Македонскиот репрезентативец Елиф Елмас поради повреда нема да игра фудбал до крајот на годината.

Елмас се повреди повреди во средата, во претпоследното коло во Лигата на нации против Латвија во Скопје. Поради повредата беше заменет во првото полувреме.

Лекарските прегледи направени во клубот, потврдиле дека повредата е посериозна, Елмас скинал мускулни влакна поради што ќе отсуствува шест недели.

Ова значи дека на тренереот Марко Росе ќе му биде достапен по божиќните празници, односно кога Лајпциг ќе ги започне мини подготовките за вториот дел од сезоната. Вообичаено во Бундеслигата има пауза меѓу есенскиот и пролетниот дел од сезоната. Вториот дел од сезоната во Германија ќе започне на 12 јануари.

Прашање е дали Елмас ќе му се стави на располагање на тренерот Росе, од причина што сака да замине бидејќи во Бундеслигата сезоната настапи на само два натпревари и одигра вкушно 44 минути.

Нејсно е и доколку Елмас реши да замине дали ќе оди на позајмица или Лапјциг ќе го продаде.

Наводно сериозен интерес за него покажале турските великани Фенербахче и Галатасарај.

Извор: Курир

The post Елмас поради повреда нема да игра фудбал до крајот на годината appeared first on Република.

Фудбалската репрезентација на Македонија ја дочека Летонија во петтото коло од Лигата на нациите, но на самиот старт од натпреварот се случи незгода за македонскиот тим. На повреда се пожали Ељиф Елмас.

Фудбалерот на Лајпциг во 24. минута ја исфрли топката во аут збунувајќи ги присутните, а потоа сигнализира кон клупата дека не може да продолжи.

Елмас не беше во некој остар дуел, па нејасно е од каква природа е повредата. На негово место селекторот Милевски го пушти Лирим Ќамили.

The post Елмас се повреди во дуелот со Летонија appeared first on Република.

Екипата на РБ Лајпциг забележа домашна победа од 4:2 над Сент Паули во натпревар од второто коло на Купот на Германија.

Македонскиот репрезентативец Елиф Елмас, кој влезе од клупата, асистираше за последниот гол на домашните, откако му додаде на Антонио Нуса за гол во 80-тата минута. Елмас имаше одличен обид да реализира и гол, но противничкиот голман го одбрани неговиот шут.

The post Eлмас влезе во игра, Лајпциг победи appeared first on Република.

Тренерот на Атлетико Мадрид, Диего Симеоне е задоволен од играта на неговиот тим синоќа на средбата со Лајпциг. Атлетико победи со 2:1 во натпреварот од 1. коло во фудбалската Лига на шампионите.

- Контролиравме 80 проценти од натпреварот. Не можевме да го запреме контранападот кога примивме гол. Тие одлично напаѓаа во транзиција, но откако ќе ја освоевме топката успевавме да ги забавиме. Игравме повеќе на нивната половина од теренот, заработивме неколку корнери и создадовме четири добри шанси за гол. Добро е што Љоренте и Гризман иницираа изедначување. Тоа ни овозможи подоцна да ги освоиме трите бода, истакна Симеоне.

За Лајпциг последните десетина минути ги одигра македонскиот репрезентативец Елиф Елмас.

Во второто коло Атлетико Мадрид на 2 октомври гостува кај Бенфика, а истиот ден Лајпциг ќе го пречека Јувентус.

The post Eлмас играше десет минути во ЛШ, Лајпциг загуби appeared first on Република.

Елитниот германски медиум „Билд“ направи репортажа во која Елмас открива како го поминува времето кога е без клупски обврски. Семејството на Елмас во Скопје е познато и по слаткарницата „Мандарин“ која ја поседуваат во населбата Автокоманда.

Во летниот период токму Елиф е еден од помошниците во објектот.

Златно дете

The post Златно „дете“: Елмас преку лето помага во слаткарницата на неговите родители во Автокоманда appeared first on Република.

Еден од најдобрите македонски фудбалери, Елиф Елмас во интервју за турската агенција Анадолу вели дека пред македонскиот репрезентативен фудбал и натаму ќе следат успешни денови ако се истрае во вербата за оваа подмладена селекција која ќе има многу што да каже на интернационалната сцена.

Елмас нагласува дека негов сон е да игра на едно светско првенство, а верува дека Македонија повторно наскоро ќе игра на Европско првенство по она свое дебитантско во 2021 година.

„Сонувам да играм и на Светско првенство. Знам дека е тоа тешко затоа што секогаш е тешко да се најде поголем избор квалитетни репрезентативци за Македонија која е мала држава, за разлика од Турција која има 80 милиони жители. Но, мислам дека во иднина ќе постигнуваме повторно добри резултати, затоа што има навистина добра атмосфера во новата подмладена селекција која има перспектива и свои цели од кои не се откажува“ – вели Елмас.

Неизбежно, фудбалерот на германски Лајпциг се осврнува и на можноста од минатото да го облече и дресот на турската репрезентација кога доби повик во 2017 година.

„На 5. јуни 2017 година во Скопје, Турција имаше натпревар со Македонија кој заврши 0-0. Непосредно пред тоа селекторот на Турција, Фатих Терим испрати повик да играм за нивната репрезентација, но тоа не се случи. Тогаш бев повикан во младата репрезентацијата на Македонија со која настапив на Европското првенство 2017, а таа година и дебитирав и за сениорската селекција“ – истакнува Елмас.

Македонскиот фудбалер сега го очекува својот блесок во Лајпциг, по онаа своја епизода во Наполи за која е сигурен дека беше повеќе од успешна за него.

„Имав успешен период во Наполи, иако понекогаш бев замена. Бев третиот играч со најмногу асистенции и голови по Осимен и Кварацхелија. Ја освоив и шампионската титула во Серија А по 33 години во Наполи и го освоивме и Купот на Италија. Претпочитав да се прклучам на Лајпциг бидејќи сакав тим во кој ќе може постојано да играм. Лајпциг е тим кој им дава шанса на младите играчи. Сега се адаптирам на германскиот фудбал и сигурно е потребно малку време. Но, следната сезона сигурен сум дека ќе го гледате оној вистинскиот Елиф Елмас“ – истакнува еден од најдобрите македонски фудбалери

The post Елмас: Турција испрати повик да играм за нивната репрезентација, но ја одбрав Македонија appeared first on Република.

Елиф Елмас беше и не влезе во игра на вчерашната висока победа на Лајпциг над Келн со 1-5 нагости.

Фудбалерите на Лајпциг  за во вториот дел целосно да го скршат отпорот на домаќините. Со ова покажаа дека поразот од Реал во ЛШ делуваше мотивирачки.

The post Eлмас не влезе воопшто во игра appeared first on Република.

Играчот од средниот ред на Реал Мадрид, Едуардо Камавинга изрази мислење дека „кралскиот клуб“ секогаш е фаворит за освојување на Лигата на шампионите.

- Лигата на шампионите е сосема поинаков турнир. Секој сака да го освои овој турнир. Тој е исто така пократок од Ла Лига. Нивото е исто така повисоко. Реал секогаш е фаворит на овој турнир, рече Камавинга, цитиран од AC.

Реал последен пат ја освои Лигата на шампионите во 2022 година, победувајќи го Ливерпул со 1:0 во решавачкиот натпревар.

Реваншот од осминафиналето на Лигата на шампионите помеѓу Реал Мадрид и РБ Лајпциг ќе се одигра во среда, на 6 март. Во првиот натпревар, „белите“ го победија својот противник на гости со 1:0. дс

The post Дали Елмас може да го сруши Реал? appeared first on Република.

Нашиот најдобар фудбалер Елиф Елмас не е стандарден ниту во новиот клуб Лајпциг. Тоа му паѓа тешко па затоа семејството дојде од Скопје да му помогне полесно да ја надмине оваа тешка состојба.

Семејството Елмас го посети Берлин, се сликаше пред Бранденбуршката порта, а го посетија и познатиот турски ресторан Mihmandar.

The post Семејството е најважно: Елмас со најблиските во прошетка на Берлин appeared first on Република.

Здраво јас Елиф Елмас и доаѓам од Македонија-рече Елиф на претставувањето во новиот клуб.

Тој објасни и што очекува во дресот на Лајпциг.

Со моето семејство ќе се преселам во Лајпциг. Со мене ќе дојдат и моите родители и браќата и сестрите. Мојот соиграч во Наполи, Диего Деме, долго време играше за РБЛ и добро го познава градот. Од него добив неколку совети. Сакам да научам германски што е можно побрзо. Мислам дека е навистина важно да можам да го зборувам јазикот бидејќи ќе можам поефективно да комуницирам со моите соиграчи. Дајте ми четири или пет месеци за да се снајдам, потоа ќе го видите вистинскиот Елмас“, беше пораката на Елмас,

The new boy has arrived 🌪️

🎥 Watch our first interview with new signing Eljif Elmas ➡️ https://t.co/1ECk3my7MF pic.twitter.com/BDqm38kkkA

— RB Leipzig English (@RBLeipzig_EN) January 4, 2024

The post За Елмас нема „северна“: Здраво јас сум Елиф и доаѓам од Македонија appeared first on Република.

Нашиот Елиф Елмас ги почна подготовките во дресот на Лајпциг. Тимот е во топлата Шпанија каде ќе остане до стартот на вториот дел од сезоната во Бундес Лигата.

Тренерот Марко Росе за клупскиот сајт зборуваше за вториот дел од сезоната, за новините во неговиот тим и за новото засилување.

Елиф е нашата опција за оваа позиција по нивните заминувања. Нашиот ростер не е широк, но е многу квалитетен. Елиф е сестран играч. Тој може да игра како главен играч од средниот ред, потоа како офанзивен играч за врска па дури и по крилните позиции. Тој е технички надарен, но исто така напорно работи. Лапциг доби големо засилување“, изјави Марко Росе.

The post Топлата Шпанија за почеток во дресот на Лајпциг за Елмас appeared first on Република.

Еден од најдобрите македонски фудбалери, Елиф Елмас со емотивна порака се збогуваше од својот досегашен клуб Наполи.

- Драги фанови, ме дочекавте како дете, ме разгалувавте, ме заштитивте, ми помогнавте да израснам во маж. Заедно доживеавме убави моменти, поминавме незаборавни ноќи и доживеавме неописливи радости.

Да се ​​биде дел од наполитанското семејство беше привилегија. Тука имав можност да запознаам фантастични луѓе и да создадам пријателства кои секогаш ќе ги носам со мене. Твојата наклонетост, твојата топлина, твојата радост и твојата љубов ќе ме придружуваат насекаде. Дојде време да се збогуваме, нашите патишта се разминуваат, но нашата врска ќе биде вечна. Да се ​​биде дел од Наполи и да се пишува историјата на овој град е нешто уникатно. Благодарност до претседателот, клубот, тренерите, моите соиграчи и сите соработници кои вршат исклучителна работа.

Фала Неапол. Благодарност до вас фантастични фанови кои направивте да се чувствувам како дома изминатите пет години. Ве сакам дечки. Наполи ќе останеш засекогаш во моето срце... сино! – напиша Елмас на Инстаграм.

Македонецот од Наполи се пресели во Лајпциг и продолжува од италијанската Серија А во германската Бундеслига. 

The post Елмас: Да се ​​биде дел од наполитанското семејство беше привилегија appeared first on Република.

Македонскиот фудбалски репрезентативец Елиф Елмас успешно ги мина задолжителните медицински прегледи и потпиша денеска долгогодишен договор со германскиот прволигаш Лајпциг.

Трансферот на Елмас од Наполи во Лајпциг, според медиумите, изнесува 25 милиони евра, плус еден милион евра во бонуси.

Дваесетичетиригодишниот македонски репрезентативец се обврза на верност со Лајпциг до 2028 година.

Елмас се сели во германскиот прволигаш од редовите на Наполи каде дојде од Фенербахче во 2019 година за 16 милиони евра.

Елмас треба да им се приклучи на новите соиграчи во шпанска Ла Манга од 2 до 7 јануари.

Бундеслигата продолжува кон средината на идниот месец, а Лајпциг во првиот натпревар на 13 јануари е домаќин на Ајнтрахт Франкфурт.

Новиот клуб на Елмас во моментов е четвртопласиран во Бундеслигата со 33 бодови, девет помалку од лидерот Баер Леверкузен.

The post Eлмас ќе има крилја, потпиша за Лајпциг appeared first on Република.

Бундеслигашот Лајпциг е во преговори во јануарскиот преоден рок да го ангажира фудбалерот на Наполи, Ељиф Елмас, објави новинарот и добар познавач на италијанскиот фудбал, Фабрицио Романо.

Според, Романо Лајпциг е во сериозни преговори со Наполи за потенцијален потпис на 24-годишниот македонски репрезентативец и веќе има понуда од Лајпциг тешка 25 милиони евра.

Исто така, се посочува дека Елмас е отворен за напуштање на „Марадона“ и дека е подготвен за нов предизвик следната година, откако не успеа во Наполи да си обезбеди место во стартниот состав.

Елмас во тековната сезона има 11 настапи во Серија А, постигнувајќи два гола, но одигра само 334 минути првотимски фудбал во лигата и лесно е да се види зошто би сакал промена на клубовите

The post Лајпциг е многу блиску до Елмас appeared first on Република.

Наполи ја победи Салернитана со 2:0 на гостински терен во натпреварот од 11. коло во италијанската Серија А.

Денешната победа на тимот на Руди Гарсија ја донесоа Џакомо Распадори (13. минута) и македонскиот фудбалски репрезентативец Елиф Елмас (82. минута).

„Наполитанците“ се искачија на четвртото место во Серија А со 21 бод.

Салернитана остана на дното на табелата со само четири освоени бода.

The post Елмас постигна гол, Наполи ја победи Салернтиана со 2:0 appeared first on Република.

Елиф Елмас одигра уште еден брилијантен натпревар во дресот на македонската репрезентација. Неговиот обид во 75.минута, кога топката за малку заврши крај голот, беше најава за голот на Барди со кој Македонија одигра 1:1 против Италија.

Елмас пред мечот имаше емотивна средба со поранешниот тренер Лучано Спалети, кој дебитираше како селектор на Италија.

Секогаш е тешко кога играш против европски првак. Игравме дисциплинирано и во првото и во второто полувреме. Тактички игравме дисциплинирано. Кога го примивме голот моравме да ја смениме концепцијата, видовте дека тогаш излеговме високо, игравме човек на човек. Тогаш се смени текот на играта. Теренот беше многу лош. Во вакви услови е недозволиво да се игра во Европа“, рече играчот на Наполи по мечот.

The post Елмас: Теренот беше многу лош, недозволиво е да се игра вака во Европа appeared first on Република.

Италија во Скопје ќе ги одмери силите со Македонија во квалификациски меч за пласман на ЕП 2024. „Аѕурите“ доаѓаат со нов селектор, Лучијано Спалети кој минатата сезона како предводник на Наполи го освои „скудетото“ во Серија А. Сега првпат е на чело на репрезентација.

„Можам да кажам дека сум трогнат, почестен и горд што ја добив оваа улога. Претседателот на ФС ми ги обезбеди најдобрите фудбалери и навистина сум среќен што ги добив сите играчи кои јас ги посакав.Јас сум тренер кој не сака да ги ограничува играчите. Сакам тие да ја покажат својата фантазија на теренот. Утре ќе има моменти кога ние ќе напаѓаме, но ќе има моменти и кога противникот ќе ја има топката и ќе треба да се браниме. Сакам да играме фудбал, убав фудбал, затоа што низ оваа игра треба да предизвикаме и емоции за сите кои нѐ имаат во срцето“, рече Спалети.

За македонскиот национален тим и за играчите…

„Елиф Елмас за нене е како син. Секогаш сметав на него кога беше најпотребно, а тој го даваше најдоброто од себе. Утре ќе има многу чувства кога ќе го прегрнам. И двајцата ќе сакаме да победиме. Тој е многу добар играч, но и оние кои сега ќе му бидат од другата страна се исклучителни играчи“, додаде италијанскиот стратег.

За оној меч во Палермо…

„Многу пати го гледав мечот во Палермо. Можам дури и да го раскажам. И заедно со моите асистенти го гледавме многу пати. Од тој меч успеавме да извлечеме многу работи за да ја градиме стратегијата за утрешниот натпревар“, е коментарот на екс-тренерот на Наполи.

Извор: Спорт

The post Спалети: Елиф ми е како син, утре ќе го прегрнам, ќе имаа многу емоции appeared first on Република.

Панчо од ДНК вчера ја изненади публиката со неговата најнова песна со наслов „Мами“, кој за првпат откако постои нивното дуо реши да ја изведе без неговата добро позната половина - Андреј. Сепак, Панчо оваа песна ја сними со одобрение и благослов на Андреј, кој од оправдани причини во моментов на снимањето не беше во Македонија.

Станува збор за нешто поразлично, нешто што е многу популарно во светот и се нарекува афро звук. Се разбира, како останатите песни на ДНК, така и оваа ја создадоа вредните раце на Панчо и продуцентот Лазар Цветкоски.

Како што рековме, нешто поразлично од она што досега сме биле можеби навикнати да го слушаме од оваа музичка екипа, но ако ги земеме в предвид реакциите на социјалните мрежи, очигледно на публиката и се допаѓа „Мами“.

А Панчо не би бил Панчо ако и овојпат не се потрудеше да сними интересен видеоспот. Имено, спотот за новата песна е снимен градот Наполи и тоа токму во времето кога клубот на нашиот дијамант Елиф Елмас ја славеа освоената шампионска титула во Калчо лигата каде што Панчо и екипата која беше со него беа токму гости на Елмас.

Покрај одличната атмосфера од градот која е доловена во видеото, Панчо снимаше и во затрупаниот град Помпеја и Салерно, градот од каде започнува да се простира Амалфскиот брег.

Морам тука да му се заблагодарам многу на Елиф за тоа што не пречека, ни обезбеди и влезници за натпреварот и не покани на забавата каде заедно со фудбалерите на клубот ја славеа шампионската титула, изјави Панчо без да открива многу детали за дружбата со нашиот фудбалски дијамант со кој се многу блиски пријатели.

Инаку ова лето дуото ДНК ќе одржи многу настапи ширум нашата земја, а во блиска иднина ќе слушнеме и нешто ново од музичкото трио Панчо, Андреј и Лазар Цветкоски..

Но да не должиме многу, погледнете го спотот за „Мами“ и сподлете ако ви се допаѓа на вашите социјални мрежи:

https://youtu.be/_KPECSa4qg0

The post Елиф Елмас, титулата и Наполи во новиот спот на Панчо од ДНК за „Мами“ appeared first on Република.

Навивачите на Наполи во голем број до доцна во ноќта ја славеа низ улиците во Неапол првата шампионската титула на италијанскиот клуб по пауза од 33 години.

Луѓето пееја и играа на улиците, дел од нив од среќа скокаа во градските фонтани, додека многумина отпоздравуваа со развиорени клупски знамиња возејќи се со скутери низ улиците во Неапол.

Наполи синоќа ја завери титулата со Серија А, прва по пауза од 33 години, откако го освои потребниот бод на гостувањето против Удинезе (1-1).

„Во нашите срца живееше еден сон, Наполи повторно да биде шампион“, пееја насобраните навивачи на Наполи на градските улици.

„Плачам. Ова е историски момент“, изјави за Би-Би-Си, 13-годишнито навивач на Наполи, Едоардо Напа. Тој е дел од младата генерација навивачи на Наполи, кој не бил роден кога клубот предводен од Диего Марадона, последен пат ја освои шампионската титула во 1987 и 1990 година.

За шампионската прослава на локалните жители во Неапол им се приклучија и навивачи од другите делови на Италија, како и од Франција, Шпанија и Велика Британија, прославувајќи го успехот со торти, сладоледи и пијалаци.

„Се чини дека светот овде застанал. Оваа прослава ќе трае најмалку еден месец. Ќе трае до лето. Чувствито е неверојатно. Наполитанците внесуваат љубов во сè што прават, вклучувајќи го и фудбалот“, изјави студентката Амелија Бафи, која од Рим допатува на шампионското славје во Неапол

The post Неапол гори: По Пандев и Елмас освои шампионска титула во Италија appeared first on Република.

Екипите на Милан и на Реал Мадрид се стекнаа со предност по вечерашните домашни победи над своите ривали Наполи, односно Челзи во четвртфиналето од фудбалската Лига на шампиони.

Милан со голот на Алжирецот Исмаел Бенасер (40.минута) го победи Наполи за кој цел натпревар одигра македонскиот репрезентативец Елиф Елмас. Наполи натпреварот го заврши со фудбалер помалку поради исклучувањето Андре Замбо Ангуиса во 74. минута.

Реал Мадрид пред своите навивачи го совлада Челзи со 2:0. Карим Бензема во 22. и Марко Асенсио во 74. минутаа се запишаа во листата на стрелците и двајцата на асистенција на Винисиус Жуниор.

Реваншите ќе се играа на 18 април во Неапол и во Лондон

The post Eлмас за малку ќе дадеше гол против Милан appeared first on Република.