На аеродромот во Трстеник, Србија, од 6 до 8 септември, се одржа шестиот меѓународен Бланик куп, натпревар во едриличарство кој годинава собра повеќе од 50 учесници од цела поранешна Југославија, како и од Русија, Украина, Полска, Бугарија, па дури и од Шведска.

Натпреварот се одржа во две категории: професионален со 38 натпреварувачи и мотивациски со 17 натпреварувачи, што го прави најмасовниот настан од ваков тип во регионот.

Во поединечен пласман во професионална категорија првото место го зазеде Марјан Ивановски од АК Штип, втор Слободан Ѓуровиќ од Трстеник и трет Ибрахим Топиќ од АК Бихаќ. Во мотивациската категорија првото место му припадна на Миодраг Јовановиќ, втор беше Никола Грујичиќ од Приједор и трет Дејан Нововиќ од Беран.

Најголемо внимание и воодушевување предизвикаа изведбата и акробатските елементи кои својот авион Цитабри ги изведе Јован Трајков, гостинот од Македонија, пренесува впечатоци порталот „Аеро“.

The post Акробациите на Јован Трајков најголем хит на Бланик купот во Трстеник appeared first on Република.

Полициски службеници на Полициската станица за граничен надзор „Охридско Езеро” спасиле пет лица од едрилица на Охридското Езеро.

По пријава дoбиена околу 19 часот во СВР Охрид дека во водите на Охридското Езеро, сопственик на пловен објект-едрилица, на која покрај него се превезувале уште четири лица, изгубил контрола поради невремето и поради кршење на крмен лист, полициски службеници на Полициската станица за граничен надзор„Охридско Езеро” веднаш излегоа на терен и околу 19.25 часот ја пронајдоа едрилицата на околу 7000 метри од брегот на езерото, во близина на границата со Република Албанија, информираа синоќа од МВР.

Н.Б. (55) од Охрид, кој ја управувал едрилицата заедно со другите лица кои се превезувале на неа се спасени и безбедно пренесени до Полициската станица за граничен надзор „Охридско Езеро” во добра здравствена состојба, без повреди, соопшти МВР.

The post Спасени пет лица од едрилица кои се изгубиле во Охридското Езеро поради невремето appeared first on Република.

Полицијата за граничен надзор „Охридско Езеро“ интервенирала за спасување при ситуација со превртување едрилица во езерските води.

Интервенцијата следувала на 31 јули, откако околу 17:45 часот во СВР – Охрид било пријавено за превртен пловен објект во водите на Охридското Езеро кај Дебрчка плажа.

Околу 18 часот пловниот објект е пронајден два километри од брегот и утврдено е дека станува збор за превртена едрилица - катамаран на која имало три лица.

Како што информираше Стефан Димовски, портпаролот на СВР – Охрид, лицата на возраст од 53, 50 и 49 години, сите од Скопје, се пронајдени во непосредна близина, во добра здравствена состојба, без повреди, а според нивниот исказ причина за незгодата бил силен ветер.

Екипите на Езерската полиција го вратиле превртениот катамаран во пловна состојба, а лицата се пренесени на копно, до сместувачкиот објект.

The post Спасени тројца скопјани во Охридското Езеро откако им се превртила едрилицата appeared first on Република.