Kaролина Гочева на социјалните мрежи објави серија фотографии од летниот одмор на Скијатос со сопругот Михаил Корубин.

На фотографиите може да се види дека таа блеска во шарени бикини.

„Прекрасна седмица на Скијатос“, се пофали нашата поп дива во описот на фотографиите.

The post Блеска во шарено бикини: Каролина Гoчева на одмор на Скијатос appeared first on Република.

Каролина Гочева има традиција редовно да издвојува време за жените во нејзиното семејство.

43-годишната пејачка беше на летен одмор со мајка ѝ Светлана, сестра ѝ Александра и преслатките внуки, Луција и Инес.

Сплит, Трогир и Каштел Суќурац беа дестинациите на расположеното семејство.

 

View this post on Instagram

 

A post shared by Karolina Goceva (@karolinagocheva)

The post Каролина во женско друштво на одмор во Хрватска appeared first on Република.

По неколкуте успешни предновогодишни концерти Каролина Гочева ќе ги почести оние кои не дојдоа до карта за Филхармонија со 90-минутно шоу на МРТ1.

Вечерва преку Фејсбук Каролина ја сподели информацијата дека за дочекот нема да настапува никаде освен на МРТ.

Многу се радувам што можам да ви кажам дека оваа година сакав да прославам заедно со сите вас и поради тоа, на Нова Година ќе пеам само на МРТ1!

На 31ви декември, со почеток од 21 часот ќе имам свое 90 минутно шоу на кое како специјални гости ќе се појават и моите драги колеги и пријатели Елена Ристеска, Лара Иванова, Лозано, Пијан Славеј и Teen Camp Official
Се гледаме на 31 декември на МРТ1!

The post Каролина на МРТ1 со 90-минутно шоу за дочекот на Новата година appeared first on Република.

Македонската поп-пејачка Каролина Гочева- Корубин вчера го претстави синглот ,,Од небо до дно”, нејзината прва поп-песна после 12 годишна пауза.

Музиката е на Каролина Гочева, аранжманот на песната е на Роберт Билбилов, а текстот на Владимир Даниловиќ и Весна Малинова. Снимањето, микс и мастеринг се одвиваше во “JUST RB PRODUCTION”, додека видео спотот е режиран и реализиран од “Пирка”.

Зад целиот проект, како извршен продуцент стои Авалон Продукција.

https://youtu.be/ui9HQm0JHu4

The post Каролина Гочева има нова поп-песна по пауза од 12 години appeared first on Република.

Каролина Гочева на  Фејсбук соопшти дека не се чувствува добро и дека најавениот голем концерт во Охрид ќе го одложи. Причината за тоа е позитивен тест на Ковид-19.

„Многу се радував на нашата средба во Охрид и многу сакав да ја повториме онаа магична вечер од Скопје, но… од синоќа не се чувствувам добро, денес се тестирав и имам корона“, напиша Гочева на Фејсбук.

The post Каролина Гочева го откажа концертот во Охрид, има ковид 19 appeared first on Република.

Познатата пејачка Каролина Гочева по повод нејзиниот голем концерт закажан за на 1-ви јули во Скопје гостуваше во емисија на порталот „Репортер.мк“, во кое зборуваше за својот професионален живот, приватен живот, а за првпат прозборе и за нејзините разведени родители.

Тие повеќе од 20 години не живеат заедно, но и денес се големи пријатели.

„Кога се разведуваа тоа го направија да не приметиме јас и сестра ми. Тие денес се во одлични односи. Заедно сме за празници, родендени и таков цивилизиран однос меѓу разделените родители мислам дека е најдоброто нешто за децата. Татко ми е човек што не сака да го има на социјалните мрежи, ама кога сме заедно, на нашите ручеци или собири, секогаш гласно дебатираме и зборуваме за сè“, открива Гочева.

https://youtu.be/aF8-0unlBjs

The post Каролина Гочева за првпат прозборе за разводот на нејзините родители appeared first on Република.

Над 2000 гости, синоќа го исполнија амфитеатарот на античкиот локалитет Хераклеја, на свеченото отворање на Битолското културно лето БИТ ФЕСТ кое од оваа година има нов концепт. Концертот на Каролина Гочева потврди дека, ваквиот пристап почнува да се реализира уште од првиот ден на фестивалот, а истиот соодветствува со очекувањата на публиката, за културно лето кое нуди квалитетни содржини. Главен иницијатор за новиот содржински пристап во организација на БИТ ФЕСТ е градоначалникот на општина Битола, Тони Коњановски, кој вчеравечер го означи почетокот на културното лето во Битола.

„Битола и вечерва потврдува дека е град кој живее со културата, град во кој низ различни историски периоди се создавале, надградувале и промовирале, карактеристични културни обележја, кои и денес се наше богатство, гордост и должност. Токму затоа и културните настани кои се случуваат во Битола, секогаш треба да бидат одраз на спецификите со кои се гордееме, а преку нив да ја промовираме македонската култура и традиција, притоа водејќи грижа за градење силни меѓународни врски, кои ќе овозможат континуиран напредок во сите области.

Во оваа смисла, годинава воведуваме нов концепт на културното лето, кој верувам дека ќе го привлече и задржи вниманието на публиката. Солстис, Битола отворен град, Битола Шекспир Фестивал, Илинденски денови, Локум фест, Фестивалот Браќа Манаки, Балкан Гала Фестивалот и гостувања на еминентни изведувачи, годинава се само дел од културните случувања на Бит Фест. До 31 август, неколкупати со музички настапи ќе ја исполниме Хераклеја, ќе бидеме заедно со повеќе концертни настапи во нашиот Офицерски дом, ќе овозможиме културно раздвижување на повеќе отворени сцени, а во соработка со националните институции од културата низ повеќе филмски проекции, театарски претстави, изложби и други културни настани, верувам дека ќе имаме навистина посебно Битолско културно лето, за кое сите ќе зборуваме со суперлативи, што очекувам да биде поттик за секој од нас, во секоја следна година да даде мал креативен влог кон неговиот раст, професионализам, идентитет – карактеристичен за Битола. Настаните нека бидат потврда на нашите напори да реализираме културно лето какво што и доликува на Битола, а притоа да направиме, културата во Битола да живее во текот на целата година“, рече градоначалникот на општина Битола, Тони Коњановски, на отворањето на Битолското културно лето.

На отворањето на БИТ ФЕСТ 2022, присуствуваа голем број битолчани, но и гости од другите градови во државата. Меѓу присутните беа и Министерката за култура Бисера Котадиновска Стојчевска, градоначалниците на неколку соседни општини, претседателката на Советот на општина Битола, Габриела Илиевска, членови на Советот на општината, како и претставници на националните институции од културата и јавните претпријатија од градот.

Каролина Гочева, која е еден од најдобрите женски вокали во Македонија, успеа да внесе прекрасна двочасовна атмосфера низ нејзините големи хитови, меѓу кои „Да е сон“, „Од нас зависи“, „Кажи ми“, „За нас“, „Знаеш колку вредам“ и многу други, а на барање на публиката, со повторно враќање на бис, Каролина Гочева, концертот го заврши со песната „Кој да ми запее“.

Битолското културно лето оваа година се реализира во заедничка организација на општината и културно информативниот центар од Битола. Квалитетните содржини, кои за време на летниот период ќе се случуваат во Битола, најавуваат високо естетско издигнување на фестивалот, креативност, професионализам, негување на традицијата, но и грижа за културниот напредок на градот.

The post Со концерт на Каролина Гочева отворен „Бит Фест“ 2022 appeared first on Република.