Maкедонија стигна до нов успех на Светското првенство во кик-бокс за кадети и јуниори. По вчерашниот златен медал на Марија Димовска, денеска успешен настап имаше Силвио Мировски, пренесува „Скопје1.мк“.

Мировски стигна до златниот медал во конкуренција на постари јуниори во категоријата до 71 килограм.

Во полуфианлето Мировски беше подобар од Бугаринот, Атанас Димов, а во финалето го совлада Украинецот Иван Бородатки за јуниорска светска титула.

The post Силвио Мировски стана светски јуниорски шампион во кик-бокс appeared first on Република.

Македонската кик-боксерка Марија Димовска освои златен медал на Светското јуниорско првенство за кадети и јуниори во Будимпешта!

Младата кик-боксерка во финалето во Унгарија беше подобра од Мија Лијамичев од Израел и ја победи со резултат 2-1. Нашата репрезентативка направи уште еден подвиг и успех, откако во февруари беше сребрена на Европското првенство за јуниори и кадети.

На истиот турнир но во машка конкуренција за злато се бореше Лука Змејкоски, но загуби во финалето.

The post Марија Димовска е светска шампионка во кик-бокс во јуниорска категорија! appeared first on Република.

Кик-боксинг клуб „АС“ од Делчево се наоѓа во Јагодина во Србија каде што викендов ќе настапи на Балканското првенство „Балкан Бест Фајтер“. Тренерот на екипата Љупчо Стојчевски информираше дека на Балканското првенство клубот од Делчево ќе учествува со петмина свои претставници.

Андреј Митков ќе настапи во дициплините поинт-фајт и кик-лајт за кадети до 42 кг, потоа Павел Стојчевски ќе настапи во јуниорска конкуренција во дисциплината кик-лајт и лајт-кик до 63 килограми. Свои борби во кик-лајт и поинт фајт ќе имаат Лука Пешов и Максим Јанлукуловски, додека во највозрасната категорија ќе се бори Арнес Хајдер, информира Стојчевски.

Како што додава Стојчевски, тимот е добро подготвен и затоа се надева на освојување на повеќе медали од своите избраници.

Конкуренцијата е навистина голема, знаеме дека има натпреварувачи од повеќе балкански и други земји, но добрата подготовка ми дава надеж дека ќе освоиме медали во дисциплините во кои ќе се натпреваруваат нашите претставници, вели Стојчевски.

Делчевските кик-боксери од последните неколку учества на турнирите на Балканот се вратија со неколку медали, а на дел од тие турнири тренерот Стојчевски ја имаше и улогата на Меѓународен судија.

The post Kикбоксери од Делчево учествуваат на Балканско првенство во Србија appeared first on Република.

Млада битолчанка Марија Димовска извојува победа во полуфинале против домашната натпреварувачка од Турција. На Европското првенство во кик-бокс кое ќе се одржува во Истанбул, Турција од 25 август до 3 септември Димовска, член на КБК Енерџи од Битола успеа да влезе во борба за златен медал. Во полуфиналето издвојува победа со 3:0 над Еданур Ачар од Турција и со тоа обезбеди сребро. За првата позиција ќе се бори против Соња Вуксиќ од Србија.

И Силвио Мировски обезбеди финале и најмалку сребрен медал на Европското првенство за деца, кадети и јуниори. Мировски, по вчерашната победа, денеска во полуфиналето убедливо со 3-0 го победи и Србинот Урош Крстиќ, па во финалето и битката за златниот медал ќе се соочи со грчкиот натпреварувач Христос Ефстахиадис.

The post Битолчанката Димовска во трка по златен медал на ЕП во кик-бокс appeared first on Република.

Украинскиот шампион во кикбокс Максим Бордус (23) е убиен во борба против руските воени сили, објави украинската интернет страна „Спортски ангели“ на која се евидентираат воените жртви меѓу спортистите.

Бордус, како што е соопштено, загинал на 11 јуни во „жестоки борби против руските агресори“.

Со секој изминат ден со оружје во рацете се приближуваме до победата на Украина, но тој самиот тоа нема да го види, напиша невладината организација, објавувајќи фотографија на која Бордус позира со неколку медали.

На интернет страна на украинскиот претседател Володимир Зеленски е објавена петиција со која се бара на Бордус постхумно да му се додели титулата „Херој на Украина“.

Бордус ѝ се приклучи на украинската војска на првиот ден од руската агресија во февруари лани, а го загуби животот од руска граната при борбена мисија во јужниот регион Запорожје.

The post Украински шампион во кикбокс се бореше против Русите, загина на фронтот appeared first on Република.

Македонскиот кик-бокс слави два медала од Европското првенство во турскиот град Анталија, каде што Бобан Илиоски се закити со злато, а Викторија Варадинова со бронза.

По победите со по 3:0 над Лоренц Мартин од Чешка и над Борна Манојловиќ од Хрватска, Илиоски славеше со 3:0 и во финалето против Бугаринот Христо Калајџиев во дисциплината лоу-кик во категоријата до 86 килограми.

„Ова е само почеток и сон на едно обично дете од Скопје, поточно од Лисиче, за кое ке слушне целиот свет. Да живее Македонија!“, порача новиот европски шампион.

Варадинова, пак, со бронза се закити во кик-лајт до 65 кг, откако во второто коло ја победи Иларија ди Чинтио од Италија со 2:1, а во полуфиналето загуби од подоцнежната шампионка Николет Мезеи од Унгарија со 3:0.

Интонирањето на македонската химна во чест на златниот медал на Илиоски е поместено 1:26,40 часа по почетокот од видеото, а доделувањето на бронзата на Варадинова по 1:04,40 ч.

The post Кикбоксер Бобан Илиoски европски шампион, бронза за Варадинова appeared first on Република.

Бобан Илиоски е европски шампион во кик бокс.

Илиоски во бората за златниот медал го совлада Христо Калајџиев од Бугарија со 3-0 на Европското кик бокс првенство за сениори во Анталија, Турција.

Резултати Европско првенство:

Лоу кик
-86 кг
Бобан Илиоски – Мартин Лоренц (Чешка) 3-0
Бобан Илиоски – Борна Манојловиќ (Хрватска) 3-0
Финале
Бобан Илиоски – Христо Калајџиев (Бугарија) 3-0

The post Бобан Илиоски е европски првак во кик бокс appeared first on Република.

Од завршеното Светско првенство во кик бокс за деца, кадети и јуниори Лидо Диесело, Италија, во Македонија се враќа со две одличја – сребрен медал за Нелсон Узеир и Јадранка Темелкова со бронза.

Претседателот на Кик бокс маитаи федерацијата на Македонија, Дејан Митровски-Урко со оценка за настапот на нашите репрезентативци.

„Како претседател сум задоволен од успехот на Нелсон, на кого во финалето му се падна тежок и цврст противник и второто место му беше заслужено. Јадранка можеше и верувам дека ќе успееше повеќе да запнеше во третата рунда. Останатите борци можеа и да стигнат до медал, бидејќи беа подобри од своите противници. Но беа дебитанти и само искуството им фалеше да го задржат водството што го имаа во првите рунди. Сепак, за следниот натпревар ќе бидат поискусни па ќе прикажат подобри борби“, изјави Митровски.

The post Сребро и бронза за македонските кикбоксери на СП appeared first on Република.