Семејството на Петар Рујаноски-Стојановски од Прилеп бара помош за негово пронапѓање.

Младото момче последен пат било видено вчера (10.09.2024) во 18 часот, наспроти пицеријата „Академи” во центарот на Прилеп.

Според информациите на локалниот портал „Маркукуле“, детето вчера било облечено како на фотографијата во прилог:

The post Исчезнат е Петар од Прилеп, семејството бара помош appeared first on Република.

Во Полициското одделение Петровец Б.Ц.М.(34) од с.Петровец-скопско денес пријавила дека по претходна семејна расправија, од домот се оддалечил нејзиниот малолетен син Г.Ц.(12).

Се преземаат мерки за пронаоѓање на лицето, велат од МВР.

The post Малолетник по семејна расправија се одалечил од одма – полицијата трага по него appeared first on Република.

Продолжува потрагата во езерото Глажња по 30 годишното лице од липковското село Никуштак кое вчера влезе во водите на браната и не излезе. Трите тимови нуркачи од „Тигрите“ ги пребаруваат водите на езерото, информираше директорот на Центарот за управување со кризи, Стојанче Ангелов. Наскоро ќе биде употребен и таканаречен „аквадрон“ кој ќе го користат екипи на Дирекција за заштита и спасување на пребарување на дното на вештачкото езеро во Липково.

Бидејќи вчeра не беше пронајдено лицето, денеска потрагата продолжи со три тима на специјалците кои со опрема влегуваат до 40 метри длабочина на езерото. Да напоменам дека видливоста е многу мала некои 40 сантиметри што го отежнува нуркањето и пребарувањето на теренот, кој е многу стрмен. Покрај СВР Куманово, „Тигри“ имаме и екипи на Дирекција за заштита и спасување кои со чамец го пребаруваат брегот на езерото и воедно има и нуркачи од дирекцијата кои не нуркаат но во секој момент очекуваме да пристигне воден „аквадрон“ со кој ќе се обидат да го пребараат дното. Доколку потрагата не даде резултати рано наутро со дополнителни тимови нуркачи од „Тигрите“ и на Дирекција за заштита и спасување поддржани од тимови на СВР Куманово заеднички напори ќе ја продолжат потрагата, изјави Ангелов.

И од АД Водостопанство „Кумановско липковско поле“ информираа дека е стопиран темелниот испуст за да им се помогне на екипите во пребарувањето и да не се создаваат струи во езерото.

- Водата на темелниот испуст на брана Глажња е затворена, со цел да се намали струењето на водата во браната, и да можат нуркачите да работат, изјави директорот, Оливер Илиевски.

Потрaгата по исчезнатиот млад жител на липковското Никуштак трае од вчера кога тој во попладневните часови влегол во водите на Глажња и не излегол.

The post Eкипи на „Тигрите“ го пребаруваат езерото за исчезнатото момче, се чека аквадрон appeared first on Република.

Се уште трае потрагата по М.П. (29) од струмичкото село Дабиле, кој на 16 овој месец исчезна во водите на браната кај селото Дрвош.

Вчера попладне во потрагата се вклучија жители на селото Дабиле, кои со чамец и сонар ја пребаруваа браната, но петчасовната потрага не даде резултат.

На фејсбук групата „Дабиле“ најавуваат дека потрагата ќе продолжи и денеска попладне и се надеваат дека ќе биде пронајдено телото на исчезнатото момче.

Според портпаролката на СВР Струмица, Александра Трајанова, потрагата по момчето ја отежнуваат лошиот терен, милта и заматената вода.

Инаку, на 16 јули 13:30 часот во полицијата од Итна медицинска помош било пријавено дека околу 13.00 часот М.П.(29) од село Дабиле, струмичко, влегол во водите од браната во близина на село Дрвош, струмичко и не излегол.

The post Соселаните се вклучија во потрагата по момчето кое исчезна во водите на браната appeared first on Република.

Министерот за внатрешни работи Оливер Спасовски денеска потврди дека се постапува по случајот со исчезнувањето на 26-годишното момче кое, според пишувањата во медиумите, е роднина на политичарот и лидер на „Обединети за Македонија“ Љубе Бошкоски.

Од вчера се преземаат активности во низа на оперативно-криминалистички постапки од страна на Секторот за внатрешни работи Скопје. Ќе ги согледаме сите факти што ќе произлезат од истрагата за да видиме и да откриеме за лицето кое се води како исчезнато, изјави Спасовски, одговарајќи на новинарски прашања по конференцијата на тема „Униформа, оклоп кој значи ранливост - нашата секојдневна борба на два фронта“, што ја организираше Министерството за труд и социјална политика.

Според апелот на социјалните мрежи за пронаоѓање на 26-годишното момче, трагата му се губи кај Амбасадата на Чешка во Скопје.

Случајот вчера го потврдија и од Министерството за внатрешни работи во дневниот билтен.

На 04.03.2023 во 08.00 часот во СВР Скопје, М.К.(32) од Скопје пријавил дека од домот се оддалечил неговиот брат С.К.(26), се наведува во полицискиот билтен.

The post Полицијата презема мерки за пронаѓање на исчезнатиот 26-годишен скопјанец кој се поврзува со Љубе Бошкоски appeared first on Република.

Трет ден нема ништо ново од потрага по 22-годишниот кумановец Е.Р. кој со возило падна во реката Вардар кај Желино, тетовско. Таткото на момчето, Насер Рамадани ги повика институциите да го најдат син му – жив или мртов.

https://republika.mk/vesti/crna-hronika/i-deneska-se-traga-po-vozachot-na-golfot-vklucheni-tigrite-kje-se-prebaruva-i-maloto-ezero-vo-zelenikovo/

Повикувам да ми го пронајдат син ми. Задоволен сум од селаните, многу придонесоа, вели Насер за ТВ 21.

Дали институциите се на терен, гледам дека има полицајци, пожарникари и нуркачи?

- Вчера беа малку, денеска повеќе. Се надевам да го најдат.

Рековте дека сте биле на печалба, кога ја добивте веста? Кој ве извести?

- Мене ме извести брат ми, бидејќи уште еден од моите браќа е на печалба. Бев на работа и ми кажа дека направил сообраќајка и дека паднал во вода. Вчера чекавме од 5 часот, а претставници на институциите дојдоа во 12.

https://youtu.be/QAByxDUDU_w

The post Таткото на момчето кое со возило падна во Вардар апелира да го најдат син му жив или мртов appeared first on Република.

Вчеравечер во 23.00 часот полициски службеници, по преземени мерки и активности, во с.Кадрифаково, светиниколско, го пронашле К.П.(17) од Струмица, кој имал здравствени проблеми, а за кој во 14.30 часот во СВР Штип неговата мајка пријавила дека се оддалечил од возилото во кое се превезувале, кај наплатната рампа кај с.Кадрифаково, на автопатот Скопје-Штип.

Како што соопшти МВР, лицето било предадено на родителот.

The post Пронајден 17-годишникот кој избегал кога семејството со автомобил застанало на патарина appeared first on Република.

Министерството за надворешни работи информира дека според информациите на грчките надлежни служби, потрагата по нашиот исчезнат државјанин во Грција продолжува и утре, шести ден.

„Како и досега во потрагата ќе бидат вклучени неколку брода на грчката крајбрежна стража, хеликоптер, како и возило на копно и волонтери од локалното население.

Нашите претставништва остануваат во постојан контакт со надлежните институции на Грција и семејството на исчезнатото момче, и секоја нова информација навремено ќе биде пренесена“, велат од МНР.

https://republika.mk/vesti/makedonija/donirajte-ivan-apelira-da-mu-pomogneme-na-semejstvoto-na-martin/

The post Бродови на грчката крајбрежна стража, хеликоптер и возило на копно активни во потрагата на Македонецот во Грција appeared first on Република.

Почитувани,
Јас, Иван второпронајдениот од тројцата изчезнати во Грција, во име на семејството на Мартин кои се во активна потрага, отворив наменска донаторска сметка за собирање на средства. Доколку сте во можност, би ве замолил за ваша донација за што побргу да ја завршиме оваа потрага и да им го олесниме товарот на неговата фамилијата.

Ве молам споделувајте
За донации од Македонија :
200003989311717
Стопанска Банка АД Скопје
Цел на дознака: Донација за Мартин
Шифра на плаќање : 562
За донации од странство :
IBAN : MK07200003989312202
SWIFT CODE : STOBMK2X
Stopanska Banka AD Skopje
---------------------------------------------------
Dear everyone,
I am the second person found among the 3 people that were lost at sea in Halkidiki. On behalf of Martin's family who is actively searching, we have opened a dedicated donor account to raise funds. If you are able, I would like to sincerely ask for your donation so that we can finish this search as soon as possible and ease the burden on his family. Thank you for your understanding.
For donations from Macedonia:
200003989311717
Stopanska Banka AD Skopje
Purpose of remittance: Donation for Martin
Payment code: 562
For donations from abroad:
IBAN: MK07200003989312202
SWIFT CODE : STOBMK2X
Stopanska Banka AD Skopje

The post Донирајте: Иван апелира да му помогнеме на семејството на Мартин appeared first on Република.

На 16.03.2022 во Полициската станица Центар било пријавено дека од Јавна установа за згрижување деца се оддалечил нивниот штитеник Ч.С.(15) од Скопје, кој и претходно се оддалечувал од установата.

Се преземаат мерки за пронаоѓање на лицето.

The post Се трага по 15-годишник од Скопје appeared first on Република.

Исчезнат е Филип Додевски од Марино. Неговото семејство преку објави на социјалните мрежи повика да се јави секој што би можел да има каква било информација.

Доколку некој го види, итно да се јави на неговиот татко на телефон 071 292 434, пишува во објавите на социјалните мрежи.

The post Исчезнат е Филип Додевски од Марино, семејството бара било каква информација appeared first on Република.

Ненад Периш, таткото на исчезнатиот Матеј (27) од Сплит пристигна во Белград и веднаш даде изјава за медиумите.

Периш пристигнал да се вклучи во потрагата по неговиот син, пренесува Нова.рс.

Немам ништо ново, сега ќе видам со луѓе, важно е само да го најдеме. Знам дека полицијата ги крена сите на нозе да го најде, благодарен сум на српската полиција за сѐ што прави. Благодарен сум на сите за помошта, сѐ се спроведува онака како што треба – изјави Ненад, пренесува Нова.рс.

Дајте какви било информации, дури и анонимно

Тој бара од луѓето да пријават каква било информација, дури и анонимно.

Морам да ги замолам луѓето кој има некаква информација нека знае. Дури и анонимно, секоја информација ни е важна. Ви благодарам на сите за поддршката, навистина немам зборови. Неизмерно сум им благодарен на сите луѓе. Единствениот она што е важно е да го најдам мојот син – рече Ненад Периш по пристигнувањето на аеродромот.

Имаме апсолутна доверба во српската полиција

Набргу потоа, Ненад Периш дошол пред клубот во кој последен пат бил виден неговиот син. Таму пак даде изјава.

Само што дојдов од аеродромот, дојдов да видам каде е, што се случило и како изгледа. Немам информации, но тоа што треба да го кажам е дека имам апсолутна доверба во српската полиција, слушнав дека тие отсекогаш работеле професионално. Станува збор за истрага, за потрага по човек и би било добро да се обратите со нив доколку имате информации. Им благодарам на полицијата, и благодарам на сите од Србија. Многу ми се јавија од Србија. Верувајте ми, луѓе кои воопшто не ги познавам нудеа помош за спиење, хотел, било што – рече тој.

Тој во изјава за Блиц рече дека и самиот не знаел како се држи на нозе и откри дека исчезнатиот Матеј имал две сестри.

Не знам како се држам. Работата ме научи како да реагирам под притисок, но тука се вклучени емоциите – изјави Ненад Периш за Блиц.

– Не можам да ви опишам како им е сега. Тешко ни е на сите. Семејството е во Сплит, не сакав ни тие да дојдат – одговори тој на прашањето кој е неговиот план сега.

 

Секоја трага би ми значела, ме плаши тоа што нема ништо

Утре ќе одам во полиција, ќе разговарам со нив да видам како ќе биде и ќе почекам, што друго. Добивам безброј пораки, но ниту една од нив не содржи информации за мојот исчезнат син. Секоја трага би значела нешто. Тоа особено ме плаши. Се обидувам да останам позитивен, не губам надеж, но тешко е. Поминаа веќе три дена од неговото исчезнување. Тешко е кога се работи за сопственото дете. Ова не би му го посакал на мојот најголем непријател – изјави за Блиц таткото на исчезнатиот Матеј Периш.

Матеј тренираше ватерполо, не доаѓа предвид да падне во река

Таткото вели дека неговиот син бил во друштво на млади луѓе кои завршиле факултет.

Седеа во тој локал, претходно биле да вечераат. Тие се млади, во два часот се дружеа со пијачка, со муабет, како млади што завршиле факултет. Во еден момент станал и се упатил кон излезот и веќе не го најдоа – рекол таткото.

Откри дека Матеј тренира ватерполо и дека не доаѓа предвид да падне во реката.

Матеј тренираше ватерполо, беше исклучително силен тип, спортист, непушач… Мислам дека апсолутно неговата состојба и неговата кондиција, познавањето на пливањето и вештините, не доаѓа предвид да падне во реката и тоа би било околност дека може да доведе до трагичен случај – рече Периш.

Исчезна на новогодишната ноќ

Министерството за внатрешни работи на Србија потврди дека трага по Матеј Периш од Сплит, кој исчезна во Белград во пресрет на Нова година.

Ова е трет ден откако е пријавено неговото исчезнување, а во тек е полициска потрага. Полицијата со чамец ја пребарува реката каде што се наоѓа клубот во кој последен пат е виден.

Матеј Периш од Сплит (1994) последен пат е виден околу 2:30 часот на 31 декември во ноќниот клуб „Готик“, каде бил со неколку негови пријатели со кои дошол во Белград на новогодишната ноќ.

The post Таткото на исчезнатото момче од Сплит среде Белград очајнички го бара синот: Дајте какви било информации, дури и анонимно appeared first on Република.