Македонската сениорска репрезентација во футсал ќе игра против актуелниот европски првак Португалија, Холандија и Андора во квалификациите за пласман на ЕУРО2026, одлучи УЕФА денеска со жрепка

Вкупно 40 репрезентации се поделени во десет квалификациски групи, а жрепката ги смести македонските футсалци со бранителот на титулата во групата 7.

Квалификациите ќе се играат од декември 2024 до април 2025 година.

Летонија и Литванија како организатори на ЕУРО2026 обезбедија директен пласман, а ќе им се приклучат десетте победници на групите, додека осумте најдобро второпласирани репрезентации ќе играат плеј-оф во септември идната година.

The post Македонските футсалци во силна група во евроквалификациите appeared first on Република.

Младата македонска футсал репрезентација од 1. до 7. април ќе учествува на силниот меѓународен турнир „Истра Куп 2024“, кој ќе се одржи во хрватскиот град Умаг.

Македонските млади футсал играчи се во групата Б заедно со селекциите на Словенија, домаќинот Хрватска и репрезентацијата на САД до 18 години.

Групата А ја сочинуваат Франција, Словачка, САД до 19 години и Црна Гора.

Македонските футсалци во првото коло ќе се соочат со Словенија, во второто со Хрватска и во последното коло со САД до 18 години во рамките на третото коло од турнирот.

Селекторот на младата футсал репрезентација на Македонија до 19 години Зоран Лекиќ за претстојниот меѓународен турнир „Истра Куп 2024“ повика 14 играчи.

The post Младите македонски футсалци ќе учествуваат на силниот меѓународен турнир во Хрватска appeared first on Република.

На социјалните мрежи се појави вознемирувачко видео од брутална хулиганска тепачка во Осиек.Футсал тимот Динамо од Загреб во петокот убедливо го победи Осиек на гостински терен (6:2), а по натпреварот во салата „Зрињевац“ во блискиот парк дошло до масовна тепачка меѓу членовите на „Бед Блу Бојси“ и „Кохорта“.

Во пресметката учествувале 40-тина навивачи од едната и од другата страна.

Во општата потера, еден од нивните членови паднал на земја, а потоа следеше бруталниот живот на хулиганите од Динамо. Го шутнаа додека не се уморија, а звуците од страшните удари одекнуваа низ паркот.

.

The post Хрватски навивачи се тепаат и за футсал appeared first on Република.

Koј вели дека во малиот фудбал нема атрактивни потези.Погледнете го овој футсал меч во Бразил каде еден играч во стилот на Роберто Карлос изведе пенал.

Од силината на ударот голманот буквално падна на земја и го сруши голот.

What a save 🤣 pic.twitter.com/Y0gTt0OoIr

— Dirty Footballer 👊 (@DirtyFootbaIIer) November 2, 2022

The post Шут како Роберто Карлос на времето: Го сруши и голманот и голот appeared first on Република.

Македонската футсал репрезентација денеска на гостински терен против Шведска ги почнува квалификациите за пласман на Светското првенство 2024 година.

Воведниот натпревар во главната фаза од мундијалските квалификации избраниците на селекторот Васил Скендеровски ќе го играат во Алингасас со почеток во 17 часот.

Идниот четврток во Скопје противник на македонската репрезентација ќе биде Италија, по што двата реванш натпревари се закажани за март идната година.

Директен пласман во следната, елитна, фаза од мундијалските квалификации ќе обезбедат победниците на 12 групи и четирите најдобро второпласирани репрезентации. Преостанатите осум второпласиран и репрезентации ќе играат бараж во април идната година за преостанатите четири места во елитната рунда.

The post Македонската футсал репрезентација ги почнува квалификациите за Светското првенство appeared first on Република.

Футсал Шкупи е новиот шампион на Македонија во футсал. Екипата од Чаир вчера ја совлада Шкендија со 4-0 во Тетово и со тоа стигна до шампионскиот трофеј. По една година пауза, Шкупи ја врати титулата во своите витрини, вкупно 4-та, откако лани првак на Македонија во футсал беше тимот на КМФ Проект

Во победата на Шкупи над Шкендија со 4-0, двоен стрелец беше Елјеса, а погодија и Исмаили и Стојковски.

Тимот на КМФ Проект го освои второто место и допрва треба да го одигра својот меч, но нема шанси да го стигне Шкупи со оглед дека разликата на врвот е шест бода.

The post Шкупи е новиот футсал шампион на Македонија appeared first on Република.

Македонската репрезентација во футсал претрпе висок пораз од 9:0 на вториот контролен натпревар против актуелниот светски првак Португалија, одигран во Лисабон.

Дилемите околу победникот беа решени веќе по првиот дел, кој заврши со водство на домаќините од 6:0.

Стрелци на головите беа Фабио Сесиљо (1 минута, 26), Пану (4, 36, Бруно Коељо (9), Мигуел Анхело (11, 12), Зику (18) и Еду (39).

На првиот натпревар одигран во средата, македонската репрезентација загуби од истиот противник со резултат од 3:1.

The post Македонската футсал репрезентација убедливо поразена од светскиот шампион Португалија appeared first on Република.

Македонската футсал репрезентација на 13 и 14 јануари во Лисабон ќе одигра два контролни натпревари против селекцијата на Португалија.

„Црвено-жолтите“ добија покана за двомечот против светскиот првак Португалија, селекција која се подготвува за настап на Европското првенство во Холандија кое почнува на 19 јануари.

Македонскиот национален тим денеска патува за Лисабон. Двата натпревари ќе се одиграат во спортскиот центар на Португалската фудбалска федерација.

Во репрезентацијата на Македонија се повикани следните играчи: Антонио Петровски, Иван Стојановски, Зоран Левески, Игор Леовски, Дарко Ранготов, Јакуп Рамадан, Мартин Тодоровски, Таулант Исмаил, Иван Крстевски, Еркан Сефери, , Реџеп Сулејман, Ферид Агуши, Ѓокица Џо Арсовски.

Драган Петровиќ во Лисабон ќе го прослави јубилејниот 100. настап во македонскиот дрес.

The post Футсал репрезентацијата поканета на двомеч со светскиот шампион Португалија appeared first on Република.