Пожарот на планината Галичица од македонска страна е под контрола и нема опасност по населените места и населението кое гравитира на овој потег, ова се последните информации од екипите кои се на терен, објави на фесјбук градоначалникот на Охрид Кирил Пецаков.

Во моментот во гаснењето на пожарот од земја се вклучени околу 120 лица, а се дејствува со два хелихоптери од страната на Охрид и од страната на Преспа. Очекувано е во текот на денот да се вклучат и уште три авиони за гаснење од воздух.

Поспецифична е состојбата со пожарот од преспанска страна, каде што истиот има зафатено погуста и високостеблеста вегетација и гаснењето се одвива отежнато. Гаснењето од земја е отежнато и поради тоа што на овој терен постои неотстрането старо оружје и експлозивни направи, кои по налет на огнот експлодираат. Само во текот на вчерашниот ден се слушнале повеќе од 40 експлозии, објави Пецаков.

Охридскиот градоначалник се надева дека во текот на денешниот ден пожарот ќе биде локализиран и дека ќе се спречи неговото ширење понатаму.

Благодарам на сите вклучени на терен, кои со несебичен напор, ден и ноќ се борат со огнената стихија. Упатувам апел до медиумите, новинарите, населението и туристите да не шират непотребна паника, да споделуваат проверени информации и да се информираат само од релевантни извори, објави Пецаков.

The post Во гаснење на пожарот на Галичица се вклучени 120 лица, два хеликоптери и се очекува да се вклучат уште три авиони appeared first on Република.

Во цела петта единица атмосферата е одлична, расположението ја следи таа атмосфера и се надевам дека на 24 април ќе ги видиме резултатите, односно таа атмосфера ќе ја преточиме во огромна разлика помеѓу кандидатот на ВМРО-ДПМНЕ, Гордана Силјановска Давкова и кандидатот на СДСМ и за веќе на 8 мај да имаме кулминација и таа атмосфера да се преточи во историска победа за Македонија, односно, конечно ослободување на Македонија од ова лудило кое што ја има зафатено во изминатите 7-8 години, вели Кирил Пецаков во линковското вклучување во отвореното студио пред почетокот на денешниот митинг, односно голем народен собир пред македонската Влада со кој ВМРО-ДПМНЕ и официјално ја започнува кампањата за избор на претседател.

Тој посочи дека како колеги во македонското Собрание имаше прилика да соработува и сиот жар и став кој што професорката го имаше, беше исклучиво за Македонија и бранењето на македонските национални интереси.

„Дополнително, сето она знае што го има, ние како држава треба да искористиме и спроведеме во наредниот период. Докажа и покажа дека е повеќе од достоинствен кандидат кој што Македонија може да ја води на вистински пат и Македонија заслужува да има претседател токму каков што е професорката“, рече Пецаков, повикувајќи ги македонските граѓани масовно да го дадат нивниот глас за професорката Силјановска Давкова.

Тој се осврна и на работата на локалната власт при што истакна дека, динамиката и начинот на работа на сите градоначалници кои доаѓаат од редовите на ВМРО-ДПМНЕ го отсликува начинот на работа, принципот и динамиката на спроведување на сите работи ветени и на кои се обврзале во изборната кампања пред граѓаните дека ќе ги направат.

Посочи дека токму тој ќе биде принципот и на работа на ВМРО-ДПМНЕ понатаму и во централната власт, додавајќи дека ние сме докажале дека за нас зборот е збор, дека секој проект што ќе го реализираме за нас постои отчетност.

The post Пецаков: Атмосферата и расположението во цела Македонија е во корист на ВМРО-ДПМНЕ appeared first on Република.

Деновиве е актуелна една несреќна изјава од страна на министерката за култура, дека изградбата катната гаража во Охрид не била од јавен интерес и затоа е блокирано односно нема приоритет кај нив како министерство! Напиша на Фејсбук градоначалникот на општина Охрид, Кирил Пецаков.

– За нештата да бидат појасни, година и пол не малтретираат и мене како градоначалник и граѓаните на Охрид, со милион забелешки,препораки и измени. Иако по сите тие е постапено, упорно не добиваме позитивно мислење од култура, за на крај како што јавно кажав од министерство во стручниот тим да викаат „што си замислуваат тие ќе правеле катана гаража“!

– Во прилог имате закон за експропријација, член 7, каде јасно е напишано што е ЈАВЕН ИНТЕРЕС од локано значење и тука е напишана засебно КАТНА ГАРАЖА!

– Тотална неписменост и непознавање на законите, не само општо, туку и за сопствените ингеренции и надлежности!

– НАПОЗНАВАЊЕТО на законите и постапувањето спротивно од законите со кочење на една од НАЈБИТНИТЕ проекти за Охрид како град си носи и одговорност сама по себе за непостапување! И ви ветувам не ја оставам оваа работа така како шо мислите! 

За жал само докажувате дека далеку сте од менаџирање и водење на една држава, а и најголем срам сте што некогаш ја водел државава! Ви се ближи крајот, порача Пецаков.

The post Пецаков: Власта има тотално непознавање на законите appeared first on Република.

Прво Филипчо и „Инфомакс“ и онај ликот со анонимни полициски пријави од Охрид, а денес и Левица и СДСМ во ист глас, со ист прес за спортската гордост на Охрид, а тоа е ГРК Охрид. Јасна ми е коалицијата, а богами добар ви е и патот, порача денеска градоначалникот на Охрид, Кирил Пецаков, по обвинувањата дека општината доделила пари на клуб кој тој го основал.

Јас сум го основал клубот во 2011 година и сум бил капитен се до 2016-та. Во 2013 со основачки влог од 25.000 евра на општина Охрид се основа Акционерско друштво РК Охрид 2013, кое понатаму во 2017 година се преименува во ГРК Охрид и така е до ден денес. Откако е Акционерско друштво од 2013 не членувам, ниту сум бил на било која извршна или неизвршна позиција во АД-то и дополнително од 2013 година па на вака, главен финансиер на ГРК Охрид е општина Охрид и така и ќе остани, со одлука на совет и врз основа на јавен повик на доделувања на средства на сите спортски клубови на територија на општина Охрид. Општина Охрид врз основа на доделените средства во спортот и спортските екипи со гордост кажувам е една од најпосветените општини и токму затоа имаме успешни спортски екипи од градот, а нажалост ваша и на СДСМ и на Левица, а богами и на Филипчо, ќе продолжам уште попосветено и за подобри и повисоки резултати и успешни спортски приказни, вели Пецаков.

Ги повикува институциите да проверат за било каква злоупотреба, за, како што рече, конечно да се има дговорност за тежината на секој даден збор и исказ.

Ама овај пат не отстапувам од барање одговорност за одржаните пресови и реакции. Досега сè ви опростив и сите невистини. Крајот ви се ближит, ама крај на глупостите ваши нема за жал! Нема да го уништите спортот и правилниот развој на младите во Охрид! Вие сте завршена приказна! Се гледаме утре во 11 часот на прес за работи, за проекти и за она како ние знаеме да работиме и како треба да одиме напред!!, пишува Пецаков.

The post Пецаков со порака: Нема да го уништите спортот во Охрид, крајот ви се ближит! appeared first on Република.

Кирил Пецаков, градоначалник на Охрид во своето гостување во Студио 10 зборуваше за темата која беше викендот актуелна поврзана со Охрид, а тоа беше блокада на влезот на Охрид која се случи поради градежни активности.

Имено Пецаков во врска со ова посочи дека со започнувањето на овие градежни активности сега пред почетокот на туристичката сезона, се губи многу во туризмот.

Со огледа на тоа што покрај мене оние кои го потпишаа тоа барање, а од друга страна оние кои што имаа доста погласни реакции од мојата со посочување на пластични примери околу затварањето на градот, а и реални примери што се соочиле во овие неколку дена, би рекол дека туризмот губи многу.  Сето тоа можеа да го завршат и претходно, но се одлучија сега. Зошто и како, тоа прашање ќе мора да го поставите и вие како новинари, да дадат логичен одговор зошто сега, која е разликата што посебно ова не се последни километри од изградба на автопатот, туку ова е едно од спорните точки од околу 30 или 40 кои сеуште не се завршени на автопатот, рече Пецаков.

Градоначалникот Пецаков порача дека културно, со разбирање ќе побараат овие градежни активности на влезот на Охрид да не се одвиваат сега пред почетокот на туристичката сезона.

Наше е да се избориме, повторно со замолница, со културно, со разбирање, едноставно мораме да имаме разбирање за ова. Најбитната работа е не дека како на Кирил како градоначалник му текнало, за ова имавме реакции од луѓе засегнати директно кои што ги гледале, дополнително Брзата помош, пристапноста до Центарот за трауматологија до Центарот за кардиоваскуларни заболувања, вели Пецаков.

На крај Пецаков заклучи:

Јас не знам какви сеуште предизвици не чекаат пред нас во овие следни 30-40 дена, доколку го испочитуваат рокот, а притоа не са отвори главниот влез во Охрид.

The post Пецаков: Поради градежните активности на влезот на Охрид, туризмот губи многу appeared first on Република.

Поради изградба на автопатот, затворен е влезот на Охрид.

Градоначалникот Кирил Пецаков реагира, негодувајќи дека тоа е случува на почетокот на туристичката сезона во градот.

7 години не помрдна ‘автопатов’, сега на почеток на туристичка сезона 45 дена го затворате влезот на Охрид и се пренасочува цел сообраќај по стариот пат. Пат кој нема капацитет да прими толкава голема бројка на возила и хаосот кој ќе го создавате е неминовен, вели Пецаков.

Градоначалникот јавно ги повика министерот за транспорт и врски, министерот за внатрешни работи и премиерот, да ја сменат одлуката и да овозможат нормален проток на возила во ек на туристичката сезона, а по завршувањето на сезоната да отпочнат со градежните активности.

The post Колона возила и нервоза поради затворениот влез на Охрид, за Пецаков ова нема смисла appeared first on Република.

Факт е дека Охрид години наназад мака мачи со тој долг и некако заштитен знак на Охрид е задолжувањето и нејзината блокирана сметка која што во голема мера го отежнува нормалното функционирање на општината, а со тоа секако и на јавните претпријатија, вели Кирил Пецаков, градоначалник на општина Охрид на денешната трибина во организација на ВМРО-ДПМНЕ на тема Политики за силна култура и развиен туризам.

Пецаков посочи дека иако ја наследил општината со долг од 11 милиони евра од претходниот градоначалник од СДСМ, сепак со домаќинско и одговорно работење се собираат приходи во буџетот на општината и како што рече за многу брзо време истата сметка ќе биде одблокирана.

Последната година вложивме доста напори и да кажам се посветивме на раздолжувањето на општина Охрид, секако мачен процес, но домаќински и одговорно можеме да постигнеме големи резултати. Што значи тоа? Приходот кој што го остваруваме по однос на уредување на градежното земјиште е неколкукратно зголемен, зголемен е данокот на промети и секако со оној закон кој што беше донесен по однос на даноците за стан, куќа која што не се живее, земјоделско земјиште кое што не се обработува и градежно земјиште кое што не изградено, неколкукратно се зголемени тие приходи и суштински го олеснуваат работењето на општина Охрид по однос на финансиската состојба - додаде Пецаков.

Истакна дека иако ја наследил општината со 11 милиони евра долг, динамиката којашто е зададена за многу скоро време ќе даде и многу позитивни резултати и посочи дека Охрид има светла иднина и наскоро може да се очекува одблокирање на сметката на градот Охрид.

Пецаков кажа и дека се чувствува отсуството на поддршка од страна на централната власт, но како што нагласи и покрај тоа неговата работа како градоначалник е да работи и да создава проекти со кои што ќе го подобри животот на граѓаните во Охрид.

Дефинитивно постои еден потежок вид на соработка. Го чувствуваме и сметам дека Охрид како центар на култура и на историско светско природно културно наследство, би требало да има многу поголема поддршка од самата централна власт без разлика од кој од која политичка партија е. Меѓутоа наша работа како локална власт е да работиме и создаваме проекти, да пронаоѓаме начин на финансирање и сето тоа да го реализираме за подобар живот на граѓаните во Охрид - дециден беше Пецаков.

Пецаков, рече дека досега се испроектирани 30 проекти, дел се веќе завршени а дел ќе бидат завршени до крајот на мандатот.

Досега се направени 11 водоводни линии, 9 канализациони мрежи и секако уште многу други проекти кои на дневна основа ги работиме заедно со граѓаните од асфалтирање на улици, уредување на улици и сите оние работи кои за граѓаните се потребни - заклучи Пецаков.

The post Пецаков: Се чувствува отсуството на поддршка од централната власт, но сепак реализираме проекти за граѓаните на Охрид appeared first on Република.

Денеска сме во Охрид, повторно, заедно со претседателот на ВМРО-ДПМНЕ, Христијан Мицкоски и презентираме сето она што во овој период се работи, а секако може да поразговараме и за сето она кое што ќе се работи, изјави денеска охридскиот градоначалник Кирил Пецаков.

Доста активности, доста работи кои што биле дел од нашата програма, има дел и кои што не биле дел од нашата програма. И секако она што претставуваат капитални проекти за Охрид, а во наредниот период ќе се случуваат и за кои што ќе треба да се гордееме сите, се при самиот крај за она што треба да претставуваат конзерваторски одобренија, одобренија за градба и така натаму. Во моментов сме на улицата Ѓорче Петров, улица во вредност од околу 13 милиони денари, каде што имаме конкретна промена, односно нова атмосферска канализација, промена на водоводната линија за кои што со години создаваше проблеми кај луѓето, односно жителите на оваа улица, ново осветлување и секако нов асфалт. Целосна реконструкција од страна на буџетот на Општина Охрид - истакна Пецаков.

Во продолжение тој додаде:

Денеска ќе посетиме уште две локации кои што исто така преставуваат целосна реконструкција на улиците. Тоа е улицата „Марко Цепенков“ и продолжение на она што веќе го сработивме со улицата Момчило Јордановски. Веќе атмосферската канализација е поставена, следува уште тротоарите и секако асфалтирањето на истата.

Третата е улицата Пирин Планина, каде што имавме промена, односно поставување на нова водоводна линија. Дел од улицата немаше канализациона мрежа и таа е поставена и секако реконструкција, односно асфалт на самата улица.

Ќе презентираме и четири нови игралишта кои што ги направивме во овој период, а до крајот на годината, најголемиот дел од детските игралишта ќе бидат реконструирани и ќе имаме четири, вклучително со игралиштето во Велгошти, до крајот на годината мултифункционални игралишта.

На сето ова, кога ќе ги додадеме инвестициите во образованието и веќе при сам крај останува поставувањето на фотоволтаиции на средното економско училиште во Охрид, и со тоа ќе имаме тотална реконструкција на самото училиште. Веќе отпочнавме со припремите за средното училиште гимназија, ја менуваме првично оградата, потоа имаме партерно уредување со поставување на атлетска патека во самиот двор на училиштето и се префрламе внатре со уредување на подот, со варосување на самите на самите ѕидови, докомплетирање на она што треба да преставуваат нови клупи и столчиња. И секако, поставување на смарт табли, буквално во сите училници.

Со тоа, трите училишта кои што се под општина, ќе ги комплетираме и ќе бидат тотално нови до крајот на 2024. Со економското ќе завршиме оваа година, а гимназијата ќе биде 2024, тотално реконструирана и со тоа ги подобруваме условите на училиштата.

Овдека би сакал само една реченица да напоменам затоа што често сум споменуван, посебно од пратеничката Жаклина Лазаревска, како човек кој доаѓа од образованието, за тоа дека парите биле од владата и така натаму. Ако не знае пратеничката, многу порано е започнат процес на децентрализација на општините, кај што дел од средствата кои што се дотации за образование, се доделуваат на самите училишта. Е сега, зошто имаме средства? Ќе кажам една работа, кога дојдов градоначалник кажав долгот во образованието кој што е создаден и изнесува околу 22 милиони, на први септември ќе биде нула денари. Излегов на први септември, кажав дека е вратен долгот во сите училишта и тоа не беше од дотации, туку од домаќинско работење на самата општина. И кога веќе сме го завршиле тоа и работиме домаќински, чесно и одговорно имаме средства за инвестиции.

Уште побитна работа, кога дојдов за градоначалник, околу 50 милиони денари имавме на сметката за образование кои што не биле користени. А, тоа е затоа што работеле, не создавале проекти и не создавале нешто врз основа на кое што ќе може да се потрошат тие пари. Затоа ние ги завршивме сите тие работи, посебно средните училишта, а веќе при крај сме со уште три училишта со кои што ќе завршиме и до крајот на 2023 година ќе ги имаме реконструирано сите тоалети во основните училишта, веќе во средните се завршени. Така да, генерално, условите ги подобруваме и тоа е само и само затоа што, фокусот мој лично како градоначалник, е подобрување на кого ако не на оние на кои што се најбитни за нас, а тоа се младите - заклучи Пецаков.

The post Пецаков: Со домаќинско, чесно и одговорно работење го подмиривме долгот во образование и сега вложуваме во современи и енергетски ефикасни училиштата appeared first on Република.

Градоначалникот на Охрид, Кирил Пецаков, на својот приватен фејсбук-профил реагира на тврдењата на Министерството за култура дека Општина Охрид спроведува активности што би го одобриле градењето на оспоруваниот хотел во населбата Лагадин.

Пецаков вели дека шест години Oпштина Охрид и градоначниците претходни даваат негативно мислење за предметот и шест години второстепената комисија на Министерство за транспорт и врски го враќа на повторно одлучување во Општина Охрид.

За оваа околу една година мандат два пати сум дал негативно мислење како градоначалник за претходно даденото одобрение за градба“, вели Пецаков во врска со вчерашното излагање на министерката за култура Бисера Костадиновска-Стојчевска која рече дека Општина Охрид треба да ја преиспита изградбата на објектот во Лагадин, а до конечната одлука таму да нема активности.

https://republika.mk/vesti/kultura/bisera-kostadinovska-stojchevska-unishtuvanata-na-vlaho-i-na-lagadin-se-presedan-shto-ne-smee-da-se-povtori/

„Овој пат второстепената комисија, веројатно за прв пат во историја одлучува мериторно за овoј предмет и го уважува одобрението за градба од 2015-16 година кое било издадено во тој момент, а покрај мериторната одлука во рок од 2 недели му дава и правосилност на истото, а на нас како општина само ни стигна известувањето без да имаме можност да реагираме, затоа што основот по кој беше поништувано решението за градба сите овие години наназад го падна Министерството заедно со второстепената комисија и на тоа решение е потпишан Благој Бочварски“ пишува Пецаков.

Тој уште најавува дека во текот на утрешниот ден ќе презентира и писмени докази односно документација во прилог на неговите тврдења.

Националната комисија за УНЕСКО на Општина Охрид ѝ препорача повторно да ги разгледа активностите поврзани за изградба на објект на крајбрежјето во Лагадин, притоа водејќи се по препораките од Реактивните мониторинг-мисии на советодавните тела на УНЕСКО и одлуките на Комитетот за светско наследство и почитувајќи го Планот за управување со светското природно и културно наследство на Охридскиот Регион.

Министерката за култура која раководи и со Националната комисија на УНЕСКО исто така и препорача да ја поништи Одлуката за начин на спроведување на постојните урбанистички планови и урбанистичко плански документации и донесување нови урбанистички планови и урбанистички проекти, како и за начинот на водење на постапките за утврдување на правен статус на бесправно изградени објекти, број 08-17370/61 од 22 декември 2022 година и да донесе нова Одлука која ќе биде во согласност со Законот за управување со светското природно и културно наследство на Охридскиот Регион и со Планот за управување со светското природно и културно наследство на Охридскиот Регион, имајќи предвид дека во Законот управувањето со светското природно и културно наследство е од јавен интерес.

The post Градоначалникот на Охрид тврди дека два пати дал негативно мислење по одобрението за градба на хотелот во Лагадин appeared first on Република.

Општина Охрид и Владата, односно ресорните министерства имаат одлична соработка во однос на спроведување на препораките за зачувување на статусот заштитено подрачје во УНЕСКО, потенцира градоначалникот Кирил Пецаков.

Тој во интервју за МИА посочи дека спроведувањето на дел од препораките за зачувување на статусот во УНЕСКО би чинело колку општинскиот буџет за една и пол година, но оти ги реализираат работите чекор по чекор. Со помош на централната власт, нагласи, работат на реализација на проектот за изградба на регионална депонија во Новаци, со што ќе се дислоцира депонијата од Буково, како една од забелешките на мисијата.

Во однос на проблемот со дивоградбите во крајбрежниот појас и националниот парк „Галичица“ потребно било да заврши изработката на регистарот за дивоградби и да се донесе генерален урбанистички план, во кој треба да се вклопат дел од споменатите објекти.

На охриѓани и оние кои ова лето планираат да го посетат охридското крајбрежје им вети дека ќе направи се да уживаат на уредени плажи, онакви какви што му доликува на Охрид. Локалната самоуправа, нагласи, организира низа забавни содржини кои ќе привлечат што поголем број посетители надвор од таканаречениот шпиц на туристичката сезона, а една од тие е „Фестивалот на вода“, што треба да се одржи во втората половина на август. Покрај Охридскиот пливачки маратон оваа манифестација ќе понуди акватлон, трка со кајчиња, ватерполо, регати со едрилици, со кајаци..., но и вечерни забави.

Во продолжение следува целото интервју со градоначалникот на Охрид, Кирил Пецаков:

Охридскиот регион е под мониторинг на УНЕСКО, истекува двегодишниот рок за зачувување на статусот на регионот за спроведување на препораките. Што прави локалната власт за надминување на проблемот со заштитените подрачја?

Како држава и како локална самоуправа имаме одредени препораки и мерки кои во изминатите две години ги спроведуваме. Првично од 2019 година откако се донесе планот за управување на Охрид, сите институции и локални и централни во државата добивме дополнителни мерки и препораки, кои во редовни заеднички координативни состаноци ги гледаме кои до каде се во однос на спроведување. Најбитната работа за мене е дека единствената тема на која имам одлична соработка со централната власт е оваа. Без никакви препреки, без никакви проблеми. Заеднички ги спроведуваме сите работи кои се застапени. Да, има работи кои се поврзани само со локалната. Да, има работи кои се поврзани само со централната власт, но има работи кои се заеднички. Дел од мерките кои треба да се спроведат во Општина Охрид за зачувување на статусот во УНЕСКО по однос на проекти би чинеле 13 до 14 милиони евра, што од прилика е буџет од една и пол година на Општина Охрид. Што значи изискува огромни финансиски средства за да се спроведат, но ние ги започнавме работите чекор по чекор. До крајот на 2023 година ќе ги имаме сите проекти. Повеќе од половина се готови, останува уште два да ги добиеме како финален продукт и она што заеднички треба да го направиме со помош на централната власт е дислокација на регионалната депонија Буково. Во изминатите три месеци, одржани се три состаноци, секој месец по еден, на кои се разговара и се добива одредено темпо на работа што треба да го спроведуваме како локална самоуправа.

Проблемот со дивоградбите години наназад се провлекува, тоа е и една од забелешките на мисијата на УНЕСКО. Посебен проблем се дивоградбите во заштитените подрачја крај езерскиот појас и НП Галичица. Изработен е регистар на дивоградби, се чека донесување на генерален урбанистички план. До каде е овој проект, дали има детален увид во дивоградбите? За кога е планирано нивно отстранување и дали општината има капацитет да се справи со овој проблем?

Регистерот на дивоградби беше често споменуван, посебно во 2020/21 година. Но не е финален. На редовните состаноци со министерствата за транспорт и врски, животна средина и просторно планирање и култура, научив дека не е завршен, не е финален продукт. Но, во препораките од она што табеларно е доставено до Општина Охрид по однос на дивоградбите што се во 50-те метри од езерото и во Националниот парк „Галичица“, откако ќе се заврши регистерот првично е потребно да се види што е возможно да се вклопи во Генералниот, односно деталниот урбанистички план. ГУП-от очигледно е најголемиот проблем на Охрид и генерирањето на овие дивоградби, бидејќи конечната бројка што ќе ја добиеме како дивоградби во Охрид не се однесува за згради, туку најчесто се семејни куќи и куќарки, дури и многу далеку од центарот на градот. Затоа е битно да се види што е тоа што може да се вклопи. Ние почнавме процес кој поминал повеќе од половина пат, а тоа е детални урбанистички планови за 21 село во Охрид, што значи најголем дел од овие објекти ќе бидат инкорпорирани во нивните урбанистички планови и нема да се дивоградби.

Она што ќе остане спорно по носењето на ГУП и ДУП ќе може да се провери дали е можно да продолжи да егзистира понатаму како градба или не. Доколку не, ќе се каже дека ова е нешто кое треба да се насочи. Убеден сум дека тоа треба да е заеднички процес со централната власт, бидејќи Општината и во овој случај не е така финансиски моќна да спроведе акција на чистење, односно рушење на дивоградби. Тука е потребна државата, пред се Министертсвото за транспорт и врски заедно со нашите инспекторати и Државниот градежен инспекторат и да можеме да го решиме и тој проблем. Чекор по чекор, се надевам дека ќе се реши за брзо.

Горлив проблем за охриѓани и регионот е изградбата на регионална депонија, и тоа беше забелешка на УНЕСКО. До каде е овој процес и има ли општината финансиска можност за дислокација на депонијата од Буково?

Општината нема финансиска можност, ниту пак локација каде да ја дислоцира. Но, општините од Југозападниот плански регион заедно со Министерството за животна средина отпочнавме проект за грант преку Светска банка од околу 60 милиони евра. Предвидена и изградба на седум претоварни станици и регионална депонија во општина Новаци. Ќе се формира регионално претпријатие со цел да се подигне грантот, да се изгради регионалната депонија и седумте претоварни станици. Понатаму како ќе функционира тоа регионално претпријатие, дали директно под една општина, во случајот тоа би била Општина Новаци, бидејќи таму ќе биде лоцирана регионалната депонија или ќе биде дадено на јавно приватно партнерство, кое понатаму со депонирање на отпадот би произведувало био гас или слично. Во моментот зависи од добивањето на тој грант. Работите се закочени, бидејќи Општина Новаци имаше едно барање за регионалната депонија да биде на нивна територија, а тоа е да има обиколница и камионите кои ќе депонираат отпад да не се движат низ општината. Проектот го добија со ребалансот на буџетот во декември, а изградбата на обиколницата ја има и во новиот буџет. Процедурата може да почне и зависи од МЖСПП, кога ќе го даде знакот.

Иако туристички центар во земјава, Охрид две години помина без уредени плажи. Презема ли нешто локалната самоуправа за ова лето да ги дочекаме туристите на плажи, онакви како што доликува во еден туристички центар?

Ова е тема, за која немам соработка со централната власт и ми е премногу тешко и да ја разговарам и да ја решавам. Многу состаноци се поминати, но досега не сум излегол во јавност, ниту сум известил колку состаноци сум направил со катастар, Министерство за транспорт и врски и Агенцијата за просторно планирање. Генерално, урбанизирањето на плажите, односно каде Охрид ќе има плажи зависи од Агенцијата за просторно планирање и планот што треба да го донесе. Во неколку наврати имам кажано дека тие не ги добиле ниту подлогите од Влада за да можат да го изработат. Тој план за крајбрежје не го гледам во блиска иднина.

Јас ќе направам се, односно убеден сум дека ова лето онаму каде што веќе има одредени објекти и постоеле плажи ќе можеме да ги издадеме да работат, а понатаму со носењето на планот за охридското крајбрежје ќе знаеме точно на кое место можеме да уредиме плажи, по кои услови и слично. Тие ќе си имаат одредени услови кои треба да ги исполнат. На Охрид дефинитивно му недостигаат плажи. А колку тоа му недостига и колку сум бил во право и пред кампања, и за време на кампања, но и откако сум градоначалник, односно какво е суштинското значење на плажите и што значат уредени плажи на туризмот слушнавме уште на првата посета на Саемот за туризам, лани во Белград. Кога ќе слушнеа дека сме од Охрид единствено прашање им беше тоа. Што е и нормално, на секој што ќе дојде од странство целта му е да оди на уредена плажа и да го помине своето време за одмор на уредена плажа и да може да ужива во Охрид и Охридското Езеро. За нас како град плажите се од суштинско значење и претставуваат дел од туристичката понуда и секако нешто кое Охрид го красело со години.

Тешко е. Не викам невозможно. Можеби изгледа како невозможно, но мора да го завршиме ние како локална самоуправа настрана од централната власт. Силно сум уверен дека ќе ја завршам работата како градоначалник заедно со Советот на Општина Охрид и летово Охрид ќе има уредени плажи.

Колку се подготвени потенцијалните концесионери да инвестираат во исполнување на еко стандардите?

Не е битно дали се подготвени или не се, битно е дека ќе има услови кои ќе треба да ги исполнат.

Најавивте „Фестивал на вода“ во втората половина на август, какви други содржини ќе понуди градот за привлекување повеќе туристи, но и за продолжување на туристичката сезона?

Токму ова е една од работите на која сум посебно горд, што се посветува фестивал на нешто што е изворно, поврзано со Охрид, односно тоа се спортовите на вода. Покрај спортови на вода ќе има презентација на локална храна, локални винарии, забави... Концепт, каде секој кој сака да посети дел од овие настани ќе има можност и вечерта да ужива во Охрид. Тука ќе биде маратонот, акватлонот, трка со кајчиња, ватерполо, регати со едрилици, со кајаци, настани на базен... И други содржини кои ќе се интресни за охриѓани, а привлечни и за туристи, за секој што сака да го посети Охрид. Ова ќе го презентираме на Саемот за туризам во Белград, а преку Охрид трчаТ, кој како изградена институција, која два-три дена нуди богата програма за сите кои се занимаваат со маратонското трчање, „Фестивалот на водени спортови“ ќе го презентираме во соседните, но и останатите Балкански држави.

Покрај оваа содржина, која претставува дополнително привлекување туристи надвор од шпицот на туристичката сезона, ние лани пробавме со организирање „Вино фест“ во септември, кој имаше голема посетеност и позитивен поврат од граѓаните и посетителите. Ќе го има и годинава, а нема да изостанат и останатите содржини кои ги нуди градот, а не се поврзани со локалната самоуправа. Се она што ќе го понудиме надвор од туриситчката сезона, што ќе го измислиме ние или во соработка со партнери ќе биде тоа што ќе носи дополнително гости во градот.

Години наназад во екот на туристичката сезона се води негативна кампања за Охрид, во однос на гостопримство, високи цени, хигиената во градот, немањето јавни тоалети... Што ќе преземе локалната власт да се подигне имиџот во нашиот туристички центар?

За жал, како Македонци гледаме да си наштетиме еден на друг и овие наслови од разноразни портали, незнам колкава штета нанесуваат, но повеќе штетат кај домашните туристи, отколку на странски. Охрид има огромен број туристи од странство. Соодносот странски - домашни туристи во 2022 година е четири спрема еден. Ние сами си штетиме едни на други. За Охрид не можам и не сакам да дозволам да има такви квалификации и дисквалификации. Охрид е дефинитивно бисер на Балканот. Шетајќи низ Европа изминатите години, од тоа што сум го поминал, она што ние го имаме е ценето и препознаено. Очигледно позитивно поминале годините на презентација кога Охрид доста се презентираше. Познат е посебно во поранешна Југославија и е исклучително ценет во меѓународните кругови. Охрид е дефинитивно бисер на Македонија, бисер на Балканот. Не доволно си го цениме, прво охриѓани, а потоа и сите ние во државата не можеме да го сфатиме значењето. Негативните статии само докажуваат какви како личности сме ние Македонците, а не кажува за тоа дали Охрид е добар или лош град. Зголемената бројка на посети на туристи од странство и тоа не зборувам за организираните од Холандија, Полска..., туку сите кои рандом го посетуваат Охрид, зголемената бројка на чартер летови во туристичката сезона се тие кои го полнат градот. Охрид е преубав не само во лето туку и во целата година. И пак ќе кажам што повеќе си го цениме ние, толку повеќе ќе го ценат и другите.

Покрај туристички град, Охрид во последно време се повеќе се индустријализира, се отвораат нови погони, нови фабрики, но тоа како да не е доволно и младите си одат од градот. Имате ли некаква стратегија за задржување на младите тука во Охрид?

За задржувањето на младите во Охрид, но и во Македонија е потребен сериозен пристап. За тоа е потребна централна власт, која силно размислува на таа тема. Не дека ние како локална се изземаме од тоа. Во нашата држава од некаде треба да почне да функционира системот. Кај нас очигледно имаме проблем со функционирање на системот, со одредени светли моменти во нашата историја од 30 години како независна држава. Генерално имаме проблем со функционирање на системот. Најмал проблем, според мене е стандардот, работните места и така натаму. Недовербата во системот, кај институциите е тоа што младите ги брка надвор од државата. Ние мора заеднички да работиме и централна и локална власт да успееме да направиме системот да почне да функционира. Враќањето на довербата во системот ќе доведе останување на младите тука. Значи не е ниту до работните места, ниту до стандардот, колку што е недовербата во системот и нееднаквоста на сите.

Излеговте со богата предизборна програма, колку од ветените проекти се веќе почнати да се реализираат и какви новини да очекуваат охриѓани во наредниот период?

Од ситните работи или оние кои се суштински или во однос на некаква помош или стимулирање од страна на Општината повеќе од 30-40 проценти заклучно со овој буџет се исполнети. Од капиталните, кои беа топ 10 во предизборната програма, за седум веќе е завршена проектната документација, следува фаза на изградба или аплицирање за пронаоѓање финансиски средства. До крајот на септември сите 10 проекти ќе бидат испроектирани и спремни за реализација.

Охриѓани, но и посетителите се соочуваат со проблем со паркирањето во централното градско подрачје. Вашите претходници ветуваа изградба на катна гаража, но тоа не се реализира. Еден од капиталните проекти во Вашата програма беше токму изградбата на катна гаража ќе се реализира ли кончено ова ветување?

Години се зборуваше, меѓутоа јас ќе го направам. Проектот е пред конзерваторско одобрение, кога ќе го добиеме, ќе одиме на одбрение за градба и ќе почне изградба оваа година. Заедно со плоштадот „Крушевска Република“, улицата „Гоце Делчев“ од завршетокот на Старата чаршија до излезот кај стариот пат за Струга, односно до Здружение на возачи, влезот на Охрид од кај Битола, односно реконструкција на кружниот тек кај Електро машинскиот училишен центар до фабриката „Братство“, на улицата „7 Ноември“. Тие ќе се поголеми зафати. Ситните она што веќе го работиме по однос на решавање на канализации, водоводи, асфалтирање улици, сокачиња низ градот е нешто што си оди тековно.

Наесен, односно од септември ќе почне реконструкцијата на плоштадот „Крушевска Република“. Сега нема да отпочнуваме затоа што роковите за градба не излегуваат секогаш онака како што сме планирале, а пред нас е летната сезона. Овој плоштад заедно со плоштадот „Свети Климент Охридски“ е најфрекфентното место во Охрид и не е добро да е раскопано.

Што презема Општината во однос на подобрување на условите во училиштата, што е она што правите за современ образовен процес?

Секојднево работиме и добар дел на буџетот на Општина Охрид го трошиме таму. Каде, ако не кај оние што се најбитни, оние што се иднина на градот и на државата. Она што се случува е повеќе од видливо и голем дел не е презентирано во јавноста. Веќе имам проекти за изградба на две нови училишни згради во основните училишта „Кочо Рацин“ и „Григор Прличев“. Тоа е нешто што сакам да го одбележи мојот мандат. На 1 септември гордо излегов и кажав дека образованието има нула долг, а го наследив со 22 милиони денари. Во економското училиште го завршивме проектот за енергетска ефикасност, кој го наследив. Реализиравме и проекти за промена на начинот на греење, партерно уредување на дворот, изградба на помошни простории и се што беше потребно за училиштето. Сега почнуваме со гимназијата, таму внатрешно опремивме и осовременивме кабинети и тоалети, а сега ќе почне промена на оградата, партерно и внатрешно уредување. Обезбедени се сите работи што фалеа во Електромашинскиот училишен центар, од приспособување тоалети за инвалиди, лифотви, нови клупи и столови, смарт табли. Не постои основно училиште каде не сме почнале санација на санитарни јазли и се што е потребно.

Во однос на образованието, културата и спортот ќе останам силно посветен додека сум градоначачлник со силна финансиска поддршка. Во образованието не се само реконструкциите и подобрувањето на условите. Имаме вистинско вреднување на трудот и на менторите и на оние што освојуваат награди на државни и меѓународни натпревари. Имаме стимулација на сите кои заслужуваат, како и стипендирање на ученици и студенти со ретки болести.

Мене ми е сосема јасно што значи образованието. Знам на кој начин сум се едуцирал, знам колку сум учел, колку сум вложувал во себе и знам како треба сето тоа да продолжи. Наша работа е да ги обезбедиме сите услови, а за образованието и сите фалинки што ги има системот низ годините, убеден сум дека наскоро ќе дојде власт која ќе има визија и идеја како треба во образованието

The post Пецаков: Проектите за зачувувањето на статусот во УНЕСКО би чинеле 13 до 14 милиони евра appeared first on Република.

Општина Охрид и Владата, односно ресорните министерства имаат одлична соработка во однос на спроведување на препораките за зачувување на статусот заштитено подрачје во УНЕСКО, потенцира градоначалникот Кирил Пецаков.

Тој во интервју за МИА посочи дека спроведувањето на дел од препораките за зачувување на статусот во УНЕСКО би чинело колку општинскиот буџет за една и пол година, но оти ги реализираат работите чекор по чекор. Со помош на централната власт, нагласи, работат на реализација на проектот за изградба на регионална депонија во Новаци, со што ќе се дислоцира депонијата од Буково, како една од забелешките на мисијата.

Во однос на проблемот со дивоградбите во крајбрежниот појас и националниот парк „Галичица“ Пецаков вели дека е потребно да заврши изработката на регистарот за дивоградби и да се донесе генерален урбанистички план, во кој треба да се вклопат дел од споменатите објекти.

ГУП-от очигледно е најголемиот проблем на Охрид и генерирањето на овие дивоградби, бидејќи конечната бројка што ќе ја добиеме како дивоградби во Охрид не се однесува за згради, туку најчесто се семејни куќи и куќарки, дури и многу далеку од центарот на градот. Затоа е битно да се види што е тоа што може да се вклопи, рече Пецаков.

На охриѓани и оние кои ова лето планираат да го посетат охридското крајбрежје им вети дека ќе направи се да уживаат на уредени плажи, онакви какви што му доликува на Охрид. Локалната самоуправа, нагласи, организира низа забавни содржини кои ќе привлечат што поголем број посетители надвор од таканаречениот шпиц на туристичката сезона, а една од тие е „Фестивалот на вода“, што треба да се одржи во втората половина на август. Покрај Охридскиот пливачки маратон оваа манифестација ќе понуди акватлон, трка со кајчиња, ватерполо, регати со едрилици, со кајаци..., но и вечерни забави.

Во интервјуто Пецаков говори и за реализацијата на клучните инфраструктурни проекти ветени во неговата предизборна програма, како што се изградбата на катна гаража, реконструкција на плоштадот „Крушевска Република“ инвестициите во образовниот систем, а најави и изградба на две нови училишни згради.

Интервјуто со градоначалникот на Охрид, Кирил Пецаков во целост ќе биде објавено утре. 

The post Пецаков: Дел од препораките на УНЕСКО ќе не чинат колку општинскиот буџет потребен за година и пол appeared first on Република.

Почитувани, иако е градот со наследени големи долгови, најдовме начин да вратиме добар дел од нив. но, и реализиравме вистински проекти за Охрид. Веднаш започнавме со проектот за реконструкција на „Македонски просветители“ во центарот на градот, со што се направи целосно автентичен лик на центарот на Охрид. И нема да застанеме тука - изјави во своето обраќање градоначалникот на општина Охрид, Кирил Пецаков во кампањата „Промените на дело“ во организација на ВМРО-ДПМНЕ.

Пецаков додаде дека за следната година со буџетот кој што заедно се планираше со граѓаните предвидени се уште повеќе зафати во образованието, во културата, спортот и екологијата. Ќе има уште повеќе инфраструктурни проекти во канализации, асфалтирање и поплочување.

Комплетно да ја менуваме атмосферската канализација, да изградиме велосипедска патека, паркинзи, нови тротоари како што доликува за Охрид. Проекти од заеднички интерес за сите. Би ги издвоил целосната реконструкција на улицата „Гоце Делчев“, и реконструкцијата на плоштадот „Чинар“. Раководењето на Охрид не е само инфраструктурата во градот и околните населени места, како улици и цевководи, што го сметам за редовна активност туку и бара особено внимание за природата и културата, како нацрт закон за Студенчишко блато, подготовка за прогласување на Охридското езеро за споменик на природата, дислокација на депонијата во Буково, изградба на прочистителни станици во селото Трпејца, Љубаништа и Горно и Долно Лакочереј - појасни градоначалникот на општина Охрид.

Пецаков посочи дека се спаси најголемата манифестација во Охрид, Охридски пливачки маратон, која заради негрижа ќе згаснеше шест децениската традиција.

Охрид мора да продолжи да ги чувствува промените- порача Пецаков.

Претседателот на ВМРО-ДПМНЕ, Христијан Мицкоски нагласи дека општина Охрид не е само туристички центар, туку колевка на македонската историја и духовност.

Охрид не е само град на езеро, не е само туристички центар, Охрид е душата на Македонија, колевка на македонската историја и духовност. Охрид нема да застане да ги живее промените, предизвикани со чесна и одговорна работа. Кирил Пецаков е личност која што докажа дека е ценета од сите и така ќе продолжи - рече Мицкоски.

Мицкоски најави дека ќе започне изградбата на плоштадот „Крушевска Република“, капитален проект вреден 47 милиони денари, како и целосна реконструкција на улицата „Гоце Делчев“, проект тежок 36 милиони денари.

Охрид мора да продолжи по патеките на чесното и ветеното, промените на дело - порача Мицкоски.

The post Мицкоски: Охрид ги чувствува промените, ќе започне изградбата на плоштадот „Крушевска Република“, капитален проект вреден 47 милиони денари appeared first on Република.

Охридскиот градоначалник Кирил Пецаков, кој е дел од Управниот одбор на ЗЕЛС, е незадоволен од работата на ова тело на чие чело е градоначалничката на Скопје, Данела Арсовска. За „Алфа“ сподели со какви проблеми со соочиле годинава градоначалниците во рамките на ЗЕЛС.

Не само што не успеавме туку воопшто, неуспешно се боревме за локалните самоуправи, односни за општините каде што градоначалствуваме, а имавме многу предизвици кои можевме да ги реализираме за добробит на граѓаните. Имавме проблеми со снабнудавање со електрична енергија, па се формираа нови јавни претпријавите кои што беа пуштени на регулиран пазар врз основа на законте кои што ги имаме во Македонија по бројката на вработени и по обртот кој што го прават на годишно ниво, па понатаму беа вратени. Цените на електричната енергија посебно во јавните претпријатија кои што се занимаваат со вода и прочистување на отпадните води исти така оставени на милост и немилост. На директорите кои што беа поставени не им се дозволуваше да полагаат директорски испит и на тој начин останаа без лиценци, исто така за истакнување е тоа што беа одземни ингеренции во образовнието, рече Пецаков.

Потенцираше дека како ЗЕЛС немале довочно состаноци.

Најголем дел беа организирани самоиницијативно од членовите на управниот одбор за тоа е потребно една третина да се свикаат.Можеби, не знам ќе разберам уште поголем предизвик е и потешко да се води градот Скопје, очигледно е тоа веќе ги гледаме проблемите таму што се случуваат па можеби и нема време за управниот одбор на ЗЕЛС меѓутоа како и да е генерално за управниот одбор на ЗЕЛС ќе ја оценам како неуспешна година. Можам да кажам дека можевме многу повеќе, посебно во делот на она што треба да претставува суштинско функционирање на локалните самоуправи односно реалната поддршка која што треба да добиваат од централната власт и нормалниот однос помеѓу локалната и централа власт, завршива Пецаков.

The post Охридскиот градоначалник е незадволен од работата на ЗЕЛС appeared first on Република.

Општина Охрид вечерва одржа свечена академија во чест на Свети Климент – патронот на градот, на која беа врачени повелбата и признанијата.

Македонија и Македонците низ вековите поминале многу ветрометини, падови и негирања, но секогаш изнаоѓале сила да опстојат, да се исправат и да продолжат по патот Свети Климентов, кој е поплочен со љубовта кон Бога, човекољубие и милосрдие. Тоа нè прави кротки и одлучни, нежни и цврсти, трпеливи и непоколебливи. Тоа е нашето најголемо наследство од Свети Климент Охридски, за кое верувам дека успешно ќе го пренесеме на следните генерации низ вековите, истакна градоначалникот на Општина Охрид, Кирил Пецаков на свечената академија по повод „Свети Климент Охридски“ – патронот на градот.

Вечерва, нагласи тој, душата на секој охриѓанец и Македонец е исполнета со радост, трепет, и блажество, затоа што го славиме нашиот најголем духовен водач и учител, епископ и народен трибун, заштитникот на Охрид и Македонската православна црква, Свети Климент Охридски.

Точно илјада сто и шест години нè делат од земската неприсутност на Свети Климент меѓу нас – Македонците, но и исто толку години не поврзува нераскинлива духовна, културна и морална сплотеност со неговото дело. Ретко кој народ, како македонскиот, може да каже дека има таква нераскинлива историска и духовна вертикала во својата опстојба и битисување. Тоа е затоа што Свети Климент Охридски е нашиот првоучител, чија дејност и мисла е длабоко во темелите на нашето постоење и културно препознавање. Неговото монументално и божествено дело недвојбено ја покажува нашата посебност во светската асамблеа на народите, рече Пецаков.

Создавањето на првиот Словенски универзитет и описменувањето на 3.500 ученици, кои ќе ја шират верата и писменоста во целиот словенски свет, поред градоначалникот, покажува дека Охрид и делото Климентово не е најважно само за Македонците, туку и за целиот словенски род.

А нашиот град е најзначајнииот духовен центар, кој преку Охридската книжевна школа ги промовира универзалните човечки вредности. А тие се промовирале, растеле и развивале врз постулатите кои ни ги остави Свети Климент, подвлече Пецаков.

Потсети на најголемата и најважната етичка порака „Тргај се од злото и прави добро“ како и на постулатот „Да се надминуваме еден со друг со добрина“.

На академијата беа врачени највисоката општинска награда „Свети Климент Охридски“ на годинашниот добитник архимандритот Нектариј, игумен на манастирот Свети Наум Охридски и повелбата – Патрон на градот „Свети Климент Охридски“ на четворицата добитници: Димче Каневче, Летка Филипова и здруженијата за еднаква застапеност на лица со посебни потреби во медиумите „СОС Балкан медиа“ и за мултиркултурна интеграција „Инклузија“ за нивната хумана дејност.

Архимандрит Нектариј, Свети Климентовата награда ја доби за долгогодишните остварувања и врвни достигнувања за време на неговиот повеќе-децениски јеромонашки чин во манастирот „Свети Наум Охридски“. Тој изрази благодарност за признанието, посочувајќи дека чистењето и уредувањето на дворот на манастирот не е кој знае каква голема заслуга, туку е обврска. Наградата, нагласи, ја дополнила радоста од признавањето на автокефалниот статус на Македонската православна црква – Охридска Архиепископија, како убава завршница на оваа, иако за светот немирна, 2022 година.

Што и да направиме во овие две свети места со историја подолга од 1100 години, нашето нема трајност повеќе од триесеттина до педесет години, под услов ако се одржува грижливо, рече архимандритот.

Неговиот влог во уредувањето на манастиркиот комплекс го спореди со главица лук, а останатата заслуга им ја прфрли на, како што нагласи, оној кој го поставил во Свети Наум, на неговите претходни и сегашни соработници и на сите кои несебично и макотрпно се вложиле себеси во овие 31 година во Свети Наум.

Ние сме сега свои на своето, она што не бевме не само години и децении, туку столетија наназад. Поминаа многумина императори и администратори, пастири и душегрижници кои малку донесоа, а многу однесоа и си заминаа оставајќи го стадото од устата на волкот во устата на лавот. Ние останавме, бидејќи ова е наше и после секое нивно бегање, моравме да го чистиме и уредуваме растуреното и пустошот, истакна Нектариј.

Пред присутните во полната сала на центарот за култура „Григор Прличев“ порача дека сме должни да ги чуваме езерото, Галичица, Охрид и неговите светилишта.

Мотивот и замислата манастирот Свети Наум да биде уреден и чист, и покрај сета негова природна убавина, е одамнешна желба од самото мое доаѓање во Свети Наум пред повеќе од 30 години. Да се радуваш на туѓата радост и да им приредиш радост на луѓето и да ги видиш нивните задоволни и насмеани лица, тоа е рамно на литургија, а литургијата значи служба, истакна архимандрит Нектариј.

Свети Климентовата повелба, како што порача Летка Филповска, која е еден од иницијаторите за отпочнување на Бадниковата поворка во Охрид, но и позната по својата хумана дејност, нека биде поттик за сите што сакаат да помагаат.

Димче Каневче, кој по трет пат ја добива повелата за Свети Климент им порача на сите што можат да помогнат тоа да го направат и да израдуваат некое семејство.

Се работи за семејства кои те прават тажен со своите приказни, но од друга страна те прават и среќен. Секоја приказна е делче од мозаикот која ја прави таа среќа. Се надевам дека оваа повелба ќе биде мотив за многу луѓе да им помогнат на тие околу себе. Доволно е да се завртиме околу себе да видиме каде има потреба да се помогне па макар и на еден ден да им се подобри животот, порача Каневче.

Чествувањата во чест на Свети Климент – патронот на градот Охрид ќе продолжат утре со поклон пред моштите на Свети Климент Охридски во манастирот „Свети Климент и Пантелејмон” на Плаошник, полагање цвеќе на споменикот на Свети Климент Охридски во училишниот двор на „Свети Климент Охридски“ и на момументалниот споменик на Свети Климент Охридски на Градскиот плоштад, како и врачување награди на најдобрите поетски творби на наградниот ученички литературен конкурс по повод Патронот на Охрид.

Програмата ќе се заокружи вечерта со настап на Македонските фолклорни ансамбли во чест на Свети Климент Охридски на големата сцена во центарот за култура „Григор Прличев“.

The post Пецаков: Македонците низ вековите поминале многу, но секогаш изнаоѓале сила да продолжат по патот на Свети Климент appeared first on Република.

Кирил Пецаков, градоначалник на Охрид на денешната негова изјава на настанот „Твојата идеја за промени“ каде што граѓаните предлагаат проекти и идеи кои ќе бидат вклучени за следната буџетска година истакна дека граѓаните се организирани на ниво на месни заедници, имаат свои предлози со суштински потреби за нивните населени места и сите проекти се на нивно барање.

Очигледно граѓаните се организирани на ниво на месни заедници, имаше неколку прашања кои побараа да влезат во програмите во Буџетот односно во изгласувањето на самиот буџет, меѓутоа месните заедници како што кажав се организираа, имаат свои предлози и би рекол дека принципот кој што создадовме во минатата година секако кога нешто е битно да се направи без разлика дали е тоа асфалтирање на некакви улици, проблеми со водата, нова водоводна линија, канализациона мрежа или било каква потреба да е, ние сме биле во комуниакција со нив. Не била лична моја желба или на секторот туку нивните долгогодишни проблеми ги решававме и ова е повик го сфатија буквално така, тие се дојдени би рекол спремни за она кое што се нивни суштински потреби, побарувања за да влезат во буџетот во наредниот период. Овој принцип би рекол на функционирање го воведовме, а сме поблиску до граѓаните и овие отворени денови каде што повторно ќе бараме од граѓаните одредени предлози за буџетот, така ќе продолжи да функционира и понатаму затоа што ние како локална власт ја црпиме силата исклучиво од граѓаните, рече градоначалникот Пецаков.

Тој посочи дека во централното градско подрачје има места кои што сеуште не се поврзани со канализациона мрежа.

Во централното градско подрачје има места кои што сеуште не се поврзани со канализациона мрежа, така да тоа е една од основните работи и секако пристапот до вода до секој граѓанин не е еднаков посебно во летниот период кога ние како град имаме голем проблем заради зголемувањето на бројот на туристи, кажа градоначалникот Пецаков.

На крај градоначалникот Пецаков додаде:

Многу е тешко за реализирање на она кое ние го имаме како замисла, но дополнителна тежина ни претставуваат јавните претпријатија кои што сами по себе функционираат со блокирана сметка и нивните основни потреби за материјали, за работа за она кое што треба да го сработат на терен, а е зададено од локалната самоуправа се голем проблем за нив. Но оваа година ние сработивме преку 30 милиони заедно со јавните претпријатија што не е случај со минататa година и сме му дале можност наместо она кое било во 2021, 8 милиони сега да сработи околу 30 милиони, значи сме му дале на прeтпријатијата да живеат односно да ја извршуваат нивната работа, да можат да плаќаат плати и да ги сервисираат сите оние тековни обврски кои што ги имаат.

The post Пецаков: Граѓаните се организирани на ниво на месни заедници и имаат свои предлози за нивните населени места appeared first on Република.

Градоначалникот на Општина Охрид Кирил Пецаков очекува позитивен извештај од УНЕСКО за состојбата во Охридскиот регион, во февруари, изразувајќи задоволство од соработката со централната власт во однос на тоа прашање.

Одговарајќи на новинарски прашања денеска на прес-конференција на која даде отчет за сработеното во едногодишниот мандат, тој посочи дека локалната самоуправа финансиски не е во можност да ги реализира препораките, посочувајќи дека само за отстранување на депонијата Буково биле потребни 14 милиони евра.

Ова е голема сума со оглед дека годишниот буџет на Општина Охрид е 10 милиони евра и немаме ние можност сами да го завршиме. Доволно е што имаме проектна документација и се надеваме дека во соработка со УНЕСКО аплицирајќи за средства преку грантови ќе можеме да ги реализираме што побрзо овие проекти, рече Пецаков.

Во однос на прашањето за отстранување на дивоградбите во заштитеното подрачје, појасни дека тоа бил процес кој се реализира во неколку фази.

Првата беше формирањето на она што треба да претставува регистар на дивоградби. Понатаму заеднички со Министерството за транспорт и врски и Владата откако ќе заврши конечно планот за управување на Охридско крајбрежје, кој е суштински за понатамошниот тек и напредувањето во однос на препораките и мерките поставени од УНЕСКО, кои требаше да го завршат во декември 2021 година. Не е завршен, но откако ќе заврши следува процес, каде во кој реон и дали може да се вклопат во урбанистички планови. И последната фаза е конечното чистење, ќе остане одредена бројка која ќе има иднина понатаму. Во зависност како што државата и Општината ќе одредат согласно препораките на УНЕСКО, појасни Пецаков.

Според него, прецизно се знае кои министерства за што се задолжени, а за што Општината и Владата.

– Има одредени заостанувања, но и доста работи, во кои државата заедно со Општината напреднале врз основа на комуникациите. Сите останати документи и работи поврзани со исполнување на мерките и препораките на УНЕСКО се во тек, почнати или при крај. Единствена работа за која сум екстремно задоволен е соработката со централната власт. Доста заеднички размислувања и заеднички чекори во однос на мерките. Немам никаква кочница, ниту препрека. Едноставно заеднички работиме и ги исполнуваме препораките и мерките, кои сме ги добиле во изминатиот период, подвлече Пецаков.

The post Пецаков екстремно задоволен од соработката со централната власт appeared first on Република.

Потпретседателот на ВМРО-ДПМНЕ, Александар Николоски на својата официјална Фесјбук страница објави дека заедно со Кирил Пецаков, градоначалник на Општина Охрид присуствувале на ракометниот натпревар РК Струга – ГРК Охрид.

Спортот мора да е приоритет за развој и инвестиции. Многу подобри денови доаѓаат за македонскиот спорт, напиша Николоски.

The post Николоски и Пецаков на ракометното дерби Струга – Охрид: Доаѓаат подобри денови за македонскиот спорт! appeared first on Република.

Охридскиот градоначалник Кирил Пецаков доби пица со својот лик. Специјалитетот е дело на охриѓанецот Дејан Трајанов – Чеде, во знак на благодарност до градоначалникот за изразената поддршка.

Инаку, Чеде на „Гастро туристичкиот фестивал“ 2022 година освоил златен медал во категоријата на подготовка на пица и сребрен медал во категоријата за подготовка на паста и златен медал за апсолутен победник.

The post Пица со ликот на охридскиот градоначалник Пецаков! appeared first on Република.

Охридски пливачки маратон заврши, а ќе остане запишано како едно од најиеизвесните изданија. Прво претседателот на државата кој е покровител информираше дека поради блокирана сметка на пливачката федерација, оваа година маратонот нема да се одржи. Но, за изненадување на многумина тој денеска се појави во Охрид. Изненаден е и градоначалникот Кирил Пецаков.

„Од тоа што имав прилика кратко да разговарам со него, а и денеска тоа што го имаше објавено дека бил покровител не можам да разберам како пред четири недели напиша дека нема да се одржи маратонот, а сега бил покровител. Веројатно тоа е дел од неговиот пи-ар, а реалноста е сосема друга. Ова денес што се случува е заслуга на Општината, Агенцијата за млади и спорт и спонзори кои го сакаат градот“, изјави Пецаков за САКАМДАКАЖАМ.МК.

Градоначалникот на Охрид Пецаков најави преземање на манифестацијата од Пливачката федерација.

„Презадоволен сум од тоа што и воопшто успеавме да го организираме маратонот. Наша цел како локална самоуправа е со преземањето на организацијата да направиме секоја следна година да имаме подобро издание и да биде манифестација со која цела држава ќе се гордее“, кажа градоначалникот Пецаков.

The post Градоначалникот на Охрид се чуди што бара Пендаровски на Охридски маратон appeared first on Република.

Охридскиот градоначалник Кирил Пецаков на прес конференција објави дека најстарата спортска манифестација е спасена. Тој објасни дека Охридски маратон годинава сепак ќе има а од следната Општина Охрид ја презема организацијата.

https://republika.mk/sport/ostanati-sportovi/ohridskiot-plivachki-maraton-prezivea-vojni-i-pandemii-no-ne-i-sdsm-i-pendarovski/

Маратон ќе има. Две или три години има неисплатен фонд кон пливачите.Начинот на водење на овој маратон од година во година се уништува.Тоа се гледа и во посетеноста. Ќе направиме се што е во наша моќ да го организираме маратонот а од следната година и да го организираме-изјави градоначалникот.

Ова доаѓа откако првиот човек на пливачката федерација Горан Стојановски и шефот на државата Стево Пендаровски кој досега беше покровител објавија дека маратон нема да има поради финансиски проблеми.

The post Пецаков: Maратон годинава ќе има, од следната Општина Охрид ја презема организацијата appeared first on Република.