Дејан Манасков ги пропушти двата бараж двомечи за пласман на Светското првенство поради тешката повреда на коленото од која се уште се рехабилитира, но повеќе од јасно е дека ќе биде огромно засилување за Светското првенство.

Во драматична завршница и фантастична атмосфера во „Борис Трајковски“, Македонија победи над Чешка на завршниот меч во бараж финалето со 27:25. Но, на Светското првенство наредната година најавено е дека нема да гледаме две големи имиња.

Заминувањето на Филип Миркуловски беше најавено и тој беше почесно испратен уште пред почетокот на мечот. Но по победата над Чешка крај на репрезентативната кариера најави и пивотот Столе Стоилов.

Кирил Лазаров секако очекуваше заминување од „Жути“, но одлуката на Столе е голем шок и за него и најави дека ќе се обиде да го премисли до мундијалот во јануари.

Дали Кире ќе успее да го премисли Столе има време да видиме. Во меѓувреме соиграчите ги поздравуваат легендите.

Што да кажам за вас двајца, ако тргнам да пишувам ќе ми требаат неколку дена. Ми беше чест и задоволство што заедно ги делевме и добрите и лошите моменти во репрезентацијата сите овие години. Сите победи и порази, сите наши заеднички дружења. Фала ви за сè мангупишта. Ќе фалите, порача Манасков.

The post Манасков: Фала ви за сè, мангупишта! appeared first on Република.

Филип Миркуловски го одигра последниот натпревар во дресот на Македонија. Се прости на најдобар можен начин, со победа и со пласман на Македонија на Светското првенство.

Миркуловски по мечот кажа дека му било чест што играл за Македонија, и секогаш го давал максимумот.

„Ми беше чест, секогаш сум го давал максимумот во репрезентацијата. Јас кога започнав со репрезентација, беше тешко, игравме предквалификации, квалификации. Овие генерации имаат можност да играат на европски, светски првенства и да се градат со натпревари со најсилните… Имаме наследство за понатаму, да се градат преку СП и Европски првенства, а не како ние преку квалификации. Има доста добри ракометари оваа генерација и мислам дека ќе направат голема кариера. Дај Боже да направат поголема кариера. Тоа ќе биде многу моја желба“, рече Миркуловски.

https://republika.mk/sport/rakomet/mirkulovski-zamina-vo-penzija-rfm-mu-podari-vramen-dres/

The post Миркуловски: Ми беше чест што играв за Македонија! appeared first on Република.

Mакедонскиот среден бек Филип Миркуловски, денеска се збогува од репрезентативниот дрес. Ракометарот кој бепе дел од големите настани, Европските и Светски првенства денеска беше испратен во пензија, пред стартот на решавачкиот реванш бараж за пласман на СП 2023 против Чешка.

Миркуловски со подарок дрес со бројот 13 од претседателот на ракометната федерација (РФМ), Живко Мукаетов беше испратен во пензија и вечерва во СЦ „Јане Сандански“ е неговиот последен меч за Македонија. Миркуловски уште во јануари после настапот на ЕП 2022, објави дека од јуни оди во комплетна ракометна пензија.

Поранешниот ракометар на Металург, беше дел од генерацијата која пред една деценија го оствари најголемиот успех со петтото место на ЕП 2012 во Србија.

Иако постоеше најава дека тоа ќе биде случај и со Кире Лазаров, селекторот не доби врамен дрес, како јасен предзнак дека би можело да дојде до „промена на планот“ и тој и во иднина да продолжи да го носи дресот на Македонија.

The post Миркуловски замина во пензија, РФМ му подари врамен дрес appeared first on Република.

Најдобриот македонски ракометар на сите времиња, Кирил Лазаров и еден од најдобрите централни бекови Филип Миркуловски, вечер ќе ги имаат своите последни репрезентативни настапи. Двајцата ќе бидат дел од македонската селекција која ќе го игра реваншот со Чешка во финалето на плејофот за пласман на Светското првенство 2023.

На првиот меч одигран пред четири дена во Злин, резултатот беше нерешен 24:24, иако во почетните минути од второто полувреме македонските ракометари имаа седум голови предност.

Лазаров кој ја извршува и селекторската функција посакува било каква победа и остварување на целта – задржување на континуитетот на учества на големите натпреварувања.

Верувам дека со помош на седум илјади наши навивачи кои ќе ни бидат ветер во грбот, а не психолошки притисок, ќе ја победиме Чешка. Најважно е да победиме без разлика дали тоа ќе биде со еден, два или повеќе голови. На нивни терен покажавме дека имаме квалитет. Знам и дека за реваншот Чесите ќе се подготват добро и дека нема да биде воопшто лесно. Ние имаме добар резултат, позитивен, никогаш сме немале ваков во еден бараж натпревар, изјави Лазаров.

Натпреварот ќе се игра во СЦ „Борис Трајковски“ вечер со почеток во 19 часот. Сите билети се распродадени па се очекува огромна поддршка од трибините за македонските ракометари.

The post Вечерва е последниот меч во македонскиот дрес за великаните Кире Лазаров и Филип Миркуловски appeared first on Република.

Филип Муркуловски одлично ги искористи минутите на паркетот во Скопје и имаше солидна претстава против Романците, а на прес-конфренцијата истакна дека било прекрасно да се игра пред ваква атмосфера.

„Прекрасно беше да се игра пред оваа атмосфера. Невозможен беше овој резултат ако не беше овој амбиент. Мора да бидеме внимателни, оваа залиха е добра и треба да играме како да е 0-0. Романците демонстрираа добра партија, и покрај тоа што имаат многу повредени ракометари. Филип Талески има квалитет и може да игра на ова ниво во двата правци. Денес гледачите го скандираа неговото име. Треба да му се даде поддршка и да се верува во него“.

The post Миркуловски: Треба да се даде поддршка на Талевски, треба да се верува во него appeared first on Република.

Најискусен по селекторот во нашата ракометна репрезентација е Филип Миркуловски. Со слична задача како и Лазаров, средниот бек ќе работи и на теренот, но и надвор од него во стручниот штаб.

Пред натпреварот со Словенците, Миркуловски ги изнесе своите очекувања од подмладениот тим.

Јас доцна се приклучив на подготовките, но сепак гледам дека сите се подготвени. Словенија како што кажаа сите е фаворит. Се работи за играчи кои настапуваат во големи клубови. Резултатите на последните собири им се добри, ама ние сме добро спремни на тактички план. Имаме ковид-проблеми, ама имаме широк ростер. Мора да го дадеме максимумот и да ја добиеме оваа средба во дефанзива. Сметам дека имаме шанси да приредиме изненадување, смета Миркуловски.

The post Миркуловски: Словенците може да ги добиеме во одбрана appeared first on Република.