Соединетите Американски Држави ја уништија и последната ракета М55 што го содржи нервниот агенс VX како дел од владината програма за елиминирање на хемиското оружје, соопшти американското Министерство за одбрана.

– Среќни сме што достигнавме клучна фаза во целосното хемиско разоружување, рече Кингстон Рајф, заменик помошник државен секретар на САД за намалување на заканите и контрола на вооружувањето.

Пентагон истакнува дека ракетата ја содржела последната количина на хемиско оружје VX во САД и била уништена согласно Меѓународната конвенција за забрана на хемиско оружје.

Според Пентагон, САД уништиле вкупно околу 18.000 проектили М55 во периодот од јули 2021 до мај 2022 година.

Конвенцијата бара од сите земји-членки целосно да го елиминираат своето хемиско оружје. Русија, која е исто така страна на конвенцијата, најави целосна ликвидација на залихите на хемиско оружје во 2017 година.

The post Пентагон: САД го уништија своето последно хемиско оружје appeared first on Република.

Руската амбасада во Вашингтон ги отфрли како „неосновани“, тезите на портпаролот на Стејт департментот, Нед Прајс, околу можноста за руско користење на хемиско оружје во Украина.

Портпаролот на Стејт департментот зборуваше за можноста нашата земја да користи хемиско оружје во светло на наводните неуспеси на специјалната воена операција во Украина. Нед Прајс повторно настапи со празни реченици, што не ги поткрепи со ниту еден доказ - објави руската амбасада.

Руските дипломати во САД тврдат дека руските вооружени сили немаат и не можат да имаат, какво било хемиско оружје на располагање, бидејќи Русија ги уништила сите свои залихи на хемиско оружје, уште во 2017 година.

Информациите, потврдени од руското Министерство за одбрана, околу украински радикали, кои подготвуваат провокации со употреба на хемикалии, се вознемирувачки. Имаме прашања и за потеклото на тие супстанции - порача руската амбасада, повикувајќи го Вашингтон да „престане да шири дезинформации“.

The post Руската aмбасада во САД: Ние немаме хемиско оружје од 2017 година appeared first on Република.

САД внимателно ги следат извештаите за руски хемиски напад во Мариупол но засега не можат да ги потврдат исказите низ социјалните мрежи, изјави денеска на брифинг за новинарите Џон Кирби, портпарол на Пентагон.

-Не можеме да го потврдиме тоа. Гледаме со сериозност што се случува, набљудуваме и правиме сè што е во наша моќ да дознаеме ако нешто се случило, но не сме во позиција да го потврдиме, изјави Кирби.

Синоќа се појавија извештаи низ социјалните мрежи дека руската армија употребила хемиско оружје во Мариупол. Некаде се говореше дека нервен гас бил измешан во солзавец, а други постови тврдеа дека хемикалии биле расфрлани со дронови.

-Очигледно тие сметаат дека ова е една од можностите да се избегне криминален прогон, со тоа што може да се употреби нервен гас во средство за контрола на маси, изјави Кирби и додаде дека САД засега не можат да ги потврдат тие извештаи

The post Пентагон: Не можеме да потврдиме употреба на хемиско оружје во Мариупол appeared first on Република.

Директорот на Регионалната канцеларија на Светската здравствена организација (СЗО) за Европа, Ханс Клуге денеска изјави дека ова тело се подготвува за можни „хемиски напади“ во Украина.

– Со оглед на неизвесноста на моменталната ситуација, нема гаранција дека војната нема да се влоши, порача Клуге во изјавата испратена до новинарите од Лавов во Украина.

Тој истакна дека СЗО ги разгледува сите можни сценарија и подготвува одговор за различни ситуации кои би можеле да го погодат народот на Украина.

– Од континуирано лекување на масовни жртви, до хемиски напади, додаде Клуге, без да открие дополнителни детали.

The post СЗО се подготвува за можни хемиски напади во Украина appeared first on Република.

Американскиот претседател Џо Бајден денеска замина за Европа, каде ќе учествува на самитот на НАТО и ќе ја посети Полска, а пред тргнување на пат накратко ја искоментира можноста Русија да употреби хемиско оружје против Украина.

Бајден и денеска повтори дека тоа е вистинска закана.

Постои реална закана Русија да употреби хемиско оружје против Украина, кажа Бајден.

На прашањето што ќе им каже на западните партнери, тој рече дека токму тоа ќе им го каже в лице.

The post Бајден: Постои сериозна закана дека Русија ќе употреби хемиско оружје против Украина appeared first on Република.

Генералниот секретар на НАТО Јенс Столтенберг изјави дека Русија може да употреби хемиско оружје во инвазијата врз Украина и оти таквиот потег би бил воено злосторство.

Столтенберг за германскиот весник „Велт ам Зонтаг“ изјавил дека Кремљ измислува лажни изговори за да ја оправда можната употреба на хемиско оружје.

Последниве денови слушнавме апсурдни тврдења за лаборатории за хемиско и биолошко оружје. Сега кога се изнесени овие лажни тврдења, мора да бидеме внимателни бидејќи е можно Русија да планира операции со хемиско оружје под превезот на овие измислици и лаги. Тоа би било воено злосторство, рече Столтенберг.

Тој додаде дека иако украинскиот народ досега храбро се спротивставува на руската инвазија, следните денови најверојатно ќе донесат уште поголеми неволји.

The post Столтенберг: Русија може да употреби хемиско оружје appeared first on Република.