално има нови сопственици. Веста ја соопштија од навивачката група „Комити“, кои досега беа В.Д раководство на Вардар.

Соопштението на Комити го пренесуваме во целост:

ОФИЦИЈАЛНО СООПШТЕНИЕ!

Во името на групата, како и во името на досегашното В.Д. раководство, би сакале да ја известиме јавноста, дека денес беше постигнат успешен договор со новите сопственици, кои во периодот што следува, целосно транспарентно ќе го превземат управувањето на клубот.

Приказната наречена ,,Вардар – клуб на народот” околу која се обединија илјадници навивачи, а која несомнено ќе остави траен белег во однос на позиционирањето на клубот во одреден општествен контекст, ќе продолжи да живее. Да живее и да се развива!

Би сакале да потенцираме дека во текот на преговорите, заедно со сите засегнати страни, успеавме да го постигнеме најдоброто решение за Вардар и да ги донесеме најважните одлуки, за кои длабоко веруваме дека ќе допринесат пред се кон процесот на целосна рехабилитација на клубот од повеќегодишната криза, а воедно и дека истите ќе допринесат кон тоа да клубот во најбрз можен временски период, повторно се врати на шампионските патеки – онаму каде што припаѓа. Тоа е борбата од која никогаш нема да се откажеме!

Поради комплексноста на самиот процес, а и поради клаузулата за доверливост, не сме во можност да ги изнесеме сите детали на постигнатиот договор. Но, секако во првиот момент, штом договорот биде официјално реализиран, пред јавноста целосно ќе ги соопштиме сите потребни информации.

Тоа што во моментов со сигурност можеме да го соопштиме е дека досегашниот искрен пристап во раководењето на клубот ќе продолжи и понатаму и дека оваа успешна приказна која ја започнавме, заедно со новите официјални сопственици, успешно ќе продолжиме да ја развиваме.

За крај, свесни за историската одлука, би сакале конкретно да им се обратиме на сите луѓе кои допринеле клубот низ годините на тешки борби да опстои и да преживее. Ние никогаш нема да дозволиме клубот да пропадне и ние никогаш нема да дозволиме нашиот заеднички труд да пропадне. Од првиот момент на заедничката борба, не водеше исклучиво емоцијата и искрената приврзаност кон големиот Вардар. Така било така и ќе остане – засекогаш!

За крај, уште еднаш би сакале да потенцираме дека наскоро пред јавноста ќе ги соопштиме сите точки на договорот со новите сопственици, кои заедно со нас се обврзаа да помогнат и да бидат дел од борбата за најголемиот македонски фудбалски бренд – Вардар, кој наскоро повторно ќе се врати во својот дом и кој повторно ќе цели кон европскиот фудбалски врв.

Продолжуваме ЗАЕДНО – УШТЕ ПОСИЛНО!

The post ФК Вардар официјално има нови сопственици! appeared first on Република.

Новинарот Дарко Јаневски на својот профил на Фејсбук коментира за зголемениот број „комити“ во последниот период во Македонија, посебно откако ВМРО ДПМНЕ повторно е на власт во државата.

Многу комити се изродија во последниов месец, па и пред тоа. Да ги имаше во толкав број 1903-та, не само што ќе успееше Илинденското востание, туку ќе го освоевме и Цариград, пишува Јаневски.

The post Дарко Јаневски: Многу комити се изродија последниов месец, ако ги имаше во толкав број ќе го освоевме и Цариград во 1903-та! appeared first on Република.

Навивачката група на Вардар, Комити реагираат на ФФМ да ја огрнаичи продажбата на билети за претстојниот бараж натпревар, во кој Вардар се бори за опстанок против Детонит од Радовиш

Дуелот е закажан за утре во Струмица, а „Комити“ се незадоволни од тоа што билетите можат да се купат само со физички присуство.

Ја информираме јавноста дека иако извесен период апелиравме до ФФМ и повикувавме на состанок, а во врска со продажбата на билетите, истиот не се случи. На само три дена до одигрувањето на натпреварот, бевме известени дека билетите  нема да можат да се купат онлајн, туку единствено со физичко присуство.

Но, и покрај се, веруваме дека ова не само што нема да ги одвлече нашите навивачи, туку и дополнително ќе влијае на што е можно поголемо присуство на историскиот натпревар. Нас ништо нема да не поколеба!

ВАЖНО: Во продажба ќе биде пуштена единствено северната трибина на стадионот, која е предвидена за навивачите на Вардар.

Цената на билетите изнесува 150 ден.

The post „Комити“ се жалат дека не може да купат билети за клучниот меч сезонава за Вардар appeared first on Република.

Ни следуваат најважните битки, а ние сме Вардаровото најсилно оружје. Затоа читај и запомни - ВАЖНО Е ДА ДОЈДЕШ!, порачаа Комити најавувајќи го враќањето на скопскиот клуб на Градскиот стадион во Скопје.

Од фудбалскиот клуб Вардар, пак, по тој повод денеска ја промовираа песната „Гордоста на градот“, во чиј видеоспот се прикажани моменти од историјата на клубот.

Песната е создадена со заеднички ангажман на членови на неколку музички бендови, кои на сопствен-оригинален начин, ја искажаа својата приврзаност кон Вардар и црвено-црните бои.

 

Во името на клубот се заблагодаруваме на сите кои учествуваа во креирањето на песната и спотот. Се надеваме дека ќе уживате! И не заборавајте…во недела се гледаме на Градски!, порачаа од клубот, најавувајќи повеќе информации набргу.

https://youtu.be/kzTpGSVK0_Q?si=kF4aK2RuaWVI9FXd

The post Во недела и старо и младо на Градски – Вардар се враќа дома! appeared first on Република.

Дуелот меѓу Вардар и Шкендија од 24. коло од Првата македонска фудбалска лига заврши без победник 1:1.

Вардарци поведоа во 18. минута од дербито, откако Матеус Лемос со глава го матираше Талевски.

„Црвено-црните“ промашија неколку добри шанси, а тоа го казни Шкендија, која успеа да израмни на крајт преку Аганспахиќ. На мечот беше истакнато знамето со сонцето од Кутлеш со натпис „Обединета Македонија“ а се интонираше и македонската химна.

[caption id="attachment_755457" align="alignnone" width="362"] foto X[/caption]

Вардар во моментов е на 10. позиција во Првата лига со 26 бода, додека Шкендија е на третото место со 45.

The post Сонцето од Кутлеш и „Обединета Македонија“ за играчите на Шкендија appeared first on Република.

Со многу тензии се одигра дербито во Тетово помеѓу Шкендија и Вардар. И додека на теренот беше видлив квалитетот на домаќините над младиот тим на гостите, на трибините борбата беше нерамноправна.

„Балистите“ во текот на целиот меч ги навредуваа Вардарци и Македонците, а врв на сѐ беше кога извадија знаме на која на мртовечки ковчег беше испишано „Миравци“ како што ја нарекуваат екипата на Вардар.

The post „Балистите“ го „погребаа“ Вардар во мртовечки ковчег appeared first on Република.

„Комити“ подаваат рака за помош кон „Чкембари“, откако битолчанец го загуби домот во пожар. Верните навивачи на Вардар ќе донираат пари за верен навивач на Пелистер кој остана без дом откако се запали неговата куќа.

Групата одлучи целиот приход од гостувањето во Кратово, да го донира на членот на н.г. „Чкембари Битола”, кој при пожар го загуби сопствениот дом, соопштија „Комити“.

Тие ги повикуваат сите во Кратово.

Од „Чкембари“ објавија трансакциска сметка за донации семејството полесно да ги санирање на штетите во што побрз период односно пред да паднат температурите под нулата.

The post Комити ќе донираат за Чкембар кој го загуби домот во пожар appeared first on Република.

Новата управа на најтрофејниот македонски фудбалски клуб Вардар на денешната прес-конференција ја презентираше финансиската состојба и целта на акцијата за спас на „црвено-црните“.

ФК Вардар се наоѓа во тешка финансиска состојба со блокирана сметка и долгови од околу три милиони евра. Сепак предводникот на новото раководство, Милорад Миленковски од навивачката група Комити, верува дека клубот може да се „дигне“, а како прв чекор е акцијата со продажба на сезонски билети.

Покажавме дека со нашиот ентузијазам, со единство и со нашата љубов кон клубот успеавме да го вратиме клубот во Првата лига. Следно е нашата акција која има за цел да се продадат што е можно повеќе годишни билети за следење на натпреварите на ФК Вардар со што се планира колку толку да се санира финансиската ситуација. Амбицијата ни е да собереме околу 500 илјади евра. Очекуваме поддршка од институциите во државата, навивачите на Вардар. Клубот е на народот, па затоа ги повикуваме сите скопјани и Македонци воопшто да бидат дел од најголемата спортска акција, рече Миленковски.

Акцијата на Комити доби поддршка и од фудбалерите кои веруваат дека најпосле ќе го добијат заслуженото за сè што сторија за Вардар кога му беше најтешко на клубот.

Преку купување на сезонски билети во акцијата за спас на Вардар веќе се вклучија неколку градоначалници од скопски општини. Ветување за финансиска помош Комити добиле и од Град Скопје.

Миленковски им се заблагодари на директорката на Управата за јавни приходи, Сања Лукаревска, како и на Акционерското друштво за изградба и стопанисување со станбен простор и деловен простор (АДСДП) со кои имал конструктивни состаноци на кои добил ветување за бришење на камати на одредени долгови.

По отпочнување на акцијата „Купи билет за спас на ФК Вардар. Сега е време, за нешто многу поголемо!“ за неполни 24 часа собрани се околу 300.000 денари.

Сезонските билети чинат 1000 денари, и може да се купат онлајн преку страницата на „МК Тикетс“, и во живо.

The post Целта е да се соберат 500 илјади евра за спас на Вардар appeared first on Република.

Улиците на Скопје повторно се наполнија со навивачките песни на Комитите, кои денеска се одзваа на позивот на ФК Вардар да им се придружат на првиот тренинг на Градскиот стадион.

По долго време се враќаме во нашиот дом, и повторно како некогаш го враќаме сјајот на најголемиот и најсаканиот македонски фудбалски бренд.
Вардар е клуб на народот, така било, така ќе биде секогаш, но овојпат тоа ќе биде и формално. Отворен клуб кој ќе функционира транспарентно, и ќе биде достапен за сите свои навивачи, јавноста и се разбира народот…
Повелете, Клубот на народот ве очекува, порачаа од ФК Вардар.

Денеска ќе може да се купат промотивни маички „Вардар - клуб на народот“ по цена од 500 денари, а ќе бидат соопштени начелата на големата акција - Продажба на членски карти, со кои ќе можат да се проследат сите домашни натпревари на ФК Вардар, во сезоната 2023/24.

The post Комити и Вардар се вратија дома! appeared first on Република.

Од денес, фудбалскиот клуб Вардар е во целосна сопственост на навивачката група Комити, која ги превзеде комплетно акциите на клубот.

Во продолжение погледнете го видеото, во кое можете да слушнете новитети околу најтрофејниот македонски клуб кој во новата сезона се враќа да се натпреварува во ПМФЛ.

The post Комити се нови сопственици на ФК Вардар appeared first on Република.

Навивачката група Комити, која го презеде раководењето на клубот во финишот на сезоната, откако стана јасно дека актуелниот сопственик Слободан Крстевски е финансиски немоќен, даде отчет за сработеното.

По разговорите со неколку градоначалници на скопските општини, договорено е Вардар да добие поддршка од 12 општини. Комити нагласуваат дека досега успеале да се сретнат со градоначалничката на Скопје, Данела Арсовска.

Во соопштението на Комити, се вели:

Како што ветивме, нашата борба е целосно транспарентна. Затоа, водени од мотото “Вардар – клуб на народот”, би сакале на секој навивач и симпатизер да му ги презентираме досегашните резултати од борбата, како и чекорите кои во наредниот период ќе ги превземеме.

Првично, би сакале да напоменеме дека по состанокот со директорот на клубот, Слободан Крстевски, добивме гаранција дека долгот направен по неговото доаѓање на кормилото на клубот, ќе биде вратен од негова страна во целост, без притоа истиот да биде наталожен на досегашниот долг на ФК Вардар.

Понатаму, би сакале да се заблагодариме на дванаесетте општини (Кисела Вода, Аеродром, Карпош, Центар, Илинден, Ѓорче Петров, Чучер Сандево, Зелениково, Гази Баба, Бутел, Петровец, Сопиште) со кои остваривме конструктивни состаноци, и дојдовме до позитивно решение. Сите дадоа збор, и се обрвзаа пред јавноста, дека клубот ФК Вардар ќе го помагаат заеднички, од секој можен аспект.

Во неделата што следува, очекуваме и формално да се одржи заеднички состанок на сите градоначалници, на кој заедно со нас, ќе биде дефиниран темелниот систем, преку кој долгорочно ФК Вардар ќе биде подржан од страна на општините.

За жал, единствено со градоначалничката на градот Скопје, Данела Арсовска, се уште немаме остварено средба, иако официјално барање доставивме уште на 3 мај 2023. Причините за ваквата постапка не ни се познати. Веруваме дека градоначалничката Арсовска ќе искаже волја и што поскоро ќе го прифати нашето уредно поднесено барање за средба. На клубот во овој момент му е потребна поддршка и помош од сите засегнати страни, особено од Градот Скопје, бидејќи ФК Вардар, гледано од историски, и од било кој друг аспект, е чедо на градот Скопје. Тоа не смее да се заборави!

Мора да напоменеме дека општините Аеродром, Кисела Вода и Ѓорче Петров, веќе на дело ја демонстрираа желбата за соработка. Имено, општините Аеродром и Ѓорче Петров обезбедија фудбалски терени, кои во целост ќе ги стопанисуваат, а кои ќе бидат од огромна важност за младинската школа на ФК Вардар, како и за тековните спортски активности на првиот тим. Од друга страна, пред бараж натпреварот во Кавадарци, од општината Кисела Вода беа обезбедени 1 000 000 денари помош за фудбалерите на клубот, како мотивација пред одлучувачкиот натпревар. Во името на клубот, ви се заблагодаруваме!

МЛАДИНСКА ШКОЛА

Во целиот изминат период, благодарение единствено на навивачите, за сите генерации во клубот, беа обезбедени сите потребни услови, за непречено реализирање на сите тековни спортски активности. Како што веќе напоменавме, со помошта од Општините, издејствувавме нови два фудбалски терени, од кои едниот веќе е во фаза на изградба. Секако, целосно сме посветени на ова прашање, и веруваме дека во најбрз можен временски рок, на сите засегнати страни, ќе им ја претставиме нашата визија и начинот на кој школата ќе функционира во иднина.

УЈП И ПУИГ

Следните чекори, се можеби најважни, во овој период од борбата. Како што веќе е познати, голем дел од долгот на клубот е направен кон УЈП и ПУИГ.

Ние, како засегната страна го нудиме следното решение;

Долгот кон УЈП да биде репрограмиран на 10 години, со што, секоја тековна година, клубот кон институцијата би исплаќал дел од целокупниот долг. Дополнително, заедно со одговорните лица да се најде решение со кое поранешните раководни лица на клубот ќе одговараат и ќе го сносат товарот за долгот настанат за време на нивното ,,управување”. Веруваме дека ова решение е најдобро, бидејќи долгот тлее веќе неколку години, директорот на клубот Слободан Крстевски, иако вети, не е во позиција да го исплати, и во моментов не постои ниту една засегната страна, спремна да го врати. На ваков начин, УЈП ќе си го наплати долгот, а на ФК Вардар со реализација на ваквото решение, ќе му биде одблокирана сметката, а со самото тоа можноста за финансиски прилив ќе биде многу поголема. Во периодот што следува, ќе биде организиран состанок со челните луѓе на УЈП, по кој јавно на нашата официјална страница, ќе го презентираме исходот од истиот. Веруваме и се надеваме на конструктивност!

ПУИГ е несомнено, нераскинлив историски дел од ФК Вардар. Но, во овој момент, ситуацијата е доста комплицирана, од причина што за време на претходното раководство на клубот, е направен долг, кој од многу аспекти е проблематичен, но за тоа, во периодот што следи. Тоа што ние, како засегната страна сакаме да го предложиме е состанок со челните луѓе на ПУИГ, на кој заеднички ќе дојдеме до најдоброто решение, преку кое долгот би можел да биде целосно вратен. Веруваме во нивната конструктивност, веруваме дека се спремни да помогнат во заедничката борба. Секако, едно од нашите најважни барања е да ФК Вардар своите натпревари ги игра на Градскиот стадион, домот и душата на клубот. Ова е барање за кое силно ќе се бориме, зошто недозволиво е повеќе гордоста на градот и на целата држава, домашните натпревари да ги одигрува на било кое друго место.

ДОНАЦИИ

Веќе извесен период функционира акцијата за донации, преку апликацијата Gofundme, и досега се собрани вкупно 6 945 евра. За жал, оваа апликација не е достапна за корисниците во Р. Македонија. Затоа, бидете спремни, зошто за многу брзо, ќе го обзнаниме начинот за донации, за навивачите од Македонија. Тогаш ние сме на потег. Нека ја видат сите сплотеноста на Вардаровите навивачи!

ФИРМИ И КОМПАНИИ

Време е сите во општеството, не само навивачите и општините, да се приклучат и да помогнат. Како што тропнавме на сите општински врати, така ќе тропнеме на вратите на сите големи македонски компании. На сите нив, ќе им ја презентираме целокупната визија, и активности кои ги имаме реализирани за доброто на клубот. Очекуваме позитивно да одговорат на нашите барања, зошто ФК Вардар заради сите успеси, историјата и традицијата, заслужува!

ОСТАНАТИ ФИРМИ И ФИЗИЧКИ ЛИЦА КОИ ИМААТ ПОБАРУВАЊА

Разбираме дека претходните раководства работеле неодговорно и создавале долгови кон чесни луѓе кои ги извршувале работните задачи, меѓутоа бараме и разбирање дека ваквиот долг е реално недостижен во моменталната ситуација. Ќе ве поканиме заедно да најдеме решение како за спас на Вардар, така и за правичен надоместок на вашите побарувања.

За крај, веруваме дека сходно оваа соопштение, јавноста уште повеќе активно ќе се вклучи во борбата за клубот, и уште повеќе ќе ја изрази довербата во нас, навивачите, кои деноноќно работиме, волонтерски, за доброто на клубот. Нашето присуство во клубот, е гаранција дека НЕМА ДА ДОЗВОЛИМЕ валкани игри и криминал. Конечно, после многу години, имаме историска шанса да го издигнеме Вардар високо. Да ја искористиме сите заедно, таа шанса!

СИТЕ ЗАЕДНО – ЗА ВАРДАР НАШ!

The post Комити: ФК Вардар доби поддршка од 12 општини, никаде ја нема Данела Арсовска appeared first on Република.

Вардарци спектакларно беа пречекани од враќањето во Кавадарци каде обезбедија кам-бек во Првата лига. Фанови излегуваа на балканите да го поздрават автобусот кој се упати пред Триумфалната капија каде ги дочекаа верните „Комити“.

The post Погледнете како Вардарци беа пречекани во Скопје appeared first on Република.

Со голот во 3. минута, затресувајќи ја мрежата на Скопје Дарко Размоски му носи рано водство на Вардар од 1-0 на баражот во Кавадарци за влез во Првата лига. Тоа беше доволно навивачите на Вардар, Комити еуфорнично да го прослават првиот гол на стадионот во Кавадарци.

Глишиќ нафрли од слободен удар, Десниќ шутираше со глава, а одбиената топка од Ефремов, во мрежата ја испрати Дарко Размоски.

The post Дарко Размоски му носи рано водство на Вардар во Кавадарци appeared first on Република.

„Комити“ Вардар синоќа направија спектакл во Драчево со голем огномет за Велигден.

Подгрупата на „Комити“, „Комити Драчево“ на овој ден приредуваат спектакл неколку години наназад, така беше и оваа.

The post Комитите на Велигден го запалија Скопје „за нашата вера православна, за нашата црква македонска, за нашата Македонија“! appeared first on Република.