Фудбалерот од средниот ред на Реал, Лука Модриќ изјави дека тренерот Карло Анчелоти заслужува да ја задржи функцијата во мадридскиот клуб.

- Анчелоти заслужува да продолжи во Реал Мадрид. Во своето второ гостување го освои секој можен трофеј со тимот. Минатата сезона беше неверојатна, но овој пат не ја поминавме претпоследната пречка. Покажавме прилично добри резултати во Купот на Шпанија и Лигата на шампионите. Затоа, не се сомневам дека Анчелоти ќе остане, истакна Модриќ.

Реал Мадрид синоќа загуби од Манчестер сити со 4:0 во реваншот од полуфиналето на Лигата на шампионите и со вкупни 5:1 ја загубија пресметката со „граѓаните“

Манчестер сити во финалето на Лигата на шампионите ќе игра со Интер на 10 јуни во Истанбул.

The post Moдриќ: Анчелоти заслужува да oстане во Реал Мадрид. appeared first on Република.

Тренерот на Реал Мадрид, Карло Анчелоти го коментираше настапот на тимот оваа сезона по победата во финалето од Лигата на шампионите над Ливерпул (1:0).

Тоа беше неверојатна сезона, не постои начин да се опише. Јас сум секогаш оптимист, но не ни сонував дека во една сезона ќе ги освојам шпанскиот Суперкуп, Ла Лига и Лигата на шампионите, изјави Анчелоти на официјалната веб-страница на УЕФА.

Италијанскиот фудбалски стручњак синоќа ја освои Лигата на шампионите по четврти пат. Тој стана единствениот со четири трофеи во елитното натпреварување.

Реал Мадрид ја освои Лигата на шампионите по 14. пат. Последен пат „кралскиот клуб“ на европскиот фудбалски трон беше во сезоната 2017/18.

The post Анчелоти: Никогаш не ни сонував дека ќе ги освојам шпанскиот Суперкуп, Ла Лига и Лигата на шампионите appeared first on Република.