По долга борба со ракот, утрово почина новинарот и водител Зоран Василевски, познат како Зоки Фаци. Василевски ќе биде погребан во недела во Катланово.

-Погребот на Зоки Фаци ќе биде во недела во 12:00ч во црквата Св.Никола во Катланово, а во 13:00ч ќе биде погребан на гробиштата во Катланово, објави Стефан Лазаров на Фејсбук.

Тој неколку години се бореше со туморот. Болеста му беше дијагностицирана во 2022 година, по што се оперираше, но за жал ракот се врати.

Зоки неодамна беше и во Турција, каде што требаше да биде опериран, но лекарите таму му соопштиле дека ракот метастазирал на коските

The post Зоки Фаци ќе биде погребан на гробиштата во Катланово appeared first on Република.

Основното јавно обвинителство Скопје информира дека интензивно презема дејствија за утврдување на причините за вчерашната тешка сообраќајна несреќа на автопатот Скопје-Велес.

Во текот на ноќта издадени се повеќе наредби за вештачење на траги пронајдени на местото и за обдукција на починатите. Комбето е подигнато од местото на несреќата и ќе се врши и вештачење со цел да се испитаат сите околности кои довеле до настанот, се вели во соопштението.

Во сообраќајката што се случи вчера попладне на автопатот Скопје - Велес, три лица загинаа, а пет беа повредени.

Станува збор за работници од Велес, кои се враќале од работното место во Скопје и патувале со организиран превоз од фирмата во која работеле.

Несреќата, како што соопшти МВР, е пријавена во 17:45 часот, а до неа дошло откако на автопатот Скопје - Велес, пред тунелот, се превртело комбе.

Во СВР Скопје било пријавено дека синоќа во 17.35 часот на автопатот Скопје – Велес, пред тунелот кај Катланово, патничко возило „форд транзит“ со скопски регистарски ознаки, управувано од О.Д.(32) од Велес, излетало од патот и се превртело. Од здобиените повреди на местото на несреќата починале сопатниците А.Н.(37), Ј.А.(47) и Д.Ц.(66), сите од Велес, а смрт констатирал лекар од итна медицинска помош. Додека, со тешки телесни повреди се здобил возачот О.Д. и сопатниците З.С.(59), В.З.(67), Н.Н.(33) и Б.П.(41), сите од Велес, констатирани во Градската општа болница „Св.Наум Охридски“ во Скопје и Комплексот клиники „Мајка Тереза“ во Скопје, соопшти МВР.

Поради сообраќајката вчера попладне беа блокирани двете сообраќајни ленти на автопатот Скопје - Велес. Сообраќајот беше во прекин од 17:45 часот и се пренасочуваше преку Петровец - Велес (по стариот пат), Миладиновци - Св.Николе - Велес - Штип.

The post Загинаа работници од Велес кои се враќале од работа, ќе се вештачи комбето appeared first on Република.

Eкипата на ЕВН Дистрибуција ја прекинаа електричната енергија поради пожарот што се разгоре кај тунелот во близина на Катлaново.

Од ЕВН Дистрибуција велат дека е исклучен цел извод поради што електрична енергија немаат повеќе населени места. Струја нема во катлановско Блаце, во Тотинци, Кожле, а во самото Катланово има напојување од друг извод.

The post Се разгоре пожарот над Катланово, во прекин е електричната енергија appeared first on Република.

Центарот за управување со кризи (ЦУК) информира за пожар во Катлановско, во месноста „Сув Камен“, под с. Градманци и с. Брезница, каде што мештаните помагаат при координација на терен, а во гаснењето на пожарот е вклучен армиски хеликоптер, заради повисокиот непристапен терен кој оневозможува гаснење од земја со противпожарни возила.

Директорот на ЦУК Стојанче Ангелов кој е на терен во Катланово соопшти дека во текот на денешниот ден има 8 пожари од кои 6 се активни додека 2 се ставени под контрола.

Пожарот над Катланово се шири на тежок терен и затоа е употребен армискиот хеликоптер, при што со неговите дејства се заштитени Старечкиот дом и викендичките. Најтежок пожар денеска е во Мариово каде се упатени 100 припадници на АРМ, полициски специјалци и пожарникари, но не постои ризик по ниту едно село, рече Ангелов во изјавата.

Тој додаде дека службите имаат доволно сили во случај огнот да се приближи до некое село ќе се реагира брзо и ќе се спречи горат куќи.

Според Ангелов критична е состојбата со пожарот на планината Мукос кој вчера и денеска се движи кон селото Ореов дол, а пожар има и во месноста Рамно на Скопска црна гора. Очекувањата се дека најавените врнежи ќе помогнат да се изгаснат пожарите на отворен простор.

The post Пожар беснее кај Катланово, во гаснењето е вклучен армиски хеликоптер appeared first on Република.

Денеска  хеликоптерот Ми-171 од Хеликоптерската единица за посебни намени во МВР дејствуваше врз пожарите во реонот на Прилеп и во Катланово.

Во 50 налети фрлени се над 125 тони вода.

The post Хеликоптер на МВР во акција: Исфрли над 125 тони вода врз пожарите кај Прилеп и Катланово appeared first on Република.

Од Центарот за управување со кризи информираа дека гори шума над автопатот „Пријателство“.

Се издигнува голем и густ чад.

Случајот е пријавен. Во гаснењето на пожарот ќе се вклучи и хелихоптерот на МВР – Ми 171.

The post Избувна голем пожар во Катланово, гори шума над автопатот appeared first on Република.

На автопатот Скопје - Велес пред Катланово се стопираат тешки моторни возила за да не се прави метеж поради вршење увид по наплатната рампа Сопот – Велес, соопшти АМСМ.

Патнички моторни возила се пропуштаат и сообраќајот се пренасочува преку езерото Младост.

The post Сообраќајот на автопатот Скопје – Велес пред Катланово пренасочен преку езерото Младост appeared first on Република.

Заради замена на осветлувањето во тунелот во „Стража” кај Катланово, на патниот правец А1 делница Велес - Катланово, денеска ќе има промена на режимот на сообраќај, информираат од Автомото сојузот на Македонија.

Од АМСМ за известувањето се повикуваат на информација добиена од Виадукт Трејд. 

The post Промена на режимот на сообраќај заради замена на осветлување во тунелот „Стража“ кај Катланово appeared first on Република.

Со поддршка на два ер трактори на Дирекцијата за заштита и спасување и еден полициски хеликоптер, пожарникарите од скопската Бригада за противпожарна заштита вечерва успеаја целосно да го изгаснат пожарот над Катланово, информираат од Центарот за управување со кризи.

Дополнуваат дека во моментов се врши проверка на теренот и догаснување на остатоци во внатрешноста на изгорената површина.

ЦУК претходно извести дека денеска попладне, околу 15.30 часот избувна пожар над Катланово кој зафати нискостеблести растенија но и дрвја.

The post Локализиран пожарот кај Катланово appeared first on Република.

Центарот за управување со кризи извести дека денеска попладне, околу 15.30 часот избувна пожар над Катланово кој зафати нискостеблести растенија но и дрвја.

Пожарот, како што соопшти ЦУК го гасне скопската бригада за противпожарна заштита со поддршка на два ер трактори на ДЗС.

На лице место е и градоначалникот на Општина Петровец, Борче Митевски.

The post Пожар над Катланово, го гасне скопската противпожарна бригада со поддршка на два ер трактори appeared first on Република.

Од засега непознати причини автомобил се преврте на автопатот Катланово-Велес.

Како што објави МИА, поради сообраќајната несреќа сообраќајот е забавен.

Засега нема информации колку патници биле во возилото и дали има повредени.

The post Сообраќајна несреќа го блокира сообраќајот на автопатот Катланово-Велес appeared first on Република.

По известување за пожар во Катланово, добиено во ЦУК на Единствениот број за итни случаи 112, пожарникари на Бригадата за противпожарна заштита (БППЗ) на Град Скопје и Јавното претпријатеие „Национални шуми“ веднаш излегле на терен, по што огнената стихија е локализирана.

Регионалниот ЦУК Скопје координирале со првите известувања при што надлежните институции веднаш излегоа на терен и ситуацијата е ставена под контрола. Командантот на БППЗ на Град Скопје при контактите со ЦУК посочи дека нема потреба од дополнителни сили и дека сами се справуваат со пожарот. Попладне ЦУК, во Секторот за операции и координација, доби известување дека пожарот е локализиран, стои во соопштението од ЦУК.

Јавното претпријатеие „Национални шуми“ – подружница „Караџица“ информира и дека горела нискостеблеста шума и сува трева.

Нивна екипа и екипи на БППЗ, дополнитено ќе бидат на терен и ќе ја следат ситуацијата додека се доизгасне пожарот целосно, посочуваат од ЦУК.

The post ЦУК информира дека пожарот во Катланово е локализиран appeared first on Република.

Во МВР попладнево, во 16:55 часот, било пријавено дека во тунелот кај Катланово во правец од Велес кон Скопје, се случила сообраќајна несреќа во која учествувале товарно моторно возило и мотоцикл со унгарски таблички.

Како што велат за МИА од МВР, според првичните информации, едно лице, кое се превезувало на мотоциклот починало, а другото, исто така се превезувало на мотоциклот, е пренесено во Ургентниот центар Скопје.

Автопатот Велес - Скопје, кај тунелот, е целосно затворен за сообраќај. Возилата се пренасочуваат од клучката Велес кон Свети Николе, кон автопатот Штип - Скопје.

The post Едно лице почина во судирот меѓу камион и мотоцикл во тунелот во Катланово, сообраќајот е целосно прекинат appeared first on Република.

На 21.04.2023 околу 10 часот во СВР Скопје било пријавено дека во село Катланово имало паднато машко лице А.А.(68) во шахта.

Според пријавеното, додека се движел пешки А.А. паднал во необележана ископана шахта за одвод, по што починал. Од лекар од Итна медицинска помош констатирана била смрт.

Се превземаат мерки за расчистување на случајот.

The post Возрасен човек паднал во необележана отворена шахта и починал appeared first on Република.

68-годишен маж загина во текот на утрото откако си го скршил вратот при пад во отворена шахта додека се движел.

„На 21.04.2013 год. околу 10.00 часот во СВР Скопје е добиена пријава дека во Катланово има паднато машко лице А.А.(68) во шахта. Според пријавеното, додека се движел пешки, А.А. паднал во необележана ископана шахта за одвод, по што починал“, велат од МВР.

The post Катланово: Маж паднал во отворена шахта, го скршил вратот и починал appeared first on Република.

Припадници на полицијата денеска во Катланово приведоа три лица од Скопје, кај кои се пронајден околу седум килограми амфетамин, чија вредност е проценета на околу 40.000 евра, соопшти МВР.

Како што информира портпаролката на МВР, Сузана Прањиќ Талевска, припадници на Единицата за недозволена трговија со дрога и Секторот за недозволена трговија со дрога оружје и опасни материи при Одделот за криминалистичка полиција, во заедничка акција со СВР Скопје – Единица за недозволена трговија со дрога и оружје и Специјалната антитерористичка единица „Тигар“, со поддршка од Одделот за сузбивање на организиран и сериозен криминал, во скопското село Катланово ги лишиле од слобода скопјаните М.Ш. (48), Е.Т. (30) и А.З. (19), бидејќи кај нив бил пронајден ранец со 14 компресирани пакувања со синтетичка дрога амфетамин со тежина од околу 7 килограми, чија вредност е околу 40.000 евра.

Според Прањиќ Талевска, во текот на ноември и декември 2022 година, по наредба на јавен обвинител од ОЈО Скоје, било спроведено криминалистичко истражување насочено кон осомничени дилери, кои вршеле продажба на синтетичка дрога амфетамин и на марихуана од Скопје, Велес, Гевгелија и Тетово.

Во текот на истрагата од слобода се лишени 13 лица и запленет е околу еден килограм синтетичка дрога амфетамин и марихуана, за што досега се поднесени осум кривични пријави до надлежните Основни јавни обвинителства во Скопје и Велес, а на дел од лишените лица одредени им се мерки притвор, наведе Прањиќ Талевска.

Во текот на денешниот ден, пак, извршени се претреси на пет локации во Скопје, при што се пронајдени марихуана, хероин, амфетамин и предмети кои потекнуваат од извршени кривични дела кражби.

Според Прањиќ Талевска, запленети се и парични средства кои потекнуваат од продажба на наркотични и синтетички дроги и четири патнички возила – Голф 5, Ауди А3, Мерцедес и Рено Клио, за кои во текот на истрагата се обезбедени докази дека биле употребувани за продажба на дроги.

Притоа, лишена од слобода е и Р.И.(39) од Скопје, а против други лица инволвирани во извршените кривична дела, за кои се обезбедени докази, ќе бидат преземени дополнителни мерки за нивно пронаоѓање и лишување од слобода, изјави Прањиќ Талевска.

Од страна на СВР Скопје – Единица за недозволена трговија со дрога и оружје до надлежното Основно јавно обвинителство Скопје ќе биде поднесена кривична пријава против пет лица за извршено кривично дело „неовластено производство и пуштање во промет на наркотични дроги, психотропни супстанции и прекурсори“ по член 215 од Кривичниот законик.

Министерството за внатрешни работи информира дека и во претпразничниот период ќе продолжи со преземање на засилени мерки и активности во борбата против недозволената трговија со дрога и наркотични средства.

The post Апсење во Катланово, запленет амфетамин во вредност од околу 40.000 евра appeared first on Република.

Вчеравечер, жител на Стојаково пријавил дека му се случила вистинска драма на автопатот Скопје – Велес.

„На 20.09.2022 околу 19.30 часот во Полициското одделение Петровец, Д.В.(27) од с.Стојаково, општина Богданци, пријавил дека околу 18.50 часот на автопатот Скопје-Велес, на бензинска пумпа во близина на Катланово, две возила „бмв“ и „мерцедес“, во кое било лице со кое претходно имале недоразбирања, му го попречиле патот на товарното возило кое го управувал и пукале кон возилото.

Нема повредени лица, ниту оштетувања на возилото на пријавителот“, велат од МВР.

The post Драма кај Катланово: „БМВ“ и „мерцедес“ му го попречиле патот, па пукале во камионџија од Стојаково appeared first on Република.

На делницата од автопатот од Велес кон Скопје во непосредна близина на Катланово, на неколку стотина метри по излегувањето од тунелот, се случила тешка сообраќајна несреќа.

Според ппрвичните информации, во несреќата учествувале три автомобили со странски регистарски таблички.

Едно од возилата е извртено на покривот. Причинета е голема материјална штета, а непознато е со какви последици поминале патниците од автомобилите кои биле во незгодата.

 

 

Во моментов, на овој дел од автопатот е успорено движењето. На местото пристигнаа екипи на МВР и го обезбедуваат одвивањето на сообраќајот.

The post Сообраќајка кај тунелот во Катланово, едно возило заврши на покрив appeared first on Република.

Човечки труп е пронајден во скопското село Катланово. Случајот во полиција бил пријавен вчера попладне, по што екипа од СВР Скопје извршила увид на местото на настанот.

Од таму велат дека се преземаат мерки за расчистување на случајот.

The post Човечки труп пронајден кај Катланово, се отвора истрага appeared first on Република.